|
|
|
 Re: كدا عيب وغلط وشينة في حقك يا د . ياسر مبيوع يا فنان (Re: عبدالكريم الامين احمد)
|
Quote: مع اني متوقع انك عندك مفاجاة غنائية من العيار التقيل
وعمل جميل للرائع مبيوع الا انني للضمان وحسب تجربتنا معاك
بنحذرك وبنحذرك من ياسر مبيوع ده
ولو هبشتوا الليلة يطلعوك كرعينك من سودانيز اون لاين ده يا قريش |
بالله يا كي كي زول عندو أعمال جميلة حقتو
في اي سبب يخليهو يغني غنا الناس ؟؟؟
مش حاجة بتزعل ... وعيب وغلط وشينة كمان ؟؟؟
وبرضو دا ما الموضوع ... الموضوع أكبر من كدا
| |
 
|
|
|
|
|
|
|
|
Re: كدا عيب وغلط وشينة في حقك يا د . ياسر مبيوع يا فنان (Re: مبيوع)
|
Quote: مبسوط عشان حا تبقى لى سبب شهره
كان زعلناك متأسفين وامسحا لينا وشنا
وكان غلطنا فى حق الشعب السودانى تبقى مصيبه
مالو بوستيك دا عامل زى كور المريخ
كلو ما تفتح المنبر الحر تلقى فى قون جا
|
أنا ما بهظر يا ياسر
انت غلطت في حق نفسك أولا
وفي حق الناس الغنيت غناهم
| |
|
|
|
|
|
|
|
|
|
Re: كدا عيب وغلط وشينة في حقك يا د . ياسر مبيوع يا فنان (Re: مبيوع)
|
| Quote: كدى كمل كلامك يا معتز |
أولا غنيت غنا الناس ليه ؟؟
مالك ما عندك غنا حقك ولا ما واثق من غناك ؟
تانيا وكت غنيت حق الناس ... ليه ما ذكرت
حق المؤلف والملحن والمغني ؟؟
لو أنا ما سوداني على طول ح أفتكر إنو الغنا دا حقك ...
ودا أنا بعتبره سطو على حقوق الناس ..
تالتا ضيعت فرصة كان ممكن تسجل فيها أكبر كمية من غناك ..
يلا النشوف ردك ...
ولسة الموضوع ما خلص
| |
|
|
|
|
|
|
|
|
|
Re: كدا عيب وغلط وشينة في حقك يا د . ياسر مبيوع يا فنان (Re: عمر سعد)
|
Quote: مالك يا ود القريش على الراجل
كدى فى الاول نزل لينا الحلقة نسمعة لو صاح حبابو
لو خرمج نكبعو معاك اصلى ممغوص منو
شايل وينزل فى صى عكس الريح (انت ناسى نوم الفيلة ) اسلمة لى ود القريش اسع
اخليك تجينى جارى من ايوا اسع ههههههههههههههههههههههههههههههههههههههه |
إنت خلاص فضيت من الاجتماعات
وجاى تدورنى ؟
عكس الريح من شدة ماجميل
معتز دا كان شفتو هناك مابتعرفو
كعوبيتو دى بنساها وببقى زى الحمل
الوديع قبال ما تظهر الحمى الجديده ديك
| |
|
|
|
|
|
|
|
|
|
Re: كدا عيب وغلط وشينة في حقك يا د . ياسر مبيوع يا فنان (Re: عمر سعد)
|
العزيز عمر سعد
تحياتي واحتراماتي
| Quote: مالك يا ود القريش على الراجل |
الراجل براهو جابا لنفسو نسوي شنو ؟؟
زول فنان زي ياسر مبيوع يغني غنا الناس في الاذاعة
| Quote: كدى فى الاول نزل لينا الحلقة نسمعة لو صاح حبابو |
عملت بعض الاتصالات للحصول على الحلقة ... ولو حصلت عليها
ح أنشرا هنا ... منها نعمل ليهو دعاية ... ومنها نسلخو
Quote: شايل وينزل فى صى عكس الريح (انت ناسى نوم الفيلة ) اسلمة لى ود القريش اسع
اخليك تجينى جارى من ايوا اسع ههههههههههههههههههههههههههههههههههههههه |
خلي نوم الفيلة لو سلمتني نوم النمل بس بنجضو ليك 
