|
|
 وشوشة العشش...!!!
|
الي روح صديقي (بانكا) الذي مات مرتين..!!!
مدخل اول واخير
الكناف منتضف ليل بهيم...
وليلا يرخي سدوله علينا بانواع الهموم ليبتلي.والامطار تصارع الارض العطشانة وحشرات مضيئة تضي فضاء الظلام الدامس بفعل انقطاع الكهرباء لانحسار المياه عن خزان سنار وباخوس يواصل شخيره العربيد والندامي يودعون اخر الكاسات المترعة....
في ذلك الليل البهيم زار خيالي حلما وكما الكابوس...
نعم انه كابوس الرحيل (رحيل صديقي الجميل بانكا)....
________________________________________________________
العشش مرتعا للحياة
موقف صابرين للتكاسة المرحين المثقفين يحفظون الخرطوم عن ظهر قلب ويواكبون الاحداث الكروية احداث الهلال والمريخ ومباريات (حي العرب سوكرتا) ايام عزه في حضور كوبري وترتار والاهلي مدني في ايامات (صلاح بمبان عليه الرحمة) وجكن ....ثم احداث المشير (نميري) ومهدي مصطفي الهادي .....
خميس ابو مريومة وثعابين استوائية
وتعرفو في سبيل اللاهو
وفي كفايتو ... (ان جمي اييي تكراي)...اييييييييييييييييييييييي......
فكي حامد ذلك الفكي التاريخي الذي حفيت اقدام ولساتك القادمين من جوف المدينة
بحثا عن الوهم
عن الوظيفة
عن الزواج
عن الحبيب الغايب
عن الانتقام
عن......عن....عن اشياء عديدة فشل في ادراكها بعض البروجوزاية الصغار والاستقراطيون
وموظفات عصفت بهم اقدار البايركس...
|
|
 
|
|
|
|
|
|
|
|
Re: وشوشة العشش...!!! (Re: عبدالكريم الامين احمد)
|
فكي ابكر في خلوته الفقيرة يحفظ القران بعدة قرايات ويحفظ ايضا ابن كثير ويردد الايات بلغة عربية عجمي
بسم اللاهو الرهمن الرهيم
اعووذ بالله من الشيتان الرجيم
يدرس الاطفال الحليقي الراس بنشاط وحماس وجدية ياتون بملابس متسخة وكروش بعضهم ضخمة ويحملون
مديدة في عواميد بعضها ابيض اللون ثم عصيدة اغلب ملاحها هو (اللوبيا) والمرس....
شارع اخر تحتله (عواطف عفش) في منزلها الوريف المزين بلوحات من (قشرة) الفول السوداني ويظلله بخور نفاذ
يعبق الاجواء علي مدار اليوم ليضفي اجواء من الرعشة والدعاش للحاضرين علي (ولائم الجسد) في دقاتهم السريعة
التي لاتدوم الا لحظات لوجود الاثارة والمتعة والخبرة الميدانية للنساء الهاربات من المدينة ومدن اخري بفعل افاعيل مشابهة...
ثم منزل اخر في اطراف (الشيك) به به صفوف طويلة وسكاري يدافرون في احقية الوصول اولا الي القادمات الشديدات حديثا
من مرافي وهن جديدات اشيع بانهن يتمعتن بخاصية (الفرست ترب) وناهدات وصفن بانهن مولعات (نار منقد)....
بقالة (كازووم) ركنا وملتقي لشباب هزمتهم المدينة والفقر يترددون عليها وكازووم يبعهم (الكنبغا) العالية الجودة وارد الصعيد البعيد ....
كبنغة (كازووم) ليس حكرا علي فتيان الشيك المتمردين بل يهاجر اليها بعض الشبان من اطراف المدينة وعمقها ومن بعض اطراف المثلث الخرطومي (امدرمان وبحري)..وهي سيجارة ياتي بها كازووم الي متجره في عدة اشكال والوان
ملفوفة بكرت
ملفوفة بكرتين
غير ملفوفة ولك ان تمارس متعة اللف (واستعمال الاصابع لنظافتها عقب بصاق يرسل ببخل شديد)..
المساء يحتل الان المسرح مسرح العوالم الضاج في الشيك لنري القادمين من جوف المدينة...
