|
|
 هام وعاجل :بورداب الرياض..يسقط حمزاوى..انا خالكم الاعلى
|
استغل (المدعى) حمزاوى غيابنا عن البورد ونصب نفسه خالا ولاسباب عديدة لايجوز هذا التنصيب ونوجز ذلك فى الاسباب التالية :
ما بنى على باطل فهو باطل..
حمزاوى فاقد الاهلية شرعا لانه لا يوجد فى قانوننا خال بدون خالة وكانت (الانسة)فوزية
هى خالتنا ود قاسم عارف ليه انا كتبت الانسة (خلو الشمشرة راجل المرة ده حلو حلا)
ولان حمزاوى لايملك فوزية مقيمة معه تسقط عنه الخلخولية شرعا ووجوبا.
لان حمزاوى من الناطقين بغير العربية ولا يفهم كلام اهل العوض من شاكلة:
قدمت بى هنا وبى اضانا سمعت كرة فوق كرتوت شخيتيرا تخينا خرا
لاتجوز خوولته.
حمزاوى لاسباب يسال عنها احمد حنين غير مأمون العواقب وفى رواية اخرى فهو رجل مخرف.
حمزاوى رجل(خالى الوفاض) وليس خالى انا لايجوز تخويله.
عليه اعلن لكم اعتبارا من اليوم نرجو عدم التعامل مع المذكور كخال ولكن يمكن التعامل معه كنائب خال مع الكراهة.
صدر تحت توقيعى براكوبة الاخوال اليوم 14/8/ 2006
خالكم البقدر حالكم وبراعى جواركم..صديق ابن الحاجة عشة بت البشير ابن الحاج
الطيب الموج والله من وراء الخؤولة،،،
|
|
 
|
|
|
|
|
|
|
|
Re: هام وعاجل :بورداب الرياض..يسقط حمزاوى..انا خالكم الاعلى (Re: صديق الموج)
|
صديق الموج
سلام
مما جيت من السودان بحاول أضرب ليك في جوال البنية و لكن لا حياة لمن تنادي.
تلفون البيت بيقول لي ( إن الطريقة التي إستعملتها ) ..
شنو لا سلام و لا كلام ..
سمعتو و لا كروهو جابوهو ليك ؟
| Quote: ولكن يمكن التعامل معه كنائب خال مع الكراهة |
يعني حمزاوي بقى زي ( التركين ) .. الذي يجوز أكله مع الكراهة ..
ألم تسمع بالفلاتي الذي تذوق التركين لأول مرة ثم قال : هلو .. لاكين أفِن ) ..   
دعايتك الإنتخابية كاربة.
| |
|
|
|
|
|
|
|
|
|
Re: هام وعاجل :بورداب الرياض..يسقط حمزاوى..انا خالكم الاعلى (Re: ابو جهينة)
|
أبو جهينة ..
هذا الصديق أبان سؤ ما يطوي من عنصرية بغيضة ..
فهو يرفض خؤولة حمزاوي لأنه رطاني ..
و يدعي حب الخليل ..!!
( خليل أفندي فرح )
علما أن الرطانة هم من أتى به من أقاصي حلال الجعليين المنسية ..
حيث كان السيد صديق يطارد القطار صائحا في نشوة و ذهول ( و بقية عراقيه بين أسنانه ):
الكترابه .. الشي دبيب .. هااااع .
جاء المذكور إلى فشخة الغربة هذه و الإنجعاصة بسبب الجماعة ( اللي من أندينا ) ..
نعم .. من أتى به هم أهلنا الرطانة و سمعتهم ( اللي زي الإسم إيه ده ) ..
عليه .. فهو مرفوض مرفوض لتبنيه نهج عنصري جهوي بغيض ..
و للفه للعمة التي تشبه عمة الكفار السيخ ..
و لأشياء أخرى في نفس يعقوب ..
و نقول له بلسان نوبي مبين ( إطلع من دورك يا زربون ) ..
و عاش حمزاوي خالا لبورداب الرياض ..
اللي سوادهم نوبيين ..
آآآآمين .
| |
|
|
|
|
|
|
|
|
 Re: هام وعاجل :بورداب الرياض..يسقط حمزاوى..انا خالكم الاعلى (Re: صديق الموج)
|
ندين هذا المسلك ..
وهذا العمل الإرهابي ..
إنه إنقلاب على الشرعية الدستورية ..
لا تقره كل الاعراف ..
اليوم نعلن بأن إبن عمي صديق الموج دكتاتور ..
جاء بدبابة ليقلب حكومة الخال حمزاوي ..
وهذا ما نرفضه تماماً ..
ولنحتكم للأمم المتحدة "أقصد البورداب هنا"..
ليفتونا في هذا الإنقلاب العكسري ..
مع إحتفاظنا بخوولة إنعام وليس صديق الموج ..
ولنا حق الرد والضرب بيدٍ من حديد ..
لكل من تسؤل له نفسه التلاعب بمكتسبات الشعب ..
ولا نامت أعين الإنقلابيين ..
والله أنا شاعر بكتب لي في خطاب سياسي ..
| |
|
|
|
|
|
|
|
|
|
Re: هام وعاجل :بورداب الرياض..يسقط حمزاوى..انا خالكم الاعلى (Re: صديق الموج)
|
الخال (بالإنابة) صديق الموج
لك التحية
بالنسبة للخال (بالوكالة) حمزاوي
فقد رشحناه وفوزناه في سماية علا
لكنه لم يقدم أي خدمات تذكر حتى الآن..
لذا.. سنعمل على عقد مؤتمر قومي شامل
لتدارس هذا الموضوع في لمة البورداب يوم الجمعة
حتى نصل لحلول مرضية للجميع..
مع عدم تجاهل المناصب الجانبية..
يعني بالواضح البيدينا منصب (مساعد) الخال
بنقيف معاهو..
وما بعيد نشوف لينا خال جديد
خاصة وانو عماد عبد الله جايي الرياض
وابو جهينة كان مافي
وهلمجرا..
| |
|
|
|
|
|
|
|
|
|
Re: هام وعاجل :بورداب الرياض..يسقط حمزاوى..انا خالكم الاعلى (Re: ahmed haneen)
|
Quote: الخال صديق الموج
فينك غايب
وانت غائب
قلبي وراني العجائب .. ياحبيبي |
الآن إنكشف المستخبي وبان المستور ..
وظهر المتآمرون ..
ولكن لا ثم لا ..
لن ندعكم تمررون أجندكم الخفية ..
وتسقطون الخال حمزاوي ..
نرفض كل أشكال التآمر ..
وندين بشدة ما يحدث من مؤامرات ..
وغداً سنتحكم لرأي الأغبية ..
يسقط يسقط صديق الموج ..
وكذلك عقيد وحنين ..
| |
|
|
|
|
|
|
|
|
|
Re: هام وعاجل :بورداب الرياض..يسقط حمزاوى..انا خالكم الاعلى (Re: معتصم دفع الله)
|
الخال / صديق الموج
أبشر بالخير ... سير وعين الله ترعاك ..
