|
|
 بوست تكفيري يحمل فهم ذكوري متخلف { ملائكة تلعن الزوجات المرهقات }
|
بوسن نكفيري مضروب للأخ هجو الأقرع
وللأسف تناول الطعم والفرية من ظننا ان فيهم عقل
وبينهم عاقل
وحتى أختنا حواء
يا شباب
سؤال :
لو الزوجة هي التي طلبت وإعتذر أو تمنع الزوج
فهل ستلعنه الملائكة أيضآ ؟
ثم
هل لزامآ على الزوجة أن تستجيب حتى ولو لم تكن لها رغبة أو إستعداد ؟
وهل لو أدرك الزوج حالتها وعفاها ، برضو الملائكة ح تقوم بواجب لعنها ؟
أستطيع أن أجزم أن هجو الأقرع وكثير من تابعوه مزايدين ، أعطوا نسائهم ظهورهم في بعض الحالات
إما بسبب الإرهاق أو بسبب عدم الرغبة أو زعل كده سااا كت
ولا أتوقع أن تكون الملائكة قد لعنتهم يومها
وكذلك أستطيع أن أجزم أن 99% من الزوجات رفضن اداء الواجب الزوجي عندما تحول إلى واجب بايخ أو مرهق
دون أن تلعنهن الملائكة
وأجزم إنهن إستجابن عندما كانت لهن رغبة وأقبلن بحماس ومتعة
ولم تثيبهن الملائكة
ده فهم ذكوري متخلف للدين
|
|
 
|
|
|
|
|
|
|
|
Re: بوست تكفيري يحمل فهم ذكوري متخلف { ملائكة تلعن الزوجات المرهقات } (Re: أبو ساندرا)
|
أبجديات :
الممارسة بين الزوجين لاتتم إلا إذا كان لدى كل منهما الرغبة فيها
إذا كان هناك طرف غير راغب لأي سبب من الأسباب ، فإن ذلك من حقه ، وعلى الطرف الأخر إحترام ذلك
وإنتظار فرصة أخرى مؤاتية
الكلام ده بالنسبة للزوج تمامآ كما هو بالزوجة
حق الرفض والإعتذار مكفول لكليهما
لا أعتقد أن الرسول الكريم يمكن أن يصدر عنه مثل ذلك الظلم
ولا الدين المعلي للقيم العليا أظنه سيكون متحاملآ على النساء الزوجات
ويلزمهن بالقيام بأمر لايمكن أن يكون إلا إذا توفرت له شروط قيامه
لو أصلو في لعنة مفروض تكون لأي من الزوجين يرفض
وليس على الزوجة فقط
في إرهاب ذكوري متلفح بالدين في هذا المنبر
| |
|
|
|
|
|
|
|
|
|
Re: بوست تكفيري يحمل فهم ذكوري متخلف { ملائكة تلعن الزوجات المرهقات } (Re: أبو ساندرا)
|
| Quote: لكن مندهش لمداخلاتك التكفيرية في بوست الأقرع |
ليست تكفيرية
انا ادنت انسان يشتم الرسول الكريم
ولو انت إطلعت على ماكتبه هذا الشخص فى بوست سابق لادنته ايضا
سحب بكري لمداخلته وبسرعة فائقة دليل على قولي
زول شبه الرسول الكريم بالإنقاذ وإنه (ص) يثري من الدين ويحصل على 5%من غنائم الحروبات وفوق ذلك كله ذكر ان النبي (ص) نسخ الانجيل الى
القرأن بمعاونة ورقة بن نوفل والسيدة عائشة
انت لم تطلع على ذلك البوست ولذا لا تتهمنى بالتكفير
انا علماني عديل كده
بس مابهظر فى ديني
| |
|
|
|
|
|
|
|
|
|
Re: بوست تكفيري يحمل فهم ذكوري متخلف { ملائكة تلعن الزوجات المرهقات } (Re: أبو ساندرا)
|
آمين
وأشكرك من صميم قلبي على صالح الدعاء
وانا والله لا أسعى -في الآونة الأخيرة- ولا أطلب سوى مسامحة المولى الكريم وهدايته
صحيح لم أطالع كلام الشخص المعني
لكن طالعت بوست وركزت على الجزء الرئيسي فيه
وهو لعن الزوجات
وللأسف وجدتك متداخل هناك فإندهشت وحزنت
وكذلك الحال بالنسبة للأخ أحمد الأمين أحمد عشان عارف إنكم مستنيرين
قد تكونا مدفوعين بما فرأتموه للأخ هناك
لكني بعلق على جزئية محددة
ياريتكم لو إستثنيتوها من ردكم على المتطاول حسب زعمكم
بوست هجو الأقرع مكرس لتلك الجزئية التي أقف ضدها تمامآ
| |
|
|
|
|
|
|
|
|
|
Re: بوست تكفيري يحمل فهم ذكوري متخلف { ملائكة تلعن الزوجات المرهقات } (Re: احمد الامين احمد)
|
أحمد الأمين أحمد :
تمنينا نقابلك هناك ، لكن فعلآ الزحام كان شديد وكمان أصبت بزكام حاد
مازلت أعاني منه
تقبل الله منا ومنك
ثم
قلت:
