|
|
 أخجلو يا هلالاب !!!!!!!!!
|
الهلالابى .. و سقوط الوطنية ...
أين كان البعض * منكم يوم انتصر فريقنا القومى
( أشدد فريقنا القومى و ليس المريخ أو الهلال ! )
على الفريق التونسى و تأهل بجدارة لنهائيات غانا متصدرا مجموعته
بعد غياب دام أكثر من ثلاثين سنة ؟؟؟؟
قال أخجلو يا مريخاب قال !!!!!!!
عبدالماجد
|
|
 
|
|
|
|
|
|
|
|
Re: أخجلو يا هلالاب !!!!!!!!! (Re: ABDELMAGID ABDELMAGID)
|
صديقي عبد المجيد ...
الحمد لله الذي جعلنا على الفطرة
السليمة ( مريخاب وزعماء ) ولم تتشوه
فطرتنا ..
الحمد لله ما عندنا شئ بنخجل منو ..
ولا تهتم بالذين حين يشتد عليهم وجع
كلامنا يتباكون ويغضون الطرف عما يكتبون ..
إنت ما ملاحظ إنهم طوالي بجوا يتباكوا ويدقوا
السكليبة كل ما تعصرهم في بوست .. ويرددون
الاسطوانة البايخة والمشوخة ( ندين ما يكتبه البعض)
والادانة دي ما بتجي في بوست البعض ليه أنا ما عارف ؟؟
والله لو لقيت يوم واحد بس هلالابي دخل في بوست من البوستات
اياها لقلنا معليش ..
لكنهم يطنشون ولا يقدمون نصائحهم الوطنية دي لصاحب البوست ..
يعني ناس تضرب وناس تعمل أطباء بل للاسف أطباء فاشلين ..
نحن لا نخجل ..
بل عليهم أن يخجلوا .. كما قلت ..
وعـاش الزعيـم
فـوق الجميـع
| |
|
|
|
|
|
|
|
|
|
Re: أخجلو يا هلالاب !!!!!!!!! (Re: على محمد على بشير)
|
| Quote: ودا الفاقع مرارتى شخصيا . |
وليـه فـاقـع مرارتك يا أبو علوة ؟؟
تسلم مرارتك ..
وتسلم كبد الحقيقة ..
أديهم من ذات الكاس وزيادة ..
لا تدر خدك الأيمن ..
بل تحول إلى نار تحرق الزريبـة.
وبس ..
وعـاش الزعيـم
فـوق الجميـع
| |
|
|
|
|
|
|
|
|
|
Re: أخجلو يا هلالاب !!!!!!!!! (Re: حسين يوسف احمد)
|
فـوق ..
فـوق ..
ولتسـقط أقـلام الوهـم والضلال ..
لتسـقط الأقلام المعبأة بالحقد الأزرق ..
لتسـقط الأقلام التي لا تستطيع أن تهدي
أهل بيتها أولا ..
وهـذا لأنها أساسا غير مؤهلة وغير جديرة
بأن تهدي ..
وعـاش الزعـيم
فـوق الجميـع
| |
|
|
|
|
|
|
|
|
 Re: أخجلو يا هلالاب !!!!!!!!! (Re: ABDELMAGID ABDELMAGID)
|
انا هلالى على السكين
واقول مبروك للمريخ الفوز الصعب
على الدراويش وقد تجرعنا ذات الكاس فى
مباراةالهلال الاخيرة خاصة فى الشوط الاول
ولم نكن نتمناها للمريخ ولكن اتمنى من المريخاب
ان يعرفوا ان الكورة مدورة وقد مروا بنفس الظرف
فلا داعى للمداخلات غير اللائقة من المريخاب او الهلالاب
لنجعل الاكف ببركة هذا الشهر الفضيل تدعوا بالنصر
للهلال والمريخ والسودان بالفوز المؤزر
يلا قولوا آميـــــــــــــــــــــن يا رب العالمين
ضياء الدين ميرغنى
| |
|
|
|
|
|
|
|
|
|
Re: أخجلو يا هلالاب !!!!!!!!! (Re: tmbis)
|
صورك دى يا تمبس ...
انما هى دليل على مدى حب جماهيرنا الوفية لمريخها الأعظم ...
و عدم رضائها بالنتيجة ...