هبسة افرغت شحنة تساليها بين المارة في السوق العربي وسوق ام درمان الكبير
وكلثومة اوجدت لفول(حاجاتها) مرسي ومبيع في نواحي بحري...
عشوشة وهوايية انهن جولات عملهن الشريف في سرايات نواحي العمارات والرياض والخرطوم 2 وعائدات بكل مرح
في مجموعات تترواح مابين 2 الي 3 يجمعهن النبل والشرف والمرح....
| |
|
|
|
|
|
|
|
|
|
Re: وشوشة العشش...!!! (Re: عبدالكريم الامين احمد)
|
ادم كرونة وعثمان (كلتش) وعمر منفلة عادوا في وقتا يبدو عليه التاخير الشديد فالامر يمتد عقب العمل الجاد في ردهات
المنطقة الصناعية الي مشاهدة مباريات دوري الليق وموازرة تتموج ما بين (ديم سلمان والبرنس)......
ثم تبداء جولات الذهاب الي سينما النيلين وقد تمتد الرحلة حتي تخوم (كلزيوم) ليعود السرب الي عشاوات الديم المعبقة
برائحة الفول والمصقع والطعمية والكثير من الجبنة الرهيبة عند حاجات وصفن في مكان اخر باطعم ايادي مرت علي العشوات السودانية..
واخريين لا عشاء لهم في هذه الميقات الا بعد مقارعة(ابوحمار) ولكن عليهم المرور الي ابكر (روثمن) صاحب اطعم كوراع
وبودرة الاقاشي الفتاكة لتكون لهم (مزة) وعشاء دسم في ليالي العشش الضاجة
| |
|
|
|
|
|
|
|
|
|
Re: وشوشة العشش...!!! (Re: عبد المنعم ابراهيم الحاج)
|
فى الشيك ياصديقى عالم عجيب وغريب واناس فى غاية البساطة ناس طاسة وادم وعيسى الدندريسة
شراب المريسة وكلتوم صاحبة اشهر فرش فى الشيك اى انها لا تبيع الشاى والقهوة وبس وانما
لديها فرشة يجلس عليها الزبائن ليتناولوا الباكمبا والكاريكا وهى اصناف من اكلات تفتقت
عنها عبقرية ناس الشيك
ادهشتنى ياكيكى وانت تحكى عن الشيك
نحن متخصصين بحكم العشرة والجيرة انت جبت الكلام ده من وين
ياسلام عليك ياكيكى معاك مان تومان 
| |
|
|
|
|
|
|
|
|
|
Re: وشوشة العشش...!!! (Re: عامر تيتاوى)
|
ادهشتنى ياكيكى وانت تحكى عن الشيك
نحن متخصصين بحكم العشرة والجيرة انت جبت الكلام ده من وين
ياسلام عليك ياكيكى معاك مان تومان
ياسلام يا تيتاوي والف مرحب
ومعا يا صديقي الي سيرة الشيك موطن الجمال والبساطة وملح الارض وارض صديقي الراحل بانكا...
الذي حطت رحالي بارض بيتهم الفقير الملي بسيرة العمل والعبادة ذات مساء بعيد يوم ان حضرت الي خرطومهم
تلك حليق الراس كل ما اعرفه عن معاني البساطة والمزازيك هي الحان فرقة (جاز الرجاف)
سكو جنني ايي ولا...تا تا تا..
ليقال لنا باننا علينا الان زيارة احد الاسر التي تربطنا معها صلات الدم
وفي ذلك المساء التقيت يصديقي الابدي بانكا موهوبا له عوالمه وجمال روحه ويدري كل (كيمياء الشيك)
فحلقت معه يا تيتا لزمنا طويلا وسط اناس لا يتتكررون ابدا...
ويلا يا تيتا معا الي الشيك وعوالمه الضاجة الضاجة حقا
| |
|
|
|
|
|
|
|
|
|
Re: وشوشة العشش...!!! (Re: عبدالكريم الامين احمد)
|
وسط كل هذا كان هنالك صديقي التاريخي المرحوم( ابراهيم بانكا) شعلة من الموهبة والذكاء الفطري في كل الاشياء ..كل الاشياء...
كهربجي عنيد تتامر باسمه الفيوزات والكوابل
ثم لاحقا الكتروني تخافه كل الاجهزة وتنصاع الي موهبته..
ميكانيكي بارع وسائق يغازل الحديد بمرح ومقدرة وحرفنة ليس لها مثيل...
