يا موصلى .. يامطر .. ياعلاء سنهوري ( نهلة عبد المنعم ) تاني ...

Quote:

Quote: العضوه الجديده في هذا البورد نهله عبد المنعم اتصلت بي تلفونيا من مقر اقامتها بمدينة بحيرة الملح في ولاية يوتا طالبة مني المشوره الفنيه بعد ان عرفتني بنفسها وبعد حوارات وحوارات طوال شعرت انني امام فنانه جادة صارمة الوجهه الفني مبتسمة الدواخل طلبت منها ارسال شريط فيه اغنيات فلم تتردد وارسلت لي فورا عدة اغنيات فيها السوداني وفيها ذات المقام العربي وفيها اغنيات علي الطريقة الغربيه وايضا فيها غربية الاصل استمعت بتمعن فاكتشفت انني امام صوت سوبرانو ناعم شفاف كندي الزهر احترت في الاختيار برغم انني كنت اود ان اقدمها لكم في اغنياتها الخاصه خصوصا عندما ابدت استعدادها لان تكون محترفه شاركت في الاحتفال بذكري مصطفي فنالت الاعجاب وهي رهن الدراسة الان ثم بعدها اخترت لها ولكم ان تغني رائعة الراحل العاقب محمد حسن ياحبيبي نحن اتلاقينا مره ركزوا علي الهمهمات العاليه التي تحدثها حينما تصاحب موسيقي المقدمه وركزوا ايضا علي تلك اللثغه الخفيفه المميزه استمتعوا بغنائها وهي بالتأكيد ستستمتع بالحوار معكم يا كل اهل البورد واعدكم بتسجيلات لها لاحقا لتأخذوا فكره اكثر عن صوتها المتنوع

(عدل بواسطة tmbis on 09-27-2005, 00:17 AM)

Quote: ابوذر المطر نحن، عشاق الشدو الحقيقى، والغناء العالى، نطرب لدرجة الثمالة، والغناء والمزيكا الجد جد، بتخلق فينا وجوانا عوالم غربية وعجيبة سمعت وبالصدفة، نوع من الغناء الزى ده، وبين الطرب البدأ يتسلل جوه مكامن الروح، بدت اللهفة تتناطا عشان أعرف صاحبة الأداء الساحر ده منو يا ربى وإسمها منو، لأنه فعلا كان شئ غير عادى وغير مألوف، ولأنه كانت أول مرة اسمع أو بالأحرى أستمتع بشغل زى ده شغل ساحر للغاية، كلام ولحن من النوع الما بتلقاه بسهولة، مره يخيل ليك انك بتسمع ماجدة الرومى، ومرة حنان النيل، وشوية شوية كده تجيك نفحات من فيروز، ولو الريتم علا شوية، والصوت اخد ليهو تحلقا كده، أكيد حتجيك رشات من عبير سيلين ديون أو ويتنى هيوستن والله الكلام ما مبالغة ولا شطحات ناتجة من حالة جذب طربى، لكن بالضبط ده الإحساس السكن فينا وفى لحظات قصيرة جدا، لكنها كانت عريضة جدا جدا ومحتشدة بسحر أخاذ قام طوالى قال، شكرا نهلة عبد المنعم، قلت ليهو ياخى شكرا شنو، انا لو فى محلك كنت قمت ضربت الكوراك وقلت للناس ، عوووووووك تعالو يا خلق اسمعو الغنا ده، ونشكر المنهل بما حوى قبل فترة أطل علينا صديقنا الفاتح حسين وحندكنا بى صوت فريد برضه وقدم لينا ايمان توفيق، قلنا الحمد لله، خلاص فرجت لقينا الصوت والأداء الكنا كايسين ليهو وعشنا فترة جميلة جدا جدا برضه من الأغنيات العذبة المتفردة، وكالعادة وكأننا موعودين دائما بفقد الأشياء الجميلة، ضاعت ايمان وسط الزحمة وبقت شغلة معانا بالقطارة، ونحن ديل المجدعين فى المنافى المجدبة دى، ما ندنا حيلة غير الانتظار واظنه الفاتح حسين برضه كمانن اهمل المشروع الجميل ده نرجع لنهلة المنهل، وأدعو معاى يا جماعة انها تواصل التألق والتوهج العجيب ده وما تفكنا فى برضه فى أول المشوار، وتبقى زى بقية الزهور البتتفتح فى اول الصباح وتذبل فى المساء، ونتمنى انها تكبر وتستطيل وتبقى دوحة سامقة من الفن الجميل البتعمل فيهو ده أبا، وتمبس وعمك تنقو، وكل الناس المسكونة بحب الجمال، أكيد عندكم الخبر اليقين، ويا ريت تدونا نحن الناس المفرزعين ، والما متابعين كويس، تدونا إضاءات ساطعة عن نهلة عبد المنعم، وتورونا أى اخبار عنها، يعنى الإنسانة دى قاعدة وين وبتسوى فى شنو، ويا شعراء النضمى الجميل، دونكم نهلة، ويا موسيقيينا لو عايزين نصيحتى، اقعوا نهلة عبد المنعم وما حتندمو ابدا، والما سمع نهلة عبد المنعم يا ريت مش يرخى اضانه، يرخى كل الحواس ويمشى يفتش نهلة عبد المنعم عشان يسمع العجب منتهى الرقى والله ومنتهى السحر فى الأداء، وعمق ودفء فى الصوت، واختيار متميز للكلام، ودائما تترسخ جوانا قناعة انه حواء السودانية مليانة بالإبداع والخلق ومترعة بالجمال، ودائما نباهى بيها ونرفع روسينا بيها ولك التحايا والتقدير وإنحناءة كبيرة يا نهلة عبد المنعم، حيثما كنت، وانت تحلقى عاليا، بالشدو العالى الجميل أبوذر

