|
نوارة المضارب ،،، (2)
|
Quote: (( نُوَّارَةْ المضارب )) ******** زَفُّو الخََبَرْ مِنْ جُمْعَةً بِاكْرِيِّه ،،، والبُنْدُق ضَرَبْ شقَّ الفريق نُصِّية ، النَّاس هللتْ قالتْ عَدِيلَه بِنَيَّة ،،، بِتْ راجلاً أصيل رُكَّازَة اللَّحِويَّة ، لى فارساً كريم خَطَبُوها عَقَدُو النِّية ،،، خَتَّ الألِف إتنين والتانى فُوقُو الميِّة ، ،،،،،،،،، السَّمحه جَاهْله ،، بالطَّرْحَة يَاما صَبِيِّة ،،، ما بْتَعْرِفْ لَبَاس التُوب ولا مْرقَةْ العَصْريِّة ، كان نادُوهَا جاتْ تِتْجَارَى زَى قُمْرِيِّة ،،، والبَسْمَه بِْتَبُقْ زى طلَّة الفجْرِيِّة ، ،،،،،،،،، صَدْرِكْ ديدبان كان مُدْفِع الظَّابْطِيِّة ،،، مكْتُول هَواكَ ما بْحِقْ لِيهُو الِديَّة ، فَرْعِكْ زى غزال نَافِرْ مَعَ الضَحَوِيِّة ،،، قَدَمِك فى الأرِضْ مابِبِينْ كانْ لابْسَه كان حافيِّة ، صُوتِكْ مِتِل وَتَرْ الرُّبُوعْ حِنِّيِة ،،، يخْلِفْ للقَمَارِى وِكْتِِين تقُوقِى عشيِّة ، نَفَسِكْ يامْ ضَمِير رِيحةْ الفِرِير أصْلِيِّة ،،، كاسِيه الفَرِيقْ والجار والبعيد مُو شِويِّة ، إنْ خِجْلَتْ بلا التُفاحة رَطْبَة نَدِيِّة ،،، مِنْ تِحْت الجُفون تدِّيِكَِ نظْرَه بَرِيِّة ،
تسْحَبْ وراها الكُون والباقِى ما هِمِّية ،،، والترْترْ وقعْ ما بِتَجْبُرُو العَمَلِيِّة ، تَبْرُم للوِجِيهْ ،، تتهادَى بِى فَدْعِيِّة ،،، والشعرْ المجَدَّعْ ،، زى خِيمةْ الغَجَرِيِّة ، بين رقْراقُو بتْشُوف تِيمان فُصُوصْ لُولِيِّة ،،، تحْرِقْ فى الحَشَا وتُوقِدْ لهِيباً حيَّه ، ،،،،،،،، خلقْ الله الحِفَتْ بى ورَاهَا كايسة رَضِيِّة ،،، ما لِفَتْ غير الوَجَعْ أو طعْنَةْ الكِِبْرِيِّة ، بتْ الشُيُوخ العَقَرُو النَّاقَة فى الدُغْشِيِّة ،،، للضِيف الوَرَدْ جابُو الطريق باكْرِيِّة ، ******** تسْلمى بتْ الشُيوخ ،، الرَّقبَة ليكى هِدِيِّه ،،، نُوارةْ المَضَاِربْ الضاوْيَة فى الضُهْرِيِّة ، يالفارس أمانه ،، رِوِيحْتَكْ تبْقى ليها فِديِّة ،،، ما تْشَمِّتْ علينا النَّاس ،،، ما الدِّيمَه فِيكْ مَحَرِيِّة ،،،،،،،، **********
الفاتح الجنيد ـ مسقط |
نوارة المضارب ... 2 ............ إتبهدلت بى عِرْسِك ،، وياما شَقَانى دُودَرْ بَيْ مشلهت ديمه بالفينى ،، ولسه الباقى جايِّ علىْ عديلك ياهو ماقدرى ،، وغرامك يكوى خالف الكىْ حرف مسدارى غزَّ حُرَابُو ،، غوَّر فى قليبى الحىْ ........... شلتك فى النفير دوباى ،، ادسدس فى دموع عينىْ فرشت تراب خطاك صندل ،، حرقت بخورو بى إيدى أبارى دريبك الساساى ،، وين ما يروح شاقى وِدَىْ أشم فى ريحتك البارياك ،، وكت تسرح تشيلا هِبَىْ .......... أنم بى إسمك المترور ،، مِكَسِّرْ فينى كُسَرْ وتِنَىْ دواى مصرور تِحت رِمْشِك أريت ترميو تِحِتْ كُرْعَىْ برارى الباديه فرحت بالجديد ،، غنت مضارب الفَىْ عِلاَّ قليبى طار رَوَّحْ ،، فوق لى خشيما شايلا حِدَىْ ............ عديله عليكى بت عمى ،، يَحَرْسِكْ الله يا فرع الخدار النَّىْ إلاَّ الفينى ما بنداح ،، بلموا عَلَىْ ،، بعَصْرُو شديد شِويه شِوَىْ لو الايام تعود ترجع ،، بجيلك صَادِّى بى رِجْلىْ حتى الفينى كان كِمْلتْ ،، بجيلك حابى فوق رُكَبَىْ ............. الفاتح الجنيد ـ مسقط ............
|
|
|
|
|
|