مواضيع توثقية متميزة

من قاموس اللهجة البقارية (2): كلمات زفرة فى اللهجة البقارية ويستعملها الشعب السودانى بأريحية !

منتديات سودانيزاونلاين    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
مرحبا Guest
اخر زيارك لك: 25-06-2018, 01:09 PM الصفحة الرئيسية

مواضيع توثقية متميزة
نسخة قابلة للطباعة من الموضوع   ارسل الموضوع لصديق   اقرا المشاركات فى شكل سلسلة « | »
اقرا احدث مداخلة فى هذا الموضوع »
18-05-2009, 03:54 PM

بريمة محمد
<aبريمة محمد
تاريخ التسجيل: 30-04-2009
مجموع المشاركات: 13471

للتواصل معنا

FaceBook
تويتر Twitter
YouTube


من قاموس اللهجة البقارية (2): كلمات زفرة فى اللهجة البقارية ويستعملها الشعب السودانى بأريحية !

    الرابط التالى هو محاولة لتعريف القارئ باللهجة العامية البقارية ..

    من قاموس اللجهة العامية البقارية .. أختبر معرفتك بالبقارة؟

    فى هذا البوست سوف أدلف معكم إلى كلمات فى قاموس اللهجة البقارية يعتبرها البقارة مفردت أبسط ما توصف بأنها مخلة بالزوق العام البقارى .. ولكن بقية الشعب السودانى يستعملها بأريحية تامة وهى كلمات حسنة فى حقيقها وشخصي أستعملها فى أى وسط ما عدا الوسط البقارى ..

    وسوف لا أقوم بشرح هذه المفردات إلا فى حدود الزوق العام ولكن من أراد أن يعرف حقيقتها فليسأل أى بقارى يسكن بجواره .. وهنا يكتمل قصدى من البوست هو التداخل مع البقارة من حولكم ..

    قصدى الأخر هو محاولة تعريف القارئ كيفية التعامل مع البقارة.

    بريمة
                   |Articles |News |مقالات |بيانات

18-05-2009, 04:21 PM

بريمة محمد
<aبريمة محمد
تاريخ التسجيل: 30-04-2009
مجموع المشاركات: 13471

للتواصل معنا

FaceBook
تويتر Twitter
YouTube


Re: من قاموس اللهجة البقارية (2): كلمات زفرة فى اللهجة البقارية ويستعملها الشعب السودانى بأريح (Re: بريمة محمد)


    كلمة الأستجمار التى ترد دائما عند وقت الصلاة .. ويسميها البقارة بالجمار تخفيفا .. البقارة لا يحبون هذه الكلمة .. ومتى ما قلت ماشى نقطع الجمار فهم يضحكون ..

    كما يستعملونها كمدخل لسب الفقرا حين لا يرون صلاحهم .. ومتى ما يقول مثل ذلك الفقير (المحبب) أنا ماشى أستجمر يقولون له تحت تحت: الله يجمرك بالشطة ..

    كما إنها من الصعوبة تستعملها فى حضرة النساء .. مثلا لا يمكن أن تقول لأمرة أمشى الجمرى .. صعبة شديد .. وبدلها تستعمل تجهز للصلاة ..

    بريمة
                   |Articles |News |مقالات |بيانات

18-05-2009, 04:28 PM

بريمة محمد
<aبريمة محمد
تاريخ التسجيل: 30-04-2009
مجموع المشاركات: 13471

للتواصل معنا

FaceBook
تويتر Twitter
YouTube


Re: من قاموس اللهجة البقارية (2): كلمات زفرة فى اللهجة البقارية ويستعملها الشعب السودانى بأريح (Re: بريمة محمد)

    كما فى كلمة الأستجمار أو الجمار فإن البقارة أيضا لا يحبون إستعمال كلمة وضوء بالنسبة للمرأة .. فالفكى يقرئ نساء الفريق لكنه لا يستعمل هذه الكلمة للنساء .. فإذا إستعملها هنا يقول البقارة الفكى قليل أدب .. وبدلها يستعملون: غسل للصلاة

    بريمة
                   |Articles |News |مقالات |بيانات

18-05-2009, 04:40 PM

بريمة محمد
<aبريمة محمد
تاريخ التسجيل: 30-04-2009
مجموع المشاركات: 13471

للتواصل معنا

FaceBook
تويتر Twitter
YouTube


Re: من قاموس اللهجة البقارية (2): كلمات زفرة فى اللهجة البقارية ويستعملها الشعب السودانى بأريح (Re: بريمة محمد)

    كلمة أخو أخواته .. هذه الكلمة بذيئة فى لهجة البقارة .. وغير مقبولة .. تؤدى فى الحال إلى عراك عنيف .. فالزول الذى يوصف بأخو أخواته لا يرجى منه شيئ .. وهو ليس أهل للزواج متى عرفوا إنه أخو أخواته ..

    فى المقابل أخو البنات .. كلمة عظيمة وهى تقال للشخص الشهم ..

    بريمة

    (عدل بواسطة بريمة محمد on 20-05-2009, 11:32 AM)

                   |Articles |News |مقالات |بيانات

18-05-2009, 04:52 PM

بريمة محمد
<aبريمة محمد
تاريخ التسجيل: 30-04-2009
مجموع المشاركات: 13471

للتواصل معنا

FaceBook
تويتر Twitter
YouTube


Re: من قاموس اللهجة البقارية (2): كلمات زفرة فى اللهجة البقارية ويستعملها الشعب السودانى بأريح (Re: بريمة محمد)

    العزبه .. والتى تعنى عزباء .. المطلقة فى العامية السودانية .. كلمة تحبس لها الأنفاس عند البقارة .. لا يمكن أن يستعملها إنسان لمطلقة من نساء البقارة .. فقد سباها فى شرفها وقد تدخل معك فى عراك أو تحدث قومها .. بدلها يستعملون كلمة مطلقة.

    بريمة

    (عدل بواسطة بريمة محمد on 18-05-2009, 05:38 PM)

                   |Articles |News |مقالات |بيانات

18-05-2009, 05:11 PM

بريمة محمد
<aبريمة محمد
تاريخ التسجيل: 30-04-2009
مجموع المشاركات: 13471

للتواصل معنا

FaceBook
تويتر Twitter
YouTube


Re: من قاموس اللهجة البقارية (2): كلمات زفرة فى اللهجة البقارية ويستعملها الشعب السودانى بأريح (Re: بريمة محمد)

    كلمة الصرصور .. التى تعنى مفردة صراصير .. كلمة وحشه كما يقول المصريون .. فهى ذات معنى قبيح يصك الأذن .. وللعلم كلمة صراصير ليس كلمة قبيحة فهى مستعملة بكثرة ولكن المصيبة فى مفردتها صرصور .. وبدلها تستعمل كلمة صرصار أو أبون صرار ..

    بريمة
                   |Articles |News |مقالات |بيانات

18-05-2009, 05:23 PM

فرحات عباس
<aفرحات عباس
تاريخ التسجيل: 20-09-2005
مجموع المشاركات: 465

للتواصل معنا

FaceBook
تويتر Twitter
YouTube


Re: من قاموس اللهجة البقارية (2): كلمات زفرة فى اللهجة البقارية ويستعملها الشعب السودانى بأريح (Re: بريمة محمد)

    نعم أخي بريمة .. فهي مسألة مفاهيم ليس إلا ... فكلمة عزبة التي ذكرت .. تطلق على المرا الماكويسة .. وفي غرب السودان يشتم الرجل " بود العزبا " ... سمعتهم في تشاد إذا أراد أن يقول أحدهم للآخر " إنتا غبي ؟ " يقولون " إنتا لوتي " واضعا أصبعه على جانب رأسه كناية عن عدم الفهم .. أما إذا قالها واحد سوداني فيسألونه مباشرة مازحين : يازول " لوتي " بتاعت السودان ولا بتاعت تشاد.
    وفي مصر لفظة أساسية مثل " مرا ، أو إمرأة " تعني العاهرة فيقال : روح يا ابن المرا .
    مجددا أخي بريمة لك التحية .. واصل نحن بانتظارك ..
                   |Articles |News |مقالات |بيانات

18-05-2009, 05:37 PM

بريمة محمد
<aبريمة محمد
تاريخ التسجيل: 30-04-2009
مجموع المشاركات: 13471

للتواصل معنا

FaceBook
تويتر Twitter
YouTube


Re: من قاموس اللهجة البقارية (2): كلمات زفرة فى اللهجة البقارية ويستعملها الشعب السودانى بأريح (Re: فرحات عباس)


    شكرا يا أخى فرحات

    المداخلة جد حلوة .. وشكرا على التصحيح.

    بريمة
                   |Articles |News |مقالات |بيانات

18-05-2009, 05:50 PM

بريمة محمد
<aبريمة محمد
تاريخ التسجيل: 30-04-2009
مجموع المشاركات: 13471

للتواصل معنا

FaceBook
تويتر Twitter
YouTube


Re: من قاموس اللهجة البقارية (2): كلمات زفرة فى اللهجة البقارية ويستعملها الشعب السودانى بأريح (Re: بريمة محمد)

    كلمة الفلوس .. هذه الكلمة الجميلة المحببة عندى الأوساط الخرطومية لا يمكن إستعمالها عند البقارة .. وهى دوما تستعمل مشددة اللام. فى ذات مرة سمعت أخ تونسى يرددها أمام جمع من البنات التونسيات .. وعرفت منه إنها تعنى سواسيو الدجاج ..

    أرجو دوما .. إستعمال كلمة قروش أو نقود (لو كنت متجولب) أو كاش .. وأخشى أن يصفع إنسان دون أن يدرى ما هو غلطه إذا قال أعطينى فلوس.


    بريمة

    (عدل بواسطة بريمة محمد on 18-05-2009, 05:51 PM)
    (عدل بواسطة بريمة محمد on 18-05-2009, 05:59 PM)

                   |Articles |News |مقالات |بيانات

18-05-2009, 05:42 PM

الصادق ضرار
<aالصادق ضرار
تاريخ التسجيل: 05-11-2007
مجموع المشاركات: 2345

للتواصل معنا

FaceBook
تويتر Twitter
YouTube


Re: من قاموس اللهجة البقارية (2): كلمات زفرة فى اللهجة البقارية ويستعملها الشعب السودانى بأريح (Re: فرحات عباس)

    بريمه محمد
    كيفك .. النيولوك بتاعك وحش .. كلم الريس بكري يرجعك لمكان انقذك منو .

    كمل جميلك و اكتب مدلول الكلمة بالمره عن البقارة .. يعني كلمة استجمار ماذ تعني عند البقارة ؟
                   |Articles |News |مقالات |بيانات

18-05-2009, 05:57 PM

بريمة محمد
<aبريمة محمد
تاريخ التسجيل: 30-04-2009
مجموع المشاركات: 13471

للتواصل معنا

FaceBook
تويتر Twitter
YouTube


Re: من قاموس اللهجة البقارية (2): كلمات زفرة فى اللهجة البقارية ويستعملها الشعب السودانى بأريح (Re: الصادق ضرار)

    الصادق
    سلامات ..
    Quote: بريمه محمد
    كيفك .. النيولوك بتاعك وحش .. كلم الريس بكري يرجعك لمكان انقذك منو .

    كمل جميلك و اكتب مدلول الكلمة بالمره عن البقارة .. يعني كلمة استجمار ماذ تعني عند البقارة ؟
    يا أخى أنا عملت disclaimer فى أول مداخلة ووضحت رأيى .. أذهب لأقرب بقارى وأسأله أو أستنبط المعنى ..

    يا أنتظر ربما يأتى إنسان ويقرب المعنى أكتر ..

    غايتو الله يعينك

    بريمة
                   |Articles |News |مقالات |بيانات

18-05-2009, 06:01 PM

الصادق ضرار
<aالصادق ضرار
تاريخ التسجيل: 05-11-2007
مجموع المشاركات: 2345

للتواصل معنا

FaceBook
تويتر Twitter
YouTube


Re: من قاموس اللهجة البقارية (2): كلمات زفرة فى اللهجة البقارية ويستعملها الشعب السودانى بأريح (Re: بريمة محمد)

    Quote: يا أخى أنا عملت disclaimer فى أول مداخلة ووضحت رأيى .. أذهب لأقرب بقارى وأسأله أو أستنبط المعنى ..

    و لو دقوني اعمل شنو ؟
    مش دا كلامك .. ممكن يصفعوك !!
                   |Articles |News |مقالات |بيانات

18-05-2009, 06:08 PM

بريمة محمد
<aبريمة محمد
تاريخ التسجيل: 30-04-2009
مجموع المشاركات: 13471

للتواصل معنا

FaceBook
تويتر Twitter
YouTube


Re: من قاموس اللهجة البقارية (2): كلمات زفرة فى اللهجة البقارية ويستعملها الشعب السودانى بأريح (Re: الصادق ضرار)

    الصادق
    Quote: و لو دقوني اعمل شنو ؟
    مش دا كلامك .. ممكن يصفعوك !!
    أمشى لرجل على الأقل تتفادى الحرج .. وللعلم كل المتعلمون من البقارة يستعملون المعنى العام السودانى لكل كلمة ..

    بريمة
                   |Articles |News |مقالات |بيانات

18-05-2009, 06:39 PM

othman mohmmadien
<aothman mohmmadien
تاريخ التسجيل: 13-12-2002
مجموع المشاركات: 4646

للتواصل معنا

FaceBook
تويتر Twitter
YouTube


Re: من قاموس اللهجة البقارية (2): كلمات زفرة فى اللهجة البقارية ويستعملها الشعب السودانى بأريح (Re: بريمة محمد)

    Quote: فرحات عباس

    التحية للجميع
    يا فرحات "غبي التشادية" دي سمعتها في مسلسل في القناة التشادية - قلت لا حولا - الناس ديل قليلين أدب مالهم كده - وكمان عبر الفضائية عالم ما تستحي - ثم ضغطت على زر الريموت - وقلت لالوبنا و لا تمر الناس - بالطبع حين قرأت مداخلتك تذكرت ذلك الموقف وكدت أموت من الضحك .... بالله الجماعة قصدهم كده .... أدركت فهمي الخاطئ لأخوتنا من تشاد ... هنالك تداخل عجيب بين مفردات ليبية عادية تعد في السودان بذيئة ومفردات سودانية عادية تعد بذيئة - لذلك تكثر المواقف الظريفة لمن يغترب هنالك خاصة أيامه الأولى -

    بريمة ... بوست جميل حتى نعرف بعض في هذا القطر المترامي الأطراف ... وحينما نعرف بعض .. سنحترم بعض .. وتتأطر الوحدة ... بالمناسبة كلمة عزباء - تعني في الفصحى وعاميتنا السودانية - كذلك الفتاة البكر - غير المتزوجة و ليست الفتاة المطلقة ...
    لكم منا وافر التقدير والاحترام
                   |Articles |News |مقالات |بيانات

18-05-2009, 07:05 PM

بريمة محمد
<aبريمة محمد
تاريخ التسجيل: 30-04-2009
مجموع المشاركات: 13471

للتواصل معنا

FaceBook
تويتر Twitter
YouTube


Re: من قاموس اللهجة البقارية (2): كلمات زفرة فى اللهجة البقارية ويستعملها الشعب السودانى بأريح (Re: othman mohmmadien)

    عثمان

    شفت كيف تخلتط المعانى .. حتى اليوم مفتكر عزباء تعنى مطلقة .. لأن فى الحديث البكر تؤمر والثيب تستأذن .. نعم تذكرت إستعمالها لغير المتزوجة .. لكن أياك تقع فى واحدة مطلقة وتقول إنتى عزبه .. يومداك إلا الواحد يطلق رجيله للهواء ..

    كنت فى سوريا ووقعت فى فخ الأستعمالات العجيبة دى .. نزلت فى شقه وإردت الخروج ولكن كانت الدواليب ليس بها أقفال .. ذهبت للرسبشن عشان أخذ قفل .. فقلت للآنسة عايز لى طبله .. وضح فى وشها إنها إستنكرت الكلمة .. وأخوك البليد ما فهم وظننت لم تفهم لهجتى السودانية .. فدخلت وأرسلت لى شاب وقلت له عايز قفل .. على طول البنت قالت لا أنت ما كنت تريد قفل .. أنت بتقول لى فى كلام وحش .. وأخوك كان لابس بدلة وكرفته .. يعنى فى قمة الإحترام .. أعتزرت فى الحال لها .. خطأ فى الأستعمال الغوى للكلمة .. ضحك الشاب وقال أخد بالك يا ذلمه .. قلت له كلمة ذلمه دى برضوا وحشه عندنا تعنى قرادة منتفخة البطن من شراب دم البقر.

