ظرفاء ود نوباوي قصص وحكاوي..!! .... الهادي الضلالي ...

منتديات سودانيزاونلاين    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
مرحبا Guest
اخر زيارك لك: 23-09-2018, 04:09 AM الصفحة الرئيسية

مكتبة أحمد طه(أحمد طه)
نسخة قابلة للطباعة من الموضوع   ارسل الموضوع لصديق   اقرا المشاركات فى شكل سلسلة « | »
اقرا احدث مداخلة فى هذا الموضوع »
04-09-2005, 11:20 AM

أحمد طه
<aأحمد طه
تاريخ التسجيل: 31-03-2004
مجموع المشاركات: 580

للتواصل معنا

FaceBook
تويتر Twitter
YouTube


ظرفاء ود نوباوي قصص وحكاوي..!! .... الهادي الضلالي ...

    ظرفاء ود نوباوي قصص وحكاوي..!! .... الهادي الضلالي ...
    يوميات الشفت
    بقلم احمد دولة
    ظرفاء ود نوباوي قصص وحكاوي..!! (3)
    الهادي نصر الدين (الهادي.. الدلالي)

    الهادي نصر الدين الحاج القرشي الشهير بالهادي الدلالي.. معلم من معالم ام درمان.. كل الناس تعرفه وهو يعرف كل الناس، عارف بالانساب والقبائل والعوائل- ما شاء الله ذاكرة حديدية - متخصص في هذا المجال قد لا تعرفه انت، لكنه قطعاً يعرفك ويعرف نسبك ويعرف بيتكم في ياتو حي وبابه مقبل على وين.. ويعرف اسمك واسم حبوبتك كمان، اجتماعي ومتواصل درجة أولى.. أي خبر بتاع بكى أو مناسبة أو حفلة خصوصاً اذا كان فيه الفنان ابراهيم عوض، تلقاهو عارفها يا مشى ليها أو داير يمشي ليها ويحثك للذهاب اليها، في مناسبات الزواج يدعوه أهل ام درمان لكتابة الدعوات وتوزيعها «يوم كتابة البصل» محبوب لوضوحه ولبساطته - انعكس ذلك الحب في مناسبتين، الأولى عند وفاة والدته يرحمها الله في أحمد شرفي رفعوه في لاندروفر ليشكر الناس ويودعهم لشدة التدافع وكثرة الناس.. والمناسبة الثانية عند زواجه وقد كان الحضور استفتاءً اثبت صحة مقولة (القدم بالقدم والمجامل ما بندم)
    يرتاح وينشرح للجمال والناس الأنيقين.. ويكره القبح و«الشنا» والشينين ويجاهر بذلك. انا غيرت وتلاعبت في اسم الشهرة للأخ الهادي استبدلت «الضاد» بالدال لعدة أسباب هى:
    1- التسمية قبيحة.
    2- المعنى لا ينطبق على الأخ الهادي.
    3- الدلالة سايرة مع شخصية الأخ الهادي باعتباره اعلام متحرك مثل الدلالي.
    نحكي عنه هذه الحكاوي:
    1- مثلما يحب الجمال في الأشخاص يحب أيضاً الاحياء الجميلة وساكنيها، فالملازمين وساكنيها مثلاً غرامه الأول وعنده حساسية مع العباسية- ويقول ليك بكاء في الملازمين ولا عرس في العباسية. ويقول ايضاً أن بنات العباسية يقدمن أولاد الملازمين بعد انتهاء حفلات الاعراس أو «البارتيهات الخاصة» أي يوصلوهم لمنازلهم- ويدعي كذلك أن غنم الملازمين تصرفاتها متحضرة وغير غنم الاحياء الاخرى.
    2- في الملازمين وفي حفلة بهيجة كان بيغني فيها ابراهيم عوض. وكان ذلك بعد احداث المولد الشهيرة الناس لسه خايفة سمعوا صوت رصاص والحفلة فرتقت - سألوه الحصل شنو قال ليهم (ابداً ده ما صوت رصاص دي منقة طرشقت في التلاجة)
