|
|
 ..يعنى الترزية براهم البتزنقوا يوم الوقفة !!
|
زمان كان الناس يصفون الشخص المزنوق ويشبهونه بالترزى يوم الوقفة
وبالفعل فقد كان الترزى فى ذلك الزمان هو ابرز المزنوقين فى ذلك اليوم
حيث تجد محلات الترزية مزدحمة بالزباين واحد بنطلونو فضل عليهو الكمر
واخر باقى ليهو الزراير والثالث راجى يطقوا ليهو الكفة ورابع عايز لياقة القميص تتم والعيد بكرة ومافى طريقة للتاجيل او المساومة
وترزى اخر عايز يعمل ليهو زى عشرين كرشليت وعمود جلابية والزباين فوق
راسو الكل عايز يعيد بالملابس الجديدة
الان وفى هذا الزمان الصعب هل لازال هناك ترزية ( ينزنقون ) ام ان الجاهز
والظروف الصعبة اراحت الترزية من زنقة يوم الوقفة
و هل الترزية وحدهم هم اللذين يزنقون ام ان الزنقة حاصلة للجميع
وخاصة الاباء اللذين يبحثون عن وسيلة لمنح اسرهم واطفالهم فرحة العيد والتى
اصبحت تصيب الجيوب بالجفاف والتصحر وهى اصلا لم تنج من تسونامى
الاسعار التى اصبحت تنافس الغازات المنبعثة فى زيادة ثقب الاوزون
ورفع درجة حرارة الارض
الزنقة زاتا انواع وخشم بيوت
كل عام وجميعكم بخير
|
|
 
|
|
|
|
|
|
|
 Re: ..يعنى الترزية براهم البتزنقوا يوم الوقفة !! (Re: عبدالكريم الامين احمد)
|
صديقى كيكى
| Quote: والعيد كبس في لحظة كانت كل التكهنات تذهب الي يوم السبت |
صدقت لانوا انا واحد من الناس كنت قايل العيد زى ما قالوا فلكيا يوم
السبت وبالمناسبة ذكرتنى اخونا سيد جرسة لمن الصيام قام بيهو نهر مرتو
وقال ليها ماجهزتى المويات مالك يمكن الاذان ياذن فجاة والكلام ده كان الساعة
2 ظهرا
كل عام والجميع بخير
| |
|
|
|
|
|
|
|
|
|
Re: ..يعنى الترزية براهم البتزنقوا يوم الوقفة !! (Re: عامر تيتاوى)
|
| Quote: الان وفى هذا الزمان الصعب هل لازال هناك ترزية ( ينزنقون ) |
كل سنة و انت طيب يا خال ... و العيد الجاي إن شاء الله نتلَّم في السودان .... مع الشواشي و الشطوط .. 
طبعا إحنا بقينا ترزية مما جينا البلد دي ... يعني من زنقة لزنقة .. لحدي ما بيتخيل إني ما سك مقص و رامي المتر في أكتافي .....
تحياتي لكل ناس البيت و كل سنة و انتم جميعا بألف خير ........
| |
|
|
|
|
|
|
|
|
|
Re: ..يعنى الترزية براهم البتزنقوا يوم الوقفة !! (Re: عامر تيتاوى)
|
| Quote: والعيد كبس في لحظة كانت كل التكهنات تذهب الي يوم السبت |
العزيز كيكي ..
كل سنة و انت طيب ... و ربنا يحقق أمانيك
طبعاً معاوية شداد ختاها واضحة و قال انو فلكياً العيد الجمعة و بصراحة إحنا حضرنا شعورنا على الحتة دي ..... مع انها بقت ما فارقة معانا
تحياتي لك و للأسرة الكريمة
الريس طارق جبريل سلامات و كل سنة و انت طيب
| |
|
|
|
|
|
|
|
|
|
Re: ..يعنى الترزية براهم البتزنقوا يوم الوقفة !! (Re: طارق جبريل)
|
Quote: العزيز كيكي ..
