|
|
|
 Re: عادل سالم .. كمال سالم ( أو .. للجبال أسماؤها التي تتسمى بها ) (Re: حيدر حسن ميرغني)
|
يا عماد
لك المودة الصافية
صفاءمطرة اول امس
محبة عهدتك دائما وفيا
اولاد سالم هماولاد ام درمان
المدينة التي امتزج فيها الكون
مدينة ممزوجة بدماء الشهداء
وماء النيلين
طالما ليك عشق للأماكن
لابد تكون عاشق لأمدرمان
اها ديل اولاد امدرمان
تجولوا في حواريها
لعبوا في ازقتها
الدافوري والرمة وحراسه
وسهروا مع خالهم الجعفري الفنان المسرحي
للصباح في مسارح المدينة
من المسرح القومي لي مسارح المدارس
ولعبات البيوت بطقطو ا الفرح زي الماحصل شئ
ناس غناء وطرب ..
ولو جيت لي الفهم ناس علم وثقافة
ولو للعشق سلاطين محبة
بحبوا السفر والترحال في الدنيا العريضة من زمن طويييييل
اخوان همة وملمات اقيفوا في راسك لمن اسلموك العافية
واهشوا الحزن من قلبك وانسموك الفرحة
زي الماحصل شئ
ده دورهم في الحياة
والحياة ابسط مما تتصور
عندهم كل الناس ناسهم الا ان يثبتوا عكس ذالك
كمال وعادل
كم أحبهم ..
اولاد امدرمان...
| |
 
|
|
|
|
|
|
|
 Re: عادل سالم .. كمال سالم ( أو .. للجبال أسماؤها التي تتسمى بها ) (Re: محمد سنى دفع الله)
|
التحية لصاحب البوست و مداخليه ...
كتب محمد السنى مختصراً أشمل فأفحم فأصاب فى مقتل حين قال:
وفى أم درمان شارع الشنقيطى
و فى أعرق حى ضمن ذلك الشارع العريق
خريجى مدارس حى العرب/ المسالمة/ محمد حسين
دونهم الأصالة الا الأصالة
و منهم الطبع غير التطبع
و فيهم الخلق سمة وليس سنحة
عشتهم و عايشتهم
فى زمن كان الزمن زمن
حب و محنة
عشق فى ود
إن كان ثالثهم محمد
فإن رابعهم هاشم حسن
و سادسهم مجدى محمد حسين (شأبيب الرحمة على قبره)
و عصام صديق و الفاتح يونس و عبدالباسط كردش
و...عقيل عبدالسلام و العقد الفريــــــــــد
و...
و...
و...
إنهم الدفـــعــــــــة
و فى العقد حبات و بقيــــة
و فى الذكرى شجون و شجون
أطـــــــــــراهـــــــم
ش
| |
|
|
|
|
|
|
|
|
|
Re: عادل سالم .. كمال سالم ( أو .. للجبال أسماؤها التي تتسمى بها ) (Re: محمد سنى دفع الله)
|
** ( شلوخه المطارق .. أغنية
عيناهُ .. أغنية
و صوته المجروح بالعذابِ .. أغنية
يطل وجهه على زجاجة عطر
بعض طيب امرأة
رقّاصةٌ و سمحةٌ و ليّنة
و بيتها في الموردة
أو في حي العرب
صورته بجوفِ كل الأفئدة
و صوته من اسطوانةٍ مشروخةٍ يهِلّ
في ( قهوة ٍ) بسوقِ أم درمان
( يا نسايم الليل زيديني
يا جوهر صدر المحافل
تتنفس ناس و رياض و بحار
الجرحو نوسر بي
الليلة هوي يا ليلى ) .
و حين مات ..
كانت بحيرة الدم على فراشه
أغنية لم تتم ..
كرومة ) .
السني يا صاحبي الجميل ..
الأمدرمانيين أرحامي ..
و كنت أمني النفس بالصوت العالي لخالي حمزة حين يسكره الطرب في كل جمعة من التاسعة إلى العاشرة صباحاً ..
و الراديو هنا ام درمان ..
فكأنما يستعد لصلاة الجمعة بالذكر الحقيبي الجميل ..
فنصن غصبا عن أبو عيننا ..
لا كلام حين يغني الشيوخ و الرق يتسلطن و الحياة تستتب في انجمامة سمحة
أقول له كنت : و الله يا خال .. انا مفروض أكون مولود في العشرينات في حي العرب ..
و أقدل من أبروف طنبرابي صعلوك ..
و أشوف أمات شلاخ و مهتونات جسيماتن و الجدلة مملوخة ..
و أكورك بعلو حلقومي ..
: ( يا قلبي البقيت رجّاف )
و أشنقل ريكة الوقار قدر ما الله أداني ..
مدد يا غنا و يا روح شبعانة و متندلة سماحة ..
أباري ود الرضي و العبادي و أبوصلاح و الحاج سرور و الأمي و سيد عبدالعزيز ..
و أحمحم في بيوت اللعبات و أقلع الشبال قلع ..
مدد .. مدد ..
قال المغني ( الجبرة فيك بتخيل .. محمية الحمى الماحام حماكي دخيل ) ..
و لم تكن إلا أم در ..
كمال و عادل فيهم الريحة دي ..
عشان كده مسنودين بالرماح : الروح و الوجدان .
ـــــــــ
** علي المك ( مدينة من تراب )
| |
|
|
|
|
|
|
|
|
|
Re: عادل سالم .. كمال سالم ( أو .. للجبال أسماؤها التي تتسمى بها ) (Re: حيدر حسن ميرغني)
|
يا حيدر ..
سلام جاك ..
و أخوك تورط فيما يمكن ان أقوله ..
أحاحي منذ البارحة فيما يمكنه أن يفي الرجلين حقهما ..
و أخبط كفا بكف .. فوجهما وديت الراي رجع تاني ملوماً محسورا ..
لذلك أجدني صاني و متمحن و مغلول اللسان .. و الكلمات بنات الليل الهينات أبّن يمرقن ..
و كأنه المؤامرة علي من قِبَل : الليلة وين !!! ..
دحين الليلة وين .. و ككيف أقول الدايرو ؟؟
.....
و بعدين لو سمحت يا حيدر رجع صورة بنيتك السميحة دي تبارك الله ..
ياخي صور الشفع دي بتخت الرحمن في القلب و تخليك زول كويس ..
هسه ود البشرى ده كان ما صور عيالو ديل في زول بيقبل عليهو ؟؟
| |
|
|
|
|
|
|
|
|
|
Re: عادل سالم .. كمال سالم ( أو .. للجبال أسماؤها التي تتسمى بها ) (Re: Safia Mohamed)
|
الأخ عماد
لقدأصبت و صدقت في وصفك وأنا اضيف لهما الأخ محمد سالم فهولاء الأشقاء جبال شاهقة في اللطف والنبل والكرم وهم وجوه مشرقة لأصالة أهل السودان ، لي عدد من المواقف مع الأخ عادل سالم خلصت منها أن الرجل مجبول و مبذول لخدمة الناس وتقديم العون لهم حتى الذين ليس بينه وبينهم معرفة ومن جمال لطفه أيضا تلك البشاشة والأريحية التي يلقى بها الناس.