    ضحكنا وكل زول مشى لحاله


    بريمة

    (عدل بواسطة بريمة محمد on 18-05-2009, 07:07 PM)
    (عدل بواسطة بريمة محمد on 18-05-2009, 11:56 PM)

                   |Articles |News |مقالات |بيانات

18-05-2009, 07:05 PM

Hassan Makkawi
<aHassan Makkawi
تاريخ التسجيل: 27-02-2008
مجموع المشاركات: 5935

للتواصل معنا

FaceBook
تويتر Twitter
YouTube


Re: من قاموس اللهجة البقارية (2): كلمات زفرة فى اللهجة البقارية ويستعملها الشعب السودانى بأريح (Re: othman mohmmadien)

    Quote: يقولون " إنتا لوتي "



    أخى فرحات

    نفس الكلمة مستخدمة فى دول الخليج

    اللوتى هو من يتلوت أى تلولو فى تصرفاتة

    يعنى إنسان مش دغرى!!!


    أخى بريمة

    بوست موفق

    هكذا تتقارب الثقافات


    واصل معك نتابع مع الشكر
                   |Articles |News |مقالات |بيانات

18-05-2009, 07:37 PM

بريمة محمد
<aبريمة محمد
تاريخ التسجيل: 30-04-2009
مجموع المشاركات: 13471

للتواصل معنا

FaceBook
تويتر Twitter
YouTube


Re: من قاموس اللهجة البقارية (2): كلمات زفرة فى اللهجة البقارية ويستعملها الشعب السودانى بأريح (Re: Hassan Makkawi)

    كلمة الفلك .. والتى تورد مقرونة بالعلم .. علم الفلك ! ..
    هذه الكلمة يرجى أن لا يستعملها أى إنسان فى بيئتنا البقارية .. بتاتا بتاتا .. إلا فى الفصول الدراسية.

    دوما لو تخصصك فى هذا المجال أرجو أن تغير الكلمة إلى علم الأجرام السماوية .. وحتما ح يسألوك عن الأجرام فأشرحها بأنها النجوم والشمس والقمر .. وأوعاك تقول الكلمة.

    بريمة
                   |Articles |News |مقالات |بيانات

18-05-2009, 08:07 PM

othman mohmmadien
<aothman mohmmadien
تاريخ التسجيل: 13-12-2002
مجموع المشاركات: 4646

للتواصل معنا

FaceBook
تويتر Twitter
YouTube


Re: من قاموس اللهجة البقارية (2): كلمات زفرة فى اللهجة البقارية ويستعملها الشعب السودانى بأريح (Re: بريمة محمد)

    Quote: عشمان


    عازرك للخطأ الاملائي واستخدام الشين بدل الثاء ... يا بريمة عشمان أو متعشم دي ما تقولها لزول في البطانة فهي تقال تأدباً لمن يشحت فبدل فلان شحات يقال فلان متعشم أو عشمان ... وهذا من أدب بادية البطانة -

    بالمناسبة كلمة سفيه عند قبائل البقارة وبالضبط لدىالمسيرية معناها غير محمود ولكن مقبول فهي تعني العاطل وعند أهل الوسط والشمال وبعض قبائل الغرب غير مقبولة - ممكن الواحد يضارب فيها - الكلام ده مش صحيح ... وأتذكر أن عبد الرسول النور حكاها حين زار أهله وكيف أن السواق الخاص لسيارته غضب جداً لدرجة التدميع وذلك لحبه الشديد لعبد الرسول محتجا كيف كبار أهل عبد الرسول يسيئونه هذه الاساءة.... والتي تعني عاطل - بلا عمل - أو ما عنده شغلة ...

    هات من هذا القاموس .... هات ..
    يا خي نسوان البقارة كمان صعبات - زمان في الأبيض ستات الدري - بيدخلن المدينة لبيع اللبن وكانوا هم مصدر تغذية إنسان المدينة المتهالك بلبن غير مغشوش ورخيص مع خير وفير - وكن عفيفات لا يكسبن إلا من نتاجهن ولا يعملن إلا في رعاية أبقارهن وبيع نتاجهن - هنالك بعض الجهلاء يرددون عبارات لم نكن نفهمها حينها ولكن يبدو انها سخيفة - لكن ما شاء الله عليهن مستعدة تدفق اللبن في وشك وتكسرك بالجردل وترجع بدون ما تبيع شئ - لذلك كان البعض حريص على عدم إغضابهن ....
    إن شاء الله الأيام الحلوة دي ترجع ....
    قلت لي طبلة بالسوري معناها شنو
                   |Articles |News |مقالات |بيانات

18-05-2009, 08:24 PM

عبد اللطيف بكري أحمد
<aعبد اللطيف بكري أحمد
تاريخ التسجيل: 13-11-2005
مجموع المشاركات: 7230

للتواصل معنا

FaceBook
تويتر Twitter
YouTube


Re: من قاموس اللهجة البقارية (2): كلمات زفرة فى اللهجة البقارية ويستعملها الشعب السودانى بأريح (Re: othman mohmmadien)

    في أول أيامي بالرياض كنا ثلاثة (شقق) مشتركين في عداد كهرباء واحد ، وجات الفاتورة مهولة
    وقامت الشمطة بيني وبين الإثنين الآخرين ، سعوديين ، صاحب العمارة والجار المستأجر الآخر،، طالبوني
    بدفع الثلث فرفضت : احنا ماعندنا إستهلاك متساوي ،، مثلا احنا ماعندنا (مكوة) وأنتو مكوتكم (كتيرة)
    الجماعة يموتوا من الضحك ويأخذوني خارج نطاق (سمع) الحريم،،


    بريمة أنت راجل أخو بنات والله،، ومتابعك بهناك في أمريكا بعد مزقت (فاتورة) اللوتري،،
                   |Articles |News |مقالات |بيانات

18-05-2009, 08:09 PM

Hassan Makkawi
<aHassan Makkawi
تاريخ التسجيل: 27-02-2008
مجموع المشاركات: 5935

للتواصل معنا

FaceBook
تويتر Twitter
YouTube


Re: من قاموس اللهجة البقارية (2): كلمات زفرة فى اللهجة البقارية ويستعملها الشعب السودانى بأريح (Re: بريمة محمد)

    [


    QUOTE]كلمة الفلك .. والتى تورد مقرونة بالعلم .. علم الفلك ! ..




بقر فجغنوا طين يا بريمة!!!

لقيتنا كيف؟
                   |Articles |News |مقالات |بيانات

18-05-2009, 08:28 PM

بريمة محمد
<aبريمة محمد
تاريخ التسجيل: 30-04-2009
مجموع المشاركات: 13471

للتواصل معنا

FaceBook
تويتر Twitter
YouTube


Re: من قاموس اللهجة البقارية (2): كلمات زفرة فى اللهجة البقارية ويستعملها الشعب السودانى بأريح (Re: Hassan Makkawi)

    مكاوى
    Quote: كلمة الفلك .. والتى تورد مقرونة بالعلم .. علم الفلك ! ..

    تشكر على المرور .. ما قصدت أفوت مداخلتك السابقة لكن يبدو كنا نكتبوا مداخلاتنا فى نفس اللحظة ..

    المهم .. أجرى لأقرب بقارى .. ولو ما لقيت زول كلو كلو برسلها ليك فى الماسنجر ..

    دايرن نمنعكم ما تقعوا فى الخطأ الوقعت فيه مع السورية

    تحياتى

    بريمة
                   |Articles |News |مقالات |بيانات

18-05-2009, 08:36 PM

بريمة محمد
<aبريمة محمد
تاريخ التسجيل: 30-04-2009
مجموع المشاركات: 13471

للتواصل معنا

FaceBook
تويتر Twitter
YouTube


Re: من قاموس اللهجة البقارية (2): كلمات زفرة فى اللهجة البقارية ويستعملها الشعب السودانى بأريح (Re: بريمة محمد)

    أستاذنا عبداللطيف بكرى

    Quote: بريمة أنت راجل أخو بنات والله،، ومتابعك بهناك في أمريكا بعد مزقت (فاتورة) اللوتري،،


    بس أوعاك لسلانك يفلت تقول لى أخوك أخو أخواته .. لو ما قاتلتك لما الدم رقد رج المدام بتطلقنى تب ..

    كمان بقت فى المكوه .. طيب قاعدين يسمو المكوة حقتنا شنو!! والله خبر

    تحياتى

    بريمة
                   |Articles |News |مقالات |بيانات

18-05-2009, 08:32 PM

الصادق ضرار
<aالصادق ضرار
تاريخ التسجيل: 05-11-2007
مجموع المشاركات: 2345

للتواصل معنا

FaceBook
تويتر Twitter
YouTube


Re: من قاموس اللهجة البقارية (2): كلمات زفرة فى اللهجة البقارية ويستعملها الشعب السودانى بأريح (Re: بريمة محمد)

    شـ كـ شـ وكـ ه
    كلمه مش كويسه عند السودانيين ..
    في دول الخليج تدخل اقرب كفتيريا و تقول بكامل صوتك و في حضرات الجالسين : أبغى واحد شكشوكه
    يجيبو ليك ساندوتش بيض مقلي بالطماطم تضربوا و يا دار ما دخلك شر .

    طه حامدين النور ول شيخ المسيريه بيسلم عليك و هو منقطع من الضحك من البوست .

    (عدل بواسطة الصادق ضرار on 24-05-2009, 11:20 PM)

                   |Articles |News |مقالات |بيانات

18-05-2009, 08:46 PM

بريمة محمد
<aبريمة محمد
تاريخ التسجيل: 30-04-2009
مجموع المشاركات: 13471

للتواصل معنا

FaceBook
تويتر Twitter
YouTube


Re: من قاموس اللهجة البقارية (2): كلمات زفرة فى اللهجة البقارية ويستعملها الشعب السودانى بأريح (Re: الصادق ضرار)

    عثمان
    تحياتى
    كلمة سفيه عند البقارة ليس لها معنى جارح أكتر من اللزوم .. هى للزول الذى يحب يجدها بارده .. لا يحب المشاق.
    Quote: قلت لي طبلة بالسوري معناها شنو

    مالك يازول عايز توقعنى خليها مستورة .. لو أستعملت كلمة قفل تغنيك عن الحرج.

    بريمة

    (عدل بواسطة بريمة محمد on 18-05-2009, 08:47 PM)

                   |Articles |News |مقالات |بيانات

18-05-2009, 08:55 PM

بريمة محمد
<aبريمة محمد
تاريخ التسجيل: 30-04-2009
مجموع المشاركات: 13471

للتواصل معنا

FaceBook
تويتر Twitter
YouTube


Re: من قاموس اللهجة البقارية (2): كلمات زفرة فى اللهجة البقارية ويستعملها الشعب السودانى بأريح (Re: بريمة محمد)

    الصادق
    Quote: طه حامدين النور ول شيخ المسيريه بيسلم عليك و هو منقطع من الضحك من البوست .

    تسلم يا الصادق كده أنت كاشف ساحة الملعب كويس ..

    بريمة
                   |Articles |News |مقالات |بيانات

18-05-2009, 08:49 PM

Tabaldina
<aTabaldina
تاريخ التسجيل: 12-02-2002
مجموع المشاركات: 11844

للتواصل معنا

FaceBook
تويتر Twitter
YouTube


Re: من قاموس اللهجة البقارية (2): كلمات زفرة فى اللهجة البقارية ويستعملها الشعب السودانى بأريح (Re: الصادق ضرار)

    ..
    .

    Quote: أخى فرحات

    نفس الكلمة مستخدمة فى دول الخليج
    اللوتى هو من يتلوت أى تلولو فى تصرفاتة

    يعنى إنسان مش دغرى!!!

    والله ما عارف البوست دا جاء صدفة
    ولا عن قصد ..
    ما عارف الدكتورة ومن لف لفها حيقول شنو
    على جملة الوليد مادبو ..
    Quote: إفتحوا سجلات "الدائرة" وراجعوا ديونها المنكور منها والهالك قبل أن تجترئوا علي العباد يا أولاد اللواتي!

    بيان للراي العام من بشرى الصادق المهدي حول ملابسات الشجار مع الوليد مادبو
    __________

    اكيد حيقولو دى ما لهجتنا ..

    بريمة
    شكرا
    ومعليش لمداخلة .. بس تستحق
                   |Articles |News |مقالات |بيانات

18-05-2009, 08:57 PM

بريمة محمد
<aبريمة محمد
تاريخ التسجيل: 30-04-2009
مجموع المشاركات: 13471

للتواصل معنا

FaceBook
تويتر Twitter
YouTube


Re: من قاموس اللهجة البقارية (2): كلمات زفرة فى اللهجة البقارية ويستعملها الشعب السودانى بأريح (Re: Tabaldina)

    والله يا ول أبا تبلدينا

    من الكلمة وردت عرفت أنك ما ح تفوتها ..

    شيئ عجيب

    بريمة
                   |Articles |News |مقالات |بيانات

18-05-2009, 09:02 PM

بريمة محمد
<aبريمة محمد
تاريخ التسجيل: 30-04-2009
مجموع المشاركات: 13471

للتواصل معنا

FaceBook
تويتر Twitter
YouTube


Re: من قاموس اللهجة البقارية (2): كلمات زفرة فى اللهجة البقارية ويستعملها الشعب السودانى بأريح (Re: بريمة محمد)

    كلمة القلق .. وفى زول معانا فى المنبر أسمو قلقو .. الأسم دا مفروض يتغير بمواصفات لهجتنا البقارية ..

    كلمة القلق والفلك لا تقالان إلا فى مجالس السفهاء

    بريمة
                   |Articles |News |مقالات |بيانات

18-05-2009, 10:26 PM

عمر عبد الله فضل المولى
<aعمر عبد الله فضل المولى
تاريخ التسجيل: 13-04-2009
مجموع المشاركات: 12078

للتواصل معنا

FaceBook
تويتر Twitter
YouTube


Re: من قاموس اللهجة البقارية (2): كلمات زفرة فى اللهجة البقارية ويستعملها الشعب السودانى بأريح (Re: بريمة محمد)

    شكرا الاخ المهندس بريمة محمد

    لهذا البوست القيم والرائع والمريح
                   |Articles |News |مقالات |بيانات

19-05-2009, 00:01 AM

بريمة محمد
<aبريمة محمد
تاريخ التسجيل: 30-04-2009
مجموع المشاركات: 13471

للتواصل معنا

FaceBook
تويتر Twitter
YouTube


Re: من قاموس اللهجة البقارية (2): كلمات زفرة فى اللهجة البقارية ويستعملها الشعب السودانى بأريح (Re: عمر عبد الله فضل المولى)

    الأخ الحبيب عمر
    تحياتى

    Quote: شكرا الاخ المهندس بريمة محمد

    لهذا البوست القيم والرائع والمريح
    تسلم يا حبيب ..

    بريمة
                   |Articles |News |مقالات |بيانات

19-05-2009, 02:15 AM

بريمة محمد
<aبريمة محمد
تاريخ التسجيل: 30-04-2009
مجموع المشاركات: 13471

للتواصل معنا

FaceBook
تويتر Twitter
YouTube


Re: من قاموس اللهجة البقارية (2): كلمات زفرة فى اللهجة البقارية ويستعملها الشعب السودانى بأريح (Re: بريمة محمد)

    بدأت أفكر بكل جد هل نحن البقارة يجب أن نغيروا مفاهيمنا لتلك الكلمات .. أم فقط نملكوها لكل من يأت لديار البقارة؟
    وفى ظنى كل الحلين يفيا بالغرض ..

    السؤال كيف يغير إنسان مفاهيم يعتقد فى صحتها؟

    المهم سوف نواصل فى الخرمجة ..


    بريمة
                   |Articles |News |مقالات |بيانات

19-05-2009, 02:20 AM

أزهري عبد الرحمن
<aأزهري عبد الرحمن
تاريخ التسجيل: 15-11-2008
مجموع المشاركات: 367

للتواصل معنا

FaceBook
تويتر Twitter
YouTube


Re: من قاموس اللهجة البقارية (2): كلمات زفرة فى اللهجة البقارية ويستعملها الشعب السودانى بأريح (Re: بريمة محمد)

    الاخ بريمه تحياتي

    فعلا كلمة قلق لها معنى وانت عارفه كويس ولكن لاتنسى هي كلمة مستخدمة عند اهلنا البقارة في الاسماء يعنى كثير من الناس في قبيلة البقارة اسمه الحقيقي قلق

    فلذا هي عندما تكون اسم شخص فهي عادية عندهم حتى وسط النساء

    للتوضيح فقط

    (عدل بواسطة أزهري عبد الرحمن on 19-05-2009, 02:22 AM)

                   |Articles |News |مقالات |بيانات

19-05-2009, 03:01 AM

Gaafar Ismail
<aGaafar Ismail
تاريخ التسجيل: 27-08-2005
مجموع المشاركات: 4615

للتواصل معنا

FaceBook
تويتر Twitter
YouTube


Re: من قاموس اللهجة البقارية (2): كلمات زفرة فى اللهجة البقارية ويستعملها الشعب السودانى بأريح (Re: بريمة محمد)

    Quote: كلمة القلق .. وفى زول معانا فى المنبر أسمو قلقو .. الأسم دا مفروض يتغير بمواصفات لهجتنا البقارية ..

