كتب الكاتب الفاتح جبرا المتوفرة بمعرض الدوحة
|
|
 سودانية تسلق زوجها بالماء المغلي !!!
|
البطاطس وعرفنا بيسلقوها
وكمان البيض بيسلقوه
لكن معقول الواحدة تسلق ليها راجل طول وعرض وشوارب ؟؟؟
قبل ايام كنت اتساءل في بوست " الخليجيات يضربن أزواجهن أثناء الدورة الشهرية"
وقلت هل السودانيات بنفس القدر ؟؟
وكأن بت اللذين دي قد قرات حديثي
وأرادت أن ترسل رسالة مغلية لكل زوج
يعني والله السودانية دي هزمت الخليجيات 10/صفر
والغريبة لادورة شهرية ولا دورة أولمبية
مجرد نقاش عادي
قومي شيلي { الحلة } مليانة موية ساخنة جداً وتوووووووووووش في وش ابوالقدح
والراجل الآن يرقد بمستشفى الخرطوم ووجهه مسلوخ وأياديه ورقبته وأشياء أخرى !!!
بالله عليكم الله دا جنس ناعم
وللا جنس مغلي ؟؟؟
قال رومانسيات قال !!!
|
|
 
|
|
|
|
|
|
|
|
Re: سودانية تسلق زوجها بالماء المغلي !!! (Re: ابوحراز)
|
بعدين ياجماعة الواحد أحسن { يورّق الخدرة } وللا { يفركها }
يعني بصراحة في رأيي الضرب أحسن كتير من الماء المغلي
قبل يومين حكم قاضي في السعودية على مواطن سعودي تشاجر مع رجل أمن
الحكم مفروض يكون الجلد والحبس
لكن القاضي أمره بغسيل سيارات الشرطة
الراجل من بدأ في تنفيذ غسيل السيارات أصبح موضوع تهكم وسخرية من افراد الشرطة
فرفض في اليوم التالي الاستمرار في تنفيذ الحكم
وطلب من القاضي أن يتم جلده مهما كانت قساوة الجلد في نظره
فهي أرحم كثيرا من غسيل السيارات
هسي الزولة دي لو شالت الشبب بتاعها
وادت الراجل دا { لفخة } في راسو مش كان أحسن من السليقة دي ؟؟
قال عولمة قال !!!
ولسه يارجال انتظروا الراجيكم !!!
| |
|
|
|
|
|
|
|
|
|
Re: سودانية تسلق زوجها بالماء المغلي !!! (Re: حيدر حسن ميرغني)
|
حيدر
| Quote: لحدي ما نعرف السبب .. |
ملاايااااااااااااااااااااااااااااااات !!!
قال نعرف السبب قال !!
اها خم وصر كان ما اشتريت الملايات بتاعت العيد
انا الحمد لله أخوي جاء { عمرة } ورجع
اشتريت ليها الملايات وملابس العيد
وكفى الله السودانيين شر القتال !!!
| |
|
|
|
|
|
|
|
|
|
Re: سودانية تسلق زوجها بالماء المغلي !!! (Re: Muna Khugali)
|
Muna Khugali
| Quote: أولا لازم اقول يا ساتر وقبلها وحدها في اجرامها ده.. |
السودانية تشوفها { مضبلنة } ومسكينة
وتقول والله دي الغنماية تاكل عشاها { طبعاً المثل دا زمن كان في عشاء ْ
لكن والله خلف السواهي دواهي
فعلاً { قبلها وقبالها }
| |
|
|
|
|
|
|
|
|
|
Re: سودانية تسلق زوجها بالماء المغلي !!! (Re: Hadia Mohamed)
|
ياهادية محمود
انت الظاهر عطشانة من رمضان
ان شاء الله الآذان يكون قريب عشان تفطري وتبلي ريقك بي موية
ما قلنا { ملايااااااااااااااااااااااااااااات }
بنت أختي بالمناسبة تدرس الطب اسمها هادية
انا خالها اخترت الاسم
لكن لاطلعت هادية ولا حاجة !!!
جنها كواريك ونضمي وتنظير
هسي اليومين ديل جاها عريس من السعودية
البيت كلو يشيل ويحنس فيها كان ترضى
وهي حالفة ما تتزوج الا بعد نهاية الجامعة
وبالمرة كمان العريس نفسه قالت أضنينو مشتحات
هسي العريس منتظر مني نتيجة والله ماعارف أوصل ليهو المعلومة دي كيف
| |
|
|
|
|
|
|
|
|
|
Re: سودانية تسلق زوجها بالماء المغلي !!! (Re: doma)
|
دوما
| Quote: كدي ورينا الراجل دا عرس ولا ناوي |
قال عرّس قال ًًً!!!
