|
اخر تقليعات مزمل أبو القاسم ..البلينتي بي النيّة..النظرة الأولى ليك والتانية عليك..
|
نظرة منّي ونظرة منّو .. الأولى منّي والتانية منّو .. وإرتفعت الصفّارة .. وإشتعلت المدرجات ..أصل البيع شرارة ..
ما لقيت أجمل من البداية دي أهديها لي مزمل أبو القاسم صاحب التقليعات الصحفية وأخر فن يبتدعو الصحفي مزمل أبو القاسم فن إحتساب ضربات الجزاء بي النظر.. وإجلي النظر يا صاحي منظر الإنسان .. وحكمنا طرفو نايم وصاحي ..وصاحي كالنعسان .. مزمل أبو القاسم في عدد اليوم من جريدة الصدأ وفي تبريره لضربة الجزاء الأولى وتمشدقه بالمصوّر تبع جريدة الصدأ والعبقرية وكوداك وما أدراك ما Sony كتب التالي:
Quote: صورة ركلة الجزاء التي التقطها الزميل المصور شرش أكدت حدوث العرقلة.. راجعوا الصفحة الخامسة!
* نظر المدافع متجه للعجب وليس الكرة.. ويده الممدودة في الهواء.. لا أظنها امتدت لتحية الملك فيصل! |
يعني وبحسب كلام مزمل تاني لو انت واقف في نص الميدان وهيثم طمبل في خط ستة وقمت "جرّيت ليهو نور طويل " أو حدرت ليهو تيييييييييييت الحكم يصفر ضربة جزاء ..
أو إتخيل إنو باولينو عايز يلعب الفاول واثناء التنفيذ تييييييييت الحكم صفّر وشال الكورة نص الميدان وقال الكورة قوون لأنو الرشيد فيصل عاين ليهو أثناء التنفيذ
وعليه نتوقع من الإتحاد الدولي تعديل قوانينه لإضافة مادة جديدة يطلق عليها المادة رقم 2007 مزمل شوف وتنص على :
في حالة عاين لاعب من فريق لي لاعب في الفريق الخصم لمرة واحدة لا يحتسب شئ فالنظرة الأولى لك .. أما إذا كررت النظر للاعب الخصم للمرة الثانية فهذه النظرة تحسب عليك وللحك الحق في إحتساب ركلة جزاء إذا كانت النظرة داخل خط ال18 أو إحتساب ضربة حرة مباشرة خارج منطقة الجزاء . وفي حالة الإطالة في النظر أو الغمز يحق للحكم إشهار البطاقة الحمراء مباشرة ..بينما يكتفي بالبطاقة الصفراء إذا إسترق اللاعب النظر. يمنح اللاعب الذي يدخل على المهاجم على إستحياء ونظره للأرض جائزة اللعب النظيف .. في حالة شمّ لاعب الفريق رائحة لاعب الفريق الخصم تحسب ركلة حرة غير مباشرة .. * يتم كشف النظر للاعبين قبل المباراة للتأكد من أن نظرهم لم يكون6/6 وكل من كان نظره 6/6 يتعرض لعقوبة الإيقاف لعامين ..
ويا شاااااااااايت ..يا جاااااااااري.. النظرة ماشة معاك وقف وقف وألعب باص ..
تخريمة : بحسب القانون الجديد والفقرة المضافة سيعتبر اللاعبون أصحاب العيون "الدقاق" هم المهرة والحريفيين .. يعني يا سامي عبد الوهاب نايمة معاك نوم وقروش معوّض دي أولى بيها إنت
|
|
|
|
|
|