|
بورداب (الاون لاين ) ...صورة عن قرب
|
امس وكما ستتابعون وبعد قليل بحسب تعهدات الزملاء هنا - بالصورة والقلم - لقاء البورداب امس بدار اتحاد طلاب جامعة الخرطوم كان اللقاء الاول الذى احضره لهذا الحفل والحشد الكريم وقد سعدت ايما سعادة بالتواصل والمقابلة (الكفاحا ) لكثير من الزملاء والشباب و(الشابات ) بالمنبر والذين تعارفنا مع غالبهم من وراء السطور ودلالات الحرف ورمزيات العبارة ودعونى فى عجالة انقل لكم جانبا من زوايا مرسم بالحرف وليس الصورة اقمته على عجل ليوم الامس .
|
|
|
|
|
|
|
|
Re: بورداب (الاون لاين ) ...صورة عن قرب (Re: محمد حامد جمعه)
|
هاتفنى الزميل (المكاشفى ) هذا الصوفى الشفيف .. اتانى صوته جهوريا بقدر لحظت ان فيه شى من بريق وفخامة صوت الراحل (محمد خوجلى صالحين ) وتفضل الرجل مشكورا ان يقلنى بعربته الى مقر الاحتفال فمن سوء حظى ان عربتى ذات الدفع الرباعى كانت معطلة بالامس !
| |
|
|
|
|
|
|
Re: بورداب (الاون لاين ) ...صورة عن قرب (Re: محمد حامد جمعه)
|
واصدقكم القول اننى كنت ساتوه واضيع واضيع معى الزميل المكاشفى اذ كنت مصرا ان اللقاء سيكون بدارخريجى الجامعة وليس الاتحاد لولا ان (الشيخ المكاشفى ) كان مصرا على ان اللقاء فى اتحاد الطلبة وقد كان ولفت نظرى حشد مهول من المركبات الخاصة الانيقة والمطهمة فقلت فى نفسى (يا حليلك يا محمد جاى راكب ملح وفضل ظهر ويوقولو عميد ) واصدقكم القول ايضا اننى كنت متوترا بشكل ظاهر - يا جماعة اعذرونا براكم شايفين العصر الاتعصرناه هنا - ولفت نظرى ومن مدخل سقيفة مغبرة على باب الاتحاد صور للراحل الخاتم عدلان فرفعت راسى ودققت فيها وشعور بالحزن الساكن يغشى نفسى وانا ادقق فى نظارته والشيب الذى بدا ينمو على فوديه ثم ولست ادرى لماذا فجاة تداعت لنفسى (حكاية زميلنا اسماعيل والدكتور العفيف ) فلم املك نفسى من الابتسام وانا اخطو الى موقع الحفل اتقدم خطوة وارتد خطوتين والمكاشفى بجانبى ياتينى صوته القوى ...ارح ... اهو ديك الجماعة
| |
|
|
|
|
|
|
Re: بورداب (الاون لاين ) ...صورة عن قرب (Re: محمد حامد جمعه)
|
من على البعد وقبل دخول المياه الاقليمية للحفل رايت حسين ملاسى ...شاب دائم الابتسام وبه بياض لافت واناقة اجمل ما فيها انها (sport) وخفيفة تجمع ما بين الحداثة والوقار ثم رايت (بكرى ابوبكر ) كان بدا منهمكا فى التحيات الطيبات والسلام ..
