|
|
 معاً لترشيح أحمد الريّح لكتابة عمود ثابت في الصحف الرياضية..
|
منذ الصغر وانا متابع جيّد للصحافة الرياضية المتخصصة منها أو الملحقة في الصحف السياسية ..
قرأت للكثيرين سواء من أهل قبيلتي الزرقاء الأقلام الهلالية أو الأقلام الحمراء المريخية ..
أستمتع بكتابة البعض وأقرأ للبعض عن فضول وللبعض للتوثيق وللبعض للشماتة وللبعض للإستفادة ..
طيلة هذه الفترة والتي أعتبرها ليست بالقصيرة لم أجد من يشبع فضولي الرياضي مجتمعاً في عمود واحد فمن تجد عنده المعلومة تفتقد عنده التشويق ومن تجد عنده الإثارة تفتقد عنده الأمانة ومن تجد عنده الطرافة تفتقد عنده المعلومة وهكذا ..
كنت أخاف كتابات الراحل صلاح سعيد فهو كاتب كان مؤثراً بدرجة عجيبة في جمهور المريخ ويثير الرعب في جمهور الهلال ولكن كانت هناك بعض المبالغات في كتاباته ..
خالد عز الدين في الجانب الهلالي يجيد نرفزة المريخاب ويخيفهم بطول لسانه ..
عبده قابل طرح نفسه كموثق للحقائق وإن خابت في بعض الأحيان ..
ابو شنب يعتدل مرة ويشخصن المواضيع مرات ..
مأمون أبو شيبة يلبس ثوب الحكيم مرة وينزعه الاف المرات ..
رمضان احمد السيد يكتب بلسان المشجع مرة وبلسان الصحفي مرة ..
مزمل ابو القاسم يبيع الوهم الاف المرات ويصيب كبدة الحقيقة مرة ..
وهكذا بين إعلام الهلال وإعلام تضيع الحقيقة وتختفي ملامح الرياضة ونفتقد للفائدة والموضوعية ..
أحمد الريح وبكل صراحة وبدون تعصب أجد فيه هؤلاء الصحفيون مجتمعون ..
مثقف للحد البعيد يكتب بتأني لغته رصينة موثق من الدرجة الأولى وساخر للحد البعيد وموضوعي للحد الأبعد ..
لا أبالغ لو قلت أن أحمد الريح من وجهة نظري أعتبره الصحفي الراضي الأول في السودان ودون منازع وأتباع ما يكتبه أكثر من كتّاب الهلال والمريخ مجتمعون ..
أستمتع بكتابته ومعلوماته كمشجع بسيط وليس كصديق ربطتني بيه أيام الدراسة وإن طالت ..
أرشح أحمد الريح ليكون كاتباً صحفياً في صحفنا الرياضية يمتلك عموداً يومياً وانا متأكد وأراهن على نجاحه وفي أقل من شهر سيكون أحمد الريح هو الصحفي الرياضي الأول في السودان ..
اعلم شروط القيود الصحفية وقوانين تثبيت الأعمدة ولكن ربما توجد طريقة للتجاوز على الأقل في حالة كاتب مثل أحمد الريح ..
معاً لترشيح أحمد الريح ليكون كاتباً صحفياً وحتى لا أكون متعصباً فلن أقول كاتباً هلالياً بل كاتباً سودانياً خالصاً وانا متأكد سيعشقه المريخاب قبل الهلالاب ..
فعليه أناشد كل من لديه معارف على المستويات العليا في صحفنا الرياضية أن يرشح احمد الريح ليكون صاحب عمود يومي في الشأن الرياضي..
وعلى أحمد الريح أن يواصل ويجتهد في هذا المجال إضافة إلى أنه باش مهندس من خريجي جامعة الخرطوم وعلى مستوى أكاديمي عالي ..
