|
|
|
 Re: طلب مساعدة قانونية حول شكوي في إمريكا أو السودان ضد أحد أعضاء البورد (Re: انعام حيمورة)
|
ألأخت عبير
سلامات
بعد ما قريت البوست دا رجعت للبوست ألأصلى ... وما لقيت حا جة واضحة..
بجيكى راجع نهاية اليوم... بس أعرفى لى العضو الدايرة تشتكيهو دا فى ياتو ولاية، لأنو ما بعرف أى عضو فى سودانيز أون لاين غيرى مقيم فى دى سى المدينة نفسها...
برضو مهم أنو ما حا أديك نصيحة قانونية على صفحات المنبر...
لكن على أستعداد لمساعدتك وألأخرين من أجل أنو المنبر دا يكون خالى من الأساءات...
تسلمى
سيف
| |
 
|
|
|
|
|
|
|
|
Re: طلب مساعدة قانونية حول شكوي في إمريكا أو السودان ضد أحد أعضاء البورد (Re: نادية عثمان)
|
Quote: امريكا دي بلد راية ساكت واشاعة كبيرة..ممكن تبصق في الصبوي
يقبضوك
لكن تشتم اي زول تكذب وتشين السمعة مابعملو ليك الحبة.. |
ألأخت دكتورة نجاة
سلامات
أحترم جدا وجهة نظرك الخاصة بنصح ألأخت عبير بملاحقة من أساء إليها بواسطة القضاء فى السودان...
أما ما ذكرتيهو من شأن القضاء ألأمريكى بوصف أمريكا كلها بأنها أشاعة..,و..و. لا أتفق معك فيه وهو كلام غير دقيق و قد يدفع ببعض الجهلاء بالظن جهلا بأنهم يمكنهم ألأساءة لأى أحد دون محاسبة...
فعلا الاساءة والقذف، فى أمريكا، بتحكمها القوانين المدنية، على عكس المخالفات الأخرى الممكن تكون جرائم... ودا سببو الحماية البيكفلها الدستور لحرية التعبير..رغم دا فى ولايات كتيرة عندها قوانين جنائية ضد القذف ومنها الولاية المقيم فيها العضو اللى أساء للأخت عبير، رغم دا من النادر تطبيقها لأنو تاريخيا الزول البيسئ ليك بيخسرك ماليا ولا مهنيا عشان كدة التعويض المادى بكون أجدى... وفي أمريكا زى ما الدكتورة عارفها القصة كلها قروش...بالأضافة لى أنو موارد مكافحة الجرائم فى أمريكا دائما بتكون موجهة للأهم من موت ورصاص وغيرو.. وطبعا دى حسب ثقافتهم جرائم ضد الوجود المادى للأنسان وبالتالى أمن المجتمع نفسو.. و الأساءة الشفهية ولا المكتوبة ضررها ما بتعدى المساء إليه وأسرتو... ومن هنا جات فلسفة التعويض المادى بواسطة القانون المدنى لأى ضررمحسوب..أو غرامة عقابية..
طبعا فى ناس بكون ماعندهم حق الغرامة، وديل بيوتهم بتخرب ..حرفيا كدة.. لأن بيتو الساكن فيه ممكن يدللوه لدفع الغرامة ومرتبه ممكن يتصادر ...
كلامى دا يا دكتورة الغرض ألأساسى منو أن أى زول قاعد فى أمريكا ما يفتكر أنو ممكن يسئ للناس وبشكل مستمر ويتوقع كل مرة أنو الناس تسامحو زى ما بحصل كل مرة فى سودانيز أون لاين...لأنهم لو سمعو كلامك دا ممكن يقولو ليك هو الماشى السودان منو..
بخصوص خيارات ألأخت عبير دا بتحددو هى حسب النصائح القانونية الحا تتلقاها من السودان ومن أمريكا بناءا على كل مايتعلق بتفاصيل حالتها...
ولكم جميعا الود
تسلمو
سيف
| |
|
|
|
|
|
|
|
|
|
Re: طلب مساعدة قانونية حول شكوي في إمريكا أو السودان ضد أحد أعضاء البورد (Re: عبير خيرى)
|
ألأخت عبير وضيوفها
سلامات
أظن أن السؤال الأساسى الوارد فى أفتتاح البوست هو أيضا ما عبرت عنه ألأخت نادية بما نقلته فى الأقتباس الآتى:
Quote: لو زول في عضو في ( الهند) مثلاً شتم وقذف وأساء وإتهم زول عضو معاه في المنبر
والزول المجني عليه قاعد في النرويج هل المجني عليه يقدم الشكوى في السودان ولا يعمل شنو ؟ |
السؤال بيتعلق تحديدا بمدى أختصاص القضاء ومحاكمه فى البلدان المختلفة بمحاسبة المقيمين فيها على نشر ألأساءة المكتوبة..