| Quote: يبين الحالات التى تبيح للزوجه عدم تلبيه رغبه الزوج فى المعاشره متى شاء |
بالضبط ، هذا هو الفهم الصحيح
وأنا فاهم أن المسألة مضبوطة بحالة أساسية وهي غضب الزوج { إذا بات غضبان عليها }
وكمان بستبعد أن يقصد الزوج الغضب إضرارآ بزوجته ظانآ ان الغضب واللعنة قد حلت عليها
وأحاقت بها ، مثل ذلك الزوج سيء النية لن يكون لغضبه الأثر المرتجى
الزواج مساكنة وسكينة ورحمة ، تنتفي فيه تصفية الحسابات على ذلك النحو المخزي بين الأزواج
حكى لي صديق إنه رجع للبيت مخمورآ وطلب زوجته وعندما رفضت قال لها : ستلعنك الملائكة
قالت له : والله الملائكة ما ح تلعن غيرك
تلك المحادثة الفطنة كانت سبب في أن يعود لصديقنا عقله ورشده
وأعترف فيما بعد بأنه كان مؤذي جدآ بالروائح المنبعثة عنه وانه كان لها الحق كل الحق في الرفض
شفت يا شيخ أحمد أن البعض بيحاول يستغل الدين كيف ؟
| |
|
|
|
|
|
|
|
|
|
Re: بوست تكفيري يحمل فهم ذكوري متخلف { ملائكة تلعن الزوجات المرهقات } (Re: رأفت ميلاد)
|
ابو ساندرا
لك التحايا وكل عام وانت بخير
في البداية:
كيف يعني تكفيري اذا علمنا ان الاخ هجو بيعلق على رأي (محب) اللي هو اصلا ما مسلم؟
| Quote: وللأسف تناول الطعم والفرية من ظننا ان فيهم عقل |
المسألة ما اظن فيها اي طعم ولا فرية لأنه موضع الخلاف ((حديث صحيح))
محب بيقول انه ما بيؤمن بما جاء فيه والاخ هجو بيرد عليه فاين الطعم واين الفرية
Quote: هل لزامآ على الزوجة أن تستجيب حتى ولو لم تكن لها رغبة أو إستعداد ؟
وهل لو أدرك الزوج حالتها وعفاها ، برضو الملائكة ح تقوم بواجب لعنها ؟ |
الكلام دة الرد عليه فيما تحته خط هنا
(ايما امرأة باتت وزوجها غاضب عنهاباتت تلعنها الملائكة حتى تصبح)
(والذي نفسي بيده ما من رجل يدعو امرأته الى فراشه فتأبى عليه الا كان الذي في السماء ساخطا عليها حتى يرضى عنها)
يعني ممكن المرأة تشرح اسبابها فان كانت مقنعة للزوج
وقبل بها فمن اين يأتي الغضب الذي تترتب عليه اللعنة؟؟
وان لم يقبل فأي الضررين اخف
مجيئها بدون رغبة ولا احتمال لجوءه للحرام؟
Quote: لو الزوجة هي التي طلبت وإعتذر أو تمنع الزوج
فهل ستلعنه الملائكة أيضآ ؟ |
الرجل الرغبة الجنسية لديه اكثر من المرأة
والجنس من اولوياته
لذا كان للرجال (دون النساء) مشروعية الزواج باربعة.
عموما النظرة للموضوع على انه فهم ذكوري فيه هضم لحق المرأة
نظرة نابعة من عدم وضعنا للأمر في سياقه الصحيح
الاسلام كرم المرأة كل التكريم
وفي الموضوع دة بالذات الاسلام بيعطيها الحق في
الا يغيب زوجها عنها اكتر من اربعة اشهر
كفل ليها الحق في طلب الطلاق لتقصير منه في هذا الجانب
افرد ليها سورة كاملة في القرآن تكفل حقها في هذا الشأن (المجادلة)
اكتر من كدة قد يفضي النقاش في الموضوع دة لي مسألة القوامة وطاعة الزوج ..الخ
والغريبة نحن مسألة القوامة وطاعة الزوج دي باقين عليها عشرة (عمليا)
ورجالنا ما بيرضوا بغيرها
لكن مما نلقاها في (نص) بنزرقن ونعمل رايحين
والله اعلم
| Quote: دة فهم ذكوري متخلف للدين |
طيب اذا كان الكلام دة ورد في نص حديث صحيح
فما هو الفهم الغير ذكوري الغير متخلف لهذا الحديث؟؟
| |
|
|
|
|
|
|
|
|
|
Re: بوست تكفيري يحمل فهم ذكوري متخلف { ملائكة تلعن الزوجات المرهقات } (Re: Shayma)
|
التحية الحارة لأختي شيماء و هي (أنثى) أحسب أن عزتها وفهمها لدينها يحكم تصرفاتها ولا تبحث عن ضجيج ولا تختال بجعجعة وقد كتبت ما أردت كتابته وزادت..
وأضيف مقتبساً من مداخلة الأخ محمد الأمين
Quote: الاخ ابواساندرا تحيه ومبروك العمره ذكرت اك وجدتنى مع التكفيريين الجدد طيب اليك التوضيح...
