|
|
|
 Re: اهــداء .. تلفون العالم حوّل .. محمد وردي .. (Re: الجندرية)
|
اماني ..
صباحك خير ..
معاك في التشهيل ...
اها سعادة عبد الرحمن اتضح انها في القاهرة مع ناس فرسان في الميدان وأول ما تصل اعتبري الموضوع منتهي ..
اسماعيل الاعيسر قيد البحث والتفتيش في عضمو ده ..
معانا شاب ممتاز هنا اسمو يوسف حمد النيل .. عندو مجموعة شعرية صدرت هنا بالرياض
ح انسق مع معتصم .. وممكن تلقيهو في البريد طوالي في اقرب فرصة استلمو ..
| |
 
|
|
|
|
|
|
|
 Re: اهــداء .. تلفون العالم حوّل .. محمد وردي .. (Re: الجندرية)
|
حسع من دربي ده بتصل ليك عليهو .. وادعي ليهو معاك بالشفء
ليهو تلاتة ايام بيعاني من مغص كلوي حاد .. قبل يومين كنا معاهو لي ساعات متاخره
وامس كانت عندو موجات صوتية واشعة وتحاليل
ربنا يواليهو بالعافية .
ح اديك الايميل والتلفون .. حسع ح اتصل عليهو ..
| |
|
|
|
|
|
|
|
|
|
Re: اهــداء .. تلفون العالم حوّل .. محمد وردي .. (Re: نصار)
|
استاذ علاء الدين نصار ..
عشت يا شريكي .. وعاشت الاسامي ..
طبعا يانصار لما .. نزلت الاغنية كنت في حالة من التركيز والفوضي مع بعض ..نسيت فيها حتى انزال الاكواد وغالبا لما تلقي اي عمل من غير لنك حفظ فهو عبارة عن ( شرك )..
طبعا الخميس والجمعه عادة بكون ما موجود .. لكن راوية قامت باللازم .. اضغط للحفظ في بوست راوية وتكون طالبني ...
| |
|
|
|
|
|
|
|
|
|
Re: اهــداء .. تلفون العالم حوّل .. محمد وردي .. (Re: almulaomar)
|
الحريف الملا عمر .. اطال الله (عمره)..
من لطائف الامور .. ومحاسن الصدف الجميلة ان يررن هذا الجرس ( ويدق ) عندك ويستقر هذا اللحن بكلماته الصادقه في دواخلكم ويلامس ما فيكم من (سلوك) حتى وإن كانت ( وير لس ) ..
ومن محاسن حظي أن أكون عامل السنترال..
لا اشك ابدا في احساسك العميق في ( تفنيط ) الاشياء .. بي وعي ..
عشت ياملا .. وربنا يقدرنا دائما علي توصيل ( اسلاكك ) .. ودوزنة احساسك ..
| |
|
|
|
|
|
|
|
|
 Re: اهــداء .. تلفون العالم حوّل .. محمد وردي .. (Re: tmbis)
|
خالص التحايا...
تمبس حزن الشتاء..
معقوله الصقيع يبدا من غيرك...
والتلج يحرد فصل غيرك شتاء....
ياصديق يارفيق يازميل..
ضلوعى الان تتلاشى مع انغم وردى..
وتلفون محجوب شريف يرن ليس فى اذنى بل فى كل البقاع..
تمبس ياهذا الجميل..
معقوله بس فى ناس كده ..
تمبوستى...
اشاركك الابتهاج ببعض ماعندى دليل..
لتكتمل الصوره التى يرسمانها..
محجوب شريف ..ووردى..
وتعلقها انت..
فكم جميل هذا المثلث..