    كلمة القلق والفلك لا تقالان إلا فى مجالس السفهاء

    قالو واحد من أهلنا البقارة مشى لدكتور وفال ليهو يا دكتور لي يومين ما بقدر أنوم
    الدكتور فال ليهو يعني عندك قلق
    البقاري وقف على حيلو ورجف من الزعل وقال: أفو يا دكتور في راجل ما عندو قلق.
    اخي الحبيب بريمة
    شكرا على هذا البوست الظريف المفيد
                   |Articles |News |مقالات |بيانات

19-05-2009, 03:22 AM

بريمة محمد
<aبريمة محمد
تاريخ التسجيل: 30-04-2009
مجموع المشاركات: 13471

للتواصل معنا

FaceBook
تويتر Twitter
YouTube


Re: من قاموس اللهجة البقارية (2): كلمات زفرة فى اللهجة البقارية ويستعملها الشعب السودانى بأريح (Re: Gaafar Ismail)

    مرحب بعيال أبا أزهرى والأستاذ جعفر

    والله ما قصرتم تب ... جعفر قلت لى الرجال أحتج ؟؟ ما شاف كلام الدكتور أعوج خلاص ..

    أزهرى فى منطقتنا عندنا واحد أسمه أب قلقات .. وطالبته عدة مرات بتغيير أسمه رفض .. قال لى أنت إسم بريمة ما غيرته إنا ما نغير أسم أب قلقات؟
    متكيف من الأسم عشرين قيراط.

    قلت يازول بحموك .. وخليك بفضيحتك الشايلها وحايم بها فى أسمك.

    بريمة
                   |Articles |News |مقالات |بيانات

19-05-2009, 03:56 AM

بريمة محمد
<aبريمة محمد
تاريخ التسجيل: 30-04-2009
مجموع المشاركات: 13471

للتواصل معنا

FaceBook
تويتر Twitter
YouTube


Re: من قاموس اللهجة البقارية (2): كلمات زفرة فى اللهجة البقارية ويستعملها الشعب السودانى بأريح (Re: بريمة محمد)

    كلمة قر .. المعروفة من الأقرار .. يرجى أستعمال كلمة أعترف أو إعتراف بدلاً عنها ..

    يحكى أن جمع من البقارة يستعملون كلمة وسخه .. القنيطه .. والبقارة يستعملون هذه الكلمة بصورة عاديه .. الزول قنيط أى بتاع شوبار ..
    لكن الكلمة فى حد ذاتها كعبه تب ..

    فى أثناء تناول الشاى يقول الواحد أنطينى كباية شاى نقطعها فى قنيطى!

    جاء ضيف وقالوا يا جماعة أقطعوا للضيف كباية شاى فى قنيطه ؟
    قال الضيف الشاى البقطعوا فى القنانيط دا أنا ما دايره ؟؟ .. الزول حرد الشاى.

    فى أثناء ما هو جالس يأتوا البقارة يسألوا زولهم المسئول عن الشاى .. يازول أنطينى كباية نقطعها فى قنيطى؟
    يدوه كباية شاى يشربها ويمشى .. ثم يأتى الأخر ..

    فى النهاية الضيف توصل أن الكلمة ليس نبذ وليس الغرض منها أحراجه بل كلمة عامة متداوله.

    فقال لصاحب الشاى يا أخونا مادام حقتكم كلمة .. أنطينى كباية شاى خلى نقطعا فى قنيطى؟

    واحد فصيح ضحك قال يبورررررر .. الضيف قر أقطع ليه كباية شاى فى قنيطه !!

    وكلمة قر وسخة جد .. البقرة قرت للفحل .. الغنماية قرت للتيس .. وغيرها.

    وبالتالى كلمة القرار .. مع أنها كلمة طيبه فى الوسط السودانى هى كلمة خبيثه عند البقارة ,, دوماً أستعملوا بدلها حكم فى حالة قرار المحكمة أو كلمة إعتراف فى حالة إقرار الفرد.



    بريمة
                   |Articles |News |مقالات |بيانات

19-05-2009, 04:01 AM

أزهري عبد الرحمن
<aأزهري عبد الرحمن
تاريخ التسجيل: 15-11-2008
مجموع المشاركات: 367

للتواصل معنا

FaceBook
تويتر Twitter
YouTube


Re: من قاموس اللهجة البقارية (2): كلمات زفرة فى اللهجة البقارية ويستعملها الشعب السودانى بأريح (Re: بريمة محمد)

    الأخ بريمة تحياتي

    كنا زمان في بابنوسة وزارنا بعض الاصدقاء والاهل وكان ذلك في الخريف واقيمنا لهم رحلة في وادي كجيرة فذهب وفد المقدمة كالمعتاد للتجهيز وفي الطريق ضل كل من عمنا ومعه بعض الضيوف الذين لاول مره يحضروا للغرب من الخرطوم
    فسألوا احد البقارة في الطريق لكي يدلهم عن المسار الصحيح فبدأ يوصف لهم كلاتي:

    ولض اميه الدالايه صوب العتمور تدلتهاروح بوجك - شجر المديكه المجاوط البوطه - محط فريق اولاد عمران - هناك تندل وادي كجيرة

    بعد ان فارقوا اخونا البقاري قال أحد الضيوف لعمنا أول مره في حياتي اشو بقاري يرطن
                   |Articles |News |مقالات |بيانات

19-05-2009, 09:13 AM

فرحات عباس
<aفرحات عباس
تاريخ التسجيل: 20-09-2005
مجموع المشاركات: 465

للتواصل معنا

FaceBook
تويتر Twitter
YouTube


Re: من قاموس اللهجة البقارية (2): كلمات زفرة فى اللهجة البقارية ويستعملها الشعب السودانى بأريح (Re: أزهري عبد الرحمن)

    الحبيب بريمة .. التحية مجددا

    يكاد لفظ الفلك " عضو الرجل " و " الفندوك " مؤخرة المرأة هما من ألفاظ أهل الغرب من البقارة حصراً ، أما القلق فيذكرني بأحد أصدقائي من أبناء الجنينة والذي ولدت له أمرأته ثلاثة بنات .. وفي الرابعة جاءه الولد .. يوم السماية جلسنا نمازحه إذا ما كان متأكداً من أن المولود ولد .. قال والله أول حاجة عملتها رفعت كرعيهو .. شفتا قلقاتو حتى قلبي برد ...
    الجزائريون يطلقون لفظة " عطاي " على الشاذ من الرجال .. أما " قنيطة " فهي من أسماءهم الشائعة .. واحد من زملاء الدراسة السودانيين بالجزائر سافر السودان في الإجازة الصيفية .. عندو صاحبو جزائري راح مرسل جواب للسوداني عن طريق أخوهو الموظف المرموق بمطار الخرطوم .. الجواب موضوع على في زواية المكتب بالمطار .. الجماعة يلفت نظرهم الطابع البريدي الجزائري بعد شوية ينفقعوا بالضحك .. // مكتوب على الظرف .. الراسل / أخوك محمد قنيط ..
    وعلى ذكر هذه اللفظة فكلمة " طيز " شائعة عند الخليجيين واللبنانيين وتعني " الفندوك " .. المذيع في تلفزيون لبنان شايل المكرفون وحايم قال عامل مسابقة في الشارع ، المسابقة عبارة عن لغز " لابس من فوق وطيزو عريان " الجواب هو الباذنجان ...

    ويبقى أبدا غرب السودان كنزاً ثراً للغة العربية وكلما تسودنت إزينت واكتست جمالاً وبهجة .. بشكل قل نظيره في كافة أنحاء السودان.
    ولي أمنية أخ بريمة وهي عمل بوست خاص لأشعار البقارة الكلمات الجميلة الرائعة المغناة للـ" البري بري " والمجلة ... والدورية
    محددً لك حبي
    فرحات
                   |Articles |News |مقالات |بيانات

19-05-2009, 10:36 AM

عصام دهب
<aعصام دهب
تاريخ التسجيل: 18-06-2004
مجموع المشاركات: 10345

للتواصل معنا

FaceBook
تويتر Twitter
YouTube


Re: من قاموس اللهجة البقارية (2): كلمات زفرة فى اللهجة البقارية ويستعملها الشعب السودانى بأريح (Re: فرحات عباس)

    تحياتي لك يا باشمهندس و لكل المتداخلين ..
    و إختلاف المسميات ذكرني بقصة طريفة آمل أن يسامحني القراء إن كان فيها ما يخدش حيائهم ..

    ـ

    في سنة ( البرلمة ) أيام الدراسة في مصر سكنت و صديقي ( مرتضى ) في الطابق الأخير بإحدى العمائر بمدينة الزقازيق ـ يعني مننا و السطوح ـ عم عبد الله بواب العمارة كان يقوم بتنظيف العمارة و مسح السلم و المداخل بخرقة قماش بالية أو كما نسميها ( مساحة ) حيث يبدأ ( المسح ) من جوار شقتنا نزولا حتى الطابق الأرضي ، و كان يضع أدوات النظافة ( مكنسة ، جردل ، مساحة ) جوار شقتنا .
    في يوم ممطر و على غير العادة لم تأتي الشغالة أم محمد التي كان تحضر لنا مرتين في الأسبوع للنظافة و الغسيل و أحياناص الطبخ ، لكنها أرسلت بدلاً منها شغالة أخرى قريبة لها ( من الفلاحين ) كانت تلك الشغالة سيدة كبيرة في عمرها و كانت المرة الأولى التي تأتي إلي شقتنا ، فتح لها ( مرتضى ) الباب و عرفته بأنها حضرت بديلة عن شغالتنا وجارتها ام محمد المتوعكة يومها و باشرت في مهمتها بتنظيف الشقة ..

    بعد دخول الشغالة الجديدة لشقتناو بأقل من نصف ساعة سمعنا ضرباً شديداً على الباب و صياحاً عالياً من عم عبد الله ( و عم عبد الله أضانو تقيلة و شبه أطرش و يتحدث بصوت عالي جداً ) كان عم عبد الله يصيح بصوته العالي الأجش ..

    ـ يا أستاذ ( مورتضضاا ) يا أستاذ ( مورتضاااا ) .. فين ( الشرمـ..طا ) يا أستاذ مرتضى !!
    مرتضى كان في غرفته و أنا كذلك في غرفتي و الشغالة ( الجديدة ) في المطبخ حيث بدأت في نظافته ..
    وعم عبد الله بصوته العالي جداً و بألفاظه ( الخادشة ) صحانا من النوم ( مخلوعين ) و ربما كل سكان العمارة ..
    توجس مرتضى أن يكون عم عبدالله أعتقد أن الشغالة ( الجديدة ) التي حضرت هي مجرد ( شرمـو..ـة) .. و أن واجبه كبواب يقتضي طردها من العمارة .
    عم عبد الله يصيح بأعلى صوته ( الشرمـ..طا) عشان أمسح بها السلم يا أستاذ مورتضاااا)
    قمت متخارجاً سرعة من غرفتي و تزامن ذلك مع خروج مرتضى و أتجهنا سوياُ للباب الذي كان يئن من ضربات عم عبد الله ..
    فتح مرتضى الباب غاضباً و بصوت عالي صاح في عم عبد الله :
    ( يا عم عبد الله شرمـو..ـة شنو يا عم عبد الله دي زولة أكبر من أمي ، ياخي نحنا ناس محترمين ، دي شغالة جديدة ) ..

    رد عم عبد الله ـ الذي ربما لأن أضانه تقيييلة جداً لم يسمع كلام مرتضى ـ
    عشان النطرة ( المطرة ) خربت الدنيا بالطين أنا عايز أنضف السلم ، إنت مخدتش ( الشرمـ..طا ) يا أستاذ مورتضاااا ..

    تسمرنا أمامه مثل الرجال البلهاء و قبل أن نفيق من أستغرابنا للرد على عم عبد الله فتحت سيدة باب الشقة المقابلة لنا و كانت تحمل في يدها خرقة قماش قديييمة و قامت بإعطائها لعم عبد الله الذي شكرها على ( الشرمـ..طا ) التي أعطتها له ليمسح بها البلاط و السلم بدلاً من ( شرمو... ته ) المفقودة و التي لم ( تدخل ) شقتنا باي حال ..

    ـ
    لاحقاُ علمت أن الفلاحين المصريين و خصوصاً في محافظة الشرقية يطلقون كلمة ( شرمــ ...طة ) على خرقة أو قطعة القماش القديمة التي تستخدم في مسح الأرضيات ..

    * مرتضى صديقي و رفيق دربي من الأبيض مرور بالزقازيق و حتى جدة حيث نقيم الآن ما أن أذكر له هذه الحكاية حتى يقول لي ( لكن هي خُلعة نصاح ) .
    ــــــــــــــــــــــــــــــــــــــــــــــــــــــ
    للفائدة ..

    شرمـ... طة وهي صفة نابية (مسبة) وتعني المرأة العاهرة التي تمارس الدعارة. تعتبر هذه الكلمة بذيئة جداً وهي كلمة عامية لا يحبذ تداولها.

    وتستخدم هذه الكلمة في أرياف مصر بمعني أخر و هو الفوطة و في المغرب العربي تستخدم ب معنى شريطة اي قطعة قماش صغيرة تستخدم للمسح.

    عند الجزائريين شرمـ..طة تعني جميلة و حسنة المظهر أو بمعنى آخر فاتنة و بالفرنسية (charmante) و لهما نفس المعنى أي الحسن و الجمال و الأناقة ..
    http://ar.wikipedia.org/wiki/%D8%B4%D8%B1%D9%85%D9%88%D8%B7%D8%A9

    (عدل بواسطة عصام دهب on 19-05-2009, 10:49 AM)

                   |Articles |News |مقالات |بيانات

19-05-2009, 12:52 PM

بريمة محمد
<aبريمة محمد
تاريخ التسجيل: 30-04-2009
مجموع المشاركات: 13471

للتواصل معنا

FaceBook
تويتر Twitter
YouTube


Re: من قاموس اللهجة البقارية (2): كلمات زفرة فى اللهجة البقارية ويستعملها الشعب السودانى بأريح (Re: عصام دهب)

    شكراُ للأخوة أزهرى، فرحات والأستاذ عصام دهب

    بجييكم بالمهلة .. للكلمات

    أنا لا أدرى هل هناك مادة فى الأرشاد تدرس مثل هذه الأختلافات فى الأستعمال .. فى ظنى سوف يصير هذا الأتجاه علم مهم فى الأثنولوجى أو الأثنوغرافى.
    فى المغرب العربى .. ربما المغرب تستعمل كلمة "قحبة" لذات الكلمة التى صكت أذان الأستاذ دهب وصديقه .. فكان أحد موظفى المنظمات غير الحكومية ذات مرة حضر شكله بين أمرأتين .. (أمرأتين بحقتنا السودانية ما المصرية) وكانت أحدهما تقول لأخرى يا قحبة يا قحبة .. والرجل عامل فيها يعرف عربى .. وحينما سئل أمام الجمع ما الحصل قال هذه قحبة .. تضرب الأخرى .. مسكوهو هو ذاته دقوه دقه لما قال بس .. المنظمة أرجعته واشنطن .. ويبدو لو أتذكرالقصه تماماً لقد طالب الرجل بحقوق تعويض لأن المنظمة لم تدرسه الكلمة وهو فهمها على أنها أسم المرأة وليس سبه لها.

    بالجد أعجبت بأستعمال كلمة قنيط فى الجزائر .. وهى مستعمله عند البقارة دون أىّ حرج .. القنيط الزول بتاع الشوبار، التقنّط كثرة الشوبار ..

    بريمة

                   |Articles |News |مقالات |بيانات

19-05-2009, 01:00 PM

بريمة محمد
<aبريمة محمد
تاريخ التسجيل: 30-04-2009
مجموع المشاركات: 13471

للتواصل معنا

FaceBook
تويتر Twitter
YouTube


Re: من قاموس اللهجة البقارية (2): كلمات زفرة فى اللهجة البقارية ويستعملها الشعب السودانى بأريح (Re: بريمة محمد)

    كلمة الفقاسات .. هذه الكلمة يستعملها الشعب السودانى بكل أريحية .. وهى تعنى جمع فقاسة من فقاسات البيض ..
    البقارة عندهم لها أستعمال عجيب .. وهى مترادفه عندهم بكلمة الفقسات .. وكما قال الأخ فرحات "الفندوك" هو مؤخرة المرأة .. مؤخرة عظيمة .. الفقسات تعنى ذات الشيئ .. زول ليهو فقسات أو فقاسات .. أنت سببته بأنه عظيم المؤخرة .. وهى صفة جميله عند النساء ومزمومه لدى الرجال .. يعنى تطابق الفهم السودانى فى مواصفات الجمال للمرأة .. فالمرأة أم فقسات .. هى أمرأة مخصّرة .. بائنة الخصر .. والرجل أب فقاسات رجل ساكت ..