بيني وبينك ياود عمي .. نحنا معاك وبنسحب ترشيحنا للخال سابقاً حمزاوي
أنا زاتي المره الفاتت صوته ليه تحت ضغوط كنت مجامل أم العيال .. عشان رطانية
لكن الأيام دي مافيشه .. عشان كده معاك يازول .. وإنشاء الله التركين طاير والقراصه كمان .
وأقول ليك حاجة كمان .. كما إتنازل ليك حمزاوي وبقيت إنته الخال .. نعلن حركة مسلحة وندخل الخور .. وماعليك بالباقي كله بوست بوستيين في الخور .. بعد شويه بعلن مفاوضات وتقسيم ثروه وحركات ذي دي .. وأنا أضمن ليك إنك تجي الخال .. بس بعدين ماتنسانا وكده .
الأرباب
يسقط يسقط التركين .. تسقط تسقط القراصه .. يسقط يسقط الصعوط
| |
|
|
|
|
|
|
|
|
|
Re: هام وعاجل :بورداب الرياض..يسقط حمزاوى..انا خالكم الاعلى (Re: غادة عبدالعزيز خالد)
|
و الله يا أخوانا أنا حظي مع الإنتخابات دة شنو ما عارف!!!
في آخر إنتخابات ديمقراطية في السودان ما كان عندي صوت لسه.
دخلناالثانوي العالي لغو حكاية إتحادات الطلبة كلو كلو.
قضيت خمسة سنة في جامعة الخرطوم حصلت إنتخابات مرة و احدة و ما حضرتها كنا في رحلة في مصنع سكر كنانة.
أول إنتخابات ديمقراطية أحضرها فاز فيها الخال حمزاوي دايرين تجوا تعملوا فيهو إنقلاب؟؟؟؟
يعني ما نحضر إنتخابات كلو كلو و لا شنو؟؟؟؟
يسقط غاصبي السلطة ... يسقط مجهضي الديمقراطية
يعيش الخال حمزاوي
يعيش التركين
تعيش القراصة
(إمصيبن ننا يا جماعة)
خالد (وجه نفسو يحضر إنتخابات ديمقراطية)
| |
|
|
|
|
|
|
|
|
|
Re: هام وعاجل :بورداب الرياض..يسقط حمزاوى..انا خالكم الاعلى (Re: غادة عبدالعزيز خالد)
|
ود الموج
انتا لاقفلتا كبري..
لاضمنتا سلاح المظلات ..
لا اكتسحتا الاذاعة..
لا جيتنا فجرية..
انقلابك ده بلو واشرب مويتو ياخوي..
******************************
الاخوة بورداب الرياض
الاخوات بوردابيات الرياض
السادة والسيدات النظارة من بورداب انحاء العالم..
الآناسات الجميلات في كل ربوع الارض..
ان الانقلاب الذي سلكه الانقلابي صديق الموج انقلاب فاشل ومردود عليه..
وظاهرة ظللنا نتابعها منذ فترة ونتكتم عليها في انتظار لحظة الصفر..
وقد كان الانقلابي تحت رقابة لصيقة من جهاز استخبارات الحرس الخولاني الخاص..
ورصدت اجهزة استخباراتنا الذكية عزومة غدا في الاسبوع المنصرم في منزل المدعو..
ونقلت لنا مصادرنا ان الانقلابي ظل يحاول اقناع بعض ذوي النفوس الضعيفة من اهل عصبته ..
وكانت عزومة الغدا رشوة للجائعين ذوي التفكير الباطني ,,
ولايماننا القوي بالانتخاب الحر المباشر ..
وبان كل شي يجب ان يعالج وفق الراي الجماعي في جلسات علنية مفتوحة(طهوره- حفلة - عرس - سماية علا تاني..او ماشابه)..
كما ولايماننا بان الانقلابات هي مسالك غير دمقراطية وتؤدي الى هلاك العباد ..
فقد قررت انا
دكين ضحوي عشا البايتات
النائب الاول للخال المنتخب الشرعي همزاوي -وامين امانة الجكس - مايلي:
1- يعتبر هذا البوست هرطقة عرب ساي ..
بندق في بحر..
2- تمت ادانة صديق ود الموج بمحاولة الانقلاب على سلطة شرعية منتخبة في إستراحة سمايةعُــلا حفظها الله ..
3- يغرم ود الموج مبلغ مالي يتم ايداعه في حساب استخبارات الخال بطرفنا..
4- يصلب ود الموج في ميدان عام ..
5- ينفذ الحكم رميا بالرصاص في منطقة (الجـــرادية)..
6 - من باب سد الذرائع وحسما للفوضى لن يتم قبول ستئنافات
7- كل من يحاول الائستئناف او يتداخل بما يناقض حكمنا اعلاه ستوجه اليه تهمة الجوع والسعي الى العزائم وسيتم حسمه بقوة..
حتى ولو فضلنا انا وابوزرقة برانا مع الخال الشرعي ..
ونحذر الجميع من مغبة الدعوة الى التفريط في الامن والانشقاقات والعبث بامن الخال همزاوي..
وكونوا على ثقة بان:
قوات الحرس الخولاني بقيادة العقيد/عبدالرازق الطالب لن تتردد في حسم اي فوضى او محاولات تخريب جماعية..
ولله الحمد ولانامت اعين الانقلابيين والجياع
انتهى
اللواء اركان خال حقوقي
دكين عشا البايتات
في اليوم العاشر من آب اغسطس 2006م
المقر العام للحرس الخولاني او كما قالت غادة - الملز
| |
|
|
|
|
|
|
|
|
 Re: هام وعاجل :بورداب الرياض..يسقط حمزاوى..انا خالكم الاعلى (Re: humida)
|
ود عمي ود القبائل ود الموج
اعلنها وبكل قوة بأنني سوف أقود المعارضة
الخوولة لدحر أي أنقلاب على الخال حمزاوي المنصب دستوريا
على عموم بورداب الرياض 00 هذا الأنقلاب الذي دبر بليل ضد أهلية
الخال حمزاوي لهذا المنصب 00
وهل برنامجكم الانتخابي حقا يسقط الخال الحالي 00
وحتى أذا أقيل الخال حمزاوي واصبح صديق الموج خالنا
أكيد الدم سوف يحن 00 ونغنى ليهو ( برانا مادام خالنا معانا )
رأيكم شنو يا معتصم دفع الله ومحمد عبدالجليل ؟
| |
|
|
|
|
|
|
|
|
|
Re: هام وعاجل :بورداب الرياض..يسقط حمزاوى..انا خالكم الاعلى (Re: صديق الموج)
|
المرشــح حمــزاوي
والمنافـس صـديق المـوج,
مهمـة الخال دي مهمــة كبيييييرة, وفرقـة ودقاســم ما بتنســد , يعني العضــوية في الرياض عندها مشاكل مزمنـة,
عنـدنا عـزاب مزمنين, كأول مشكلـة مستعصـيـة الحـل,
برامجكم ووعودكم الإنتخابيـة... ما سمعنا شئ....
الـ يقدر يحل مشاكل العضـويــة يستحـق الخؤوليـة, ويا حليلك يا خالـة (فوزيـة)...
