|
|
 بمناسبة موسم الحنين الشغال : صحافة 30 / محمد عثمان .. بالله ( عُشرة الأيام ) و زي ما تجي تجي
|
حال ما حال يا مسلمين ..
وكت الحكاية جابت ليها حنين و أشجان و نصايب تانية ..
و المنبر جاب ليهو ( موت سريري منسدح على قفاهو ) ..
أخير نمرق الفي النفيسة قبل ما موسم الحرابة و السغافة و الشتيمة الكعبة يجينا صاد .
زبدة الكلام يا حسام ياخي ..
أدينا عشرة الأيام , و كتّر لينا بالله من :
( بعدك أماني هواي ياما جَنيتا عدم
و لا عرفتَ شريك لي قلبي غير الهم
كم غيري يشدو سعيد و أنا في هواك مُغرم
ما أظني يوم أنساك و من العذاب أسلم )
إنّا لله ..
....
خدر و صلاح عبدالله و عادل جبارة و دوما و ثروت و حيدر و الجندرية ..
و لا كلمة ما دايرا منكم ..
غادي غادي بالله .
|
|
 
|
|
|
|
|
|
|
|
Re: بمناسبة موسم الحنين الشغال : صحافة 30 / محمد عثمان .. بالله ( عُشرة الأيام ) و زي ما تجي ت (Re: Emad Abdulla)
|
عشرة الأيام ما بصح تنساها
كأنه ما حبيتك وكأنو ما عشناها
وضمانا أحلى غرام
ليه تجفا دون أسباب
من غير عتاب أو لوم
أخترت غيري صحاب
وأصبحت قاسي ظلوم
هان ليك فراقي خلاص
وانا برضي حولك أحوم
كان عهدي بيك ترعاه
وأجمل صلاتنا تدوم
أمل المحبة سلام
بعدك أماني هواي
بعدك جنيته عدم
ولا عرفت صديق
لي قلبي غير الهم
كم غيري يشدو سعيد
وأنا في هواك مغرم
وريني أيه ضراك
لو كان صبرت شويه
وأسلم في الأوهام
ما كان فراقنا المر
في بيتي أو في إيدي
لكن ظروفك أبت
وقست ظروفي علي
واتلاشت الأحلام
وين حسن ظنك بي
وريني أيه صداك
لو كان صبرت شوية
عمر السنين أيام
وعشرة الأيام ما بصح تنساها
| |
|
|
|
|
|
|
|
|
|
Re: بمناسبة موسم الحنين الشغال : صحافة 30 / محمد عثمان .. بالله ( عُشرة الأيام ) و زي ما تجي ت (Re: Huda AbdelMoniem)
|
| Quote: فـي داعـي تبكيـني كـدة |
خاتي و غلطان يا هدى ياخ ..
لكن أنا ما زاتي قاعد على الهبشة يا أمم ..
( إنعام يا حاقدة .. أنا قعدتي سِبه بلا سبب ) ..
أقول ليك زي بكيتك دي جاتني زمااااان ..
و في محطة قطر سندة .. في الخلا , في كردفان و الواطـة ليل ..
المنعول الفي عربية الدرجة التانية الفاتح الراديو منو ؟ .. ما عرفتو ..
و كنت ( كويس ) في الليل داك ..
تقوم تجي مارقة عشرة الأيام ..
و ما عملت حساب الخلا داك و الليل و الكواسة بتاعت الراس و الحبيبة الخاينة بت اللذين ..
و بس .. أديها ليك واحد بكية من الحتة ديك لغاية كوستي تاني يوم .
.....
غايتو .. و نِعمَ بالله .
| |
|
|
|
|
|
|
|
|
|
Re: بمناسبة موسم الحنين الشغال : صحافة 30 / محمد عثمان .. بالله ( عُشرة الأيام ) و زي ما تجي ت (Re: osman righeem)
|
بالله يا عثمان ياخي ..
هسه في هامش و مركز في ليلنا ده ؟؟
يتقاطع الحزن بالفرح بالمساغب من تالاها بالأشواق القديمة بكل خير الدنيا و شرها ..
ياخي الليل ده مصفى .. و أخرامها ناعمة ..