الله يرحمه بتكون مدة صلاحيتو انتهت لأنها سلخت كل الجسم
الزول راقد ياجماعة في المستشفى
والله تاني لو شاف العرس قدامو يقوم جاري صوووووووووووف
هي دي حالة عرس
النسوان { جنن } وياكافي البلاء الواحدة عداوتها كلها مع ابوالقدح
ونحن الرجال كلما تجي ترفع يدك تقوم تذكر ليك حديث
ونسمع في قوارير وضلع أعوج لحد ما كلنا نبقى مسلوقين
الغريبة ممارضاهو في المستشفى
شوفي ليك بروووووووودة دم
قلت ليهم بس أنا لو رقدت مستشفى واحتجت { دم } يدوني منها ان شاء الله فتيل واحد
لزوم تهدئة الغضب مع ست النفر
| |
|
|
|
|
|
|
|
|
|
Re: سودانية تسلق زوجها بالماء المغلي !!! (Re: ابوحراز)
|
Quote: بنت أختي بالمناسبة تدرس الطب اسمها هادية
انا خالها اخترت الاسم
لكن لاطلعت هادية ولا حاجة !!!
جنها كواريك ونضمي وتنظير
هسي اليومين ديل جاها عريس من السعودية
البيت كلو يشيل ويحنس فيها كان ترضى
وهي حالفة ما تتزوج الا بعد نهاية الجامعة
وبالمرة كمان العريس نفسه قالت أضنينو مشتحات
هسي العريس منتظر مني نتيجة والله ماعارف أوصل ليهو المعلومة دي كيف |
أديهو رابط البوست ده وقول ليه اقراهو ضروري.. فيهو موضوع بيهمك
| |
|
|
|
|
|
|
|
|
|
Re: سودانية تسلق زوجها بالماء المغلي !!! (Re: Muna Khugali)
|
منى
| Quote: أديهو رابط البوست ده وقول ليه اقراهو ضروري.. فيهو موضوع بيهمك |
قبل كم يوم واحد باكستاني عامل شمطة مع بتاع الأستديو
الباكستاني الأضنين بتاعاتو مشتحات
واحدة في آسيا والثانية في بوركينا فاسو
وزولنا بالنسبة ليهو مثل { ليوناردو دي كابريو بتاع التايتانك }
اها عامل مشكلة كيف الصورة تطلع ماكويسة والأضنين بارزات كتير على حد قوله
والله الزول دا خلانا كلنا نعاين في أضنيهو
والهندي المصور قدر ماحاول يقنع الباكستاني انو السبب هو نفسه لكن لاحياة لمن تنادي
في النهاية الهندي زهج وقال للباكستاني
ياخي انت تاني لازم اول اربط أضان بعدين في سوي صورة !!!
شوت ضفاري
شنو ناسكم ديل اساميهم زيد وليث وصخر
الشيء الجماعة ديل ماشين يحاربوا وللا شنو
والله ماباقي ليهم الا الحصين
الناس ديل مسكيهم الطريق عديل
قال ليث قال !!!!
| |
|
|
|
|
|
|
|
|
|
Re: سودانية تسلق زوجها بالماء المغلي !!! (Re: doma)
|
Quote: --------------------------------------------------------------------------------
ذكرت وكالة الأنباء الإيرانية مؤخرا أن رجلا إيرانيا رفع قضية على زوجته لأنها قضمت أذنه بسبب عدم شرائه لها فستانا، كما أكدت إحصائية نشرتها إحدى المجلات الأمريكية أن عدد الرجال المضروبين من قبل نسائهم في أمريكا بلغ 12مليون رجل .. في حين أقامت كندا حوالي 100جمعية هدفها مساعدة وعلاج الزوجات العدوانيات اللاتي يرتكبن أفعال العنف ضد الأزواج والتي تتراوح بين توجيه اللكمات إلى الوجه والتهديد بالقتل. ناهيك عن الشتائم والألفاظ النابية وخرمشة الأظافر... |
عووووووووك يا أبو حراز
ليش ما نفكر في إقامة جمعية حماية الرجل السوداني من المرأة...
أي شئ ولا الماء الحار ... ده بيفسخ الجلد ... لو ما قتلك...
