لظروف ما لم اتابع الضجة التى اثارها اعلان المركز السودانى للخدمات الصحافية http://www.smc.sd/ar/ بالموقع والمنبر وعجبت غاية العجب من الغضبة (المنبرية ) التى عمت بعض الزملاء ممن لا يرون فى الدنيا شيئا جميلا ولا تكتمل عندهم مطلوبات النضال الا بفعل غريب كهذا المهندس بكرى ابوبكر يمتلك هذا الموقع - الا اذا كان هناك مالك مستتر - ومبلغ علمى انه يسيره من حر ماله وخاص زمنه والرجل وفى سبيل دعم منبره وتكاليف صناعة موقعه حدد حيزا للاعلانات وفق اسعار قدرها وحددها وشروط بينها فى واجهة الموقع . حسنا .. بادرت قبل فترة بمراسلة الزميل بكرى بشان اعلان للموقع - مدفوع القيمة - واحالنى الرجل مشكورا الى ممثله بالخرطوم والذى وصلنى فى المكتب واستلمت منه (فاتورة مبدئية ) حتى انجزت له كامل المعاملة وصار امر رفع الاعلان ملزما حسب الاتفاق مع بكرى ومع ممثله بالخرطوم .
04-18-2007, 07:11 AM
Mustafa Mahmoud Mustafa Mahmoud
تاريخ التسجيل: 05-16-2006
مجموع المشاركات: 38072
Quote: بادرت قبل فترة بمراسلة الزميل بكرى بشان اعلان للموقع - مدفوع القيمة - واحالنى الرجل مشكورا الى ممثله بالخرطوم والذى وصلنى فى المكتب واستلمت منه (فاتورة مبدئية ) حتى انجزت له كامل المعاملة وصار امر رفع الاعلان ملزما حسب الاتفاق مع بكرى ومع ممثله بالخرطوم .
؟؟؟؟
04-18-2007, 07:15 AM
محمد حامد جمعه محمد حامد جمعه
تاريخ التسجيل: 11-26-2004
مجموع المشاركات: 6807
عليه ما حدث كالاتى : تم الاتصال بمالك الموقع (بكرى ابوبكر ) وطرح طلب الاعلان عنده بكرى وبمكتوب اكد موافقته ووجه باكمال الاجراءات مع مندوبه بالخرطوم وصل المندوب وقدم فاتورة مبدئية مما يؤكد استمرارية ومشروعية قبول الاعلان ظهر امس اخطر المندوب بالحضور لاستلام قيمة الاعلان ومن ثم فعل (بنر ) الاعلان الخاص بموقع http://www.smc.sd/ar/ فوجئنا صباح اليوم - ومنذ مساء امس - بحذف الاعلان دون ان يتكرم الزميل بكرى باخطارنا هاتفيا او عبر بريد ودون ان يتكرم مندوبه بذات الفعل .
04-18-2007, 07:25 AM
محمد حامد جمعه محمد حامد جمعه
تاريخ التسجيل: 11-26-2004
مجموع المشاركات: 6807
الان حذف الاعلان - ولم نضار ولن نضار - وفى تقديرى ان الترويج للموقع http://www.smc.sd/ar/ قد حدث وبشكل لافت نشكر عليه كل (النابهين ) الذين وفروا علينا ملايين كان يمكن ان تدفع ولا تحقق عائد انتشار كالذى احدثته الرؤية القاصرة لدى بعض الزملاء هنا الاعلان مسالة تجارية - يتضمن بالضرورة ابعاد اخلاقية ومبدئية - وفى تقديرى اننا سلكنا مسلكا حضاريا فى هذه المسالة لانه ان كان لدي المعلن مجرد تحفظ صغير فكان حرى به ان يكون شجاعا ويلتزم بتحفظه بمنع الاعلان منذ البداية واما ان يسحبه فتلك تحسب عليه لا له وفى كل الاحوال لا يملك المرء الا القبول بالقرار مع الاحتفاظ بحقنا فى معالجة ايما اضرار نجمت عما حدث وفى مقدمتها حملة الاساءات الكريهة غير المبنية الا على التصورات والخالية من اى دليل واحد ملموس وثابت
04-18-2007, 07:49 AM
قلقو قلقو
تاريخ التسجيل: 05-13-2003
مجموع المشاركات: 4742
الأخ محمد حامد جمعة اود ان اسألك سؤآلا واحدا واريد منك اجابة فى منتهى الصراحة والوضوح والسؤآل هو : هل ال.SMC تتبع لجهاز الأمن ام لا ؟ وبعد اجابتك يمكننا ان نتناقش ان كان هناك مايستحق النقاش . مع تحياتى .
