|
كتب الكاتب الفاتح جبرا المتوفرة بمعرض الدوحة
|
|
 Re: رحلة الشهد والدموع (Re: محمد حامد جمعه)
|
أخي إن ذرفت علىّ الدموع .. و بللّت قبري بها في خشوع
فأوقد لهم من رفاتي الشموع .. و سيروا بها نحو مجد تليد
أخي إن نمُتْ نلقَ أحبابنا .. فروْضاتُ ربي أعدت لنا
و أطيارُها رفرفت حولنا .. فطوبى لنا في ديار الخلود
أخي إنني ما سئمت الكفاح .. و لا أنا أقيت عني السلاح
و إن طوقتني جيوشُ الظلام .. فإني على ثقة ... بالصباح
و إني على ثقة من طريقي .. إلى الله رب السنا و الشروق
فإن عافني السَّوقُ أو عَقّنِي .. فإني أمين لعهدي الوثيق
أخي أخذوك على إثرنا .. وفوج على إثر فجرٍ جديد
فإن أنا مُتّ فإني شهيد .. و أنت ستمضي بنصر جديد
قد اختارنا الله ف دعوته .. و إنا سنمضي على سُنته
فمنا الذين قضوا نحبهم .. ومنا الحفيظ على ذِمته
أخي فامض لا تلتفت للوراء .. طريقك قد خضبته الدماء
و لا تلتفت ههنا أو هناك .. و لا تتطلع لغير السماء
فلسنا بطير مهيض الجناح .. و لن نستذل .. و لن نستباح
و إني لأسمع صوت الدماء .. قويا ينادي الكفاحَ الكفاح
سأثأرُ لكن لربٍ و دين .. و أمضي على سنتي في يقين
فإما إلى النصر فوق الأنام .. وإما إلى الله في الخالدين
| |
 
|
|
|
|
|
|
|
|
Re: رحلة الشهد والدموع (Re: محمد حامد جمعه)
|
الاخ ابو حميد
قيلت عافية
مدخل :
من باب الالتزام بامر اكرام الموتي وذكر محاسنهم سأطلق عليهم المرحوم الزبير والمرحوم ابراهيم شمس الدين ، اما من ناحية المحاسن فأصدقك القول بأني لم اجدها .
لست ادري ما معني ايرادك لهاتين الصورتين تحديدا اليوم ؟ هل لانهما كانا اكثر المتطرفين نظرة وقتالا للحركة الشعبية ؟ هل لو وليست التي تفتح عمل الشيطان كانا علي قيد الحياة لما ولج جون قرنق القصر الجمهوري اليوم ؟
هل تريد ان تعبر بهما عن وجهة نظرك تجاه ما حدث اليوم ؟
مخرج :
ارجوك لا تقل لي فقط انهما كانا سببا فيما حدث اليوم .
مع الود .
| |
|
|
|
|
|
|
|
|
|
Re: رحلة الشهد والدموع (Re: محمد حامد جمعه)
|
الى كل اولئك الذين مضوا ... لم تكتحل اعينهم من هذه الدنيا الا بمبادئهم واشواقهم .. فى يوم الفرح الكبير هذا تحضرون فى اعين امهاتنا فى اطياف الذكرى التى لا شك انها تلامس حنايا وافئدة الاباء فانتم لم تغيبوا ولن تغيبوا قط . سيحفظكم هذا الشعب الوفى فى وجدانه وستطلون على الدوام من فوق سماوات المدائن تعلمون الناس والزمان كيف يعيش الحر بقلب الحر وكيف يموت .
| |
|
|
|
|
|
|
|
|
|
Re: رحلة الشهد والدموع (Re: Hatim Elhassan)
|
Hatim Elhassan
ايها المسكين !
قلت لى النشيد ده موصو واشرب مويتو بعد ده
دا بعدك وعشم المدبرين بالخذلان مثلك ... لسه يا مافى الجراب يا حاوى و(الجبهة ولود ودود ) وتشوف عينكم والشهداء ربنا يتقبلهم وينزلهم منازل الغفران والقبول الذى تزول بعده احزان القلوب وفى الطريق الوف منهم لا يترددون باذن الله
وشايفك جبت لى رابط كلام بشير ادم رحمة سبحان الله تكذبون الرجل وشيخه فى كثير وتصدقونه فى هذه وعموما مافى مشكلة
بس عاوزك تعرف ...
قاعدين ليكم كدا .... فى قلبكم .... انتو بس اقعدو حاحو من بره من كده وانتظرو (الميتات ) والناس التانية يلعبوها ليكم ... قرنق وبقى حليف ... اها مين بعدو !
| |
|
|
|
|
|
|
|
|
|
Re: رحلة الشهد والدموع (Re: Hatim Elhassan)
|
ود حامد كيف حالك
شايفك في الاحتفال بالبدلة السفاري بتاعتك البلو الشيك ديك .
