ذكريات ، حكاوى ، مقالب وألغاز جامعة الخرطوم .

كتب الكاتب الفاتح جبرا المتوفرة بمعرض الدوحة
مرحبا Guest
اخر زيارك لك: 05-10-2024, 08:54 AM الصفحة الرئيسية

منتديات سودانيزاونلاين    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات    مدخل أرشيف اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
مدخل أرشيف الربع الرابع للعام 2007م
نسخة قابلة للطباعة من الموضوع   ارسل الموضوع لصديق   اقرا المشاركات فى شكل سلسلة « | »
اقرا احدث مداخلة فى هذا الموضوع »
11-01-2007, 09:30 AM

الرشيد البصيلى
<aالرشيد البصيلى
تاريخ التسجيل: 10-28-2007
مجموع المشاركات: 532

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
ذكريات ، حكاوى ، مقالب وألغاز جامعة الخرطوم .

    [SIZE="5"]
    كل منا يعرف الكثير من الحكاوى ،المقالب ، والمواقف التى إن لم نكن مررنا بها أنفسنا لا شك مرّ بها
    بها غيرنا أمام أعيننا من زملاء الدراسة خلال الفترة الزمنية الممتدة ما بين الوقوف على أعتاب مكتب القبول للتقديم للجامعات ومكتب الشئون العلمية لتوثيق شهادة التخرج .
    هذه الفترة تصنف على أنها ليست بالسهلة ، بسبب التعايش الجماعى الذى يشهد مختلف ألوان الطيف من بنى شعب السودان من الطلاب الذين قدموا من بقاع السودان المختلفة بما فى ذلك أهل المركز فى الخرطوم . الكثير من الطلاب كان يحملون تصورا معينا فى أذهانهم عن الجامعة بناءا على ما سمعوه من أخبار وسرعان ما تتم غربلة هذه التصورات بصورة تلقائية بمجرد معايشة معطيات الواقع فيها.
    الكثير من ابناء الأقاليم من أمثالى ستتدخل عليهم بعض التعديلات و التغييرات بهدف القدرة على مسايرة بيئة الجامعة والتى لها أسهها العامة ومفرداتها الخاصة . وعلى سبيل المثال لأول مرة فى تاريخ سيرتى الدراسية تتثنى لي الفرصة لأن أدرس مع إناث (نساوين ، عوين ، حريم ، أناتى ) فى فصل واحد (قاعة ) ** وقفة** كلمة أناتى ومفردها إنتاية ويقولون نتاية أحيانا فى بعض ديار عرب البادية فى شمال كردفان وكنت قد سمعت البعض يسال غيره حال ظهور مولود جديد (( فلانة جابت ضكر ولا إنتاية وأحيانا نتاية )) بمعنى ولدت ذكرا أم انثى؟ . وتسخدم الكلمة إصلا للبهائم ولم أعرف السر وراء ذلك . هذه واحدة والاخرى هى سماعنا بمفردات مثل : الحناكيش ، الجكس ، والخلط ، والشواكيش. يضاف الى كل ذلك طبيعة الطعام والتحول التدريجى من الوجبات البلدية الى الوجبات السريعة **وقفة** ( كالتحول من العصيدة بملاح الروب بشقيه الأبيض و النعيمية التقلية ،أم شعيفة ، الكمبو المرس ، الأبديب ، وكذلك العصيدة باللبن والكسرة بأمرقيقة وهكذا دواليك).
    هذا الجو من المتناقضات و المترادفات يكون بيئة خصبة للمقالب والحكاوى . وسنسرد فى هذا البوست العديد من القفشات والتى هى أحلى من أن توصف بانها سخرية او تعريضا بالبعض الأخر لكن ظلت مواقف ومحطات وقفنا فيها كثيرا للضحك ومتفقين جميعا على طفوها على السطح بالصورة التى سنسردها بها . وستيم السرد بلغة دارجة بحتة


