الاخ العزيز احمد حنين.. تحياتي.. وقفت طويلا عند العبارة اعلاه.. هل باستطاعة السفير (تغييب) نفسه عن مثل ذلك اللقاء؟ هل لامر غياب السفير عن لقاء المسئول الحكومي علاقة مباشرة بمشاركته في مؤتمر القمة الاسلامية بداكار؟ حسب علمي فان اعضاء السلك الدبلوماسي لكل دول المؤتمر الاسلامي يجب ان يكونوا ممثلين في المؤتمر المنعقد في داكار هذه الايام..
وفقا لما اوردته صحيفة اخبار اليوم في عددها بتاريخ 2-3-1429 هـ (جيبوا التاريخ الافرنجي براكم) بقلم الصحفي عمر محمد الحسن، فان هذه التنقلات طالت عددا من السفراء تفاصيلهم كالاتي:ـ
Quote: اكدت متابعاتنا ان ترشيحات مبدئية للسادة السفراء في عدد من الدول الاوروبية والعربية والافريقية والآسيوية قد صدرت عن وزارة الخارجية ذلك استعدادا لخطوات قادمة تسبق اعتمادهم رسميا، وبموجب ذلك فقد جرى ترشيح السفير الحالي لدى المملكة العربية السعودية محمد الامين الكارب ليتولى السفارة لدى ليبيا ليخلفه في الرياض السفير نادر يوسف الطيب .. والسفير الحالي لدى فرنسا احمد محمد الفكي ليتولى السفارة في الجزائر ليخلفه في باريس السفير الدكتور خالد محمد فرح .. ورشح السفير الحالي لدى الكنغو انطونيو برنابا (الحركة الشعبية) ليتولى مهام السفير لدى الكويت على ان يتولى السفير الحالي لدى موريتانيا عبدالحافظ ابراهيم مهام السفارة في ماليزيا ويخلفه في موريتانيا السفير جمال الشيخ، ورشح السفير ابراهيم مطر الى التحرك الى تركيا من مقر تكليفه الحالي في القنصلية السودانية في جدة على ان يحل مكانه السفير بلال قسم الله كما تقرر ترشيح السفير ابراهيم ميرغني الى سفارتنا لدى ايطاليا والسفير ابراهيم بشرى ليتولى السفارة لدى سلطنة عمان والسفير عمر صالح الى سفارتنا في البرازيل والسفير سراج الدين حامد الى موسكو والسفير ياسر خضر الى سفارتنا في بلغاريا والسفير سليمان عبدالتواب الى طهران والسفيرة الهام شاهين الى النرويج.
رغما عن ذلك هناك جملة تساؤلات ابرزها:ـ هل نقل السفير الكارب المفاجئ، وقبل عام كامل من انتهاء مدته، له علاقة مباشرة بالانتخابات القادمة..؟؟؟ هل لابد من وجود سفير اخر للمرحلة القادمة التي يبدو ان نذر الحشد الرسمي بدأت تطل الان..؟؟ ولماذا هؤلاء وقعت (حمى) التنقلات الفجائية على عدد محدود من السفراء الامر الذي يعطي (الامر) بعدا اخر..!! واين موقف الحركة من هذه (الحركة)؟ ما هي قصة نقل رؤساء السلك الدبلوماسي فجاة وقبل انتهاء الفترة الزمنيةالمقررة لهم؟ هل نقل الكارب الى ليبيا يجئ مصادفة ام ان وراء الاكمة ما وراءها؟
Quote: هل لامر غياب السفير عن لقاء المسئول الحكومي علاقة مباشرة بمشاركته في مؤتمر القمة الاسلامية بداكار؟ حسب علمي فان اعضاء السلك الدبلوماسي لكل دول المؤتمر الاسلامي يجب ان يكونوا ممثلين في المؤتمر المنعقد في داكار هذه الايام..