يشيل منك حُتراب الدنيا والعالمين .. و بالك روّاقو يشتغل ..
تنزل المواجد تحت .. و يطفو البني آدم منقّا من عفرة النهار أبو محن ..
و تتم الناقصة بشي زي عشرة الأيام دي .
يا صديقي الغنا بيشفي و يغسل ..
و يتمّر الروح .
ما معانا حزن في الليل ياخي ..
فترنا منها أحزان السجم دي .
بكره أحلى ..
على قول رجاء .
| |
|
|
|
|
|
|
|
|
|
Re: بمناسبة موسم الحنين الشغال : صحافة 30 / محمد عثمان .. بالله ( عُشرة الأيام ) و زي ما تجي ت (Re: osman righeem)
|
B]
بالله يا عثمان ياخي ..
هسه في هامش و مركز في ليلنا ده ؟؟
يتقاطع الحزن بالفرح بالمساغب من تالاها بالأشواق القديمة بكل خير الدنيا و شرها ..
ياخي الليل ده مصفى .. و أخرامها ناعمة ..
يشيل منك حُتراب الدنيا والعالمين .. و بالك روّاقو يشتغل ..
تنزل المواجد تحت .. و يطفو البني آدم منقّا من عفرة النهار أبو محن ..
و تتم الناقصة بشي زي عشرة الأيام دي .
يا صديقي الغنا بيشفي و يغسل ..
و يتمّر الروح .
ما معانا حزن في الليل ياخي ..
فترنا منها أحزان السجم دي .
بكره أحلى ..
على قول رجاء .
| |
|
|
|
|
|
|
|
|
|
Re: بمناسبة موسم الحنين الشغال : صحافة 30 / محمد عثمان .. بالله ( عُشرة الأيام ) و زي ما تجي ت (Re: غاده محمد موسى)
|
لله و الرسول يا غادة يا بنيتي ..
الله لا جاب الوجع .. و لا الموت ..
هو الغنا ده يا غادة بلا التشتة اللت اليرقان ديك تاني بيشبه شي ؟؟
بيحرقك .. لكن فيهو الشفا .
كان عندنا زول بالحيل الغنا بيوجعو ..
و يمسك ليك في الشغلات الصغيرة ديك المدكنة بينات الكلام و النغم .. مدسوسة دس ..
الزول ده شايقي سمح سماحة الدنيا ..
يكون قاعد في صمة خشمو يسمع في الغنوة ..
فِنتِررب ينط و يديها جرية و يطنطن :
الله لا كسبكم بركة إلهي و سيدي كان دايرين تكتلوني يا الغنايين ..
واا ضيقي .. الليلي واا ضيقي ..
و يقوم .. و يقعد .. و يتململ لامن الغنية تكمل ..
حتين بعد داك الزول يلزم الجابرة .
.....
يا زولة موتي موتك ..
كلامي الفوق ده كلو ما بيجيب مريسة تامزين .
| |
|
|
|
|
|
|
|
|
|
Re: بمناسبة موسم الحنين الشغال : صحافة 30 / محمد عثمان .. بالله ( عُشرة الأيام ) و زي ما تجي ت (Re: محمد عثمان)
|
يا سلام عليك يا محمد ..
و أنا أقول الصفقة بتاعت النسوان المشلخات الفي أول الكُفر ديك وين ؟
مشلخات و صفاقات و لابسات الساعة بالشمال و مسايرهن مموجة ..
الناس زمان كانوا بيشبهوا الغنا حقهم ..
نُضاف و رايقين كده و كويسين ياخي .
عمنا اللواء عوض أحمد خليفة ده حكاية ..
كيف عسكري و مليان رقة زي دي البني آدم ده ؟؟
ربيع الدنيا .. خاطرك الغالي .. نورة .. صدقيني ..
أغلى من عيني .. كيف يهون .. أغلى الحبايب .. غاية الآمال ..
لو كنت ناكر للهوى زيك .
ده زول بديع بديع ..
و أبونا الشيخ عثمان حسين ركن من أركان عبقريات الموسيقى و الطرب ..
في المنطقة و يمكن العالم .
يديهم العافية قدر إمتاعهم لينا .