فهل توافقوني الرأي؟
تخريمة :
بالله يا ابوحميد عمودك سمّيهو " مصارين الكضب "
|
|
 
|
|
|
|
|
|
|
|
Re: معاً لترشيح أحمد الريّح لكتابة عمود ثابت في الصحف الرياضية.. (Re: عمر الفاروق)
|
Quote: فعليه أناشد كل من لديه معارف على المستويات العليا في صحفنا الرياضية أن يرشح احمد الريح ليكون صاحب عمود يومي في الشأن الرياضي..
|
طبعا يا فاروق
لن يتم هذا الامر ولن اوقع شخصيا الا بعد ان تثبت براءة احمد الريح
من تهمة حرق معرض الكتاب المقدس اولا وبعدين نشوف
وخاصه اذا وافق المريخابى الاحمر دينق على هذا الامر
لكن تحت تحت كدا
انا اوافق وابصم بالعشره كمان
| |
|
|
|
|
|
|
|
|
 Re: معاً لترشيح أحمد الريّح لكتابة عمود ثابت في الصحف الرياضية.. (Re: على محمد على بشير)
|
Quote: أحمد الريح وبكل صراحة وبدون تعصب أجد فيه هؤلاء الصحفيون مجتمعون ..
مثقف للحد البعيد يكتب بتأني لغته رصينة موثق من الدرجة الأولى وساخر للحد البعيد وموضوعي للحد الأبعد ..
لا أبالغ لو قلت أن أحمد الريح من وجهة نظري أعتبره الصحفي الراضي الأول في السودان ودون منازع وأتباع ما يكتبه أكثر من كتّاب الهلال والمريخ مجتمعون |
..
إنت يا عمر قايلني سميتو البروف ليه ..؟
ما عشان الحاجات دي زاته ..
مسالة الكتباة دي اسهل منها مافيش .. اي واحد ممكن يكتب ويملى ليهو مليون صفحة .. لكن هل كل ما يتكتب بيستحق يتقري ..؟
البروف أحمد الريح لما يكتب في الرياضة .. يجبرك انك تقرا ليهو بي تحليلو المنطقي وحياديتو بالرغم من لونو الأزرق ..
البورد دا هنا البنشوف فيهم بيقولو صحفيين رياضيين .. وصحفيين شنو ما عارف وبيكتبو في جريدة شنو ما عارف .. والله فوقهم واحدين كدا يخجلو عديل .. والاخجل من كدا انا خايف انهم يكونو صحفيين جد .. جد بي قيدهم الصحفي وبي كل الاكسسوارات دي ..
يازول انا معاك في مشروع الدعم دا .. نرشح عمودو يكون جمب خشم باب ناس كبد الحقيقة مباشرة ...
بلاي ساعدنا معاك يا عمر في لغب البروف دا .. اصلو انا ما سميت لي اسم وقع واااطه ساكت..
| |
|
|
|
|
|
|
|
|
|
Re: معاً لترشيح أحمد الريّح لكتابة عمود ثابت في الصحف الرياضية.. (Re: عمر الفاروق)
|
احمد الريح
كاتب لا يشق له غبار
قدرة عالية علي تحليل المباريات والاحداث الرياضية
يمتلك كمية هائلةمن المعلومات تضعه جنبا لجنب مع عبده قابل
اسلوب كتابة بسيط ومباشر مصحوب بمعلومة وتوثيق دقيق
شجاعة شديدة في طرح اراءه والدفاع عنها ( وهذه ليست محمدة في زمن كتاب الاعمدة اللذين اصبحوا صحفيين بمحض الصدفة)
لكن يا ابو عمير
انت ذااااتك مالك
لا تقل عن احمد الريح باية حال
كلاكما صحفيين بالفطرة
فقط تنقصكما الواسطة
محبتي
| |
|
|
|
|
|
|
|
|
 Re: معاً لترشيح أحمد الريّح لكتابة عمود ثابت في الصحف الرياضية.. (Re: عمر الفاروق)
|
شكرا عمر الفاروق
فعلا أحمد الريح يستحق ذلك بل أكثر، ومن غريب الصدف اننى بدأت العمل الجاد فى مشروع لظهور صحيفة رياضيه مشتركه (سودانيه/ مصريه) تطبع فى مصر وتوزع فى السودان اسمها (احتراف) ان شاء الله يظهر اول عدد قبل لقاء الهلال مع المريخ القادم، وكنت اتأمل خيرا فى أن يقدم البعيو مردودا جيدا فى بطولة (الكونفدراليه) الحمام ميت، حتى يظهر اول عدد قبل المباراة النهائيه، اعنى العدد الأول الذى يتناول شانا سودانيا، فهى صحيفة موجوده اصلا فى السوق المصرى .. للاسف مبارة (البعيو) اصبحت تحصيل حاصل وأخشى من هزيمة كبيره تجعل الصحيفه تبرز فى وقت غير مناسب، لذلك تم اختيار التوقيت قبل لقاء الهلال بالمريخ فى نهاية الدورى الممتاز.