فلهم ولك كل المحبة والتقدير
| |
|
|
|
|
|
|
|
|
|
Re: عادل سالم .. كمال سالم ( أو .. للجبال أسماؤها التي تتسمى بها ) (Re: Emad Abdulla)
|
اذكر وقبل بدائة الاسياد وانا بمعيذر بجوار مخابز المجد قابلت احدهم وحييته بتحية فحياني باجمل منها ومعها ابتسامة غطت علي ذلك الشارب الكث....
قلت في نفسي هذه روح انسان حقيقي ويجب التقرب منه حتي ولو علي استحياء .
قلت له :عندك شبه بي واحد اخونا وقريبنا اسمو عماد عبد الله ....لم يتفأجاولكني تفأجات عندما قال لي انه شقيقي .
كانت بدائة لم اتمني نهايتها.....
ولكن ورغم قصر المدة التي قضيتها معنا فاني اشهد الله والله خير الشاهدين بان سيرتك العطرة تمشي علي قدمين بين الاحباب والاخوة بالدوحة واحس ان الجميع يتمني عودتك مرة اخري ....فهل الي ذلك طريق.
اتمني ذلك .
لك الود كل الود
وانت تجمل الوطن بطلتك البهية وحضورك الطاغئ اينما حللت ....ويابختهم بيك .
اتمني ان نلتقي مرة اخري ....واتمني ان تكون اللقيا قريبا .
التحايا النواضر
هارون دياب
| |
|
|
|
|
|
|
|
|
|
Re: عادل سالم .. كمال سالم ( أو .. للجبال أسماؤها التي تتسمى بها ) (Re: Emad Abdulla)
|
عادل سـالم . . .
كمال سـالم . . .
محـمد ســالم . . .
حســن سـالم . . .
الأول علاقتى به تمتد الى منتصف الثمانينات حيث تزاملنا بالعمل فى جامعة الخرطوم.
الثاني كنت أعرفه وبقيه إخوته حق المعرفة قبل أن أراه فى السنوات الأخيرة بالدوحة.
أما البقية فيكفى أنهم أبناء سالم على أبو عثمان .
كل الصفات التى تقال فى حقهم لا تفيهم قدرهم ، فهم أناس لا يوصفوا بالكلمات بل يعاشروا لتعرف معادنهم.
إسمى أيضاً عادل سالم . . .
ولهذا الموضوع قصص وطرائف جميلة جداً سأفتح لها بوستاً خاصاً " هل سببك لك إسمك حرجاً أو إشكالاً . . . أم سـهل أمرك "
بالنسبة لى فإن إسمى لتشابهه مع إسم عادل سالم سهّل لى الكثير بل الكثير جداً من أمورى .
بل وكنت سعيداً جداً لهذه العلاقة الإسمية.
والطريف أننى أشاركهم أيضاً ذات الأسماء أسرياً ، فجميع الأسماء السابقة من الأسم الأول والثاني هى لأشقائى.
أخى عماد
أنا لم أكن محظوظاً بلقاءك والتعرف عليك بالدوحة
مع أننى من دفعة عادل سالم فى الوصول للدوحة.
لكنى من الجدد الذين إنضموا لهذا المنبر وقد يكون هذا هو السبب.
وقد تشرفت بأن فتح لى بوست الترحيب أخى كمال سالم
كنت قبل يومين مع الأخ عادل سالم بمكتبه الفخم
وطبعاً لا تخلوا اى ونسة عن موضوعات هذا المنبر متى ما إلتقى أعضائه ببعض.
ذكرت لعادل أن اللغة الكتابية لكمال فى المنبر هى صورة طبق الأصل للغة العادية التى يتعامل بها عادل مع الآخرين
فيمكن ببساطة أن تقرأ لكمال كما لو أنك تقرأ لعادل تماماً .
عرفتهم فى ميادين كثيرة لكنى لا أريد التحدث عنهم فكما ذكرت قد لا أحسن وصفهم لمن لا يعرفهم ، وسأخطىء بالتالى فى عدم توصيل الصورة الحقيقية.
الأخ كمال فى الترتيب الأول للأسماء تحيز واضح منى بكل تأكيد ، فأنت كبير دائماً.
سأختم بأن أقول لله دركم أبناء ســـالم فأنتم عبق الماضى ونسمة الحاضر وفأل المستقبل . . .
عادل ســالم جمعــة ســهل
| |
|
|
|
|
|
|
|
|
|
Re: عادل سالم .. كمال سالم ( أو .. للجبال أسماؤها التي تتسمى بها ) (Re: haroon diyab)
|
Quote: وأنا أشهد
فقد عرفتهم عن قرب
وأعرف سر تميزهم وشهامتهم
انه الحليب الذي رضعوه
والبيت الذي رعاهم
ويا حليلهم دوام بطراهم |
ولاتنسوا اخونا على سالم اخوهم وصاحبنا وود دفعتنا عرفناهو شهم كريم نبيل مهذب يختار مفردات الكلام بعناية عرفناهو اخو أخوان وزول حارة وصديق عرفنا من خلالو الكثير عن امدرمان وغناء الحقيبة واشياء كثيرة وبمعرفتو عرفنا عادل ولم نتشرف بلقاء كمال و على نال احترام وصداقة كل دفعة أقتصاد الخرطوم خريجى 83/84 وكل الدفعةتقريبا اتعزمت فى بيتهم ومن كل اصقاع السودان فلهم التحايا وربنا يحفظهم ويرد غربتهم جميعا سالمين غانمين
شكرا عماد
| |
|
|
|
|
|
|
|
|
|
Re: عادل سالم .. كمال سالم ( أو .. للجبال أسماؤها التي تتسمى بها ) (Re: Emad Abdulla)
|
كنت أتحدث وصديق عن المنبر.ز
كتابه .. مشاحناته .. ومقصلته الجديدة
في ما يختص بالكتاب قلت له:
تعجبني كتابات كتاب ذكرت في ما بينهم
عماد عبد الله
قال لي: أن لعماد الذي ذكرت بوست يشكر فيه شخصيتان
قلت له: عماد الذي عنيت ليس بـ"كسار تلج"
قال لي: بل هو عماد عبد الله الذي يكتب
يجيد الكتابة حساًوصنعة
والأخيرة تعني
الكتابة بالخط البني وتشكيل الأحرف
قلت له: سأرى ما ذهب إليه عماد
عندما جئت إلى هنا تأكد لي بأنك يا عماد
ليس بكسار تلج وكفى
عادل
ليس لأحد فضل على في الترقي
على مستوى العمل غيره
دعمني كل الدعم ويسر لي دوحتي
كمال
جالية قائمة بذاتها ووطنية لا تخطئها العين
كل ما جالا بخاطري
جال بخاطري قول أحدهم:
إذا كانت النفوس كباراً
تعبت في مرادها الأجسام
وأقول فيهما:
ملائكة تمشي بين البشر
عماد
ينتظرانك على أبواب دوحتنا فلا تتأخر عليهما وعلينا
تعال ورتب معهما ذكريات الزمن القادم الجميلة
تعال ليسعدا ونسعد بك جميعاً
تعال لتشهد يارا وهي تشارك في مسابقة إكتشاف المواهب
تعال فأنا وإبن ذيادة تيسير ننتظرك
تعال محملاً برائحة الوطن وبعض نيل
شكراً لك ياعماد وأنت تتواضع رغم ضخامة قامتك منقطعة النظير
أنتظرك فبيننا خلاف جميل لم يكتمل
المكي
| |
|
|
|
|
|
|
|
|
|
Re: عادل سالم .. كمال سالم ( أو .. للجبال أسماؤها التي تتسمى بها ) (Re: Emad Abdulla)
|
كمال معاهم ياعماد؟؟
I DOUBT
مش عشان عين بتخش عيون كتيرة
فليكن....