واخر هيصة
كل شئ كان تمام بس والله الحركة بتاعة المكرفون الخربان كنت متوقعها وكان معاي واحد صاحبي قلت ليه هسي يا كهرباء قطعت ويا صوت تعبان ويا ويا المهم اتوقعنا فضيحة ولما عمر البشير كان بطقطق في المكرفون (الفضيحة كسرت رسينا) خاصة وانه في نفس اللحظة بتاع الكمرة ركز على (ابتسامات المشير وحيرة الامير نايف) بس عشان معانا ناس اغراب وقبائل ودول وكدا كان الناس تعمل حسابها عمري ما حضرت احتفال او مهرجان او حفلة سودانية إلا وكان فيها مشكلة صوت (يعني تلقا خلل في الساوند سيستم او المايك) اذا المشكلة أو الخلل مافي المكرفونات ولا في الساوندسيستمات المشكلة والخلل في الزولاااااااااااااااااااات!!
| |
|
|
|
|
|
|
|
|
|
Re: رحلة الشهد والدموع (Re: خضر عطا المنان)
|
عزيزى خضر
أليس أولئك بشهداء ؟؟؟؟؟؟؟؟؟؟؟؟؟؟؟؟؟؟؟..
الله حسيب الجميع وليرحمهم جميعا بعفوه ومغفرته
واما
الانـقـاذ في ذمــة التاريـخ !!
فاخشى ان ما حدث امس واليوم وما سيحدث غدا يكون ميلاد جديد للمؤتمر الوطنى - والحركة الشعبية بالطبع - فيما يبقى للبقية من التنظيمات السياسية ... سماح الوصف ! لانهم وقعوا كالعادة فى الحساب الخطأ وركنوا للتمنى واطلاق الاشعار والشعارات ... والوكت وكت شغل مش طق حنك فى الفاضية والمليانة
| |
|
|
|
|
|
|
|
|
|
Re: رحلة الشهد والدموع (Re: Esameldin Abdelrahman)
|
Esameldin Abdelrahman
ببساطة لان ما ذهبت اليه غير صحيح الشهيد الزبير مثلا لم يكن صاحب مواقف متشددة فى مشروع السلام بل ويحفظ للرجل انه كان يحرص على الوصول للاخوة حاملى السلاح حتى داخل الغابة وما حدث مع كاربينو كوانين مثلا على ذلك
| |
|
|
|
|
|
|
|
|
|
Re: رحلة الشهد والدموع (Re: محمد حامد جمعه)
|
انا مسكين،صاح،لكن ما مرمطت بى الثوابت والشريعه والشهداء ا##########، هسة كان عبيد ختم و لا ابودجانه جاك تقول ليهو شنو؟
| Quote: دا بعدك وعشم المدبرين بالخذلان مثلك ... لسه يا مافى الجراب يا حاوى و(الجبهة ولود ودود ) وتشوف عينكم والشهداء ربنا يتقبلهم وينزلهم منازل الغفران والقبول الذى تزول بعده احزان القلوب وفى الطريق الوف منهم لا يترددون باذن الله |
يا زول انت بعد الانبراشة والانفناسة دى كلها لسة مصدق؟ ولود ودود، لا وبنت لبون كمان
اصحى يا بريش يا جمعة،مرة تانية كلامك دة موصو و اشرب لامن تروى وادى الكوز للكوز الجنبك، اما الجراب فانا متاكد انو فيهو بلاوى، عشان كدة قلنا قلنا القصة و الفرحة ما كاملة لانو الدابى لو ما انقطع راسو مافى اطمئنان، اصبر شوية علينا والدكتور بتاعنا جرابو ما فاضي يا حمادة يا قمعة
قصة الشهداء دى باى باى بعد ده،تمشوا تمسحو اليافطات و تكنسوا زبالتكم كراعكم فوق رقبتكم سامع الكلام ده، هسه دى
| Quote: وشايفك جبت لى رابط كلام بشير ادم رحمة سبحان الله تكذبون الرجل وشيخه فى كثير وتصدقونه فى هذه وعموما مافى مشكلة |
يا اللخو يقال اذا اختلف اللصوص ظهر المسروق،ديل عملوا معاكم كل حاجة الحجل بالرجل لحدى الدشمان الرسالى بتاعكم داك،تانيا الزول ده قال الكلام دى فى السهلة برة قدام الالاف ولو كضب فى دى اتحداك امشي ارفع قضية اشانة سمعة على مركزك المستقل المحترم يا ود يا مستقل انت.
| Quote: قاعدين ليكم كدا .... فى قلبكم .... انتو بس اقعدو حاحو من بره من كده وانتظرو (الميتات ) والناس التانية يلعبوها ليكم ... قرنق وبقى حليف ... اها مين بعدو ! |
لا يا جمعة غظتنى بى مكاواتك دى، متخيلك قاعد و بتردح بايدينك الاتنين،يا ولد شد حيلك شويه، ميتات زى دى نموت فيها للطيش، يتضقل بيكم كده و الخرطوم ترجع تانى زى ما كانت حرة محررة، حكاية حليف دى اكتبا فى جرايدك لكن ما علينا انحنا، شوف اللعب الجاى يا جمعة، من الداخل و داخل الداخل
سلام من الكتائب السرية للحركة الشعبية بالخرطوم
و قال يا منايا شرفى قال
| |
|
|
|
|
|
|
| |
محمد حامد جمعه
ودقاسم
banadieha
خضر عطا المنان
فيس بوك
تويتر
انستقرام
يوتيوب
بنتيريست