شكل الصحيفه الأسبوعيه (احتراف) ح يكون جميل للغايه ومطبوعه على ورق ناصع البياض ومن اجود انواع الورق.
والماده السودانيه من الخارج فى 4 صفحات ثم الماده المصريه من الداخل، والهدف من وراء ذلك تعريف القارئ المصرى بكرة القدم السودانيه خصوصا بعد ما قدمه الهلال من عطاء يشهد به الجميع.
والمهم فى الأمر فكرت فى باب ثابت تحت عنوان (صحافة الأنترنت) أستئذن فيها كتاب مثل سعادتكم والأخ أحمد الريح، لنقل ما تكتبون واذا كان هنالك كاتب من (البعيوات) ليس من المحسوبين على (الصحاف) لا نمانع فى مشاركته وربما سمى العمود باسم (تناقضات مزمل)، حتى نعرف القارئ الذى لا يعرف طريقا للأنترنت على كتاب فى مستوى عال وفى ذات الوقت على تناقضات (مزمل) وخداعه لجمهور (فرعنا) الذى نحبه ويحبنا.
مخارجه اولى:-
والله يا عمر شرفاء المريخ يخجلوننى، فكثير منهم نشات بينى وبينهم صداقه وأتصالات يقولون لى نحن مريخاب ونعلم انك تكتب ضدنا كلاما عنيفا، لكننا نقدر ما تكتب!!
الصدق يا عمر يقدر ويحترم مهما كان مخالفا للطرف الآخر.
مخارجه ثانيه:-
شفت كيف الأستغلال لعمل دعايه و(بكرى) ما يقدر يقول اى حاجه ؟؟
| |
|
|
|
|
|
|
|
|
|
Re: معاً لترشيح أحمد الريّح لكتابة عمود ثابت في الصحف الرياضية.. (Re: اساسي)
|
شكراً جزيلاً
للأخ / عمر الفاروق
و أحمد الريح أظن أن الصحف الرياضية عليها ، أن تسرع لإستقطابه لو كانوا يعلمون، و فى غير
هذا المجال لايقل سطوةً ...
(أعجبنى أنّه من محبى الأزرق الوهاج، و إلا شهدت له مع الحسرة )
أعرف أنّه لن يخيب ظنّننا فيه...
أمنياتى له بالتوفيق، و للجميع
________________________________
لو تمّ ذلك فعلى مزمل أبوالقاسم أن يمتطى ظهر سلحفاة !
| |
|
|
|
|
|
|
|
|
|
Re: معاً لترشيح أحمد الريّح لكتابة عمود ثابت في الصحف الرياضية.. (Re: عمر الفاروق)
|
... مشكورين كتير على الكلمات الطيبة، وفي الحقيقة أنا حاولت (كم مرة)،
مشيت ناس (قوون) قبل حوالي سنة ونصف شايل معاي (كم مقال كده)، كتر
خيرهم نشرو واحد وتاني ما سمعت منهم.
مشيت ناس المشاهد، وقابلت (عمنا) شجرابي وخالد عز الدين (قبل ما يمشي
الكابتن)، هم وعدوني خيراً وطالبوني بإمدادهم بما يتيسر "بين الفينة والفينة"،
لكن بكل صراحة لم أشعر -رغم حسن المقابلة والترحاب- بجدية طلبهم، وفتر
حماسي.
ميزة الكتابة في sudaneseonline عن الصحف الرياضية أن الكتابة فيها
تفاعلية، تجد من يحفزك على الاستمرار بتعقيبه عليك، فتشعر بأن الكلمات
كائن حي، هذا بالإضافة لأنها على طريقة الهواية، أقصد كتابة ليست ملزِمة،
ومعلوم أن لكل منا ظروف عمل وحياة تجعل مزاجه متقلباً ووقته المتاح
محسوباً بقدر.