على غرار الفرق العالمية من مانشستر لحدى روما !!!!
و لكن سوف يظل مريخها ساطعا فى سمائها و خالدا فى قلوبها ...
و لم لا فهو مريخ المحمولة جوا ...
الذى لا تهزه النتائج و العثرات ...
فهو لها ...
و قادر على اصلاحها ...
و لتعش أمة المريخ ...
عبدالماجد
| |
|
|
|
|
|
|
|
|
|
Re: أخجلو يا هلالاب !!!!!!!!! (Re: ABDELMAGID ABDELMAGID)
|
عمود ظريف لخالد عزالدين
خارطة الطريق الي القصر !
من باب الوطنية والانتماء للعاصمة القومية احب ان اساهم مع اخوتي في نادي المريخ بتقديم خبراتي المتواضعة ومعرفتي القليلة في الطرق المذدحمة في الخرطوم حتي تصل بعثتهم الظافرة والتي تحمل الكاس الجوي من تونس بسلام للقصر الجمهوري !!
وانتو طالعين من المطار وشايلين الكاس خليكم مركزين علي الجنب اليمين !! عشان الصينية الفي شارع افريقيا دي بتكون زحمة .. انا عايز واحد حريف منكم يكون في المقدمة الهجومية .. طبعا ما ايداهو .. عايز زول بفكر عشان يزوغ سريع ويدخل الشارع بي سرعة من ناحية المباني الحكومية .. اوعه واحد يغشكم ويقول ليكم نمشي بي شارع المستشفي عشان نزور مستشفي القلب وننجح زيارة الانتر .. المنطقة دي زحمة شديدة وبعدين بكون اتجاهها اجباري عبر شارع القصر .. عارفكم ماشين القصر لكن بي جاي ما بتصلوا اصلكم !! انتو اصلكم ما واصلين !! امشو بي شارع الجيش وطوالي علي شارع النيل علي الاقل الشارع ده ما فيهو ( صواني ) كتيرة يعني ناس ايفوسا وعلاء الدين بابكر ديل ما حياخروكم باللف والدوران الفي الفاضي ده .. وطالما انكم محددين هدفكم القصر الجمهوري يبقي مافي داعي تلفو وتدوروا والهدف قداكم ! انا عارف انكم عندكم مشكلة في الجنب اليمين وانو الحكاية دي عامله ليكم ( قلق ) لكن طالما الحركة ماشة يمين ممكن تجازفوا بس اعملوا حسابكم من الشحادين .. ما يقوم شحاد يشحدكم قون قونين تدوهو طوالي ده ما وقت كرم يا بهاء الدين الناس مستعجلين والاحتفالات في القصر عندها مواعيد !!
لما العربات تجي تلف شمال خلو موسي الزومه ده يغمض !! لانو حكاية انو يشوت بالشمال من اي مكان في اي مكان دي ما بتنفع في الشوارع الجديدة لانو ممكن يكسر ليهو ( لمبة ) يتعرض لغرامة ولا ايقاف ومافي زول ( بسد ) محلو !
في التقاطع مع شارع البلدية حتتاخروا شوية الحركة هناك بطيييييية ( ابالو بس ) عشان انتو ما تتاخروا حقو اللاعبين تركبوهم ( اتوسوهات ) ممكن تشوفو فقيري ومحمد الياس اصلهم متخصصين في الاتوس .. بالمناسبة القصة دي ما (تعقدكم ) باعتبار انكم بقيتو نادي غني وكده !! ما برضو النسي قديمو تاه !! خصوصا وانو ايام الاتوسات كان في كاسات !! اهنا تخلو الاتوسات تمشي قدام وبعد داك ممكن بي سهولة الكومر ماركة ( اليجا ) الشايل الكاس ده يمر بس لازم يعمل حركة خفيفة بالكعب كده في الفرامل عشان التفحيط وكده !