كل سنة و انت طيب ... و ربنا يحقق أمانيك
طبعاً معاوية شداد ختاها واضحة و قال انو فلكياً العيد الجمعة و بصراحة إحنا حضرنا شعورنا على الحتة دي ..... مع انها بقت ما فارقة معانا |
هلا ياغباشي وكل سنةوانت طيب
ووينك يازول مختفي ومشتاقين والله...
وكلنا في الهم والزنقة ترزية ياغباشي
...
ويا طارق وتيتاوي يااخي ونسونا عن ابكر الترزي ده شوية
| |
|
|
|
|
|
|
|
|
|
Re: ..يعنى الترزية براهم البتزنقوا يوم الوقفة !! (Re: عامر تيتاوى)
|
والله يا عامر
حاولت أتصل اليوم بقناة النيل الأزرق
لكي أقف على المستجدات في حلقة العيد
وإن كانت حلقتي ستذاع ضمن برامج العيد وأي يوم
لقيت ليك الجماعة في حالة عجيبة
وإعتذروا بنفس المثال
مزنوقين زنقة ترزي يوم الوقفة
فإجابة على سؤالك، ما هم بس، وإنما المذيعين
والمخرجين وناس برامج التلفزيون عاااااامة
من ضمن المزنوقين
ودي
غادة
| |
|
|
|
|
|
|
|
|
|
Re: ..يعنى الترزية براهم البتزنقوا يوم الوقفة !! (Re: غادة عبدالعزيز خالد)
|
غادة كل سنة وانتى بخير والاسرة الكريمة
امبارح مع الوقفة التى فاجات الناس
شفت لى واحد مع اولادو ومرتو فى السوق
ياغادة زنقة صاحبنا دى ماكانت عادية
شى من العيال واشياء من امهم غايتو
شوف عينى دموعوا قربت تفر منو اولادو
عدموه الحبة شرا بانتقام وصاحبنا
يدخل قرشاتو فى جيب ويفتش عليهن فى الجيب
التانى وحالتو حالة
ياريت ياغادة لو نعرف مواعيد برنامجك بالضبط
عشان نعسكر قدام النيل الازرق
| |
|
|
|
|
|
|
|
|
|
Re: ..يعنى الترزية براهم البتزنقوا يوم الوقفة !! (Re: عامر تيتاوى)
|
زنقة ينى تمشى وتغنى
اكيد المثل ده قيل فى الركشة 
وقائله لديه قدرة على استقراء
المستقبل ففى ذاك الزمن كان
الترماى يمشى ولكنه لا يغنى
وهسى بتسمع استريو الركشة فى
الاول بعدين تظهر ليك الركشة
التقول ده ستريو مركبين ليهو ركشة
ياجماعة هو ينى ده زاتو منو !!
| |
|
|
|
|
|
|
|
|
|
Re: ..يعنى الترزية براهم البتزنقوا يوم الوقفة !! (Re: مجدي عبدالرحيم فضل)
|
Quote:
تصدق فى السودان فى ناس بسمعوا بيوم السبت يوم الاتني |
\
كل عام و أنت كمان بخير وصحة وعافية
إنت عارف مرة بتكلم مع صديقي الراحل المقيم مجدي النور
عن الدراما وبرامح التلفزيون في رمضان ...
ضحك وقال لي يا اخي ديل كل سنة وعلى الهواء مباشرة بيقولوا ليك
"و الله السنة دي رمضان فاجاءنا"
| |
|
|
|
|
|
|
| |
عامر تيتاوى
طارق جبريل
عبدالكريم الامين احمد
غباشي
خالد علي محجوب المنسي
Al-Shaygi
Muna Khugali
Gaafar Ismail
ahmed khidir
غادة عبدالعزيز خالد
Abdulbagi Mohammed
مجدي عبدالرحيم فضل
فيس بوك
تويتر
انستقرام
يوتيوب
بنتيريست