    بدل ما يقع الزول فى الحرج أستعملوا كلمة فقاسة البيض .. وليس الفقاسات .. لأن لو قلت للرجل فقاساتك .. يكون قتلته قتل! ممكن يأكلها ويمشيك وممكن تخش فى موقف حرج.

    بريمة
                   |Articles |News |مقالات |بيانات

19-05-2009, 06:15 PM

بريمة محمد
<aبريمة محمد
تاريخ التسجيل: 30-04-2009
مجموع المشاركات: 13471

للتواصل معنا

FaceBook
تويتر Twitter
YouTube


Re: من قاموس اللهجة البقارية (2): كلمات زفرة فى اللهجة البقارية ويستعملها الشعب السودانى بأريح (Re: بريمة محمد)

    قبل ما نخوضواأكثر فى التناقض بين مفهومنا السودانى العام ومفهومنا نحن البقارة الخاص ..

    عايز أوريكم كيف تنطق الكلمات البقارية ..
    معروف الشعب السودانى يكتب كلمة: قرنق .. بخلاف نطقها .. فحرف القاف فى كلمة قرنق ليس كحرف القاف فى كلمة قانون ..

    وبالتالى أى كلمة تنطق على نمط قرنق خلى بالك منها فى مناطق البقارة .. فالقاف عندهم تنطق على طريقة قرنق ..

    أنا وجدت أن الذين ينطقون القاف بنطقها العربى الفصيح أو مقلقلة كما فى علم التجويد هم أكثر الناس الذين يسلمون من الخطأ فى تشابه الأستعمال للكلمات البقارية.

    نواصل ..

    بريمة
                   |Articles |News |مقالات |بيانات

19-05-2009, 06:31 PM

بريمة محمد
<aبريمة محمد
تاريخ التسجيل: 30-04-2009
مجموع المشاركات: 13471

للتواصل معنا

FaceBook
تويتر Twitter
YouTube


Re: من قاموس اللهجة البقارية (2): كلمات زفرة فى اللهجة البقارية ويستعملها الشعب السودانى بأريح (Re: بريمة محمد)

    فى المداخلات التالية أريد أوضح جزء من الخليفة النفسية من وراء بعض الألفاظ التى وردت ويعتبرها المعلم أو الأستاذ تلزم معاقبة التلميذ .. وفى نظرى هى الكلمات ذاتا التى يجب أن يستعملها الأستاذ لكى يوصل المادة فى مناطق البقارة.


    نواصل ..

    بريمة
                   |Articles |News |مقالات |بيانات

19-05-2009, 06:59 PM

بريمة محمد
<aبريمة محمد
تاريخ التسجيل: 30-04-2009
مجموع المشاركات: 13471

للتواصل معنا

FaceBook
تويتر Twitter
YouTube


Re: من قاموس اللهجة البقارية (2): كلمات زفرة فى اللهجة البقارية ويستعملها الشعب السودانى بأريح (Re: بريمة محمد)

    وردت كلمة قنيطة والتى قال عنها الأخ فرحات إنها من الكلمات الجميلة فى الجزائر ..
    وهناك كلمة أخرى وهى: نتيقه .. فهى مرادف تمام لكلمة قنيطه ..

    فى جنوب الأبيض هناك منطقة كامله جنوب منطقة الأبنوية الشهيرة تسمى أم قنينيطه .. وأى بقارى فى كردفان لو سألته عن مخارف أم قنينيطه يقول ليك يعرفها .. وبنفس الطريقة فى دارفور منطقة نتيقة هى مركز لحاكورة قبيلة من قبائل البقارة .. ربما أكون مخطئ ..

    طيب ندخل فى الغريق .. فى مساءل التدريس أنا وجدت إذا أستعملت للبقارة ألفاظ مثل العانة والفرج تدخلهم فى أظافرهم .. ولكن لو أستبدلتها بكلمة نتيقه مثلا على طول كل زول عارف بالضبط أنت تشرح فى شنو ودون حرج .. فكلمة نتيقه تعنى المخارج ..

    مع أنى شرحت هذه الكلمات بطرق عده لكن متأكد لم تستطيعوا إستيعاب كيف أن هذه الكلمات بساطها أحمدى لأى حد فى المنطقة .. ويبدو تماما إننا نسير فى أتجاه مفاهيمى مخالف لما هو مألوف.

    بريمة
                   |Articles |News |مقالات |بيانات

20-05-2009, 04:47 AM

حمد اسماعيل

تاريخ التسجيل: 27-01-2005
مجموع المشاركات: 544

للتواصل معنا

FaceBook
تويتر Twitter
YouTube


Re: من قاموس اللهجة البقارية (2): كلمات زفرة فى اللهجة البقارية ويستعملها الشعب السودانى بأريح (Re: بريمة محمد)

    0
    0

    البوست فعلا بيوصل لحاجات واستعمال لكلمات يمكن تدخل الواحد فى .... وزه ( ما عايز أٌقول ديك)
    لانه اساسا ما عارف المثل جا من وين ومناسبته شنو .

    بعدين أخونا عصام دهب قال.

    Quote: عند الجزائريين شرمـ..طة تعني جميلة و حسنة المظهر أو بمعنى آخر فاتنة و بالفرنسية (charmante) و لهما نفس المعنى أي الحسن و الجمال و الأناقة


    طبعا أى واحد أكل ملاح شرموط وفى ناس مرات بشوفوها تقيلة لما تقول يا جماعه اعملو لينا ملاح
    شرموط .

    مرات يجيبو اللحمه نصها بياكلوه والنص التانى بشرمطوه و بيعلقوه فى الحبل بعد ما يتشرمط

    ( اى يقطع فى شكل سرايح علشان ينشف سريع ويسهل دقه بعد ذلك)
    .
    لما الواحد يشيل واحدة من الشرا....ط ديل ويختها فى الجمر وتفضل تتقلب ليك لغاية ما تنجض
    وتقوم كده تغمسةه فى شطة ليمون تحلف انك ماكل ليك ...........ما عاديه .

    نصل الى ان شرمطة الشىء هى تقطيعه الى شكل محدد على حسب ما ورد هنا , ونصل الى أن الشر....ة
    أنواع والله أعلم ...
                   |Articles |News |مقالات |بيانات

20-05-2009, 06:11 AM

بريمة محمد
<aبريمة محمد
تاريخ التسجيل: 30-04-2009
مجموع المشاركات: 13471

للتواصل معنا

FaceBook
تويتر Twitter
YouTube


Re: من قاموس اللهجة البقارية (2): كلمات زفرة فى اللهجة البقارية ويستعملها الشعب السودانى بأريح (Re: حمد اسماعيل)

    الأخ حمد

    سلامات ..
    لكن يا أخى أنا ما أمنت عدييل .. هل هذه الكلمة هى خاصتنا من أهل الغرب أو جميع أهل السودان .. يا أخى الكلمة بساطها أكثر من أحمدى عندنا فى بادية البقارة .. لكن أختلف معك قليلاً برضو المعنى السيئ وارد فى أستعمالها فى ذات بئتنا .. هل توافقنى!

    وبالتالى هى كلمة خلافيه .. حمالة وجوه. ولا رأيك شنو؟


    تحياتى

    بريمة
                   |Articles |News |مقالات |بيانات

20-05-2009, 02:42 PM

مهند عبدالسلام
<aمهند عبدالسلام
تاريخ التسجيل: 24-01-2009
مجموع المشاركات: 159

للتواصل معنا

FaceBook
تويتر Twitter
YouTube


Re: من قاموس اللهجة البقارية (2): كلمات زفرة فى اللهجة البقارية ويستعملها الشعب السودانى بأريح (Re: بريمة محمد)

    هاي ول ابا بريمه بضم الميم
    بمناسبة أم قنينيطه ذكرتني حادثتيين الاولي كانت في حياة الناظر محمد حماد اسوسه فالناظر كان في جوله مع مسؤول من ناس الحكومه فلمن و صولوا أم قنينيطه قال له هذه المنطقه و ماحولها مخرف العرب الرحل.
    و الحادثه الثانيه كنا مع الامير بقادي جاين من منطقه تسمي النقعه العاقر متجهين لسوق ركونه في اثناء سيرنا و قفنا عمك راكبةحمار ريفاي فقال للامير بقادي الناس العامنول الحذرتم من المكان جو ختو في شارب أم قنينيطه توك و طبعا راكبين معانا ناس جاين من الخراتيم ماتو من الضحك ,
                   |Articles |News |مقالات |بيانات

20-05-2009, 10:58 AM

حماد الطاهر عبدالله
<aحماد الطاهر عبدالله
تاريخ التسجيل: 29-06-2006
مجموع المشاركات: 2159

للتواصل معنا

FaceBook
تويتر Twitter
YouTube


Re: من قاموس اللهجة البقارية (2): كلمات زفرة فى اللهجة البقارية ويستعملها الشعب السودانى بأريح (Re: بريمة محمد)

    بريمة


    الشحم ؟؟؟ !!!


    ممكن : الشهم.
                   |Articles |News |مقالات |بيانات

20-05-2009, 11:34 AM

بريمة محمد
<aبريمة محمد
تاريخ التسجيل: 30-04-2009
مجموع المشاركات: 13471

للتواصل معنا

FaceBook
تويتر Twitter
YouTube


Re: من قاموس اللهجة البقارية (2): كلمات زفرة فى اللهجة البقارية ويستعملها الشعب السودانى بأريح (Re: حماد الطاهر عبدالله)

    ول أبا حماد

    مرحب .. وألف شكر على التصحيح .. عينك طرينه ما شاء الله.

    تحياتى

    بريمة
                   |Articles |News |مقالات |بيانات

20-05-2009, 06:43 AM

Al-Shaygi
<aAl-Shaygi
تاريخ التسجيل: 16-11-2002
مجموع المشاركات: 7904

للتواصل معنا

FaceBook
تويتر Twitter
YouTube


Re: من قاموس اللهجة البقارية (2): كلمات زفرة فى اللهجة البقارية ويستعملها الشعب السودانى بأريح (Re: بريمة محمد)

    >بريمة كيف حالك
    Quote: كلمة الأستجمار التى ترد دائما عند وقت الصلاة .. ويسميها البقارة بالجمار تخفيفا .. البقارة لا يحبون هذه الكلمة .. ومتى ما قلت ماشى نقطع الجمار فهم يضحكون ..

    كما يستعملونها كمدخل لسب الفقرا حين لا يرون صلاحهم .. ومتى ما يقول مثل ذلك الفقير (المحبب) أنا ماشى أستجمر يقولون له تحت تحت: الله يجمرك بالشطة ..

    كما إنها من الصعوبة تستعملها فى حضرة النساء .. مثلا لا يمكن أن تقول لأمرة أمشى الجمرى .. صعبة شديد .. وبدلها تستعمل تجهز للصلاة .....


    الكلام الفوق ده هو أول البوست،، وعادة ما يبدأ الكاتب الجزئية الأهم..!!!!

    نفهم من كدة أنه عندكم أي زول ماشي "لامؤاخذة يعني" يبول إلا يكلم ناس الحلة كلهم ،،، وبقت المشكلة في أنه يقولها كيف؟؟؟
    بقترح عليك مفردة جديدة وهي أنه الواحد لما يكون ماشي للحاجة دي يقول: ماشي أتشطف!!!!


    الشايقي

    http://www.youtube.com/watch?v=WjNosdjuv7s

    فاوضني بلا زعل

    [email protected]
    http://alkatwah.com

    .
                   |Articles |News |مقالات |بيانات

20-05-2009, 07:05 AM

Tabaldina
<aTabaldina
تاريخ التسجيل: 12-02-2002
مجموع المشاركات: 11844

للتواصل معنا

FaceBook
تويتر Twitter
YouTube


Re: من قاموس اللهجة البقارية (2): كلمات زفرة فى اللهجة البقارية ويستعملها الشعب السودانى بأريح (Re: Al-Shaygi)

    ..
    .
    بعا يا عصام انا سمعت الحكاية دى ..
    والله بضحك ييوم كامل ..


    _________

    غايتو عم عبدالله بالغ :)

    نتابع يا ول أبا
                   |Articles |News |مقالات |بيانات

20-05-2009, 07:55 AM

قلقو
<aقلقو
تاريخ التسجيل: 13-05-2003
مجموع المشاركات: 4206

للتواصل معنا

FaceBook
تويتر Twitter
YouTube


Re: من قاموس اللهجة البقارية (2): كلمات زفرة فى اللهجة البقارية ويستعملها الشعب السودانى بأريح (Re: Tabaldina)

    مالك علينا يا بريمة عايز تقطعا لينا فى ريسينا.
    ياسيدى انا فى اكتر من مناسبة قلت انا اخترت اسم قلقو دة حبا فى معسكر من معسكرات حظيرة الدندر احببته ومازلت ايامه راسخة فى ذاكرتى وستظل .
    بناءا على ماتقدم قل قلقو ولا تقل (قلقات).مع كامل احترامى لقاموس العامية البقارية.
    مع تحياتى
                   |Articles |News |مقالات |بيانات

20-05-2009, 11:42 AM

بريمة محمد
<aبريمة محمد
تاريخ التسجيل: 30-04-2009
مجموع المشاركات: 13471

للتواصل معنا

FaceBook
تويتر Twitter
YouTube


Re: من قاموس اللهجة البقارية (2): كلمات زفرة فى اللهجة البقارية ويستعملها الشعب السودانى بأريح (Re: Al-Shaygi)

    الشايقى
    سلامات ..
    Quote: نفهم من كدة أنه عندكم أي زول ماشي "لامؤاخذة يعني" يبول إلا يكلم ناس الحلة كلهم ،،، وبقت المشكلة في أنه يقولها كيف؟؟؟
    بقترح عليك مفردة جديدة وهي أنه الواحد لما يكون ماشي للحاجة دي يقول: ماشي أتشطف!!!!
    البقارة يستعملون بدلاً عن الكلمة .. كلمة "ماشى الخلا". وكلمة "ماشى الخلا" .. فى مفهومها كما فى كلمة ماشى بيت الأدب .. ممكن تستعملها المرأة أمام الرجال أو الرجل قدام النساء .. وأى زول بدون حرج. لكن قدام النسوان ما بتقدر تقول ماشى "نقطع الجمار".

    وكملة "قطع جمار" ليس كلمة شاذه بصورة كبيرة .. لكن الناس بحكم مناكفتهم للفقرا .. يستعملونها للضحك .. الفكى ماشى "يقطع جمار" .. وفلان زنقوه لما "قطع جمار" .. وهكذا .. فهى كون تكون الكلمة مرتبطه بمدولول مضحك لا تصلح للأستعمال ولناس مثل شيوخ الدين.


    ما "تقطع جمار" بكلامى دا.

    بريمة
                   |Articles |News |مقالات |بيانات

20-05-2009, 11:57 AM

بريمة محمد
<aبريمة محمد
تاريخ التسجيل: 30-04-2009
مجموع المشاركات: 13471

للتواصل معنا

FaceBook
تويتر Twitter
YouTube


Re: من قاموس اللهجة البقارية (2): كلمات زفرة فى اللهجة البقارية ويستعملها الشعب السودانى بأريح (Re: بريمة محمد)

    أها يا أخونا الزول أب أسمو شين وصل ..

    قلقو
    Quote: مالك علينا يا بريمة عايز تقطعا لينا فى ريسينا.
    ياسيدى انا فى اكتر من مناسبة قلت انا اخترت اسم قلقو دة حبا فى معسكر من معسكرات حظيرة الدندر احببته ومازلت ايامه راسخة فى ذاكرتى وستظل .
    بناءا على ماتقدم قل قلقو ولا تقل (قلقات).مع كامل احترامى لقاموس العامية البقارية.
    مع تحياتى
    يا أخى أنت أفضل نسموك .. "أب قلقات التور البهر الكور" .. وكلمات "أب قلقات التور البهر الكور" .. وصف عظيم لدى للبقارة .. هذا الوصف يعنى أنت شخص زاده الله بسطة فى الجسم وقوة فى البدن كالفيل أب قلقات .. وكلمة "بهر" جاية من "الهرار" الله يكرمك! .. و"الكور" هو ثمرة الدليب .. لا يوجد حيوان أخر يستطيع أن يبتلع ثمرة الدليب إلا الفيل .. عشان كده البقارة معجبين بالشغلة بتاعت بلع الكور .. وزول حلتنا أب قلقات .. هو محتفظ بالأسم لذات المدولول الموجود فى خلفية ذهن البقارة الذى يربط القلقات بالفيل .. فهو فى عقله الباطن بشوف نفسه أنه أب قلقات التور البهر الكور .. كناية عن القوة فى الجسم والبدن.

