عتالة المينا الخير الفينا *** مهداء الى كلات المواني وجميع عتالة بلادي

Quote: هناك مهن كتيرة يظن عدد كبير من قطعات المجتمع ان اهل هذه المهن خلقوا ليعيشوا الكفاف ولا شي غير الكفاف من بينهم الكلات السماكة والنجار الباب بيتوا مخلع مع انهم يصنعون رزقهم من عرق ضراعتم لكن هناك حيتان تاكلهم كل يوم ونواصل حكي عن الكلات وعن عمال بورسودان في البواخر وفي الارصفة وفي القطارات وفي الشوارع

Quote: هـذه ذكريات طويلـة.. وأرجو أن أتمكن من الحصول على تسخـة من روايتك، وأرجو أن لا يكون فيهـا تنميـط للعتالى على أساس أنه الذى يعمل طول اليوم ليذهب فى أخره الى أسفل المدينـة..

Quote: روايات شنـو يا زول.. واحـد قدامك من بورتسـودان، ولما كنت فى الوسطى أشتغلت فى المينأء دى زاتهـا.. ديل أهلى يا أخى.. ناس كادحين يجو من الدغش من ديم عرب وديم النور وسلبونـا وحتى من كوريـا ودار السلام..

Quote: ينزلوا فى اللفـة بتاعـة ديم سـواكن..

Quote: والله ما قلت إلا حقـا.. وكلنـا يتحمل هـذه المسـؤوليـة.. وأحب أن أطمئنك أن هـذه المأسى فى طريقها للزوال وستكون تأريخـا قريبـا إن شـاء الله.. فإن الأرض تميـد الأن عن ثورة حقيقيـة تحت أقـدام من تسببـوا فى هـذا الظلم التأريخى الفادح

Quote: في اسفل المدينة جمعتني الظروف مع بعض شباب بورسودان من سحناتهم ابسط ما يكونون يعني عمال في بحر الله الواسع ودارت في ما بيننا عبارات من المرايس والونسه الجميلة وقلبوا في لحظة واحدة قراتسي قراتسي ..... وهاك يالايطالي يا سلمى ديل بتكلموا ايطالي كلهم وانا قاعد في نصهم ذي الاهبل في الزفه عرفت يومها ان لغة الايطال ذي لغة الهوسة بامكانك ان تتعلمها كما تعلمت لغة الهوسة الشباب طلعوا ليهم سنين لافين في عرض البحار في بواخر ايطالية يمسحوا السطح ويعملوا في بابورات تلك البواخر ومثلهم في بواخر اليونان والاسبان