04-18-2007, 07:52 AM
محمد حامد جمعه محمد حامد جمعه
تاريخ التسجيل: 11-26-2004
مجموع المشاركات: 6807
Quote: الأخ محمد حامد جمعة اود ان اسألك سؤآلا واحدا واريد منك اجابة فى منتهى الصراحة والوضوح والسؤآل هو : هل ال.SMC تتبع لجهاز الأمن ام لا ؟
ببساطة لا لان لجهاز الامن ادارة اعلام وفرع صحافة يديره ضباط معروفين ومعلومين والغريب ان كثير من القوى والتنظيمات السياسية تمد المركز باخبارها وتصريحات منسوبيها وتدعوه فى المنشط والمكره بصفته الاعلامية
04-18-2007, 07:49 AM
محمد حامد جمعه محمد حامد جمعه
تاريخ التسجيل: 11-26-2004
مجموع المشاركات: 6807
ياقلقو الانظمة الشموليه زي نظام جمعه ده عندها ازرع كثيره للاعلام و للجيش و اتحاد اصحاب الباصات السفريه كمان .. ياريت المسألة لو كانت سؤال يمكن الاجابه عليهو بي نعم او لا .
يا سعادتكـ مشتاقين ياخي .. فترة طويلة ما اتلاقينا اها ماسكـ العدد!! دي ضربة جديده بالعصا علي مؤخرة مركزكم .
كلامكـ اعلاه حول الجوانب القانونيه و شبهة التهديد بأستخدام العقد المُلزم بينكم عندنا هنا مليون قانوني ممكن يجو يجاوبوكـ عليها و هي ساهلة بالمناسبة و ياريت ماتلوح بي كرت زي ده هنا.
و غيظكـ او حنقكـ و محاولتكـ لتصوير بكري بصورة المُخل بأتفاقة بعد ان كان سعيدا به ما حاتجيب نتيجة هنا لانو بكري وضح الكلام ده بنفسو في بوست منفصل و اظنو وضح برضو انو سحب الاعلان ليه. مركزكـ ده معترف بيهو في السودان زيو و زي اي واحده من مؤسسات الامر الواقع هناكـ فطبيعي انو تتم دعوتو لي كل الفعاليات هناكـ لكن هنا لازم تفهم انو سودانيزاونلاين دي هي نبض الشارع يا جمعة ولا تقع ضمن اتفاق نيفاشا الاخير
ولا شنو ؟ خمسة صفر
04-18-2007, 08:11 AM
خدر خدر
تاريخ التسجيل: 02-07-2005
مجموع المشاركات: 13188
مشتاقين يا (وغد ) ووالله فاقد قلمك و(حرفنتك ) لانك فكيت فينا كمية كيشة انا ما عارف ديل دخلوا تنظيمات مفترض انها فاهمة بتقوم على الديمقراطية والليبرالية كيف ، خاصة انو فى ادعاء انو احزابكم دى بتاعت ناس مفتحين وكدا المهم (الوهمة دى كلها ) عادى وصدقنى انا متفهم موقف بكرى ومقدرو جدا .. جدا
والخمسة صفر دى بالمناسبة محسوبة لينا وفى (شباكك ) يا مولانا ...
