دعوة لكُلّ الأخوات والأخوة بورداب الخرطوم الأكارم والصّديقات والأصدقاء وجميع الأقارب والمعارف

Quote: ربنا إتموا على خير أخى لؤى ، وتهانينا للعروسة لينا واإبن العمة الفاتح عثمان والأهل بالخرطوم وقرية عبدالعزيز ومدنى وخميس مشيط ، لو الأمور إتسهلت ربما ننزل السودان فى فبراير ، وفى كل الأحوال دعوتى قائمة لقضاء شهر العسل بالبحرين أو زيارتنا قبله أو بعده إن كان ذلك يتعارض مع تريبات سابقة فأسرتى عاشت جزءاً من حياتها بخميس مشيط ولديهم ذكريات رائعة مع أبناء الفاتح وأحمد ومبارك عثمان العاقب . يانزار حسين أوزن العود فنحن موعودون بلؤى شمت عريس ومبدع ونسيب كمان.

أخي أبو بكر حامد
مساء الخير

سعيد بإطلالتك وأنت قريب من هذه الأُسرة المشرّفة
ودعوتك مقبولة يا عزيزي
وحانتشرّف بزيارة للبحرين
ونقضي فيها عدد من الأيّام إن شاء الله
التّحيّة للصّديق نزار
وأنا جايي اسمع وبس




وُدّي وإحترامي

Quote: لؤي يا صديقي ربنا يتم ليكم على الخير والبركة ويسعدكم كثيرا واعتبرنا حاضرين معاك الفرح , ففرحك يسعدنا يا نبيل الصفات

ُأُم سُهى العزيزة
سلامات وأشواق

الله يبارك فيك
وياريتك تكوني معانا
لا جيتي هنا ولا هناك ولا هناك
بقيتي تاجرة كبيرة خلاص




محبّتي

Quote:

Quote: العزيز لوى الف مبروك وربنا يتم على خير وان شاء الله بيت مال وعيال ربنا يسعدكم مودتى

Quote: ... المال منك والعيـــال من الباشمهندســـة ... وياريـــت نزورك المرة الجايـــة في بيتك وبدل الوحشة تؤنسنا ضحكات الاطفال ... ــــ\ رسالة تحت تحت من ماجد صالح يا لؤي بيقول ليك .. اجمل ما عجبني في دعوتك إنك مُقدم العروس لينا على شخصك .. ودا بيدينا فكرة انه بعدين نخاطب منو في البيت بخصوص السهرات الصباحية ههههههههههههههههههههههههههههههههههههه امنيات الجميع بالمزروعيـــة و بالمقدمة عوض عكاشة والزول زااااتو وبدري وماجد وحيدروف ... تهانينا يا جميل وموصولة لي لينا الفاتح وكل احبائك

حيدر العزيز
مساء الخير

ضحكات الأطفال ؟
إنت ناوي ما تجي إلاّ بعد سنة ولاّ شنو ؟
وقول لماجد إنت ما شُفتَ ( الأخوات ) قبل ( الأخوة ) ؟
و ( الصّديقات ) قبل ( الاصدقاء ) ؟
ديل نحن كدا
بنقدّم السّبت
عشان زي ما قال صاحبنا الله يطراه بالخير ( الزّول ذاتو )
الرّاجل الما بيخاف من مرتو ما بيخاف الله


ألذّ حاجة يا حيدر
أُستاذنا العزيز جعفر عبّاس ( أبو الجّعافر )
رسّلت ليهو دعوة العقد
ومكتوب طبعاً فيها ( شارع السّتّين )
ردّ علي بإيميل
قال لي :
( بعد الزّواج لمّا تزيدوا بواحد نعمل الدّعوة في شارع "61" )





تحاياي

Quote: ألف مبروك يا أبو اللول والله زواجك سرنا جميعاً ومعليش نحن مع الغربة صعب حضور عقد القران، وربنا يتمم ليكم على خير وإن شاء الله فى فبراير لو ربنا سهل سنحضر حفل الزفاف

Quote: تستاهل يافنان ليتنا كنا بالخرطوم

Quote: مليار مبروك لكما و عقبال عزاب المنبر وعازباته و معكم من على البعد بقلوبنا و تحياتنا لكل الحضور من البورداب ود الشيخ-ابها

Quote: الف الف مبروك يا حبيبنا وبيت مال وعيال اكيد حضور خالص الود

Quote: الف مبروك وربنا يتم عل خير سنكون حضورا ان شاء الله الله يبعد العوارض بس ..

Quote: يا لحظة الفرح المُشجرة امنحيني واحة كي أستفيء بِنخلكِ الجذلانِ بالنهرِ الأسيلْ رُشي على قفري عُذوبة أُنسكِ الريانِ ضُميني إلى الدوحِ المُشبعِ بزخرف الوصلِ الجميلْ بالعديل والزين لؤي

Quote: الف مبروك يا عريس عجبنا ليك يا ملك

Quote: والعذاب كدناهم في لحظه نسيناهم ديل ناس دكتور احمد القرشي يا لؤى ولا منو؟؟؟؟ رحم الله صديقي ابو آمنه

أبو الطُّرق
سلامات

ياخي ناس دكتور أحمد ديل ما تبوّظ لينا علاقتنا معاهم
عندنا مشيات السّلطنة
ومغروضين في ونسات ورحلات
ولاّ إنتَ ناطّي ؟




محبّتي

Quote: الف مبروك اخوي لؤي وربنا يتم علي خير ، ويسعدكم يارب