كمال عشان اخوانك بخليك وبشيل فى جرحى ماضيك..
لكن بلاقيك فى فرقه..
والله احبك حب...
عماد صاحبى فى الزمن الشقى..
تحياتى....
بهاء الدين هذا ابنى اعرفه تماما كما جوع بطنى..
الله يديم المعروف يا عماد..
فانت صادق حين تكتب..
تخريمه ضرورى جدا:
القاضى كيف؟؟؟
وفعل صديق شيئا بيده،،،،
| |
|
|
|
|
|
|
|
|
|
Re: عادل سالم .. كمال سالم ( أو .. للجبال أسماؤها التي تتسمى بها ) (Re: Salah Abdulla)
|
Quote: وفى أم درمان شارع الشنقيطى
و فى أعرق حى ضمن ذلك الشارع العريق
خريجى مدارس حى العرب/ المسالمة/ محمد حسين
دونهم الأصالة الا الأصالة
و منهم الطبع غير التطبع
و فيهم الخلق سمة وليس سنحة
عشتهم و عايشتهم
فى زمن كان الزمن زمن
حب و محنة
عشق فى ود
إن كان ثالثهم محمد
فإن رابعهم هاشم حسن
و سادسهم مجدى محمد حسين (شأبيب الرحمة على قبره)
و عصام صديق و الفاتح يونس و عبدالباسط كردش
و...عقيل عبدالسلام و العقد الفريــــــــــد
و...
و...
و...
إنهم الدفـــعــــــــة
و فى العقد حبات و بقيــــة
و فى الذكرى شجون و شجون
أطـــــــــــراهـــــــم |
شكري ليك يا شكري،
عماد الخرافي، اولاد سالم ديل شهادتي فيهم مجروحه وسأسكت درءا للنزف.
تعرف يا عماد أحيانا نرى الناس بوضوح أكثر عندما نفارقهم لحين .. زي العافيه.
يا سلام عليكم يا عماد.
| |
|
|
|
|
|
|
|
|
|
Re: عادل سالم .. كمال سالم ( أو .. للجبال أسماؤها التي تتسمى بها ) (Re: صديق الموج)
|
Quote: غريبون هم الرجال حين يلتئم منهم القلب على الرفقة ..
نكهة ما في صحبة الرفيق لا يلقاها إلا كل ذي حظٍ عظيم .
و قد كان عندي من عظمة الحظ ما لا أملك حمداً له يكفي .. |
وكان عندنا من قلة الحظ وسؤ الطالع مايكفى لأخذك بعيداً عنا هكذا,
من قبل أن نستوعب جرعتنا الأولى من بلسم رحيقك الشافى , وقلبك الأخضر !
كان يادوب إبتدينا نتذوق نكهة محيك الفنان ووهجك المزدان بالحب والغنا,
زى الكأنو ما من هنا ! لكنو من زمن تانى معطون فى الإشراق والجمال والهنا !
ياعمده يارفيق ساعة الضيق ! أرفق بنا ..
ومن نزف أشواقنا الكتيره ليك !
وياسلام عليك وعلى عادل وكمال سالم !
تحياتنا ليك وللأسره ياعمده .
| |
|
|
|
|
|
|
|
|
|
Re: عادل سالم .. كمال سالم ( أو .. للجبال أسماؤها التي تتسمى بها ) (Re: مبيوع)
|
سلامات
وعوافي
صديقنا عماد ..
الرجال ذو الشنب الكثيف والقلب الرهيف ..
عمت صباحا يا صديقنا ..
كمال سالم وعادل سالم ..
اذا كنت تبحث عن مكان لا تبتئس فيه ولا يصيبك الكلل فما عليك الا ملازمتهما..
لا تحس اطلاقا في صحبتهم بعجلة الزمن المتعجرفة المتسارعة ...
كل شي لطيف في حضرتهما..
خمرهم ما استطاع احتماله دن ..
مسكر يا رجل ..
والسكر اذا ما استعصى واستشاط "صعب فكتو"..
وخمرهم يا سيدي لا "كماين بري ولا سوبا" جارته في قوته وتاثيره ..
ما ان تفرغ كاس الا وفرطقت الكاس الاخرى اصابعها ..
وتظل هكذا مشدوها بالخمر ..
يقال والعهدة علي انا .. انهم اذا زرتهم في دارهم هبو ليلتهموك من عتب الباب ..
تخاف عليهم من نفسك .. وكانهم ينوون انا يخدشوا مساماتهم ثم ينتفضوا ليدسوك بين اوردتهم الناشطة ..
عجيبين اولاد ام درمان ديل..
لا زعل لا دبرسة لا زهج لا نفسيات لا عكر ولا اي حاجة كعبة ..
هكذا كجنة الاطفال كل شي فيها لذيذٌ لذيذ ..
وكنت اظن انني التقيت عادل اولا وكمال ثانيا او كمال اولا وعادل ثانية..هذا علي ما اظن ..
وبعد ان التقيتهما معا .. مادريت ايهما التقيت اول ..فكلاهما اولُ ...
لا يزورك ملل قط وانت في صحبتهما .. الضحك يا سيدي والنية البيضاء ونقاء السريرة هم مركز انسانيتهم..
ثم اياك ثم اياك ان تتعود عليهما في هذه البلد ..
الادمان ياسيدي داء عضال ..
ابقى بعيدا عنهما ثم ادفق علي مضاربهم الحب ..وتوكل علي الله عوجة مابتجيك ..