حرييف ياسعادتكـ لكن شايل اللنكـ بتاع الموقع و حايم بيهو كل البوستات برضو حركة لذيذه من صحفي مخلص و ستثاب عليها ماليا إنشاء الله و مبروكـ عليكـ الاعلان المجاني ده .. لكن ماتنسي زمنو محدود بإنتهاء الفرقعة دي لانو الناس ديل عندهم قضايا تانيه اهم .
تعرف من قولة تيت انا كنت عارف انو الاعلان فى المنبر ما يقعد اكثر من ساعة ساعتين بالكتير ، وكنت واثق مليون بعد المليون فى المية انو جماعة (الضغط النضالى ) حيلقوها فرصة العميان يجى شايل المكسر ببيانات الشجب والاستنكار وانو بكرى حتقوم قيامتو واكلمك زيادة كنت عارف انو قروشنا الجهزناها قبال ما نسلمها الحكاية بتطرشق عشان كدا لمن قالو لى قروش الجماعة ديل جاهزة يا سعادتك قلت ليهم خلوها (اربعة وعشرين ساعة ) وبتجيكم راجعة ويمكن ما تنصرف . كلو يا مولانا كان مرسوم عندى بالسنت والملى ، وببساطة الجوطة والعياط دا كلو انا مستمع بيهو جدا جدا جدا (خالص ) وبقول ليك كدا عشان اؤكد ليك تلاتة حاجات اولا : انا ونحن فى SMC ما زعلانيين ولا حاجة وبالعكس مبسوطين ثانيا : عملت ليكم كمين دخلتوه مغمضين كلكم ثالثا : وضح لى تمام انكم قاعدين ساى وكلمة تشيلكم وكلمة تختكم
تعرف من قولة تيت انا كنت عارف انو الاعلان فى المنبر ما يقعد اكثر من ساعة ساعتين بالكتير ، وكنت واثق مليون بعد المليون فى المية انو جماعة (الضغط النضالى ) حيلقوها فرصة العميان يجى شايل المكسر ببيانات الشجب والاستنكار وانو بكرى حتقوم قيامتو واكلمك زيادة كنت عارف انو قروشنا الجهزناها قبال ما نسلمها الحكاية بتطرشق عشان كدا لمن قالو لى قروش الجماعة ديل جاهزة يا سعادتك قلت ليهم خلوها (اربعة وعشرين ساعة ) وبتجيكم راجعة ويمكن ما تنصرف . كلو يا مولانا كان مرسوم عندى بالسنت والملى ، وببساطة الجوطة والعياط دا كلو انا مستمع بيهو جدا جدا جدا (خالص ) وبقول ليك كدا عشان اؤكد ليك تلاتة حاجات اولا : انا ونحن فى SMC ما زعلانيين ولا حاجة وبالعكس مبسوطين ثانيا : عملت ليكم كمين دخلتوه مغمضين كلكم ثالثا : وضح لى تمام انكم قاعدين ساى وكلمة تشيلكم وكلمة تختكم
لظروف ما لم اتابع الضجة التى اثارها اعلان المركز السودانى للخدمات الصحافية http://www.smc.sd/ar/ بالموقع والمنبر وعجبت غاية العجب من الغضبة (المنبرية ) التى عمت بعض الزملاء ممن لا يرون فى الدنيا شيئا جميلا
و شابكني من الصباح لعبناها طويلة و كنا عارفين و التمساح اكل السمكة قوم كده
انتو الكذب ده عندكم عاااادي كده ؟؟؟؟؟؟؟؟؟؟؟؟؟؟؟؟؟؟؟
قول 8/صفر
04-18-2007, 09:54 AM
صديق الموج صديق الموج
تاريخ التسجيل: 03-17-2004
مجموع المشاركات: 19433
Quote: Quote: ما فعله هذا المركز القبيح لم يفعله الرصاص