الحديث الذى يقول فى معناه" من دعا امراته الى فراشه فرفضت لعنتها الملائكه حتى تصبح"" هذا الحديث صحيح وليس تكريس للذكوريه كما ذكرت انت لكنه غير مطلق فمثلا اذا تاملت كتاب عبدالرحمن الجزيرى الفقه على المذاهب الاربعه تجد يبين الحالات التى تبيح للزوجه عدم تلبيه رغبه الزوج فى المعاشره متى شاء ومنها الهزال الواضح او الارهاق الشديد او عذر شرعى بيوليوجى كالطمث علما ان الاسلام يسر والزواج تفاهم وليس اغتصاب المشكله فينا جميعا قراءه النصوص القرانيه او السنه المكتوبه ثم نظن اننا قادرين على تفسيرها " للتفسير رجال وللفقه كذلك " واحدى الاشياء التى وفرها لنا منبر بكرى ها هو كشف مدى جهل الكثير من رواده بالدين او ظن البعض انهم مثلما يتحدثون عن الفن والسياسه والكوره بامكانهم الحديث عن الدين واحكامه بذات السهوله وفى الحديث هذا من علامات الساعه ...
لست تكفيريا لكنى مسلم مستعد للموت دفاعا عن عقيدتى وعن النبى الامى محمد صلى الله عليه وسلم ...
دخلت بوست هجو بهذه الروح رغم اختلافى السياسى الواضح مع هجو وخطه لكن الرجل هنايدافع عن النبى صلى الله عليه وسلم لذا وجدتنى فى صفه وستجدنى فى صف اى مسلم يناصر النبى محمد صلى عليه وسلم حتى لو تم تصنيفى تكفيرى او ظلامى او طالبانى اواى صفه تخطر على بال مصنف وهذا شرف لى ...
|
ثبت الله أجر حواء وحيدر
..
أبوساندرا : كان الأولى أن تغضب لنبيك صلى الله عليه وسلم..
وأنتظر تفسيرك لحديث النبي صلى الله عليه وسلم المشار له في عنوان البوست
| |
|
|
|
|
|
|
|
|
|
Re: بوست تكفيري يحمل فهم ذكوري متخلف { ملائكة تلعن الزوجات المرهقات } (Re: رأفت ميلاد)
|
الاخ رافت
لك التحية وكل عام وانت بخير
| Quote: شيلونا من راسكم ياخى |
في الحقيقة يا اخي رأفت انا ما خاتة اي زول في راسي من اصلو عشان اشيله
بل العكس انا حريصة جدا على اني احافظ على احترام الآخرين هنا واحترام رايهم
لكن لما الموضوع يمس عقيدتنا بنعلق.. وبرضو مع احترام الآخرين
فما كتبت هو رايي في الموضوع غض النظر عمن ورد منه سواء محب او غيره
يعني هدفي هو مناقشة ما قيل في الحديث دون استقصاد شخص معين
اما اعتقادي ان محب غير مسلم فهذا ما استقيته من كلامه في البوست المحذوف
فعبارة زي
don't blame muslims but ask/blame the man who brought the teachings of Islam, they just follow
اللي وجهها للاخت تراجي واللي بتعني: لا تلومي المسلمين لكن اسالي/لومي الرجل الذي اتي بتعاليم الاسلام فهم مجرد تابعون
او عبارة زي
(اشفقت على نساء المسلمين من هذه الخرافة)
دي عبارات واضح منها انه قائلها لا ينتمي للاسلام بالاضافة لانه مداخلات البعض من بعدي اكدت لي فكرتي (دة كله في البوست المحذوف ولو كان موجود لتأكدت من كلامي والعبارتين الفوق ديل ليس نصا انما كتبتهم حسب ما اذكر واظنهم كانوا كذلك)
أما لو ثبت لي غير ذلك بخصوص محب فله عليّ حق الاعتذار
ارجو انه وجهة نظري تكون وصلت
وارجو ان يظل بيننا الاحترام والمودة التي بدأنا بها
ولك تقديري
| |
|
|
|
|
|
|
|
|
|
Re: بوست تكفيري يحمل فهم ذكوري متخلف { ملائكة تلعن الزوجات المرهقات } (Re: أبو ساندرا)
|
اما ان يكون ابوساندرا لا يعرف حجم الاساءة التى وجهت للاسلام ورسوله الكريم عليه افضل الصلاة والسلام ، او يكون جاهلا بحقوق المسلم تجاه ربه عند الاساءة لشرعة وتلك مصيبة عظيمة ، او يكون ابوساندر يكتب من منطلق اخر ، وهذا فى حق المولى شأن عظيم ، لقد سحب لى بكرى بوست اخر طالبت فيه بالطرد النهائى لهذا العضو ..... يا ابوساندرا اتق الله .... لقك كفانى الناس هنا مشقة الرد عليك . كدى يا يا ابوساندرا قول لينا رايك فى النص الشريف عشان نعرف نرد عليك ...... اذا كان البوست مضروب من وجهة نظرك ، فهو لله وغضبة من اجل ديننا وحبيبنا عليه الصلاة والسلام.
| |
|
|
|
|
|
|
|
|
|
Re: بوست تكفيري يحمل فهم ذكوري متخلف { ملائكة تلعن الزوجات المرهقات } (Re: هجو الأقرع)
|
يا ابوساندرا عاوزك تثبت اننى ركزت على لعن الزوجات ... حرام عليك انا اوردت ما كتبه الرجل كاملا ، وقلت فى الثانية ما زال هذا الرجل يسخر من دين الله .... لقد قال هذا الرجل يجب لوم المصطفى عليه السلام ،الذى اتى بهذا الحديث .... وقع ليك الكلام، يا اخى سبحان الله فى ناس كده ولله ما فى داعى. الظاهر يا ابو ساندرا كنت محتاج لترجمة ما كتب وإلا كيف مرت عليك هذه الاساءة.
| |
|
|
|
|
|
|
|
|
|
Re: بوست تكفيري يحمل فهم ذكوري متخلف { ملائكة تلعن الزوجات المرهقات } (Re: هجو الأقرع)
|
Quote: ارجو انه وجهة نظري تكون وصلت
وارجو ان يظل بيننا الاحترام والمودة التي بدأنا بها
ولك تقديري |
شيماء تظلى بتنا بت العرضة
وكلامى ليك من عشمى
نحن بربطنا وطن وعشرة أهل ما زى الجماعة الجو معلقين فى لورى وأعلنوا علينا الجهاد . ناس نقلوا واقعهم عندنا وفرضوه علينا .
وبعدين دى ما أول مرة . دى حاجة متكررة يتفتنوا فى بعض وبلا مؤسسية وبلا نقاش ويفكوها فينا نحن .
أنا قريت شرحك بغض النظر من الإقتناع به أو عدمه كلام منطق وحجج وفتح نقاش حضارى مؤسس . طبعآ وضعى قارى وليس لى ناقة ولا جمل لجلب رأى .
وبعدين أنت أكدتى صحة الحديث مما يدل أن النقاش إسلامى إسلامى ورجعتى هسة وقلتى
| Quote: دي عبارات واضح منها انه قائلها لا ينتمي للاسلام |
أما قولك
| Quote: بالاضافة لانه مداخلات البعض من بعدي اكدت لي فكرتي |
ده لب الحوار بينى بينك . ديل ياهم الناس الحاقدين زاتم يطلعوا من مواضيعهم ويقبلوا علينا . ناس اللوارى القلت ليك عليهم .
نحن يا شيماء إتربينا فى بيت ناس صبير والسمانى وناس الهدية .. الناس ديل شفناهم على كبر .
كل سنة وإنتى طيبة
والعفو والعافية
| |
|
|
|
|
|
|
|
|
|
Re: بوست تكفيري يحمل فهم ذكوري متخلف { ملائكة تلعن الزوجات المرهقات } (Re: رأفت ميلاد)
|
يا شيماء عشان أأكد ليك كلامى
أخونا نزار فتح ليه بوست سماهو لام أكول يعلن اسلامه فى يوم العيد
كتب فيهو
Quote: لام أكول يدخل الآسلام
ويحطم الأصنام
بعد أن كفر بكوكادام
وارتد عن اتفاقية السلام
هذا هو عنوان المؤتمر الصحفى
القادم لديناصورات "الحركةالاسلامية"
والذين اختزلوا الوطن فى احقادهم. |
طوالى نط ليهو ترهاقا وقال ليهو
Quote: لا ادرى ماذا تقصد بعلاقة كوكادام وتحطيم الاصنام والإرتداد عن إتفاقية السلام والاسلام ،
فليحتوى ن المؤتمر القادم ما يحتوى ، لكن ما تمرر علينا أجندة القبطة فى بلد الفرنجة ، انا احترم كل الاديان
فأرجو أن لا تتطاول على دينى بهذه الطريقة السمجة فمجموعة الانقاذ لا تمثلنى، وربما انت لا تمثل المسيحيين
لم يتطاول أحد على معتقداتك فى هذا المنبر بالرغم من إنهم بيشكلوا تقريبا 90 % فإذا عايز تتكلم فى السياسة
اهلا بيك ، عايز تستغل فرصة الموية العكرة لا والف لا ، مافى علاقة بين كوكادام والاسلام ولا السياسة الحايمة دى كلها
فلتختذل الطغمة الحاكمة ما تختذل ولكنهم لا يمثلون الاسلام .
!!!!!!!!!!!!!! |
عارفا ليه ? لأنو نزار البروفايل بتاعو سليمان أخوى
وطبعآ بالو راح على أنا
دى ما مشكلة . المشكلة لما إنتبه للخطأ والجماعة رجموهو قام كتب
Quote: حاولت أقلد الكيزان لكن برضو فشلت دييل ماركة مسجلة حتى ما بيتقلدوا،
قلت ياخى الناس يجوا داخلين يجزونى شوية لقيتم فتحوا لى |
ده ما برضو إستقصاد ??
| |
|
|
|
|
|
|
|
|
|
Re: بوست تكفيري يحمل فهم ذكوري متخلف { ملائكة تلعن الزوجات المرهقات } (Re: هجو الأقرع)
|
الاخ هجو
لك التحايا
Quote: اعتقد ان بعض الكلمات سقطت سهو فى : (أن) تطيعيه في إزالة شعر وجهك تجملا له، فقد لعن النبي النامصة والمتنمصة.
(أن) تطيعيه في ترك الخمار عند الخروج من البيت لأنه يحب أن يتباهى بجمالك أمام الناس،... وينبغى ان تسبق هذه الجمل (ان لا) . |
الكلام يعتمد على ما قبله
Quote: واحذري كل الحذر من الإفراط في الطاعة حتى تطيعيه في المعصية، فإنك إن فعلت كنت آثمة.
ومن ذلك مثلا: أن تطيعيه في إزالة شعر وجهك تجملا له، فقد لعن النبي النامصة والمتنمصة. |
| |
|
|
|
|
|
|
|
|
|
Re: بوست تكفيري يحمل فهم ذكوري متخلف { ملائكة تلعن الزوجات المرهقات } (Re: أبو ساندرا)
|
الاخ الكريم ابو ساندرا كل عام و انت بخير و عمرة مقبولة انشاء الله
لا اظن ان بوست الاخ هجو الاقرع كان تكفيرى و لكنه تصرف طبيعى لاى مسلم غيور على دينه و نبيه الكريم
مداخلتى كانت بدافع الغضب الشديد اللذى تملكنى عندما قرات مداخلة المدعو محب اللذى يشفق علينا من
ظلم الخرافةو قال ماقاله على اشرف الخلق اجمعين - تفتكر شخص يشبه الاسلام بالخرافة هل من الممكن ان تمر على كلامو مرور الكرام دون ان تحرك ساكنا لا بل بالعكس انااظن انو السكوت على كلامو ده فى حد ذاتو ذنب كبير الاسلام كرم المراة ايما تكريم و الرسول عليه افضل الصلاة و السلام وصى على النساء و قال خيركم خيركم لاهله و الكثير الكثير من الاحاديث الشريفة فيما يخص حقوق المراة فمن الاحرى ايها المحب ان تشفق على نفسك مما انت فيه ربنا يهدينا و يهديك
| |
|
|
|
|
|
|
|
|
|
Re: بوست تكفيري يحمل فهم ذكوري متخلف { ملائكة تلعن الزوجات المرهقات } (Re: عبد المنعم سليمان)
|
نخش شوية على الأخت شيماء
أختنا لقيتا ليك لافة برضو في البوست (البجيب الهوا) بتاع وليد المبارك
والبيدعو فيهو لتعدد الزوجات
إستناداً على تغير مظهر المشير البشير
قبل وبعد الزيجة الثانية.
انتو قايلين المرة التانية ما بتريح ( تعدد الزوجات قد يكون الحل )
أها , شيماء هناك قالت:
| Quote: لكن برضو انا مع التعدد |
وجات في هذا البوست وبررت لموقفها (التعددي) ب:
Quote: الرجل الرغبة الجنسية لديه اكثر من المرأة
والجنس من اولوياته
لذا كان للرجال (دون النساء) مشروعية الزواج باربعة. |
وحكاية الرغبة الجنسية دي
ذكرتني مقولة مشهورة عن أولاد الحلة, إنو (الراجل عندو شهوة واحدة, والمرة عندها 99 شهوة) !!
طبعاً أولاد الحلة بيستعملوا المقولة دي لتبرير حاجات تانية ما عندها علاقة بموضوع البوست !!
لكن واضح إنو في خلاف (علمي)كبير بين شيماء وأولاد الحلة في حكاية منو الرغبتو الجنسية أكبر .
أولاد الحلة ما عندهم سند علمي لكلامهم ده, وما بيهتموا بالسند العلمي ذاتو !!
لكن يا شيماء, جبتي المعلومة العجيبة دي من وين. أي مرجع بخارج معانا.
ومنو القال إنو الجنس ما من أولويات المرأة.
أرجو الإفادة يا شيماء.
| |
|
|
|
|
|
|
|
|
|
Re: بوست تكفيري يحمل فهم ذكوري متخلف { ملائكة تلعن الزوجات المرهقات } (Re: وليد محمد المبارك)
|
يا وليد
إنت أولاد حلتكم ديل مثقفين ولا شنو ؟!
شفت ليك أولاد حلة بقولوا (متعة) ؟
بقولوها شهوة, وتنطق اللفظة ذاتها بشهوة كبيرة
يعني الشين والهاء بتفخيم ونفس قايم لفوق, والهاء الأخيرة تترك معلقة في سماء مسطبة الدكان
فيسرح معاها الشباب بخيالهم للحظات
ثم يواصل ود الحلة حكايتو
قال متعة قال !!