    سنبدا بالعبد لله (ــــــ) . أخونا فلان دا معروف بالمقالب ودق الخوازيق ويدخل المعمعة ويطلع منها زى الشعرة من العجين. بس يوم من الأيام أتفقنا عليهو وقلنا لازم نجيب خبروا. وبعدين الراجل دا رغم كل صفاته القوية لان خوّاف شديد من البنات ، البت لو جات سألتو عن حاجة كلو يرجف من فوق لتحت وبعدين شوف العرق .أها قمنا فتشنا على صورة من صوروا ولقينا واحدة بتاعة الدفاع الشعبى (صلعة زى الليل) وقام أخونا (ـــــ) بكتابة رسالة غرامية أبو لستك وثبتنا الصورة على الخطاب بس زى الشهادة الجامعية . و قبل ما المحاضر يجى فى واحدة طلعت برة وعشان نوكر زولنا تب على شقاوتوا الزولة اللى طلعت برة كانت قبطية بس صاحبنا شال ليك الخطاب وتووووووووووشك على شنطة الزميلة القبطية . وزولنا كان اسمو التانى يعنى الشوارعى جبانات ... وطوالى أول ما بدت المحاضرة قومى يا الزميلة افتحى شنطتك ( وما تنسوا نحنا كنا برالمة) . الزولة عايزا تطلع دفتر المحاضرات طلع ليها جواب غرامى ومعاهو صورة كمان ( فى سرنا قلنا ليها يا بختك ) وفى ذات اللحظة تم اخطار الاخ جبانات انو الاخت اللبتتلفت دى كايساك لانو ركبناك مقلب والخطاب الغرامى الفيهو الصورة دى دى صورتك انتا و الخطاب باسمك .... أها رايك شنو يا جبانات ... زميلنا لملم دفاترو وأستاذن من الدكتور المحاضر وطوالى على الداخلية . والبت بعد داك كل ما يلقاها فى الشارع يخليهو ليها من بدايتو وخمس محاضرات ما شافا....لكن الراجل ما أتخابث علينا بعد داك عمل لينا نعى أليم بالملصقات فى القاعة ونحنا أحياء وكانت الدنيا جاطت لما شافونا ... وتعال شوف البكاء ....فقلنا ليهم دا مقلب عملو أخونا جبانات كرد فعل ... لكن صارت الحياة أحلى بين من قام بالمقلب ومن شربه وصارت أسعد لحظات للذكرى ... وسنواصل ببقية الزملاء. [/SIZE]
    المرة القادمة حادث مطعم البركس.
    وسنواصل.

    (عدل بواسطة الرشيد البصيلى on 11-01-2007, 09:35 AM)
    (عدل بواسطة الرشيد البصيلى on 11-03-2007, 05:24 PM)
                  

11-01-2007, 10:19 AM

Mubarak Eltayeb
<aMubarak Eltayeb
تاريخ التسجيل: 09-12-2007
مجموع المشاركات: 493

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ذكريات ، حكاوى ، مقالب وألغاز جامعة الخرطوم . (Re: الرشيد البصيلى)

    Quote: وزولنا كان اسمو التانى يعنى الشوارعى جبانات


    أخي الرشيد
    طالما إنك قريت اقتصاد الخرطوم
    وزولك دة لقبو جبانات

    أنا عرفتو بس ما بقول اسمو
    أسألوا ناس خور عمر

    ولا شنو!!

    (عدل بواسطة Mubarak Eltayeb on 11-01-2007, 10:21 AM)
                  

11-01-2007, 01:33 PM

الرشيد البصيلى
<aالرشيد البصيلى
تاريخ التسجيل: 10-28-2007
مجموع المشاركات: 532

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ذكريات ، حكاوى ، مقالب وألغاز جامعة الخرطوم . (Re: Mubarak Eltayeb)

    يا سلااااااااااااااااااااام يا مبارك الطيب .... انتا مش عرفتو ... انتا كتلتو عدييييييييييل كدا وبعدين الزول دا صاحبى شديييييييييييييييييييد والله لو لقيت لى ليهو عنوان تكون عملت فوقى اكبر فائدة ...... واجتهد يا راجل وورينى الحاصل بيهو شنو .... ولك تحياتى الحارة.
                  

