لدى قناعة تامة بان ان الباقان من اعتى كوادر الحركة الانفصاليين وان تسريله بقناع السودان ما هو الا كيموفلاج لاخفاء توجهه الانفصالى الذى يكاد يفضححه ولكنه سرعان ما يعود لتثبت القناع الى حين تمكنه من استغلال عشاق السودان الجديد من مريدى دكتور قرنق فى مساندته فى حسم القضايا المعلقة ومن ثم يخرج لهم لسانه الاحتياطى! لست بصدد اعلاه وانما استنادا لقناعتى بان الباقان لن يبذل اى جهد من جعل الوحدة جاذبة مع قناعاتى التامة بانه لن يألو جهدا فى جعلها طاردة شانه شان الكثيرين فى المعسكرين! التحدى الحقيقى هوا أن يجعل الجنوبا جاذبا لعدة قرابة الأربعة ملايين من اهل الجنوب يعيشون شمال الجنوب!! هذا التحدى الحقيقى! واسمعوا من اجابته: نحن لن نجبر من يختار ان يعيش فى الشمال على العودة الى الجنوب! وهو تفسير الماء بعد الجهد بالماء! جنى
11-06-2007, 06:10 PM
Deng
Deng
تاريخ التسجيل: 11-28-2002
مجموع المشاركات: 52569
يعني بعد المماراسات التي تمت ومازالت تتم بواسطة ساسة الشمال في تخريب الوحدة الوطنية, تقوم أنت تجي تتكلم عن باقان أموم الذي لم يكن حتى مولود عندما بداء التامر الشمالي ضد الجنوب. جني أنت ماشي في درب ما بتقدر تدافع عنه والتاريخ الحقيقي للسودان موجود وممكن نبتدي من البداية ونحدد المسئوليات التاريخية.
دينق.
11-06-2007, 06:51 PM
الطاهر ساتي
الطاهر ساتي
تاريخ التسجيل: 02-18-2006
مجموع المشاركات: 3227
باقان انفصالى ..؟؟؟ فى دى بالغت عديل ياجنى ده من المؤمنين جدا بمشروع السودان الجديد ياخى لدرجة انفصالي الشمال مسمين باقان ومعاهو قيادات ( اولاد قرنق ) بالعقل كدة تفتكر اولاد قرنق بيكونوا انفصاليين .؟؟ صدقنى البيسموهم اولاد قرنق ديل لو كانو انفصاليين كانو حيقدرو يقنعوا قرنق بانو يفصل الجنوب في نيفاشا بدون تقرير مصير ..!!
دى حاجة الحاجة التانية لو فرضنا انو باقان انفصالى او اى قيادى تانى حتى ولو سلفاكير اها الخطأ شنو ..؟ والمانع شنو بانو يكون انفصالى ..؟ مش من حقو انو يكون واحد من المقررين مصير الجنوب كمواطن جنوبي ..؟ نيفاشا ادتو الحق ده ، انت البيزعلك شنو ؟ جنى في حاجة انت لازم تفهما من حق اى مواطن جنوبي ان يطالب بالوحدة او الانفصال الوحدة وفق كل حقوق المواطنة او الانفصال ليحظى في بلده بكل حقوق المواطنة يعنى جوهر القضية هو حقوق المواطنة والوحدة او الانفصال فقط الية لاسترداد تلك الحقوق .. وانت ما تتوجس كتير بالالية وركز في جوهر القضية لو ركزت فيهو اولا مابتشيل هم للوحدة والانفصال ، تانيا بترجح كفة الوحدة بدون ماتحس مودتى
يا دينج اخوى ما فى وقت ترجع لى تاريخ ومرارات نحن ادناها باقى اربعة سنوات فقط وما يتم بين الطرفين يصب فى خانة الانفصال ويعمق الشرخ والمؤسف ان الحركة برغم تاريخها النضالى استجابت لاستفزاز اهل الانقاذ وصارت تلوح بالانفصال وكان الاجدى والاجدر ان تخاطب الاغلبية ! يا دينج انظر الى مرارات واحباطات التجمع الوطنى من تجاهل الحركة لهم وتعاملها مع التجمع الوطنى وكانه لا يمثل الا عضويته! الأربعة السنوات القادمة اذا مضت بهذا الاسلوب ما ذا تتوقعون! يا