من الذي ضلل معلق مباراة المريخ والرجاء

Quote: المريخ هو النادي الوحيد الذي فاز ببطولة الدوري دون خسارة او تعادل ..ووقف عند النقطة دي كتير

(عدل بواسطة abuguta on 11-18-2007, 12:00 PM)

Quote: ومع كل انحاز وهمى يذكره يدخل هدف الى ان تصل نصف دستة

Quote: خلجتونا ياطلحة حقائكم تطير والله خجلتونا ولسع الخلجة راكبين ليها طيارة ياخى خلو البتسوى فيه دا بكرة بجيك الشوالى,,سيد الفهم ويكررها سيد البلد والزعيم وصاحب الكاسات المحولة جوا ومع كل انحاز وهمى يذكره يدخل هدف الى ان تصل نصف دستة ياجماعة خجلتونا والله خجلونا مسحتو كل لمسة حلوة وسمعة جميلة سطرها الموج الازرق فى ديار ال بربر شكرا يادكتور ياسر

Quote: دا قبل ترباس يشرب واللا بعد شرب الموية يا ابقوتة

Quote: المعلق دا اصلو ماحاول يسأل انو ترتيب النادي دا في الدوري شنو...او ليه كل سنة بيلعب في الكونفدرالية مالو ؟؟؟ او كيف جابوهو يلعب في دوري ابطال العرب مع انو وصيف لخمس سنوات متتالية ودي بطولة الابطال بس ولا الكاش قلل النقاش وخلاهو يكتفي بالمعلومات الادوها ليهو او يمكن وعدوهوابوظيفة في قناة شروق

Quote: كونه وصيف لا يمنع مشاركته في البطولات الخارجية

Quote: ترباس قال مشيت اشرب جيت لقيت النتيجة 5/1 قال : سألت الارباب انتو قلبتوها كرة طائرة؟

Quote: عقد اجتماع مواجهة خطير بمقر بعثة المريخ بالدار البيضاء في اعقاب هزيمة الفريق امام الرجاء البيضاوي ووداع البطولة العربية حضر الاجتماع رئيس النادي جمال الوالي والدقير رئيس البعثة والجهاز الفني واللاعبين وقد تعاهد الجميع علي ضرورة تناسي الهزيمة وطالب الوالي لاعبي الفريق بمسح الصورة المهزوزة والظهور بمستوي مشرف امام الصفاقسي التونسي.

Quote: وطالب الوالي لاعبي الفريق بمسح الصورة المهزوزة والظهور بمستوي مشرف امام الصفاقسي التونسي

Quote: اعتقد اننا نحتاج الي تعامل محترف مع مثل هذه المعلومات ، فكثيرا من المعلومات كانت غير صحيحة ، يعني قال المريخ هو اكثر فريق اخد الدوري ؟ وانه صاحب الشعبية الاولي في السودان ... لن ادخل في ما يسمي بالزعيم او سيد البلد ،فهذا جدل بزنطي ولا داعي له اصلا... ولكن ان يتم تزوير حقايق فهذه مصيبة ...

