|
|
 مسادير للفرجوني.. من عبد القادر محمد عبد القادر
|
زودني الزميل عبد القادر محمد عبد القادر بمجموعة من أعمال الأستاذ الفرجوني في ملفات صوتية.. وبناء على طلبه و لتسليط الضوء على تجربة الأستاذ الفرجوني ،أقدم هذا المادة .. آملاً متابعة الإضافات من جانب المهتمين وكما عرفت عن متابعة الأستاذ الفرجوني للمداخلات والاهتمام بالتعقيب عليها..
|
|
 
|
|
|
|
|
|
|
 Re: مسادير للفرجوني.. من عبد القادر محمد عبد القادر (Re: Abdulla Ageed)
|
احمد عبدالله البنا الفرجونى
تحية واحتراما
اليك هذه الرسالة من شيخ احمد(الفرجونى)وهى عبارة عن رد لما كتبت
خلو البنّا يطربنا ويداوي همومنا
يا فرجوني جُر النمّة واسعد يومناقا
عدين في رجاكم بي لهف يا قومنا
واتقبّل سلام كل اليعوم فوق عومنا
ود عقيد
شيخ احمد يحييك على ماكتبت ويشكرك وهذه الرسالة منه طلب منى ايصالها اليك
امسك ياودعقيد واتحزم
-------------------------------
قول لى ودعقيد ما تنشغل بى لومنا
نحنا برانا طول النوح قرش حلقومنا
تفاح غيرنا ما بنريدو بنريد دومنا
كان فى الجنة نحنا تملى sick لى home نا
احمد عبدالله البنا الفرجونى
| |
|
|
|
|
|
|
|
|
 Re: مسادير للفرجوني.. من عبد القادر محمد عبد القادر (Re: عبد الله عقيد)
|
الاخ عبدالله عقيد تحياتى واشكرك على الاهتمام
الاخ الباشمهندس تمبس وين ووين رسائلك ووين كتاباتك الى
عمنا صديق الموج وين انت.........؟
عمنا مهدى صديق نعلك عافية .................؟
ابقوا جاى وحبابكم الف
ومليون
وماذلت فى انتظار الباشمهندس تمبس_رعم تقديرى لمشغولياته _فقد اخرت ردى على شيخنا احمدنسبة لتاخر الباشمهندس عن انزال البقية اتمنى ان يكون المانع خير .
تمنياتى له بدوام الصحة والعافية
عبدالقادر
| |
|
|
|
|
|
|
|
|
|
Re: مسادير للفرجوني.. من عبد القادر محمد عبد القادر (Re: عبد الله عقيد)
|
الاخ منصور المفتى حبابك الف ومرحب بيك فى صالون شيخ العرب (الفرجونى)
الاخ عبدالله عقيد تحياتى بلاء لنتهاء وتقبل تحيات شيخنا احمد (الفرجونى)
هناك مجادعة او مفاتلة او مباراه بين الشاعر على وداعة الله والشاعر يوسف البنا وشيخنا احمد (الفرجونى)_سبق ان اشرت اليها _ولكنى اعيدها للتجديد الذى طرْْأ عليها فقد اخبرنى شيخ احمد بذلك التجديد والاغرب انه جاء بعد ثمانية عشر سنة فى رد على اخيه يوسف فاليك المجادعة الاولى
على وداعة الله قال:-
يوم امس السحاب فوق البطانة منيل
وحكم القلب على دمعة عيونى تسيل
طريت العزو ثابت وماهو قليل
ربيع قامة ادعج مو التخين متفيل
** **
الفرجونى قال:-
يوم امس السحاب فوق البطانة مميل
وهب قبليهو واتسرعف هواه عديل
رزم قلبى خلى العين تفيض وتكيل
طريت اريل تقاقة الشارفة ماها غزيل
يوسف البناقال؛-
لماع البروق مس الهبج متكيل
وولع شمعة القلب القبيل متحيل
طريت ست الصبا الما بجالسوها العيل
جمالها يفوق على قدر العقل ما يخيل
وهنا قام الشاعر يوسف البنا بقفل المجادعة بقولة
جمالها يفوق على قدر العقل ما يخيل
وكما علمت من شيخ احمد الفرجونى شخصيا بانه فكر كثيرا فى الرد على اخيه الشاعر يوسف البناوبعد (1 ثمانية عشر سنة حتى جاء بالرد التالى الذى اعتقد _بل اكاد اجرم _بانه (فات القدامو والورا ه)واليكم الرد واترك لكم التمتع به والتمعن فيه
سماحا سيدو يغرف فى السماح ويهيل
مكتوب ليهو تصباه النفوس وتميل
سماحا كل سماحا دونو يبقى قليل
كونو حقيقة مو تشبيه ظنون وتخيل
عبد القادر
| |
|
|
|
|
|
|
|
|
|
Re: مسادير للفرجوني.. من عبد القادر محمد عبد القادر (Re: عبد الله عقيد)
|
الاخ عبدالله عقيد تحياتى
سلامااات وين يازول ونعلك عافية
ولك خالص التحايا من شيخ احمد الفرجونى ولك منه هذا المربع مهداه اليك
قول لى ودعقيد اسمح لى شغلى شغلنى
وات ياصاحبى رايق بال تشيل وتغنى
الكرب الطواااال اتدرعنى مغنى
واخر التوتى فوق جمر الملك دغنى
الاخ عبدالله عقيد هذه الرسالة اليك
| |
|
|
|
|
|
|
|
|
|
Re: مسادير للفرجوني.. من عبد القادر محمد عبد القادر (Re: Shams eldin Alsanosi)
|
الاخ شمس الدين السنوسى لك عاطر التجايا
ورمضان كريم وكل سنة وانت طيب
وين ياراجل البركة فى شيخنا احمد وفى ديارو العامرة الجمعتنا وهى دار رحبة لكل اهل الفن والابداع يتمثل فيها السودان طولا وعرضا وتمتزج فيها كل الوان الطيف من ابداع ذلكم الرجل الامة القامة
وعلى فكرة هو على صلة بهذا البوست ويقدر ما يكتب ومتابع
لماع البروق الدورو ليلة البارح
قابل كل مرنع وفض تعلا قارح
قفرا جابو واهفابو دورا مارح
غير وحشوالبقطف وغير حبارو السارح
| |
|
|
|
|
|
|
| |
tmbis
زول ساكت
Mohamed Elbashir
Abdulla Ageed
عبد الله عقيد
munswor almophtah
Shams eldin Alsanosi
فيس بوك
تويتر
انستقرام
يوتيوب
بنتيريست