العمود اليومي (المدنكل) يحتاج تفرغاً، أو هكذا أظن، مرات كتيرة أستغرب
عندما أقرأ مقالاً لأحدهم عن مباراة جرت قبل يوم واحد وانتهت حوالي العاشرة
مساءا، ومع ذلك يمكن للمتابع أن يقرأ هذا المقال عند السادسة من صباح
اليوم التالي! يعني 8 ساعات (فقط) للكتابة والمراجعة والطباعة، ويمكن
ده فيهو تفسير لإنو مقالات كتيرة بتكون فيها أخطاء لا تخطئها عين، أو
سطور لا هدف منها إلا إطالة المقال.
أخونا (رقم صفر) عندو ملاحظة إنو معظم الأعمدة بالصحف الرياضية تكون على
هيئة نقاط لا تجمعها -في معظم الأحوال- وحدة موضوعية، وأظن أن "الاستعجال"
عقب المباريات هو السبب، لمعرفة الكاتبين بأن القراء يحرصون على متابعة
ما يكتب مدحاً لفريقهم أو ذماً وشماتة في الفريق المنافس.
مقال واحد في الأسبوع كفاية جداً لكاتب هاوي، لأن الكتابة اليومية ستسقطه
بلا ريب في بحر التكرار والتقليدية. (الود خلاص تقول الجرايد جارية وراهو) 
وبعدين إنتو يا عمر الفاروق أمشو جيبو ليكم كاس وتعالو أكتبو عن الرياضة،
أنا ذاتي بستغرب إنكم بعد 77 سنة وصفر دولي كبير كيف يكون عندكم نفس
تكتبو؟!
قون واحد في مباراة نهائية ما قادرين تجيبو وتجي تقول لي عمود ثابت؟!
يا بتاعين زريبة العيش
| |
|
|
|
|
|
|
|
|
|
Re: معاً لترشيح أحمد الريّح لكتابة عمود ثابت في الصحف الرياضية.. (Re: Ahmed Alrayah)
|
Quote: وبعدين إنتو يا عمر الفاروق أمشو جيبو ليكم كاس وتعالو أكتبو عن الرياضة،
أنا ذاتي بستغرب إنكم بعد 77 سنة وصفر دولي كبير كيف يكون عندكم نفس
تكتبو؟!
قون واحد في مباراة نهائية ما قادرين تجيبو وتجي تقول لي عمود ثابت؟!
يا بتاعين زريبة العيش
|
ايوة ايوة ايواااااااااا
اتوقع ان تصلك,,رسائل من الصدى وقوم سمسارون يريدون تسجيلك,,خلاص اعمل ليك وكيل اعمال
عشان التفاوض,,,تعجبنى هذه الكلمة لانها فيها جلسة وقعدة شاى,,واجمل ما قيل فى التفاوض الوالى يفاوض الصفا قس التونسى,,فريق بحالو والله عافى ليه ابزرت
لكن ممكن يدوك الفريق وتانى يمشو الحوارى ويكونو فريق اخر ويجو يغلبوك بيهو
ود الريح لخصت جميع اعمدة المريخاب وصحفها ومريدها ومشجعيها على النت فى كلماتك الفوق دى,,,بجد تنجح صحفى,,,,
| |
|
|
|
|
|
|
|
|
|
Re: معاً لترشيح أحمد الريّح لكتابة عمود ثابت في الصحف الرياضية.. (Re: عمر الفاروق)
|
| Quote: عمود كهرباء ولا عمود مستشفى |
قال ليك عمود ثابت تقول ليهو عمود مستشفى؟!
غايتو المريخاب ديل!! (*)
أكسب ثواب في مصطفى ده وطلعو هلالابي، موش بيقولو الأب بيكون عاوز أولادو
يطلعو أحسن منو؟!