| |
|
|
|
|
|
|
Re: بورداب (الاون لاين ) ...صورة عن قرب (Re: محمد حامد جمعه)
|
الصديق العميد محمد حامد جمعة القاء بين البورداب أمس كان رائعا وجميلا ,,لكن ما قلت لي الموترك شنو ,؟هل حكاية العميد أه الناس شافوك وماباين إنك عميد ...وحتى اذا وصفوك بيها ,,ثرضو يعني شنو؟؟؟ ياراجل نحنا منتظرين قلمك المحبوب . وكما قلت لنا من قبل نقول لك .. أمطر في الطرس ليلا أحم
| |
|
|
|
|
|
|
Re: بورداب (الاون لاين ) ...صورة عن قرب (Re: محمد حامد جمعه)
|
حسنا ... تقدمت للداخل ولفت نظرى كثافة فى الات التصوير المحمولة بين ايدى كثير من الاعضاء فتقدمت نحو الحضور ومن على البعد عينى على بخارى بشير وعادل فضل المولى وعبد الله ابراهيم الطاهر - اعرفهم قبل البورد - وثم وقع نظرى على (ملاسى ) وفى وسط جمع من الحضور جلس الدكتور معز عمر بخيت وكان مجلسهم دائرة كراسى سرعان ما انفتحت بعد وصول عدد من القادمين وبدات السلام ...السلام عليكم ... واشار المكاشفى للتقدم نحو بكرى ابوبكر فقتدمت منه ... وهو يقول اووووووو العميد ودخلنا فى مصافحة حارة وودودة وفلتقفنى بعهد عادل فضل المولى وبخارى وعبد الله ابراهيم ثم حسين ملاسى ثم تقدم نحوى شاب وديع يحمل كاميرا عرفنى باسمه الحقيقى و(النك نيم ) لا اذكره الان لكن لفت نظرى بابتسامة وديعة ورش فوقى ما تيسر من (فلاشات ) ثم تقدم اخر واكرمنى بديباجة عليها اسم الموقع لاضع عليها اسمى والطريف اننى وضعتها بالمقلوب وسقطت عدة مرات حتى تدخل بعض الشباب واصلحوها وثبتوها فوق صدرى
| |
|
|
|
|
|
|
Re: بورداب (الاون لاين ) ...صورة عن قرب (Re: محمد حامد جمعه)
|
وبدات الونسة والدردشات ..تارة مع الزميل صلاح الباشا وحينا مع الدكتور معز ( كفارة يا دكتور قالو الهكر دقشو عكس الريح ) فيرد الشاعر المعز (بسيطة ) وينسرب منى الحديث عن صفحة (عكس الريح ) بالزميلة (الاضواء ) ودفقة الامتاع التى فيها والاقلام التى اكتشفها الدكتور لصالح القارئ ولصالح المؤانسة المكتوبة والطاعمة ووجدتها سانحة لانقل للدكتور معز تحيات واعجاب جارى فى الحى (الحاج عبد الغنى ) الذى يحرص على صحيفة الاضواء الصادرة يوم خروج وصدور صفحة (عكس الريح ) وافتنانه الى حد لا يوصف بالحصول على عدد الثلاثاء وارشفته القشيبة والانيقة لكامل اصدرات الصفحة الى حد قد لا يتوافر حتى لدى الجهة الصادرة للصحيفة وربما الدكتور معز نفسه . العم عبد الغنى هذا حكاية وقصة مطولة من (التثقيف الذاتى ) رجل من عوام ابناء هذا الشعب وعامته لكن لديه عين ناقدة تفرز وتميز بحصافة لا تتوفر لكثيرين بين الابداع فى الكتابة و(طق الحنك ) فالرجل كنت معه ذات يوم ورايته حين يمسك بالصحيفة يقرا وتحس بالمتعة فى طريقة تعابيره وهو يهمهم اثناء مروره على بعض تجليات (شيرى ) ..الله ... يا سلام ... ثم يحرص حين يقرأ لدكتور عادل سجيمان ان تكون (كباية الشاى ) والذى يجب ان يكون (شاى فلت ) رغم انف توجيهات وبيانات هيئة المقاييس والمواصفات ضد الفلت لصالح المعبا .. عم عبد الغنى سفير حسن السيرة والسريرة لصفحة عكس الريح ويمثل مثالا مشرفا لفائدة وجدوى الكتابة للغبش والعامة وملح الارض
| |
|
|
|
|
|
|
Re: بورداب (الاون لاين ) ...صورة عن قرب (Re: محمد حامد جمعه)
|
جمعنى مجلس مع الزميل (تبلدينا ) الذى حرص على الزى القومى (جلابية ) وجلست الى جواره زميلة او لنقل زائرة (عينى باردة ) وقورة ويبدو ان منهجها (الدائرة كتم ) لانها لم تنبس ببنت شفة وظلت صامتة تراقب من وراء نظارة فخيمة حديثناانا وتبلدينا - لن اكشف عن محتواه بالطبع نظام تحالفات وكدا - وحتى اذا ابتسمت فانها تحرص على ابتسامة (شحيحة ) لا تقيم اود المتحدث !