قدر جمالك يديك يا محمد ياخي .
| |
|
|
|
|
|
|
|
|
|
Re: بمناسبة موسم الحنين الشغال : صحافة 30 / محمد عثمان .. بالله ( عُشرة الأيام ) و زي ما تجي ت (Re: Emad Abdulla)
|
ياالله عليك ياعماد ,, ده شغل من بيت الكلاوى ,, الشمار كاتلنى ,, نفسى أعرف الليله
الحاصل عليك شنو ؟ تكون الليله ياربى قطعت الكبرى ؟ يأخـى الغنيه دى بالذات كنا
لما نسمعها بنبكى البكى أبو مخاخيت داك , وعثمان حسين كنا بنسك حفلاتو فى المدن
التلاته ونرجع مع تباشير الصباح مليانين شجن , ماعارف ده كلو مشى وين هسه , ليش
الرومانسيه ياعمده بتتلاشى مع تقدم العمر ؟ وتزورك مره مره زى حالتك الراهنه دى .
واحد صاحبى بيقول , الشايقيه ديل كان ماقدموا أى حاجه للسودان يكفيهم إنهم أنجبوا
لينا عثمان حسين ده ,, ردوم من الاشواق والتحايا ,,
| |
|
|
|
|
|
|
|
|
|
Re: بمناسبة موسم الحنين الشغال : صحافة 30 / محمد عثمان .. بالله ( عُشرة الأيام ) و زي ما تجي ت (Re: كمال سالم)
|
ما حاصل شي يا كيمو ..
شوية وحوَحَة في ( مدينة الجوف ) ..
إلا أبشّرك أخوك لزّام التقيلة تب ..
باقي لي بس أسوي زي عمك " مُخ " لما يسمع أبوداوود :
( خدام جنابن يا زميل ما زلت لامِن أنعدم ) ..
و طوالي أشق الجلابية و معاها كوراكة كوراكتين : أوووووووووووو .. أووووك .
غير كده ما عندي حاجة و لله الحمد .| Quote: ليش الرومانسيه ياعمده بتتلاشى مع تقدم العمر ؟ وتزورك مره مره زى حالتك الراهنه دى . |
القال منو مره مره ؟؟ قاعدة في حتتا .. و داسينها كضب ساكت ..
لكن عليَ الله يا كمال أي غنية من خمسة و سبعين و ورا تسمعها .. تلقاك رقدت حُمبُك ..
لمن الواحد جاهو حُكاك مستديم في الروح .. و كاروشة كاروشة .
عثمان حسين غناهو مفتري .. و ما بيرحم ..
الليلة ربك رب الخير مرقنا بي عشرة الأيام ..
ما عارف لو جابت ليها : ( النجم و المسا ) كان ودينا وشنا وين .
| |
|
|
|
|
|
|
|
|
|
Re: بمناسبة موسم الحنين الشغال : صحافة 30 / محمد عثمان .. بالله ( عُشرة الأيام ) و زي ما تجي ت (Re: ثروت سوار الدهب)
|
ثروت ياخ ليه ؟؟
إنت الشخيت السويناهو ليكم ده ما عاجبك يعني وللا كيف ؟؟
بعدين شوف الكلام في بساطة عبقريتو و صدقها :
( و إتلاشت الأحلام .. وين حُسن ظنك بيا ؟
وريني إيه ضرّاك لو كان صبرتَ شويه ) .
حُسن الظن .. شفت ؟
مفتاح المحبة .. حسن الظن .. !!!
ببساطة و كأنها أمر بدهي .
ياخي مجموعة قيم كان شايلا غنانا ده على بساطتو و عفويتو .. ( بقت هسه مأثورات أحفورية تليق بها المتاحف ) ..
جوه الغنوة البسيطة و عميقة دي تسجيل تأريخي لمرحلة إنسانية من عمر الأمة التعيسة دي ..
بقينا نسمع عن حاجات زي دي سمع ..
نقوم نحملها أشواقنا ليها في غيابها الشين الخلانا عريانين ..
( يا شناة الزول العريان .. و خِلاقة ) .
ده كلو كوم ..
و الضباحين ناس الكمنجات و الفلوت كوم تاني ..
و النسوان السمحات البيصفقن ورا ديك ..