دينج اربعة سنوات لا تكفى وانت داير ترجع لى خمسين وسبعين سنة! انا ادرك تماما الظلم الواقع على الجنوب والذى لا ينكره الا مكابر ولكن تحميل الجيل الحالى المسئولية يضر ولا يفيد ! بل يعمق روح العداء والتى ستدفع الى خيار الانفصال! لو نظرت الى قفاز التحدى الذى القيته الى باقان لعرفت انه يمكن استثمار الاربعة ملايين ا الين يعيشون خارج الجنوب كسند للوحدة وليس الجأر والعياط من ظلامات الشريك والتى اساسا قصد بها استفذاذ الحركة الشعبية للانغلاق والانكفاء لتصبح جهوية اقليمية وربما دفعها الى المبادرة بالانفصال! تخيل لو ان الحركة طالبت امريكا برفع الحصار الاقتصادى عن السودان ككل باعتبار ان العقوبات تقع على الشعب ومن ضمنه 3 ملايين جنوبى فى الشمال وليس على المؤتمر بل ستدمر البنية التحتية والتى ستزيد الشعب افقارا بالله يادينج قل لى على من يؤثر فرض عقوبات على مشروع الجزيرة سينهار فقط ويفشل ويتم بيعه لاجانب كما حدث لسودانير والفنادق والمدابغ وكثير من المشاريع الاخرى! يا دينج بقيت اربعة سنوات فقط وهى التى يمكن ان يكون ما يحدث فى السودان هما مشترك وربما لا يتاح لنا الاثنين معا غير الندم على الانفصال فساعتها سيكون هو المتاح! جنى
11-06-2007, 10:47 PM
jini
jini
تاريخ التسجيل: 02-05-2002
مجموع المشاركات: 30720
Quote: باقان انفصالى ..؟؟؟ فى دى بالغت عديل ياجنى ده من المؤمنين جدا بمشروع السودان الجديد ياخى لدرجة انفصالي الشمال مسمين باقان ومعاهو قيادات ( اولاد قرنق ) بالعقل كدة تفتكر اولاد قرنق بيكونوا انفصاليين .؟؟ صدقنى البيسموهم اولاد قرنق ديل لو كانو انفصاليين كانو حيقدرو يقنعوا قرنق بانو يفصل الجنوب في نيفاشا بدون تقرير مصير ..!!
دى حاجة الحاجة التانية لو فرضنا انو باقان انفصالى او اى قيادى تانى حتى ولو سلفاكير اها الخطأ شنو ..؟ والمانع شنو بانو يكون انفصالى ..؟ مش من حقو انو يكون واحد من المقررين مصير الجنوب كمواطن جنوبي ..؟ نيفاشا ادتو الحق ده ، انت البيزعلك شنو ؟ جنى في حاجة انت لازم تفهما من حق اى مواطن جنوبي ان يطالب بالوحدة او الانفصال الوحدة وفق كل حقوق المواطنة او الانفصال ليحظى في بلده بكل حقوق المواطنة يعنى جوهر القضية هو حقوق المواطنة والوحدة او الانفصال فقط الية لاسترداد تلك الحقوق .. وانت ما تتوجس كتير بالالية وركز في جوهر القضية لو ركزت فيهو اولا مابتشيل هم للوحدة والانفصال ، تانيا بترجح كفة الوحدة بدون ماتحس مودتى
اجاباتى على دينج ضمنيا تحمل الرد على مداخلتك! طيب انا لو زعلت على انه يدوهو حق الانفصال دا موش حاجة ايجابية تفسر لصالحى يمكن يكون الأسؤا انه ازعل لو ما ادوهو حق الانفصال! انجلتر لم تعطى ايرلندا الحق واسبانيا لم تعطى للباسك الحق بل بتقلع سبتة ومليليلة اللاجغرافيا لا تاريخيا ما حقتها! تعرف يا الطاهر اتفاقية الميرغنى قرنق متقدمة على نيفاشا دى بى مليون سنة ضؤية ونيفاشا غربال كبير قبلناهو عشان قرنق لان الوحدة حتلغيهو تلقائيا! يمكن تكون الصورة وضحت ليك وعرفت نظرتى من ياتو زاوية! جنى
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة