|
|
 الانقاذ فى طبعتها الجديدة ... معليش يا جماعة !
|
شنو يا اخوانا .... يعنى ما تعين - بضم التاء - حكومة ولا شنو الفكرة ... شابكين الناس الحكومة الجديدة ... الوزارة الجديدة ... اها جات ... تانى شنو ... ناس المؤتمر الوطنى جابو ناسهم يلعبو فرتاك فردة باك يجيبو حارس مرمى على كيفهم يودو محمد يوسف الشباب يطفشو الزبير بشير طه الداخلية على كيفهم ... دا حقهم ... كتنظيم وجماعة تختار ناسها وفق حصتهم ... وناس الحركة الشعبية برضو كانت عندهم نفس القصة واختارو ناسهم وشايفهم كمان قشطو معاهم بونا ملوال ... وبالتالى خرجت التشكيلة الوزارية الجرارة دى ... اى حزب قال عاوز ... منحوه ... وفى ناس لى هسة بحينسو فيهم ... وحياخدو ولو ما اخدو بظروفهم ...
دا واقعنا فى البلد دى انو البلد والشعب بقى يتيم الحكومة والمعارضة تتعلم على راسو الحلاقة .... والسبب فى دا كلو انو المعارضة بالذات كانت سجمانة ومنتهية وقاطعة النفس ... المشاكل بين فصائلها اكتر وكتيرة لمن مسيخة زاتو ... ناس الحركة الشعبية من قولة (تيت ) عملو التجمع دابة يقطع بيهم كم كيلو وينزلو منو ... والاتحادى يوم هنا ويوم هناك ... وحزب الامة شبك الناس تخرجون وترجعون ومافى زول لغاية هسة عارف هو زاتو مرق من الاول لشنو ورجع لشنو !! والحزب الشيوعى برضو مجهجه وجهجه الناس معاهو والقصة كلها انو الاحزاب العاوزة تزح الحكومة دى هى زاتها لاحقة امات طه ... والقصة ما كانت ايمان بديمقراطية ولا نضال عشان حقوق القصة كلها انو الناس كرهت البشير والكيزان عشان مرقو الاحزاب من جنة الحكم وسقطها ولانو كتير من الساسة بقو عاطلين مشو عملو ليهم بيان تاسيس - مافى زول هسة ملتزم بسطر منو - وجات بلد من هنا تعهدت ليها برعاية خمسة وبلد تانى تعهد ليهو برعاية عشرة وهاك يا اقامات وتسهيلات - بالمناسبة هل صحيح انو كل الصف الاول من المعارضين اسرهم مقيمين بره السودان بين كندا واستراليا - عشان كدا كدا الوهمة كلها مصالح واكل عيش وحب سلطة واثبتت الايام ان كل الناس بتلعب عشان الحكومة والحكم ... ولسان حالهم يقول تدونا حقنا ... نقطم ... تدونا ليهو ناقص بنبر فى محلية ... ما عاوزين ...
كلهم كدا وهسة شفتو وبعض الجوطة والعياط بتاع اخوانا فى حركات دارفور بكره يا مان تلقى عبد الواحد محمد نور مرطب فى القصر الجمهورى وقرن ويلحس ليك تصريحاتو بتاعة انسان دارفور وحنك التهميش داك ...
عارفين حاجة يا جماعة الشعب السودانى البطل ناقش دا كلو عشان كدا ما هبب لى المعارضة نص يوم والحكومة برضو بقى مجليها ... تجى عشرين وزير ولا تكون خمسائة وزير كلو ما جايب حقو ...
يا جماعة الخير عشان كدا نقطونا بسكوتكم ولا زعلانيين انو القسمة جبانة واصغر من قامات احزابكم خلاص ما كعب امشو صلحو احزابكم دى وخلوها احزاب فاعلة ونشطة ومؤثرة ... مش احزاب كل فردة من بلد وكل قيادى فيها مكجن اخوهو
ومعليش يا جماعة ... مثلما تكونوا يولى عليكم .... بطلو ولولة .... وانتظروا ... الانقاذ فى طبعتها الجديدة ....