    أتمنى أن أكون حفظت ماء وجهى ..

    تحياتى

    بريمة
                   |Articles |News |مقالات |بيانات

20-05-2009, 12:54 PM

قلقو
<aقلقو
تاريخ التسجيل: 13-05-2003
مجموع المشاركات: 4206

للتواصل معنا

FaceBook
تويتر Twitter
YouTube


Re: من قاموس اللهجة البقارية (2): كلمات زفرة فى اللهجة البقارية ويستعملها الشعب السودانى بأريح (Re: بريمة محمد)

    عزيزى بريمة
    انا موافق على تعديل الأسم لكن خروف السماية عليك .
    مع تحياتى
    .
                   |Articles |News |مقالات |بيانات

20-05-2009, 01:20 PM

بريمة محمد
<aبريمة محمد
تاريخ التسجيل: 30-04-2009
مجموع المشاركات: 13471

للتواصل معنا

FaceBook
تويتر Twitter
YouTube


Re: من قاموس اللهجة البقارية (2): كلمات زفرة فى اللهجة البقارية ويستعملها الشعب السودانى بأريح (Re: قلقو)

    تسلم يا قلقو
    وبالمناسبة .. فى أسم أب قلقات التور البهر الكور .. لاحظت أن البقارة أستعملوا كلمة الهرار .. بدل البلع .. يعنى لو قالوا: التور الببلع الكور .. ربما تكون أفضل .. لكن حتماً لسبب يعلمه البقارة أن أخراج الهرار ربما أصعب من بلع الأكل .. ولا شنو؟ والملاحظة بديهية فى أكل الشطة وأخراجها .. وبالتالى هم أختاروا الموضع الأصعب .. ربما أيضاً فى حيوانات تانية ممكن تبلع الكور لكنها يصعب عليها أخراجه .. فتركت بلعه.





    بريمة
                   |Articles |News |مقالات |بيانات

20-05-2009, 01:34 PM

عبدالأله زمراوي
<aعبدالأله زمراوي
تاريخ التسجيل: 22-05-2003
مجموع المشاركات: 703

للتواصل معنا

FaceBook
تويتر Twitter
YouTube


Re: من قاموس اللهجة البقارية (2): كلمات زفرة فى اللهجة البقارية ويستعملها الشعب السودانى بأريح (Re: قلقو)

    الأخ الكريم بريمة

    والله إنت الأيام دي سيد المنبر وبدأت تماما تعلمنا الكثير المثير. كشخص تربى في أقصى الشمال، لم نختلط بالبقارة والمسيرية وبعض قبائل السودان وحتى الآن لا أعرف بقاريا تحدث بلهجة البقارة أمامي. لذلك تجدني في غاية التشوق لقراءة أشعار قبيلة البقارة، تلك القبيلة العريقة من بين قبائل السودان الكثيرة، فهل نطمع؟

    تحياتي لجارك القريب البعيد عني صلاح شعيب
                   |Articles |News |مقالات |بيانات

20-05-2009, 02:09 PM

ALZOLZATOO
<aALZOLZATOO
تاريخ التسجيل: 14-03-2002
مجموع المشاركات: 4216

للتواصل معنا

FaceBook
تويتر Twitter
YouTube


Re: من قاموس اللهجة البقارية (2): كلمات زفرة فى اللهجة البقارية ويستعملها الشعب السودانى بأريح (Re: عبدالأله زمراوي)

    الاخ بريمة

    من قلبت اسمك بالعربي مواضيعك بقت شيقة

    اسمع خروف السماية عليك دي مايكون معناها عند البقارة كلام ماكويس

    كل بقاع الدنيا نجد اللهجة تختلف من منطقة الى منطقة مرة بتونس مع زائر جيراننا وهو من شرق السودان اها حصل شئ ما وقلت له امك قال لي كلمة امك دي تقولها لي هدندوي يطعنك طوالي .

    انا من الناس المعجبين بكلام ولهجة البقارة نرجو ان تذهب في سردك وثقافة البقارة من اكبر واعظم الثقافات السودانية

    تحياتي

    زاتوووو
                   |Articles |News |مقالات |بيانات

20-05-2009, 02:12 PM

شول اشوانق دينق
<aشول اشوانق دينق
تاريخ التسجيل: 13-02-2006
مجموع المشاركات: 5332

للتواصل معنا

FaceBook
تويتر Twitter
YouTube


Re: من قاموس اللهجة البقارية (2): كلمات زفرة فى اللهجة البقارية ويستعملها الشعب السودانى بأريح (Re: عبدالأله زمراوي)

    سلام يا بريمة وبوستك ماكن وجميل جداً

    Quote: عايز أوريكم كيف تنطق الكلمات البقارية ..
    معروف الشعب السودانى يكتب كلمة: قرنق .. بخلاف نطقها .. فحرف القاف فى كلمة قرنق ليس كحرف القاف فى كلمة قانون ..

    وبالتالى أى كلمة تنطق على نمط قرنق خلى بالك منها فى مناطق البقارة .. فالقاف عندهم تنطق على طريقة قرنق ..

    أنا وجدت أن الذين ينطقون القاف بنطقها العربى الفصيح أو مقلقلة كما فى علم التجويد هم أكثر الناس الذين يسلمون من الخطأ فى تشابه الأستعمال للكلمات البقارية.


    بس للتوضيح اكتر إنت قاصد القاف الأول من إسم قرنق ولّ القاف الأخير؟


    تحياتى واكيد مودتى
                   |Articles |News |مقالات |بيانات

20-05-2009, 05:16 PM

بريمة محمد
<aبريمة محمد
تاريخ التسجيل: 30-04-2009
مجموع المشاركات: 13471

للتواصل معنا

FaceBook
تويتر Twitter
YouTube


Re: من قاموس اللهجة البقارية (2): كلمات زفرة فى اللهجة البقارية ويستعملها الشعب السودانى بأريح (Re: عبدالأله زمراوي)

    مولانا زمرواى

    تسلم على المرور .. أنا متأكد تكون أتفقعت من الضحك .. أنتظر بعد الدوام .. بجييك بالمهلة .. جارى مندسى أنا زاتى مشتاق أشوفو

    تحياتى

    بريمة
                   |Articles |News |مقالات |بيانات

20-05-2009, 05:20 PM

بريمة محمد
<aبريمة محمد
تاريخ التسجيل: 30-04-2009
مجموع المشاركات: 13471

للتواصل معنا

FaceBook
تويتر Twitter
YouTube


Re: من قاموس اللهجة البقارية (2): كلمات زفرة فى اللهجة البقارية ويستعملها الشعب السودانى بأريح (Re: بريمة محمد)

    الزول زاتو
    Quote: انا من الناس المعجبين بكلام ولهجة البقارة نرجو ان تذهب في سردك وثقافة البقارة من اكبر واعظم الثقافات السودانية

    تحياتي

    زاتوووو
    غايتو ح تتعب .. لهجة البقارة فيها إستعمالات عجيبة .. وح تشوف .. بس خليك معانا

    تحياتى

    بريمة
                   |Articles |News |مقالات |بيانات

20-05-2009, 05:39 PM

بريمة محمد
<aبريمة محمد
تاريخ التسجيل: 30-04-2009
مجموع المشاركات: 13471

للتواصل معنا

FaceBook
تويتر Twitter
YouTube


Re: من قاموس اللهجة البقارية (2): كلمات زفرة فى اللهجة البقارية ويستعملها الشعب السودانى بأريح (Re: بريمة محمد)

    عيييك يا جماعة .. شول أشوانق شخصيا ..
    Quote: بس للتوضيح اكتر إنت قاصد القاف الأول من إسم قرنق ولّ القاف الأخير؟


    تحياتى واكيد مودتى
    شفت دكتور قرنق عظيم كيف .. حيا وميتا ..

    كلمة قرنق فيها قافين .. الأولى أشبه بالكاف والثانية تنطق مقرونة بالنون .. مثل إسم النوبة النمنق أو النيمانق ..وهناك من يكتب الأسم النمنج أو النيمانج .. مجموعة الحروف نق أو أنق أو أنج .. هى حرف موجود فى نطق البقارة ولكن لا توجد كتابة ..
    فى كلمة "قلق" نحن نستعملوا القاف التى تشبة الكاف .. فى كلمة " أنقاره" التى تعنى الكركدى السودانى نحن نستعملوا القاف التى تشبة أنق فى لفظ قرنق ..

    مودتى

    بريمة
                   |Articles |News |مقالات |بيانات

20-05-2009, 05:39 PM

نوفل عبد الرحيم حسن
<aنوفل عبد الرحيم حسن
تاريخ التسجيل: 27-02-2009
مجموع المشاركات: 2361

للتواصل معنا

FaceBook
تويتر Twitter
YouTube


Re: من قاموس اللهجة البقارية (2): كلمات زفرة فى اللهجة البقارية ويستعملها الشعب السودانى بأريح (Re: بريمة محمد)

    فعلا يا بريمه البقاره عندهم كلام مرات ما بتفهم ذاتو
    عشت وسط البقاره حوالي سته اشهر .. اول ايامي كنت شي افهمو وشي ما افهمو
    البأر برأء ام جر .. أرد بي وجه ... مع تعطيش الجيم في الكلمتين
    بعدها فهمت انه .. البقر برعي ام جر - وهي مكان مرعي .. عرد بوجهه او بوشه اي هرب وذهب بعيدا
    كوكو .. وتعني لا
    ولكن ايضا اغلب كلماتهم المستخدمه عربيه علي السليقه وفصيحه جدا
    مثلا .. للتوء .. ولم يستخدموا الحين او الآن


    تحياتي
                   |Articles |News |مقالات |بيانات

20-05-2009, 05:46 PM

بريمة محمد
<aبريمة محمد
تاريخ التسجيل: 30-04-2009
مجموع المشاركات: 13471

للتواصل معنا

FaceBook
تويتر Twitter
YouTube


Re: من قاموس اللهجة البقارية (2): كلمات زفرة فى اللهجة البقارية ويستعملها الشعب السودانى بأريح (Re: نوفل عبد الرحيم حسن)

    البقارى لو قال ليك "أنا قاعد ليك نتيقة غنماية" .. أعمل حسابك شديد هو مستعد لدواسك .. "نتيقة غنماية" أو "دبر غنماية" .. الغنماية معروف ذيلها مروفوع الشلانه مكشوفه للهواء .. كنايه عن أنه قاعد ليك برا للدواس.

    بريمة
                   |Articles |News |مقالات |بيانات

20-05-2009, 06:01 PM

بريمة محمد
<aبريمة محمد
تاريخ التسجيل: 30-04-2009
مجموع المشاركات: 13471

للتواصل معنا

FaceBook
تويتر Twitter
YouTube


Re: من قاموس اللهجة البقارية (2): كلمات زفرة فى اللهجة البقارية ويستعملها الشعب السودانى بأريح (Re: بريمة محمد)

    البقارى لو قال ليك: "براق نتيقة رحاك" أو "براق دبر رحاك" .. أستعد المطر ح ينزل .. والرحاك هو الأنسان الذى يرحك .. يطحن العيش بديه على حجر المرحاكة .. "البتاعه" من الخلف تفتح وتقفل بسرعة .. حسب سرعة الرحاك .. وح أجيب لاحقا صورة زول بيرحك عشان تتخيلوا المنظر .. والرحاك بكون بارك على ركبتيه وواضع يديه على حجر المرحاكة .. يعبى بارك على قوائمه الأربعة .. إذا إعتبرنا اليدين فى هذا الوضع كالقوائم .. وهو يرحك يتحرك فى شكل مزوزاه .. أمام وخلف ..

    أتخيلوا لما الأميرة ديانا تكون واقفةأمام الجمهور .. الكمرات تكون شغالة قرف دون إنقطاع وهذا ما يريد يقوله البقارى من جملة "براق نتيقة رحاك" .. برق متواصل ..

    بريمة
                   |Articles |News |مقالات |بيانات

21-05-2009, 10:51 AM

بريمة محمد
<aبريمة محمد
تاريخ التسجيل: 30-04-2009
مجموع المشاركات: 13471

للتواصل معنا

FaceBook
تويتر Twitter
YouTube


Re: من قاموس اللهجة البقارية (2): كلمات زفرة فى اللهجة البقارية ويستعملها الشعب السودانى بأريح (Re: بريمة محمد)

    ول أبا مهند
    Quote: هاي ول ابا بريمه بضم الميم
    بمناسبة أم قنينيطه ذكرتني حادثتيين الاولي كانت في حياة الناظر محمد حماد اسوسه فالناظر كان في جوله مع مسؤول من ناس الحكومه فلمن و صولوا أم قنينيطه قال له هذه المنطقه و ماحولها مخرف العرب الرحل.
    و الحادثه الثانيه كنا مع الامير بقادي جاين من منطقه تسمي النقعه العاقر متجهين لسوق ركونه في اثناء سيرنا و قفنا عمك راكبةحمار ريفاي فقال للامير بقادي الناس العامنول الحذرتم من المكان جو ختو في شارب أم قنينيطه توك و طبعا راكبين معانا ناس جاين من الخراتيم ماتو من الضحك ,
    كلمة العامنول تعنى العام الماضى .. وتأتى أيضاً "قبل" لتعنى الماضى .. جملة "كان فى قديم الزمان" كلها يمكن أن تستبدلها بكلمة "قبل" أو "عامنول".
    وكلمة "شارب أم قنينيطه" تعنى منطقة جوار أم قنينيطه .. يعنى لو قلت منطقة "الجنزير" التى تقع جوار أم قنينيطه .. فى أوصاف البقارة .. البقارة ينسبوا للشيئ بكلمة شارب .. الجنزير فى شارب أم قنيطينه .. ومثلاً سوق "جعيبات" فى شارب الوادى كجار .. بريمة قاعد فى شارب الكمبيوتر .. الحمير تشرب ألمى فى شارب البقر .. دا معناه الحمير بتشرب الماء جوار البقر. وهكذا ..

    بريمة
                   |Articles |News |مقالات |بيانات

20-05-2009, 06:05 PM

الشفيع وراق عبد الرحمن
<aالشفيع وراق عبد الرحمن
تاريخ التسجيل: 27-04-2009
مجموع المشاركات: 11863

للتواصل معنا

FaceBook
تويتر Twitter
YouTube


Re: من قاموس اللهجة البقارية (2): كلمات زفرة فى اللهجة البقارية ويستعملها الشعب السودانى بأريح (Re: بريمة محمد)

    بوستك حلو يا بريمةو break ممتاز
    كويس اتفكينا شوية من السياسة ووجع الراس
    قرط على كده
                   |Articles |News |مقالات |بيانات

21-05-2009, 10:58 AM

بريمة محمد
<aبريمة محمد
تاريخ التسجيل: 30-04-2009
مجموع المشاركات: 13471

للتواصل معنا

FaceBook
تويتر Twitter
YouTube


Re: من قاموس اللهجة البقارية (2): كلمات زفرة فى اللهجة البقارية ويستعملها الشعب السودانى بأريح (Re: الشفيع وراق عبد الرحمن)

    الأخ الشفيع
    سلامات .. ومرحب بك فى قاموس اللهجة البقارية
    Quote: بوستك حلو يا بريمةو break ممتاز
    كويس اتفكينا شوية من السياسة ووجع الراس
    قرط على كده
    أنا عايز أسئلك تحديداً فى مناطق الجعليين .. تقولوا شنو لمخلفات الزراعة .. يعنى الزول لما يحصد الزرع ويقطع القصب بتبقى فضلات مازالت قاعدة .. والناس تجى تانى تنظفها قبل الزراعة للموسم القادم .. أنا نسيت الكلمة ولكن مقابلها عندنا شيئ عجيب ..

    بريمة
                   |Articles |News |مقالات |بيانات

20-05-2009, 06:10 PM

عبدالعزيز الفاضلابى
<aعبدالعزيز الفاضلابى
تاريخ التسجيل: 02-07-2008
مجموع المشاركات: 8113

للتواصل معنا

FaceBook
تويتر Twitter
YouTube


Re: من قاموس اللهجة البقارية (2): كلمات زفرة فى اللهجة البقارية ويستعملها الشعب السودانى بأريح (Re: نوفل عبد الرحيم حسن)

    Quote: طبعا أى واحد أكل ملاح شرموط وفى ناس مرات بشوفوها تقيلة لما تقول يا جماعه اعملو لينا ملاح
    شرموط .

