|
|
 الكتابة على الطريقة الملاسية
|
تأسرني كتابات هذا الحسين ملاسي..
منذ أن بدأت أقرأ للرجل لم أجده تجاوز الـ 4 أسطر إلا في حالات نادرة
ومع ذلك ففيها من المضامين والأفكار ما يسع الـ 4 صفحات
فللرجل قدرة مذهلة على حشد التعابير واستدعاء المفردات الكفيلة بتوصيل الرسالة بدون عناء..
وفي 4 أسطر
----------------------------------------------------
أقصد الطريقة الملاسية في الكتابة وليس الفكر الملاسي الذي لا أختلف معه أحيانا
|
|
 
|
|
|
|
|
|
|
|
Re: الكتابة على الطريقة الملاسية (Re: Mohamed E. Seliaman)
|
الأخ الكريم محمد إي سليمان
مرحبا بك في ملاسيات..
| Quote: أظنك تقصد عدد الكلمات لا عدد الأسطر |
لم تجانب الصواب أبدا..
فالرجل أحيانا لا يتجاوز الـ 4 كلمات فعلا بما في ذلك الوجوه الضاحكة أو الغاضبة..
لكنها 4 كلمات كالإبر الصينية ذات الوخز الحاد الممزوج بالألم والنشوة.
-----------------------------
في بعض كتاباتك لا حظت نفس الأسلوب بحدة أكثر..
| |
|
|
|
|
|
|
|
|
|
Re: الكتابة على الطريقة الملاسية (Re: حيدر حسن ميرغني)
|
أسلوب ملاسي المختصر المفيد في الكتابة ..
وقدرته الفائقة في التدليل بقليل من المفردات على الكثير من الدلالات ..
يطرح سؤالا مشروعا عن أي السبل أوقع وأنفع لإيصال رسالة الكاتب..
هل العبره بطول المقال وعدد صفحاته أم بتوصيل الفكرة والتعبير عنها بأيسر ما يكون..؟
--------------------
التحية لملاسي أينما كان..
| |
|
|
|
|
|
|
|
|
|
Re: الكتابة على الطريقة الملاسية (Re: حيدر حسن ميرغني)
|
صديقي الجميل/ حيدر ميرغني
| Quote: اجمل حاجة لمن يتشبكوا هو والفردة كيكي |
كيكي هو أحد الأصدقاء الألداء للسيد/ ملاسي..
والوحيد الذي حتى اللحظة يخت ملاسي في علبه لمن يجي طلبه..
------------------------
but not any more .. فبينمها أوزندام..
حزين عليك أنا يا كيكي,,
| |
|
|
|
|
|
|
|
|
|
Re: الكتابة على الطريقة الملاسية (Re: fadlabi)
|
الفاضلابي مرحب بيك..
Quote: دي حقيقة
ما قل و دل
بالرغم من محاولات البعض للتبخيس |
أستعجب كثيرا للبعض الذي يقلل من الآخر لمجرد الإختلاف معه..
شئنا أم أبينا فإن ملاسي من الأقلام ذات النكهة الخاصة في المنبر..
-------------------
أصدقاء ملاسي الألداء سيكونون بالجوار قريبا..
| |
|
|
|
|
|
|
|
|
|
Re: الكتابة على الطريقة الملاسية (Re: Rawia)
|
راوية .. حبابك..
| Quote: بالمناسبة في برضو الاندراشة على الطريقة الملاسية |
العملتي إنت في ملاسي نجار في حشب ما سواه..
عاد تبقزا على ملاسي إنت وعاصم أبويكر سوا..
" حسين ملاسئ .. إنت إنسان غريب وعجيب "
لكن ده ما إندراش براهو ..
ده إنبراش عديييييييل يا رواية..
وأي إنبراش ذلك.. انبراشة العمر..
-------------------------------------------
وين صاحبتي رجاء .. ماسنجر ساكت يتفقدوها بيه مافي.. تحياتي ليهاأينما كانت
| |
|
|
|
|
|
|
|
|
|
Re: الكتابة على الطريقة الملاسية (Re: Elawad)
|
العوض .. حبابك في ملاسيات..
شكرا على إحقاق الحق..
فاختلافنا مع ملاسي ليس مدعاة لسلبه حقه والكف عن إنصافه..
----------------------------------------------
هسع زولك يجي طاير زي القدر يقول ليك أنا قلت ليك مظلوم ولا قلت ليك يا " روحي أنصفني "
| |
|
|
|
|
|
|
|
|
|
Re: الكتابة على الطريقة الملاسية (Re: محمد نور أحمد)
|
محمد نور سلامات
في مثل يمكن اجراء بعض التعديلات عليه ليواكب المرحلة...
المثل بقول
سفر خريف
واكل تفاتيف
ومشكار رجل لفيف كلو منو اقيف
فاخوانا ملاسي (راجل لفيف) ياااخي...
نعم له اسلوبه وحضوره الاسفيري ومتابع جيد للحراك السياسي والثقافي وحركة منتدي سودان فور اول
وكتابات الاستاذ كمال الجزولي ومحتوي مداخلاته مثال جيد للغة الجائعة
وخصم عنيد ومتمرس
يجب التعامل معه بحرص ويقظة عاليين
| |
|
|
|
|
|
|
|
|
 Re: الكتابة على الطريقة الملاسية (Re: عبدالكريم الامين احمد)
|
الجميل كيكي..