Quote: الحميمه نهلة ذات مساء ما بالبلاد أذكر بداية صيف عام 1995 دعاني صديق لي بالمعهد حينها كنت خارج أسوار المعهد ولم أنتمي لطلابه بعد كان تكريم لموسيقار مصري ساهم في تأسيس المعهد الحفل بقاعة الصداقة عقدالجلاد كانت مجرة الجمال في تلك اليلة وكنتِ نجمها المتألق يا حميمه كانت أوّل مرّة أستمع لصوتك بعدها إستمر إندهاشي بشلال الفرح المدلوق النازل من حنجرتك آخر مرة في تخريج الحميم شريف شرحبيل يا حميمه واجب أن يُكتب عن صوت مثل صوتك واجب وطني ومسؤولية تُرى أين أنت الآن؟ أين يمارس صوتك فرحه؟ يا حميمه لك الحضور والمطر وأكتوبر وأغنية أجمل قادمة أبداً علاء

(عدل بواسطة Elmosley on 09-27-2005, 04:17 AM)

Quote: دا رأي من قديم ما بوستك المشفر دا

Quote: يعني البلوكات وصلت لحدي كدي ؟

انا غايتو الله يكسرني كان ما انتظرت بي الباب الوراني مية مرة
بس الناس بعد ما جات من الاجازة جابت معاها جنزير
يعني البلوك بقى بالجنزير بدل الطبلة القاعدين ندخل ليها ( البينسه )
..
كيفك يا ست الكل ..
بعدين ياخ عليك النبي الكياشة متين تروح
يعني حسع عايزه تقنيعيني ( حبيبي تعال نتلم ) ما شفتيها ؟؟ ولا سمعتي وشفتي نهلة دي ؟؟
والله ما بسالك ..
غايو كدي نعمل محاولاتنا
اعملي تحديث للميديا بلير من هنا http://www.microsoft.com/windows/windowsmedia/download/...ang=en&qstechnology= بعدين شوفي البيحصل شنو
بس اوعه ما يكون عندك كرت صووت من اساسو
ذكرتيني ( بت قضيم ) الله يطراها بالخير قالت الجهاز ما شغال وما قاعده تسمع اي غناء ولا بتشوف فيديو لكن تدخل تنظر بس بالخبرة .. اها قمنا شيل ياشرح وياتعمل شنو ما عارف وتخلي شنو .. في النهاية قالت اكتشفت انو ما عندها ( سماعات )
اها الاولاد كيف .. وهبوية بقت كيف ؟؟

Quote: ياهندســـة يظهر مشكلتك معاي حتكون عويصة جدا.. وح اتعبك شديد بالطريقة دي لكن زي ما عارف .. برنامج النسيان البايخ ده Save@Pc .. .

Quote: والصوت المثقف بالطبع لا يعني أنه يغني للمثقفين هاهاها فقد أضحت هذه الصفة ترعبني ويرعبني توجيهها لذوق الناس ولإختيارات المغنيين

Quote: نهلة ربنا يبارك ليها فى حنجرتها ويكفيها شر التهاب الاحبال الصوتية يارب..

Quote: إن شاء الله سيكون لي نصيب من عطائك الجميل

Quote: الحبيب الشفيف أبوذر ن شاء الله سيكون لي نصيب من عطائك الجميل

Quote: ياسلاااااااااااااااااااااااااااام عليك ياتمبس يارائع دائما تتحفنا بالحاجات الحلوة جدا دى