لكما أمنياتي بالنجـاح (الاول مشترك)
أحمـد الشايقي
| |
|
|
|
|
|
|
|
|
|
Re: هام وعاجل :بورداب الرياض..يسقط حمزاوى..انا خالكم الاعلى (Re: أحمد الشايقي)
|
ايها الجمع العمـيم سلام من الله يغشـاكـم
وبعـد
القول هـو ما قال به الشـفيف احـمد الشـايقي، فواجبات الخـؤولة تقتضـي
تناول المـوضـوع بحرص تام وبعين ثاقبة تنظـر اول ما تنظـر اليه حل مشكلة
( مرض حـامـد) لعـزاب اضـانهم العـذاب بحثا عن انثى تسـكن اليها الروح ، لا
سـيما ان الحالات التي التقطتها كاميرا حتى الان تنـبئ باسـتفحال الامـر،الشـيئ
الذي لاتضمن له العـواقب....حل مشـكلة (مرض حامـد) هـو فيصـل الحكم..
افادات المـرشحين ومقترحاتهم للمرحلة القادمة لا بد ان تتضـمن ما ورد بالبند
عاليه وايجاد حلول سـريعةله... اكرر سـريعة...
ولكم حبي.
| |
|
|
|
|
|
|
|
|
|
Re: هام وعاجل :بورداب الرياض..يسقط حمزاوى..انا خالكم الاعلى (Re: الخير محمد عوض)
|
بسم الله الرحمن الرحيم
أنا غايتو خالى البحفظ لي حقوقى :
سلم المغتربين وبيع السمك في الماء !
بسم الله الرحمن الرحيم
الذي حصل للمغتربين المكلومين هنا في رياض الخير شئ مخجل ويؤسف له حقا بشتنه وعدم تنظيم حيث كان ذلك على مرأى ومسمع من مسئولي سفارة السودان في ذلك اليوم المشهود الثلاثاء 25/7/2006 كان أمرا مؤسفا للغاية حيث حضر الأباء من كل حدب وصوب بعد سماع خبر وصول استمارات التقديم للقبول زرافات ووحدانا فكانت أول غيث العناء قطرة فبدلا من أن يتسلموا الاستمارات الأصلية فوجئوا بتسليمهم صورا من نماذج استمارات القبول ودليله مدفوعة القيمة على أساس أنهم سوف يستلمون الاستمارات الأصلية يوم السبت 29/7/2006 علما بأن من بينهم من يحضر من خارج الرياض 400كيلو على الأقل وبدلا من أن يراعى مثل ذلك بحيث يكون هنالك جدول زمني واضح يحدد موعد وصول هذه اللجنة والتي نحسب أن أعضائها ينالون أجر المأمورية لذلك يمكنهم الوصول إلي هؤلاء الذين هم من خارج الرياض في أماكنهم حتى لا يتكبدوا هذا المشاق فشتان ما بين السيارة والطائرة وشتان ما بين الأخذ والعطاء على سبيل المقارنة ، لكن من يقول البغلة في الإبريق ! تصوروا معي أخذوا من كل أب يرغب في هذه الاستمارة مبلغ 110 ريال هذا لتوثيق الشهادة فقط ثم 150 ريالا قيمة استمارة التقديم للقبول علما بأن استمارة القبول للجامعات الخاصة بمبلغ 260ريالا علاوة على ما يكلفه الطالب لوالده من مبالغ طائلة في استخراج الجنسية 150ريالا وجواز جديد 90ريال يكون المجموع من تعليم خاص إلى عام مبلغ 760 ريالا أين يذهب ريعها ولمصلحة من ؟ كل ذلك بسياسة بيع السمك في الماء ولا تدرى علي ماذا ستحصل احتمال كبير بردة أو تمساح أو قرش أو ربما يكون أبو القدح ، مع ملاحظة أن الذين يتم قبولهم تكون نسبته فوق أل 99% فإذا قدرنا هذه المبالغ للآلاف من الممتحنين من أبناء المغتربين بالدولار في دول الشتات لشيدت لهم جامعات عددا فويل للمطففين ! والسؤال المحورى في خضم هذا الاستنزاف ذا والسباحة في الفيء والتمرغ في الميرى لأكل حق الناس بالباطل من الذي يقرر هذه الرسوم وهذه الاستقطاعات هل هي وزارة التربية والتوجيه أم المؤتمر الوطني أم هي حكومة الوحدة الوطنية وهدفها السامي في مجانية التعليم ؟ كل هذا هين فبرغم عدم التنظيم والترتيب الذي صاحب ذلك ، الجماعة المسؤولين عن هذه المعمعة يبدأ عملهم الساعة العاشرة صباحا كل يوم ، كما أنه لا يوجد هنالك أي مؤشر يدل على الخطوات التي يتم علي ضوئها الحصول على استمارة الخسارة تلك وما هو المطلوب حيث كان الأباء يقومون بالاستفسار عن المستندات المطلوبة كل على طريقته وهمته وبعضهم رجع إلى الدمام لإكمال النواقص وإحضار ابنه أو ابنته أو ابنيه معه يا ترى من هو المسئول عن هذا العبث والفوضى وعدم المسؤولية هذه ؟ وبرغم الزيادات الكبيرة في رواتب السلك الدبلوماسي التي أقرت مؤخرا إلا انه ببداية سبتمبر ينتهي الدوام في السفارة بنهاية يوم الأربعاء يعنى ما في دوام يوم الخميس على حسب قولهم تماشيا مع سياسة البلد المضيف التي لم نلمس منها ولا من أهلها إلا كل خير واحترام متبادل لعدد من سنين خلت والسفارة بتلك الحال إذا ما هو الجديد ! يعني الدار دارنا ونحن أسيادها ، ليس هذا وحسب ففي هذا اليوم الثلاثاء سلم الأباء الذين جلهم من حملة الشهادات المعتبرة طب هندسة محاسبة ترجمة وأساتذة جامعات ويا للعجب صورا من استخبارات القبول مدفوعة القيمة في انتظار وصاول لاستمارات الأصلية يوم السبت المقبل كل عام وأنتم تهمشون ، حيث أدى ذلك إلى نوع من التكدس والزحمة فساد السفارة ذلك اليوم نوع من الهرجلة وعدم التنظيم جموع تتصارع كأنها على شباك تذاكر السنما والفلم هندي وأعضاء لجنة القبول مبتسمين يستمتعون بهذا التناطح المشين بين جموع الحاضرين حيث من بينهم موجهين تربويين وبروفيسرات ، أبلغني شاهد أعيان أن المسؤولين في السفارة قرروا أن لا تؤخذ قيمة الاستمارة من الذي تحصل على 99% فما فوق من الأبناء ولكن بعد برهة صاح صائحا أن أحد الكبار بالسفارة قرر أن الذين يعفون من الرسوم هم من تحصلوا على درجة 100% سبحان الله انظر إلى هذا الشح والبخل وكيف أنهم يتعاملون ، علما بأن توثيق الشهادة في الخارجية السعودية بثلاثين ريال فقط إذا أين البترول وأين الذهب ؟ مع هؤلاء كاد عقلي يذهب ! يكنزون ويكنزون ولا يدرى الظالمون إلي أي منقلب ينقلبون . جنس إهانة ومذلة لهؤلاء المغتربين مع استقطاع 10% من الشهادة العربية ! عدم راحة الضمير في هذا الحوب الكبير الغير منطقي وقلة الحيلة جعلهم يفكرون في تكملة النقص بزيادة سنة في مرحلة الأساس وتغيير المناهج التعليمية تعلمون لماذا لان أبن المغترب ( مواطن درجة ثانية) علاوة على حصوله للدرجة المشرفة يكبر أبن المواطن في الداخل (درجة أولى) بعام دراسي كامل حكمة والله وحكاية أي ظلم هذا ؟؟ إن ما حصل بالسفارة في ذلك السبت الحزين شئ مؤسف ومخجل وسط سكوت تام من المسئولين بالسفارة ؟؟؟؟؟ هذا إذا علمنا أن استمارة التقديم للقبول في الداخل بمبلغ 25 ألف جنية سوداني تقريبا تلك إذا قسمة ضيزى إلى متى يستمر مثل هذا الحال ؟ ألا تستحون! قال أيه قال توحيد الجبهة الداخلية قال ! إذاأنى يكون السلام ولمن السلام ؟ .