تلفـــــــــــون العـــــــــــالم حول
تلفون العالم حوِّل
إتنين وتلات أصفار
البرق هناك
مستني
والشمس على
استنفار
فلنزحف نحو
النور
لو ننحت بالأظفار
من حقنا نحلم
بي عالم
بي عالم
يتسالم
ضدَ التسليح
الخبز .. الحريات
المكننة
والتلقيح
لن نقبَل بالمعتاد
العكننة والتبريح
العدل بلا تمييز
الحظر على
البمبان
العطر مهب الريح
دوران الأرض
مراجيح
والشفع لؤلؤ منثور
سادين السكَّة
أناشيد
ما دين الدنيا
بساتين
ورداً..قمصان
وفساتين
والنهر بيعمل زقزاق
من خضرة وحفلة
ياسمين
ناساً جينا تم زيناتم
جنياتم خِلقة
وأخلاق
شبت حبت من لسَّعَ
في الخاطر شوق
وحنين في عيون
العُشاق...
كم مُدُناً طيَّ
الأشواق
حاراتا حتملا
الأسواق
وشوارع تجري
ملايين
لِسَّع في سنَن
الأقلام
أنفاس الناس القِدام
وخُطى الأقدام
في القرن الواحد
وعشرين
من خير الأرض
الممتد
تنعم أفواه
ومناقير
والحبّه ظلال
وعصافير
والخطوة بتبقى
جماهير
والهمسة بتبقى
هتافات
تتفكك لعب
أطفال
وأسرّة وإسعافات
آفات
فتكت بالسلم
جنازير
وتقرب بينَّا
مسافات
كنا بنمشيها
محاذير
وتفرهد ياما
ثقافات
تتنفس حق
التعبير
لا رجعة لظلمٍ
قد فات
تلقوه هناكَ
ملفات
فى ركن القرن
العشرين
إلقاء القبض على
الخوف
الخلا النسمة
أعاصير
والشجر الأخضر
أوتاد..
من حَقنا إننا نحلم
لن نقبل بالمعتاد
نتماسك أيدي
ونرتاد
القرن الواحد
وعشرين
شُبَّاكاً جنب
الشُباك
آفاقاً ذاتَ مصابيح
تلفون العالم حول
...
لا شك االرقم
!! صحيح
شكرا حزينا تمبس..
وجايين راجعين..
| |
|
|
|
|
|
|
|
|
|
Re: اهــداء .. تلفون العالم حوّل .. محمد وردي .. (Re: معتز تروتسكى)
|
معتز تروتسكي .
صديقي النبيل .. لهذا الموسم ..
هانت تفتح خطوط الضو علي هذه الصورة لتبدو أكثر وضوحا كما أرادو لها..
وتمنحني مجددا حميمية اللقاء وانتظار طلتك البهية ياصديقي
كن دائما كما اشتهيك .. اينما كانت المساحات الجميلة اجدك ..
معتز
انا دائما اجدك
لا
اقبل الزهول
يكفيني فقط وعيناك مغمضه
| |
|
|
|
|
|
|
|
|
 Re: اهــداء .. تلفون العالم حوّل .. محمد وردي .. (Re: tmbis)
|
الجميل علاء تمبس
ياله من صباح جميل وانا أستهلّه بهديّتك الورديّة هذه والموشّحة بكلمات أستاذنا محجوب ، وصوت الحبيب لقمان .. لك كُل التقدير وكل الحُب أيّها الراقى ..
لم أكن أعلم أنّك شقيق الأخ عمر ، وده موضوع داير ليهو قعدة ..تحيّاتى الحارّة له .
لك الوُد والثناء ياعلاء
ـــــــــــــــــــــــــــــــــــــــ
[email protected]
| |
|
|
|
|
|
|
|
|
|
Re: اهــداء .. تلفون العالم حوّل .. محمد وردي .. (Re: لؤى)
|
Quote: إلقاء القبض على
الخوف
الخلا النسمة
أعاصير
والشجر الأخضر
أوتاد..