صحي مريخابي
Quote: ___________
كيف العيد معاك |
إنت الخط التحت ده
إنت وملاسي
بتعملوهوا كيف
| |
|
|
|
|
|
|
|
|
|
Re: بوست تكفيري يحمل فهم ذكوري متخلف { ملائكة تلعن الزوجات المرهقات } (Re: Shayma)
|
Quote: وجات في هذا البوست وبررت لموقفها (التعددي) ب:
Quote: الرجل الرغبة الجنسية لديه اكثر من المرأة
والجنس من اولوياته
لذا كان للرجال (دون النساء) مشروعية الزواج باربعة. |
|
مبدئيا كدة يا معتز هنا ما اتفقنا
منو القال ليك دة تبريري لمسألة التعدد؟؟؟
الجانب الأنا ذكرته دة لأنه هو (بس) الليهو علاقة بموضوع البوست دة
نحن ما بنناقش في مسألة التعدد (مطلقا)
فدة ما بينفي وجود اسباب تانية كتيرة
لما تجي المناسبة لمناقشتها ممكن نناقشها
زي بوست وليد مثلا
| |
|
|
|
|
|
|
|
|
|
Re: بوست تكفيري يحمل فهم ذكوري متخلف { ملائكة تلعن الزوجات المرهقات } (Re: Shayma)
|
يا وليد:
قدر ما نحاول نغطغط الكلام , مصر تحرجنا
ياخي الشباب ديل ممكن يقولوا أي حاجة (ما أولاد حلة كمان) !!
لكن, حكاية المتعة والشهوة هنا بقوا فارقات,
خصوصاً بالتعريفات الإنت قلتها قبيل
لأنو المتعة بتأيد كلام شيماء
والشهوة بتعمل التعارض بين شيماء وأولاد الحلة
وده الأنا داير أوصلوا لشيماء
فهمت ؟؟
يا مريخابي!!
بعدين أدفع ليه عشان خط,
ممكن أجرب الحاجات دي عملي , وبطقش وبتعلم
لكن خايف أخرب لي بوست بالتعليمة بتاعتي دي
وعشان كده حأديك عرض واضح
يا توريني خط ملاسي ده بتعملوا كيف
أو أنا ممكن أخش واحدة من بوستاتك وأقعدأتعلم فيهو
وكان فهمت حاجة في البوست بعد داك, قابلني !!
أها, ده تهديد صريح,
ومنعاً لإحراجك, ممكن ترسل الشغل ده في مسنجر
من الجانب التاني
ما كفاية إنو أنا عملت لينك لبوستك التعبان داك
في البوست المحترم ده !! (وشوش ضاحكة)
أها بالمرة وريني (تحت تحت) حكاية الوشوش دي
وكفاية كده
عشان شكلنا طشينا بالبوست ده عديل
سوري يا عمو أبو ساندرا
| |
|
|
|
|
|
|
|
|
|
Re: بوست تكفيري يحمل فهم ذكوري متخلف { ملائكة تلعن الزوجات المرهقات } (Re: Motaz Ahmed)
|
شيماء:
أولاً , إنتي وأنا(أولاد) دفعه واحده, وأبوساندرا ده بناتوا جيلنا, عشان كده هو عمو.
وحيدر قال لأبو ساندرا: , إذن هو عمو برضو.
ثانياً : شكراً لإتفاقك معاي في النقطة الأولى بتاعت فرز الكيمان
كونك إنتي (شخصياً) إتفقتي معاي
كده كويس معاي وعادي ممكن أتخارج من باقي البوست !!
لكن عندي شوية (ملاحيظ):
1- Quote: محب (ما لم ينتفي لي ذلك) ما مسلم
يبقى رايه في حديث الرسول صلى الله عليه وسلم
شي وارد by defenition |
هل معنى كلامك ده إنو محب لأنو مسيحي ولا بوذي ولا (لا ديني) متوقع منو إنو يسيء الرسول؟
ده برجعك طوالي لكلام (عمو) رأفت ميلاد عن التعايش وشنو كده ما عارف
رأي يا شيماء, إنو الإحترام, إحترام النفس وإحترام الآخر, حاجة عندها علاقة بالبني آدم نفسو وشخصيته الجواهو mainly
باقي الموروثات والصفات قد تزيد أو تنقص من المكون الداخلي للإحترام ده ,
يعني مثلاً الكوز أكثر قابلية إنو يبقى ما محترم,
الهلالابي أكيد أكثر قابلية إنو يكون محترم !!
2- Quote: هل ابو ساندرا عنه راي في القضية الناقشها الحديث ذاتها ومعترض عليها
ولا عندو راي في فهمنا للحديث |
أبو ساندرا, إذا جاز لي أن أوضح عنه, عندو رأي في فهمك للحديث
وده بينطلق من فهم أبو ساندرا الكلي (لمقاصد الدين - على رأي الترابي)
والتعابير المجازية والبلاغية في القرآن والأحاديث
كلام أبو ساندرا التالي - مقروءاً مع مداخلة أحمد الأمين القبليهو - بتوضح رأيو:
Quote: Quote: يبين الحالات التى تبيح للزوجه عدم تلبيه رغبه الزوج فى المعاشره متى شاء
بالضبط ، هذا هو الفهم الصحيح
وأنا فاهم أن المسألة مضبوطة بحالة أساسية وهي غضب الزوج { إذا بات غضبان عليها }
وكمان بستبعد أن يقصد الزوج الغضب إضرارآ بزوجته ظانآ ان الغضب واللعنة قد حلت عليها
وأحاقت بها ، مثل ذلك الزوج سيء النية لن يكون لغضبه الأثر المرتجى
الزواج مساكنة وسكينة ورحمة ، تنتفي فيه تصفية الحسابات على ذلك النحو المخزي بين الأزواج
حكى لي صديق إنه رجع للبيت مخمورآ وطلب زوجته وعندما رفضت قال لها : ستلعنك الملائكة
قالت له : والله الملائكة ما ح تلعن غيرك
تلك المحادثة الفطنة كانت سبب في أن يعود لصديقنا عقله ورشده
وأعترف فيما بعد بأنه كان مؤذي جدآ بالروائح المنبعثة عنه وانه كان لها الحق كل الحق في الرفض |
لو عندك خلاف في كلامو ده تحديداً قولي.