    3- طبعاً لأنه مجامل درجة أولى يحب الناس أن تجامله بنفس القدر- ولأنه لا يقصر فهو (لوام) درجة أولى ايضاً وشيال حال- عندما أجريت له عملية العين الاخيرة كان منزله قبلة للزوار، كل طبقات المجتمع زارته وباركت له نجاح العملية - أنا شخصياً زرته لوحدي مرة ومرة أخرى مع فريق الدافوري بود نوباوي «اصدقاء الجمعة» بعد أسبوعين من العملية مسكني على جنبه وقال لي يا أخوى طه علي البشير أظنه ما سمع لأنه ما جاني بالله كلمه. كلمت طه ولكنه انشغل ولم يقم بزيارته.. ومر أكثر من شهر وطه لم يظهر في ود نوباوي وهنا قال لي «يا أحمد قول لي طه نحن حافظين اسمك من زمن طه القرشي في المستشفى، فاوصلت الرسالة بحذافيرها للأخ/ طه- هذا الكلام أزعج طه فدرس الظروف وكبر المظروف وقام بزيارة خاطفة- وتعمدت زيارة الأخ الهادي في اليوم التالي وسألته ماذا حدث فقال لي: يا اخي طه زارني وسلم علي سلام تمام التمام مش زي سلامكم كسر رقبة.
    4- التقى مع السيد صلاح ادريس لأول مرة فحياه الأخ/ صلاح بصورة جيدة وقال ليه: قالوا انك راجل ظريف وبتاع نكتة.. وقالوا انك مجامل وانك بتحب الفن والرياضة وقالوا.... وهنا قال الهادي (ما قالوا ليك مفلس؟)
    5- لاقاه واحد اقليمي شين جداً في المحطة الوسطى «ولي التعتره» سأله «يا أخينا المحطة الوسطى وين» قال ليه «انت من ويا أخينا» قال ليه أنا من «صقع الجمل» قال ليه نحن قاعدين نجيكم في صقع الجمل انتو بتجونا ليه.
    6- في مأتم المرحوم أحمد بشير العبادي جلس في ركن يتناقش مع المرحوم مختار عباس الشهير «بمخ» وكان الموضوع هل المال اهم ام العلم؟ الهادي كان من انصار العلم والسيد مختار عباس يعتبر أن المال أهم من العلم، فقال الهادي للسيد مختار: افرض عندك فلوس واولادك ساقطين تعمل شنو؟ مختار قال ليهو اعمل جامعة واقريهم فيها وبعد أولادي ما يتخرجوا اقفلها أو اسفرهم للخارج يقروا بالقروش- في هذا الأثناء جاء وفد للفاتحة وما شاء الله قام اولاد عبادي كلهم باجسامهم الفارعة - حفظهم الله ورعاهم وكفاهم شر العين- وهنا قال الهادي للسيد مختار- هسع كان ما العلم اولاد عم أحمد عبادي ديل ما كان بقوا رباطين، الترماج ما يخلوه يصل محطة مكي ولا السوق وكان قلعوا بكارة الترماج.
    7- مرة شتم ليه شخص لي واحد صديقه، قام صديقه قال ليه الزول الشتمتو ده خالي يا الهادي، وبدون ان ترمش له عين قال لصديقه: شنو المشكلة يعني ابو لهب ما كان عم النبي صلى الله عليه وسلم.
    8- ايام حل الحزب الشيوعي الطلاب عملوا مظاهرات شديدة.. وشارك الاخ الهادي في هذه المظاهرات والهتافات كانت سخنة (قرار الحل قرار فاشستي) و (داون داون يو اس ايه) وكان قائد قوات الأمن وقتها الضابط بدر الدين ابو رفاس، قبضو الطلبة والهادي زعل لمن العسكري ما قبضوا.. فجاء يهتف أمام ابو رفاس فرفض اعتقاله وقال ليه ( والله لو بقيت لينين ما حنقبضك).
    9- لقى شاب أنيق في بيت عرس واقف وسط اثنين شينين جداً قال ليه (يا صديقي مالك واقف بين يافطتين).
    10- شخصية قيادية ارسلت له مبلغاً من المال من مصر، والظرف مكتوب عليه الأخ / الهادي.. الدلالي فقال للشخص الذي احضر الظرف (قول ليه.. دي بيقولوها ما بكتبوها).
    نحيي الأخ الهادي.. ونتمنى ان يديم الله عليه العافية ويعطيه الصحة ليواصل اجتماعياته الراقية وينثر قفشاته اللطيفة.. وان يحفظ ام درمان وود نوباوي وكل السودان في أمن وسلام.
    نقلاً عن صحيفة الصحافة
    عدد الجمعة الموافق 2 سبتمبر 2005م
                   |Articles |News |مقالات |بيانات