"المي حار ما لعب قعونج"
| |
|
|
|
|
|
|
|
|
|
Re: سودانية تسلق زوجها بالماء المغلي !!! (Re: Abureesh)
|
Abureesh
Quote: ياخى ممكن جواب من السعـوديـة، طرد من السعـوديـة، إيميل من السعـوديـة،
كرتونـة، تلفون، فاكس..
لكن عريس من السعـوديـة دى كيف؟ ولطالبة طب؟!!
غايتو إلا يجيبوهو ليهـا فى المشـرحـة لزوم التدريب. |
تعرف كثير من المغتربين في السعودية خاصة الذين اغتربوا اخيرا بعد درشة كبيرة في السودان
يتوقعون انه ببساطة ان يتزوجوا مايريدون
يعني نحن زمان في اول اغترابنا كان الواحد يخطب واحدة
فجأة ينط واحد من ناس ابوظبي ويخلي خشمك ملح ملح
هسي الحمد لله بقينا كلنا مع بعض
والبنات الواحدة احسن ليها تجكس في السودان
ولاتتزوج ليها مغترب يمكن يرجع ويمكن مايرجع
عندنا واحدة بس واقعة ليك نصائح في البنات
اياك أن تتزوجي مغترب
لأنها كانت قاعدة هنا وصاحبك طابل عليها البيت
لادخول ولاخروج
والزولة كانت في السودان بتحب الحوامة
لكن طارت ليها في راسها
أوعا التشريح حايصل الأضنين
لأنها حاتعمل فيهن عملية بطالة جدا
| |
|
|
|
|
|
|
|
|
|
Re: سودانية تسلق زوجها بالماء المغلي !!! (Re: othman mohmmadien)
|
othman mohmmadien
Quote: عووووووووك يا أبو حراز
ليش ما نفكر في إقامة جمعية حماية الرجل السوداني من المرأة...
أي شئ ولا الماء الحار ... ده بيفسخ الجلد ... لو ما قتلك... |
توجد بالمناسبة جمعيات كثيرة رجالية بحته
ففي هةلندا تظاهر الرجال قبل ايام من أن النساء يضربنهن اذا لم يقوموا بغسيل العدة
وفي الهندي مظاهرة لأكثر من مليون رجل يشتكون من ضرب وعنف زوجاتهم
والغريب في الأمر أن بعض النساء تعاطفن مع اصحاب الشوارب وتظاهرن معهم
وفي تونس قبل ايام تم تأسيس نادي لعلاج السيدات اللائي يضربن أزواجهن
والحكاية ماشة يا أخوي
الله يستر علينا نحن خاصة إننا في السودان بنحب المظاهرات
والله قبل أيام في ضابط شرطة وقع ليك فينا { تنهر } وكورك فينا كأننا حيوانات
وكمان شنو قفل الشباك
اها بعد شوية جات ليك واحدة ماشاء الله
جمال وطول وعرض
ولمت ليك في صاحبنا
والله بقى زي السوسيو
لكن أهم شيء فتحوا لينا الشباك
وأوراقنا كملوها في اقل من عشرة دقائق
قال مقدم قال !!!!
| |
|
|
|
|
|
|
|
|
|
Re: سودانية تسلق زوجها بالماء المغلي !!! (Re: ابوحراز)
|
سعودي يقتلع عين زوجته لأنها أعدت له حساء عدس
" لم تكن زوجة سعودية تعلم أن عدم إعدادها لحساء "الحريرة" سيجعلها تخسر عينها اليسرى على يد زوجها بعد لحظات من موعد إفطار الصائمين في شهر رمضان، وأكدت تلك الزوجة اعتراف زوجها بجرمه لدى الشرطة، معللا تصرفه بعدم شربه للدخان، وهو ما جعله يثور بسرعة ويتصرف هذا التصرف اللاإنساني، مشيرة إلى أن القضية سيتم تحويلها للقضاء بعد شهر. وفي تفاصيل القصة كما ترويها تلك السيدة، تقول: "اعتدت أن يكتب لي زوجي كل طلباته الخاصة من الطعام الذي يحب تناوله على الإفطار خلال شهر رمضان، وأحرص من جانبي على تنفيذ كل طلباته بشكل يومي"، مشيرة إلى أنها قبل أسبوع من الآن أخطأت قراءة طلباته وأعدت له شوربة عدس على عكس طلبه (شوربة حريرة) مع أنه وضع تحتها أربعة خطوط لأهميتها لديه، معللة ذلك بضيق الوقت قبل الإفطار الذي غالبا ما تكون فيه المرأة مشغولة بكثير من الأشياء داخل المطبخ".