و زُمبارة عثمان حسين الإلهية الفي صوتو .
.....
إنقلاب ما بتقلبونا ..
تعيش ديكتاتورية الحنين و الشجن .
| |
|
|
|
|
|
|
|
|
|
Re: بمناسبة موسم الحنين الشغال : صحافة 30 / محمد عثمان .. بالله ( عُشرة الأيام ) و زي ما تجي ت (Re: haroon diyab)
|
هارون يا قريبي ..
نحنا بخير و على خير ..
و الأولاد يسبحون بحمد ربهم .. و مشتاقهم ياخ ..
ثم بالله يا هارون سألتك بالذي سمكَ السماء مجاشعا إنك تسمع :
( في الدُجى شاقَ مسمعي
صوتها المُلهَمُ النغمْ
في الهوى هاجَ مدمعي
حُبُها الخالد الألمْ
كلما لاحَ بارقٌ
من محياها خافقُ
ماتَ بالهمِ عاشقُ
إنها رُقيتي التي
خلدتْ لحنَ شُهرتي
أسرَجَتْ ليلَ وحدتي
بالأسى و الصبابةِ ) .
و طوالي جُر الغطا و نوم يا هارون
نوم يا هارووووووون ..
تصحى الصباح كما ولدتك امك , خالٍ من الموانع .
| |
|
|
|
|
|
|
|
|
|
Re: بمناسبة موسم الحنين الشغال : صحافة 30 / محمد عثمان .. بالله ( عُشرة الأيام ) و زي ما تجي ت (Re: Safia Mohamed)
|
الله يتمِّرنا، بس بى "تمُرنا" ،
ياااا حليله يا عماد ،
عارف عثمان حسين ده لو غافلك
ولفحك بى صوته ده بليل!!! إنا لله ،
والله مش تبكى، ده يخليك تـ .... عديييل .
ما سمعته يا عماد، إلآ وتذكرت زجاجة (الليمونادة)
"المدقلبة" بتاعة مرطبات السكة حديد ديك، والكراسى
الحديدية المقوّسة، ولمبات الزينة الملونة الموضوعة
على حواف أسطح البيوت، وناس نضيييفة، جوه وبرّه ،
وزجاجات الشيرى والويسكى و "السواسيو" التى تنبت
فى رمال الصيوان فى اليوم التالى . أيام ما كانت
الخرطوم خرطوم، وأيام ما كانت الناس بتعرف كيف بتفرح،
وكيف بترقص، وكيف بتحب، وكيف بتعرِّس . يا سلام يا عماد
على هاديك الأيام، لكن الان، الان .... ولا سيبك يا راجل .
الله غالب .
| |
|
|
|
|
|
|
|
|
|
Re: بمناسبة موسم الحنين الشغال : صحافة 30 / محمد عثمان .. بالله ( عُشرة الأيام ) و زي ما تجي ت (Re: عبدالله شمس الدين مصطفى)
|
عبدالله ياخوي ..
أبوي الله يرحمو كان مسمى قزازة الليمونادة المفدوعة ديك : الجنجبيرة ..
زي الفيها زنجبيل و للا شنو ما عارف ..
و البزيانوس .. و الدبل كولا .
في الإتحاد الثانوية العامة .. أستانا طه حسب الرسول كان غول ..
غول و بيرعب مدرستنا و المدارس المجاورة .. زول صخرة و صارم و قاسي و شديد ..
ما متخيلو عندو علاقة بحاجة إسمها الغنا .. نهائي .. و لا عندو إضنين زاتو .
كان زمان في تقليد في المدارس إسمو الإذاعة الداخلية .. قاموا عملوا لقاء مع أستاذنا طه ..
و كنت أكن للرجل إعجاب و إحترام مشوب بالرهبة .. و كلامو عندي ما ينزل الواطـة ..
قالوا ليهو غنيتك المفضلة يا أستاذ , جاوب بهدوء و صرامة : أنا و النجم و المسا ..
من ديك يا عبدالله و هذه الأغنية و غيرها من خيرات أبونا عثمان حسين هم السند و العضد لما تضلم الحاجات .