_____________________________
(*) يقال -والعهدة على الرواة- أن أحد "حيران" أحد مشايخ الطرق الصوفية
المعروفين قال له: في الباب امرأة مجنونة، فقال الشيخ باسماً:
دخّلو المريخابية دي
| |
|
|
|
|
|
|
|
|
|
Re: معاً لترشيح أحمد الريّح لكتابة عمود ثابت في الصحف الرياضية.. (Re: Ahmed Alrayah)
|
| Quote: قال ليك عمود ثابت تقول ليهو عمود مستشفى؟ |
عمود المستشفى دا بعد عمدانه بالجنبات وفوق وتحت
نتمنى ليك التوفيق ياخوي وتبقى للهلالاب زي مزمل ابوالقاسم للمريخاب وبالتوفيق
بس ماتنسى تكتب عن طريقة اللدغات المزمليه
وبعد داك ترجع السودان وتعمل ليك جريدة كدا (بدل عمود ثابت)
ونرفع من معنويات الهلالاب التعبانين 80 سنة ديل
ويارب النتيجة في الاخير كاس محمول دا
وهذه بمثابة تهنئة من مريخابي بمناسبة الترشيح دا
وعقبال ما تترشح للرئاسة قول امييييييييين
اما مصطفى براه من هسع غير الاحمر والاصفر ما قاعد يحب يلبس بعد دا لو اتحول هلالابي الا عاوز المرض لنفسو من صغرو
ابومصطفى
| |
|
|
|
|
|
|
|
|
|
Re: معاً لترشيح أحمد الريّح لكتابة عمود ثابت في الصحف الرياضية.. (Re: عمر الفاروق)
|
| Quote: يجبرك انك تقرا ليهو بي تحليلو المنطقي وحياديتو بالرغم من لونو الأزرق .. |
إنجليزي ده يا مرسي؟
أثني رغم أن أزرق ود الريح أحياناً يسيل على فقرات الحيادية بأعمدته. وآخرها معلوم لديكم يا تمبس
عندما تحدث ببعض القسوة عن مستوى لا عبي المريخ لمجرد أداء وسط في مباراة واحدة.
كدت أكتب أنك قمت بحملة شعواء على لاعبي المريخ لكن خفت القفة بتاعة بقجة القبائن الحايم بيها تمبس تقع لي في راسي.
تستاهل يا ود الريح وقد اثنيت عليك قبل ذلك الشيء الكثير كما تعلم.
نصيحة حبيب: خليك بنفسجي بتكسب أكتر لو داير تمشي كويس في المجال ده.
البنفسجي يتكون من خليط بين الاحمر والازرق وكليهما لون رئيسي كما تعلم ربما..
| |
|
|
|
|
|
|
|
|
|
Re: معاً لترشيح أحمد الريّح لكتابة عمود ثابت في الصحف الرياضية.. (Re: عمر الفاروق)
|
سلام يا شباب
لاحظت قبل فترة المهنية العالية البيكتب بيها أحمد الريح واستغربت عدم وجوده ضمن كتاب الأعمدة الرياضيين في الصحافة السودانية (زالت الحيرة بعد مراجعة مكان الإقامة في بروفايله)
الصحافيين الرياضيين عندنا هم مشجعين أكتر منهم نقاد ودا واحد من أكتر أسباب تخلف الرياضة عندنا
أتمنى أشوف أحمد الريح ضمن كتيبة تصحيح مسار الصحافة الرياضية عندنا وهو مؤهل لذلك
فقط عليه أن يوفق بين حبه للهلال ورسالته كناقد رياضي نعول عليه الارتقاء بالصحافة الرياضية اللي هي ركيزة أساسية في بناء النهضة الرياضية عموماً’ وإلا حا يبقى مزمل تاني في حقل الرياضة.
التحية للناقد الكبير أحمد الريح
| |
|
|
|
|
|
|
|
|
|
Re: معاً لترشيح أحمد الريّح لكتابة عمود ثابت في الصحف الرياضية.. (Re: عمر الفاروق)
|
سلام علي الجميع،
أخي الحبيب أحمد الريح (وفي رواية أخري: أخونا زمان) بالتأكيد يستاهل أكتر من عمود واحد!
أحمد الريح البعرفو من أكتر من ١٠ سنوات إنسان علي أعلي مستوي من الخلق والتهذيب. وكم كنت أستغرب من الذين كانوا يطلقون عليه أحكاماً مجحفة دون أن تكون لهم معرفة شخصيّة به ...