شهادة بقلم الزميل صديق الموج و قعوا لوقف هذا العبث.....أعلن توقفي عن سودانيزأونلاين فورا....Kostawi
الزميل محمد حامد سلام طبعا انت عامل لسه بتزاكى علينا وبتعلن عن مركزك....اول شى الحمد لله انك اعترفت بان هذا المركز يفعل اكثر من فعل السلاح..تصدق هذا ما دعانا لنثور ضد هذا الماخور الاعلامى ونحن نعلم بانه بوق نفاق يتبع للامن ولو انت فرحان باننا عملنا دعاية مجانية للمركز نحن كمان فرحانين باننا اخبرنا الدنيا بان هذا المركز لايعدو غير كونه مكتب امن وان كل موظفيه ليسو سوى اعداء لهذا الشعب المغلوب على امره ، وبعد ده نتحداك ان تقدم بطاقة لاى جهة باعتبارك صحفى من اس ام سى غير اجهزة الحكومة ودواوينها التافهة...اعلم انك سعيد بمداخلتى حيث اننى ارفع البوست ولكن تظل سعادتى فوق سعادة سعادتك اضعاف ومبلغ سعادتى ان السودان مازال بخير وان هنالك شرفاء ونبلاء لايقعقع لهم بالشنان ولا ترهبهم الالة الامنية وانهم قادرين على حماية مكتسباتهم ومقدراتهم وانهم يقولون لا للطاغوت فى وجهه. ناسك ان شاء الله يكونو عرفوا قدرهم ومقدراتهم.محمد هذا شعب اوسطى وعصى على دولة الظلام ولكن ليس للذين يقيسون عمر الشعوب بالنبضات والساعات..قريبا يصبح صبحهم وقريبا يتنسم الانسان الحرية. اتمنى صادقا ان ياتى بعدى متداخلون كثر تفرح بمداخلتهم انت ويكشفون بعض سوأتكم وتعقب عليهم واكونن من الشاكرين،،،
يا محمد حامد جمعة هل ممكن تمدنا بأشخاص يعملون داخل مركزكم المشبوه هذا وهم غير -كيزان- أو منتمين لقوى وطنية وأحزاب أخرى؟
_____ أكرُب تكتك، الإستفتاء القادم سوف يكون حول وجودك، شخصياً.. يا جمعة، ده إستفتاء حقيقي حولكم.. فما عندكم طريقة تحكمونا ديمقراطياً.. أمسكو في بندقيتكم قوي.. عليك الله هو السيك ده كيفن؟ زول بقروشو يقولوا ليهو: take your ban and get the f.ck out! عالم إحساسها متبلد بشكل!
04-18-2007, 10:21 AM
محمد حامد جمعه محمد حامد جمعه
تاريخ التسجيل: 11-26-2004
مجموع المشاركات: 6807
كتبنا ردا علي أحد الاخوة = في بوست أخر= الذي ظن أن في الاحتجاج وتدعيات الاعلان أعلان أضافي وشهرة له (أنهاشهرة سلبية ..شهرة القتلة والمفبركين الخ ..... الحديث السلبي عن عصابة قتلة أو تجار مخدرات أوآرهابين لا تكسبهم مجدا وشاوا وأنما تكشف مخازيهم وفظائعهم وتنفر أي أنسان سوي منهم....وتكسب الناس وعيا ومعرفة بمكامن خطورتهم) كمال
04-18-2007, 12:15 PM
shammashi shammashi
تاريخ التسجيل: 03-10-2002
مجموع المشاركات: 2278
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
محمد حامد جمعه
Mustafa Mahmoud
هشام هباني
قلقو
عاصم ابوبكر حامد
wadalzain
خدر
صديق الموج
bakri abdalla
Yassir Tayfour
kamalabas
فيس بوك
تويتر
انستقرام
يوتيوب
بنتيريست