| |
|
|
|
|
|
|
|
|
|
Re: هام وعاجل :بورداب الرياض..يسقط حمزاوى..انا خالكم الاعلى (Re: صديق الموج)
|
امبارح بالليل انهار المدعو صديق الموج
واستسلم ورفع الدلقان الابيض
وخلع التي شيرت
ورقص رقصة رجل المرة حلو حلا
وقال خلوني خلوني
ما بقدر
الهيجيج دا
آآآآآآي ي ي
الشرط دا
أأأأااا ي ي ي
السجم دا
آآآآآآآآآ ي ي ي
وأنبطح
ناس
وعيال ام درمان
دور بي البلد دا
أحرق
اكشف
مغص مغص يا الامدرمانيين
وكانت ليلة
القبص على
صـــديق المـــوج
| |
|
|
|
|
|
|
|
|
|
Re: هام وعاجل :بورداب الرياض..يسقط حمزاوى..انا خالكم الاعلى (Re: حمزاوي)
|
حمزاوي .. ولا يهمك لن تجدي كل محاولات
الإنقلابيين .. وحتى لا تحدثك نفسك بالشك
في الأتباع بما قاله دكين .. أمين أمانة
السر والمال لدى خؤولتكم:
Quote: - كل من يحاول الائستئناف او يتداخل بما يناقض حكمنا اعلاه ستوجه اليه تهمة الجوع والسعي الى العزائم وسيتم حسمه بقوة..
حتى ولو فضلنا انا وابوزرقة برانا مع الخال الشرعي ..
|
فأطمئنك بأني كنت حضوراً في الغداء الدسم بمنزل
الموج .. وهو يستحق لأنه كان تحت تأثير نغمات
الفنان العظيم الكاشف (الشوق والريد) وأشياء
أخرى .. ولكن كانت بطننا مع صديق وقلبنا مع
حمزاوي وليس بالخبز وحده يحيا الإنسان .. لن
نصادق غير حمزاوي .. فسير وعين الله ترعاك .. ومازالت
ذكرى ود قاسم تصيح فينا .. لازم تصلح لينا الأوضاع
شوية بقررات يتبعها غداء وأبشر بهزيمة المرجفين..
وكل الذين يحاولون صناعة التاريخ بعمل فوقي يتم
بلا مشورة للجمهور ولا يستغرق غير تضحية لساعة واحدة
فقط فيدعون شرعية كاذبة تورث الندامة.
تحيا الديمقراطية والتركين .. يسقط التآمر وصديق ورهطه من فلول المتآمرين
| |
|
|
|
|
|
|
|
|
|
Re: هام وعاجل :بورداب الرياض..يسقط حمزاوى..انا خالكم الاعلى (Re: المسافر)
|
بالرغم من هذا الإنقلاب العنصرى الذى يقوده صديق الموج حيث تقول التقارير الواردة
أن الدبابات الموالية لصديق الموج تجد مقاومة شرسة فى أطراف
الرياض ، ولكن لى سؤال إذا طلبنا من الاخ حمزة الخال الشرعى زلابية او عصيدة
فى أى رحلة نقوم بها من أين سيأتى الخال حمزاوى بهذه الطلبات وهو خال من الخالة؟
بالرغم من عدم إتفاقى بهكذا إنقلابات ولكن يجب أن نضع فى إعتباراتنا أن للزلابية
والقراصة وهلمجر والتى تكون للخالات دور رئيس فى توفير هكذا تموينات قد يرجح الكفة
للقوات الموالية لصديق الموج .
| |
|
|
|
|
|
|
|
|
 Re: هام وعاجل :بورداب الرياض..يسقط حمزاوى..انا خالكم الاعلى (Re: شرووم)
|
الشرفاء..
وكل المرابطون خلف متاريس حلم العودة..
وإلى كل القابضون..
والعائدون (إلى حظيرة الوطن ودفئ أحضان الأهل)ونحن اللاحقون..
(أوعدنا يا رب)..
ونظراً لما ساقه الأخ/ دكين عشا البايتات..
نعلن لجمعكم الكريم التالي:
بتثبيت خؤلة حمـــــزاوي كخيار ديمقراطي..
رفض محاولات صديق الموج الإنقلابية الفاشلة..
صدر تحت توقيعي اليوم 12/08/2006م
كده برضو يا صديق..
والموج بيهدم كل ربوة على الجروف..
| |
|
|
|
|
|
|
|
|
|
Re: هام وعاجل :بورداب الرياض..يسقط حمزاوى..انا خالكم الاعلى (Re: صديق الموج)
|
Quote: علما أن الرطانة هم من أتى به من أقاصي حلال الجعليين المنسية ..
حيث كان السيد صديق يطارد القطار صائحا في نشوة و ذهول ( و بقية عراقيه بين أسنانه ):
الكترابه .. الشي دبيب .. هااااع . |
عماد حبابك عشرة وصدقت فيما اوردت لكن انتو زوادتكم التركين دى لما تجدعوها
نحن فاكرنها (حفاظات) ما كنا بنشيلها بس بنقفل نخرينا ونقوم صوف.
بعدين انتو اتفاقية البقط نقضتوها معقول تنفع معاكم معاهدتى دى؟
يسقط السدنة والمارقين ومن يقولون للرحمن ارتى،،،
| |
|
|
|
|
|
|
|
|
|
Re: هام وعاجل :بورداب الرياض..يسقط حمزاوى..انا خالكم الاعلى (Re: بدرالدين شنا)
|
بدر الدين
سلامات ياخي ومشتاقين
Quote: والله دحَّضتني جنس دِحِض
إنتو مسالة الخؤولة دي قرار فني ولا إداري؟؟؟ |
يوم الخميس المفات، تفرغت لإعادة قراءة تعليقاتك منذ البداية
ولم أكملها بعد..
بالنسبة لمسألة الخؤولة وكونها قرار فني أم إداري
دا سؤال جميل.. سنكون لجنة من السابِقة أسماءهم
لمحاولة الإجابة عليه..