لاعب كورة قدم بمواصفات عالية الموهبة.زيشابه في طريقة ادائه فطاحلة لاعبي كرة القدم السودانية ويفوقهم في الهدوء والحماس...
مشاجر مدهش وعالي الشجاعة وله (هووووك) قل ان يجود الزمان بمثلها وروسية مخيفة ومقدرة عالية علي الضرب من طرف او من عدة اطراف...
صبره العالي وصمته المطبق يغري الاخريين الفتك به ولك قمة الدهشة قد تلجمهم عندما يبداء (بانكا) في الانفجار فقد كان لا يرحم من صبر عليه كثيرا...
| |
|
|
|
|
|
|
|
|
|
Re: وشوشة العشش...!!! (Re: عبدالكريم الامين احمد)
|
وسامته البادية وهدوئه التاريخي جعلت منه عاشقا مرغوبا لدي الكثيرات من محبات (الاولاد اللقطة) وعلمن علي اغتنائه وجعله (بانكا سمكة الزينة) ولكن في كل المرات كان يهرب من براثين المريشات الباحاثات عن البودي قارد الذي هو (بتاع كلو)..
حبه الوحيد كان للتي هام بها وحلم بها كثيرا في لياليه وتزوج منها ليخلف ابنة ذات حسن وجمال بقيت مخلدة لسيرة صديقي الجميل (بانكا)...
هذا الحب التاريخي كان اقتلاعا من براثين اسود وكبار عتاولة العشق في (الشيك) وخيرة شبابه المريشين واصحاب المواهب المتععدة لعيبة كورة كبار وفنانين وعازفين للطرمبة بفرقة البوليس واصحاب نفوذ في السلك العسكري,,,
ولكن بانكا كان دوما هو بانكا الملهم العاشق النبيل...
الذي مات مرتين
| |
|
|
|
|
|
|
|
|
|
Re: وشوشة العشش...!!! (Re: Ishraga Mustafa)
|
| Quote: متابعة هذا الحكى البديع والمنحاز لانسانا المنسى فى عشش الساسة المكارين |
مرحب والف تحية يااشراقة
وحبابك في سيرة الناس الطاعمين ملح الارض اهل الشيييك
وسيرة صديقي البديع (بانكا) الذي رحل عنا في حادث اليم ساحكيه لاحقا
| |
|
|
|
|
|
|
|
|
|
Re: وشوشة العشش...!!! (Re: طارق جبريل)
|
Quote: يا باشمهندس كيفنك
زي ما قاليك الرائع تيتا
الكلام دة جبتو من وين ونحن جيران الناس السمحة دي |
هلا يا دكتور
وحباب ناس الامتداد اروع الناس واطعمهم
ويا طارق دائما هي الدنيا وبعض الحظوظ والخطاوي ترسل طريقك لمثل هولا الناس
جيرانكم الرائعين..
في ذلك المكان يشدك الناس بروحهم وبساطتهم الرائعة الي التغلغل في عوالمهم
وكن بالجوار يا طارق يحلو السفر والترحال صوب الشييك وعوالمه الضاجة
| |
|
|
|
|
|
|
|
|
|
Re: وشوشة العشش...!!! (Re: عبدالكريم الامين احمد)
|
خميس أبومريومه وعروضه الرائعه
كنا ننتظره بفارق الصبر ونحن طلاب
مدرسة النيل المتوسطة والتى تنتمى
الى ذلك المكان الشييييييك الجميل
عشنا ومازلنا نعيش هناك بحكم صلة القربى
بين الامتداد والشيك
أبناء الامتداد لهم زكريات جميلة من الزمن
الجميل ومغامرات يحيى قربه وصلاح جلودى ودالسهوه
وكل شفوت الامتداد
عبدالكريم لك الودأعرف عنك أيناتك الجميله
لكن الشيييييك عديل كده أنت دخلتنا عديل
وشايف اولاد الحله نطوا ليك الجميل طارق جبريل
والوريف عامر تيتاوى
| |
|
|
|
|
|
|
|
|
|
Re: وشوشة العشش...!!! (Re: عصام علي أحمد)
|
متابعين
وكمان عندنا انا ومحمد سيد احمد معاك شغلة صغيرة ،وهي كبيرة في مضمونها.