04-09-2005, 12:16 PM

Dr.Mohammed Ali Elmusharaf

تاريخ التسجيل: 27-01-2005
مجموع المشاركات: 1992

للتواصل معنا

FaceBook
تويتر Twitter
YouTube


Re: ظرفاء ود نوباوي قصص وحكاوي..!! .... الهادي الضلالي ... (Re: أحمد طه)

    الاخ العزيز أحمد طه
    لك لتحايا والاحترام وشكرا لك علي هذا المقال.
    فعلا الهادي رجل فاضل حاضر البديهة من اظرف ظرفا امدرمان....

    Quote: نحيي الأخ الهادي.. ونتمنى ان يديم الله عليه العافية ويعطيه الصحة ليواصل اجتماعياته الراقية وينثر قفشاته اللطيفة.. وان يحفظ ام درمان وود نوباوي وكل السودان في أمن وسلام.


    Quote: عدد الجمعة الموافق 2 سبتمبر 2005م

    كنت اظن ان الهادي الضلالي قد توفي الي رحمة الله قبل سنتين ولكن تاريخ المقال ينفي ذالك... وطال الغياب عن السودان وامدرمان....اسال الله ان يديم عليه الصحة والعافية.
    مودتي واحترامي لك وله
    محمد علي المشرف مختار
                   |Articles |News |مقالات |بيانات

04-09-2005, 05:57 PM

safwan13


للتواصل معنا

FaceBook
تويتر Twitter
YouTube


Re: ظرفاء ود نوباوي قصص وحكاوي..!! .... الهادي الضلالي ... (Re: Dr.Mohammed Ali Elmusharaf)

    التحيه اخي العزيز محمد طه والتحيه للهادي الضلالي ..اولا انا ما بتفق معاك علي تغير اسم الهادي الضلالي ..رغم انه كلمه الضلالي ما حلوه لكن وقت تكون مربوطه مع الهادي بكون ليها معني تاني ..

    سلام دكتور المشرف ..مالك كاتل لينا الهادي ياخي ربنا يخليه يطول من عمره (مفرق علي كتير من الشباب هم العطاله)


    من النكات الظريفه التي تحكي ايضا عن الهادي الضلالي ان شباب ودنوباوي عندهم مباره مع اولاد الملازمين وشباب ودنواوي حفايه من غير كدرات الهادي قال لي اولاد الملازمين اعملوا حساب كداراتكم من رجلين اولاد ودنوباوي..
                   |Articles |News |مقالات |بيانات

04-09-2005, 11:10 PM

xspice13
<axspice13
تاريخ التسجيل: 18-11-2002
مجموع المشاركات: 82

للتواصل معنا

FaceBook
تويتر Twitter
YouTube


Re: ظرفاء ود نوباوي قصص وحكاوي..!! .... الهادي الضلالي ... (Re: safwan13)

    رغم التحامل الفكاهي علي الملأزمين يظل الهادي نصرالدين ذو نكهة ظلالية ودلالية لدي كل أمدرمان والسودان قاطبة وتظل الملازمين باقة زاهرة من أمدرماننا

                   |Articles |News |مقالات |بيانات

04-09-2005, 11:27 PM

فارس موسى
<aفارس موسى
تاريخ التسجيل: 01-12-2004
مجموع المشاركات: 1357

للتواصل معنا

FaceBook
تويتر Twitter
YouTube


Re: ظرفاء ود نوباوي قصص وحكاوي..!! .... الهادي الضلالي ... (Re: أحمد طه)

    احمد شكرا جزيلا
    يا ريت تواصل حكيك الما خمج عن ظرفاء امدر
    رايك شنو فى المقترح الكارب دا
    احد احب واشهر ظرفاء امدرمان
    الراحل المقيم الشاعر محمد بشير عتيق!!؟
    ارقد عافيه
                   |Articles |News |مقالات |بيانات

05-09-2005, 00:28 AM

Salma Daoud

تاريخ التسجيل: 21-03-2005
مجموع المشاركات: 359

للتواصل معنا

FaceBook
تويتر Twitter
YouTube


Re: ظرفاء ود نوباوي قصص وحكاوي..!! .... الهادي الضلالي ... (Re: فارس موسى)