أحمد ده عيبو وااااااحد بس
وهو إنّو هلالابي .... 
| |
|
|
|
|
|
|
|
|
|
Re: معاً لترشيح أحمد الريّح لكتابة عمود ثابت في الصحف الرياضية.. (Re: عمر الفاروق)
|
..
| Quote: حاتم ولدنا وحبّ يناكف نظام التشبه بي مزمل يعتبر إهانة وربما نسي يديك الوش الضاحك .. |
تسلم يا عمر يا ذوق
وهذا بالفعل ما قصدته ..
ولم أنس الوجه الضاحك
ولكن وشوش بكري دي كتير جدا بتعصلج معاي ما عارف ليه ..
كيقا ذاتو بيكون عارف اني قاصد كده
بس صفعة الصفاقسي دي افقدتو التركيز كباقي ( الصفوة )
ولو عرفوا الراجيهم في مباريات الإياب
حيفضلوا يغنوا اليوم كلو( إنما الحاضر أحلى )
وحيبطلوا العصبية الزائدة دي ..
( برضو ما في وجوه )
..
| |
|
|
|
|
|
|
|
|
|
Re: معاً لترشيح أحمد الريّح لكتابة عمود ثابت في الصحف الرياضية.. (Re: kamalabas)
|
سلامات
وعوافي
لا اوافق ..
اطلاقا لا اوفق ..
ولن ارشح احمد الريح لكتابة عمود ثابت في اي صحيفة رياضية سودانية ..
لسبب واحد فقط ..
احمد الريح لايشبه صحافتنا الرياضية ..
صحافة الهرطقة والمهاترات والتكتلات ..
صحافة المية مراهق ..
لا احترام ولا اخلاق مهنة ولا مهنية حتى ..
كنت قد تحدثت مع الزميل والصحفي الرياضي "عامر تيتاوي" قبل فترة طويلة عن مهنية احمد الريح العالية جدا في التحليل وتحرره "في كثير من الاحوال" من التعصب الاعمى ..يضاف الي ذلك مقدرته الكبيرة علي توظيف الحقائق والمعلومات وتجسيدها في متن تحليلاته علي نحو يمتن ويقوي نظريته التي يرمي اليها في الختام ..
عليك فقط ان تتابع تغطيته لمشوار الهلال في البطولة الافريقية الاخيرة ..
شكرا الفاروق علي هذه الفكرة ...
ورايكم شنو نعمل صحيفة رياضية كلنا مع بعض نقوم بتمويلها
اقصد صحيفة رياضية يكون مقرها في السودان اول اهدافها *"السباحة عكس تيار الصحف الرياضية السودانية"..
*ان تكون بعيدة كل البعد عن المحاباة وكتابة الاعمدة "مدفوعة الاجر" ..
*ان لا تتبنى في مواضيعها "تحفيذ نادي بعينه" بقدر تبنيها للحيادية والحقيقة في مطلق احوالها
* ان لا تعتمد المؤامرات كا اسهل السبل للتشويق والتسويق ..
* ان تسهم وبشكل بالغ في دفع عجلة الرياضة السودانية وذلك بتقديم النقد البناء وطرح القضايا المسكوت عنها بموضوعية وصدق..
* وان..
* وان..
شكرا احمد الريح ..
شكرا فقط لوجودك بيننا ..
| |
|
|
|
|
|
|
|
|
|
Re: معاً لترشيح أحمد الريّح لكتابة عمود ثابت في الصحف الرياضية.. (Re: ودرملية)
|
احمد الريح هو لسه ماكاتب عمود؟
انا كنت قاليو كتب و انتهى.
لكن ، كويس الظاهر مستوى الصحافة السودانية منحط. و احمد رجل محترف وان هوى.
لذلك اقترح علية ويب سايت كارب. متخصص و برفشنال.
احمد ح يكون له شأن و ربما صحيفة هاردكوبي من ثنايا الويب سايت.
ما عارف اغفر ليك كيف؟ بعد ما نسيت الهلال و الوجع رجعتني تاني بكتابتك الانقية و اسلوبك الغربي المتطور.