مودتي
| |
|
|
|
|
|
|
|
|
|
Re: هام وعاجل :بورداب الرياض..يسقط حمزاوى..انا خالكم الاعلى (Re: صديق الموج)
|
جنس تزوير للحقائق وفي الاوراق الرسمية
يا جماعة شوفتوا واحد مراتو صوتت ضدو
امبارح بالليل حصل لي صديق الموج
شكراً شكراً يا ام حيدر
هي لله هي لله
حنستمر في التوالي
والاجماع السكوتي
يا شرووم
طيب يا اخوي
ما عندك امان وانا حالي اجيب ليك في المشرق والقراصة
يا بدر الدين شنا
انت اسم على مسمى
اول مرة اشوف واحد اسمه صح وبشبه كمان
خليك مع ناس ام درمان عشان يلحقوك امات طه
تخرمية شوية
أمات طه دي مين
| |
|
|
|
|
|
|
|
|
|
Re: هام وعاجل :بورداب الرياض..يسقط حمزاوى..انا خالكم الاعلى (Re: صديق الموج)
|
Quote: يعني قصدك يا صديق الموج انو حمزاوي
غير مؤهل لهذا المنصب المهموالحيوي والضروري كمان .. ممكن نعمل انتخابات .... باعتبار ان كل الاستطلاعات تؤكد تقارب النسب بينكم في درجة المحبة والخلوللية...
وفي حالة تساوي النسبة يعلن تنصيب حميدة خال للجميع ... |
تولوس العزيز شكرا..
لكن بقيتوا على حميدة انا داير اكمل تعليمى،،،
| |
|
|
|
|
|
|
|
|
|
Re: هام وعاجل :بورداب الرياض..يسقط حمزاوى..انا خالكم الاعلى (Re: صديق الموج)
|
Quote: و بالرغم من انو انا
دون بورداب الرياض و الدوحة
لاكن السؤال,,
هل يتيح دستور الخولنة الرياضية بالتصويت
من خارج المنطقة؟؟ |
غادة العزيزة ..انت مخول ليك ليك تصوتى حتى ولو من الاراضى المحررة زاتو
وبعدين انا فى برنامجى الانتخابى حا يكون هناك:
كمبيوتر لكل ابن اخت
عريس لكل زول ما معرس
عريس لكل بوردابية
وسوف اعمل ليكم شفخانة وبوستة وسوق منضبطة
وسوف اوصل لكم الكهرباء حتى سرايركم وسوف اعلن مجانية العلاج خصوصا
ناس مرض حامد من الجنسين وسوف وسوف وسوف
فقط انتخبو خالكم صديق الموج الرمز الدبابة..يعنى صوتو ما
صوتو انا خالكم...
غاب ود قاسم ولعب ود الموج هيييييييييييييييع،،،،
| |
|
|
|
|
|
|
|
|
|
Re: هام وعاجل :بورداب الرياض..يسقط حمزاوى..انا خالكم الاعلى (Re: صديق الموج)
|
Quote: دكين ايها الوغد
لو سمحت ما ترد على ضيوف بوستاتى ديل وبعدين انت شخصيا
انا متبرى من خولنتك و...
قاتلك اله يا لك من مشوطن مسكون،،، |
تستاهل يا صديق الموج
لأنك البارِح الليل كلو تغني لي دكين.. "دكين ما أحلاه، ودكين مش عارِف ايه"..
انت المفروض تقول:
إيه يا مولاي إيه
من دكين فاتقيه
واهدم الحيطة فيه
إنه وغدٌ سفيهِ
| |
|
|
|
|
|
|
|
|
|
Re: هام وعاجل :بورداب الرياض..يسقط حمزاوى..انا خالكم الاعلى (Re: صديق الموج)
|
Quote: ايها الجمع العمـيم سلام من الله يغشـاكـم
وبعـد
القول هـو ما قال به الشـفيف احـمد الشـايقي، فواجبات الخـؤولة تقتضـي
تناول المـوضـوع بحرص تام وبعين ثاقبة تنظـر اول ما تنظـر اليه حل مشكلة
( مرض حـامـد) لعـزاب اضـانهم العـذاب بحثا عن انثى تسـكن اليها الروح ، لا
سـيما ان الحالات التي التقطتها كاميرا حتى الان تنـبئ باسـتفحال الامـر،الشـيئ
الذي لاتضمن له العـواقب....حل مشـكلة (مرض حامـد)
هـو فيصـل الحكم.. |
الخير العزيز لك الشكر وابشرك انو من ضمن برنامجنا الانتخابى اعلنا عن
مجانية العلاج خصوصا هذا الداء العضال فابشروا بالمداواة بس صوتك معانا
يسقط حمزاوى
| |
|
|
|
|
|
|
|
|
|
Re: هام وعاجل :بورداب الرياض..يسقط حمزاوى..انا خالكم الاعلى (Re: Khalid Saeed)
|
برقية عاجلة
خالص وقوفنا مع الخال
صديق الموج والذي أسميته هكذا منذ اول مداخلة لي معه
وسنكون سندا متينا أمام محاولات عزله وسدا فظيعا لكل من يجرده هذا اللقب الذي استحقه عن جدارة, كما نشجب أية محاولات أمام الوقوف في وجه القوات الدولية التي سوف تأتي لحماية حواكير الحب التي خلقها وسط الاعضاء في هذا المنبر برغمانه لم يسلم من جنجويد
السلطة..قف ونحن معك ايها الخال ولا نامت أعين آكلي الجداد الذين دبروا مؤامرتهم بليل
لاقصائك من حركة تحريرنا من الخيلان الزائفين.
قف عودة حمزاوي إلي صوت العقل هي السبيل الوحيد
لحقن الدماء.
قف دامت ايامك بالسعد وطول العمر وبهاء المنظر
| |
|
|
|
|
|
|
|
|
|
Re: ايييييييه ايام (Re: حسام يوسف)
|
الخال صديق الموج
و بما انو قانون "الخؤولة "
يسمح بالتصويت من خارج الرياض و الدوحة
فانا اقدم طلبا بالتخقيق مع الاخوة الكرام
معتصم و ودالباوقة
لعدم ارسالهم لصندوق المنقة و الشية التى
هى تعتبر حقا مكفولا لى بناءا على قانون السمايات
المعدل سنة 2000
و بعدين نشوف حكاية الانتخابات و الانقلابات دى
كل الود
غادة
| |
|
|
|
|
|
|
|
|
 Re: ايييييييه ايام (Re: غادة عبدالعزيز خالد)
|
Quote: فانا اقدم طلبا بالتخقيق مع الاخوة الكرام
معتصم و ودالباوقة
لعدم ارسالهم لصندوق المنقة و الشية التى
هى تعتبر حقا مكفولا لى بناءا على قانون السمايات
المعدل سنة 2000 |
يا غادة إنتي أصلو ما بتنسي ..
الحاجات دي رسلناها زمااان بالدي أتش إلـ ..
يمكنك مراجعة مكاتبهم على الرقم التالي ..
0 0 000 00 0
تقرأ هكذا صفر صفرين تلاتة أصفار صفر صفر ..
ورقم البوليصة من الرقم 9 إلى 1 ..