كونك اذا لازمتهم ثم ازفت مواعيد اجازاتهم والله الا تقضي ايامك في القواهي ونواحي الكورنيش في الاماسي البائسة..
والله امانة ما عالم حلوة بشكل ...
لهما جحافل الحب والمودة ..
ولك ياعماد غصن المحبة والنخيل .. ما ان تهزهما الا تساقط عليك الود والرطب الجميل
ولك يا عماد ابريق عطر شفيف ..يشق رائحة النهار بعبقه الاخاذ فيسري في عروق مزاجك فرحا والفة..
ولك يا عماد محبتي واشواقي الشديدة جدا ..
لك
ولصوتك ..
ولضحكتك الجهورة..
ولنظراتك البريئة ..
ولارائك الدسمة ..
ولقصائدك الفاتنة ..
ولقعدة ساي انشاء الله في السهلا ..
نجر فيها خيوط الونسة خيط خيط ..
حتى ينفرج الصبح متسائلا ..
.
.
ومحبتي تجري عليكم جميعا
| |
|
|
|
|
|
|
|
|
|
Re: عادل سالم .. كمال سالم ( أو .. للجبال أسماؤها التي تتسمى بها ) (Re: Emad Abdulla)
|
ظللت وشقيقى عادل نراقب هذا البوست عن كثب , تنتابنا مشاعر شتى
مزيج من الحرج والزهو ,, والكثير الكثير من الحب والاعزاز لكل من
أطل هنا ,, عماد أنت أحق منا بهذا الاحتفاء فلولا روحك الجميله لما
رأيتنا بمثل ماكتبت ,, عذرا مهما قلنا وأطلنا لن نطال ولو بعـضا
مما طوقتنا به .
أما الاحباء فى الدوحه فكلهم لهم المعزه والتقدير , شكرا لكل
من خط حرفا وورطنا ,,
حسام ,, ياصحافه ليتنى كنت واليا للخرطوم لسجلت لك مربع 30
زائد برج الفاتح .
حيدر حسن مرغنى : ياحكيم المنبر إفتقدناك كثيرا ,, عودا حميدا
السنى ,, إنت ماالجبل الكبير الاسمو الهملايا ,, شكرا على كلماتك
الجميله عن أم در وناسها ,, حليلها ,,
عبد الغنى كرم الله ,, تذكرنى دائما بالمقوله ( الصوفى لايكدره شئ ويصفو له كل شئ )
أنت عندما نجالسك ونسمعك نكون فى حالة صفاء وسكينه نادرين , شكرا علـى
مشاعرك الصادقه .
خدر ,, أنت يامن تمنحنا الكتابه الطاعمه ومن بيت الكلاوى تغنى لينا ,, ليك كل الحب والمعزه ,
شكرى ماطوس ,, الحبيب رفيق الصبا والمسالمه وحى العرب أنت جزء من ماضى جميل , دمت دوما ,,
ابو القاسم مضوى ,, ياصديق ياجميل مع اننا لانراك إلا لماما إلا أنك حاضر وبقوه الان وأنت تدلق
هذا الكوم من مشاعرك الجميله , لك كل الود ,,
| |
|
|
|
|
|
|
|
|
|
Re: عادل سالم .. كمال سالم ( أو .. للجبال أسماؤها التي تتسمى بها ) (Re: Emad Abdulla)
|
سنقاوى ,, أنت ياعزيزنا اللغز الذى لم نحله ,, تحدثت عنا حديث
القريب العارف ,, لك منا التحيه أيا كنت وشكرا كثيرا
على مشاعرك الصادقه .
هارون دياب ,, خفيف الطله الرجل الطيب , لطالما وضعتك فى جروح أبريتها,
الدوحه والدوحاب دائما سعيدين بيك , شكرا ,
عادل سهل ,, شقيقنا الذى لم تلده أمنا , الماجد ابن الاماجد ,, أبو روان
الجميله الظريفه ,, لك أطنان من المحبه والود .
كيكى ,, هذا الرجل مالوش حل, كما يقول المصريون ,, تقرأ له بالفصيح يأسرك
فى وصفه للمدينه وقاعها ومواخيرها وغوانيها ,, وبالدارجه فهو ساخر
ولاذع ويعجبنا ,, ومع ذلك حين تلقاه لوددت ألا يفارقك , يتدفق رقه
وعذوبه ,, وينك مشتاقين ,,
| |
|
|
|
|
|
|
|
|
|
Re: عادل سالم .. كمال سالم ( أو .. للجبال أسماؤها التي تتسمى بها ) (Re: Emad Abdulla)
|
عامر تيتاوى ,, قبل أيام أعلن عليك الحب هنا , وهانحن اليوم نعلن لك الود والإعجاب معا
الود لشخصك النبيل والإعجاب بأميز صحفى رياضى ومثقف , نراك دوما متألقا,,
محمد أحمد سعيد ,, فأجأت أحمد الطيب الماحى بالسؤأل عنك ,, أستغرب أننى مازلت أذكرك , قلت
له بعض الناس لاتمحوهم السنوات من الذاكره مهما طالت , قال لى واحد من دفعتكم
أظنه حسين أسد أنك أحد القلايل فى الدفعه الذين أجمع الناس على حبهم , لك
التحايا وكثير الاشواق ,,
النصرى أمين ,, أبن بيت المال وسيل من الذكريات لايام قضيناها سويا لاتنسى ,, كيف حالك أيها
البشوش المرح ( يابحيب ) ,,
| |
|
|
|
|
|
|
|
|
|
Re: عادل سالم .. كمال سالم ( أو .. للجبال أسماؤها التي تتسمى بها ) (Re: Hussein Mallasi)
|
ملاسى ,, بالله إنت لسه زعلان ؟ كنت قاسى عليك ؟ يأخى إنت مابتنسى أصلك ولابتسامح
جمل إنت ولافيل ؟,, غايتو عندك مقدره خرافيه فى التشفى وتخزين الاحقاد
والله نحنا كلامنا فى خشمنا, ومابنحفظ حاجه لبكره ,, يعنى بنوم والقلب
صافى زى الحليب ,, أنا خايف يوم تخش ليك بوست تعزيه تكتب فيه الاتى
( المرحوم ده حيلاقى ربو كيف؟ ) .