    الأخ أحمد....
    Quote: يا ريت تواصل حكيك الما خمج عن ظرفاء امدر

    ياخي أنا جدي "عم أبوي" من الشخصيات الشهيرة في امدر و له الكثير من النوادر... لكن للأسف لا أعرف عنه الكثير....
    أحمد داؤود "أطول من مشى على رجلين في امدرمان"أكيد سمعت عنه....
    لو عندك أي قصص أو مواقف عنه ارجو أن لا تبخل علي بها...
    تقديري
    سلمى السيد داؤود

    (عدل بواسطة Salma Daoud on 05-09-2005, 01:13 AM)

                   |Articles |News |مقالات |بيانات

05-09-2005, 06:25 AM

بت امدر

تاريخ التسجيل: 20-07-2002
مجموع المشاركات: 0

للتواصل معنا

FaceBook
تويتر Twitter
YouTube


Re: ظرفاء ود نوباوي قصص وحكاوي..!! .... الهادي الضلالي ... (Re: Salma Daoud)

    ازيك يا بت عمي
    انشاء الله تمام
    مبروك بتكم الجديدة
    وتتربي في عزكم
    جدنا احمد داوود نتمني انو يكون في زول من ناس امدرمان
    يتحفنا بي نوادرو
                   |Articles |News |مقالات |بيانات

06-09-2005, 00:56 AM

Salma Daoud

تاريخ التسجيل: 21-03-2005
مجموع المشاركات: 359

للتواصل معنا

FaceBook
تويتر Twitter
YouTube


Re: ظرفاء ود نوباوي قصص وحكاوي..!! .... الهادي الضلالي ... (Re: بت امدر)

    بت عمي "المتنكرة" في شكل بت امدر....
    إزيك.. لكن جهجهتيني....
    منى أبوبكر؟؟؟
    رحاب صلاح؟؟؟؟
    ---------------------------------
    طالما مافي زول عبرنا و جاب سيرة جدنا أحمد داؤود حأتوكل على الله و احكي القصة "الفرمالة" البعرفها عنه....
    أحمد داؤود شهير بـ "عصره" لأي فراش في امدرمان "الكبرى" و تصديه لأي دفن. يعني موضوع الموت ده حقوا... إنت بس مووت و ارقد قفا و ما تشيل هم!!!
    واحد مغترب من جيرانه جاء في إجازة و كل يوم جدنا مجننه ليك "قوم ارحكا على عزا ناس فلان" الراجل قضى إجازته كلها من بكا لي دافنه!!!
    و لأنه عارف إنه أخبار "البكيات" كلها بتكون عند جدنا رحمه الله... هو و راجع على بيته شاف عمك احمد طالع بعربيته من الحلة.. قال أنا احسن أمشي وراه و انتهي من موضوع الدفن ده قبال ما اخش البيت.. و طلع وراه... مشى بعربيته ورا الحاج احمد داؤود فاتوا احمد شرفي و فاتوا وادي سيدنا لحد ما قربوا يصلوا كرري الراجل فتر قام دور رجع بيته.
    تاني يوم لقى أحمد داؤود و ساله ياخ انت امبارح الدافنه دي وين بالظبط؟؟؟
    قال ليهو: "لا ده هندي مات مشينا نحرقوا بره امدرمان"!!!!
                   |Articles |News |مقالات |بيانات

06-09-2005, 04:39 AM

بت امدر

تاريخ التسجيل: 20-07-2002
مجموع المشاركات: 0

للتواصل معنا

FaceBook
تويتر Twitter
YouTube


Re: ظرفاء ود نوباوي قصص وحكاوي..!! .... الهادي الضلالي ... (Re: Salma Daoud)

    ياني يا سلمي داوود
    رحاب صلاح
    الاخبار
    وكدي شوفي واسالي تاني عن نوادرو الكتيرة المعروفة
                   |Articles |News |مقالات |بيانات

05-09-2005, 00:41 AM

Agab
<aAgab
تاريخ التسجيل: 03-10-2002
مجموع المشاركات: 1185

للتواصل معنا

FaceBook
تويتر Twitter
YouTube


Re: ظرفاء ود نوباوي قصص وحكاوي..!! .... الهادي الضلالي ... (Re: أحمد طه)