( أنا و النجم و المسا
ضمنا الوجد و الحنين
جف في كأسنا الرجا
و بكت فرحة السنين
آهِ يا شاطيء الغدِ
أين في الليل مقعدي
أين بالله موعدي
...
يا خطاها على الربى
عطر أنفاسنا صبا
تحمل الشوق و الصبا
و الخيالات موكبا
و أنا كلما دنا
طيفها الحلو و أنثنى
عادني الهم و الضنى
.....
يا رجل خلينا ننفقه فقهينا ..
فقهنا بلا يطلع روحنا ياخ .
| |
|
|
|
|
|
|
|
|
|
Re: بمناسبة موسم الحنين الشغال : صحافة 30 / محمد عثمان .. بالله ( عُشرة الأيام ) و زي ما تجي ت (Re: Safia Mohamed)
|
ما بدورو ليك ..
أريتو ليل العدو يا صفية ..
بلا يكتّر عليك .. ما فيهو خير تاني ..
ما تسمعي النضمي حق المهترشين الفوق ده .
عمك منو القال :
( وليلٍ كمَوجِ البحرِ أرخَى سدولَهُ
عليّ بانواعِ الهمومِ ليبتلي
فقلتُ لهُ لما تمطّى بصُلبِهِ
وأردفَ أعجازً و ناءَ بكلكلِ
ألا أيُها الليلُ الطويلُ ألا انجلي
بصبحٍ وما الإصباحُ منكَ بأمثَلِ
فيا لكَ من ليلٍ كأنَ نجومه
بكل مغار الفتلِ شُدّتْ بيذبُلِ
كأن الثُريّا عُلقت في مصامِها
بامراسِ كِتّانٍ الى صَمِ جندلِ ) .
....
هسه في ذمتك يا صفية ..
ده شيتاً بيتشكّر ؟؟؟
| |
|
|
|
|
|
|
|
|
 Re: بمناسبة موسم الحنين الشغال : صحافة 30 / محمد عثمان .. بالله ( عُشرة الأيام ) و زي ما تجي ت (Re: Emad Abdulla)
|
Quote: خدر و صلاح عبدالله و عادل جبارة و دوما و ثروت و حيدر و الجندرية ..
و لا كلمة ما دايرا منكم ..
غادي غادي بالله . |
شوف جنس دا
انا زااااااااااتي ما دايرة لي كلام معاكم
اصلو كان ماكتلتوناناقصين عمر روحكم دي ماترقد
| Quote: ما أظني يوم أنساك و من العذاب أسلم |
شوف ليك جنس سيزيفية ، اها عتلو سمح
نسعل الله السلامة
بعدين تعال هنا يا اخوي
ما كنت تخت لي اي تاء مطرفة كدا
البوست دا شكلو حينقلب بالناس البتردح فيه دي
ويجو يرمو بلاهم علينا ، ويقول ليك ما كان تجيب ليك ساسوية
| |
|
|
|
|
|
|
|
|
|
Re: بمناسبة موسم الحنين الشغال : صحافة 30 / محمد عثمان .. بالله ( عُشرة الأيام ) و زي ما تجي ت (Re: Emad Abdulla)
|
حكاية الشواكيش دي (وأظن أن إسمها الرسمي:خيانة عشرة الأيام) المدورة من المهدية ديك، بالجد بتحير. شباب زي الورد يمشو بيت العرس (لاحظ في حتات تانية بسموه الفرح) ويقعدو يكبوكبو ورا الصيوان ويسمعو الفنان يغني (عني مالهم صدوا وإتوارو....عشرة الأيام....ياخاين .....إنت لو راضى البعاد ..... في الليلة ديك) ويجعرو (لاحظ أنو ست الشاكوش بتكون قاعدة في الكوشة ومتمرة زي الرتينة) في ناس أكثر شجاعة (ولا أتخن جلد ما عارف) بيرقصوا مع الأغاني دي. أها كلها يومين تلاتة تسمع بزولك يا مغترب يا شاعر (ومرات كدا مغترب وشاعر)
غايتو نحن طالما السودان طلعنا منو سالمي الإعضاء (بما في ذلك القلب) تاني ما بتجينا عوجة
عشرة الأيام شنو بالبتبكيني أنا!!!!!