بعد ده كلو بقول ليك والله بنحبك ونحترمك ,, بس عشان المحبه دى تدوم إنت
ساعدنا بالكتابه المفيده , وخلى أزية خلق الله دى ,,
برضو كلامى ده بكره حأنساهو .
| |
|
|
|
|
|
|
|
|
|
Re: عادل سالم .. كمال سالم ( أو .. للجبال أسماؤها التي تتسمى بها ) (Re: Emad Abdulla)
|
[
يا عماد نجري ونندرش لي حرفك بعدين تكتب عننا كده :
| Quote: رفقة النساء عصية و ملأى ببلاوي الدنيا و العالمين و زواياها حادة شرسة إن لم تتنكب شيء من صبرٍ و صبرٍ و صبر . |
لله في خلقه شؤون
| Quote: الغنوة الشبعانة شجن و جمال |
ما اجمل هذا التعبير في حق هذه الاغنية تسلم يا صحافة
التحية النواضر لكل اصدقائك بالدوحة وخاصة من خصيتهم بهذه الروعة
| |
|
|
|
|
|
|
|
|
|
Re: عادل سالم .. كمال سالم ( أو .. للجبال أسماؤها التي تتسمى بها ) (Re: منى على الحسن)
|
| Quote: أبوساندرا / نادوس / بهاء بكري / كيكي / ضحية / ود رملية / السني / بدر الدين / بوب / فيصل أبباس / عوض حمزة / محمد عبدالرحمن / رقم صفر / صديق / نجدي / معتز القريش / عبدالحليم عبدالله / أبوعاقلة / أبو العزايم / هارون / طارق المكي / يسري / ود البيه / أب شيبة / التلب / صلاح عبدالله / محمد سليمان / خالد سليمان / عثمان عبدالله / عبدالغني / مامون / كمال الزين / معتصم / ود الزين / نور الهادي / عبدالعظيم / ود العباسية .. و غيرهم و غيرهم .. ( عذراً .. توهن الذاكرة لما تنادي الناس الفيها ) .. |
وسقط إسم عصـــــــــام حســــــــين ... عمداً..
| |
|
|
|
|
|
|
|
|
|
Re: عادل سالم .. كمال سالم ( أو .. للجبال أسماؤها التي تتسمى بها ) (Re: Emad Abdulla)
|
عماد المجموعة الذهبية(طبعا ماعدا زولي ابو طربوش)
والمجلس عامر بسيرة عيال سالم.وحديثي فيهم مجروح وموغل في الجرح
ولكن لابد من طقطقة بعض حروف الكيبورد ففي حضور وهجهم العالي لاحديث الا عن النبل والاخوة الصادقة
وسعدت ذات يوم بجلسة يمكن ان توازي مليون يورو برفقة كمال-عادل-السني-استاذ فضيلي
وناهد محمد الحسن
جلسة ولا من الاحلام وفيها اكتشفت ان عادل سالم زول فنان فالفطرة بجانب ثقافته العالية وطيبته وسودانتيه الي طغت علي كل اجواء مدينة خليفة حيث يدير عالمه بروح ادارية نادرة نادرة ومتفردة...
كمال ليس بروح الجالية بل كمال سالم هو الجالية ياعمدة
نشاط وهمة وحماس ودقة
حفظ الله الدوحة بما فيها من رجال
| |
|
|
|
|
|
|
|
|
|
Re: عادل سالم .. كمال سالم ( أو .. للجبال أسماؤها التي تتسمى بها ) (Re: Emad Abdulla)
|
صمتا ... خافتا ... كضوء شمعه بعيده..؟؟
صمتا مرعوبا بمن يتذكر..
مازلت مسجونا في دواخل تلك الجمعه التي أرهقتني بروعتها ... اخاف... بخاف....
يا عماد ..
من يتركون فينا تلك البقعه البرتقاليه .. كتوقيع فنان تائه في ملكوته....
لا نملك .. الا منحهم الانحناء...
لا اعرفهم يا عماد... ولكن لهم الانحناء... حتي تقبل الارض الجباه منا ..
التحيه لمن يتذكر ... الرائعين..
| |
|
|
|
|
|
|
|
|
|
Re: عادل سالم .. كمال سالم ( أو .. للجبال أسماؤها التي تتسمى بها ) (Re: Emad Abdulla)
|
من الاخر كده يا مان..
انتا كنتا زايغ مني مالك..
ولقد لاحظت ذلك والزمان بداية اجازة ..
فما احببت بعدها ان اؤكد ظني السيء في ميثاق صداقات الاسافير..فكففت عن الاتصال بك..
وغالب الظن انو كتاباتي دي مدياك _ كما كثير من الخلايق هنا - اني زول بتاع شبك وقعدات وسكر ويصعب التخلص مني..
البت دينا خالد بررت زوغانتها الكتيرة بانها ممكن تضعف امام علقنتي ويكون الشيطان ثالثنا..
ويقع فاسي في راس شيطانها ..
وعليه اثرت الزوغان وافترعت احاديث مزعجة ممجوجة ومزجتها بوصوفات مضللة لمنازل بابواب سوداء ووردية لاوجود لها إلا في سوء ظنها فيني..
بررتُ(انا) (زوغانها الدائم) بظني القديم المتجدد في كونها رجل تتلبس مسوح النساء لعللِ نفسية تصيب الرجال في اواسط اعمارهم..
بس ما قدرت ابرر عدم لقياك ياعمدة ..
فهلا تكرمت شارحا..
فقد احزنني اني لم التقيك..
| |
|
|
|
|
|
|
|
|
|
Re: عادل سالم .. كمال سالم ( أو .. للجبال أسماؤها التي تتسمى بها ) (Re: DKEEN)
|
اولا وقبل الخوض في غمار هذا البوست الرائع نقول للاخ عادل سالم لوكنت مريخابي الصلعة دي ما كانت سرحت كدا 
ثانيا الاخ عماد عبدالله
لقد سبقتني لهذا البوست والله العظيم كنت ناوي انزل بوست عن عادل سالم ذلك الرجل الذي يقل الكلام في حضرته فقد ذهبت له قبل ايام ووجدته رغم زخمة العمل يفتح المنبر العام ويتصفح فيه وعلمت انه شقيق الاخ المريخابي كمال سالم وسالته عن تلفونه واعطاني ليه بكل ادب واحترام (وياكمال بينا تلفون قريبا)
انسان يجبرك على احترامه الكل يقصد مدرسة الراية للسواقه وهو يحمل من حبيب له وبعدها يصبح بعرفك انت اكثر من الموصي عليك وهذا اخلاق الرجال
والتحية للمريخابي الاصيل كمال سالم ولنا لقاء انشاء الله
التحية لكم اخواني عادل وكمال سالم
وما ذكرت مدرسة الرايه الا ذكر عادل سالم
ولانقول اكثر من ربنا يحفظكم ويسدد خطاكم
ربنا يحفظكم ربنا يحفظكم ربنا يحفظكم
ابومصطفى
ابومصطفى
| |
|
|
|
|
|
|
|
|
|
Re: عادل سالم .. كمال سالم ( أو .. للجبال أسماؤها التي تتسمى بها ) (Re: DKEEN)
|
الممسوخ ..
ياخي براحه براحه ..
