|
|
 2- من كل بستان زهرة -صـدر الـمـحـافــل -
|
ابوصلاح
صـدر الـمـحـافــل
يا جوهر صدر المحافل
روحي معاك إتلطفيلها
ما الدور الفي حليهو رافل
في حكمك لقلوبنا قافل
كالظبي الفي مقيلو غافل
تاره يميل و التانيه جافل
وجه ينور و البدر آفل
فوق للبدر يزيد نفيلا
ليك جوز عين نعسان و كاحل
زي وجدي اللي جسمي ناحل
بحر الشوق ماليهو ساحل
بنسب نوحي علي البلابل
و إنتي القمره بتنسبيلا
الغصن البتنى مايل
طيروا ينوح فوق غصنوا حاتل
أهوى نسيم لي فكري شاتل
و الأسد الفي القيد يناتل
يتأكد ماليوا كاتل
غير مكحول ظبي النتيلا
المرنوع بي كنفوا هادل
درعوا يميل بي خصروا جادل
أنا نايم و الليل سادل
شرط الحاكم يبقى عادل
ما يمنع طيفك يغازل
أنا في الحب لي روحي بازل
داخل قلبي ليك منازل
يا لايم لاتبقى هازل
هل عاشق يسمع لعادل
خلي نصيحتك عني زيلا
يوقد شوقي و دمعي هامل
جمر الحب لي جسمي شاعل
كيف لا تشعل في مشاعل
لو الدهر بي حالي جاهل
في الأنجم أسأل سهيلا
أنا في الريد مالقيت وسائل
غير بث النسمات وسايل
أغرب شي و عجبنا سايل
حلم الصاحي و دمعه سايل
لو شكيت في أمري سائل
البدري كونك مثيلا
يوقد شوقي و دمعي هامل
جمر الحب لي جسمي شاعل
ضاق بي الكون مع إنوا ماهل
دمي يخضب للأنامل
هل يرضيك كدا يا جميلا
|
|
 
|
|
|
|
فيس بوك
تويتر
انستقرام
يوتيوب
بنتيريست