|
|
 نانسي ... كل سنه وإنتي طيبه ..
|
كل سنه وإنتي طيبه يا نانسي ...
طيبه وجميله وبديعه ..
ربنا يسقي أيامك زي ما خليتي زهور كتيره في مشاعرنا تتفتح
من جديد ..
صوتك وإحساسك الدافي كانوا أصدقاء لمن الدنيا عزت علينا
بالكتير .
وجودك في حياتنا خلى طعم الإحتمال ممكن .. ممكن يكون في
حاجات كتيره كويسه ونشوفا وهي بتتولد وبتكبر ، وممكن
الإنسان يقدر يقاوم عبث الحياه المحيط ويطلع نضيف ..
كل سنه وإنتي طيبه وقويه وبتشبهي الحياه ...
|
|
 
|
|
|
|
|
|
|
|
Re: نانسي ... كل سنه وإنتي طيبه .. (Re: طلال عفيفي)
|
*في صوت نانسي سر عجيب ، إنت بتكون
عارف إنو ما صوتك ، لكن حالة أشبه
باليقين بتخليك بتعتقد إنها بتغني
ليك ..
صوت هذه البنت زي الفراشة بيشيل ويحط
من شجنك على ألمك ، ومن ألمك على ذكرياتك
ومن ذكرياتك على عشمك في الحاضر السعيد ..
في حضرتها تشعر بحالة نادرة من الصفاء
والإنسجام ..
ولو ممكن كمان من هنا أبعث ليها بكل التحايا
محل ما هي في الدنيا وإنو ربنا يفتح عليها أينما
حلت ..
_____________________________
*كلام قديم بس لسه معناه في قلبي
*الفوتوغرافيا من أرشيف صحيفة
الراية القطرية.
| |
|
|
|
|
|
|
|
|
|
Re: نانسي ... كل سنه وإنتي طيبه .. (Re: طلال عفيفي)
|
يا طلال
وانت طالع من هم فى البيوت قبالة هم آخر ينتظرك منذ نهار امس على دسك المكتب
وانت تعبر بالهموم فى الطريق...
لا شيء لتلتقطه
النهار كنهارات الصحاري
والبيوت كبيوت النمل
تبحث عن بث اثيري لعثمان حسين...يبلل يومك بقليل نداوة
الله يهدى ناس الاذاعات
والا غنية السنين...اوالذكريات
اواى صوت لابراهيم عوض
وفجأة تبث اذاعة مانقو اغنية (شقى ومجنون) بتاعت نانسي
الصوت البخليك تتهدل من فرط الخضرة,,,والخضرة هنا تعدي
كمن حقن اوردتك بشيء بارد
خضرة متيقنة...ليست على مضض
.........
كل الاصوات...درجات من صوت واحد منسي فى التاريخ
الا صوت نانسي
وفيروز
كلاهما نسيج وحده
كل سنة..وكلاكما طيب
فى المحال البعيدة
ورد الله غربة وطني
| |
|
|
|
|
|
|
|
|
|
Re: نانسي ... كل سنه وإنتي طيبه .. (Re: أيزابيلا)
|
زي ما قلتي يا شذى ...
أحياناً كنت بسمع نانسي في ظروف شبيهه بالحكيتي عنها ،
كانت بتديني روح وطاقة إيجابية وبتشخلل لي ما سكن
من حواس .
نانسي كانت طول الوقت تيار عفي بيسري فيني لمن أسمعا،
وأتمنى تظل كذلك وتستمر .
ومع إنو موهبتا وأدائها أمور ليس لي فيها يد ولا كراع
إلا أنني بشعر بالفخر لمن ألقاها شغالة في مكان أو حته
وكأنها من عمايل يدي ! .. شفتي الإنسان ؟
وإنتي كمان طيبه ياشذى ، وما تتصوري فرحت بكلامك ده كيف
والدنيا صباح .
الله يفتح عليكي .
| |
|
|
|
|
|
|
|
|
|
Re: نانسي ... كل سنه وإنتي طيبه .. (Re: أيزابيلا)
|
إزيك ؟.. وازي الزيك ؟
يا الزيك دايماً معدوم
وكيف حالك في هالأيام
الفيهن حسك مكتوم
الفيهن احتار الحاكم
بين الظالم والمظلوم
(عبد الجليل فتح الرحمن)
ازيك يا طلال
الشوق مدرار
وكل سنة وإنت ونانسي بخير
مستمتع اليومين ديل برفقة نانسي عبر (رفقة) شئ عجيب وغنا تحس بيهو موجه لي روح الروح
بكون راجع أو ماشي علي الشغل وبسمع في رفقة ! ببكي مرات ياطلال لما أسمع لي غنيوة
طارق الامين بجيني احساس بالفجيعة يا طلال حاجة كدة بين الترقب (وانتظار المستحيل) شئ
بين الرغبة العارمة في احتضان الذكريات واحتضان الذكريات ! حاجة واحدة من حاجتين !