حا أجاوب على الجزء الخاص بأمريكا لجهلى التام بقوانين ما عداها…
فى أمريكا و رغم تطور القانون وتعقيداته من أجل مواكبة التطور التكنلوجى.. ألأ أنه يرتكز على قواعد ثابتة وهى معاملة المنابر والأنترنت عموما نفس معاملة الصحف...
مثلا سودانيز أون لاين تنشر مشاركاتنا دى فى كل العالم ...
أى كلام كتبو زول قاعد فى أمريكا فى المنبر دا ولا أى صفحة أخرى يمكن مطالعتها فى أمريكا ، صاحبو بيخضع لأختصاص القضاء الأمريكى وتداخلات وتباينات ألفدرالى والولائى لأنو كل ولاية عندها قوانينها ومحاكمها الخاصة بسكانها فقط، هذا بالأضافة إلى أنوسودانيز أون لاين مملوك لشركة أمريكية تخضع لتعقيدات ألأختصاص الخاصة بالشركات ومنها ولاية التأسيس وأنشطتها فى الولايات ألأخرى... دا بخصوص وجود المسئ داخل أمريكا ...ووجود المساء إليه وين ما بيفرق..
أما فى حالة أن المسئ موجود خارج أمريكا والمساء أليه داخلها فالقضاء ألأمريكى ليس لمحاكمه أختصاص لملاحقة المسئ .
وفى هذه الحالة يمكن للمساء أليه أن يلاحق من شارك فى نشر الأساءة فى أمريكا ودا ممكن يكون أى زول كرر الشمار بما فيهم سودانيز أون لاين الناشر ألأساسى..
بأختصار يا أختنا نادية لو فى أى زول فى أمريكا قال فيك حاجة تدينا خبر...سمح؟؟
نتمنى ناس الهند والسند والبلدان الأخرى بما فيهاالسودان نفسه يجو ينورونا...عشان كلنا نتعلم زى ما قالت الأخت نادية...
ولكم جميعا الود
تسلمو
سيف
| |
|
|
|
|
|
|
|
|
|
Re: طلب مساعدة قانونية حول شكوي في إمريكا أو السودان ضد أحد أعضاء البورد (Re: SAIF MUstafa)
|
الأنسان المهذب المفيد جداً
سيف
الله يجزيك عننا كل خير
وشكراً على الروح الطيبة والكلام الموضوعي
| Quote: بأختصار يا أختنا نادية لو فى أى زول فى أمريكا قال فيك حاجة تدينا خبر...سمح؟؟ |
لا والله ناس امريكا حاشاهم ماشفت منهم غير كل خير
وربنا يديم المعروف يارب لكن بس قلنا نتنور وكده
| Quote: نتمنى ناس الهند والسند والبلدان الأخرى بما فيهاالسودان نفسه يجو ينورونا...عشان كلنا نتعلم زى ما قالت الأخت نادية... |
ياريت والله يجوا ونتنور عشان مايبقى الإسفير ده غابة القوي فيها يأكل الضعيف !!
عاين
شكلك زول قانوني ضليع وفاهم في الشغلة
عندي إستشارة
لو زول هددني بإيميل وهو برة السودان أشتكيهو وين ؟
في البلد القاعد فيها ولا في السودان مع الوضع في الإعتبار
إنو الزول ده من نوع البقول ليك ( هو الراجع السودان منو ) !!