| |
|
|
|
|
|
|
Re: بورداب (الاون لاين ) ...صورة عن قرب (Re: محمد حامد جمعه)
|
احمد حنين :
الزول دا شيخ عرب عديل ... رجل طيب مرح وبصراحة كنت ماخد انطباع - من خلال مشاركاتو - انو زول صعب لكن الرجل كان شعلة من النشاط والحديث والمداخلات اعتلى منصة افتتاح برنامج الحفل وسرعان ما شرد منه الكلام فتنحى للدكتور معز عمر بخيت احمد حنين ..... ربنا يخضر ضراعك
| |
|
|
|
|
|
|
Re: بورداب (الاون لاين ) ...صورة عن قرب (Re: محمد حامد جمعه)
|
الأخ محمد جامد جمعة تحية وبعد لغتي ريفية أحرس مباشريتها من الديكور
أكتب ماأكتب مخلفاً وراء ظهري حجيماً يكفي لإبادة حلال ومدائن ـ جحيم عبرته ثابت الخطى برغم كل ماحدث لا أحمل تجاهك غلاً ولا ضغينة ليست رسالتي نشر البغضاء لست راغباً في رؤية قلمك في تابوت أتمنى أن يساهم قلمك في رفعة هذا الموقع وفي الختام سلام عثمان محمد صالح
| |
|
|
|
|
|
|
Re: بورداب (الاون لاين ) ...صورة عن قرب (Re: Osman M Salih)
|
Osman M Salih
اختلفت ام اتفقت معك تبقى فى النهاية انت انسان وسودانى وصاحب موقف وراى وهى جماع تفاصيل وعناوين وحقائق تلزمنى بالتعاطى معك والانصات اليك وتقبل توجيهك متى ما كان مرسوما بالنبل وموسوما بحسن المقصد والنوايا
وبدورى لا احمل تجاهك غلا او حسدا او مقتا فتلك امراض غسلتها بماء التسامح والسماحة المبذولة للجميع
| |
|
|
|
|
|
|
Re: بورداب (الاون لاين ) ...صورة عن قرب (Re: محمد حامد جمعه)
|
عبير خيرى ....
خمسة وخميسة فى عين الما بيصلى على النبى ..... وبرضو دريمز وزولة ....
الغريبة فى واحدة زميلة جات ماشية على ... واشارت باصبعها (زى علامة هووووووووى ) وقالت انت محمد حامد ...فبلعت ريقى وقلت ... نعم ... فسلمت وهزت راسها ومضت ... وما فهمت حاجة انا
| |
|
|
|
|
|
|
Re: بورداب (الاون لاين ) ...صورة عن قرب (Re: محمد حامد جمعه)
|
Quote: الغريبة فى واحدة زميلة جات ماشية على ... واشارت باصبعها (زى علامة هووووووووى ) وقالت انت محمد حامد ...فبلعت ريقى وقلت ... نعم ... فسلمت وهزت راسها ومضت ... وما فهمت حاجة انا |
الأخ محمد حامد جمعه
تحياتي
بماانني المعنيه بهذه "الحادثه" وددت لو زكرت اسمي ، قرات ماكتبت امس و ارجو ان يكون الأمر قد اتضح لك من مكالمتي ،
و السلأم
| |
|
|
|
|
|
|
Re: بورداب (الاون لاين ) ...صورة عن قرب (Re: محمد حامد جمعه)
|
Quote: الزميل و(العم ) ابوجهينة .... رجل طاعم عذب تحدثنا عن (بورداب الرياض ) وجاء اسم وذكر معتصم وتمبس وعلاء وعمر الفاروق والطالب .. وقصص وحكايا عن اولئك السودانيون الاقحاح ... ويكفى ان نصمت حتى لا تشرق حروفنا بالدمع |
الكمندان محمد حامد استاذنا والريس ابوجهينة..رجل يشد إليه الرحال ..وموسوعة زاخرة بكل ضروب الفلسفة .. جميل ان نكون معكم في لحظة حميمة ..
