|
|
 (( تحذير )) الرجاء الدخول بسُرعة فالأمر مُهم
|
وصلتنى الآن على بريدى الألكترونى الرسالة أدناه ، وهى توضّح ان الهاكر الذى قام بسرقة أحد ايميلات الأخ أمين الموقع بكرى أبوبكر ، يقوم هذا الهاكر بإرسال رسائل لبعض العضوات والأعضاء من حساب بكرى المسروق يدعوهن/م من خلاله للضغط على رابط للتوقيع لفك الحجب عن الموقع ، وبالضغط على الرابط تفتح صفحة للدخول فى الياهو وبتسجيل اسم المشترك وكلمة السر يتم سرقة الحساب كما حدث من قبل مع الأخوات تماضر ورجاء ..
لذلك أرجو الحذر وعدم التعامل مع هذه الرسالة .. (( سأقوم بحذف الإيميلات خاصة العضوات والأعضاء التى وردت فى الرسالة ))
نص الرسالة :
لؤى سلام
دا الهكر مرسل لى الايميل دا من حساب بكرى السرقو ولما تضغط اللنك بتجيك الصفحه بتاعه الياهو لاحظ الURL مختلف
دى الطريقه الهكرو بيها رجاء وتماضر عاوزك لو سمحت تحذر الناس فى البورد
>From: "HALA ABUBAKR" [email protected]>
>Reply-To: [email protected]
>Subject: التوقيع من اجل الحريه
>Date: Thu, 08 Jul 2004 11:26:14 +0000
>MIME-Version: 1.0
>X-Originating-IP: [202.56.203.148]
>X-Originating-Email: [[email protected]]
>X-Sender: [email protected]
>Received: from mc11-f4.hotmail.com ([65.54.167.11]) by mc11-s13.hotmail.com with Microsoft SMTPSVC(5.0.2195.6824); Thu, 8 Jul 2004 04:26:48 -0700
>Received: from hotmail.com ([64.4.39.8]) by mc11-f4.hotmail.com with Microsoft SMTPSVC(5.0.2195.6824); Thu, 8 Jul 2004 04:26:40 -0700
>Received: from mail pickup service by hotmail.com with Microsoft SMTPSVC; Thu, 8 Jul 2004 04:26:15 -0700
>Received: from 202.56.203.148 by by11fd.bay11.hotmail.msn.com with HTTP;Thu, 08 Jul 2004 11:26:14 GMT
>X-Message-Info: m0MZ22IVDAVh3fGUEThq7OBejXTF+xKh5jLpfql9ahc=
>Message-ID:
>X-OriginalArrivalTime: 08 Jul 2004 11:26:15.0309 (UTC) FILETIME=[616A4BD0:01C464DE]
>Return-Path: [email protected]
>
وقع معنا من اجل فك الحجب عن سودانيز اون لاين
سلام لكل العضاء والزوار
استطاعت حكومه السودان الجائره محجب الموقع في السودان وقد قمنا بعمل مجموعه خاصه في الياهو من اجل هذا الغرض الرجاء من جميع الاعضاء التوقيع من اجل فك الحجب والي مستقبل موقع زاهر باقلامكم وبعيد عن السفله والمنحطين الامنجيه
للمشاركه هنا
بكري ابوبكر
امين الموقع
|
|
 
|
|
|
|
|
|
|
|
Re: (( تحذير )) الرجاء الدخول بسُرعة فالأمر مُهم (Re: لؤى)
|
سلام يالوىء
وتسلم لتنبيهنا
لقد حدث معى ذلك وتمت سرقة الياهو، الذى اخزن فيه اهم وثائقى ومن ضمنها كل الشغل العملى للدكتوراه، الحمدلله انى طبعته وبالتالى يمكننى طباعته من جديد، فعلا حاجة محزنه ان يكون هناك بشر بهذا الحقد
شكرا للتنبيه
اشراقه
| |
|
|
|
|
|
|
|
|
|
Re: (( تحذير )) الرجاء الدخول بسُرعة فالأمر مُهم (Re: ناجى الزبير الملك)
|
الأخ ناجى ، سلام ..