نورني عليك الله سمح ؟!!
| |
|
|
|
|
|
|
|
|
|
Re: طلب مساعدة قانونية حول شكوي في إمريكا أو السودان ضد أحد أعضاء البورد (Re: نادية عثمان)
|
سلام استاذة عبير و الجميع
لو يسمح الأستاذ سيف لي سؤال يتعلق بالموضوع بس من ناحية تانية
فرضا توفرت عناصر الدعوة من اختصاص و محكمة ومواد قانونية
كيف يتم الإثبات لو أنكر المدعى عليه
في الحالة القدامنا دي النص تم حذفه بمعرفة صاحب الموقع
هل النصوص المحفوظة سواء كانت صور لحظية للشاشة او نسخ للنص ذات قيمة قانونية
رغم شبهة التلاعب فيها
ندوية ...| Quote: لو زول هددني بإيميل وهو برة السودان أشتكيهو وين ؟ |
أول شي تشتكيه للشركة صاحبة الإيميل الرسل ليك منو
أي شركة قبل منح الحساب بتطلب منك توقعي على ديسكليمر بعدم استغلال الإيميل في انشطة تخالف القانون بما فيها التهديد و الإبتزاز
ولكن تبقى مشكلة اثبات شخصية صاحب الإيميل لأنو ممكن يدعي انو المعلومات المستخدمه دي ما حقتو و اي شخص آخر سجل بيها
والله اعلم
| |
|
|
|
|
|
|
|
|
|
Re: طلب مساعدة قانونية حول شكوي في إمريكا أو السودان ضد أحد أعضاء البورد (Re: mekki)
|
| Quote: نتمنى ناس الهند والسند والبلدان الأخرى |
| Quote: لو زول ضو في ( الهند) مثلاً شتم وقذف وأساء وإتهم زول عضو هنا معاه في المنبر |
ناس الهند تطير عيشتهم
هند الجن دى فيها بوردابى واحد .. دايرين تغتسوا حجره مالكم
أسى يا ناديه ما لقيتى بلد تانيه تضربى بيها المثل
عبير تحياتى
الملاحقه القانونيه من حقك طبعا .. مافى شك
لكن طالما العضو ده عدل المداخله بتاعته .. يبقى احتمال الاعتذار وارد
رأيى انك تطالبيه بالاعتذار قبل ما تشرعى فى اى اجراءات قانونيه
عاطر تحياتى
| |
|
|
|
|
|
|
|
|
|
Re: طلب مساعدة قانونية حول شكوي في إمريكا أو السودان ضد أحد أعضاء البورد (Re: abdalla BABIKER)
|
.
شكري أجزله للأخوة والأخوات الأحباؤ الذين تداخلوا مبديين تضامنهم
شكراً الصديق الشاعر فتحي البحيري
شكراً مرة أخري أخي سيف وأنا في إنتظار إيميل منك بخصوص إجراءات فتح قضية
شكراً أخي محمدالبشري
شكراً الصديق مكي الأحمدي
شكراً أخي مزمل التريكي وبالمناسبةفالشخص لم يعدل المداخلة بل سحبت بواسطة الإدارة
شكراً ود أبوي عبدالله بابكر
شكراً حبيبتي إنعام عبدالحفيظ
شكراً حبيبتي هدي عبدالمنعم
شكراً أخي محمد شمس الدين
شكراً حبيبتي سناء عبدالسيد
شكراً قريبي خالد الجزولي
شكراً مولانا دكتور إسماعيل حسين وأتمني أن أجد دعمكم القانوني لأني في طريقي لرفع الشكوي
صديقتي إنعام حيمورة انت تعلمين أن العضو أساء لي في المنبر العام لذا يجب أن يعتذر في المنبر العام
| |
|
|
|
|
|
|
|
|
|
Re: طلب مساعدة قانونية حول شكوي في إمريكا أو السودان ضد أحد أعضاء البورد (Re: محمد البشرى الخضر)
|
Quote: كيف يتم الإثبات لو أنكر المدعى عليه
في الحالة القدامنا دي النص تم حذفه بمعرفة صاحب الموقع
هل النصوص المحفوظة سواء كانت صور لحظية للشاشة او نسخ للنص ذات قيمة قانونية
رغم شبهة التلاعب فيها |
الأخ محمد البشرى
سلام
أى حاجة ممكن أستخدامها فى إثبات الدعوى وفى نفس الوقت معرضة للطعن فيها.. والفصل بين ألأتنين بكون حسب قواعد ألأثبات ثم خبراء التكنولجيا...هذا بصورة عامة...
بالنسبة لحالتنا دى للأسف ما حا أقدر أعلق...
