|
إنشاء الله القيامة تقوم!!!
|
مساجلة رائعة جداً ما بين الشاعر الراحل حسن الزبير والدكتور أحمد فرح شادول حول قصيدة الأول "إنشاء الله القيامة تقوم" والتي للأسف لم أستمع إليها بتمعن إلا من خلال برنامج "مشوار مع" لزميلتي أميرة ميرغني كروري على أثير .104 FM
بالله اي واحد عندو رد ما يتردد وحددوا موقفكم من قيام القيامة
|
|
|
|
|
|
|
|
Re: إنشاء الله القيامة تقوم!!! (Re: معاذ حسن)
|
معاذ ازيك اها القيامة قامت باكر، مشروع العرس بتسوي فيه شنو؟ ولا شكلك طمعت في الحور العين؟ ما عارف انا وبكتب كلمة طمع دي اتذكرت قصة الفلاتي القال للولية طمعتى في التيمان ولا شنو؟ عارفهاولا ما سمعتها؟ have a nice weekend وقصة القيامة دي انت والعجيل خلوها لسيدها
| |
|
|
|
|
|
|
Re: إنشاء الله القيامة تقوم!!! (Re: عبدالبارى العجيل)
|
Quote: انا شخصيا ليس لدي اي مانع موافق تماما حتى لو قامت الجمعة الباكر دي. |
تشكر يا معاذ على تسجيل حضورك في دفتر القيامة
أما إنت يا خينا محمد عمر الفكي
Quote: اها القيامة قامت باكر، مشروع العرس بتسوي فيه شنو؟ |
الجواب براك جبتو أما Quote: قصة القيامة دي انت والعجيل خلوها لسيدها |
أنا بديك ردي يا حبيب:
علي قول عمنا المرحوم إنشاء الله القيامة تقوم لأنو الدنيا جد مُرَّة يجيك فيها الفرح مرَّة ويجيك فيها الحزن بالكوم إنشاء الله القيامة تقوم وما تقول لينا يا حاسدين عشان ناس فيها متهنين ومتحابين ومن كاس الغرام شاربين تقول بس حبهم مدعوم دايرين القيامة تقوم وإنشاء الله القيامة تقوم وحاتك ما حسادة ناس ولا زولاً كِبر عُمْرُو ووصل بالمرة سن الياس ولا كونو المزاج عكران وشاف الدنيا ذاتا خلاص ولا قصة علينا وعلي أعدانا تِنْساط الحكاية تعوم وإنشاء الله القيامة تقوم
| |
|
|
|
|
|
|
Re: إنشاء الله القيامة تقوم!!! (Re: عبدالبارى العجيل)
|
يا ريت يا قرضابي عثمان يتداخل معانا ويورينا موقفو مع منو فيهم
Quote: taha haider تاريخ التسجيل: 25-08-2007 م1جموع المشاركات: 1 |
أنا معاك يا معاذ
Quote: حبابك يا طه نورت والله. |
وموقفك واضح يا طه
Quote: مالك مقومه علينا نحن لسة لا قرينا ولابارينا ولا حبينا |
كان كدي خليك في الخط عشان تبقى سمعت ما جابو ليك.
| |
|
|
|
|
|
|
Re: إنشاء الله القيامة تقوم!!! (Re: عبدالبارى العجيل)
|
هذا الرد وصلني من الشاعرة سناء محمد الفكي من بحري- الجريف شرق:
كلامك واعي يا شادول كلامك ذوق وكلو أصول ليه القيامة تقوم قبل ما نلقى سيد ريدنا ونطرب بي غناوي الريد وكل إنسان يكون مسرور؟ وليه القيامة تقوم قبل ما نعيش حلاوة الريد وتبقى الدنيا حب وزهور؟ وليه القيامة تقوم قبل ما نشوف مشاكل الريد نفتش نلقى ليها حلول؟ دي قصة كبيرة يا دكتور تعرف منو المسؤول؟ أول زول ... هو شاعر طرفنا المكحول شوف ناس ديل!! ما لاقين بنات حوا يفتشوا لي بنات الحور؟ أسمع مرة يا دكتور يوم نستغنى عن الحب وتبقى الارض قاحلة وبور ويوم الريدة تبقى جفا ولا آسر ولا مأسور ويوم نستغنى عنك جد ويفقد قوَّتُو البنادول داك الحين إنشاء الله القيامة تقوم قول آمين يا دكتور
| |
|
|
|
|
|
|
Re: إنشاء الله القيامة تقوم!!! (Re: عبدالبارى العجيل)
|
يا سناء:
رغم الدكترة وبنادول ورغم دفاع بني شادول وحتى إن جبتو زي جقدول إنشاء الله القيامة تقوم وتشبع قوم يطير الريد وناس الريد يطير البلبل الغريد ويوقع رب ومايقوم تاني أبداً تب أكان أغرانا بي درباً بدايتو عذاب نهايتو سراب وكوم من تَنْشَنات وهموم وإنشاء الله القيامة تقوم .. .
| |
|
|
|
|
|
|
Re: إنشاء الله القيامة تقوم!!! (Re: عبدالبارى العجيل)
|
عزيزي أحمد موسى:
Quote: ياخ مالك متذكر لينا القيامة ونحن لسه في حاجات ما تميناها |
قول لي حاجة واحدة تمت ليك في البلد دي؟ دي جرجرة ساي وما تقول لي:
Quote: أجل البوست ده شوية وتعال ليه بعد زمن |
وأنا لسه مصر: إنشاء الله القيامة تقوم!!!
| |
|
|
|
|
|
|
|