شكراً للتنبيه ، والرسالة تمّ إرسالها للكثيرات/ين ولذلك نرجو أن ينتبه الجميع لهذا الفخ . الأخ ناجى أكون شاكراً لو قمت بتعديل مشاركتك بمسح الإيميلات الواردة فى مداخلتك حتّى لايُساعد ذلك على سهولة الحصول عليها مِمّن لانريد ، إضافة لكوننا لم نستأذن أصحابها فى نشرها هنا ..
لك الوُد
| |
|
|
|
|
|
|
|
|
|
Re: (( تحذير )) الرجاء الدخول بسُرعة فالأمر مُهم (Re: doma)
|
المحترمة دومة ، تحيّة واحترام ..
انتشرت قوى الشر والأشرار فى هذا المكان بشكل عجيب ومدهش وأعتقد ان المسائل بدأت تتضح أكثر الآن بعد الأحداث الأخيرة التى تعرّض لها الموقع ، وفعلاً أولاد حرام وربنا يكفينا شرّهم ..
كثير وُدّى واحترامى
| |
|
|
|
|
|
|
|
|
|
Re: (( تحذير )) الرجاء الدخول بسُرعة فالأمر مُهم (Re: ناجى الزبير الملك)
|
شكرا لؤي على التنبيه
وفعلا هذه الايام الرسائل الغريبة كترت والاحتياط من كل شيئ واجب
بالمناسبة يا لؤي لقيت شريط عتيق جداً للأستاذ وردي فيه الوصيه
أختي الجندرية الجماعة ما عرفو الهروروب ومن ضمنهم الأخ لؤي
والحاجات دي ما بيعرفوها إلا ناس الأقاليم والهرورب بلكلام المحس وردوروبي وهي عبارة عن حفرة عميقة مغطاة بالقش أو بقطعة قماش وقليل من التراب للتمويه وتستخدم لإصطياد الوحوش أو الكلاب الضالة وفي البعض الأحيان للبشر أيضا
مع خالص شكري لكم جميعاً
| |
|
|
|
|
|
|
|
|
|
Re: (( تحذير )) الرجاء الدخول بسُرعة فالأمر مُهم (Re: لؤى)
|
مراويد
عبدالرحيم أبايزيد
البعيو
أيمن جعفر
ود الشيخ
أستاذة إشراقة
ناجى ياملك
راوية أختى
انا ذاتى أم در ((الملازمين مش كده؟))
أمانى أختى
المحترمة دومة
نجلاء الرائعة
محمد أشرف
جنى
سارى الليل الحبيب
حبيب بلدو العزيز
الأخ نزار
والرائع تمبس
انا ذاتى بالمناسبة عندى إيميل اتسرق قبل فترة بس ماإشتغلت بيهو كتير ، وان شاء الله ينفع اللى سرقو ، ومعظم معارفى عندهم/ن ايميلى اللى بتعامل بيهو .
شكراً لكم/ن جميعاً وليبقى هذا البوست فووووووووق للتنبيه
| |
|
|
|
|
|
|
|
|
 Re: (( تحذير )) الرجاء الدخول بسُرعة فالأمر مُهم (Re: لؤى)
|
يا لؤي
الهوروب
دي لعبة بلعبوها الشفع المساخيط
اكيد راوية دي لعبت الهوروب
لووووووووووووول
غايتو اعترف اني لعبتها
هو ببساطة حفرها يحفرها الاطفال ثم تغطى بكرتون ويغطوا الكرتون بشويية تراب
لو كان الحتة ترابية
او بقش لوكانت الدنيا خريفاً سمح
ويكمنوا في الخفاء لمراقبة من يرميه حظه العاثر في تلك الحفرة المموهة
طبعاً مع الفارق الكبير بين براءة اللعبة لدى اطفال السودان
وخسة هروروب حرامي الايملات دا
| |
|
|
|
|
|
|
|
|
|
Re: (( تحذير )) الرجاء الدخول بسُرعة فالأمر مُهم (Re: الجندرية)
|
الأخت أمانى، سلامات ..