    ابنى خالد كان طفلا نحيفا ولايأكل وكنت اتضايق من هذا ,, جاءنى احد اصدقائ وهو مشهود له بالرزانة وحسن الخلق ,, دار الحديث عن قلة وزن ابنى ,, فشكوت الحال لصديقى فقال:
    يازول خليه يضرب ال(.........) والله تربيه ليك زى العجب.
    انفجر الناس بالضحك وهو ولا على باله ,, قالها بكل عفوية.
    بوست دمه خفيف بجيك راجع مع اهلى المغاربة.
    اللى بسموا الملوخية البامية.
                   |Articles |News |مقالات |بيانات

20-05-2009, 06:33 PM

الطاهر ساتي
<aالطاهر ساتي
تاريخ التسجيل: 18-02-2006
مجموع المشاركات: 3227

للتواصل معنا

FaceBook
تويتر Twitter
YouTube


Re: من قاموس اللهجة البقارية (2): كلمات زفرة فى اللهجة البقارية ويستعملها الشعب السودانى بأريح (Re: عبدالعزيز الفاضلابى)

    حبيبنا بريمة ..

    بوست ممتع ..





    ........
    شكرا جزيلا
                   |Articles |News |مقالات |بيانات

21-05-2009, 01:03 AM

حمد اسماعيل

تاريخ التسجيل: 27-01-2005
مجموع المشاركات: 544

للتواصل معنا

FaceBook
تويتر Twitter
YouTube


Re: من قاموس اللهجة البقارية (2): كلمات زفرة فى اللهجة البقارية ويستعملها الشعب السودانى بأريح (Re: الطاهر ساتي)

    0
    0

    البوست زباينه كترو يا بريمه وكل مره يجيك زول اتذكر ليه شى

    أخونا مهند زكر انه

    Quote: بمناسبة أم قنينيطه ذكرتني حادثتيين الاولي كانت في حياة الناظر محمد حماد اسوسه فالناظر كان في جوله مع مسؤول من ناس الحكومه فلمن و صولوا أم قنينيطه قال له هذه المنطقه و ماحولها مخرف العرب الرحل.


    فيظهر فى علاقة بين الاسماء أو المسميات لانه ماتنسى فى منطقه قريبه للأبيض اسمه جعيبات

    تكون يا ربى تصغير لجعبات وبعدين كلمة جعبات زاته جات من وين ؟.

    بعدين فى كلمة زير وتجى كلمة دوان وبرمة وخمارة ( دى بخمرو فيها العجين)

    و الدحلوب يخيل لى كلهم بشبهو بعض بس كل واحد عنده شغلانه مع اختلاف الحجم و ماتنسى الكنتوش

    و الدلق .

    بعدين ياخى كلنا كردفانيين وعشان كده بنحاول نطلع فى حاجاتنا ومسمياته وبتكون فى حته تانية
    لاكين مسمنها اسم مختلف . يا مهند يتخيل لى اسمه قنينيطه ما أم قنينيطة .

    يعنى جننته قلقو وناسى انك يا بريمه ما تامى برمه (لزوم صحوبيه وكده).


    بفتش واجيكم.
                   |Articles |News |مقالات |بيانات

21-05-2009, 08:03 AM

رانيا قاسم
<aرانيا قاسم
تاريخ التسجيل: 03-07-2008
مجموع المشاركات: 517

للتواصل معنا

FaceBook
تويتر Twitter
YouTube


Re: من قاموس اللهجة البقارية (2): كلمات زفرة فى اللهجة البقارية ويستعملها الشعب السودانى بأريح (Re: حمد اسماعيل)

    الاخ الكريم بريمة

    شكرا على الموضوع الجميل

    لي زميلة مغربية وكثير ما كنت اقول لها عند نهاية الحديث (يعطيك العافية) ولم اكن اعتقد انها تعني غير المعنى المتعارف عليه الا

    بعد ان سألتني ان كنت غاضبة منها ولماذا ادعي عليها , ووضحت لي ان كلمة العافية عندهم تعني (النار).
                   |Articles |News |مقالات |بيانات

22-05-2009, 03:21 AM

بريمة محمد
<aبريمة محمد
تاريخ التسجيل: 30-04-2009
مجموع المشاركات: 13471

للتواصل معنا

FaceBook
تويتر Twitter
YouTube


Re: من قاموس اللهجة البقارية (2): كلمات زفرة فى اللهجة البقارية ويستعملها الشعب السودانى بأريح (Re: رانيا قاسم)

    الاستاذة رانيا
    Quote: الاخ الكريم بريمة

    شكرا على الموضوع الجميل

    لي زميلة مغربية وكثير ما كنت اقول لها عند نهاية الحديث (يعطيك العافية) ولم اكن اعتقد انها تعني غير المعنى المتعارف عليه الا

    بعد ان سألتني ان كنت غاضبة منها ولماذا ادعي عليها , ووضحت لي ان كلمة العافية عندهم تعني (النار).

    وأنت ربنا ينطيك العافية (بحقتنا السودانية) .. والله ما كنت عارفها تب ..

    حسى الودا العافيه للنار شنو؟ أنت عارفه يا رانيا المغاربه مرات بتحدثوا نص العربية مخلوطه بالأمازيغيه .

    تحياتى

    بريمة
                   |Articles |News |مقالات |بيانات

21-05-2009, 09:07 AM

حماد الطاهر عبدالله
<aحماد الطاهر عبدالله
تاريخ التسجيل: 29-06-2006
مجموع المشاركات: 2159

للتواصل معنا

FaceBook
تويتر Twitter
YouTube


Re: من قاموس اللهجة البقارية (2): كلمات زفرة فى اللهجة البقارية ويستعملها الشعب السودانى بأريح (Re: حمد اسماعيل)

    ول أبا بريمة

    تحياتي

    حقيقة نشكر لكم جهدكم هذا وغيره من المحاولات الجادة لتعريف الآخر بمن هم البقارة؟

    وهذا الآخر يمكن أن يكون جارك القريب أو البعيد ولكن في النهاية يتم التعارف

    والتواصل من خلال كسر حواجز الثقافة أو اللهجات المحلية، وعالم البقارة متنوع وثر

    جدا، فالبقارة العرب لهم مصطلحات تتقارب أو تتباعد مع بعضها البعض حسب طبيعة كل

    منطقة وكل قبيلة وحسب درجة الإختلاط والتداخل مع الجيران من القبائل الأخرى ( الرطانة)،

    وأما عالم البقارة غير العرب فذلك له مجال آخر من الثقافة وتنوع الأجناس. نعم مثل هذه

    المواضيع مهم جدا ونتمني أن نجد متسعا من الوقت للمشاركة فيه لتعميم الفائدة. وتواصلت

    معكم في المداخلة الأولى للتحية والمجاملة ولكن في المرة دخلت لأشارك بما قرأته للأستاذ/

    عبدالنبي البشير من مسودة كتابة قبيلة الهبانية في بلاد العز ودحول الوز ما يلي:

    1- إستخدام الجزم والحذف:

    البت بدلا من البنت.

    الدر بدلا من الدرب.

    الشم بدلا من الشمس.

    العب بدلا من العبد.

    2 - تبديل العين إلى (أ) وحذف الساكن الأوسط من الثلاثي وحذل ( ال ) من الإسم المضاف إليه:

    أدرحمن بدلا من عبدالرحمن.

    أدالكريم بدلا من عبدالكريم.

    أدلاهي بدلا من عبدالله.

    3 - تغيير العين إلى نون:

    أنطاك بدلا من أعطاك.

    4 - تغيير اللام إلى ميم:

    أم قراصة بدلا من القراصة.

    أم نطاطة بدلا من النطاطة.

    أم شوكة بدلا من الشوكة.

    أم باعوضة بدلا من الباعوضة.

    وللحديث بقية.....


                   |Articles |News |مقالات |بيانات

21-05-2009, 12:19 PM

بريمة محمد
<aبريمة محمد
تاريخ التسجيل: 30-04-2009
مجموع المشاركات: 13471

للتواصل معنا

FaceBook
تويتر Twitter
YouTube


Re: من قاموس اللهجة البقارية (2): كلمات زفرة فى اللهجة البقارية ويستعملها الشعب السودانى بأريح (Re: حمد اسماعيل)

    الأخ حمد

    عييييييك .. لكن ما رهيب
    Quote: يا مهند يتخيل لى اسمه قنينيطه ما أم قنينيطة .
    أنت خجلان من الأسم ولا شنو .. يازول أم قنينيطه رأسها عدييل.
    Quote: فى منطقه قريبه للأبيض اسمها جعيبات

    تكون يا ربى تصغير لجعبات وبعدين كلمة جعبات زاته جات من وين ؟.

    سوق جعيبات من الأسواق المعروفة .. والبقارة لما ينزلوا فى "قوز نبق" بالقرب من الحمادى يذهب لسوق جعيبات .. وأسم السوق مأخوذ ربما من لفظ الجعبات ..

    والبقارة لهم أشعار فى الجعبات .. فهم لا يعرفون أوصاف مثل الخصر والأرداف وغيرها .. هم يعرفون الجعبات والفقسات والفندوك كأوصاف للمرأة.
    والمرأة أم جعبات أيضاً أمرأة جميلة بمواصفات البقارة .. ولكن أبداً لا يمكن أن تقول للراجل أب جعبات .. دا يكون موضع دواس على طول .. فالجعبات خاصة بالنساء.

    ولكن كلمة الجعبات أيضاً تستخدم فى مواضع الزم للنساء .. فهنا مثلاً البرمكى يسب الكمكلى يقول:

    رقبة الكمكلى غبشه وتخينة ..
    وجعبات مرته كبر وسمينه ..
    الكمكرى حفا لقى "تفل" البرامكة ..
    خما ملئ بيه ماعونة ..

    ---
    هذا المقطع البرمكى نقله الخواجه يان كنيسون فى كتابه عام 1955م من مناطق الحمر:
    The Kamkary's neck is thick and grey
    The buttocks of his wife are big and fat
    The Kamkary found the Baramky's tea-leaves on the ground
    and took and filled his dish with them

    تعرفوا على أشعار البرامكة هنا ..

    التراث والبيئة: * أنا ضنيب القط * - البقارة أول من عرف الشعر الحلمنتيشى

    هل لاحظتم أستعمال كلمة كبر للجعبات بدل كبار .. كبر كناية عن المبالغة فى الكبره.

    بريمة

    (عدل بواسطة بريمة محمد on 21-05-2009, 01:19 PM)
    (عدل بواسطة بريمة محمد on 21-05-2009, 02:18 PM)

                   |Articles |News |مقالات |بيانات

22-05-2009, 02:20 AM

بريمة محمد
<aبريمة محمد
تاريخ التسجيل: 30-04-2009
مجموع المشاركات: 13471

للتواصل معنا

FaceBook
تويتر Twitter
YouTube


Re: من قاموس اللهجة البقارية (2): كلمات زفرة فى اللهجة البقارية ويستعملها الشعب السودانى بأريح (Re: الطاهر ساتي)

    أستاذنا الطاهر ساتى

    مرحب بكم فى بوست اللهجة البقارية,

    تحياتى

    بريمة
                   |Articles |News |مقالات |بيانات

21-05-2009, 11:10 AM

بريمة محمد
<aبريمة محمد
تاريخ التسجيل: 30-04-2009
مجموع المشاركات: 13471

للتواصل معنا

FaceBook
تويتر Twitter
YouTube


Re: من قاموس اللهجة البقارية (2): كلمات زفرة فى اللهجة البقارية ويستعملها الشعب السودانى بأريح (Re: عبدالعزيز الفاضلابى)

    عبدالعزيز
    سلامات
    Quote: ابنى خالد كان طفلا نحيفا ولايأكل وكنت اتضايق من هذا ,, جاءنى احد اصدقائ وهو مشهود له بالرزانة وحسن الخلق ,, دار الحديث عن قلة وزن ابنى ,, فشكوت الحال لصديقى فقال:
    يازول خليه يضرب ال(.........) والله تربيه ليك زى العجب.
    انفجر الناس بالضحك وهو ولا على باله ,, قالها بكل عفوية.
    بوست دمه خفيف بجيك راجع مع اهلى المغاربة.
    اللى بسموا الملوخية البامية.
    يا عبدالعزيز يعنى أنت خجلان من كلمة "ملاح الشرموط" .. البقارية تنادى بأعلى صوتها عشان توصى الناس الماشين السوق يجيبوا لها "(شرا.ميط)" .. والله كلامى دا صحيح.
    وعندنا ملاح يسمى ملاح الشرموط .. معروف للجميع .. والبقارية لو نبذت أختها تقول ليها "أنتى ملاح أم بلط ساكت" .. ام بلط ملاح بدون شرموط .. أى أنت ما عندك أى نكهة .. ترد عليها لا يا أختى أنا ملاح تقليه .. البقارة فى سابق الأزمان يذهبوا فى مجموعات للصيد فى فترة الصيف لصيد الزراف والفيل وحيوان أب عرف ويقطعوا اللحمة فى شكل "(شرا.ميط)" .. وتلقى الواحد ماشى السوق وشايل شوالات مليانه لحمه مقطعه .. تسألوا يازول ماشى وين .. بكل أريحية يقول ليك "ماشى نبيع ال(الشرا.ميط) فى السوق".

    طبعاً الضحك يكون شرطك يا عبدالعزيز .. لكن نعمل شنو .. الله غالب دى لهجتنا.

    لزوم التعديل:
    يبدو أن الباشمهندس بكرى مانع كلمة "الش.ر.ا.ميط" من الأستعمال .. متى ما تكتبها الكمبيوتر يحولها إلى (......) .. أها يا كمبيوتر تحظر لغتنا كمان.

    بريمة

    (عدل بواسطة بريمة محمد on 21-05-2009, 11:15 AM)

                   |Articles |News |مقالات |بيانات

21-05-2009, 12:55 PM

بريمة محمد
<aبريمة محمد
تاريخ التسجيل: 30-04-2009
مجموع المشاركات: 13471

للتواصل معنا

FaceBook
تويتر Twitter
YouTube


Re: من قاموس اللهجة البقارية (2): كلمات زفرة فى اللهجة البقارية ويستعملها الشعب السودانى بأريح (Re: بريمة محمد)
                   |Articles |News |مقالات |بيانات

21-05-2009, 02:35 PM

شول اشوانق دينق
<aشول اشوانق دينق
تاريخ التسجيل: 13-02-2006
مجموع المشاركات: 5332

للتواصل معنا

FaceBook
تويتر Twitter
YouTube


Re: من قاموس اللهجة البقارية (2): كلمات زفرة فى اللهجة البقارية ويستعملها الشعب السودانى بأريح (Re: بريمة محمد)

    Quote: كلمة قرنق فيها قافين .. الأولى أشبه بالكاف والثانية تنطق مقرونة بالنون .. مثل إسم النوبة النمنق أو النيمانق ..وهناك من يكتب الأسم النمنج أو النيمانج .. مجموعة الحروف نق أو أنق أو أنج .. هى حرف موجود فى نطق البقارة ولكن لا توجد كتابة ..
    فى كلمة "قلق" نحن نستعملوا القاف التى تشبة الكاف .. فى كلمة " أنقاره" التى تعنى الكركدى السودانى نحن نستعملوا القاف التى تشبة أنق فى لفظ قرنق ..


    اوووووووووووووووووووووووووه يا بريمة لقيتك ما ساهل بالجد.
    كدا انا إتاكد إنك عارفها فعلاً .... تمام التمام



    مودتى
                   |Articles |News |مقالات |بيانات

21-05-2009, 07:04 PM

احمد العمار

تاريخ التسجيل: 05-11-2006
مجموع المشاركات: 2034

للتواصل معنا

FaceBook
تويتر Twitter
YouTube


Re: من قاموس اللهجة البقارية (2): كلمات زفرة فى اللهجة البقارية ويستعملها الشعب السودانى بأريح (Re: بريمة محمد)

    الاخ / بريمة تحياتى لك والحضور
    والله بوست مفيد بس كان مفترض تشرح الكلمات الواردة بصورة متحشمة وما فى مشكلة للفايدة طبعا

    Quote: والبقارية لو نبذت أختها تقول ليها "أنتى ملاح أم بلط ساكت" .. ام بلط ملاح بدون شرموط ..
    أى أنت ما عندك أى نكهة .. ترد عليها لا يا أختى أنا ملاح تقليه ..

    تصحيح :
    ملاح ام بلط / هو بشرموط لكن بيكون ابيض يعنى بصلتو ما مكشنة زى ملاح التقلية


    بمناسبة القلق اذكر نكتة :

    البنت متعلمة وبليل ما جاها نوم
    امها سألتا : مالك يا فاطمة ما نمتى والليل انتلت ؟
    البنت : والله يا امى حاسة بـ ( قلق )
    الام : اى و دا قام ليك بتين





    يمكن نعود ..