ياكمندان .. كن في تابوتك الذي فصله ارتضاه الأخ الصديق عثمان محمد صالح ويقيني رغم ضيق المساحة وانعدام الضوء ..حروفك اكتر عذوبة.. وقضى الأمر ..
| |
|
|
|
|
|
|
Re: بورداب (الاون لاين ) ...صورة عن قرب (Re: محمد حامد جمعه)
|
ياااااااااااه .. ايه الهنا الانتو فيهو بدون حسادة احسدكم على لقاء يحمل هذا الجمال والسمو فوق الاسطر الساخنه والعب الخشن و.... ياهو دا السودان عجل ياود جمعة انت لسه من زمن الصور بحمضوها ,,, شكرا على الشحتفة الشيقة... فى الانتظار..
| |
|
|
|
|
|
|
Re: بورداب (الاون لاين ) ...صورة عن قرب (Re: محمد حامد جمعه)
|
ياجماعة الزول ده مالو ؟المزعلو شنو ؟ اسع فى زول هبشو؟ شنو ياوجيه انت"اعلاه" ماغفرته للكمندان سعادتو ودجمعة ماقدمة من اخطاء وفتحت له صفحة بيضاء من غير شاهد ولاقبر وانا والله انبسطت تب وقلت عقبالنا" يازاهى يازين يا حكمة وسطورك بتعمى اى عين" اهه فجعة كدى غير رايو مشى وين ماعارف وجانا بى وش تانى ..يبدو ياودجمعة انو تابوتك رفض الفكاك "منك" ربنا يعينك ..اما انا احتج لان تابوتى مقاس M وانا احتج و احتاج الى XXL ياهادا المقاس يا اغرق .. تابوت رعدير قلم كفيف راس خفيف قضى الامر راجين الصور ياعميدتو..
| |
|
|
|
|
|
|
Re: بورداب (الاون لاين ) ...صورة عن قرب (Re: محمد حامد جمعه)
|
ياجماعة الحقو سعادة العميد قبل ما يعمل فى الصور و فى نفسو حاجة سعادتو طافش وحردان وكلو من السمكرجى بتاع التوابيت....اكبر ياكمدان وجيب الصور كبر دماغك انسى الزول دا اصلو حانوتى خرفان وبضاعتة بايرة,,,, نسال الله السلامة.... قضى الامر ,,,, عاليا.... بس صدقونى لحدى وين مش عارف ...المهم عال ليا
| |
|
|
|
|
|
|
Re: بورداب (الاون لاين ) ...صورة عن قرب (Re: محمد حامد جمعه)
|
يا حامد جمعة صحبكم بقال ده ماله طغيان كدة؟ كان قاعد جنبي مدة وما سلم, بعدين حسيت باحراج وسالته انت بقال مش؟ أنا زولة قام عاين لي من فوق لي تحت وقال لي أهلا 1!!!!1
وصحبك التاني ناذر باعاين ليه من بعدييييد كان لابس طاقية وظاهر انه ناذر وطبعا لم يكن من الصعب مطلقا التعرف عليك
ما عارفة لي خليت تعليقي على الجماعة ديل في بوستك عشان حرقوني شديد
اما هالة فهي جميلة ورقيقة واظرف من الصورة الخاتاها وما عارفة ليه بتديني انطباع انها خواجية
| |
|
|
|
|
|
|
Re: بورداب (الاون لاين ) ...صورة عن قرب (Re: zola123)
|
Quote: هى ما قلت ليكم مش قابلت اسماعيل حميم ...
زول مرتب جدا ................................ |
هي والله أغرب حاجة أنا برضو قابلتك ده يكون من شنو يا ربي
بما أنني من أعضاء اللجنة المنظِمة كنت حا أزعل منك لو ما لبيت الدعوة ..... وأعتقد إنها كانت فرصة لإزالت كثير من الحواجز المصنوعة إفتراضياً إن صح إعتقادي. أتمني توالي اللقاءات.