قال شنو
الهلال x القلب
سمح يا احمد الريح
و هذا مع تحاياي للاخ عمر فاروق
| |
|
|
|
|
|
|
|
|
|
Re: معاً لترشيح أحمد الريّح لكتابة عمود ثابت في الصحف الرياضية.. (Re: ثروت سوار الدهب)
|
عارف ياعمر فاروق
كلنا -في سرنا- يقول ما قلته (لماذا لا يكتب ود الريح في الصحف السودانية؟) ,,,, ستجد الاجابة ان احمد الريح اكبر من الكتابة في الصحف الرياضية ، (يازول انا وابقوته ممكن نكتب في الصحف الرياضية) ... احمد كما قال اساسي يجب ان يكتب في الصحف الرصينة المهذبة التي تحترم قراءها .... الصحف الرياضية بشكلها الحالي لا تشرف من يكتب بها ....
يعني اتخيل احمد الريح (زميل ) لكل من :
مزمل ابوالقاسم
خالد عزالدين
الرشيد علي عمر
مأمون ابو شيبه
واسماعيل حسن (اتخيل الزول ده بعد مباراة الهلال والاهلي ، كتب في الصدي ان الهلال ضمن التأهل بنسبة 90%) صحفي بكتب بعمرك وعمري وعمر احمد الريح ... ولا يراجع ....
وابوشنب (اتخيل ،زميل ابوشنب )
لاحمد الريح عين فاحصة (ويبدو لي ان له ذاكرة فولاذية ) ، مشكلة احمد الريح -اذا قرر - الاحتراف في المجال الصحفي هي اين يكتب ، ما هي الصحيفة التي تناسبه؟ هذه هي المشكلة لان الاجابة هي (فاي)
عمر الفاروق
احد اصدقائي -ايام الجامعه - كان يقول لي (ان ثلاثة اربع السودانيين كـتابين) اي يجيدون فن التعبير ، والربع (الما بعرف يكتب ده ) هو الشغال صحفي ....
احمد الريح ، زميل لاحمد البلال (واااااسعه اوي ) .....
| |
|
|
|
|
|
|
|
|
|
Re: معاً لترشيح أحمد الريّح لكتابة عمود ثابت في الصحف الرياضية.. (Re: عمر الفاروق)
|
أخوانا وحبايبنا المتداخلين :
والله الواحد لو حاول يرد على أي واحد في صحن براهو البوست ده حا يصلجغلومية صفحة عشان كده الواحد يخليكم كلكم في صحن واحد
اجمل ما في البوست هو ولأول مرة يتفق جميع انواع الطيف الرياضي والسياسي على مبدأ وفكرة واحدة وهو ما لم نجده في أي بوست اخر..
احمد الريح يمتاز بسخرية عالية جداً في كتابته وفي كثير من الأحيان يرمي بكلمة صغيرة جداً في وسط الحديث تكون هذه الكلمة فحوى الموضوع وإيجازه ..
يعجبني في أحمد حتى إختياره لوضع الملاحظات في شكل (*) مما يذكرني بأستاذنا في الإبتدائي المرحوم ميرغني فكان في نهاية كل درس يكتب لنا (تذكّر أن..) وكانت هذه الكبسولة وحدها تغنينا عن باقي الدرس وكذلك احمد الريح ..
حتى على المستوى التنسيقي وإختيار الألوان لبعض الكلمات عند أحمد يكون له مدلول معين وهي قمة الإحترافية ..
أبصم على العشرة لو دخل أحمد الريح بوابة الصحافة الرياضية فسيكون الصحفي رقم واحد..
لكم التحية مجدداً
تخريمة :
غايتو يا ناس المنبر !!!
يعني الواحد ما يهظّر معاكم ؟
| |
|
|
|
|
|
|
|
|
|
Re: معاً لترشيح أحمد الريّح لكتابة عمود ثابت في الصحف الرياضية.. (Re: عمر الفاروق)
|
سلام يا عمر ..
عارف قبل فترة وأنا أتابع كتابات أحمد الريح وكثيراً ما أداخل معاه جاء في بالي انو أحمد يمكن أن يكتب في أي صحيفة رياضية ..
بس هي وينه الصحف دي يا عمر ..
