مرت الايام على رحيلك وكنت بلابل الدوح يا وهج شعاع كل الامة واحلام الطفولة.يانفس فجر القصائد كيف انساك بين كل الكلام المغطغط وفاضى واناشيد الزندقة وسحابات الهموم.وبرغم ذلك اديتنا احساس بالامل . وقفت براك بغناء العزلة ضد العزلةوهداك الحزن وما ضليت فى سكون الليل وكانت خطواتك فى نفوس كل الغلابة .لية غبت يا قمر وخلفت وراك الحزن والشجن الاليم والزمن الجاى من عجاج البحر كنت املنا الباقى تعلم الشفع الابتسامة ونشوة الريد .اه لو عادت بنا الايام ودقت اجراس العودة وطليت علينا من السحاب زى شعاع الشمس وتقول غنوات ونقراك مرة تانى صاح ما ريدك فينا باقى لحظات ندية.يا راحل فى كل الاغانى .اديتنا احساس بالامل للزمن الجاى وشفنا فى عينيك عشم باكر وعشقنا ابتسامتك فى شقى الايام والفصول الصابه الجغاف .وصبرنا على سحابات الهموم وفقنا الزمن الفلانى ماانت كل حاجة فيك طيبة وكان نفسى فى داخلك اعاين يا رحال .وين الكانوا قبلك ما انت ريدك فينا باقى .
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة