|
|
 طير طير يا ( حمام )السلام ..
|
الجماعة مسكو في الشطر الميت وشبكونا سلفاكير وعلي عثمان يتعانقان ..
الوالي قال الكورة ما مشكلة المهم إنو المريخ طلع (حمامة) سلام ..
وصدق الوالي حين قال ..
نعم المريخ حمام وما أحلاه وما أطعمه من حمام وإن كان ميّتاً ..
وحمام الوادي يا راحل ..
وحم حم حم يا حمام ..شتّت ليك سُكّر ..
أنزل تعال يا حمام ..شتّت ليك سُكّر ..
نعم يوم الخميس تأكد لي بما لا يدع مجالاً للشك أن المريخ حمام ويا له من حمام ..
حمام لا يعرف معناه إلا من تذوّقه ويده مجبورة وهو يأتي من المرحومة بت بتي ..
حمام لا يعرف معناه ويستمتع به إلا القادم من جبص كمال وديع وما أدراك ما ريتشارد (قصدي الدكتور) ..
حمام محشي حمام مشوي حمام مسلوق حمام شوربة حمام السلام ..
وما أروع الحمام الزاجل ..
دي حمام قصتو براها ..
حمام يجيب ليك الخبر لحدّي عندك ..
حمام يجيب ليك رسالة من طرف الجنوب وجات أجمل رسايل ..
ويحكي رجاءو فيها وقال غالبنو قايل ..وقال غالبنو قايل ..
سبحان الله المريخ إرتبط لي بي القراية في الإبتدائي والمتوسطة وانا أرددت كلما شاهدت المريخ ينزل أرضية الملعب :
بيض (الحمائم) حسبهنّ ..
إني أردّد سجعهن ّ..
تش ترش هنّ .. بخ جلغ هنّ ..
سبحان الله القصيدة دي معقداني من زمان وما بقدر أحفظها لكن كل البعرفو إنها كلها بتنتهي بي هنّ وفيها (حمام) ..
المريخ وبعد ما عرف وضعه الحقيقي في الكورة يبدو إنو يحاول الدخول بقوة في السياسة ومزاحمة الهلال فيه بعد ما فشل في مزاحمته في الدوري الممتاز وفي كسر شوكة كرة شمال إفريقيا وعقدتها ..
المريخ الذي يزاحم الهلال حتى في الألقاب كالزعيم وسيد البلد نجده الان ينفرد بلقب لا اتوقع أن يزاحمه في فريق في الزمن القريب وهاهو المريخ يكسر القابه وتسمياته الواحد تلو الاخر ليضيف لقائمة الحمائم لقب حمامة السلام ..
وحمام السلام أفضل وأحب من الحمام الميّت وفي كلّ خير ..
وأذكريني يا حمااااااااااامة ..
كل ما (المغرب) ترنّم ..
وبالعودة إلى القفص عفواً (المباراة) نجد أن الحمامة عذراً (المريخ ) لم يخذلنا وهو يرسب في أول إختبار حقيقي ونقول إختبار لأن الإمتحان الإسبوع القادم وسيسلم فيه الحمام الورقة بيضاء ناصعة تسر الناظرين ..
شوارع العرضة جنوب كانت مفتوحة على الاخر ورجاء (المطلوقة) حايمة فيها يا كافي البلا لا راجل يقهرا ولا يكسر عينة ..
البت رجاء لافحة توبا وتردح في العرضة جنوب ردحي هو عاد ردحي نصاح وتهز في ضراعاتا ورجال العرضة جنوب كاسرين العين في الواطـــة وكلهم يطنطن " صحي والله " .."صدقتي" .. "ااي والله دي في" ..
رجاء الله يديها العافية من قولة تيت كشفت عن ساقها لي أخونا بهاء الدين "ملوص" وزولنا ما قصّر كالعادة وقال ليها أهلين رجّوية أبقي داخلة لي جوّة ..
المرة التانية والعهدة على الرواي شيخ أبالو اللي قال إنو سمع بهاء الدين ملوص بيقول ليهو يا ابالو يا ابالو النبي فوقك كان ما خلّيت الكورة لي رجاء ..
أحب رجاء وأمووووووووت في الجدّاوي ..
وأححححححححي انا من الحمام المشوي والحمام الميت وحمام السلام ..
نقاط حول المباراة :
* للمرة الرابعة على التوالي يحصل المريخ على ضربات جزاء وهمية داخل إستاد المريخ ..
وللمرة الرابعة على التوالي يطرد لاعب من الفريق الخصم في حالة لا تستدعي سوى البطاقة الصفراء...
*وللمرة الرابعة على التوالي يتفنن المريخ في إقناع حكّام الرايات خصوصاً الشرقية منها وهم يتفننون في رفع الرايات بدون سبب ..
* وليعلم الجميع أن الفرق بين ما حسبه الحكم للمريخ وما حسبه الحكم لدولفين هو فقط أربع دقائق..
* طمبل غادر إستاد المريخ لحظة إستبداله وشاقق شاقق بي جامعة الأحفاد لحدي ما دخل إستاد الهلال ..
* أتوفيستر عندو عيبين لازم يتخلص منهم بنطلونو الناصل طوالي ودنقيرو في الأرض وكأنه يلعب سيجا وليس كرة قدم ..
* في باقات موية جات طايرة بعد الهدف التاني ولا من شاف ولا من دري والعندو اللقطة يلحقنا بيها عشان نشوف حكاية الصفوة دي شنو ؟..
* جمهور المريخ حاول يدّعي المثالية بعد الهدف الأول وشجّع تشجيعة مصطنعة مدّتها دقيقة واحدة لا غير ليصمت الجميع حتى الدقيقة 92 ..
* فريق الرجاء عندو لاعب إسمو (زكريا) قالوا العجب جاهو وقال ليهو :
زكريا ..زكريا .. العجب كيف؟
تخريمة :
(رجاء) تسأل الشيخ (مزمل أبو القاسم) ما حكم المرأة التي تأتيها الدورة العربية (مرتين) في الشهر؟
ويا حمااااااااامة مع السلامة ..
|
|
 
|
|
|
|
|
|
|
|
Re: طير طير يا ( حمام )السلام .. (Re: عمر الفاروق)
|
الصورة من منتدى الهلال شكراً الأخ طارق ..
حم حم حم يا حمام ..شتّت ليك سُكّر ..
أنزل تعال يا حمام..شتّت ليك سُكّر ..
هااااااااا فوووووووووووق ..تمااااااااااااااااام ..حتتتتتتتتتتتتتتتتتتتتتتي ..
وأيويويويويويويويويويويويويويويويويوووووووووووويييييييييييي...
| |
|
|
|
|
|
|
|
|
|
Re: طير طير يا ( حمام )السلام .. (Re: عمر الفاروق)
|
Quote: غايتو في ناس حاقدة
للطيش |
قلت شنو ؟؟؟؟ رجاء مالا ؟؟ شنو شنو شنو ؟؟
هوووووووي يا السنّي (أسحن) لييييييييييك ..
هوووووووي يا السني سيب الختا واللخبتة ..
كلو إلا رجاء دي !!!!
أحب (رجا) وأموووووتي في (صفا)
تخريمة :
(قصي ) منع من ظهورها الثِقل والتعذر عشان كده كتبناها (صفا) بدل عن (صفاقصي)
وحفاظاً على القافية ..
حد جاب سيرة تونس؟
| |
|
|
|
|
|
|
|
|
|
Re: طير طير يا ( حمام )السلام .. (Re: osman abdala)
|
رجاء منو ؟؟
اها رجاء
عارف ياعمر
اخوها صعب خلاص
قام قاليها يارجا ماتطلعي
قامت طلعت مرتين
ورجعت فرحانة
ولا انت بتتكلم على رجا ياتها؟؟
رجا الأخوها صعب دي عارف اخوها خلاها ليه؟؟
لانو لقاها في طلعته دي عاملت ليها شارعين بي اسمها
عارفين اساميهوم؟؟
ولا ؟ لالالا؟؟
| |
|
|
|
|
|
|
|
|
|
Re: طير طير يا ( حمام )السلام .. (Re: عمر الفاروق)
|
بالعكس دي ما مهاترة دي مشاركة جميلة جداً في هذه الأجواء الإحتفالية وعندي صورة فيها كل بدلاء الهلال يرقصون العشرة بلدي وانا شخصياً رقصت العشرة بلدي في كل انحاء العرضة شمال يومها ..
ما شربش شاي أشرب كازوزة انا انا ..
| |
|
|
|
|
|
|
|
|
 Re: طير طير يا ( حمام )السلام .. (Re: عمر الفاروق)
|
يا عمر ..
إنت غلطان ..
مفترض تفتح ليك بوست كبير .. كبيرر جدا .. وتفتح في جواهو فولدر .. فولدددر كبير جدايللا بعداك:
تقوم تعمل فرش متاع .. وتخصص ليك (يومين) لي كل واحد .. (للقاعدين) هنا وللعاملين زايغين وناسيين الناس ..
إنت قايل التاعبني شنو:
تاعبني أبو حروف كبيرة (عبد الماجد)2 .. قاليك دا من يوم الكورة (طــار) بي وشو (فرررر) عديل كدا.. ( ما اصلو الحمام بيطير بي مهــل )
الصفر الدولى .................
والله الحمام المعانا هنا ديل لو كانو شوية كويسين والواحد فيهم بيحتفظ بي لسانو قبال المباراة ويجي يطولو .. والله ما كان الواحد شغال بيهم .. لكن بلاي من بداية القرعة شابكننا ح يسوو ليكم .. وح يعملو ليكم ..
والغايظني الجايين حسع يتكلمو ليك بي انو الوطن وشنو ما عارف .. ياخي ديل ما كانو بشوفو الكلام الفارغ البتكتب دا ..؟
اي نعم نحن اسياد البلد .. واي حاجة لكن كمان ما ممكن نكون انبياء بالشكل دا
خاصة ونحن ما سالنا زول .. ونحن بنملطش في الاهلي وفي الجن الأحمر بدل ما يجو يصفقو لينا .. أو على الاقل يسكتو ويطمو خشمم .. يجو تاني يوم يشبكوك .. الحكم قال شنو ما عارف .. وعمل شنو ..
Quote: هتفنا بأسمك للسودان ..
فأعذرنــا .. إذا يوما هتفنا ضدك ياسودان .. |
...يا هلال يا عظيم .. اعذرنــا فقد امتعتهم ..
عمـــر ..
بلاي (اتنين) حمام محشي بالفريك .. خلي الولد (يظبطم) كويس ..
| |
|
|
|
|
|
|
|
|
|
Re: طير طير يا ( حمام )السلام .. (Re: osman abdala)
|
حم يا حمام حم
وجر معاى النم
نحن ابطال السلام
مريخنا فوق الغمام
عمر شفت بوست ام درمانى هائل
لا يمكن الوصول لهذه البطولة حاليا(الرجاء) معاودة المحاولة لاحقا
عمر هنالك صهاينة لسع ما ظهرو
على مزمل
عبد الماجد اب كتابة كبيرة
لكن شايف حسن يوسف فاق من الصدمة
ورقص اغنية الحمام
| |
|
|
|
|
|
|
|
|
|
Re: طير طير يا ( حمام )السلام .. (Re: عمر الفاروق)
|
رجـــــــــــــــــــــــــــــــــــــــــــــــــأً
رجـــــــــــــــــــــــــــــــــــــــــــــــــــــــأ
بطلوا
مثل
هذه
المهاترات
Quote: عمر الفاروق
انتا ماعارف رجاء دى اهلها
اسود الاطلس
ديل يطلعوك بالسباعى
وينزلوك بالسروالى
اعمل حسابك
بلاى اتنين (ذو القعدة ) فى شوال |
رجــأُ
يا شباب
بطلوااااااااااااااا
مثل هذه المهتاترات من اجل الوطن فقط
فقط
فق.
ف..
..
.
| |
|
|
|
|
|
|
|
|
|
Re: طير طير يا ( حمام )السلام .. (Re: حمد فتح الرحمن)
|
قريبى حمد فتح الرحمن
لا اهاتر ولا اتهاتر
هذه مجرد مناكفات كروية عادية
والمريخ او الهلال ليس المنتخب الوطنى
ويبدو انك غير متابع لما كتب ويكتب
هنا منذ خروج الهلال
ثم ان ما ظننته تهاترا هو اسماء
حقيقية من الفريق المغربى
وليست من عندى
ياقريبى الظاهر عليك ما بتعرف الشرميطى
وكل عام وانت بخير
| |
|
|
|
|
|
|
|
|
|
Re: طير طير يا ( حمام )السلام .. (Re: عمر الفاروق)
|
تمبس باشا:
ياخ قبل كل شي رسلت لي رسالة صغمبروتية لي حي العمراب في الموردة لي أخونا غاندي رسالة بسيطة وأنيقة من ظووو وظيي.. فإذا بي أتفاجأ بي رسالة بضحك فيها لي إسبوع ..
صاحبك رسل لي رسالة (سبحان الله بي الإنجليزي يا مرسي) وقال لي فيها:
I would Like You To Forget This Mobile Number
ياخ المريخاب ديل حبابهم ياخ ..ممتعين للحد البعيد ..
بالنسبة لي ناس عبد الماجد عبد الماجد فانا أهدي كل عبد الماجد هدف ويحمد ربنا إنو ما كان إسمو عبد الماجد عبد الماجد عبد الماجد ..
مش زمان في منطقة إسمها أم صفقاً عراض ..؟
عبد الماجد حقو نسميهو أب خطّاً كبار
ونهدي هدف ذو(القعدة) للأهل في (قنّب) الحلاوين
| |
|
|
|
|
|
|
|
|
|
Re: طير طير يا ( حمام )السلام .. (Re: عمر الفاروق)
|
جريدة الصدي، عدد السبت 27 أكتوبر 2007
المريخ يـكـتـسـح الرجاء 2/2
* جمال الوالي: المريخ لعب مباراة كبيرة وأسهم في تذويب أزمة سياسية
* الوالي: انا في غاية السعادة لان اللاعبين استشعروا المسئولية أمام فريق قوي له سجل زاخر بالبطولات والالقاب
الخارجية وصاحب سمعة في افريقيا والوطن العربي ولكن رغم ذلك لعب المريخ بشراسة وقدم مباراة طيبة
* سفاري: لعبنا مباراة كبيرة أمام فريق كبير
* مدرب الرجاء: خشيت اللعب في مواجهة العجب ففاجأني ايفوسا
* المدير الإداري للرجاء: ايفوسا وسفاري الأميز.. المريخ يملك مدرباً عالمياً واجمل استاد
* امتدح الزرواتي لاعبي المريخ وقال: الفريق يضم نخبة متميزة من اللاعبين وذوي امكانيات ومهارات عالية تؤهلهم
للعب في الدوريات الكبيرة
* وقال ان هنالك العديد من اللاعبين الذين لفتوا نظره في صفوف المريخ وخصوصاً الثلاثي العجب وايفوسا وسفاري
* قال قائد الفريق وحارس مرماه خالد التهامي ان مباراة المريخ تعد هي الأصعب في تاريخ حياته الكروي ومشواره
الطويل مع المباريات الأفريقية ذلك ان المريخ فريق كبير ومحترم وصاحب صولات وجولات على المستويين العربي
والأفريقي
* رحب مهاجم الرجاء خالد السباعي صاحب الهدف الثاني وأحد ابرز نجوم المباراة بالاحتراف في صفوف المريخ وقال
انه يتمنى ان يتم ذلك على وجه السرعة ذاكراً انه لا يوجد ما يمنعه بالمريخ الذي يتمنى ان يلعب فيه اليوم قبل
الغد واشار إلى انه عرف من مدير الكرة برغبة المريخ في الحصول على خدماته وتمنى ان تكتمل الاجراءات بسرعة
حتى يلعب بجوار قائد المريخ فيصل العجب
* واستدرك السباعي بقوله: ما يدل على ان المريخ فريق كبير هو عدم استسلامه للنتيجة وعودته السريعة إلى اجواء
المباراة تمكن بعدها من احراز هدفي التعادل وهذا هو ديدن الفرق الكبيرة والتي لا تعرف اليأس والاستسلام حتى
آخر دقيقة
* عن زيارة انتر ميلان الإيطالي للسودان قال السباعي: طالعنا هذه المعلومة من خلال الصحف واستبعدناها ولكن بعد
ان تأكد لنا ذلك رسخت القناعات داخلنا بأن المريخ نادٍ كبير وزادت قناعتي بعد ان عرفت ان انتر ميلان سيحضر
بقيادة كامل نجومه بقيادة لويس فيغو وكريسبو وادريانو ومتراتزي وابرهيموفيتش وقال: اتمنى أن تكتمل اجراءات
انتقالي للمريخ قبل الانتقالات الشتوية لأحضر هذا اللقاء وأشارك مع المريخ امام الإنتر
* قال الفرنسي جان ايفسيه المدير الفني لفريق الرجاء المغربي انه توقع ان يجد معاناة كبيرة مع نجم المريخ الأشهر
وقائده فيصل العجب ولكن اللاعب لم يقدم المستوى المتوقع في حين كان النيجيري ايفوسا هو الأبرز على الاطلاق
في صفوف المريخ وأشار إلى ان فريقه وجد معاناة بالغة في السيطرة على تحركات هذا اللاعب والذي يتمتع بمهارة
عالية
___________________________
حسب كلام الصدى ده يا عمر؛ هل لعب المريخ أمام الرجاء المغربي أم أحد فرق رابطة أبوعنجة؟!
| |
|
|
|
|
|
|
| |
عمر الفاروق
محمد سنى دفع الله
osman abdala
tmbis
عامر تيتاوى
abuguta
عمران حسن صالح
waleed dawash
حمد فتح الرحمن
فيس بوك
تويتر
انستقرام
يوتيوب
بنتيريست