|
|
|
 Re: شكرا لاعبي المريخ اوفيتو.المركز الثاني شرف للسودان المافيه غيرك،اقدل من غيرك يعطي لهذا البل (Re: keiga2000)
|
كيجا
سلااااااااااام
اليوم نستطيع القول أن الفريق الذي لعب هو المريخ
ونقول ليحتذي الجميع بأخلاق لاعبي وجمهور المريخ
جمهور الصفوة كان يصفق للصفاقصي في الخرطوم
لاعبي المريخ صفقوا للجمهور التونسي في تونس
هذه هي مدرسة المريخ
وهذا هو الخلق الرياضي القويم .. بدون مراتب وتوابيت
الفريق يحتاج للقيل جداً من الدعم
بالكثير أربعة لاعبين في كل التسجيلات وننتظر بعدها البطولات
يجب ان يتم الاحلال والابدال برؤية فنية ودون تسرع
فريق وصل لنهائي الكونفدرالية يجب التعامل مع الشطب والتسجيل منه وإليه بحذر
غايتو لو إستغنوا عن باولينو تكون كارثة .. هذا اللاعب فلتة فلتة فلتة
القادم احلى
وخاب ظن المتعودييين الذين كانو ينتظرون الخمسة والستة
أكييييد في عالم نفسهم إنكتم مع جمهور تونس
المريخ عشق لا يقاوم
الفرق بين الصفوة وغيرها أنها تهوى فريقها في كل الظروف
| |
 
|
|
|
|
|
|
|
|
Re: شكرا لاعبي المريخ اوفيتو.المركز الثاني شرف للسودان المافيه غيرك،اقدل من غيرك يعطي لهذا البل (Re: hajhamad)
|
مبروك يامريخاب هذا النصر العظيم
فعلا مريخكم كان عظيم,,,
وقدر المسئولية,,
عجبونا وسرو بالنا,,,
ومبروك عليكم الفضية المحمولة جوا,,,
يعنى كدا كدا الوصافة ما مفارقاكم
| |
|
|
|
|
|
|
|
|
|
Re: شكرا لاعبي المريخ اوفيتو.المركز الثاني شرف للسودان المافيه غيرك،اقدل من غيرك يعطي لهذا البل (Re: ابراهيم محمد الحسن)
|
الاخوه الكرام
اثبت اولاد المريخ بالامس بان ما حدث فى الخرطوم كان كبوة الفارس
وان البرنامج المضغوط هو سبب الكارثه
فشكرا لهم فردا فردا فقد سكبوا العرق وحاولوا بشتى الطرق ان يعدلوا
الاوضاع ولكن الله غالب
ونهنئ مازدا على تجهيزهم وان كنا نعيب عليه بانه لعب براس حربه واحد
وهو الذى يبحث عن ثلاثه اهداف او النصر باى نتيجه لرد الاعتبار
واسمحوا لى بأن اهنئ بصوره خاصه البرازيلى باولينو الذى كان رمانة الوسط
وقيثارة الفريق بالامس وكما فى الليلة الظلماء يفتقد البدر
فلا ادرى ماذا سيكون الحال لو لعب ايفوسا بجانب باولينو يوم الامس
وهل كانت ستنتهى المباراه على ما انتهت عليه ؟
اما بهاء الدين فلا املك الا ان اقول له ( سامحك الله )
| |
|
|
|
|
|
|
|
|
|
Re: شكرا لاعبي المريخ اوفيتو.المركز الثاني شرف للسودان المافيه غيرك،اقدل من غيرك يعطي لهذا البل (Re: Rakoba)
|
والله يا اخوانا المريخ دا عظيم جدا والله
والعظمه لله طبعا
ياخ امس توشحوا بالفضه كثانى الكونفدراليه من بين كم وسبعين
فريق افريقى وجاء المريخ والصفاقصى كخلاصه
الصفاقصى فى رصيده بطوله والمريخ فى رصيده بطوله
واستطاع الصفاقصى ان يضيف البطوله الثانيه لسجله فى الكونفدراليه
وامام المريخ الفرصه لاضافة بطوله اخرى فى المواسم القادمه
وبعد دا كلو المريخاب مارضيانيين
طيب لو كان عندكم الصفر الكبير
او كنتوا متابطين صفرا دوليا كبير
كان سويتوا شنو ؟ 
| |
|
|
|
|
|
|
|
|
|
e: شكرا لاعبي المريخ اوفيتو.المركز الثاني شرف للسودان المافيه غيرك،اقدل من غيرك يعطي لهذا البلد (Re: السمؤال بدرالدين)
|
الاخوة المتداخلين
التحية لفتية المريخ الاشاوس
العزيز راكوبه
التحية لك وانت تتحفنا بروائعك التي تدل على مريختك الصارخة
ثابت محمد
فعلاً هو مريخ السودان والمريخ بها ثغرات اهمها الحراسة ولولا الحراسة لما ظفر الوصيف (الهلال) بكاس ممتاز كانو يسمعوا بيه سمع
الدكتور شهاب