| |
|
|
|
|
|
|
|
|
|
Re: بوست تكفيري يحمل فهم ذكوري متخلف { ملائكة تلعن الزوجات المرهقات } (Re: Motaz Ahmed)
|
معتز
Quote: أولاً , إنتي وأنا(أولاد) دفعه واحده, وأبوساندرا ده بناتوا جيلنا, عشان كده هو عمو.
وحيدر قال لأبو ساندرا:
Quote: الأخ أبوساندرا
, إذن هو عمو برضو |
.
اول شي هنا ما قدرت افهم قصدك هل انت بتبرر لي قولك لابي ساندرا عمو
عشان انا مازحتك بي (عمو معتز)
ولا بتوبخني ضمنيا اني ما استعملتها
لكن عموما مناداة الشخص بأبي كذا مريحة لانها في نفس مقام عمو او خالو لكن بتفرق لما نناديه بي اسمو حاف
Quote: هل معنى كلامك ده إنو محب لأنو مسيحي ولا بوذي ولا (لا ديني) متوقع منو إنو يسيء الرسول؟
ده برجعك طوالي لكلام (عمو) رأفت ميلاد عن التعايش وشنو كده ما عارف
رأي يا شيماء, إنو الإحترام, إحترام النفس وإحترام الآخر, حاجة عندها علاقة بالبني آدم نفسو وشخصيته الجواهو mainly
باقي الموروثات والصفات قد تزيد أو تنقص من المكون الداخلي للإحترام ده , |
لا دة ما قصدي
قصدي ما دام هو ما مسلم شي طبيعي انه ما يؤمن بما جاء به الرسول
صلى الله عليه وسلم وهو قال كدة بالواضح انه he does not believe in ما جاء في الحديث
لكن حكاية (الاساءة) وغيره دي ما خطرت على بالي اصلا
يمكن لاقتناعي انها بتتوقف على الشخص ذاتو
Quote: أبو ساندرا, إذا جاز لي أن أوضح عنه, عندو رأي في فهمك للحديث
وده بينطلق من فهم أبو ساندرا الكلي (لمقاصد الدين - على رأي الترابي)
والتعابير المجازية والبلاغية في القرآن والأحاديث
كلام أبو ساندرا التالي - مقروءاً مع مداخلة أحمد الأمين القبليهو - بتوضح رأيو |
:
بالنسبة للكلام دة يا معتز
عاوزاك ترجع فوق تقرا البوست
وتقرا مداخلات ابي ساندرا
يعني ناس (الكلام دة مكفول للزوج تماما كما هو مكفول للزوجة)
وناس (انا ما بسمح لي ملك يلعن زوجتي)
وناس(لو في لعنة مفروض تكون للاتنين) ومفروض دي تحتها خط
وغيرو وغيرو
دة كلو يا معتز ما بيتسق مع تأييد ابي ساندرا لكلام احمد الامين في عبارة ابي ساندرا دي:
| Quote: وأنا فاهم أن المسألة مضبوطة بحالة أساسية وهي غضب الزوج { إذا بات غضبان عليها |
}
يعني باختصااااار كدة انا شايفة انه ابو ساندرا اخد منحيين في البوست دة
الاول رايه الوارد في البوست الاساسي وفي مداخلاته
والتاني تمثل في جملة واحدة بس (الفوق الاتقالت لاحمد الامين دي) انا بفتكر انها بتختلف عن باقي كلامه كله وهي بالمناسبة توقيتها بعد كل المداخلات البعدها...
والله اعلم
عذرا لو في اي لخبطة انا ما مركزة وبكتب بي استعجال الغداء وكدة
| |
|
|
|
|
|
|
|
|
|
Re: بوست تكفيري يحمل فهم ذكوري متخلف { ملائكة تلعن الزوجات المرهقات } (Re: أبو ساندرا)
|
أبو ساندرا
دائما مساعيك تعجبنى . ولن أعلق على من أساء الى الرسول (ص) لأنى لم أقرأ البوست المعنى
لكن دعنى أسألك حتى وإن كان حديث لعنة المرأة هذا صحيح وقد قاله الرسول (ص) بسند قوى (اذا إفترضنا صحته) هو وحديث . المرأة ناقصة عقل ودين .