أولا بالتبادي إنت ما فضيت من اولاد اخوك و المولد النبوي الشريف ..( مع إنك دنقلاوي نص ديانة ) ..
هو مولد .. ما رمضان ..
و لما سكيتك تاني يوم الإتواعدنا فيهو عملت مجنون و ما رديت .
فأديتك واحد خط أحمر من أبوكديس .. و قلت باعني عشا البايتات و أيم الله ..
و عازرنك .. ( فالبرتقالات ما بننافسها نحنا .. و خاصة و أنك كنت ترتكب فارهة تمخر بيها هباب الخرطوم .. على ما سمعت ) .
علماً إنك لم تشد واحد تلفون .. انا الشديت يا مواطن .
طوالي عملتني علل نفسية و أواسط عمر و مكنات ؟؟
أتدخلني و دينا في ذات الجخنون يا منعول ؟؟؟
قالوا الفيك بدر بو ..
هسه إنت في أي سقط لقط من العالم ؟
| |
|
|
|
|
|
|
|
|
|
Re: عادل سالم .. كمال سالم ( أو .. للجبال أسماؤها التي تتسمى بها ) (Re: كمال سالم)
|
أطل دائما من خلال نافذة أخي سعد الطيب
كمال، عادل، علي، محمد، وحسن ونادر وكل (عيال سالم) أساتذة علم الأجتماع فيهم اللدر البشيل فوق الدبر، فيهم عشا البايتات ، وفيهم فارس الحوبة، ومنخم أب كريق، ويقصر ذلك عن وصفهم ولكن يكفينا فيهم قول المصطفي (ًص) هنالك أناس اختصهم الله بقضاء حوائج الناس..........
ولكن كلهم كوم وأم كمال (الحاجة) كوم آخر. أم هؤلاء الأشاوس ودرستهم، لقيتها لماما قبل أن تكون (بت حجتي). سعدت برفقتها سعادتي بالتلبية وكان دعائها - لعلي بعد أن رجم لها الشيطان - وردنا. أحسب أن من لم يعرفها قد نقص شيئا من المعرفة. مد الله في عمرها ومتعها بالصحة والعافية.
د. أحمد الطيب الماحي
| |
|
|
|
|
|
|
|
|
 Re: عادل سالم .. كمال سالم ( أو .. للجبال أسماؤها التي تتسمى بها ) (Re: سعد الطيب)
|
Quote: أطل دائما من خلال نافذة أخي سعد الطيب
|
العزيز احمد
ماأجمل طلتك
ازيك ومشتاقين و الله سنين طويلة سعد سلامات ياخى و اخباركم شنو
غايتو سودانيز بيتنا الذى جمعنا من جديد .
Quote: كمال، عادل، علي، محمد، وحسن ونادر وكل (عيال سالم) أساتذة علم الأجتماع فيهم اللدر البشيل فوق الدبر، فيهم عشا البايتات ، وفيهم فارس الحوبة، ومنخم أب كريق، ويقصر ذلك عن وصفهم ولكن يكفينا فيهم قول المصطفي (ًص) هنالك أناس اختصهم الله بقضاء حوائج الناس..........
|
بالله يااحمد ذكرتنا ايام جميلة سلم على اولاد سالم وخاصة الخلوق على وهدوئه الجميل
عماد ازيك
اتلومت لوم شديد
لكن برضو بنجيك هنا و بنقول لانك جميل لذا تصحى فى دواخلنا الذكرى الجميلة
شكرا يا عماد
| |
|
|
|
|
|
|
|
|
|
Re: عادل سالم .. كمال سالم ( أو .. للجبال أسماؤها التي تتسمى بها ) (Re: سعد الطيب)
|
صمت دهرا عن سودانيز اونلاين، ليس من نكد منها أو من رفقة أهلها..أبدا والله. كنت - رغم انزوائي- أنهض في حياء و"أتاوق"..ففي منبر هذه الصحيفة الاليكترونية المثيرة للجدل ما لا يتوفر في كثير من المنابر: سمو في الخطاب عندالبعض يناطح السماء ، ودردشة في موضوعات تعود بنا إلى أزمان تشفينا ذكراها من ويلات المنفى وحزن التسفار. وفي سودانيز أونلاين من إذا مررت قرب مقاله أصم أذنك الضجيج ، فإن وجدت من (شد الحيل) ما يعينك على قراءة ماكتب خرجت خالي الوفاض إلا من حسرة على ماأضعت من وقت ومن أعصاب..وقد تردد ما قاله حكيم عربي قديم عن مثل هذا الهتر: أسمع جعجعة ولا أرى طحنا!! وهذا كله يعطي هذه الصحيفة قيمتهاالكبيرة المستمدة من حلاوة فن الاختلاف!
أقول إنني من المعجبين بتجربة هذه الصحيفة، لأسباب كثيرة ليس هنا مجال ذكرها، لكن يكفي من الأسباب أنها جمعتني برجال ونساء من أقاصي الدنيا، جعلوا لحياتي طعما ورائحة. كمال سالم وعادل سالم(حسب ترتيب السن)على رأس القائمة التي أشرت إليها. تشرفت بالسكني ست ليال في دارهما العامرة بالدوحة، مضت كالحلم. كنت - كما أسلفت في موضع آخر- أناالمضيف وهماالضيف. دار تفيض قلوب ساكنيها بحب الناس والخير.
الدوحة مدينة تأسرك حلاوة روح السودانيين فيها. وياعماد عبدالله سأكتفي في الختام بحسرتي أني لم أكحل عيني بلقائك في آخر زيارة لي للدوحة. إفتقدتك أيها الفنان قولا وفعلا .. وحالي كجالك إذ هف بك الحنين إلى النخبة التي ذكرت في هذا البوست الفريد.
لك ولعيال الجعفري ولعشرات من الرجال والنساء في الدوحة أطنان محبة وتقدير.
ويا كمال وعادل ونادر..ليكم وحشة. وياعادل إحمل عني صديقي الصغير (عزو) واقرئه تحياتي.
| |
|
|
|
|
|
|
|
|
|
Re: عادل سالم .. كمال سالم ( أو .. للجبال أسماؤها التي تتسمى بها ) (Re: Emad Abdulla)
|
الاخ الاصغر محمد الطيب حسن ,, الولد الوسيم أو هكذا دائما أخاطبك فمحبتى لك دائما ماتجعلنى
أفتقدك فى كل الملمات وأدبك وظرفك قد جعلك قريبامن الجميع لك
كل الشكر وعميق الموده .