لم اجد لك ايميلا في بروفايلك والماسنجر غير موجود.
ذكرناك ثلاث مرات انا ومحمد سيد ا حمد بخصوص كتاب "مسار الاسراب" الذي تحدثت عنه في بوست:
كتابك السوداني المفضل
هذا هو ايميلي حتى ارسل ليك عنواني :
[email protected]
وايميل محمد موجود في ذلك البوست
خالص ا لمحبة
والتحيات لاحمد وطارق الذي قطع الطلة منذ زمن ،
لعل المانع خير
المشاء
| |
|
|
|
|
|
|
|
|
|
Re: وشوشة العشش...!!! (Re: osama elkhawad)
|
Quote: وكمان عندنا انا ومحمد سيد احمد معاك شغلة صغيرة ،وهي كبيرة في مضمونها.
لم اجد لك ايميلا في بروفايلك والماسنجر غير موجود.
ذكرناك ثلاث مرات انا ومحمد سيد ا حمد بخصوص كتاب "مسار الاسراب" الذي تحدثت عنه في بوست:
كتابك السوداني المفضل |
الف مرحب اخي العزيز اسامة
وكل الشكر والتقدير علي حضورك الجميل الي هذه الوشوشة التي تذهب باشواقها الي بقعة من بقاع
البسطاء والفقراء وملح الارض في بلادنا ذات يوم..
ومرحب ايضا بالاخ محمد سيد احمد وكل الترحيب
ويا اسامة ارسلت لك ايميل للمرة الثانية ويبدو ان الاول قد ضل الطريق في كراكير هذا الاسفير العجيب..
وفي انتظار عنوانك البريدي حتي ارسل لك كتاب (مسار الاسراب)
وهنا ايضا الايميل بتاعي
[email protected]
وعلي اهبة الاستعداد لكل شغلة من قبلكم فهي اوامر وتعليمات عليا
| |
|
|
|
|
|
|
|
|
|
Re: وشوشة العشش...!!! (Re: عصام علي أحمد)
|
Quote: أبناء الامتداد لهم زكريات جميلة من الزمن
الجميل ومغامرات يحيى قربه وصلاح جلودى ودالسهوه
وكل شفوت الامتداد
عبدالكريم لك الودأعرف عنك أيناتك الجميله
لكن الشيييييك عديل كده أنت دخلتنا عديل
وشايف اولاد الحله نطوا ليك الجميل طارق جبريل
والوريف عامر تيتاوى |
هلا يا عصام والف مرحب
وفعلا يبدو ان اهل الامتداد عشقهم خرافي ولهم من الزكريات والايام الخوالي في ردهات الشيك
وماشاء الله رمتنا الامتداد بافذاذها هنا في هذا البوست..
ولك ولاهل الامتداد كل الحب والتقدير
ولسع حنتونس عن الشيييك ولو لقينا (مساحة وزمن) احتمال ندهشك زيادة ونصل بالتضهب حتي
اخزخانة (بابكير في تخوم الامتداد)
وشكري يا عصام
| |
|
|
|
|
|
|
|
|
|
Re: وشوشة العشش...!!! (Re: osama elkhawad)
|
Quote: هنالك نية رحيل قريبا،فاحفظ لي نسختي،
حتى اوافيك بعنواني الجديد |
سلام يا اسامة
نسختك في الحفظ والصون وستكون في انتظارك ..
ويا اسامة في احتمال افاجئك واجيبها ليك انا عديل بيدي لو ربنا سهل ذلك في شهر يناير
وحتما ستكون فرصة جميلة ونادرة للقاء بكم في ارض كلفورنيا
| |
|
|
|
|
|
|
|
|
|
Re: وشوشة العشش...!!! (Re: عبدالكريم الامين احمد)
|
يوست رائع .. جميل .. سلس
وفوق كل ذلك ..
يقف عاليا وسط تلك البوستات الرياضية التي تتقاذفة يمنة ويسار
بوست اجمل من فوز الهلال ع المريخ
وارقي من تقبل المريخ للهزيمة بروح رياضية ..
سارجع لك عندما تخف هذة العاضفة الرياضية المفاجئة ..
لك الود
منعم
| |
|
|
|
|
|
|
|
|
|
Re: وشوشة العشش...!!! (Re: عبد المنعم سليمان)
|
| Quote: العاصفة الرياضية المفاجئة |
هلا يا منعم والف سلام
وحبابك يا فردة في سيرة روح صديقي بانكا ووشوشة العشش ارض الدهشة..