فتشت لقيت كل الصحف ملونة بالأزرق والأحمر مجموعة بتاعت مطبلاتية وحارقي بخور ..
وزي ما قلت يقل الإقبال على صحفنا بإنتهاء لحظات الفرح ودي بتكون بعد كل مباراة داخلية كانت أو خارجية للأسف ..
المنبر هنا مساحة جميلة للكتابة ويمكنك أن تبدع فيها لذلك أدعو الأخ أحمد أن يواصل في ما بداه وأكيد سيجي اليوم الذي نراه فيه صاحب عمود أنيق في صحافة تشرفنا نحن الرياضيين ..
دي حالة من أمراض الصحافة الرياضية عندنا يوم الضحك العالمي أو إعلام الضلال ..
خالص المحبة ..
| |
|
|
|
|
|
|
|
|
|
Re: معاً لترشيح أحمد الريّح لكتابة عمود ثابت في الصحف الرياضية.. (Re: عمر الفاروق)
|
شكراً كثيراً لكل من كتب كلمة طيبة بحق ما أكتبه عن الرياضة عموماً والهلال خصوصا.
بالمناسبة، الانتماء الوجداني لفريق بعينه من المفترض أن يكون دافعاً
للكاتبين لتوخي الواقعية ونبذ المبالغات التي تسهم -غالباً- في تهيئة
المناخ لصدمات جماهيرية بعد النتائج السلبية!
يعني ببساطة شديدة: أحسن كتير أكتب إنو مهند الطاهر سلبي ويفتقر
للروح القتالية بدلاً عن الإسهاب في الكتابة عن قدرته الفائقة على التصويب
القوي، وأحسن كتير يخيّب (هو) ظني، بدل ما أخيّب (أنا) ظن القراء!
_________________________
| Quote: يعني الواحد ما يهظّر معاكم ؟ |
طيب يا عمر ياخي رجع للناس دي قروشا، وأدفع لي بدل معنويات.
| |
|
|
|
|
|
|
|
|
|
Re: معاً لترشيح أحمد الريّح لكتابة عمود ثابت في الصحف الرياضية.. (Re: Ahmed Alrayah)
|
Quote: حاتم ولدنا وحبّ يناكف نظام التشبه بي مزمل يعتبر إهانة وربما نسي يديك الوش الضاحك ..
|
ودالفاروق الزول دا طوالي ناطي لي في رقبتي
وكل مايحدث هنا ماهو الا مناكفات وعدم شغله مننا احيانا وفي الاخير حاتم دا منو وودالفاروق دا منو واحمد غير اخوان جمعني بيهم هذا البورد والناس ماتجري للوشوش القبيحة والاساءات زي زولكم المشهور داك وبعد شويه الواحد يطلق ليه تعبيرات واساءات لشخص هو اصلا ما يعرف عنه شئ
من خلال البوستات عرفت بعض الشخصيات الهلالبية التي تقبل الانتقادات والمناكفات بروح رياضية سمحة وبعضهم الذي يقابلك ويكوس ليك في البوستات عشان يسئ ليك فهذا ديدني الابتعاد لاني مابعرفوا عنو شئ عشان اسئ له وكلامه اعتبره كلام الطير في الباقير
في الاخير التحية لكم اخوتي الهلالاب وربنا يسعدكم بكاس خارجي كدا عشان تبقى دوليين بدل المحلية بتاعكم دا (لازم نلدغكم بعد الكلام الحلو) كل حلاوه بعدها...
وفي انتظار عمود احمد الريح ....
ولا اقول ليك خليها صحيفة احسن
ابومصطفى
| |
|
|
|
|
|
|
| |
عمر الفاروق
Hussein Mallasi
حيدر حسن ميرغني
على محمد على بشير
tmbis
omar altom
اساسي
عصام دهب
عبدالرحمن عزّاز
ملكة سبأ
Rawia
abuguta
Deng
keiga2000
محمد البشرى الخضر
Khalid Osman Jaafar
kamalabas
ودرملية
Mohamed Doudi
رقم صفر
معتصم دفع الله
waleed dawash
فيس بوك
تويتر
انستقرام
يوتيوب
بنتيريست