منى عوض خوجلى ,, حبوبه موديل 2008 وحبوبه لكل الناس , منك تعلمنا قيم ومفاهيم كثيره , كتاباتك
هنا فى مختلف المواضيع أحسبها دروس جديده لم نتلقاها فى أى مرحله من مراحل تعليمنا
لسه المشوار طويل معاك لاننا عايزين نحضر لدراسات عليا ,, كتير سلامنا ,,
كمال على الزين ,, شكرا للإطراء ياجميل ,,,
| |
|
|
|
|
|
|
|
|
|
Re: عادل سالم .. كمال سالم ( أو .. للجبال أسماؤها التي تتسمى بها ) (Re: كمال سالم)
|
كمال وعادل ،،،
والله ما عارف أقول شنو ،،،
طبعا البوست ده ساكن فيهو سكنه ،،، (ما تقولوا عايزين إيجار)
والله كلما أقرأ عباره كده طوالى بسرح معاها ،،،
بتخيلكم فى كل مكان ،،،
البوست ده ،،، بوست وفاء وتقدير وإمتنان ،،،
إنتو بتستاهلوا أكتر من كده ،،،
ياااااااااريتي كنت بعرفكم من زمااااااااااان ،،،
ما ماااااااارق ،،، ما تعاينوا لى كده ،،، قاعد على قلبكم ،،، مع محبتي.
| |
|
|
|
|
|
|
|
|
|
Re: عادل سالم .. كمال سالم ( أو .. للجبال أسماؤها التي تتسمى بها ) (Re: Emad Abdulla)
|
طارق المكى ,,, يأخى شكرا ليك على الكلام الطيب ده , وإنت والله ولدا ماك هين
همتك العاليه ومشاركتك لكل الناس فى أتراحهم وأفراحهم دى ماساهله
لكن إنت ماولد محمد فضل الله المكى لازم تكون كده ,,
صديق الموج ,, ود الصول ود أم درمان المالقينا فيك كده ,, لكن أصبر لما نتلاقى
زى ماقلت ,, والله نكدك كد ,, يأخى ليك كل الود والشوق ,,
| |
|
|
|
|
|
|
|
|
|
Re: عادل سالم .. كمال سالم ( أو .. للجبال أسماؤها التي تتسمى بها ) (Re: Emad Abdulla)
|
الشقيق محمد المرتضى حامد ,, أنت من قلائل جعلوا الاقامه ممكنه هنا , حرفك المستمد من طبعك
منح الكثيرين حق المواطنه والاقامه الدائمه بدون إبعاد أو (كشات)
أما نحن فبحكم القربى والمحسوبيه فقد ختمت على قلوبنا ( التابعيه )
شكرا لك أيها الحبيب ولاجرح الله لك شهاده , مانحن من ناسك ,,
مامون أحمد ابراهيم ,, الشاعر الرقيق والله تجدنا نبادلك نفس المشاعر والأحاسيس ,, شكرا ليك ,,
| |
|
|
|
|
|
|
|
|
|
Re: عادل سالم .. كمال سالم ( أو .. للجبال أسماؤها التي تتسمى بها ) (Re: Emad Abdulla)
|
ياسر مبيوع حبيبنا الطبيب والمطرب الفنان , يأخى والله مشتاقين ,,
شايفك متجدع بين هولندا وإنجلترا , غايتو بخت ناس باريس ,,
والله منتظرنك بشمار كتير ,, أسرع تعال ,,
| |
|
|
|
|
|
|
|
|
|
Re: عادل سالم .. كمال سالم ( أو .. للجبال أسماؤها التي تتسمى بها ) (Re: حسن طه محمد)
|
شكرا عماد لهذه الفرصه ، لتتمجد فى ديمك ، كتاباتك دائما كما الطير لا تخطىء طريقها
الاخوان كمال وعادل او عادل وكمال عندما تلاقيهما يشعرانك ان الوطن الذى حملك على مغادرته يوما ماوانت بعيد عنه اعمق مما كان سيحدث لو انك لم ترحل عنه .
الانسان فيهما الذى :
- الذى لم يفخخ دماغه بالكراهيه ، كراهية الانسان
- يتمتع بحس المبادره والقدره على فتح قنوات مع الآخرين للحوار الايجابى
- يتجمل بالتواضع الحقيقى والصدق والصراحه مع الذات ومع الآخرين
- راسخ وثابت على المبادىء والقيم الانسانيه الايجابيه
- يتفانى ويخلص فى تقديم المساعده
- يحول معارفه الى اداة مساهمه فعاله فى خدمة المجتمع الذى هو فيه
هذا الانسان فيهما هو الذى يجعل ولدى سالم يتدفقان مثل النهر
وأنتَ تُعِدُّ فطورك، فكِّر بغيركَ
[لا تَنْسَ قوتَ الحمام]
وأنتَ تخوضُ حروبكَ، فكِّر بغيركَ
[لا تنس مَنْ يطلبون السلام]
وأنتَ تسدد فاتورةَ الماء، فكِّر بغيركَ
[مَنْ يرضَعُون الغمامٍ]
وأنتَ تعودُ إلى البيت، بيتكَ، فكِّر بغيركَ
[ لا تنس شعب الخيامْ]
وأنت تنام وتُحصي الكواكبَ، فكِّر بغيركَ
[ثمّةَ مَنْ لم يحد حيّزاً للمنام]
وأنت تحرّر نفسك بالاستعارات، فكِّر بغيركَ
[مَنْ فقدوا حقَّهم في الكلام]
وأنت تفكر بالآخرين البعيدين، فكِّر بنفسك
[ قُلْ: ليتني شمعةُ في الظلام ]
سلام لولدى سالم فى الاولين والآخرين
| |
|
|
|
|
|
|
|
|
|
Re: عادل سالم .. كمال سالم ( أو .. للجبال أسماؤها التي تتسمى بها ) (Re: Emad Abdulla)
|
مسعود ,, والله نحن الغير محظوظين , لاننا لم نسعد بلقائك , لكن حتما سوف
نلتقى فى هذه الوسيعه يوما ما , لك المحبه ,
قمر بوبا ,, شكرا ليك كتير , ولك الود ,,
حسين ملاسى ,, برضو شكرا على المداخله ,, ( والقحه ولا صمة الخشم ) ,,
| |
|
|
|
|
|
|
|
|
|
Re: عادل سالم .. كمال سالم ( أو .. للجبال أسماؤها التي تتسمى بها ) (Re: كمال سالم)
|
| Quote: ( والقحه ولا صمة الخشم ) ,, |
أما أنا فلن أكتفي (باللكحة ولن أصم خشمي) , ..
قيل في الأثر : وهو أثر (سوداني) جداً , وحق لنا إتباعه وأوجب :
(الشكروا قدامو نبذوا) وقيل  إنشاء الله فلان يوم شكروا مايجي) ,
ولكن موت الجماعة عرس ..