من حَقنا إننا نحلم
لن نقبل بالمعتاد |
من حقنا نحلم .. بصبح لكل شعاع ضوء فى شمسه معنى ولون
لن نقبل بالمعتاد ... بنهار تدحره غيوم تحجب نوره
بالحلم سنكون على غير المعتاد ويكون نهارنا اكثر اشراق
تسلم يا تمبس
واسمح لى اهديها معاك لكل من ذكرت
واضيف لهم زول افتقده بشدة اسمه ..........رحمابى
يسلم محل ما كان
| |
|
|
|
|
|
|
|
|
|
Re: اهــداء .. تلفون العالم حوّل .. محمد وردي .. (Re: dreams)
|
تمبس الرائع
بصراحة كدا الشاعر ألأصيل محجوب شريف من شعراء بلادى
المهمشين من أعلام ألأسلاميين الذين فرضو أنفسهم علينا
فهو كتب أجمل القصائد التى تحمل أسمى المضامين وتغنى
بها اروع الفنانيين ألا انها ظلت حبيسة فى الوجدان...
و اليكم واحدة من روائعه تحت عنوان (قزازة دم)
واحلالي القبلي شال شبال لمع برق المهيرة
قيرة قيرة يا مطيره
يا رزاز الدم حبابك
لما يبقى الجرح عرضة ولما نمشي الحزن سيرة
من دمانا الأرض شربت موية عزبة
كل ذرة رملة شربت حبة حبة
موية أحمر لونها قاني
فتقت ورد الأغاني
تهدي لى اسمك رمزاً للوطن كنز المحبة
قيرة قيرة يا مطيرة يا شهيد الشعب أهلاً
مش بتطلع كل يوم الشمس أجمل
وكل يوم النخل أطول زيدو قامة
وياما شفتك ياما ياما
لما شفت البدر طالع فى سما الوطن ابتسامة
إنتّ فى النهر البسافر جاري طول العمر صاحي
طبعو منك يا الملامحك من ضفافي
واللي شافك مرة شافو
واسمك الختيتو فرهد عشب أخضر فى الجناين
فى الشوارع نيمة نيمة فى مصابيح المدينة
فى فوانيس الضواحي
تملا نادي الحلة سيرتك
اسمك الخلانا نقدر فى ظلام الليل نعاين
والبتسأل عنو ده الخليتو شافع
لسه دابو
يا ما حيعجبك ، شنابو
صوتو رقان فيهو بحة
ود فلان اصرار وصحة
عندو قصة حب جميلة
جرب آلام الحراسة وحرض أولاد الدراسة
وهدّو حيل العسكرية
البنية أم طرحة كبرت
يا سلام الفنجرية
ليها راية وبى كلامها وبى اهتماماتها الجديدة
دقت أجراس القصيدة وشدت أوتار الصلابة
الكتوف اتلاحقت فى السكة يابا
واحلالي القبلي شال شبال لمع برق المهيرة
قيرة قيرة يا مطيرة يارزاز الدم حبابك
لما يبقى الجرح عرضة
ولما نمشي الحزن سيرة
و تســـلم يا تمبس
| |
|
|
|
|
|
|
|
|
|
Re: اهــداء .. تلفون العالم حوّل .. محمد وردي .. (Re: عوض الله الفولانى)
|
تمبس الجميل
تعرف انا محجوب شريف بحلم اتقمص روحو
روماااانسى
ومضىء
وراسم شخيت واضح وصريح بين فكرتو
وفكرة عداه وصحبتو
ضوء
تفاؤل
وانبهار بالطفل
وحسن ظن بحقيقة الكائن الانسان واسرار غنيتو
انا اكون محجوب شريف يارب؟ اكون مخلوقه من طينتو وقماشو ومهجتو؟
ياريت
شكرا تمبس على وردى ومحجوب شريف والتلفون المتفائل دة (لكن ظاهر عليه دسكونكتد...السنه دى)
حب شديد ليك
ويافولانى اسمها اظن رزاز الدم
انا اخرجتها مع طفلات حلوات لتلفزيون السودان
زمااان
| |
|
|
|
|
|
|
|
|
|
Re: اهــداء .. تلفون العالم حوّل .. محمد وردي .. (Re: Rawia)
|
رايوة ..
انا كنت برضو عايز اقوليك .. شكرا ..لي حاجات كتيرة جدا ..
