كتب الكاتب الفاتح جبرا المتوفرة بمعرض الدوحة
|
موافقـــة بـس العـرس بعـد الضـحية
|
نعجة عايزين يعرسوها لخروف ما عايزاهو، سألوها: رأيك شنو؟ قالت: موافقة بس العرس بعد الضحية..
*النكتة دي انا شخصيا عارفة انها بايخة و قديمة والرسلا لي في الموبايل _بمناسبة عيد الضحية_ قطع شك نسي مسألة الحمي النزفية الضاربة البلد اليومين ديل..يومين شنو؟! اقصد الشهور دي.. اهاياجماعة الخير انتهزت الفرصو وقلت احاول اقنع ابوي يوفر حق الضحية وما يكون هو الضحية زي كل سنة.. وقلت أألف ليهو قصة تكون نهايتا لسة واحاول امنطقوا ليو بحبة فتاوي دينية نصها حقيقي ونصها جديد لنج طلعوه بمناسبة الحمي النزفية.. لكن الحاج ستين يمين حالف يضبح ويضحي مهمن كانت الاسباب..
|
|
|
|
|
|
|
|
Re: موافقـــة بـس العـرس بعـد الضـحية (Re: صباح احمد)
|
الاخت صباح لحد الان ما عرفت موقف الشربوت شنو من الحمى دى
اها عاملين شربوت ولالا لالالالا
ياخى خلى يضبح بس تقلو الفحم
واستعملو
infection control standard واللة كريم .............................
برقية انحنا بنفتش فى حجز ما لاقين وبنشوف زول جاى نرسل المصاريف معاهو الخروف بقى بى كم السنة دى
| |
|
|
|
|
|
|
Re: موافقـــة بـس العـرس بعـد الضـحية (Re: عمر سعد)
|
كل سنة وانت طيب ياعمر..
Quote: اها عاملين شربوت ولالا لالالالا |
للاسف لا لكن عندنا جيرانا اهل جيران اهلهم قاعدين يسوهو وهم بشحدوا اهلهم يدوهم شوية من الشربوت الادوهو ليهم جيرانهم يدوهم من الشربوت الادوهو ليهم اهله وناس بيتنا كل سنة بيشحدوا منهم..فهمت حاجة؟؟ ولا انا شخصيا.. لا اشرب الشربوت وذلك لدواعي صحية متعلقة بالقرحة..
Quote: الخروف بقى بى كم السنة دى |
هو في زول قادر يقرب من سيد الخرفان عشان يسألوا الخروف بكم؟
| |
|
|
|
|
|
|
Re: موافقـــة بـس العـرس بعـد الضـحية (Re: صباح احمد)
|
جيران ناس ابوي اشتروا ليهم خروف كبيييير .. امس حمانا النوم.. بااااااااااع ..باااااااااااع..بااااااااااااع اولادهم سألوا بنات اختي : _ اشتريتوا خروف العيد ؟ واحدة من بنات اختي دايرة تكضب قالت ليهم *آآي قالوا ليها _ طيب ليه ماسامعين ليهو اي صوت ؟ بت اختي الكبيرة شيطانة كدة قالت ليهم: * مشغلنو هزاز .
| |
|
|
|
|
|
|
|