Quote: غايتو اعترف اني لعبتها
هو ببساطة حفرها يحفرها الاطفال ثم تغطى بكرتون ويغطوا الكرتون بشويية تراب
لو كان الحتة ترابية
او بقش لوكانت الدنيا خريفاً سمح
ويكمنوا في الخفاء لمراقبة من يرميه حظه العاثر في تلك الحفرة المموهة |
| Quote: غايتو اعترف اني لعبتها |
الكلام ده سنة كم كده ؟؟  
| |
|
|
|
|
|
|
|
|
 ((تحذير))الرجاء الدخول بسرعة فالامر مهم (Re: لؤى)
|
الاخ الفاضل لؤى
تحياتى وعميق الشكر على لفت النظر للموضوع اعلاه ولكنى اود ان استفسر عن كيفية التصرف لو سبق وفتح احدنا هذا البوست المتطفل وقام بدخول الموقع ,ماهو العمل لكى نتفادى السرقة التى تحدثت عنها؟ارجو الافادة ولكم الشكر.
| |
|
|
|
|
|
|
|
|
|
Re: ((تحذير))الرجاء الدخول بسرعة فالامر مهم (Re: ناجى الزبير الملك)
|
الأخ لؤى
لقد اصبت سيدى
ولعل الأخ بكرى ابوبكر لا يدرى ان هنالك بريد باسمه يوزع السموم والفايروسات ولا شك ان رواد البورد سيخدعوا حينما تأتيهم رسالة باسم بكرى ويقوموا بفتحها كما فعلت فى الرسالة التالية :
لاسيما واننى كنت انتظر من الاخ بكرى رسالة لمنحى الباسووورد..
تخيل الاصطياد فى الماء العكر
لك شكرى وارجو ان ينتبه الجميع
مع تحياتى
| |
|
|
|
|
|
|
|
|
|
Re: ((تحذير))الرجاء الدخول بسرعة فالامر مهم (Re: ناجى الزبير الملك)
|
الأخ ناجى
| Quote: الجماعة شالواالإيميل بتاعى برغم الإحتياطات إنشاء الله ما ينفعهم |
إن شاء الله
| Quote: لكن الحكاية دى فيها قصد |
أكيد ، ماعشان كده عملنا البوست ده 
| Quote: ويدخل عليهم بالساحق والماحق |
أشرحوا لينا الساحق والماحق دى شرح مستفيض ، والسؤال محوّل لخبراء اللغات المنقرضة الفطاحلة الجندرية وحبيب بلدو
| |
|
|
|
|
|
|
|
|
|
Re: ((تحذير))الرجاء الدخول بسرعة فالامر مهم (Re: sinco)
|
الأخت سينكو ، تحيّة طيبة .
مجرّد دخول الموقع دون إدخال العنوان البريدى وكلمة السر لايمكّن الهاكر من معرفة كلمة السر خاصّتك او الدخول إلى حساب بريدك ، والشئ الأول الذى يقوم به الهاكر إذا تمكّن من معرفة كلمة السر هو تغيير هذه الكلمة ليستخدم بريدك دون تمكّنك انت صاحبته من الدخول مرّة أخرى . يمكنك معرفة ان كان الهاكر قد غيّر كلمة السر بدخولك إلى ايميلك فان استطعتِ فمعنى هذا ان الهاكر لم يغيّر كلمة السر ويمكنك تغييرها انتِ إحتياطاً وان لم تستطيعين الدخول ورُفضت كلمة السر خاصّتك فمعنى ذلك ان الهاكر قد تمكّن من تغيير كلمة السر خاصّتك ويمكنه بعد ذلك محاولة استخدام نفس الكلمة لمحاولة استخدام اسمك وحسابك فى المنتديات ان كانت تحمل نفس الكلمة .
أتمنّى ان اكون قد تمكّنت من الإجابة على تساؤلاتك ولاتتردّدى فى توجيه أى سؤال .