الشى الذى يحيرنى دائما .. لماذا هذين الحديثين تحديدا يحفظهم البعض عن ظهر قلب ؟؟؟
فى رأيى البسيط أن المشكلة الكبيرة هى ليست فى قول الرسول (ص) والذين يسيئون الى الرسول حقيقة هم الذين .. يستغلون أحاديثه لتكريس العنف ضد المرأة
ثم تعال ياخى .. بصورة عامة كدا البيستع اللعنة منو ؟؟ الراجل الما قادر يصبر ليلة واحدة .. ولا الزولة الما عندها مزاج ؟؟ وما داير أقول التعبانة من خدمة النرجسى سبب اللعنة . وخت انها ما عندها مزاج .. منو البيستحق اللعنة ؟؟
| |
|
|
|
|
|
|
|
|
|
Re: بوست تكفيري يحمل فهم ذكوري متخلف { ملائكة تلعن الزوجات المرهقات } (Re: ود العجمى)
|
معتز يا صديقي
بتصفح في منبر سودانيات
لقيت بوست لـ د. نجاة (بيان)
بعنوان (الكرمبا لو ما رديت عليك بموت)
اتكلمت فيه عن بوست الاخ كوستاوي بتاع ملكات الجمال
وعن بوست عمو ابو ساندرا دة
(ما عارفة مسموح اضع الرابط ولا لأ)
المهم المداخلتين ديل بتعلق فيهم على مداخلاتنا في البوست دة:
Quote: ينصر دينك يا معتز احمد
يوم القيامة بنتوسط ليك يختوك في ابرد حتة في جهنم
رابطة المسنات المعجبات بمعتز احمد..
عتهم
بيان |
Quote: شيماء زولة حريفة خالص وانا معجبة بيها جدا..
معتز احمد زول يساري ويطالب باحترام الاخر وكريم المعتقدات
ودا سبب اعجابي بيهو..مستنير صديق
لكن شيماء دي اللتنا عديل كدا..
ظلامية
ليها التحية والتقدير |
ولمن لا يعلم - وحسب ما عرفت من معتز - انه بتربطه بدكتورة نجاة صداقة وعلاقة حلوة وواضح من التعليق
من هذا المنطلق يا دكتورة نجاة (وحيث اني ما عندي عضوية في سودانيات)
فانا(بالنسبة للاعجاب) عاجزة عن شكرك .. وتقدري كدة كمان تقولي ما مصدقة
انه الاعجاب دة يجي من شخصك انتي بالذات
وهو في الحقيقة يا ستي اعجاب متبادل
اما بالنسبة للظلامية فبقول ليك
اوروروووووووووك يعني كان ما اتصنفنا هنا نتصنف هناك
تسلمي يا دكتورة والف شكر
وحيث اني بشاركك الاعجاب بمنهجية معتز
فـ..
التوقيع
رابطة الشابات المعجبات بمنهجية معتز احمد
عنهم شَيْماء
| |
|
|
|
|
|
|
|
|
|
Re: بوست تكفيري يحمل فهم ذكوري متخلف { ملائكة تلعن الزوجات المرهقات } (Re: أبو ساندرا)
|
حوار هاديء وراق بين معتز والشيماء.
على الرغم من أن الموضوعات الدينية تناقش هنا بحدة وإنفعالات عصبية, وبعدها مباشرة إصدار الأحكام بالزندقة والخروج والإرتداد مما يقفل باب الحوار لإفتقادنا لأدب الحوار.
وإشكالية التعامل بالنص الديني من حيث إثبات صحته رواية أو دراية خاصة في علم الحديث, له مدارسه ونقاده وطرائقه كم من حديث يروى ويعمل به يثبته علماءه بالضعف او الوضع أو أية علامة تضعفه بالعلل العدلية!!.
وعكس الحديث الذى يقال عنه ظنية الدلالة وظنية الثبوت, فإنه يقال عن القرآن: ظنية الدلالة قطعية الثبوت.
ومنه يتضح الكم الهائل من القدرات المشترطة لمن يدعى التصدى لصحة أو عدم صحة حديث نبوي, وإن كان يستعاض عن هذه القدرات بالرجوع إلى كبارأئمة نقد الحديث لمعرفة حال الحديث!!?.
وأعنى بكبار الأئــمة أصحاب السنن وشراحها!!.
ولكن هناك إشكالية أخرى وهى مدى تطابق الحديث وسلوك النبى صلى الله عليه وسلم فى حياته الخاصة والعامة حيث كان مثالا للشفقة والرحمة والمحبة مقارنة مع بعض الحاديث التى تتحدث عن الترهيب والترغيب, الوعد والوعيد, وكذلك قضية العقيدة أو التشريع هل لابد أن تكون له أصل فى القران فيكون الحديث معضدا وشارحا فقط أم له حق التشريع مستقلا??!.
نستخرج من الجزئية الأخيرة الى أن تجاوز الخلاف فى النص لصالح صحته لا يمنع الخلاف فى دلالته والتوظيف الأمثل للعمل به وفقا لفهوم ومنطلقات المختلفين فيه.
إلى أن نعود بالأمثلة والتقريبات فتكم بعافية!!.
| |
|
|
|
|
|
|
| |
أبو ساندرا
حيدر حسن ميرغني
Tragie Mustafa
حواء سليمان ابراهيم
احمد الامين احمد
osman abdala
رأفت ميلاد
Shayma
هجو الأقرع
kamalabas
Mohamed E. Seliaman
نهلة عمر
طارق عمر مكاوي
وليد محمد المبارك
Motaz Ahmed
عبد المنعم سليمان
ود العجمى
ابوالقاسم ابراهيم الحاج
خدر
فيس بوك
تويتر
انستقرام
يوتيوب
بنتيريست