ازيك يا زول يا رائع..
| Quote: اخونا ملاسي (راجل لفيف) ياااخي... |
والله يا كيكي المنبر ده لو فيه ثلاثة بس في لفة ملاسي كان الحال ما ياهو..
يا اخي دي أجمل لفة تلاقيني .. كده اللفة ولا بلاش..
لفة ماااااااااااااا عينة لكن...مبالغة..
كان ما خائف الراجل يتفاسل كعادته كنت قلت ليه يلف منها لكل زول في المنبر ربع كيلو..
الا الهكرز طبعا .. دي حالات إستثنائية .. يلف ليهم بمعرفته..
| Quote: في مثل يمكن اجراء بعض التعديلات عليه ليواكب المرحلة... |
شفت التعديلات المن أجل مواكبة المرحلة دي يا ها المضيعانا ..
ما تكتر منها بالله يا كيكي ..
نصيحة من أخو بيعزك والله..
Quote: سفر خريف
واكل تفاتيف
ومشكار رجل لفيف كلو منو اقيف |
مثلك المهجن لزوم المرحلة ده بيشبه لي مثل دارفوري تاني لذيذ:
زرعا شاتو لي ..
وزاملة أقيفوا لي ..
ومرةً يمكن تلد لي ..
ده كلو نئ في نئ ..
Quote: نعم له اسلوبه وحضوره الاسفيري ومتابع جيد للحراك السياسي والثقافي وحركة منتدي سودان فور اول
وكتابات الاستاذ كمال الجزولي |
بس بس بس ...
قرض على كده بالله..
وتشكرات كثيرات على الحقانية والإنصاف والموضوعية..
| Quote: ومحتوي مداخلاته مثال جيد للغة الجائعة |
إلا ده شنو يا هندسة ..
ما كنا كيسين .. جيت خربتها تاني مالك؟
الكلام ده ليه أي علاقة بـ "الرجال الذين يصبغون شعورهم" و لا بـ "الهكر الهكرك إنت اتهكر حته حته" ؟؟
Quote: وخصم عنيد ومتمرس
يجب التعامل معه بحرص ويقظة عاليين |
والله بس ياهو ظااااااااااااطو..
النا بتدوره في الضلمه يحدر ليك..
انتظر اليجي ملاسي بلقاك هنا..
غايتو نصيحة مني: خليك ماسك سفنجات في يدك وعاضي طرف عراقيك..
| |
|
|
|
|
|
|
|
|
|
Re: الكتابة على الطريقة الملاسية (Re: محمد نور أحمد)
|
Quote: -------------------------------------------
وين صاحبتي رجاء .. ماسنجر ساكت يتفقدوها بيه مافي.. تحياتي ليهاأينما كانت |
العزيز محمد نور..
سلامات ومحبة
تسأل منك العافية يا ملك..
أنا قاااااعدة. بس كنت مزنوقة زنقة عدوك.. قول خير
* ملاسي إزيك..
| |
|
|
|
|
|
|
|
|
|
Re: الكتابة على الطريقة الملاسية (Re: Muhammad Elamin)
|
دكتور محمد الأمين ..
مشتاقون شديد .. و بركة بالشوفة ..
Quote: محمد نور
بوستك جميل ! |
ملاحظ إنك بتكتب على الطربقة الملاسية برضك..
البيميز مداخلاتك أنه ما فيها الوخز بالإبر الصينية..
-------------------
التحيات الزاكيات لأخينا الدود والذين آمنوا معه..
| |
|
|
|
|
|
|
|
|
|
Re: الكتابة على الطريقة الملاسية (Re: Raja)
|
حبابك يا رجاء
الشوق بحر..
إنشاءالله الجابك يجيب ملاسي
| Quote: أنا قاااااعدة. بس كنت مزنوقة زنقة عدوك.. قول خير |
الله يكون في عونك ..
حكمة اليوم ..
اليشوف زنقة الآخرين تهون عليه زنقته
| |
|
|
|
|
|
|
|
|
|
Re: الكتابة على الطريقة الملاسية (Re: الزوول)
|
الأخ الكريم الزول .. التحيات الطيبات الزاكيات ..
أثر عن سيدنا عمر بن الخطاب رضي الله عنه هذه المقولة:
من كثر ضحكه قلت هيبته..
ومن مزح استخف به..
ومن أكثر شيء عرف به..
ومن كثر كلامه كثر سقطه..
ومن كثر سقطه قل حياؤه..
ومن قل حياؤه قل ورعه..
ومن قل ورعه مات قلبه...
---------------------
التحية لملاسي على الأسلوب المتفرد..
| |
|
|
|
|
|
|
| |
محمد نور أحمد
fadlabi
Mohamed E. Seliaman
حيدر حسن ميرغني
Elawad
Rawia
عبدالكريم الامين احمد
Raja
Muhammad Elamin
الزوول
فيس بوك
تويتر
انستقرام
يوتيوب
بنتيريست