لكِ الوُد والإحترام
| |
|
|
|
|
|
|
|
|
|
Re: (( تحذير )) الرجاء الدخول بسُرعة فالأمر مُهم (Re: لؤى)
|
يا حبيب بلدو
لك العتبى
والعتب على النظر زي ما بقولوا
ترانا نجي داقشين بقينا القدامنا ما بنشوفوا
مرة تجي في الحيطة وربك يستر من الهوروب
يا لؤي
وحاة ابوي الكلام دا كان قرييييييب دا
لحدي قوووول سنة 70 كدا
بعدين والله انا ما بخاف من سيرة العمر
حتى اسأل عبد الله جعفر
وشوف البروفايل حقي
| |
|
|
|
|
|
|
|
|
|
Re: (( تحذير )) الرجاء الدخول بسُرعة فالأمر مُهم (Re: الجندرية)
|
أمانى
Quote: والله انا ما بخاف من سيرة العمر
حتى اسأل عبد الله جعفر
وشوف البروفايل حقي |
وأسأل عبدالله جعفر ليه ؟ وأشوف البروفايل ليه ؟ ماأهو واضح انك بتعلنى انّك من جيل الإستقلال فى القصاصة التحت دى
Quote: والعتب على النظر زي ما بقولوا
ترانا نجي داقشين بقينا القدامنا ما بنشوفوا
مرة تجي في الحيطة وربك يستر من الهوروب |
Quote: يا لؤي
وحاة ابوي الكلام دا كان قرييييييب دا
لحدي قوووول سنة 70 كدا
|
ماشاء الله قريب جدّاً
| Quote: يا لؤي ما بتعرف الساحق والماحق ؟؟ |
الساحق والماحق على الاقل سمعت بيها وبشوية العربى البعرفو ده بقدر افهم معناها.
لكن دا شنو دا هسه كان سألتك ؟؟| Quote: اميل ناجي يبقى ليهم باربعاء وعقاب شهر |
غايتو الواحد لو دخل معاكى فى نقاش إلاّ يجيب معاهو عون الشريف قاسم
| |
|
|
|
|
|
|
|
|
|
Re: (( تحذير )) الرجاء الدخول بسُرعة فالأمر مُهم (Re: لؤى)
|
مجهود مقدر وطيب يا لؤي سلام مكعب
قلة المداخلات أقلقتني
هل تعني أن الجميع قد علم ومر على البوست مروراً
أم أنهم لم يتحمسوا للدخول ولم يفهموا الرسالة بالتالي
أقترح الحرص الدائم على رفع البوست
أو عمل بوست آخر يشير لنفس البوست
من أي بؤرة لعينة أتي هؤلاء !!!!
| |
|
|
|
|
|
|
|
|
|
Re: (( تحذير )) الرجاء الدخول بسُرعة فالأمر مُهم (Re: عبد الباقي الجيلي)
|
يا لؤي أنت أعجز مننا بس يمكن عشت في البندر كتير على كل أنا والكاشف أخوي (اقصد الجندرية أختي الظاهر علينا والله اعلم من جماعة أهل العوض ... )
الساحق والماحق أنا زاتي ما بعرف نضمي العرب ديل ترانا بنسمع ونقول زيهم .. أنا محسي جنا رطانة وممكن أجيب ليك خمسين عبارة في نفس المعنى
المداخلة لرفع البوست للأهمية
| |
|
|
|
|
|
|
|
|
|
Re: (( تحذير )) الرجاء الدخول بسُرعة فالأمر مُهم (Re: Habib_bldo)
|
Quote:
يا لؤي أنت أعجز مننا بس يمكن عشت في البندر كتير على كل أنا والكاشف أخوي (اقصد الجندرية أختي الظاهر علينا والله اعلم من جماعة أهل العوض ... )
|
ياحبيب بلدو ياخوى ، لا لا لا ، قصّة أعجز منكم دى بالغت فيها عديل كده ، انت وامانى شابكننا هوروروب واردولوب وشنو ماعارف وامانى قالت ليك سنة 70 ، سنة 70 دى انا الوالد والوالدة كانوا فى الروضة
| Quote: الساحق والماحق أنا زاتي ما بعرف نضمي العرب ديل ترانا بنسمع ونقول زيهم |
الليلة أرجى الجاييك ، داير تجيب لينا شِبَك ..
| |
|
|
|
|
|
|
|
|
|
Re: (( تحذير )) الرجاء الدخول بسُرعة فالأمر مُهم (Re: عبد الباقي الجيلي)
|
الأخ عبد الباقى ، سلام ..
نحاول رفع البوست بصورة دائمة وذلك بمساعدة معظم الناس هنا والذين/اللائى أشكرهم/ن جميعاً سيّما الأخت أمانى الجندرية والاخ حبيب بلدو اللذان واصلا الردود على المداخلات بنفس الروح وبنفس النفس فى تصرّف ذكى لرفع البوست باستمرار ، ودى الميزة من خبرات الناس الكُبار شديد ديل .