    أحمد العمار
                   |Articles |News |مقالات |بيانات

21-05-2009, 11:32 PM

بريمة محمد
<aبريمة محمد
تاريخ التسجيل: 30-04-2009
مجموع المشاركات: 13471

للتواصل معنا

FaceBook
تويتر Twitter
YouTube


Re: من قاموس اللهجة البقارية (2): كلمات زفرة فى اللهجة البقارية ويستعملها الشعب السودانى بأريح (Re: احمد العمار)


    Quote: البنت متعلمة وبليل ما جاها نوم
    امها سألتا : مالك يا فاطمة ما نمتى والليل انتلت ؟
    البنت : والله يا امى حاسة بـ ( قلق )
    الام : اى و دا قام ليك بتين

    يمكن نعود ..

    أحمد العمار



    عليك الله يا ول أبا ترجع.

    بريمة

    (عدل بواسطة بريمة محمد on 21-05-2009, 11:34 PM)

                   |Articles |News |مقالات |بيانات

22-05-2009, 03:57 AM

بريمة محمد
<aبريمة محمد
تاريخ التسجيل: 30-04-2009
مجموع المشاركات: 13471

للتواصل معنا

FaceBook
تويتر Twitter
YouTube


Re: من قاموس اللهجة البقارية (2): كلمات زفرة فى اللهجة البقارية ويستعملها الشعب السودانى بأريح (Re: بريمة محمد)
                   |Articles |News |مقالات |بيانات

22-05-2009, 04:06 AM

بريمة محمد
<aبريمة محمد
تاريخ التسجيل: 30-04-2009
مجموع المشاركات: 13471

للتواصل معنا

FaceBook
تويتر Twitter
YouTube


Re: من قاموس اللهجة البقارية (2): كلمات زفرة فى اللهجة البقارية ويستعملها الشعب السودانى بأريح (Re: بريمة محمد)

    ول أبا حماد
    جيداً جيت

    Quote: قبيلة الهبانية في بلاد العز ودحول الوز

    الهبانية .. أهل الكلكة .. الحديبة أم الديار .. بلاد العز ودحول الوز وفيها ورلاًً كبير ما بفز ..

    مع أن كل البقارة يقولون وين ماشى .. لكلمة أين .. إلا الهبانية يقولون "يين" ماشى.

    كلمة "يين" دى أخرجوها كيف من أين؟

    فلان "يينك" لكلمة فلان وينك .. "يين" العوين .. أين النساء.

    يينك ول دمى .. وينك يا ولد أمى.


    تحياتى لأهلنا الهبانية.

    بريمة
                   |Articles |News |مقالات |بيانات

22-05-2009, 07:52 AM

أحمد التجاني ماهل
<aأحمد التجاني ماهل
تاريخ التسجيل: 26-07-2008
مجموع المشاركات: 907

للتواصل معنا

FaceBook
تويتر Twitter
YouTube


Re: من قاموس اللهجة البقارية (2): كلمات زفرة فى اللهجة البقارية ويستعملها الشعب السودانى بأريح (Re: بريمة محمد)

    الرائع بريمة
    لك التحية والتجلة في الحقيقة الموضوع جميل للغاية وذكرتني كردفان الحبيبة وأهلنا البقارة أهل الصهال والتور والنقارة وعلى فكرة عندي حبوبة من أولاد عمران كلاب الدم ناس جدودك عيال وادي.وكان الأخ كبر عنده بوست في موقع كردفان يحمل نفس المفهوم وكان جميلاً أيضاً. وكلامك حلو كيف لبن البارة الشبعانة في شقارة الدبب.
    وهاك بعض الكلمات:
    الكلالي:
    قلاقة:
    الدِرس:
    باصرو:
    الشكيمة:
    الزلمة:
    الشُبابة:
    الدبية:
    القيرمانة:
    الدمبال:
    الهجار:
    النكور:

    وتحياتي
    أحمد التجاني ماهل
                   |Articles |News |مقالات |بيانات

22-05-2009, 10:07 AM

بريمة محمد
<aبريمة محمد
تاريخ التسجيل: 30-04-2009
مجموع المشاركات: 13471

للتواصل معنا

FaceBook
تويتر Twitter
YouTube


Re: من قاموس اللهجة البقارية (2): كلمات زفرة فى اللهجة البقارية ويستعملها الشعب السودانى بأريح (Re: أحمد التجاني ماهل)

    شاعرنا الكبير الكردفانى أحمد التجانى ماهل

    مرحب بحضوركم المشرف ... أتمنى أن ترفد البوست بشرح هذه المفردات بالذات كلمتى قلاقه والهجار.

    خالص التحايا

    بريمة
                   |Articles |News |مقالات |بيانات

22-05-2009, 10:32 AM

بريمة محمد
<aبريمة محمد
تاريخ التسجيل: 30-04-2009
مجموع المشاركات: 13471

للتواصل معنا

FaceBook
تويتر Twitter
YouTube


Re: من قاموس اللهجة البقارية (2): كلمات زفرة فى اللهجة البقارية ويستعملها الشعب السودانى بأريح (Re: بريمة محمد)

    والله اليوم الضحك يشرط أى زول .. وهنا أنا أتحدث عن التناقض بين البقارة وناس الشمالية ... أنظروا الأتى:
    ورد فى شبكة عروس النيل
    الجضل: هو اسفل المحصول بعد الحصاد

    وفى منتديات الزومة
    الجضل: اخر المحصول من فول وزرة

    وفى منتدى البركل ورد
    شوف بالله الشافع الكلو متل الجضل ده ويسوي في شنو ؟ ..

    وكلمة الجضل والجضله ... لا تقال فى بلاد البقارة وأرجو أى زول شمالى حاضر يكلم الغائب ... أنا كنت فى الشمالية ذات مرة وكنا نذهب إلى المزرعة وكان الناس يتحدثون أمامى بكل أريحية بهذه الكلمات وهى كلمات بساطها أحمدى هناك .. لكن لا يوجد بقارى تجرى هذه الكلمات على لسانه...

    عند البقارة الجضل هو الفرج ... وهى كلمة دارجيه أعتباطيه وسخه .. وهى أعفن نبذه تقولها أمرأة لأخرى أن تقول لها أم جضل وكلمة أم جضيل زيادة فى التحقير وهى أوسخ وأعفن من أم جضل .. وإذا قالها رجل فى حق إمرأة يكون الأمر تخطى المألوف بمراحل ضوئية ..

    وأكاد أجزم للذين لا يعرفون اللهجة البقارية إن هذه الكلمة تقشعر لها جلود سامعيها وليس هناك كلمة مثلها غير الفلّوس والفلك فى كل الكلمات التى يستعملها الشعب السودانى وهى وسخه عندنا ..

    وأنا متأكد أى بقارى يكون كره هذه البوست بسبب هذه الكلمة العرة.

    والمقابل اللغوى لكلمة الجضل بمعناها بتاع ناس الشماليه عندنا هو الدقل .. وجمعها دقله وليس جضله .. وأنا لا أدرى ما سبب الأقلاب الذى حصل لحرف الدال إلى جيم وحرف القاف إلى ضاد ..

    ولكن ربما كلمة الجضل تعنى عند البقارة البظر بدل الفرج فى أول أمرها .. وبالتالى يصبح اللفظ عند البقارة هو من باب تشبيه البظر بالجضل وفى النهاية صارت الكلمة تطلق على كل العضو بدل البظر .. من باب أطلاق الجزء وإرادة الكل .. والله أعلم.


    بريمة

    (عدل بواسطة بريمة محمد on 22-05-2009, 12:25 PM)

                   |Articles |News |مقالات |بيانات

24-05-2009, 10:10 PM

الشفيع وراق عبد الرحمن
<aالشفيع وراق عبد الرحمن
تاريخ التسجيل: 27-04-2009
مجموع المشاركات: 11863

للتواصل معنا

FaceBook
تويتر Twitter
YouTube


Re: من قاموس اللهجة البقارية (2): كلمات زفرة فى اللهجة البقارية ويستعملها الشعب السودانى بأريح (Re: بريمة محمد)

    حسبنا الله
    ده كلام شنو يا بريمة
    والجاب شنو الجضل للـ...
    كلمة الجضل دي مستعملة عندنا في ديار الشايقية زي الموية وتطلق علي بواقي الحصاد ويوصف بها كل شيء قصير وكثيرا ما كنا نسمع ونحن صغار "امش ،عامل كده زي الجضل الما قام من الواطه"
    قصتكم قصة يا بقارة
                   |Articles |News |مقالات |بيانات

24-05-2009, 11:18 PM

الصادق ضرار
<aالصادق ضرار
تاريخ التسجيل: 05-11-2007
مجموع المشاركات: 2345

للتواصل معنا

FaceBook
تويتر Twitter
YouTube


Re: من قاموس اللهجة البقارية (2): كلمات زفرة فى اللهجة البقارية ويستعملها الشعب السودانى بأريح (Re: الشفيع وراق عبد الرحمن)

    بريمه .. تصغير لكلمة برمه و الذي هو قِدر الطبخ غالباً من الفخار .. اهلنا البقارة بيسموا بريمه لحفظ المولود من عين الحسود .. فـ بريمه كاف عن يذهب عقلك الى ذلك القِدر الاسود .. و بالتالي لا مجال للحسد او السحر .
    عند اهلنا بريمه ( مساي ) مش كويس و معناه حدادي .. الجدير ان اهلنا يتاففون من مهنة الحداده .

    اهه يا قلقو .. ان شاء الله اتشفيت ليك في بريمه ده .

    بوست ممتع بالجد و بريمه نيو لوك تمام .

                   |Articles |News |مقالات |بيانات

25-05-2009, 03:36 AM

بريمة محمد
<aبريمة محمد
تاريخ التسجيل: 30-04-2009
مجموع المشاركات: 13471

للتواصل معنا

FaceBook
تويتر Twitter
YouTube


Re: من قاموس اللهجة البقارية (2): كلمات زفرة فى اللهجة البقارية ويستعملها الشعب السودانى بأريح (Re: الشفيع وراق عبد الرحمن)

    الأخ الشفيع
    سلامات ..
    Quote: حسبنا الله
    ده كلام شنو يا بريمة
    والجاب شنو الجضل للـ...
    كلمة الجضل دي مستعملة عندنا في ديار الشايقية زي الموية وتطلق علي بواقي الحصاد ويوصف بها كل شيء قصير وكثيرا ما كنا نسمع ونحن صغار "امش ،عامل كده زي الجضل الما قام من الواطه"
    قصتكم قصة يا بقارة
    لم أستغرب أستغرابك .. صدقنى حينما كنت عند الجعليين وهم يتحدثون بهذه الكلمة رجالاً ونساءاً كنت كالذى يغشى عليه من الخجل الذى يعترينى .. أو كأنى أسلخ من جلدى ..

    هذه الكلمة نابية جداً عندنا .. فى كل ديار البقارة فى الغرب.


    تحياتى

    بريمة

    (عدل بواسطة بريمة محمد on 25-05-2009, 03:49 AM)

                   |Articles |News |مقالات |بيانات

25-05-2009, 03:47 AM

بريمة محمد
<aبريمة محمد
تاريخ التسجيل: 30-04-2009
مجموع المشاركات: 13471

للتواصل معنا

FaceBook
تويتر Twitter
YouTube


Re: من قاموس اللهجة البقارية (2): كلمات زفرة فى اللهجة البقارية ويستعملها الشعب السودانى بأريح (Re: بريمة محمد)

    كتب الأخ الأستاذ زمراوى الولى فى المداخلة التالية رد على كلمة الجضل
    Re: آدم الهلباوي والسقوط الاخلاقي ....
    قائلاً:
    Quote: اخي بريمة لك التحية

    لا اود الخوض في عنوان البوست ولكن هذا التعريف لكلمة الجضل اوقفني وكان لزاما علي ايضاحه فكلمة الجضل مأخوذة من جدل وهي كلمة نوبية في شمال السودان ولانهم اول من عرفوا الزراعة في البشرية فان هذه الكلمة مستخدمة في منطقتنا بكثرة وخاصة بعد حصاد الذرة والفول وتشبيهك للجدل بالبظر يقارب الحقيقة لوجه الشبه بينهما.. اما الدقل فعندنا يمسى للكيلون الخشبي للابواب الخشبية لدى النوبيين.
    والله الموفق,

    ورددت عليه فى الأتى:
    Quote: لقد رفعت عنى الحرج يا أخى .. والله لقد توقفت من مواصلة كتابة قاموس اللهجة البقارية بسبب أيرادى لهذه الكلمة التى أعتبرها البعض إننى وصلت مرحلة متأخرة فى الأساءة لنفسى .. وأنا أظن إننا لازم نعرف بعضنا كشعوب سودانية .. والأن أنت وكل الأخوة من الشمال عرفتم هذه الكلمة الطيبة .. النوبية الأصل التى لا تمت للأساءة بأى حال أصبحت فى خبر كان فى غرب السودان .. البقارة أدخلوها فى جحر ضب خرب .. كما أوردتها فى مداخلتى السابقة .. ومع أن البقارة هم الأثنية الغالبة فى غرب السودان يجب أن يتحفظ الأنسان من أستعمالها فى كل غرب السودان ..

    وأستميحك عذراً إننى سوف أنقل مداخلتك إلى البوست الأصلى الذى نقلت منه مداخلتى تلك.

    كل الود

    بريمة

    لاحظوا إننى كدت أن أتوقف فى الكتابة عن هذا الخيط بسبب هذه الكلمة .. ولكن أظننى الأن كسرت حاجسى النفسى وأصلت معناها لمثقفنا السودانى .. وبعد دا يعملوا بيها شنو أو يعالجوا هذا الخازوق المفاهيمى كيف دا فى علم الله.

    بريمة
                   |Articles |News |مقالات |بيانات

25-05-2009, 04:14 AM

بريمة محمد
<aبريمة محمد
تاريخ التسجيل: 30-04-2009
مجموع المشاركات: 13471

للتواصل معنا

FaceBook
تويتر Twitter
YouTube


Re: من قاموس اللهجة البقارية (2): كلمات زفرة فى اللهجة البقارية ويستعملها الشعب السودانى بأريح (Re: بريمة محمد)

    الصادق
    Quote: اهه يا قلقو .. ان شاء الله اتشفيت ليك في بريمه ده .

    بوست ممتع بالجد و بريمه نيو لوك تمام .
    ما قصرت تب يالصادق .. شفت البوست أعجبك ..
    Quote: بريمه .. تصغير لكلمة برمه و الذي هو قِدر الطبخ غالباً من الفخار .. اهلنا البقارة بيسموا بريمه لحفظ المولود من عين الحسود .. فـ بريمه كاف عن يذهب عقلك الى ذلك القِدر الاسود .. و بالتالي لا مجال للحسد او السحر .
    عند اهلنا بريمه ( مساي ) مش كويس و معناه حدادي .. الجدير ان اهلنا يتاففون من مهنة الحداده .
    نعم عند البقارة إذا لم يعش أطفال لشخص يسمون الولد إسم غريب .. فأسماء مثل كوكو .. جلّوود، جقوت .. كوشى (للمرأة) كلها أسماء تندرج فى غالبها تحت درأ الضرر .. لكن إسم بريمة ليس من هذه الأسماء التى تبعد الضر .. وبريمة ليس أسم نوباوى أو فوراوى أو زغاوى أو جنوبى .. يعنى ليس من أسماء القبائل المستوطنه فى المنطقة قبل دخول البقارة .. وأقلب الظن يرجع الأسم إلى الأسم العلمانى بريمن .. فالألمان دخلوا منطقة الجبال فى إزمان قديمة وعاشوا فى مناطق غرب الدلنج حتى صارت قبيلة نوباوية بأكملها تسمى الألمان حتى اليوم .. هى قبيلة العم فليب عباس غبوس .. الجيمانغ يسمون الألمان .. فربما الألمان هم من أدخلوا الأسم للمنطقة .. أيضاً الفرنسيون يسمون بريمر وهم مروا بديار البقارة قبل حادثة فشودة المشهورة ..

    ووجهة نظرك فى أن الأسم مأخوذ من البرمه .. تصغيراً .. أيضاً وجهة نظر .. لأن أسماء مثل كلول (برمة كبيرة) وبرمه (فضل برمه ناصر) موجوده بكثرة ..

    ولو داير الضحك يشرطك عندنا زول من أهلنا قبيلة أولاد المومن من الحوازمه يسمى بريمة كلول .. تقول شنو أت!