تلك هي الحقيقة أخت حليمـــة 0
03-15-2008, 05:07 AM
ahmed haneen ahmed haneen
تاريخ التسجيل: 11-19-2003
مجموع المشاركات: 7982
Quote: Quote: اكدت متابعاتنا ان ترشيحات مبدئية للسادة السفراء في عدد من الدول الاوروبية والعربية والافريقية والآسيوية قد صدرت عن وزارة الخارجية ذلك استعدادا لخطوات قادمة تسبق اعتمادهم رسميا، وبموجب ذلك فقد جرى ترشيح السفير الحالي لدى المملكة العربية السعودية محمد الامين الكارب ليتولى السفارة لدى ليبيا ليخلفه في الرياض السفير نادر يوسف الطيب
نادر دا كان شغال وين ؟؟؟
هنا يا حليمة مربط الفرس .. الأنتخابات .. وموقف الحركة الغير مفهوم
Quote: هل نقل السفير الكارب المفاجئ، وقبل عام كامل من انتهاء مدته، له علاقة مباشرة بالانتخابات القادمة..؟؟؟ هل لابد من وجود سفير اخر للمرحلة القادمة التي يبدو ان نذر الحشد الرسمي بدأت تطل الان..؟؟ ولماذا هؤلاء وقعت (حمى) التنقلات الفجائية على عدد محدود من السفراء الامر الذي يعطي (الامر) بعدا اخر..!! واين موقف الحركة من هذه (الحركة)؟ ما هي قصة نقل رؤساء السلك الدبلوماسي فجاة وقبل انتهاء الفترة الزمنيةالمقررة لهم؟ هل نقل الكارب الى ليبيا يجئ مصادفة ام ان وراء الاكمة ما وراءها؟
03-14-2008, 01:47 PM
صديق الموج صديق الموج
تاريخ التسجيل: 03-17-2004
مجموع المشاركات: 19433
يا غريبة يعنى السفير ما قومى؟؟ وبعدين يعنى لو الزول ما بقى منتمى للمؤتمر الوطنى ما ببقى سفير؟ اللهم زدنا علما... يعنى الموضوع ما سوء ظن مننا..يبقى الانتماء للمؤتمر الوطنى هو المعيار وليس المواطنه او الكفأة... المثل بقول:عدو عاقل خير من صديق جاهل،،،،
03-14-2008, 02:16 PM
علاء الدين صلاح محمد علاء الدين صلاح محمد
تاريخ التسجيل: 12-30-2004
مجموع المشاركات: 4804
Quote: والله حاجة مؤسفة ياحميدة كنت زول معتدل وكويس
للاسف والله تصرفاتك يا غريبة بتخرج البني آدم من طوره .. لكن سبحان الله .. انت البقيت تقرر انه فلان كويس وفلان ما كويس .. سبحان الله .. سبحان الله ..
.. ..
Quote: عايز تجامل الجماعة ديل ومالاقيت حيطة قصيرة غير صلاح غريبة
حننتني والله .. يعني بجاملهم لمن اقول انك زول غلط في غلط .. زمان كان عندنا صاحبنا لمن يزعل بيقول ليك ( بجي اديك كف لمصلحتك ) .. الحاجات دي اعتبرها ( كف لمصلحتك ) ..
.. ..
Quote: عايزني برضو اقل انت ابتسامتك بلهاء
انا ما قاعد ابتسم يا غريبة .. بطلت الحركات دي ..
.. ..
Quote: لالاحاشا
برضو حاشا ..