معاك ازجي الشكر لكل من وقف مع الزعيم التحية لهم جمعيا ادارة لاعبين جمهورية ووصيفاب (ما اظن)
waw
فعلا الكل كان على قدر المسؤولية فقط عابهم قليل من سوء ختام الهجمات وهزيمة المريخ كانت في ربع ساعة الاولى من مباراة ام درمان هذه هي قاصمة الظهر وغير ذلك فالثلاثة اشواط الباقة لصالح المريخ
امير مصطفى احم
فعلا المريخ مدرسة يجمع الفن والاخلاق ودي المهمة والإنجازات كمان
حاج احمد
الشكر لكل من وقف مع زعيم البلد وسيده
ابوقوته
انها خسارة بطعم الانتصار بعد الاداء الطيب
والمريخ بطل الكاسات المحموله جوا
وصاحب الإنجازات الخارجية
وصاحب الانجازات الداخلية
وصاحب المتواليات الهندسية والعددية
وصاحب الاخلاق بعد دا شوف الوصيف (الهلال) وين من هذا كلو
ابراهيم محمد الحسن
لولا بهاء الدين ولو لا مشكلة الحراسة في المريخ لما سمع الوصيف الهلال بكاس الممتاز وراح في خبر كان
لكن قسمتنا والحمدلله
علي محمد علي بشير
معاك نزجي التحايا للابطال
حمزاوي
مسكاقمي
هذا هو المريخ بس بهاء الدين دا قالوا دنقلاوي من الحصاحيصا صحي الكلام دا
عادل عطية
فعلا مازدا عملة نادرة كلاعب والان في عالم التدريب مثقف متعلم مؤهل ذكي وربنا يحفظه وكيا للمابينا
العزيز السمؤال
والله فعلا لكن هذا حال الدنيا لولا وفيستر وبهاء الدين لكان الوصيف هسع في مشاكل ومصائب لكن مصائب قوم عند قوم فوائد
ابومصطفى
| |
|
|
|
|
|
|
|
|
|
Re: e: شكرا لاعبي المريخ اوفيتو.المركز الثاني شرف للسودان المافيه غيرك،اقدل من غيرك يعطي لهذا ا (Re: keiga2000)
|
هاردلك للمريخ وللصفوة فقدان الكأس المحمولة جوا
ومبروك الفوز بالمركز الثانى للبطولةالأفريقية والميداليات الفضية
وتشريف السودان فى نهائى عرس البطولة الذى راقبه وشاهده كل المهتمين برياضة كرة القدم فى العالم
وهكذا هو زعيم الكرة والرياضة السودانية بل قل زعيم السودان المريخ هو الأوحد فى تشريف إسم السودان
فى المحافل الدولية خاصة فى زمن الإحباط والتدهور الذى يعانى منه السودان فى كل المجالات
التحية والتقدير لجمهور وصحافة وإدارة وفريق الصفوة وهم يقدمون مثالا راقيا في الخلق الرياضى
وأن الرياضة نصرا وهزيمة و محبة وإخاء فنالوا إحترام وتقدير كل العالم
المريخ مازال ذلك الفريق العملاق الذى يتوهج معدنه النفيس لمعانا ويغالب تحديات لا يقدر عليها آى فريق سودانى
ليس لأن لاعبيه قادمين من كوكب المريخ ولكنهم تعودوا محليا و منذ عقود و مازالوا أن ينافسوا فى ظروف غير طبيعية
إستوجبت عليهم التغلب على عديمى الضمير من مافيا التحكيم والإتحاد ولجنه برمجته الظالمة
فأعتطهم قوة وميزة قهر الصعاب نفعتهم فى المعترك الدولى سواء يلعبون للمريخ أو الفريق القومى
وسيظل المريخ ثيرممتر الكرة السودانية تفوقه مؤشر لتقدم فى مستوى الكرة السودانية
وتغلبه علي معوقاتها المتمثلة فى أزمة الضمير
وتفوق غيره عليه يعنى إخفاق إدارته ولاعبيه فى حسم فاسدى الضمائر
الغافلون والفرحانون من مشجعين أو حديثى عهد بالرياضة وإدارين واهمون فى أنهم وفريقهم حقق إنجازا على المريخ
والعالمون ببواطن الأمور منهم يعلمون أن الإنجاز يتنازعه بعض الحكام وإدارى التحكيم والإتحاد ويعتزون به في سيرتهم الذاتية الغير معلنة
وستظل الكرة السودانية فى تخلفها إلا من إستثناءات معجزات الزعيم والتى لا تعبر عن الواقع المتخلف للكرة بالسودان
نادر الفضلى
| |
|
|
|
|
|
|
| |
keiga2000
Rakoba
ثابت محمد
شهاب الفاتح عثمان
امير مصطفى احمد
hajhamad
abuguta
ابراهيم محمد الحسن
على محمد على بشير
AdilAttia
السمؤال بدرالدين
نادر الفضلى
فيس بوك
تويتر
انستقرام
يوتيوب
بنتيريست