|
|
 ركـــــــــن الهـــــــلال
|
أكتب ،، عبر عن شعورك ،،، تغزل
قول أى شئ فى حب الهلال ،، صاحب المقام الرفيع سيد البلد
وما يهمـك يقولوا درويش ،، يقولوا مجنون ،،، يقولوا ما يقولوا
حب الهلال يعفيـك من كل شئ ،،، ويـا بخت من يحب الهلال
|
|
 
|
|
|
|
|
|
|
 Re: ركـــــــــن الهـــــــلال (Re: كمال مبارك)
|
سلام الهلال السوداني
محمد الحسن سالم حميد
الليلة دا يوم السودان
البلد الليلة هلالابى
النيل الأزرق نشوان
والأبيض أبيض ياأحبابى
يامشرّف كل الأتيام
فى يوم السعد الافريقى
يا مفرّح كبدالأيتام
باللعب البعد الموسيقى
يا هلال فى جبيرة سودانك
فى جبين الشعب الحبّوب
أبشر لاباشر وأقوانك
ياعريس السمر المحبوب
تعجبنى الرمية الزنجية
لى رأس الحربة النوبية
بى خفة لمسة بجاوية
تتسامى الهامة العربية
وتتناول نسمة صعيديّة
تسكن بى كلّ أريحيّة
ما بين الخصل البنيّة
وزغريدةتبق سودانية
لى أروع دخلة على النية
لى أروع دخلةهلالية
البحر الليلة هلالابى
المطر..
الحجر..
الترّابى
الشدر الشايل متكابى
الساقى عروقو الحطّابى
الشوقو عنقريب هبّابى
الشاقّى مروقوهلالابى
الوسّار ذوقوهلالابى
القمر البيتو قصاد بابى
حبيتو لانو هلالابى
وين تمشى الراضى على المابى
بالشمش الفوقوهلالابى
يا .. ليم يا الكورة وكت تبقى
أخلاق مو######## مع الخلقة
الغالب حاضنو المغلوب
بمودة وحنية ورقة
وجمهور بيشجع مصحوب
بالنغم الطيب والصفقة
الله ياشعب ياحبوب
ما أحلى الدخلة على المرقة
يا فريق بيطلع كم فرقة
يامارق بينا من الزنقة
وحدناشبعنا من الفرقة
جددنا عشان نبقى وتبقى
ياريت الطالقة المنطلقة
ياريت يا أبونا يا ابو الحرقة
لو تقرا بياضك والزرقة
من بوست سابق للأخ عمر التوم( له التجية)
ولك أخي كمال
| |
|
|
|
|
|
|
|
|
|
Re: ركـــــــــن الهـــــــلال (Re: كمال مبارك)
|
كنا مجموعه مهووسه ومجنونه بحب الهلال ،، بعمارة المحامين بامدرمان
نجمع شيرنغ ( الحله ) للغداء ،، بعد الساعه 12 نذهب الى منزل العزابه
بحى البوسطه أمام نادى التاج ،، قبل انتهاء حله الغداء ،، بتكون الوست
شغاله فو فى انتظار أحد ( الملونيين ) الحضور ،، الساعه 3 ونصف نذهب
الى الاستاذ الهلال او المريخ او الخرطوم ،،، وطوال هذة الفترة لم ندفع
حق التذاكر كامل ،، ما تقولوا لى كيف !!
بالمساطب الشعبيه نحتل الاماكن ،، ونبعد من ( السلك ) او ( الشبك ) اياك
والوقوف بجانب ( الشبك ) ،، المهم فى الموضوع ،،، كان الهلال فرحنا ،،
وما يهمنا ناتى الى امدر كدارى او ملح ،، مبسوطين فرحانيين ،، وليس فينا
من هو بكامل الهندام ،، القميص دايماً يعانى ويشتكى يوم المباراة ،، والله
القميص مظلوم فى كل الحالات ،، وبالرغم من ذلك لا يشتكى لانه كذلك كصاحبه
مسكون بحب الهلال ،،، ويا بخت من يحب الهلال
| |
|
|
|
|
|
|
| |
كمال مبارك
ALGARADABI
مزاحم الضوي
انعام عبد الحفيظ
فيس بوك
تويتر
انستقرام
يوتيوب
بنتيريست