خالص محبتي وتقديري ..
| |
|
|
|
|
|
|
|
|
 Re: هام وعاجل :بورداب الرياض..يسقط حمزاوى..انا خالكم الاعلى (Re: صديق الموج)
|
Quote: فقط انتخبو خالكم صديق الموج الرمز الدبابة..يعنى صوتو ما
صوتو انا خالكم... |
ويدعمه تمبس بتصيبه نفسه:
| Quote: الحرس الشخصي للخــال الشرعي .. صديق المــوج |
بناء على اعلاه وبيقين العارف نقولها : عوضك على الله يا خال حمزاوي
وحيث اننا لا نستطيع ان نتجاهل نداء الاخ دكين في آخر خطابه لنا
اولا ننصحه بالآتي :
ان يستعوض الله هو الآخر في ادناه وان تم :
| Quote: يغرم ود الموج مبلغ مالي يتم ايداعه في حساب استخبارات الخال بطرفنا.. |
فالبودي قارد تبعه ( ناااااصح)
وفي مسعاك الحثيث لنصرة حقوق المرأة انا اوريك تسوي ليها شنو، تتبنى حملة قوية موازية لترشيح الخال حمزواي تتبنى فيها ترشيح احدى بوردابيات الرياض (خال تاني) وهذه ايضا تعدّل الكفة مرة اخرى والتي كان قد رجحها الاخ ترهاقا لصالح قوات الموج بسبب القراصة والزلابية والهلمجرا
Quote: معتصم ود عمى الكلس..ما كانت المحرية فيك...شعيريتنا ما تنفعك
والا بقيت زول تركين...ما همانا مادام شتات معانا،،، |
رد معتصم كالآتي :
Quote: ماهو دا واحد من الأسباب الخلتنا نصوت ضدك ..
بعد أن منعت عننا هذا التموين الهام .. |
وبالرغم عن هذا اصبح شتات مواليا للموج أي باع قضية الشعيرية ؟!
كان كدا ما تضمنه شديد ياموج
| |
|
|
|
|
|
|
|
|
|
Re: هام وعاجل :بورداب الرياض..يسقط حمزاوى..انا خالكم الاعلى (Re: صديق الموج)
|
Quote: فأطمئنك بأني كنت حضوراً في الغداء الدسم بمنزل
الموج .. وهو يستحق لأنه كان تحت تأثير نغمات
الفنان العظيم الكاشف (الشوق والريد) وأشياء
أخرى .. ولكن كانت بطننا مع صديق وقلبنا مع
حمزاوي وليس بالخبز وحده يحيا الإنسان |
محمد عبد الجليل ...وكتين الغذاء كان دسم صوتك وينو انت تاكل السم
يا نكار الغداء،،،
| |
|
|
|
|
|
|
|
|
|
Re: هام وعاجل :بورداب الرياض..يسقط حمزاوى..انا خالكم الاعلى (Re: صديق الموج)
|
ود الموج بحر الدميرة
انت الخال وذلك حسب المجهودات التي تقوم بها ، والاولوية نعطيها علي حسب التسلسل المكاني لمجرى النيل فلقد سبقك
الخال ود قاسم بحسب موقعه النيلي ومن ثم ياتي دورك وبعدها حمزاوي لانو النيل بيصلهم ترعة مافيهو اي موج ولا طمي
وبالنسبه لترشيح حمزاوي نحن ما حضرناه ونرجع لامين الموقع لنعرف عدد اعضاء سودانيز اون لاين في الرياض ونحسب عدد الحضور في ترشيح حمزاوي وبعدين نشوف النصاب . والله ياخال واقفين معك مع العلماان اهل حمزاوي واسرته معظمهم اصدقاءنا ولكن كما اسلفت الترشيح حسب المواقع لمجرى النيل وبما انه لا يوجد قبلك احد فهنئيا لك .
| |
|
|
|
|
|
|
|
|
|
Re: هام وعاجل :بورداب الرياض..يسقط حمزاوى..انا خالكم الاعلى (Re: صديق الموج)
|
ابوجهينة
| Quote: دعايتك الإنتخابية كاربة. |
أحم . . أحم
عماد عبدالله
| Quote: هذا الصديق أبان سؤ ما يطوي من عنصرية بغيضة .. |
انصر دينك ودين دينك
عبدالله عقيد
| Quote: وما بعيد نشوف لينا خال جديد |
تم تخفيض رتبتكم الي شاويش
احمد حنين
| Quote: قلبي وراني العجائب .. ياحبيبي |
يا راجل . . قلبي يا قلبي . . حليل موسى يا حليل موسى
معتصم دفع الله
Quote: يسقط يسقط صديق الموج ..
وكذلك عقيد وحنين .. |
برانا بنعرف مستوانا . . مغص مغص يا ناس امدرمان
خالد سعيد
Quote: الخال / صديق الموج
أبشر بالخير ... سير وعين الله ترعاك .. |
الاخ راكب لوري
حميده
| Quote: انا خالي ( النخل ) .. |
أنا العجوة ظاااااااااطو
تولوس
Quote: يعني قصدك يا صديق الموج انو حمزاوي
غير مؤهل لهذا المنصب المهموالحيوي والضروري كمان |
الأخ في الاتحاد الاشتراكي
غادة خالد عبدالعزيز
Quote: هل يتيح دستور الخولنة الرياضية بالتصويت
من خارج المنطقة؟؟ |
أنا أسم بابا (خالد عبدالعزيز) مش غريب علي
الرجل العظيم يخلف غادة
خالد عبدالله محمود
Quote: يسقط غاصبي السلطة ... يسقط مجهضي الديمقراطية
يعيش الخال حمزاوي |
بالدم بالروح نفديك . . .