لكن لقيت بدل ما اعضي الشوق في انفو اخليهو يعمل زي ما عايز
....
عارفه ياراوية ..
انا ح ارد ليك .. لكن اوف لاين .. مش لما اللقاك ؟؟
وبقيتي تذاكري من ورانا .. لنكات داخل لنكات ..
ياخ اتصلي ياخ
| |
|
|
|
|
|
|
|
|
|
Re: اهــداء .. تلفون العالم حوّل .. محمد وردي .. (Re: Tumadir)
|
تماضر .. الصاحبة
الووووووووووووو
وبعرف انك برضو بتقدري علي كده ..
تقريبا نفس الجينات وصفات الحب الوراثية
للطفل ، للتفاؤل، للحياة ، للانسانية ..
قادر يكتب محجوب شريف .. ويصور ويناضل ويكافح ..
وانت قادرة... ياهو قاعده تقدري تترجمي لي واقع ساهل وبسيط ..
اتغمصي علي راحتك .. بس اديني معاك ..
عارفه انو في شوق ؟؟؟
| |
|
|
|
|
|
|
|
|
|
Re: اهــداء .. تلفون العالم حوّل .. محمد وردي .. (Re: عوض الله الفولانى)
|
عوض الله الفولاني ..
مليون سلام ...
محجوب شريف مدرسة للنضال وللانسانية تتلمذت عليها اجيال .. علم وثقف وهذب بكلماته في حب الوطن .. وكل يوم بيزيد اصرار ومتمسك بي ثوابتو وما بتزحزح .. رغم كل التنكيل وكل التهميش.. سيظل محجوب شريف علم من اعلام النضال وقامة وطنية من الصعب تجاوزها.
(رزاز الدم حبابك) ... زي ما قالت تماضر وهي قصيدة من القصائد الثورية الجميلة ...
ح اسمعك ليها بي صوت كورال الحزب الشيوعي السوداني في احتفاله بأحد الاعياد ..شارك في الكورال العديد من الاساتذة الفنانيين .. وفي مقدمتهم الاستاذ الراحل المقيم مصطفي سيد احمد وامال النور
شكرا تاني لي كلام محجوب شريف وشكرا لمرورك.
| |
|
|
|
|
|
|
|
|
|
Re: اهــداء .. تلفون العالم حوّل .. محمد وردي .. (Re: mahdy alamin)
|
مـــهدي الأمين ..
الساحة الفنيةالسودانية .. عامرة بالعديد من الاساتذة والرموز الفنية العظيمةالذين قدموا الكثير ومازالوا يقدمون .. ألوان مختلفة من الفنون الغنائية تعدد اجيال وتنوع مدارس .. كلمات ، الحان ، توزيع ، أداء .. أعمال خالدة ما لقت حظها من النشر . وفي الجانب الآخر أيضاأعمال ركيكة رتيبة لا ترتقي باللزوق السوداني .. سيطرت ولي فترات طويلة علي الساحة وعلي اعلامنا المسموع والمرئي ..
بحاول بكل جهدي أن أنقل واسلط الضوء علي الكتير من الاعمال المختلفة .. والنادر منها . والحمد لله الكثير منها بيأدي الغرض المطلوب ووجودك من ضمن من مروا بهذا العمل المشترك واتفاعلوا معاهو اكبر حافز للمواصلة في الطرح ..
تحياتي وعميق حبي للتواصل.
| |
|
|
|
|
|
|
|
|
|
Re: اهــداء .. تلفون العالم حوّل .. محمد وردي .. (Re: إيمان أحمد)
|
ايمــــان أحمد ..
القومه ليك وكل ورود الدنيا وانت تخلقي جو من الالفه .. وتعيدي في ترتيب الفوضي ..
لا اخفي عليك سر .. يا ايمان بوستاتك الاخيرة قمة من الجمال ساهمت بقدر كبير في اعادة التوازن ومحاولة الرجوع للجو الصحي المعافي في البورد ..