| |
|
|
|
|
|
|
|
|
|
Re: كدا عيب وغلط وشينة في حقك يا د . ياسر مبيوع يا فنان (Re: معتز القريش)
|
شكرا يامعتز وانا عارف انو كلامك دا نابع
من حرصك على كفنان وشكرا برضو على ثناءك على
اعمالى الخاصه
اولا خلفيه عن الحلقه الاذاعيه دى ولا بد منها:
الحلقه كانت امتداد لما دار فى المقهى الثقافى
لمهرجان الدوحه فى الامسيه الثقافيه السودانيه
وكان هدفها التعريف بالادب والفن السودانى
وكان مقدم الحلقه الاذاعيه -الاستاذ نزار عابدين
وهو سورى الجنسيه- احد الحضور فى تلك الامسيه
وشارك فيها بابداء الرأى وعلى ما اذكر انه قال
بأنه قدم برنامجا عن الموسيقى العربيه فى اذاعة قطر
لسنوات طويله لم يتحدث فيه اطلاقا عن الفن السودانى
لأنه لا يعرف شيئا عنه
فى بداية الحلقه قدمنى على أننى فنان هاويا وليس محترفا
واننى من المهتمين بقضية الفن والتراث السودانى
وكان هذا ما أردته بالضبط وهو اظهار الفنان الهاوى
السودانى كمثقف وعارف بشئوون الفن والتراث
الحديث خلال الحلقه لم يسلط الضوء على شخصيا كفنان صاحب
تجربه متفرده ولم يغص فى تناول اعمالى الخاصه اللهم الا
سؤال عن عملية التلحين وكيف تتم وما تعريف اللحن
اذا كنت اذكر جيدا
اعمالى الخاصه لم تجاز حتى الآن و عرضها فى المنتديات
وجلسات الاستماع هو للاستئناس بآراء المتخصصين والمهتمين
والجمهور ولأرى موضع قدمى وسيأتى الوقت الذى تبث فيه
بشكل واسع
كما ذكرت مسبقا يامعتز فالحلقه كانت للتعريف بالفن السودانى
ولتفنيد آراء قطاع واسع من الاخوه العرب فى وجوب ان نتغنى بالسلم
السباعى وان لهجتنا كانت عائقا فى نشر الاغنيه
لم اغنى داخل الاستديو بل كانت الاغانى مسجله بالعود واعطيتها
لهم فى CD لأننى كنت مريضا وصوتى لم يكن صالحا للغناء فى تلك اللحظات
ويشهد على ذلك اخى عبد الله وداعه الشاعر وعضو المنبر لاننى غادرت
الى لندن فى اليوم التالى ووصلته وصوتى مبحوح
سجلنا الحلقه خام حوارفقط وتم عمل المونتاج فيما بعد
حتى الاغانى هم من اختاروها من ال CD
لم يخطر ببالى ابدا مسألة الحقوق فالاغانى مشهوره ومعروفه
للكبار والصغار وعلى فكره كنت قد التقيت بالاستاذ الكابلى
فى الشارقه واذن لى بغناء ضنين الوعد ان كانت قد بثت فى الحلقه
لم احصل على اجر مقابل تلك الحلقه الاذاعيه واتمنى ان اكون قد
ساهمت ولو بالقليل جدا فى التعريف بفننا السودانى الحديث
والتراثى لمختلف بقاع الوطن الحبيب
اعود واعتذر لكل اساتذتنا الاجلاء عن خطائى غير المقصود ابدا
فى تثبيت حقوقهم الفكريه والابداعيه
لعلهم ولعلكم تجدو لى العذر فيما حدث
وتقبلو فائق الاحترام والتقدير
| |
|
|
|
|
|
|
|
|
|
Re: كدا عيب وغلط وشينة في حقك يا د . ياسر مبيوع يا فنان (Re: مبيوع)
|
أخي ود القريش
تحياتي
أنت على حق
وكان عذر أ . ياسر مبيوع (مقنع) حتى الآن
ياسر لا يتعامل مع فن الغناء كمحترف فهو محترف مهنة (الطب) وهذا زاد من جماله وذوقه وفنه وهو فنان مقبول لدى الجميع ومحبوب .