    ست الناس

    كيف الحال

    ومزيداً من التوثيق لامدرمان وظرفاء امدرمان

    لكي ودي
    ودالعجب
                   |Articles |News |مقالات |بيانات

05-09-2005, 03:06 AM

إسماعيل حميم
<aإسماعيل حميم
تاريخ التسجيل: 19-07-2005
مجموع المشاركات: 2213

للتواصل معنا

FaceBook
تويتر Twitter
YouTube


Re: ظرفاء ود نوباوي قصص وحكاوي..!! .... الهادي الضلالي ... (Re: Agab)




    الأخ الكريم احمد طه

    لاشك أن شخصية الهادي الضلالي
    اظرف واخف ظلاً مما يمكن إراده في هذا البوست
    وأكيد هناك من التعليقات ما لا يكتب بل يحكي همساً

    وبحكم سكني وسطاً(في بيت المال) بين بيئتى معظم طرائف الهادي
    ( ودنوباوي والملازمين) عرفته عن بعد ولم ألتقيه مباشرةً
    إلا وانا في المرحلة الثانوية (الاهلية الثانوية أمدرمان)

    وكان لقاء تحدي (مع احد اصدقائي من ابناء ودنوباوي)
    وكنت أصر علي أن الهادي لايعرفني معرفة شخصية.
    فساله صديقي: بتعرف الزول ده
    أجابة الهادي بسرعة: ده ما ود الاستاذ ديل ناس
    بيت المال حوش أسحاق ديل ما ما بشبهوك إنت يا القبيح.
    وبدأ يعدد في كثير من أفراد أسرتي وانا في حالة
    من التعجب الذهول للسرد بالتفاصيل.

    نسال الله له الصحة والعافية

    شكر اخي أحمد طه

    مودتي

    إسماعيل حميم




                   |Articles |News |مقالات |بيانات

05-09-2005, 10:59 AM

munswor almophtah
<amunswor almophtah
تاريخ التسجيل: 02-12-2004
مجموع المشاركات: 19062

للتواصل معنا

FaceBook
تويتر Twitter
YouTube


Re: ظرفاء ود نوباوي قصص وحكاوي..!! .... الهادي الضلالي ... (Re: إسماعيل حميم)

    الهادى له السلام والتحايا رياضيا وعاملا عليها كان من مسئولى مركز شباب أمدرمان ويبدأ أول رحلاته للملازمين وذات يوم وجد أبناء الملازمين يلعبون كرة القدم فجمع أحذيتهم فى كرتونه وأتجه غربا فجرى إتجاههو أبناء الملازمين شنو يا الهادى وين مودى جزمنا وهو يقطع فى كلامه والل....ه ماشى أبيعا باسطه لأولاد العباسيه....وكان محبوبا أكثر بالعباسيه وملح ساحاتها الرياضيه ومناسباتها التى لا يتخلف عنها ويقول أنه يقرأ آية الكرسى سبعه مرات كل ما دخل العباسيه لأنها مسكونه بالشنا............


    منصور
                   |Articles |News |مقالات |بيانات

05-09-2005, 11:17 AM

صلاح شعيب
<aصلاح شعيب
تاريخ التسجيل: 24-04-2005
مجموع المشاركات: 2953

للتواصل معنا

FaceBook
تويتر Twitter
YouTube


Re: ظرفاء ود نوباوي قصص وحكاوي..!! .... الهادي الضلالي ... (Re: munswor almophtah)

    العزيز احمد طه

    والله لم يضحكني بوست مثله من قبل شكرا لك والشكر موصول للاعب الفنان والاداري

    المقتدر احمد دولة.. اما الهادي نصرالدين فله اجزل الشكر وهو يروح عن شعبنا همومه

    وكربه..مع التقدير
                   |Articles |News |مقالات |بيانات

05-09-2005, 11:21 AM

علوبه
<aعلوبه
تاريخ التسجيل: 27-07-2002
مجموع المشاركات: 1037

للتواصل معنا

FaceBook
تويتر Twitter
YouTube


Re: ظرفاء ود نوباوي قصص وحكاوي..!! .... الهادي الضلالي ... (Re: أحمد طه)

    تحفه هذا البوست
    ابداع وحضاره هى امدرمان
    الهادى علم من اعلام امدرمان
    ايام عملنا بمستشفى امدرمان معنا زميل يعمل فى قسم الاسنان وهو من عائله
    مشهوره وانيق وقيافه الهادى عرف يوم شغله وجاء من الصباح وقعد مع العيانين
    فى الصف ويزح من كرسى لى كرسى لحدى ما جاء دوره ودخل على الدكتور وقعد فى
    كرسى الاسنان وشكى للدكتور قال ليهو ضرسى ده بيوجعنى
    الدكتور قال ليهو من متين؟
    الهادى قال ليهو من يوم ما ولدوك..............