    بريمة

    (عدل بواسطة بريمة محمد on 25-05-2009, 04:16 AM)

                   |Articles |News |مقالات |بيانات

25-05-2009, 03:27 AM

Gaafar Ismail
<aGaafar Ismail
تاريخ التسجيل: 27-08-2005
مجموع المشاركات: 4615

للتواصل معنا

FaceBook
تويتر Twitter
YouTube


Re: من قاموس اللهجة البقارية (2): كلمات زفرة فى اللهجة البقارية ويستعملها الشعب السودانى بأريح (Re: بريمة محمد)


    ول أبا بريمة

    كلمة " خرق " ؟

    قالو أيام الإنجليز
    احد شيوخ البقارة قاعد تحت شجرة ماكنة حيث ينظر في القضايا المعروضة..ثم جاء المفتش الإنجليزي ولم يعطه الشيخ أي اعتبار واستمر في حديثه مع صاحب القضية المعروضة .. اغتاظ المفتش الإنجليزي وقال للشيخ " أنت ما عارف أنا المفتش ؟ " رد عليه الشيخ " الشجرة دي في خرقك " المفتش عرف المعنى وبلع الإهانة وسكت. ... ثم دار المفتش على عدة مناطق في السودان حتى ترقى إلى رتبة مدير مديرية وطلب النقل إلى المديرية التي بها ذلك الشيخ الذي أهانه ...ثم جاء المدير إلى نفس الشيخ تحت نفس الشجرة ، ولم يعطه الشيخ اي اهتمام ..عندئذٍ قال المدير للشيخ " يا شيخ أنت ما تعرف أنا بقيت مدير كبير ؟ " رد عليه الشيخ وقال ليه " الشجرة دي برضها كبرت "

    أها يا ول أبا أظن المعنى واضح لكلمة خرق عند اهلنا البقارة.
                   |Articles |News |مقالات |بيانات

25-05-2009, 05:20 AM

بريمة محمد
<aبريمة محمد
تاريخ التسجيل: 30-04-2009
مجموع المشاركات: 13471

للتواصل معنا

FaceBook
تويتر Twitter
YouTube


Re: من قاموس اللهجة البقارية (2): كلمات زفرة فى اللهجة البقارية ويستعملها الشعب السودانى بأريح (Re: Gaafar Ismail)

    ول أبا جعفر

    سلامات
    Quote: خرق؟
    .. يا سلام عليك .. لقد أصبتها .. طبعاً الشعب السودانى يعرف إنها من أختراق، وخرق القانون .. وخرق الحدود وغيرها .. كلمة خرق عند البقارة كما أوردتها تعنى .. الشرج .. وهى نبذه صعبه .. حينما تقول للزول "خرق أمك" أو تقول المرأة لأختها "الشجرة دى فى خرقك" ..

    البقارة يفضلون كلمة التعدى بدل الخرق حتى يزول اللبس ..

    تحياتى

    بريمة
                   |Articles |News |مقالات |بيانات

25-05-2009, 05:34 AM

بريمة محمد
<aبريمة محمد
تاريخ التسجيل: 30-04-2009
مجموع المشاركات: 13471

للتواصل معنا

FaceBook
تويتر Twitter
YouTube


Re: من قاموس اللهجة البقارية (2): كلمات زفرة فى اللهجة البقارية ويستعملها الشعب السودانى بأريح (Re: بريمة محمد)

    مثل بقارى:
    "قمل الكنفوس بقتلوا فى ضهر البيت"
    أورد الأستاذ إسماعيل فى جريدة الرأى العام وبورد الراكوبة أن المثل "قمل الكنفوس يقتل في ضهر البيت" يعني: يجب على المرء الا ينشر غسيله امام الناس، انه يحرض على ضرورة ستر العيوب.
    وكلمة ضهر التى وردت تعنى ظل الظهر الذى يجاوز البيت بعد الظهيرة .. فالبقاريات يستظلن فى ظل الظهيرة يفلن ملابس الأطفال م القمل فى ذلك الظل ..

    كلمة الكنفوس يستعملها البقارة وقبائل الابالة لتعنى ذات الشيئ .. عند الأباله هو عبارة عن مجموعة سيور تربط حول خصر الفتاة مثل التنورة .. وعند البقارة هى عبارة عن لباس مصنوع من الجلد فى السابق تلبسه الفتاة .. ويلبس الكنفوس عادة عند بداية الدورة الشهرية وهو موضع لتراكم الأوساخ.

    صار الكنفوس سبه صعبة لدى البقارة .. فالبقارة لو قال ليك أنت كنفوس .. يعنى أنت تابع لغيرك .. وهى متداولة بكثرة وهى كلمة تحقير .. وتطابقها تماماً كلمة جرقاس .. وكلمة كنفوس الجلابة تعنى أن الشخص تابع للجلابة ..

    بريمة
                   |Articles |News |مقالات |بيانات

25-05-2009, 05:47 AM

الشفيع وراق عبد الرحمن
<aالشفيع وراق عبد الرحمن
تاريخ التسجيل: 27-04-2009
مجموع المشاركات: 11863

للتواصل معنا

FaceBook
تويتر Twitter
YouTube


Re: من قاموس اللهجة البقارية (2): كلمات زفرة فى اللهجة البقارية ويستعملها الشعب السودانى بأريح (Re: بريمة محمد)

    معليش يا بريمة
    نرجعكم للجضل
    بالرجوع للمعنى الزراعي وهو ازالة غالبية الجزء الاعلى من النبتة
    فربما يكون ذلك اشارة للختان او الطهارة الفرعونية......ربما
    واصل، موضوعك شيق
                   |Articles |News |مقالات |بيانات

25-05-2009, 07:01 AM

خليفة موسى حمدان
<aخليفة موسى حمدان
تاريخ التسجيل: 15-09-2008
مجموع المشاركات: 406

للتواصل معنا

FaceBook
تويتر Twitter
YouTube


Re: من قاموس اللهجة البقارية (2): كلمات زفرة فى اللهجة البقارية ويستعملها الشعب السودانى بأريح (Re: الشفيع وراق عبد الرحمن)

    الاخ بريمة
    تحياتى
    اعجبنى البوست واضحكنى حتى بانت نواجزى .. وبالمناسبة انا من الحَمَرَ ( ناس منعم منصور) ومتداخلين مع اهلنا البقارة لدرجة انو بت عمى متزوجها بقارى والاسماء التى ذكرتها اغلبها متداول عندنا ..
    فعندنا
    برمة
    وبريمة.. وبريمة هذه اسم لإحد قرانا فى بوادى كردفان
    وكلول
    وكليّل
    فكلمة ( خرق ) عندنا ايضاً
    لنا مثل بقول:
    اصعب الامراض
    ( مرض الحلوق ومرض الخروق )
    اما اسماء الفرج فتتطابق الاسماء ..
    فنقول الفلُّوس مثلكم تماما وايضاً نقول له العنقود,, فلما ظهرت اغنية حيدر بورسودان ( شجر العنب يا ناس شايل عناقيدو ) كان محظور الاستماع لها فى حضرة الكبار.. فهنالك اسماء اخرى للفرج اجد صعوبة بالغة فى إيرادها منها على سبيل المثال اسم مطابق لاسم جبل شهير عند اهلنا النوبة ..
    اما الفلك فنستعملها ايضاً واذا اردت تحقير شخص تصفه ( ابو فليكة)..

    واصل...........
    والله غرقانين من الضحك فى بحر لهجتكم المهببة دى..
    كامل مودتنا.
    اخوك ابوسارة الحمرى .. قريب ليك فى شارب D C
                   |Articles |News |مقالات |بيانات

25-05-2009, 06:54 AM

Zomrawi Alweli
<aZomrawi Alweli
تاريخ التسجيل: 04-08-2007
مجموع المشاركات: 3368

للتواصل معنا

FaceBook
تويتر Twitter
YouTube


Re: من قاموس اللهجة البقارية (2): كلمات زفرة فى اللهجة البقارية ويستعملها الشعب السودانى بأريح (Re: بريمة محمد)

    الاخ بريمة الجميل لك التحية في هذا البوست الراقي

    Quote: جاء ضيف وقالوا يا جماعة أقطعوا للضيف كباية شاى فى قنيطه ؟
    قال الضيف الشاى البقطعوا فى القنانيط دا أنا ما دايره ؟؟ .. الزول حرد الشاى.


    هنا ضحكت حتى بانت سعاد


    ولاضافة بسيطة لهذا البوست الجميل

    كنت في نهاية سبعينات القرن الماضي اعمل في فندق عريق في وسط الخرطوم وكان يسكن عندنا القنصل الليبي بعد عودة العلاقات بين السودان وليبيا واصبح صديقا لي فيما بعد ولانه كان يجب تعاطي البيرة الباردة كان يرغب ان دائما ان يمزمز بالفول السوداني باستمرار وتساءل ان كان توفر المزمزة ممكنا عندما ينتهي دوامي فقلت له ساخبر زميلي في الوردية بأن يقوم باللازم ...

    هنا ضحك شديد من كلمة زميل

    فقال هذه الكلمة غير محببة لديهم حيث قال ان الزميل (اي الزامل) الذي يمارس اللواط (اي زميل يعني لـو....ي) فقلت معاذ الله...

    شكرا جزيلا برجع ليك
                   |Articles |News |مقالات |بيانات

25-05-2009, 07:59 AM

فرحات عباس
<aفرحات عباس
تاريخ التسجيل: 20-09-2005
مجموع المشاركات: 465

للتواصل معنا

FaceBook
تويتر Twitter
YouTube


Re: من قاموس اللهجة البقارية (2): كلمات زفرة فى اللهجة البقارية ويستعملها الشعب السودانى بأريح (Re: Zomrawi Alweli)

    الحبيب بريمة... تحياتي ...

    أضحكني جداً ... " قبقبة " الاسم " بريمة " وجره بقسوة إلى ديار النصارى الألمان... دونما شك " بريمة " تصغير البرمة ولا شيئ غير ذلك .. كما أنه لا يمنع إطلاقاً دخول الكثير من المفردات السودانية " النوباوية " للبقارة .. بالأخص البقارة لأنهم من أكثر القبائل تداخلاً وتخللاً في االقبائل السودانية الأخرى ... يعني يا بريمة هل البقارة أقل تأثراً بالقبائل الزنجية مقارنة بتأثير قبائل الجيرمان الإلمانية عليها!!!!!!البرمة ذات قدسية خاصة للبقارة .. فهي " ثلاجة القوم دون شك وبارهم حيث تختمر وتنعقد " السِنَّة " وهي خزنتهم قبل أن توجد البنوك فلا يزال يقال للرجل الذي يغتني فجأة بأنه " لقالوا برمة " .....
    .. ومن فصيح مسميات البقارة تسميتهم للعام بما هو أخص .. كقولهم " لداية " للمطبخ ، وقولكم أن ظهر البيت من الظهيرة فهذا غير صحيح فمعروف وظاهر أن ضهر البيت تعنى وراءه .. والمثل الذي أوردته يفيد ضرورة لملمة وحلحلة المشاكل من قبيل قمل الكنفوس في الخفاء ... فظهر البيت " وراءه " أولى من الظهيرة .. صحيح أن الظهيرة تعني الشمس الطاردة للقمل .. إلا أن وجود الشمس وراء البيت أشمل وأعم والأحسن القول " وراء البيت الظاهر للشمس " .
    بالمناسبة دي .. ناس الغرب عموماً يقولون " للمرحاض " وراء بيت " كذلك في الغرب يجعلون المساحة الخلفية للبيت مقابر لأطفال الأسرة الخدج...
    أما الجضل .. فهو مستخدم بشكل شائع في الوسط والشمال .. ويطلق على جذع الشجرة غير المورقة ... واستخدامه للفرج غريب ... وأكثر اهل كردفان يستخدمون كلمة " الشِفِر " بكسر الشين والفاء .. تشبيهاً له بالمشفر والمشافر ... وهي شفاه أو "شلاليف " الإبل تحديداًَ قال الشاعر :
    إذا مس خرشاء الثمالة أنفه ... ثني مشفريه للصريح فأقنعا

    ولم نزل ببابكم أيها الحبيب ... واصل

    (عدل بواسطة فرحات عباس on 25-05-2009, 11:12 AM)
    (عدل بواسطة فرحات عباس on 25-05-2009, 03:12 PM)

                   |Articles |News |مقالات |بيانات

25-05-2009, 01:26 PM

الشفيع وراق عبد الرحمن
<aالشفيع وراق عبد الرحمن
تاريخ التسجيل: 27-04-2009
مجموع المشاركات: 11863

للتواصل معنا

FaceBook
تويتر Twitter
YouTube


Re: من قاموس اللهجة البقارية (2): كلمات زفرة فى اللهجة البقارية ويستعملها الشعب السودانى بأريح (Re: فرحات عباس)

    Quote: ولو داير الضحك يشرطك عندنا زول من أهلنا قبيلة أولاد المومن من الحوازمه يسمى بريمة كلول .. تقول شنو أت!

    طيب شوف لينا كمان "كلول" دي جات من وين
    استخدام الشماشة عندنا معروف
    بحثت في النت ووجدت اقرب شيء هو "زهرية" من الفخار يمكن بالفرعونية
                   |Articles |News |مقالات |بيانات

25-05-2009, 03:03 PM

فرحات عباس
<aفرحات عباس
تاريخ التسجيل: 20-09-2005
مجموع المشاركات: 465

للتواصل معنا

FaceBook
تويتر Twitter
YouTube


Re: من قاموس اللهجة البقارية (2): كلمات زفرة فى اللهجة البقارية ويستعملها الشعب السودانى بأريح (Re: الشفيع وراق عبد الرحمن)

    تسمية الأولاد الذكور ببريمة .. قديمة عند قبائل تلك المنطقة ... قبل أن يدخل هذه المناطق أي غريب ... ويعزز ذلك اسماء مثل برمة .. وبرام ..... وجاء في مختار الصحاح ( رِمَ به من باب طرب و تبرَّمَ به أي سئمه و أبْرَمَهُ أمله وأضجره وأبرم الشيء أحكمه و المُبْرَمُ من الثياب المفتول الغزل طاقين ومنه سمي المبرم وهو جنس من الثياب و البِرَامُ بالكسر جمع بُرْمةٍ وهي القدر )
    محمد المهدي المجذوب ... أحد كنوز السودان الرائعة .. لم يبدأ التنقيب به بعد ...
    قال شعراً في البصيرة أم حمد ... وردت فيها كلمة البرمة تكراراً ... وهي ليست بذات دلالة معينة فقط أهديها هنا لأخونا بريمة ....

    وقالو ا ... يا أم حمد
    تدبري وفكري .. فثورنا قد أدخلا
    في " برمة " العجين رأسه فكيف نخرج الراس من البرمةِ

    قالت أقطعوا الرأس ..
    قالوا يا أم حمد .. قطعنا الرأس
    فكيف نخرج الرأس من البرمةِ

    فقالت أكسروا البرمة ..
    وأذهبوا بالرأس
    وأنظروا في حكمتي ....

    (عدل بواسطة فرحات عباس on 25-05-2009, 03:06 PM)

                   |Articles |News |مقالات |بيانات

25-05-2009, 04:25 PM

بريمة محمد
<aبريمة محمد
تاريخ التسجيل: 30-04-2009
مجموع المشاركات: 13471

للتواصل معنا

FaceBook
تويتر Twitter
YouTube


Re: من قاموس اللهجة البقارية (2): كلمات زفرة فى اللهجة البقارية ويستعملها الشعب السودانى بأريح (Re: فرحات عباس)

    فرحات

    إبداع والله يا أخى ..

    وفى موضوع بريمة .. أذكر جدى أدم يبرم الخيط .. ويستعمل الة صغيرة تسمى البًرّام أو المبرام وأحياناً أخرى "المترار" .. والمبرام هو عبارة عن قطعة قرعة (قرع بلدى) مدورة تفتح فيها فتحة وتركب فى عود قنا بحجم الأصبع .. وتكون قطعة القرعة قرب نهاية العود .. وطرف عود القنا القصير يوصل بفتله رقيقة من القطن الذى يظل فى يد جدى .. ثم يلف عود القنا على عضد رجله اليمنى .. فيلف المترار كما المروحة .. ويظل جدى يسنسل الخيط ويعيد جرى المترار حتى يصيرالخيط رقيقاً ومتيناً .. فإذا صار بالحجم والقوة المرادة يلفه فى الجانب الأطول من العود ومايزال يحتفظ بطرف الخيط موصول ب "بقجة" القطن .. ويستمر جدى هكذا حتى يعمل خيطاً ضخماً ويلفه فى لفه "بكرة" كاملة ثم يبدأ فى أخرى.

    كانت هذه الوصفة هى طريقة صناعة النسيج عند البقارة.

    يبدو ما خلال الأيتمولوجى الذى ذكرته أن الأسم من عندياتنا .. كما يقول المحس.

    بريمة
                   |Articles |News |مقالات |بيانات


[رد على الموضوع] صفحة 1 „‰ 2:   <<  1 2  >>




احدث عناوين سودانيز اون لاين الان
اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات
فيديوهات سودانيزاونلاين Sudanese Online Videos
صور سودانيزاونلاين SudaneseOnline Images
ويكيبيديا سودانيز اون لاين
Sudanese Online Wikipedia



فيس بوك جوجل بلس تويتر انستقرام يوتيوب بنتيريست Google News
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين
News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de