وتضيف في حديثها للصحافية ابتسام القحطاني من جريدة "شمس" السعودية: "بالفعل أعددت شوربة العدس؛ لأنني لم أتنبه للخطوط التي وضعها تحت شوربة الحريرة، وقمت قبل أذان المغرب بنصف ساعة كاملة بتحضير وجبة الإفطار وبعد الأذان وضعت له الشوربة في الصينية، وما هي إلا ثوان حتى تفاجأت به يسكب الشوربة الحارة على وجهي في حالة من الهيجان والغضب ويتلفظ علي بألفاظ غريبة وغير لائقة ونهض من مكانه وأخذ الورقة التي كتب عليها طلباته اليومية ليحضرها أمامي لأقرأ له ما كتبه وكنت لحظتها مغمضة العينين ولا أستطيع أن أفتح عيني بسبب حرارة الشوربة على وجهي وعيني، حيث كنت أبحث عن المغسلة لغسل وجهي وسط صراخ أطفالي الثلاثة ودهشتهم من تصرف والدهم".
ورغم ذلك- والكلام مازال للزوجة- استمر زوجي في حماقته ولحق بي أمام المغسلة وغرس أصبعه السبابة في عيني اليسرى وهو يصرخ ويطلب مني قراءة نوع الشوربة التي طلب مني إعدادها ويحاول إدخال اصبعه مرة أخرى في عيني اليمنى لكن عناية الله كانت أقوى منه عندما قمت بتغطيتها بقوة وصرخت في وجهه بأعلى صوتي مستنجدة بالجيران فقطع الورقة وألقى بها على مائدة الطعام وخرج من المنزل وتركني أصرخ بشدة من قوة الألم الصادر من عيني التي بدأت تنزف بشدة، فضلا عن حرارة وجهي من شوربة العدس، فما كان من أحد أطفالي إلا الاتصال بأهلي الذين حضروا للمنزل ونقلوني للمستشفى.
وأضافت: "أكد لي الأطباء عدم جدوى تمكن عيني من الرؤية مجددا بسبب إتلاف الشبكية والقرنية والغشاء المحيط بهما بسبب إدخال زوجي أصبعه بعنف داخل العين"، مؤكدة عدم تنازلها عن القضية إطلاقا، على الرغم من محاولات الصلح الكثيرة بين الطرفين خاصة من قبل أهل زوجها، مشيرة إلى أن أهلها رفضوا كل المغريات التي تقدم بها الزوج وأهله وطالبوا بتنفيذ الحكم الشرعي عليه من قبل المحكمة "
إنتهى الخبر
أتتني هذه القصة على بريدي الإلكتروني مع صورة صاحبتها .
كيفك أبو حراز
كل عام وأنت بخير
| |
|
|
|
|
|
|
|
|
|
Re: سودانية تسلق زوجها بالماء المغلي !!! (Re: عاطف عمر)
|
| Quote: ذكرت وكالة الأنباء الإيرانية مؤخرا أن رجلا إيرانيا رفع قضية على زوجته لأنها قضمت أذنه بسبب عدم شرائه لها فستانا، كما أكدت إحصائية نشرتها إحدى المجلات الأمريكية أن عدد الرجال المضروبين من قبل نسائهم في أمريكا بلغ 12مليون رجل .. في حين أقامت كندا حوالي 100جمعية هدفها مساعدة وعلاج الزوجات العدوانيات اللاتي يرتكبن أفعال العنف ضد الأزواج والتي تتراوح بين توجيه اللكمات إلى الوجه والتهديد بالقتل. ناهيك عن الشتائم والألفاظ النابية وخرمشة الأظافر... |
وعادت لتنتقم!