Quote: في واحدة من اسوأ المباريات التي شهدتها البطولات العربيه منذ ان كانت تقام بنظام التجمع في مدينة واحدة وحتي اصبحت تسمي بدوري ابطال العرب انتصر الرجاء المغربي علي ملعبه امس الاول علي المريخ بثلاثة اهداف لهدف ! لم تكن للمباراة اي علاقة بكرة القدم سوى انها كانت تقام في بطولة تسمي دوري ابطال العرب لكرة القدم .. ولم ينجح اللاعبون في اثبات ان الذي جري امام المشاهدين كان له علاقة بالكرة ولكنهم نجحوا من خلال الكرة في اقناع المشاهدين بقدرة العرب علي حب بعضهم ! فقد كان لاعبو المريخ يسلمون لاعبي الرجاء الكرة بكل ود واريحية وكان لاعبو الرجاء يردون التحية بافضل منها .. حارس الرجاء يقدم هدفا مبكرا هدية لهجوم المريخ فيرد بهاء الدين بثلاث هدايا .. ومهاجم الرجاء ينفرد مرة ومرتين ويضيع الكرة فيرد طمبل باضاعة فرصة لا تضيع ولكن العجب يقول انا قائد الفريق فيضيع اكثر من فرصة وكأنه يعتذر عن الهدف الذي احرزه ! الرجاء يتراجع للدفاع .. المريخ يتراجع للدفاع .. الرجاء يخلو الوسط .. المريخ يخلو الوسط .. الرجاء يهاجم علي استحياء المريخ لا يهاجم اصلا ! مدافع الرجاء يسلم الكرة لمهاجم المريخ .. ابالو لا يسلم ولا يستلم ! منتهي الجدية !! وفي لحظة من اللحظات تذكر الجميع ان هذه المباراة يمكن ان تنتهي بدون مشاكل وبتوافق كبير وهو امر لا يتناسب والطبيعية العربية .. فكان ان حدثت مشكلة للتاكيد علي ان هناك عربا في الملعب وكرة قدم رغم ان سبب المشكلة كان استعمال اليد في صد الهدف ! واحتج لاعبو المريخ دون ان يعرف الحكم سببا للاحتجاج ف( قلق) بعد ان امسك الكرة بيده اتجه الي خارج الملعب بهدوء بينما احتج العجب بعنف ! ولكن الحكم الذكي رفض ان يطرده خارج الملعب !! لازم تكون موجود للنهاية يا عجب ! جابت ليها كورة طائرة كمان ؟! والغريب ان بهاء الدين حاول ابعاد الكرة باستعمال الرأس بينما ابعد قلق الكرة بيده ! في مشكلة عكسية في المريخ اليومين ديل ! طمبل بدل ما يمشي علي القون بمشي عكس القون وموسي الزومة بمرر وقت التصويب وبصوب وقت التمرير وبعكس وقت التهديف وبهدف وقت العكسة !! زكريا زكريا العكسية دي كيف !؟ ابالو طوالي بفتكر قون المريخ قون الرجاء ! واليجا .. نسيت اليجا .. معقولة تلعبوا كورة عكسية وتنسوا ملك العكسيات يا مازدا ؟! الوحيد الما شغال عكس هو امير دامر .. اي كورة وعلي ( الاوت ) طوالي اصلو ما بغلط !! ياخي ديل كترت ما بحبوا العكس حتي في التاريخ شغالين عكس ! احمد محمد الحسن الكاتب المريخي المعروف يقول اول لقاء بين الهلال والمريخ انتهي لصالح الهلال بهدف .. ناس المريخ يكلموا المذيع يقولوا ليهو اول لقاء بين الهلال والمريخ انتهي لصالح المريخ بهدفين ! احمد محمد الحسن يقول ثاني لقاء بين الهلال والمريخ انتهي بالتعادل .. ناس المريخ في المغرب يقولوا للمذيع اول لقاء فاز المريخ ! احمد محمد الحسن في كتابو عن تاريخ المريخ يقول مباراة سوق القش انتهت قبل موعدها بعد ان احتسب الحكم ضربة جزاء للهلال وتدخل رئيس المريخ لاول مرة في التاريخ ومنع ضربة الجزاء ناس المريخ الفي المغرب ديل يقولوا للمذيع اللقاء انتهي لصالح المريخ بهدفين لي هدف .. والبلنتي كيف ؟ كلم الناس ديل يا احمد .. والمذيع يشيل ويكذب .. مسكين ما عارف الناس بغشوا فيهو ! مجموع لقاءات الفريقين عبر التاريخ لصالح المريخ ؟ من وين جبتوا الكلام ده ! المريخ يفوز باول منافسة عام 1934 .. ومين قال كده ؟ التاريخ ما بكتبو كده .. والكلام ما بالسهولة دي .. العندو مصدر نرجع ليهو يقول لينا .. الما عندو مصدر لحدي كده وكفاية كذب .. يلا تعالوا للمصادر .. اول مباراة بين الهلال والمريخ انتهت بهدف للهلال ( راجع كتاب لاحمد محمد الحسن عن المريخ صدر في السبعينات ) احمد محمد الحسن مريخابي اصيل من الكوارتة ومن سكان حي العرب .. اما مقولة ان المريخ فاز باول منافسة علي مستوي السودان فهذا ايضا خطأ .. لان التنافس كان في المدن ولم يكن علي مستوي السودان في ذلك التاريخ .. بالنسبة لاتيام العاصمة فان اول منافسة في تاريخ الاتيام كانت في اغسطس عام 1934 .. وللتاكيد علي ما نقول نعيدكم الي صحيفة حضارة السودان الصادرة في الثاني من اغسطس والتي جاء فيها الاتي ( اهدي الشيخ احمد يس كاس فضي للجنة منع التسول للتباري عليه من اتيام الكرة في المدن الثلاث وسيقدم هذا الكاس للفريق الغالب من اتيام الكرة غدا بميدان كلية غردون ) ونواصل معكم لنوضح لكم المباراة النهائية التي جرت بين فريق الهلال والموردة حيث انتصرت الموردة وفازت في اول مباراة من نوعها في تاريخ الكرة في السودان او في الخرطوم والمصدر موجود .. .. تعالوا نقرأ صحيفة حضارة السودان الصادرة في السادس من اغسطس 1934 حيث جاء فيها الاتي ( جميل جدا ان تري الوطنيين اخذوا في تقدير الرياضة فها هو الوطني الغيور الشيخ احمد يس يتقدم باهداء كاس الي الاتيام المحلية تشجيعا للرياضة واعانة للمساكين وقد تباري في هذا الكاس يوم الجمعة الثالث من اغسطس فريقا الهلال والمودرة وكنت تري عصاري هذا اليوم الجموع المحتشدة وهي ميممة شطر الكلية لتري هذه المباراة الاولي من نوعها في هذا البلد ) لاحظ للكلمة الاخيرة الاولي من نوعها .. اي ان هذه اول مباراة تقدم فيها كاس للاتيام المحلية ( المصدر واضح ومؤكد وموجود في دار الوثائق ) اذا المريخ لم ينل اول كاس في اول منافسة !! هكذا نكتب التاريخ يا ابوبكر عابدين بتوضيح المصدر والتاريخ والايام وليس باطلاق العبارات الانشائية مثل ان المريخ في فترة الثلاثينات سيطر علي الكرة .. وسوف نعود معك وبالوثائق ونتمني ان تعود انت لتكتب لنا عن اول مباراة بين الهلال والمريخ والتي ذكرت بانها انتهت لصالح المريخ في سوق القش وانت تعلم جيدا ان هذا ليس صحيحا .!!