| |
|
|
|
|
|
|
|
|
|
Re: هام وعاجل :بورداب الرياض..يسقط حمزاوى..انا خالكم الاعلى (Re: صديق الموج)
|
دكين
| Quote: انقلابك ده بلو واشرب مويتو ياخوي.. |
واعطي باقي الموية لحنين
عثمان سيداحمد
| Quote: الخال حمزاوي لهذا المنصب 00 |
أعلنها داوية على خشبة المسرح
بالله داوية مش رهيبة . . انا ذاتي ما عارف جبتها من وين
احمد الشايقي
| Quote: الـ يقدر يحل مشاكل العضـويــة يستحـق الخؤوليـة |
أنا قدها وقدود . . بس صورة سيدي الرسموه عريان أعفيني منها
الخير محمد عوض
Quote: افادات المـرشحين ومقترحاتهم للمرحلة القادمة لا بد ان تتضـمن ما ورد بالبند
عاليه وايجاد حلول سـريعةله... اكرر سـريعة... |
يطرشني لو فهمت حاجة من كلامك
ادم الهلباوي
| Quote: أنا غايتو خالى البحفظ لي حقوقى : |
وجع . . انت طويل وعريض . . وأسمك هلباوي . . يا صديق الموج أتهنى بالهلباوي دا
حسام يوسف
| Quote: انت الخال وابن الخال سير و عين الله ترعاك |
يا اخوي انت نسيت تسرح شعرك قبل التصوير . . لازم تغير الصورة . . ولا نرسل ليك مشط
محمد عبدالجليل
| Quote: حمزاوي وليس بالخبز وحده يحيا الإنسان |
عشان كدا الزلابية طلعت مسيخه . . بس ما وريتنا نأخذ شنو عشان نعيش . . انت كدا حتقتلني بالجوع
المسافر
Quote: خالو الموج
الله يجيب العواقب سليمة |
أنا غايتو عواقبي سليمة . . شيكو على حق ود الموج
ترهاقا
| Quote: ولكن لى سؤال إذا طلبنا من الاخ حمزة الخال الشرعى زلابية او عصيدة |
عصيدة شنو . . انت قايلنى من امدرمان . . اموت انا في حلفاية الملوك
بدرالدين شنا
دكين ما بيرحوا الا حقنة شرجية . . أكل زلابية تقول معمول من عهد سيدنا شعيب عليه السلام
تمبس
| Quote: التي يتبناهــا لفيف من سدنــة الخــال المرشح همزاوي |
أول حاجة انت قادي أملاء . . انا اسمي خمزاوي بالخوون وليست بالهوون
| |
|
|
|
|
|
|
|
|
|
Re: هام وعاجل :بورداب الرياض..يسقط حمزاوى..انا خالكم الاعلى (Re: صديق الموج)
|
Quote: المرشــح حمــزاوي
والمنافـس صـديق المـوج,
مهمـة الخال دي مهمــة كبيييييرة, وفرقـة ودقاســم ما بتنســد , يعني العضــوية في الرياض عندها مشاكل مزمنـة,
عنـدنا عـزاب مزمنين, كأول مشكلـة مستعصـيـة الحـل, |
احمد الشايقى ابن اختى
اهل العقل ما يروحو البدفنو الزول بى روحو
حمزاوى ده ماقادر يحل مشكلته وكم قال المثل( وفاقد العرس لا يعطيه9
خليك مع خالك وان شاء الله تصل مثنى وثلاث ورباع
يسقط حمزاوى
مرشحكم رمز الدبابة ابو الموج خالكم وخال خالكم،،
| |
|
|
|
|
|
|
|
|
|
Re: هام وعاجل :بورداب الرياض..يسقط حمزاوى..انا خالكم الاعلى (Re: صديق الموج)
|
Quote: معتصم و ودالباوقة
لعدم ارسالهم لصندوق المنقة و الشية التى
هى تعتبر حقا مكفولا لى بناءا على قانون السمايات
المعدل سنة 2000
|
الاخت الكريمة غادة ..
ينص قانون السمايات المعدل لسنة 2000 في المادة السابعة الفقرة ب بانه لا يجوز ارسال اي شيء من السماية عدا الكمونية ان كان الشخص المرسلة اليه خارج السودان وبما انك كذلك فانــــه يتعذر علينا ارسال المنقة والشية . وان كنت في اصرار على ذلك يمكنك مراجعة مكتب الرعايـــــة الاجتماعية قسم سمايات العاملين بالخارج للنظر في طلبك .. والله الموفق ..
ود الباوقة
| |
|
|
|
|
|
|
|
|
|
Re: هام وعاجل :بورداب الرياض..يسقط حمزاوى..انا خالكم الاعلى (Re: صديق الموج)
|
Quote: محمد عبد الجليل ...وكتين الغذاء كان دسم صوتك وينو انت تاكل السم
يا نكار الغداء،،، |
المصيبة أنو همزاوي ما فهمني وكت قلتليهو (ليس بالخبز وحده يحيا الانسان
قال ليً .. إنتا عاوز تكتلنا بالجوع .. جوع شنو يا خال إنتا عاوز تطلع
كلام صديق صاح والله شنو .. وهو كان بقول لينا في الغداء الدسم حمزاوي
ما بنفع يكون خال لانو ما بعرف الاستعارة المكنية (طبعاً المكنية دي جنب
الصلوعاب) .. فيا همزاوي .. (ليس بالخبز وحده يحيا الإنسان .. ولكن بحب
الخال المنتخب شرعياً"همزاوي") .. دي أخر مرة .. بعد كدي إلا نضربليك مكرفون ..
| |
|
|
|
|
|
|
|
|
|
Re: هام وعاجل :بورداب الرياض..يسقط حمزاوى..انا خالكم الاعلى (Re: صديق الموج)
|
شرووم
وحات سيدي الحسن أنت شايقي
عبدالرازق الطالب
Quote: بتثبيت خؤلة حمـــــزاوي كخيار ديمقراطي..
رفض محاولات صديق الموج الإنقلابية الفاشلة.. |
أنت خشن حتى في الديمقراطية . . عشان كدا انا اخترتك مساعد الخال لشؤون الجنس الخشن
احمد علاء الدين
| Quote: سيظل الأستاذ حمزاوي هو الخال الشرعي |
يا قريبي انا عايزك تقيف معاي . . هو ايه الحكاية انت قايل الموضوع حمل وطفل شرعي وغير شرعي
علاء حيموره
| Quote: ناس الرياض عشان يفجو لي السهلة وانا الخال والعم والجد |
الديم نقد والصحافة سدنة . . لك العمومة والجد . . بس ابعد من الخؤولة
amara
| Quote: ( راجل المرة ده حلو حلا ) |
إذا قال amara فصدقوه . . عشان كدا انا ما عايز أنزل صورتي . . أحي أنا تجنن يا حمزاوي
صلاح شعيب
| Quote: قف عودة حمزاوي إلي صوت العقل هي السبيل الوحيد لحقن الدماء. |
أقطع ضراعي من هنا إذا الزول دا ما مؤتمر وطني
ودالباوقة
| Quote: حمــــــــــــــــــزاوي خالي وانا ود اختو ... |
أنت الريس وانت القائد واصل كفاحك . . الليله ساير يا ود القبائل . . ما همانا ما دام رئيسنا معانا
حجة أمنه
Quote: المشتهى الحنيطير ...يطير
اااااى
ياود الموج سويت رقبتك ليمونة فى بلد بطنا طامة |
يا حجة ما تكتبي عربي حسع كلامك دا نفهمو كيف . . يا حجة أمنه انتي حجيتي وين . . غايتو كلامك دا ما كلام زولة حجت في مكة
أبوقوته
Quote: صوووووووووووووووووووووووووت
للبيييييييييييييييييييييييييييع |
أنت من ما عرست خربت . . تبيع صوتك يا اهل العوض . . أمال ناس امدرمان يعملوا شنو
ملكة سبأ
| Quote: تتبنى حملة قوية موازية لترشيح الخال حمزواي تتبنى فيها ترشيح احدى بوردابيات الرياض |
مافي طريقة تجي الرياض يا ملكتنا . . كدا باركها وقولي خير . . ويا جماعة الخير بارك الله في من جمع خال وخالة . . ويا ناس الرياض بختكم باعظم خال وخالة
| |
|
|
|
|
|
|
|
|
|
Re: هام وعاجل :بورداب الرياض..يسقط حمزاوى..انا خالكم الاعلى (Re: حمزاوي)
|
نما إلى علمنا أن هنالك بوادر خلاف بدأت تطفو على السطح بعد أن فشلت المحاولات لتقريب وجهات النظر بين الخال المخلوع / حمـــزاوي والطبقة المستنيرة التي تسانده بقيادة السيد/ محمد عبد الجليل ، حيث بدأ الخلاف عندما صرح محمد عبد الجليل بأنه ليس بالخبز وحده يحيى الإنسان ورد عليه الخال المخلوع باتالي :
| Quote: بس ما وريتنا نأخذ شنو عشان نعيش . . انت كدا حتقتلني بالجوع |
وماكن من محمد عبد الجليل إلى أن يبدي غضبه لسوء الفهم بأن صرح للمقربين من حوله بأن الخال المخلوع حمزاوي فهمه غلط .