بس أنا داخل هنا عشان أقول ليك يا ود القريش كان الأفضل أن تستقى منه الإجابة عن طريق الماسنجر فلو أقنعك رده فليس هنالك داع للبوست من الاساس وإن لم يقنعك (عداك العيب) في إشراكنا .
فهنالك وحسب تجربتي بعض البرامج التي يلعب فيها المونتاج دوراً كبيراً في إخفاء الكثير من المعلومات ، وأنا أرى أن تصرف الصديق الفنان مبيوع كان سليماً بالمشاركة عبر ال CD وهنالك الكثير من الزملاء الذين يشاركون وهم مرضى .
كل المعزة لكما
بس نحن في انتظار الباقي الجميل
عادل التجاني
الدوحة
على الهامش : مبيوع مشتاقين يا حلو
| |
|
|
|
|
|
|
|
|
|
Re: كدا عيب وغلط وشينة في حقك يا د . ياسر مبيوع يا فنان (Re: عادل التجانى)
|
عادل التجاني
صباح الخير
| Quote: بس أنا داخل هنا عشان أقول ليك يا ود القريش كان الأفضل أن تستقى منه الإجابة عن طريق الماسنجر فلو أقنعك رده فليس هنالك داع للبوست من الاساس وإن لم يقنعك (عداك العيب) في إشراكنا . |
يااخوي عووووووووووووووووووك انت من زمن الماسنجر ... بكري ابوبكر مالحقه امات طه وخلانا نتلفت زي مروحة الطربيزة .
حتي بوست عثمان دغيس مالاقيه .
جنس محن....!
تحياتي
هارون دياب
| |
|
|
|
|
|
|
|
|
|
Re: كدا عيب وغلط وشينة في حقك يا د . ياسر مبيوع يا فنان (Re: Ishraga Mustafa)
|
الاعزاء ود القريش
د ياسر مبيوع
لم استمع للحلقة الاذاعية التى تحدث عنهاود القريش
لكننى كنت حاضرا تلك الامسية الثقافية بالريتز ايام مهرجان الدوحة الثقافى
و فعلا كل الكلام الذى اشار اليه ياسر مبيوع صحيح ميه ميه و كانت هناك شبه محاكمة للفن السودانى و ما هى الاسباب فى عدم انتشار الاغنية السودانية و جرى حديث طويل حول هذه المسائل و فعلا كان الاذاعى المعروف نزار عابدين حاضرا و اذا ترجم الفنان ياسر مبيوع تلك التساؤلات الى واقع عملى فله الشكر و التقدير
و لك اخى معتز القريش فيما ذهبت اليه من حفظ حقوق الملكية الفكرية
تحياتى
| |
|
|
|
|
|
|
|
|
|
Re: كدا عيب وغلط وشينة في حقك يا د . ياسر مبيوع يا فنان (Re: معتز القريش)
|
ود القريش
مساء الخير
Quote: أولا غنيت غنا الناس ليه ؟؟
مالك ما عندك غنا حقك ولا ما واثق من غناك ؟ |
انت يااخوي الوكلك علي غناء الناس منوا ....؟ ماتكون استلمت الراية بتاعت المصنفات الفنية من التجاني حاج موسي .... بعد كسير التلج الكتير ايام الاسبوع الثقافي.
Quote: تانيا وكت غنيت حق الناس ... ليه ما ذكرت
حق المؤلف والملحن والمغني ؟؟ |
مابيذكره ولا حاجة وقلنا ليك زمااااااااان البغني احسن منوا اليجي يحاسبه .... الناس دي ماقاعده تفهم ولاشنو ياكيكي.....؟
Quote: لو أنا ما سوداني على طول ح أفتكر إنو الغنا دا حقك ...
ودا أنا بعتبره سطو على حقوق الناس .. |
سطو ... قال .... يااخوي ماتمشي تبلغ ....عندك نمرة البوليس ولا ارسله ليك في الماسنجر القفولوه ده .
وراجع ليك برضه .
تحياتي
هارون دياب
| |
|
|
|
|
|
|
| |
معتز القريش
عبدالكريم الامين احمد
مبيوع
عمر سعد
haroon diyab
عادل التجانى
Ishraga Mustafa
خالد محمد سليمان
Muna Khugali
فيس بوك
تويتر
انستقرام
يوتيوب
بنتيريست