اييييه كل أول وليه آخر
| |
|
|
|
|
|
|
|
|
|
Re: سودانية تسلق زوجها بالماء المغلي !!! (Re: Abubaker Ahmed)
|
Abubaker Ahmed
| Quote: في رجال كده ما بنفع معاهم الا السلق! |
الليلة عاد بالتصريح الخطير دا في كتير من الجندريات حايكوناً مبسوطات
ياخي لازم تقيف بقوة في وجه السلق والسليقة المافي ليها لزوم
والمشكلة المحيراني المدام السلقت الزول دا ندمانة وتشيل وتمسح في وجه ابوالقدح
ياخي والله حاجات غريبة جدا
تسلقو
وتجي تمسح ليهو في وشو !!!
| |
|
|
|
|
|
|
|
|
|
Re: سودانية تسلق زوجها بالماء المغلي !!! (Re: waw)
|
WAW
| Quote: (يا ازواج العالم المسلوقين اتحدوا) |
وبعيداً عن السلق يجب أن تكون الحياة الزوجية مليئة بالرومانسية
ومليئة بالعشق
اننا نعيش أياماً معدودة
فلماذا لاتكون مليئة بالحب ؟؟
آآآآآآآآآآآآآه
كم هي جميلة تلك اللحظات التي نتربص فيها لنمسك بيد إمراة
ونحكي لها حتى تتنفس بعمق
نتطلع الى عينيها
فنقرا منهما أجمل قصائد الغرام
وما أجمل تلك اللحظة التي نناجي فيها إمرأة
نناجيها حتى تذوووووووووووووووب
ونطبع على جيناتها الوراثية أجمل خارطة للحب !!!
دعوا الحياة تتنفس
ودعوا الحب ليخرج عن بركانه
ليثور
ويقذف بحممه في أعماق قلوبنا
وليكن ما يكون !!!
| |
|
|
|
|
|
|
|
|
|
Re: سودانية تسلق زوجها بالماء المغلي !!! (Re: Muna Khugali)
|
منى
| Quote: كما أكدت إحصائية نشرتها إحدى المجلات الأمريكية أن عدد الرجال المضروبين من قبل نسائهم في أمريكا بلغ 12مليون رجل .. في حين أقامت كندا حوالي 100جمعية هدفها مساعدة وعلاج الزوجات العدوانيات اللاتي يرتكبن أفعال العنف ضد الأزواج والتي تتراوح بين توجيه اللكمات إلى الوجه والتهديد بالقتل. ناهيك عن الشتائم والألفاظ النابية وخرمشة الأظافر... |
غايتو انا مبسوط جداً لحكاية ال 12 مليون
والجماعة هنا في العراق وافغانستان عاملين لينا فيها حاجة كبيرة جداً
وتاريهم مضروبين ومجلودين ومشلهتين
وفي النهاية الانتقام في أطفال العراق ونساء العراق
الغريب هيلاري كيلنتون أكلت الخيانة عادي وكأنك يا ابوزيد ماغزيت
وسنعت قبل ايام انو بيل كلينتون اشترى بيت في حي { هارلم } الشهير
وكمان بالمرة قالوا مونيكا أجرت بيت برضو في نفس الحي
يعني وراك وراك
لكن برضو يبدو لي أن هيلاري إمراة قوية جداً
والله زولنا بوش من شكلو يبدو لي كل يوم بياخذ ليهو علقة
لكمات وشتائم وخرمشة بالأظافر وتهديد بالقتل
والله حاجة عجيبة ياناس كندا
تراجي سامعة الكلام دا ؟؟
| |
|
|
|
|
|
|
|
|
|
Re: سودانية تسلق زوجها بالماء المغلي !!! (Re: عاطف عمر)
|
كيفك ياعاطف عمر
وكل عام وانت بخير
| Quote: سعودي يقتلع عين زوجته لأنها أعدت له حساء عدس |
الغريبة كثير من السعوديات هن البيقلعن عيون أزواجهن
ويمكن 95% من السعوديين بيخافوا من نسوانهم
لأن الزواج هنا غالي جداً والواحد يكون قضى على اليابس والأخضر حتى يستطيع الزواج
وكان طرشق موضوع زواجه وحدثت بعض المشاكل فإن الزواج مرة أخرى صعب جدا
غايتو نحن مستفيدين جدا من حكاية السعوي بيخاف من زوجتو
لأن كثير من المشاكل التي تحدث من الكفلاء ولايتم حلها
نرجع بطريقة ما لزوجته فيتم حل الاشكال في اليوم الثاني مباشرة
ياخي قبل ايام واحدة طلبت من زوجها احضار خدامة بمواصفات معينة
تكون شينة
ضعيفة
عمرها اكثر من 50عام
قلت ليهو ياخوي انت عندكم ملجأ بتاع مسنين وللا شنو
| |
|
|
|
|
|
|
| |
ابوحراز
Muna Khugali
حيدر حسن ميرغني
doma
خضر الطيب
othman mohmmadien
Abureesh
jini
عاطف عمر
فيس بوك
تويتر
انستقرام
يوتيوب
بنتيريست