نانسي بلا شك تستحق يا طلال أكثر من تهنئتها تستحق هذه البنت ان نصفق لها كثيراً
العمر المديد يانانسي والحلم الاكيد وقادم ايام سمحات بالحيل !
يا طلال حتي في الفيس بوك بقيت ماظاهر!
تحياتي لسودانيي قاهرة الرجال
| |
|
|
|
|
|
|
|
|
|
Re: نانسي ... كل سنه وإنتي طيبه .. (Re: سمندلاوى)
|
طلال والاصدقاء
شكرا للمساحة دي ..
وكل سنة وانتو برضه طيبين وسالمين وتامين
وكل سنة تتحقق الاماني
وكل والناس والبلد بخير
بصراحة ما قاعدة احتفل بي عيد ميلادي ، وهو بالنسبة لي ما يوم احتفالي بقدر ما انه لحظة مناسبة جدا لي وقفة مع النفس وتامل ..
وترتيب للغرف الداخلية
واعادة تقييم ومحاسبة.. بكون نتيجتها دايما احساس مريح لو راضي عن نفسك تماما .. الحاجة الما بتحصل بسهولة ..
وعشان كدا بحاول احيانا اتحايل عليه بالنسيان
:)
لكني برضه فرحانة بالاصدقاء ومشاركتهم
خليكم بخير
ولي قدام
| |
|
|
|
|
|
|
|
|
|
Re: نانسي ... كل سنه وإنتي طيبه .. (Re: نوفل عبد الرحيم حسن)
|
طلال تعرف... من عرفتك ..فى ذاك المكان الجميل ... الموجع... جوبا عرفتك بانك ماعادى وكل يوم بتدينى جرعة جديدة ياخ البت والله عجيبة وتستحق من كل زول يخت طوبة فى تمثال ليها بميدان ابو جنزير ...تعرف ياطلال والله رغم عملاقة الغناء وملوكه واناطينة لكن بعد وفاة الاستاذ مصطفى سيد احمد مرت على حقيقى قرف ماكنت بسمع فيها زول غير الغنا الهابط ...لماسمعتة نانسى اعادتنى والله ياطلال لصوابى اعادتنى والله طلال من يوم ماسمعنها ماختيت فى كاسيت العربية والله البيت غيرها ...حقيقى خلت الدنيا تنطاق
شكرا طلال
كل سنة وانت طيبة نانسى
| |
|
|
|
|
|
|
|
|
|
Re: نانسي ... كل سنه وإنتي طيبه .. (Re: عثمان فضل الله)
|
وكل سنة والناس جميلين وعفيين ,
ويا أخ طلال كتاباتك كنت اتابعها عبر هذا الأسفير ,
كانت تخرج من تلافيف الحياة ,
وكنت دون ان تشعر تعيد كل واحد منا الى قيلولة الوطن ,
ورغم الحزن المطمور جواك كنت تجيب الفرحة ,
والأمل الأخضر حين تذكر وفاء الأصدقاء وافتقادك لهم ,
وبعفوية كان ينداح حكيك سلسا .
فأين ذاك القلم ؟
كونوا بخير جميعا .
ست البنات .
| |
|
|
|
|
|
|
|
|
|
Re: نانسي ... كل سنه وإنتي طيبه .. (Re: داليا حافظ)
|
سلامات يا داليا ...
قلتي لي بتنقذك من غربة ؟
والله جيتيني فيما أظن ، فمن مسالك الغنا الجميل والحساس
إنه يلملم أطرافك ويقربك من نفسك حين تكون الهوه بينك
وبين العالم بعيدة .
عشان كده يمكن بنحب المغنيين ، لأنهم إنطلاقة صوتنا المبحوح .
شكراً يا داليا ، وربنا يقرب البعيد .
| |
|
|
|
|
|
|
|
|
|
Re: نانسي ... كل سنه وإنتي طيبه .. (Re: خضر حسين خليل)
|
شوق كتير ليك كمان يا خضر يا عجيب ،
أما الدنيا حدانا فهي بخير ، بنعافر
ونحيا ... الحياه فيها ومضات جميله،
بتكون عارف ، مش كده ؟
نانسي خلقت حالة جميلة وجديدة ، وممكن
تكون علامة في وجدان ناس كتير .
يمكن زي ما بنحب صوتا ، يكون في ناس ما
بيحبوا صوتا ، لكن ماهنختلف على إنها
عندها روح صاحية في الأداء ، وده الخلاها
لامعة عندي وعند ناس كتير ..
كل سنه وهي طيبة تاني ،
وتحياتي يا صديقي
| |
|
|
|
|
|
|
| |
طلال عفيفي
معروف حمدين
فيصل نوبي
أيزابيلا
على محمد على بشير
خضر حسين خليل
داليا حافظ
كمال ادريس
سمندلاوى
نانسي عجاج
saadeldin abdelrahman
سارة علي
نوفل عبد الرحيم حسن
عثمان فضل الله
ست البنات
فيس بوك
تويتر
انستقرام
يوتيوب
بنتيريست