ونحنا بنقول الله لاجاب الغلط ( أكلــــــــــو قراصـــــه وتركين ) ....
وخلو الخبز والشعرية لخبازه ..خبازه طبعاً الخال صديق الموج .. عشان ماتفهمونا غلط ..
وسوف نوافيكم بتفاصيل أوفى لاحقاً .
مراسلكم الأرباب
الأراضي المحررة من التكرين والقراصة والخال حمزاوي ظااااااااااااااااااااااااااطو .
| |
|
|
|
|
|
|
|
|
|
Re: هام وعاجل :بورداب الرياض..يسقط حمزاوى..انا خالكم الاعلى (Re: صديق الموج)
|
جمال هباني
| Quote: ود الموج بحر الدميرة |
دا مدح ولا ذم . . موج ولا دميرة نجيب شباكنا ونجي عشان نصطاد . . صديق الموج دا من روتو
هشام يا زول يا زول
انا مركب طقم اسنان . . وجع يا ود الموج ضروسك حيتخلخل . . طبعاً يا هشام انت قريبي وليك علاقة قوية مع المحس وهم خيلانك وتلقائياً أنا خالك وما دام انا خالك فأذن انت مخلول . . فهمت حاجة . . أنا برضوا ما فهمت شئ
| |
|
|
|
|
|
|
|
|
|
Re: هام وعاجل :بورداب الرياض..يسقط حمزاوى..انا خالكم الاعلى (Re: صديق الموج)
|
Quote: ظللنا نتابع من مدة طويلة كل التحركات المريبة .. التي يتبناهــا لفيف من سدنــة الخــال المرشح همزاوي .. ورصدنــا كل التحركات التي امتدت منذ فترة هي ليست بالبعيدة .. والتي تمثلت في تجنيد بعض البورداب اصحاب ( الذمم ) التعبانة فاقدت الشرعية البوردابية .. وكانت هناك محاولات تجنيد بعض المرتزقة من بورداب الشرقية حيث أنه في يوم وداع .. الخــال الاصلي ودقاسم تم هناك إجتماع لبعض قادة الخلايا ممثلين في:
- عميد طبيب ماعون فكري واسع حمد فتح الرحمن .
- ملازم اركان حرب كبكبة وتحنيس بدري محمد بدري .
- لواء معاش انــا اموت ركن .. عمك تنقــو .. |
تمبس لكن لقيتك متملق بشكل!!!كلما تشوف ليك مغترب عايز يبقى خال
تقوم تتلصق عليه...ياخى انا زاتى ما رصدت تحركات قدر دى.
لكن قرط على كده....
فرصتك للترقى ضمنتها...وبعدين العملتوا فاطمة يوم الجمعة حمزاوى بعملوا
كان ما فاطمة بتى كان انت ودكين لا اكلتوا لاشربتوا..والحالة دى فاطمة
الصغيرة ابوها حا يعمل شنو...بالله خليك طوالى راصد ولا نامت اعين الجبناء،،
| |
|
|
|
|
|
|
|
|
 Re: هام وعاجل :بورداب الرياض..يسقط حمزاوى..انا خالكم الاعلى (Re: صديق الموج)
|
أثر التهكم السافر على أصحاب اللواري من الخال المخلوع همزاوي
سير إتحاد أصحاب اللواري مسيرة ضخمة تدين وتشجب هذا التعدي السافر .. كما إنضم له جموع غفير من المواطنين الشرفاء والعتالة والسواقين والمساعدين في تلاحم ظاهر بين كافة أفراد الشعب وخطب فيهم رئيس إتحاد اللواري قائلاً :
إن ماتم من تعدي وتهكم من الخال سابقاً حمزاوي .. لعمري له كبير .. وإنه بهذاالتعدي يفقد ثقله بين المهمشين ونحن إذ ندين ذلك .. نوضح أن اللوري كان له فضل كبير في إثراء الوجدان حيث تغني جميع من في ربوع بلادي الحبيب باللوري :
القطاع الغربي : اللوري حلى بي .. دلاني في الودي ....
القطاع الشرقي : ياللوري عليك الله ســـوي بـــوري .....
القطاع الأوسط : دودو بي اللوري .. دودو بي ياريتو لو طار بي اللوري ..
القطاع الشمالي: ياللوري تشيل منـــو غير بنات نوري تشيل منو ...
أما بالنسبة للقطاع الجنوبي : ( فنترك الرد للخال المنتخب نصير المهمشين صديق الموج بحكم إنه عضو في الحركة الشعبية لجنوب السودان ) .
ثم تلى ذلك حرق التركين .. والقراصة في الساحة المحررة .. وكذلك تم حرق الصعوط ..
كما هتفت جموع الثائرين .. يسقط يسقط حمزاوي ... يسقط يسقط التركين .. يسقط يسقط السعوط .
وتم توقيع إتفاقية مقاطعة تمنع نقل أي من التركين والصعوط والقراصة على اللواري .. ودعماً من إتحاد اللواري تم التبرع بنقل 50 لوري شعرية إلى أنصار الخال صديق الموج .. وكذلك 50 شوال فتريته لزوم الكسره ..ومآرب أخرى ..
مراسلكم الأرباب
من المنطاق المحررة من التركين والصعوط والخال حمزواي شخصيييييييييييييييا .
| |
|
|
|
|
|
|
|
|
|
Re: هام وعاجل :بورداب الرياض..يسقط حمزاوى..انا خالكم الاعلى (Re: صديق الموج)
|
Quote: الخال ود الموج
Quote: صدر تحت توقيعى براكوبة الاخوال اليوم 14/8/ 2006
هسة عليك الله المخرف الخال حمزاوي ولا انت ؟؟
الليلة يادوب 12 /8/ وبوسطيك ده ليهو يومين
اقعدوا عافي ،،
ياحليلك يا خالنا ود قاسم |
شروم هو انت الله دشدش سنونك من خيرا فيك..ما تخليها مستورة
وبعدين يا حبيب حمام السعودية الميت ده فيهم ناس يا دوبهم سمعوا
بسقوط بغداد تقول لى الفرق يومين..تسلم يا ابن اختى،،،
| |
|
|
|
|
|
|
| |
صديق الموج
ابو جهينة
Emad Abdulla
معتصم دفع الله
عبد الله عقيد
ahmed haneen
Khalid Saeed
humida
تولوس
غادة عبدالعزيز خالد
خالد عبد الله محمود
عثمان سيد أحمد
أحمد الشايقي
الخير محمد عوض
ادم الهلباوى
حسام يوسف
Mohamed Abdelgaleel
المسافر
ترهاقا
بدرالدين شنا
tmbis
شرووم
A.Razek Althalib
علاء الدين حيموره
صلاح شعيب
abuguta
ملكة سبأ
يازولyazoalيازول
فيس بوك
تويتر
انستقرام
يوتيوب
بنتيريست