لك كل الشكر
| |
|
|
|
|
|
|
|
|
|
Re: (( تحذير )) الرجاء الدخول بسُرعة فالأمر مُهم (Re: لؤى)
|
لا لا يا لؤي
انا ما محظوظة للدرجة
بعدين ياخ انا لو جيل الاستقلال
ناس ابوساندرا ود قاسم ديل يكونوا التركية السابقة ؟
لووووووووووووول
حبيب بلدو
اي دي ظاهرة عليها فلهمة ناس الخرتوم محل الطيارة بتقوم
والله نحن ليوم الليلة دي صغارنا بلعبوا الهروروب وبيت السبلوق
| |
|
|
|
|
|
|
|
|
|
Re: (( تحذير )) الرجاء الدخول بسُرعة فالأمر مُهم (Re: الجندرية)
|
Quote: Quote: جيل الاستقلال
لا لا يا لؤي
انا ما محظوظة للدرجة
بعدين ياخ انا لو جيل الاستقلال
ناس ابوساندرا ود قاسم ديل يكونوا التركية السابقة ؟
لووووووووووووول |
غايتو الليلة الله يستر ماتجيبوا لينا مشكلة مع الناس ديل
Quote: حبيب بلدو
اي دي ظاهرة عليها فلهمة ناس الخرتوم محل الطيارة بتقوم
|
والله كان عدم عرفة الهوروب والاردلوب والكلام المن زمن حفروا البحر ده فلهمة ، تبقى صدقتى ، متفلهمين ، وكدى نسأل باقى الناس ديل كان بيعرفوا/ن الهردلوب ده ، والليلة هجومك انتى وحبيب بلدو على ناس الخرطوم والناس الفوق ديل الله يستر ساى مايجيب لينا قنبلة مع المعارك المدوّرة فى البورد الأيامات دى .
| Quote: والله نحن ليوم الليلة دي صغارنا بلعبوا الهروروب وبيت السبلوق |
أمانى أختى كده الحاجات بقت كتيرة خلاص ، إنتى لى هسه ماوريتينى الأربعاء وعقاب الشهر السألتك منّها ديك معناها شنو ، وهسه شايف جابت ليها سباليق . كدى لى الزمن ده ورينا اللعبات دى ، عسانا نستفيد .
| |
|
|
|
|
|
|
|
|
 ((تحذير))الرجاء الدخول بسرعة فالامر مهم (Re: لؤى)
|
الاخت العزيزة راوية
تحياتى وشكرى لسرعة الاستجابة وللنصيحة اذ انها المرة الأولى التى (اتخم)فيها من قبل هكر ,ولكن الحمد لله انى قد قمت بتنفيذ اقتراح الاخ الفاضل لؤى قبل ان استعجل محو رسائلى المرسلة والمخزنة والحمد لله أيضا لانى قد انقذت الموقف قبل ان يتمكن الهكر من الدخول وتغيير كلمة السر خاصتى ومن ثم استخدامها.
الاخ الفاضل لؤى
أجدد الشكر والتحية والاحترام,اشكر لك بادرة الاهتمام والسعى الهميم لمعاونة اخت لك فى الانسانية وقد أفادنى حقا ارشادك لى بما ينبغى عمله وأنقذنى من براثن الهكر.
ماان قرأت ردك على تساؤلى حتى طرا على خاطرى الهميم ذو القلب(الحار) الخال خالد الحاج والذى لم يتوان ابدا عن اللحاق بمن يستنجد به فى خدمة يسيرة كانت او عويصة.أسعدتنى عودتك للبورد ياأبو سارة أيما سعادة فقد أضات لنا به أنوارا كنا قد ظنناها خبت الى غير مارجعة..
احتراماتى لكما انتما الأثنان وان شا الله يااولاد امى مايفقدوكم فى شينة.
| |
|
|
|
|
|
|
|
|
|
Re: ((تحذير))الرجاء الدخول بسرعة فالامر مهم (Re: sinco)
|
الأخت المحترمة سينكو ، سلام واكرام ..
انا سعيد لكونك قد تمكّنتِ من انقاذ الموقف فى الوقت المناسب ، ولاداعى للشكر فنحن جمعنا حُب الوطن وفُطمنا عليه ، وأتمنّى لغيرنا والذين واللائى تاهت بهم/ن طُرق الخلافات ، أتمنّى ان يعودوا/ن للأصل السودانى الذى عُرفنا به وسط الأمم .