|
|
 
|
|
|
|
|
|
|
 Re: الانقاذ فى طبعتها الجديدة ... معليش يا جماعة ! (Re: محمد حامد جمعه)
|
زمان لمن بدت نيفاشا من محطة مشاكوس الناس قالو مثلا لناس التجمع اها انتو شايتين وين قالو العقيد الدكتور جون قرنق دا بيجيب لينا حقنا (صره فى خيط ) ما الزول معانا عضو قيادى ومعاهو باقان ... الكيزان قالو ... سمح .. اها لمن خلاص الكلام دخل الحوش شايف ناس الحركة عملو نايمين ... دى مشكلة منو ... مش مشكلة الاحزاب دى زاتها ... والغريبة مافى زول انتبه الا هسة لمن خلاص جو عاوزين يلبسو البدل والقمصان فى الحكومة الجديدة لقو المقاسات كلها small مقاس (14 ) قامو زعلو ...الترزى دا قاصدنا والترزى دا بالغ وكلفت لينا الشغل يوم الوقفة
| |
|
|
|
|
|
|
|
|
|
Re: الانقاذ فى طبعتها الجديدة ... معليش يا جماعة ! (Re: محمد حامد جمعه)
|
| Quote: والسبب فى دا كلو انو المعارضة بالذات كانت سجمانة ومنتهية وقاطعة النفس |
اول مرة اتفق معاك فى حاجة,رغم انو هدفك منها تانى
اها انحنا الشعب ده حتعملوا شنو معانا ???
| Quote: مثلما تكونوا يولى عليكم |
بالله انحنا بطالين و تافهين للدرجة دى, اذا نستحق اكتر من كده, حقو تعينو لينا حسين خوجلى رئيس و لبابة الفضل نائبة اولى و ننتهى من القصة مرة واحدة
Quote: وانتظروا
الانقاذ فى طبعتها الجديدة |
سمح ........... بننتظر, الفورة مليون
| |
|
|
|
|
|
|
|
|
|
Re: الانقاذ فى طبعتها الجديدة ... معليش يا جماعة ! (Re: محمد حامد جمعه)
|
النشوف اخرتا
هدية إلى الوزراء الجدد
سعد الدين ابراهيم
* سيستوزر جدد.. وسيتوطد قدامى.. وقبل ان يتولوا مناصبهم نهديهم هذه الأبيات وهي للشاعر البوصيري وهو صاحب البردة في مديح الرسول عليه الصلاة والسلام.. والقصيدة رغم أنها تتناول مفاسد الإدارة في ظل المماليك الا انها ستصلح لكل زمان ومكان:
نقدت طوائف المستخدمينا فلم ار فيهم حراً أمينا
فقد عاشرتهم ولبثت فيهم مع التجريب من عمري سنينا
فكم سرقوا الغلال وما عرفنا بهم فكأنما سرقوا العيونا
ولولا ذاك ما لبسوا حريرا ولا شربوا خمور الاندرينا
ولا ربوا من الولدان فردا كأغصان يملن وينحنينا
وقد طلعت لبعضهم ذقون ولكن بعد ما حلقوا الذقونا
أمولاي الوزير غفلت عما يتم من اللئام الكاتبينا
تنسك معشر منهم وعدوا من الزهاد والمتورعينا
وقيل لهم دعاء مستجاب وقد ملأوا من السحت البطونا
تفقهت القضاة وخان كل أمانته وسموه الأمينا
وما أخشى على أموال مصر سوى من معشر يتأولونا
وفي دار الوكالة أي نهب فليتك لو نهبت الناهبينا
إذا ألقى بها موسى عصاه تلقفت القوافل والسفينا
| |
|
|
|
|
|
|
|
|
 Re: الانقاذ فى طبعتها الجديدة ... معليش يا جماعة ! (Re: محمد حامد جمعه)
|
الأخ محمد حامد،
تحية واحتراما
لقد سمعت في الأخبار أن حزب النميري "تحالف قوى الشعب العامل" قد انضم إلى حزب المؤتمر.. وكثيرا ما أشاهد منظر الرئيس السابق نميري وهو يتكئ على الرئيس البشير في مقدمة مناظر برنامج "في الواجهة"..
فهل يا تُرى كان لمحسوبي حزب "تحالف قوى الشعب العامل" أي نصيب في الحكومة الجديدة بوصفها حكومة وحدة وطنية؟؟
ولك شكري..
ياسر
| |
|
|
|
|
|
|
| |
محمد حامد جمعه
nazar hussien
على محمد على بشير
عمر ادريس محمد
Yasir Elsharif
Al Sunda
فيس بوك
تويتر
انستقرام
يوتيوب
بنتيريست