سأبدأ من من لا تربطني به صلة الصداقة وهو (عادل) , رغم أنه له يد علي سلفت ,
كغيري من السودانيين في الدوحة حين تأتيه طالباً (رخصة القيادة) , التي تعادل ماجستير ,
في بلاد ماوراء ثورة التعليم العالي ,
من حيث التلتلة وكثرة المحاضرات , و(الربيت) الذي قد يصل إلى حد (أن تحرد الرخصة) وبها تذهد ,
وقد زين الله للسودانيين , وزلل لهم أمرها حين وضع على أول الطريق إليها , (ودحلال ) إسمه (عادل سالم),
و(ود حلال ) هذه ليست على نسق , (ودحرام) و(ودأصول) و.. و التي طالما أذكت الصراعات الإسفيرية ,
ولكنها كلمة على نسق الموروث تفيد البر بأهله السودانيين .. وكفى ..(عادلاً ) ..!
سأذهب متجاوزاً (كمال) إلى (نادر) ,
ياخي ده حكاية غريبة ,
(زهايمر يؤدي إلى طيب , مخلوطة ببراءة تغطيها إبتسامة دائمة , عليها طلاء ودود , ..)
نساااي بشكل ,
كلما ألتقيه يجب أن نتعارف مرة أخرى , ويبدأ تعارفه مع مايتبع تلك الألفة التي تصبغ المعرفة الحديثة ,
وهي إذاً إلفة متجددة , ..
سيقرأني الآن ويتساءل :
(كمال الزين) ده ياتو ..؟
بلحقه (كمال سالم ) قائلاً في عادية تؤكد أن أمر نسيانه عادي وطبيعي :
ياخي بتعرفو ولا قيتو , ..
ويتذكرني فجأة ,..
فيتبسم , ويلوح لسانه من بين فلجته , ويضحك , ..
ثم يعود وينساني مجدداً ..!!
(عدل بواسطة كمال علي الزين on 05-01-2008, 02:43 AM)
| |
|
|
|
|
|
|
|
|
|
Re: عادل سالم .. كمال سالم ( أو .. للجبال أسماؤها التي تتسمى بها ) (Re: Emad Abdulla)
|
ياااااااه ...!
بالله هو أصلو البوست ده عن الشباب ديل ؟؟؟
أنا دايماً ما أمر عليه مرور الكرام ..
وأنا كنت فاكر إ^ني أنا المقرب للشباب ديل وعندي صحوبية خااصة بيهم ..
أتاريهم أصحاب وأحباب أي زول دون إستثنناء ....!!
وهنا تكمن معجزتهم ...!
كنت أعتبر عادل سالم أخوي الكبير ولا الصغير ما عارف ..
وكنت أستغرب من المودة العالية التي يبديها لي في كل زيارة لي بمكتبه ..
لكن وبعد أن تشرفت باللقاء بأخوه كمال عرفت أن هذا الشبل أخو ذلك الأسد ...!!
ولمن قريت البوست ده حسيت وفهمت أني لست وحدي ..
بل كل من كتب هنا يحس بذات الإحساس تجاه هؤلاء الجبال ...
وإزداد هذا اليقين بلقاء محمد سالم ..
فهو الآخر رجل في منتهى اللطف والإهتمام بمحدثه ..
إنها تربية واحده وروح موروثة وااااحدة ..
حفظهم الله
وحفظ الله الأخوه عماد/صلاح عبدالله ...
| |
|
|
|
|
|
|
|
|
|
Re: عادل سالم .. كمال سالم ( أو .. للجبال أسماؤها التي تتسمى بها ) (Re: Emad Abdulla)
|
معتز القريش ,, يأخى إنت كلك نور ,, فياعجبى كيف سميت بالظلامى , لمن لايعرفك جيدا
أقول هذا المعتز ( حلاوه لبن ) ـ أتذكرونها ـ طيب , حبوب , لبق ,
خدوم , وأكثر مايعجبنى فيه أنه واضح لايحب اللف والدوران ,, والله
لك معزه كبيره فى نفسى , تقبل تحيات عادل ونادر , مع كل الحب ,,[/B]
| |
|
|
|
|
|
|
|
|
|
Re: عادل سالم .. كمال سالم ( أو .. للجبال أسماؤها التي تتسمى بها ) (Re: Emad Abdulla)
|
دكين ,, ياحبيب عبرتنا دون أتاوات أو رسوم ,, من الآخر كده ,, لكن شكرا لك
فهمومنا مشتركه , فكلنا ياعزيزى نبحث عن هذه الابواب السوداء , تحياتى ,
كيجا2000 ,, لك الشكر يامريخابى ياأصيل ,, وأنا فى إنتظار تلفونك ,, تحياتى ,,[/B]
| |
|
|
|
|
|
|
|
|
|
Re: عادل سالم .. كمال سالم ( أو .. للجبال أسماؤها التي تتسمى بها ) (Re: Emad Abdulla)
|
تيسير النورانى ,, وكأننا إلتقينا , يرن الاسم فى أذنى , لك كل الود والتحايا وأنت
تمر من هنا , وتقبل تحيات عادل وعلى ,,
عماد موسى ,, لك كل الشكر على هذه الكلمات الطيبه والتى تدل على كريم أصلك , تحياتنا ,,[/B]
| |
|
|
|
|
|
|
|
|
|
Re: عادل سالم .. كمال سالم ( أو .. للجبال أسماؤها التي تتسمى بها ) (Re: كمال سالم)
|
سلامات
وعوافي
كيفكم يا احباب وكيفكم يا احبابنا عيال سالم ..
القريش كتب
Quote: كمال وعادل ما خليتو ليهم فرضا ناقص
لكن عمك سالم دا عندو واحد اسمو (نادر) |
والله يا قريش قد سبقتنا بالجميلة ..
فنادر "نادر" في طبعه واخلاقه وطيبته وبشاشته ولطفه ..
زول زي النسمة تدخل عليك تخلي مزاجك مزاج انبياء ..
الف شكر لوجودك يا "نادر" في هذه الارض ..
وتقبلوا جميعا محبتي ..
| |
|
|
|
|
|
|
| |
Emad Abdulla
Alsa7afa_30
حيدر حسن ميرغني
محمد سنى دفع الله
عبدالغني كرم الله بشير
خدر
شكرى سليمان ماطوس
Safia Mohamed
haroon diyab
عادل سهل
عبدالكريم الامين احمد
عامر تيتاوى
Mohammed Ahmed Saeed
محمد الطيب حسن
mahitab barakat
Muna Khugali
كمال علي الزين
tarig almakki
صديق الموج
محمد المرتضى حامد
مامون أحمد إبراهيم
مبيوع
ودرملية
كمال سالم
Omar Bob
Hussein Mallasi
ibrahim kojan
معتز القريش
keiga2000
فضيلي جماع
محمد خليل ساني
Faisal Al Zubeir
حسن طه محمد
عبدالرحمن عبدالله أبوشيبة
wadalzain
احمد العربي
نصار
معتصم الطاهر
عادل التجانى
فيس بوك
تويتر
انستقرام
يوتيوب
بنتيريست