والعاصفة يا منعم اليتها عاصفة السرور والهنا
هلالنا عجيب ورهيب وسوي البدع
ومرحب بيك في كل الاوقات في وسط العواصف تحت الهجير وسط المطر
المهم مرورك الجميل يا وريف (ده طبعا طق خاص) علي قولة ماسا الراقي
| |
|
|
|
|
|
|
|
|
|
Re: وشوشة العشش...!!! (Re: بدر الدين الأمير)
|
Quote: عدت لزمنك الجميل وسردك الأخاذ
( ولو وشوش صوت الريح في البادية
يسبقنا الشوق قبل العينين) |
هلا والف سلام صديقي بدرالدين..
والا ليت ايامنا الاسفيرية تعود اني اذن لسعيدو
ومساحة وساحة يابدر نمارس فيها الترحال صوب الوطن تاريخه وامزجته وشخوصه الجميلين
ملح الارض...
ودوما في انتظارك يا بدرالدين
| |
|
|
|
|
|
|
|
|
|
Re: وشوشة العشش...!!! (Re: ALGARADABI)
|
| Quote: ريحة الاقاشي عاااادي نشمها في بيتنا |
هلا يا قرضابي والف سلام يا ناس الامتداد الرائعين
سرني تواجدكم الكثيف في هذه المساحة مما يعكس صدي الايام وذكريات وجدان كل منكم..
ورائحة الاقاشي يا قرضابي في ذلك الفضاء كانت تفوح وتفيض وتملي بلدة بمساحة العاصمة المثلثة
وحوافها..
وكل التحية والود
| |
|
|
|
|
|
|
|
|
|
Re: وشوشة العشش...!!! (Re: محمد سنى دفع الله)
|
هلا يا السني يا مدهش
صباحات الاماسي وسيرة امونة كابوسي تملا المكان وتدعش
انا قومو صباح من بكن تا جونقلي في كربعو
شجرة تا كنجي مورو في ساهة تا حي ملكال..
والجوقة وسيرة الكينغ
(شنووو اتكم دايرين شنوووو)
كينغ كربو بلد
كينغ كربو بلد
كينغ كربو بلد
كينغ كربو بلد
ودوما في انتظارك يا صديقي وفي انتظار العمل الذي يهز عرش المسرح
الكينغ =التمساح= لدقن التحت البوت
| |
|
|
|
|
|
|
|
|
|
Re: وشوشة العشش...!!! (Re: عبدالكريم الامين احمد)
|
تحياتى يا كيكى
متابعة لصيقة لكل كلامك الشيق
ومن دقة وصفك شمت ريحة السيجارة وعشاء ناس الديوم
بس سؤال برىء دقة وصفك دى تخلى الواحد يٍٍسأل
يعنى انت كنت زبون فى كل هذه الاماكن ولا شنو ؟
لانو كلامك دا كلام ( من رئا ليس من سمع )
وطبعا فى كل الاحوال كلام ممتع حتى النخاع
بالمناسبة غرقت ايضا استمتاعا فى بوست ( حواء رتينة )
اقعد بعافية
أحمد العمار
| |
|
|
|
|
|
|
|
|
|
Re: وشوشة العشش...!!! (Re: احمد العمار)
|
Quote: بس سؤال برىء دقة وصفك دى تخلى الواحد يٍٍسأل
يعنى انت كنت زبون فى كل هذه الاماكن ولا شنو ؟
لانو كلامك دا كلام ( من رئا ليس من سمع )
وطبعا فى كل الاحوال كلام ممتع حتى النخاع |
هلا احمد
والف شكر علي المرور هنا وفي رتينة
وكلام زبون ده (سدو بغصن) علي قولة اهلنا في دار دينقا
ولك مني كل الحب والتقدير
| |
|
|
|
|
|
|
| |
عبدالكريم الامين احمد
عامر تيتاوى
Ishraga Mustafa
طارق جبريل
عصام علي أحمد
osama elkhawad
عبد المنعم سليمان
بدر الدين الأمير
ALGARADABI
محمد سنى دفع الله
Mustafa Mahmoud
فيس بوك
تويتر
انستقرام
يوتيوب
بنتيريست