تسلم يا حبيب
سيف
| |
|
|
|
|
|
|
|
|
|
Re: طلب مساعدة قانونية حول شكوي في إمريكا أو السودان ضد أحد أعضاء البورد (Re: Deng)
|
الاخت عبير
تضامنى الشخصى
ممكن تقدمى الشكوى عن طريق محامى للسفارة الامريكية و معها كل المستندات الممكن تثبت الاساء لشخصك
د/نجاة
امريكا دي بلد راية ساكت واشاعة كبيرة..ممكن تبصق في الصبوي
يقبضوك
لكن تشتم اي زول تكذب وتشين السمعة مابعملو ليك الحبة
ابدا واللة فى امريكا الا و تعدى حقوق المواطن
اى شئ ولا اشانة السمعة
واللة يانجاة فى المدارس اذا اى تلميذ اتكلم عن تلميذ اخر و مش كلام شتيمة
بس لو قال
is heart my feeling
he will suspended at least for one week
واللة انتوا ما عارفين الانسان فى امريكا قيم كيف
| |
|
|
|
|
|
|
|
|
|
Re: طلب مساعدة قانونية حول شكوي في إمريكا أو السودان ضد أحد أعضاء البورد (Re: سناء عبد السيد)
|
Sister Abeer:
You have a defamation case.
Defamation can be litigated under the civil law by filing a civil lawsuit, but your remedy will be a monetary compensation.
Generally speaking , There are two types of defamation
1. Slander, which is the verbal defamation and 2. Libel which is the defamatory statement in writing, thus the writing in the internet is considered libel, and the libel is considered more serious than slander. Also, there are certain elements you need to show to have a defamation case:
a. defamatory statement b. publication of the defamatory statement, that means to tell a third party of the defamatory statement for example , you tell somebody that the victim is a thief, c . damage, that you need to show that statement hurts your reputation. However, under the defamation by use of the internet there are certain steps you need to follow . First you need to write a letter called cease and desist letter that means you ask the offender to stop assaulting you, and if he/she does not stop you can go ahead and file your lawsuit. . . However, there is jursidictional problem. In the United states the defamation law is state law., although the internet crimes are subject to the Federal law. The state s have interest in protecting their citizens/residents there fore you have to file your case: either, where you live, or where the statement is published or where the statement originated or where the statement have its most substantial effect.Thus , in your case you can file your case either in Sudan or in the state where the offender resides.
Hopefully that helps
Dr. Ismail Hussein,
Attorney at Law , Minnesota
| |
|
|
|
|
|
|
|
|
|
Re: طلب مساعدة قانونية حول شكوي في إمريكا أو السودان ضد أحد أعضاء البورد (Re: نادية عثمان)
|
الأخت نادية
سلامات
ألتهديد فى أى مكان بيعتبر جريمة ... وفعلا أذا قدرت تتأكدى من أنو الزول القاصداه هو الرسل ألأميل بكون معرض للمحاسبة...
أنا ماخبير كمبيوتر ... لكن من متابعتى لجرائم الكمبيوتر.. من غش وابتزاز وغيرو .. فى صعوبة شديدة فى مكافحة الجرائم دى خصوصا البتتم عبر القارات... هنا الأف بى آى ووزارة العدل عندهم أقسام خاصة بجرائم السايبر أسبيس، بيتابعو أى جريمة مهما كانت صغيرة داخل أمريكا.. أما خارج أمريكا غالبا بيهتموا بالجرائم الكبيرة زى ألأرهاب، غسيل ألأموال والبغاء المنظم وتهريب المخدرات.. لأنو لازم تكون فى أتفاقيات تعاون بتسليم المجرمين أو طريقة محاكمتهم...
ويا أخت نادية لو سألتى ناس النيابة فى البلد القاعدة فيها بوروك تعملى شنو ...
النقطة المهمة أنو التهديد جريمة ...والجرائم شغل جنائى بتقوم بيهو السلطات نيابة عن المواطنين....
أنا غايتو لو أستلمت أى تهديد ألأف بى آى عدل....
يا ربى أخوى كوستاوى لو جاهو تهديد بسوى شنو فى كابول والجبال بتاعتو دى..؟؟؟
يستاهل عشان بكون مشى أفغانستان للسياحة والأستجمام...
أنشاء الله ربة الليلة تفوتو زاتووو..
للجميع الود وتسلمو
سيف
| |
|
|
|
|
|
|
| |
عبير خيرى
انعام حيمورة
إسماعيل حميم
حيدر حسن ميرغني
SAIF MUstafa
فتحي البحيري
Deng
محمد عبد الماجد الصايم
محمد البشرى الخضر
mekki
انعام عبد الحفيظ
Kostawi
Mohamad Shamseldin
سناء عبد السيد
خالد حامد الجزولي
فيس بوك
تويتر
انستقرام
يوتيوب
بنتيريست