اتفق معاي الكتير من الصحاب .. وهم يكنون ليك كل المحبة ..
كوني كما انت .. وما تغيبي
وليك كل محبة الدنيا ...
| |
|
|
|
|
|
|
|
|
|
Re: اهــداء .. تلفون العالم حوّل .. محمد وردي .. (Re: sari_alail)
|
جوال تمبس حول .. علاء منصور في الخط
تحياتي لك يا ود منصور ..
ة تشكر على هذه التحفة
بالله شوف كلام محجوب شريف دة :
Quote: في القرن الواحد
وعشرين
من خير الأرض
الممتد
تنعم أفواه
ومناقير
والحبّه ظلال
وعصافير
والخطوة بتبقى
جماهير
والهمسة بتبقى
هتافات
تتفكك لعب
أطفال
وأسرّة وإسعافات |
تسلم علاء
و أنا أهديها بدوري لكل الناس الفي الشتات .. رجالا و نساءا و أطفالا
| |
|
|
|
|
|
|
|
|
|
Re: اهــداء .. تلفون العالم حوّل .. محمد وردي .. (Re: ابو جهينة)
|
الجميل جدا
تمبس لك الود
اسمع انا جيت من السودان
لي شهر وشويه طبعا بحمل معاي
ليك اشواق ببو وبعض من شوارع امدرمان الجميله
المهم جبتا معاي حاجات كتيره جميله وعاوزك يوم
على المسنجر عشان نتشار في توصيله ليك
انا هناك عملتا توسيق لتجربة سيف عثمان ود المعهد
كما هناك رحله مصوره فيديو وفي سيدي غنا فيها هشام كمال وسيف وببو
الجيتارست الرائع
لك الحب معتصم
وتشكر خالص على تلفون العالم
| |
|
|
|
|
|
|
|
|
|
Re: اهــداء .. تلفون العالم حوّل .. محمد وردي .. (Re: ابو جهينة)
|
حنين ..
اروع من رائع .. كل العمل كلمات ، لحن اداء ، استماع .. وهو دائما وردي
ساري الليل ..
العمل عندي في CD الاغنية تحديدا في نهاية الجزء الأول .. وبداية الجزء الثاني .. لكن بالنسبة لي الفيديو ما متاكد تماما منها ..
ابوجهينة ..
الوووووووووووو ...... ؟؟؟؟؟
؟؟؟؟؟؟
الحاصل شنو بالضبط يااستاذ .. طمنا
| |
|
|
|
|
|
|
|
|
|
Re: اهــداء .. تلفون العالم حوّل .. محمد وردي .. (Re: Habib_bldo)
|
Quote: اتغمصي علي راحتك .. بس اديني معاك ..
عارفه انو في شوق ؟؟؟ |
تمبس انت فى التغمص والشوق ولا فى الدموع؟؟؟
انا بحب الاغنية دى بشكل؟؟ اخرجتها يا تمبس مع اربعه بنات حلوااات وفنانات لما كنت فى السودان وقدمناها فى التلفزيون..غناها لينا الملحن زاتو عباس عمر...لبستهم ازياء فرحانه ...ورسمت ليهم حركة تعبيرية افتكر انها كانت موفقه ...وقعدت مع مخرج التلفزيون اخرجها للتلفزيون شكرالله بالمناسبة ورسمنا حركة الكاميرا ....لمحة لمحة...طلعت جميلة والله
امنيتى فى الدنيا اشوفها تانى...
شكرا شكرا
| |
|
|
|
|
|
|
| |
tmbis
Raja
الجندرية
نصار
almulaomar
معتز تروتسكى
لؤى
عوض الله الفولانى
Tumadir
Rawia
mahdy alamin
إيمان أحمد
منذر نقدالله
Bushra Elfadil
Kostawi
ahmed haneen
sari_alail
ابو جهينة
معتصم ود الجمام
بلدى يا حبوب
Habib_bldo
فيس بوك
تويتر
انستقرام
يوتيوب
بنتيريست