11-03-2007, 01:47 PM

Mubarak Eltayeb
<aMubarak Eltayeb
تاريخ التسجيل: 09-12-2007
مجموع المشاركات: 493

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ذكريات ، حكاوى ، مقالب وألغاز جامعة الخرطوم . (Re: الرشيد البصيلى)

    أخي الرشيد

    مازال البحث جارياً عن عنوان جبانات (تقول ببحث عن فضولي) بعد أن فرقت بنا الأيام
                  

11-03-2007, 05:09 PM

الرشيد البصيلى
<aالرشيد البصيلى
تاريخ التسجيل: 10-28-2007
مجموع المشاركات: 532

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ذكريات ، حكاوى ، مقالب وألغاز جامعة الخرطوم . (Re: Mubarak Eltayeb)

    يا مبارك انتا بتشبة زميلى - محمد عبد الحق _ من مدنى .... وتاجر ..... وبتاع تمباك و التقول لى عندو علاقة بعمارى الكيف . وزميلى فى أقتصاد الخرطوم ... نفش الشبة و الملامح ... وما علينا بس عليك الله تلفون لجبانات او إيميل.....
                  

11-04-2007, 05:08 AM

doma
<adoma
تاريخ التسجيل: 02-04-2002
مجموع المشاركات: 15970

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ذكريات ، حكاوى ، مقالب وألغاز جامعة الخرطوم . (Re: الرشيد البصيلى)

    هي الرشيد ولدي بجاي بالغت وانازعلالالالالانه منك طق
                  

11-04-2007, 06:29 AM

الرشيد البصيلى
<aالرشيد البصيلى
تاريخ التسجيل: 10-28-2007
مجموع المشاركات: 532

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ذكريات ، حكاوى ، مقالب وألغاز جامعة الخرطوم . (Re: doma)

    وانا تارى بقول دومة دى ياتا و الزول ضرب عندها ملاح التقلية والكسرة بالنعيمية فى بكين بالصين. وانا ما زعلان منك لانو انتى مرة اصيلة .... وقوشيها لينا فى وجهنا و اتلومنا معاك تب ما إتصلنا عليك طول الفترة دى وانتى عملتى طناش كمان .... بس الحق نحنا نشوفك و نتصل عليك ونعرف الحاصل بيك شنو ... لكن واثقين من الألمان ....والثقة عندنا فى البى أم دبليو و الاوديو .... والكلام انتهى .... ولك منى كل التحيات المباركات ... وتحيات رزة وتتو.
                  

11-04-2007, 07:52 AM

Mubarak Eltayeb
<aMubarak Eltayeb
تاريخ التسجيل: 09-12-2007
مجموع المشاركات: 493

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ذكريات ، حكاوى ، مقالب وألغاز جامعة الخرطوم . (Re: الرشيد البصيلى)

    رسلت ليك رسالة عبر الماسنجر
                  

11-04-2007, 02:05 PM

الرشيد البصيلى
<aالرشيد البصيلى
تاريخ التسجيل: 10-28-2007
مجموع المشاركات: 532

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: ذكريات ، حكاوى ، مقالب وألغاز جامعة الخرطوم . (Re: Mubarak Eltayeb)

    سأطلع على الرسالة وبجيك صاد.
                  


[رد على الموضوع] صفحة 1 „‰ 1:   <<  1  >>




احدث عناوين سودانيز اون لاين الان
اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات



فيس بوك تويتر انستقرام يوتيوب بنتيريست
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
 اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين 		News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de