|
|
|
 Re: أنا مأ شى البلد أعيد هناك.......... (يا خضر مادأير حاجه) (Re: محمد عبدالغنى سابل)
|
نهاراتك طيبة ياسابل
{الاسلاك ليها رافع، يوم اتصلت بعاصم فى السودان كنت ايضا مقصودا بهذا التواصل}
كنت دايرة اقول ليك زى ماقلت لعاصم، قلتو ليهو فتشوا معاى عن كلمات اقول ليكم بيها شكرا واعبر بيها عن فرحتى وسعادتى بيكم فى داك الصباح الجميل عند مدخل مطار الخرطوم,,,
عاصم مالقى لحدى حسع ما ارغب من كلمات,,
اها لو لقيت ليك كلمات هناك جيب لى معاك منثورة فى عيون الامهات ومبزوره فى معرض شلوخهن
بدل ماتجرى فيها الدموع تكبر فيها احلامكم..
انت
وخدر
وعاصم
وحبيباتكم الجميلات سلمى لى عليهن
وكل سنة وانتو طيبين وهن اكثر جمالا وتفاؤلا
| |
 
|
|
|
|
|
|
|
|
Re: أنا مأ شى البلد أعيد هناك.......... (يا خضر مادأير حاجه) (Re: Ishraga Mustafa)
|
Quote: نهاراتك طيبة ياسابل
{الاسلاك ليها رافع، يوم اتصلت بعاصم فى السودان كنت ايضا مقصودا بهذا التواصل}
|
الدكتور أشراقه
(1)
إنب انتظرتك في (درب الساسريب)
غنيتك في صحراء بيوضة
بحثت عنك في بحر السوباط
حلمتك في الخرطوم
على انغام السلم الخماسي تصنت وقع خطاك
(2)
فى حاله من السفهان ترج المكان
قمت باتصال مع شقيقتك الجميله الى حده بعيد
دون جدوى
عموما
الاولاد كيف
مشتاقين
(سرى للغايه)
ساحكى لكى عن البلدى
قريه صغيره جوأر النحس والقدر(فريق)
أو جماهيريا (كجبار)
وأول مره ساسافر بعد اللعنه التى
قتلت ابن خالى
الوحيد بين أبه وأمه
أصغر شهداء كجبار
محمد فقير
| |
|
|
|
|
|
|
|
|
|
Re: أنا مأ شى البلد أعيد هناك.......... (يا خضر مادأير حاجه) (Re: محمد عبدالغنى سابل)
|
Quote: يا سابل
دايرة حاجة
قراصة (كابيدة ) سته بوصة
ومعاها سمن بلدى
وتانى شنو ؟
تعرف تسالى الجرم ؟
برضو مشتاقة ليهو
ودقيق قمح اعمل منه قراصة ومعاها (ملوحة ) والبصل الكبار الابيض
امكن جيعانه
عشان البرد
وطبعا دى احلى اكلات البرد
كل سنه وانت طيب
كل يوم وانت بخير |
فى شى أساسى
سقط لطول المسافه
أو
عمدا
سلمى
ما
دأيره
(ْْْْْْْْْْْْْْْْْْْْْْْْْْْْْْْْْدًًًًٌٌٌٌٌٌٌُُُُُُُُكه)
تحياتى
| |
|
|
|
|
|
|
|
|
|
Re: أنا مأ شى البلد أعيد هناك.......... (يا خضر مادأير حاجه) (Re: محمد عبدالغنى سابل)
|
وبعد السلام والمحبة واللاذي منو
بلغ عن السلام لشهداؤنا الذين عبرو برصاص (آمنين)
بلغهم ياسابل بأن السنابل بدأت تنمو
بفضل دمائهم الطاهرة بلغهم ياسابل
بأن الأرض تشتهي خطواتهم الأنيقة
بلغهم بأن كجبار تعيش في ضياء خلفوه بأرواحهم الطاهرة
قول ليهم ياصاحبي
بأن أفاعي السحت
سيغورون عما قريب
وأشرب لي ما يكفيك من نيلنا الطاهر
ياخ حظك والله
| |
|
|
|
|
|
|
| |
Ishraga Mustafa
سلمى الشيخ سلامة
خضر حسين خليل
فيس بوك
تويتر
انستقرام
يوتيوب
بنتيريست