    تحياتى
    ونواصل.....
                   |Articles |News |مقالات |بيانات

05-09-2005, 01:48 PM

Dr.Mohammed Ali Elmusharaf

تاريخ التسجيل: 27-01-2005
مجموع المشاركات: 1992

للتواصل معنا

FaceBook
تويتر Twitter
YouTube


Re: ظرفاء ود نوباوي قصص وحكاوي..!! .... الهادي الضلالي ... (Re: أحمد طه)

    الاخ الحبيب صفوان 13
    Quote: سلام دكتور المشرف ..مالك كاتل لينا الهادي ياخي ربنا يخليه يطول من عمره (مفرق علي كتير من الشباب هم العطاله)


    الله يديم الصحة والعافية وطول العمر للظريف الفاضل الهادي...تذكرت كانت وفاة والدة الهادي عليها رحمة الله....الهادي صديق حميم للمرحوم عمي شرف الدين المشرف مختار عليه رحمة الله وعند الوفاه كان اكثر الناس حزنا علي وفاة المرحوم.
    سلامي الكثير له مع دوام الصحة والعافية.
    مودتي
                   |Articles |News |مقالات |بيانات

06-09-2005, 04:45 AM

فرح
<aفرح
تاريخ التسجيل: 20-03-2004
مجموع المشاركات: 3033

للتواصل معنا

FaceBook
تويتر Twitter
YouTube


Re: ظرفاء ود نوباوي قصص وحكاوي..!! .... الهادي الضلالي ... (Re: Dr.Mohammed Ali Elmusharaf)

    - في مأتم المرحوم أحمد بشير العبادي جلس في ركن يتناقش مع المرحوم مختار عباس الشهير «بمخ» وكان الموضوع هل المال اهم ام العلم؟ الهادي كان من انصار العلم والسيد مختار عباس يعتبر أن المال أهم من العلم، فقال الهادي للسيد مختار: افرض عندك فلوس واولادك ساقطين تعمل شنو؟ مختار قال ليهو اعمل جامعة واقريهم فيها وبعد أولادي ما يتخرجوا اقفلها أو اسفرهم للخارج يقروا بالقروش- في هذا الأثناء جاء وفد للفاتحة وما شاء الله قام اولاد عبادي كلهم باجسامهم الفارعة - حفظهم الله ورعاهم وكفاهم شر العين- وهنا قال الهادي للسيد مختار- هسع كان ما العلم اولاد عم أحمد عبادي ديل ما كان بقوا رباطين، الترماج ما يخلوه يصل محطة مكي ولا السوق وكان قلعوا بكارة الترماج.


    هههههههههههههههههههههههههههه
                   |Articles |News |مقالات |بيانات

06-09-2005, 05:48 AM

أحمد طه
<aأحمد طه
تاريخ التسجيل: 31-03-2004
مجموع المشاركات: 580

للتواصل معنا

FaceBook
تويتر Twitter
YouTube


Re: ظرفاء ود نوباوي قصص وحكاوي..!! .... الهادي الضلالي ... (Re: أحمد طه)

    الأستاذ صلاح شعيب
    شكراً على المرور الجميل
    هناك أخت وزميلة تبعت اليك برسالة مفادها
    " الاخ صلاح شعيب ..لك أفضل التحايا ومبروك المولود الجديد
    وألف حمد لله على السلامة
    وأرجو ان توصل تحياتي لزوجتكم الفاضلة"
    أختك ..ميرفت مخلوف
    الخرطوم – مكتب صحيفة ( السوداني)
    تقاطع البلدية مع شارع المك نمر
                   |Articles |News |مقالات |بيانات


[رد على الموضوع] صفحة 1 „‰ 1:   <<  1  >>




احدث عناوين سودانيز اون لاين الان
اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات
فيديوهات سودانيزاونلاين Sudanese Online Videos
صور سودانيزاونلاين SudaneseOnline Images
ويكيبيديا سودانيز اون لاين
Sudanese Online Wikipedia



فيس بوك جوجل بلس تويتر انستقرام يوتيوب بنتيريست Google News
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين
News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de