التحيّة لكِ وللحبيب الشهم خالد الحاج
خالص احترامى ومودّتى
لؤى
| |
|
|
|
|
|
|
|
|
|
Re: (( تحذير )) الرجاء الدخول بسُرعة فالأمر مُهم (Re: لؤى)
|
العزيز لؤي والجميع..
الهكر الحايمين اليومين ديل ما هكرو أي إيميل لي.. الذي هكرني العام الماضي كان شخصا معروفا وقد تم إيقاف الحساب من قبل ناس الياهو أنفسهم..
وقد حاول أحد الهكرز وهو من "هكر الداخل" أن يرسل لي رسائل ملغومة وكانت عبارة عن عدد 278 رسالة في حساب و155 رسالة في حساب آخر.. وللمعلومية هذان الحسابان يعرفهما أعضاء معنا هنا بالعدد وليس الكثيرين.. وبالطبع لم أفتح أي من تلكم الرسائل..
وبالمناسبة دي قمت بتغيير إيميلات الهوت ميل المعروفات لدى "هكر الداخل" بايميلات جديدة وصلت لمن أريد أن تصله..
ودمتم..
| |
|
|
|
|
|
|
|
|
|
Re: (( تحذير )) الرجاء الدخول بسُرعة فالأمر مُهم (Re: Raja)
|
أختى رجاء ، تحايا واشواق ..
الحالة التى يعيشها البورد تحيّرنى فعلاً وكأنّنا فى حرب قذرة يجوز فيها إستخدام كل أنواع الاساليب الرخيصة لتنكيل وللنيل من رموز لن يفلحوا فى النيل منهن/م أو تشويه صورتهم/ن . كل ماأتمناه هو أن يعودوا لرشدهم .
خالص احترامى ومودّتى
| |
|
|
|
|
|
|
|
|
|
Re: (( تحذير )) الرجاء الدخول بسُرعة فالأمر مُهم (Re: لؤى)
|
لؤى صاحبى
والله بساعدك فى رفع البوست
ولو إنه أنا قصير شوية عليك بالباقى
لكن والله الكلام دا والهكرز واللخبطة
دا كله ما مر على ولا خايف منه
فى رسائل بتجى رأسا على البلك واللا البولوك
وبعدين مافى رسالة بطالة جاتنى من زول
وفى رسائل مرات بأتاتش مفيرس دى بتمش البلك أو أفحصها وأحذفها
وأنا دايما بقول دى من الفليبينيين والبلاوى الزيهم الفايقين
وما حصل زول إشتكى منى وقال جاتو رسالة منى كعبة
فغايته والله شايف الكلام دا غريب بالنسبة لى ـ والله معكم فى هذه المشكلة
وما أحسد نفسى لكن إن شاء الله ما تحصل على أى منا
أخوك صديق
| |
|
|
|
|
|
|
|
|
|
Re: (( تحذير )) الرجاء الدخول بسُرعة فالأمر مُهم (Re: siddieg derar)
|
الأخ صديق
شكراً عزيزى لرفعك للبوست ، المسألة ياعزيزى لم تصبح مسألة شخصية مع البعض وحسب وإنّما أصبحت قضية إستيلاء على خصوصيات الغير والمساومة بها وكذلك للإستيلاء على كلمات المرور الخاصة بدخول المنبر للكتابة بها على صفحات المنبر كما يحدث هنا أحياناً ، وكما يبدو فإن للقضية أبعاد قد لايعلمها الجميع ، لكنّى لاأتّفق مطلقاً مع نهجهم فى الإستيلاء على خصوصيات الغير والزج بأبرياء فى قضايا هم/ن ليسوا/ن أطراف فيها .
خالص الوُد
| |
|
|
|
|
|
|
| |
لؤى
abdelrahim abayazid
Ishraga Mustafa
Rawia
الجندرية
doma
محمد اشرف
jini
sari_alail
Habib_bldo
nazar hussien
tmbis
مريم بنت الحسين
قرشـــو
Amin Elsayed
عبد الباقي الجيلي
Raja
ahmed_asad
فيس بوك
تويتر
انستقرام
يوتيوب
بنتيريست