صادق إحترامي
إسماعيل حميم
| |
|
|
|
|
|
|
Re: بورداب (الاون لاين ) ...صورة عن قرب (Re: إسماعيل حميم)
|
يا شباب سلامات
اها نرجع للبوست بس الله يغطى علينا من صاحبنا
المهم
كدى نحدثكم عن هميمة ... طبعا عندها اسم فى المنبر نتشة واتخيلتها ليكم بنت سمراء نحيفة لكن بالجد لقيتها ماشاء الله زولة لذيذة وعندها شعبية ( لا حولا ) الغاشى والماشى عاوز يشوفها ويسلم عليها ... انقل لها هنا وفى الفضاء الطلق تحية كبيرة و(سلااااااااااام سلاح ) لانها بالفعل زولة عندها كاريزما قبول مهيب ... غايتو لو كل المستنيرات زى هميمة دى الواحد بقى مستنير زمااااااااان
| |
|
|
|
|
|
|
Re: بورداب (الاون لاين ) ...صورة عن قرب (Re: محمد حامد جمعه)
|
الناس الحلوين جميعا
برغم أنني اتخذت من عيني ذاك المساء آلة للتسجيل ليسع شريط الذاكرة الجميع لكن روعتكم كانت أبهى من النيل وصور فاطمه أحمد إبراهيم وذكريات دار الإتحاد.. كنت أرقبكم جميعا .. اليوم أشتاقكم جميعا..
حينا سنلتقي .. يومها سأصافحكم طويلا .. أبوجهينه .. تعلمت منك الكثير حينما أهديتني سنا البرق ناذر .. بتشبه ناس المتكسي - مدني ود جمعة .. فرفور
أبو أسيل
| |
|
|
|
|
|
|
Re: بورداب (الاون لاين ) ...صورة عن قرب (Re: محمد حامد جمعه)
|
العزيزة زولا ....
أبدا والله ما إتجاهلتك ولا حاجة والدليل إني سألت منك قبل نهاية البرنامج بي شوية وقالوا إنتي مشيتي !!!!
تعرفي أنا كنت بعتقد إنو كان الأفضل لو أي زول طلع المنصة وعرف روحوا قدام الناس عشان عرفوا وتجي تسلم عليهو بعد الحفلة لكن موضوع الزول يجي يحوم يعاين في جيوب وصدور الناس زي النشال كانت ما جايو وبالذات لمن الموضوع يتعلق بالجنس اللطبف
الجايات أكتر من الرايحات وإنشا الله نتقابل في الرحلة النيلية ..
| |
|
|
|
|
|
|
Re: بورداب (الاون لاين ) ...صورة عن قرب (Re: محمد حامد جمعه)
|
يا صديق الوهله الاولى ......... جمعه .
والكاريزما دى من الصباح فكتنى ؟؟؟؟؟؟؟؟؟؟؟؟؟
ماااااااااااااااااا تضرب لى تلفون .. يا خى ....
وان كان مكنتك كبيره شويه لكن واصل ... انت ونن______________اس والله
واصل وانت مطمئن ......... انا نزلت ليك ( انتى فيرس عثمان صالح ) !!!!!!!!!!!
| |
|
|
|
|
|
|
Re: بورداب (الاون لاين ) ...صورة عن قرب (Re: محمد حامد جمعه)
|
اخونا
العميد
محمد حامد
يا اخي انت لسع عميد مارقوك بعد الأحداث الأخيرة
والله يا سعادتك اقول ليك بكل صراحة انتا زول رائع وتحمل قلبا طيبا وبشوشا بصرف النظر عن الأس ام سي كنت ناوي ازورك في المكتب لكن خفتا الجماعة يسلبطوا فينا ،، يطلعو لينا قضية من مافي ويلبسونا تهمة نحنا ماقدرها
لك الود واوعدك بالزيارة بعد ان يتغير قانون الأمن الوطني
تحياتي
| |
|
|
|
|
|
|
|