جنب الجامعة هناك تقلبو ( السيرة) مسيرة .. تقولو دي مسيرة احتجاج علي تدخل القوات الاجنبية في البلاد !! لانو احفاد الخريجين الاوائل ديل لو عرفو انو دي مسيرة المريخ الظافرة العائدة بكاس الكونفدرالية حيطقعوكم حيطقعوكم !! غشوهم خفيف كده واعملو ليكم حبة شعارات بالاعلام الكتيرة الجبتهوها من الصين دي ! بس اعملو حسابكم ما يقولو شيوعيين ! شايفكم مالين البلد بالون الاحمر !! دي باقي اعلام الثورة الصينية ولا شنو ؟! انتو ما قلتو هنود مالكم قلبتو صيني !! ندخل الجامعة ؟! جامعة شنو البتدخولها !! انتو مالكم ومال الجامعة !! تمشو طوالي في الشارع لحدي ما تلقو شارع يوديكم علي شارع النيل ! خلو بالكم شارع الجامعة ده فيهو حرف ما تقوم حفره تغش بهاء الدين !!
مع شارع الجامعة تقيفوا جنب مدخل كوبري المك نمر الجديد وتدوا التحية للشركة التركية ! وتغنو اداني التحية (دموعي سالت ) والمنام ابا لي العجب حبيبي !! اصلو ناس الشركة التركية ديل برضو عندهم اموال رعاية اجتماعية !!
في شارع ضيق بي تحت كوبري المك نمر تمشو بيهو بس بي نظام .. ما تعملو لينا الفوضي البعملها اتوفيستر دي ! ما كلكم تدخلو سوي .. حددو الطريقة البتناسبكم .. عايزين تمشو اربعة اربعة اتنين .. لازم الاتنين الفي النص ديل يكونو اقوياء ولياقتهم كويسة وبعرفوا يقروا الطريق كويس .. عايز تمشو 352 لازم الاتنين البمشو بالطرف ديل يكونو سريعين ومخهم نضيف .. ما تستعلجو وتتقدموا كلكم وتخلو ضهركم مكشوف .. الطريقة دي بتجيب اجلكم !!
في شارع النيل برضو في نوافير خلو بالكم ما تتغشوا علي طريقة نافورة بسطاوي ! لو الكومر ( اليجا ) ما قدر يدخل من الشارع بدلوه بي ( ماذدا ) بس لازم تكون مرخصة عشان ( الصلاحية ) ما تكون مؤقته لانو شارع النيل ده شارع رسمي وكده يعني ..!
وانتو ماشين في شارع النيل حتلاقو معالم كتيرة لكن انا عايز اشجعكم علي زيارة نادي ( النفط ) خلو بالكم كويس من ( النفطي ) ده ! اصلو الاماكن ( النفطية ) بتحتاج رقابة ! في زول بسيب النفط بدون رقابة ! الناس ديل عايزين يضيعونا لينا الجاز ولا شنو ! ياخي سعر الجالون حصل سبعة الف !! طبعا قيمة ( النفط ) ما بعرفوها الا سكان الدول العندها نفط .. يعني ممكن تجيب ليك سعودي يراقب ( النفط ) بسهولة .. لكن لو جبت ( زامبي ) اكيد حيفشل في مراقبة ( النفط ) الخبرة مهمة في المواقف الزي دي !!
تطلعوا من نادي النفط تزوروا العمارة الكويتيه وبرضو تدوا التحية .. لا ما في شركة هناك برضو ! انتو مالكم جنكم شركات كده !! في مكاتب الام بي سي والعربية ! تقيفو تصوروا مع ( صدي ) الملاعب .. انا عايزكم تعرفوا ان الحصل ده الاصل انما ده ( الصدي ) والصوت هناك في تونس !
وصلنا القصر !! الله .. عايزين تدخلوا من ياتو باب .. باب ابالو ولا باب اليجا ولا باب باولينو ولا باب ايداهو !!
عايزين باب ( الوالي ) لا ده لسه شغالين فيهو صيانة .. الباب ده تحديدا زي كوبري امدرمان القديم .. كلوا ما ينتهي من الصيانة ببدوا تاني فيهو صيانة !
يلا ادخلو من باب ( بهاء الدين ) لانو ده الباب الوحيد البتيح ليكم الدخول والخروج ..
ودخلت بعثة المريخ الظافرة القصر الجمهوري للتكريم .. عارفين حصل شنو في التكريم .. انتظرونا بكره !!
| |
|
|
|
|
|
|
| |
حسين يوسف احمد
على محمد على بشير
altahir_2
tmbis
abdulgafar mohd saeed
omar altom
فيس بوك
تويتر
انستقرام
يوتيوب
بنتيريست