يسمعن
| |
|
|
|
|
|
|
|
|
|
Re: بمناسبة موسم الحنين الشغال : صحافة 30 / محمد عثمان .. بالله ( عُشرة الأيام ) و زي ما تجي ت (Re: Emad Abdulla)
|
الحبيب القريب / عماد عبد الله
مساء منور
Quote: هارون يا قريبي ..
نحنا بخير و على خير ..
و الأولاد يسبحون بحمد ربهم .. و مشتاقهم ياخ ..
ثم بالله يا هارون سألتك بالذي سمكَ السماء مجاشعا إنك تسمع :
( في الدُجى شاقَ مسمعي
صوتها المُلهَمُ النغمْ
في الهوى هاجَ مدمعي
حُبُها الخالد الألمْ
كلما لاحَ بارقٌ
من محياها خافقُ
ماتَ بالهمِ عاشقُ
إنها رُقيتي التي
خلدتْ لحنَ شُهرتي
أسرَجَتْ ليلَ وحدتي
بالأسى و الصبابةِ ) .
و طوالي جُر الغطا و نوم يا هارون
نوم يا هارووووووون ..
تصحى الصباح كما ولدتك امك , خالٍ من الموانع . |
وصفة سحرية
وبرضو لقيت نفسي
انا والنجم والمساء
ضمنا الوجد والحنين
انت عارف اكان عثمان حسين وبازرعة ديل ماكتلوا ليهم زول....
انت بتكتلوا.....!
وبرضو في انتظارك
مودتي
هارون دياب
| |
|
|
|
|
|
|
|
|
 Re: بمناسبة موسم الحنين الشغال : صحافة 30 / محمد عثمان .. بالله ( عُشرة الأيام ) و زي ما تجي ت (Re: Emad Abdulla)
|
على أبو عفّان رحمة الله وواسع مغفرته
إنّا لله وإنّا إليه راجعون
اللهم أرحم عُثمان حسين وأسكنه فسيح جنّاتك
اللهم باعد بين عثمان حسين وبين خطاياه كما باعدت بين المشرق والمغرب
اللهم نقّ عثمان حسين من الخطايا والذّنوب كما يُنَقّىَ الثّوب الأبيض من الدّنس
اللهم أغسل عثمان حسين بالثلج والماء والبرد
اللهم أبدل عثمان حسين داراً خيراً من داره وأهلاً خيراً من أهله
اللهم أجمعنا وعثمان حسين في مستقرّ رحمتك
اللهم إنّا نسألك بإسمك الأعظم أن توسّع مدخل عثمان حسين
اللهم آنس في القبر وحشة عثمان حسين
اللهم ثبّت عثمان حسين عند السُّؤال
اللهم لقّن عثمان حسين حجّته
اللهم باعد القبر عن جنبات عثمان حسين
اللهم أكف عثمان حسين فتنة القبر
اللهم أكف عثمان حسين ضمّة القبر
اللهم أجعل قبر عثمان حسين روضةً من رياض الجّنّة ولا تجعله حفرة من حفر النار
اللهم إن كان أبو عفّان محسناً فزد في إحسانه ، وإن كان مسيئاً فتجاوز عن سيّئاته
اللهم ألحق عثمان حسين بالشُّهداء
اللهم أفتح على عثمان حسين نافذة من الجّنّة وأجعل قبره روضةً من رياضها
عزائي الحار وصادق مواساتي للوطن
(( لـيـه تـسـيـبـنـا يـا حـبـيـبـنـا ))
| |
|
|
|
|
|
|
| |
Emad Abdulla
ibrahim kojan
Alsa7afa_30
عبدالكريم الامين احمد
انعام عبد الحفيظ
osman righeem
كمال سالم
HAYDER GASIM
Sabah Hussein
Muna Khugali
بهاء بكري
ثروت سوار الدهب
mamkouna
haroon diyab
ناهد بشير الطيب
Safia Mohamed
عبدالله شمس الدين مصطفى
الجندرية
Moawia Mohammed
Nasr
رشا سالم
Osman Musa
خدر
!!!!
ناظم ابراهيم
لؤى
Magdi Ahmed Elsheikh
Ishraga Mustafa
فيس بوك
تويتر
انستقرام
يوتيوب
بنتيريست