|
دعواتكم لزميلنا المفكر د.الباقر العفيف بالشفاء العاجل
|
|
 Re: ( صُورة وتعليق ) رمضانيّات إتنين رمضان ( فتوى إرضاع الكديس ) (Re: محمد أبوالعزائم أبوالريش)
|
Quote: بخصوص موضوع الإرضاع ؟
|
يا لؤي شكرآ على البوست الساخر اللطيف
ورمضان كريم تصومو وتفطرو على خير انت والعروسة
نرجع لموضوعنا الأصلي موضوع الإرضاع، وفتوى إرضاع الكبير. أسمح لي بالله ،
عندي نقة وكلام زعل وحنق وغضب دايرة أكبو ليك هنا، و دا أنسب مكان ليهو 
هسه نحنا مغسة علماء الأزهر علماء الغفلة ديل نشكيها لمنو؟!! غايتو ما عندنا
غير الله، نشكيهم ليه، كونهم جردونا من إنسايتنا وجعلوا منا حيوانات ثدية لا تفقه ،
وكائنات جامدة لا تحس !!. بل حتى الحيوانات بالغريزة ترفض إرضاع غريب، فما بالك بنا؟!!
الدين دا فهمي ليهو صالح لكل زمان ومكان ، لكن علماء الغفلة ديل ذوي العقليات
العقيمة المتحجرة والمنغلقة، الما زالوا يعيشوا بعقلية القرون الوسطي ، ما جابوا
ولا إجتهدوا ولا قدموا (ولا حا يقدموا) للبشرية ما يفيد منذ قرون طويلة خلت !.
علماءنا ما زالوا موسوسين بالنساء والجنس والأربعة زوجات ، ويجيزوا في فتاوي الإرضاع
والمسيار والمسبار ووو .. إلخ ويشرعوا في الفاضي ، حسب مقاساتهم. وعلماء الكفار
يكتشفوا ليهم في الموبايلات والإنترنت والكمبيوترات والآي بودس ومشروع الجينوم البشري،
ووو .. إلخ. وهم يستعملوا ويستفيدوا ، ومن ثم يلعنوا في هؤلاء الكفار!!!
يا حبذا لو قاطعوا الكفار ديل ومنتجاتهم!
علماء الغفلة ديل كان قامو إتنفضوا من محلهم القاعدين فيه ولعنوا الشيطان
الساكن جلابيهم المزركشة دي، كان أخير لينا .. وأخير ليهم !!
ولا أقول ليك ، القيامة دي إنشاالله تسرع تقوم عشان تريحنا من جنس دا !
لأنو ما معروف بكرة علماء الغفلة ديل جديدهم حا يكون شنو!!! 
معليش بريتك يا لؤي والكلام مكرر، وأكيد سمعتوا من نساء كتار
محتجات، لكن برضو كنت محتاجة أقولو! وأأسف كان طلعت آوت، أو
بقيت أوف بوينت عن موضوع البوست ..
شكرآ مقدمآ لتفهمك و لطولة بالك
| |
 
|
|
|
|
|
|
|
 Re: ( صُورة وتعليق ) رمضانيّات إتنين رمضان ( فتوى إرضاع الكديس ) (Re: Hadeer Alzain)
|
Quote:
هسه نحنا مغسة علماء الأزهر علماء الغفلة ديل نشكيها لمنو؟!! غايتو ما عندنا
غير الله، نشكيهم ليه، كونهم جردونا من إنسايتنا وجعلوا منا حيوانات ثدية لا تفقه ،
وكائنات جامدة لا تحس !!. بل حتى الحيوانات بالغريزة ترفض إرضاع غريب، فما بالك بنا؟!!
الدين دا فهمي ليهو صالح لكل زمان ومكان ، لكن علماء الغفلة ديل ذوي العقليات
العقيمة المتحجرة والمنغلقة، الما زالوا يعيشوا بعقلية القرون الوسطي ، ما جابوا
ولا إجتهدوا ولا قدموا (ولا حا يقدموا) للبشرية ما يفيد منذ قرون طويلة خلت !.
علماءنا ما زالوا موسوسين بالنساء والجنس والأربعة زوجات ، ويجيزوا في فتاوي الإرضاع
والمسيار والمسبار ووو .. إلخ ويشرعوا في الفاضي ، حسب مقاساتهم. وعلماء الكفار
يكتشفوا ليهم في الموبايلات والإنترنت والكمبيوترات والآي بودس ومشروع الجينوم البشري،
ووو .. إلخ. وهم يستعملوا ويستفيدوا ، ومن ثم يلعنوا في هؤلاء الكفار!!!
يا حبذا لو قاطعوا الكفار ديل ومنتجاتهم!
|
هدير
مساء الخير
الله أكرم
تصومي وتفطري على خير
الموضوع دا يا هدير وغيره من المواضيع المشابهة في المضمون
مواضيع كتيرة ومسيخة وملعوبة من زمن قديم
العالم الرّجالي لسّع ما إتغيّر
ولا حايتغيّر قريب
شوفي دا :-
(( إعتراف .. (( انا ماراجل )) ))
ودا :-
(( إعتراف .. (( انا ماراجل )) ))
وحاتلقي ما في شيء بيتغيّر
العقليّة نفسها
في كُلّ مرّة بتطلع بقضيّة مختلفة
والفكرة واحدة
تقديري
| |
|
|
|
|
|
|
| |
لؤى
saadeldin abdelrahman
Nader Abu Kadouk
محمد أبوالعزائم أبوالريش
Hadeer Alzain
Al-Shaygi
فيس بوك
تويتر
انستقرام
يوتيوب
بنتيريست