03-15-2008, 05:21 AM
ahmed haneen ahmed haneen
تاريخ التسجيل: 11-19-2003
مجموع المشاركات: 7982
Quote: Quote: يا غريبة يعنى السفير ما قومى؟؟ وبعدين يعنى لو الزول ما بقى منتمى للمؤتمر الوطنى ما ببقى سفير؟ اللهم زدنا علما
تقول الف با تا ثا السياسة انوالسفير
ينفذ بالحرف سياسة الحكومة التى تنفذ سياسية الحزب الحاكم
لو في سفير بقى مناضل زيك كده مابخلو يقعد يومين
عشان كده انت مابتبقى سفير لانك مامؤهل تبقى غفير
ولانك مابتنفذ سياسة المؤتمر الوطني
لكن ممكن تبقى سفير من ناحية الحركة
خاصة اليومين ديل من الشارع يقبضوك يبقوك لواء؟؟؟؟؟؟؟؟؟؟؟
ماعارف انت منتظر شنو هنا لالميت في الدنيا ولا الاخرة
تصدق يا العامل فيها صلاح غريبة.. انا افتكرت مافى حزب واحد حاكم؟؟ ترانى كنت غشيم لما صدقت ناسكم ديل وانو فى حكومة وحدة وطنية وانو فى تحول ديمقراطى ولم يعد الحزب الواحد هو المسيطر وانو ناس الانقاذ تنازلوا عن ما كان يسمى ثوابت وانو البلد حا يكون فيها انتخابات نزيهة وانو وانو... ياخى كتر خيرك.. بس ما تجى بعد يدوك قرصة فى اضانك تقول طبعا ده كلام خارم بارم.. وبعدين لواء شنو ؟بشهادة الكديت حقتى ديك، مادام عبد الرحيم اللقاف ده بقى فريق انا يا مشير يا بلاش...
03-14-2008, 04:43 PM
ghariba ghariba
تاريخ التسجيل: 03-09-2002
مجموع المشاركات: 13231
Quote: ترانى كنت غشيم لما صدقت ناسكم ديل وانو فى حكومة وحدة وطنية وانو فى تحول ديمقراطى ولم يعد الحزب الواحد هو المسيطر وانو ناس الانقاذ تنازلوا عن ما كان يسمى ثوابت وانو البلد حا يكون فيها انتخابات نزيهة وانو وانو...
صديق الموج
ده كلو موجود لكن في حزب حاكم وعندو الاغلبية
والاحزاب بتاعتكم كلها موافقة وباصمة على الاغلبية
وقاعدين ياكلو في الساندوتشات في البرلمان
وانت تناضل في الخارج ياقطاع الشمال
والحزب العندوالاغلبية هوصاحب الراى
03-15-2008, 05:21 AM
Tragie Mustafa Tragie Mustafa
تاريخ التسجيل: 03-29-2005
مجموع المشاركات: 49964
Quote: ترانى كنت غشيم لما صدقت ناسكم ديل وانو فى حكومة وحدة وطنية وانو فى تحول ديمقراطى ولم يعد الحزب الواحد هو المسيطر وانو ناس الانقاذ تنازلوا عن ما كان يسمى ثوابت وانو البلد حا يكون فيها انتخابات نزيهة وانو وانو...
صديق الموج
ده كلو موجود لكن في حزب حاكم وعندو الاغلبية
والاحزاب بتاعتكم كلها موافقة وباصمة على الاغلبية
وقاعدين ياكلو في الساندوتشات في البرلمان
وانت تناضل في الخارج ياقطاع الشمال
والحزب العندوالاغلبية هوصاحب الراى
03-14-2008, 04:58 PM
صديق الموج صديق الموج
تاريخ التسجيل: 03-17-2004
مجموع المشاركات: 19433
يا حميدة صدقني ... انت مشكلتك اكبر منك.. انت عندك مشكلة هوية... وحاجات نفسية كتييييييييييرة... ظاهرة من شكلك في الصورة المعلقها ده... لو ابتسامتي فيها عبط... اسأل اي (زول)... حيقول ليك من الصورة ده شخص متخلف... من غير ما يحتاج يقرأ كلام الشفع بتاعك... حقيقي انا احترمتك وانت في عمر ابنائي... فعيب عليك هذه اللغة التي لا داعي لها في منبر للفكر والمنطق والحوار.. ماذا تعرف عن السودان؟ وماذا قدمت للسودان؟؟ يا ابني شغل الاساءات عمال علي بطال ليس من شيم الرجال... ولو ماعندك مادة تناقش بيها.. حقو تحاول تثقف نفسك شوية... ورغم اني ما محتاج لاثبات ... لكن لوعندك منطق.. انا بتحداك..حدد موضوعك ونتعال نتبارز فكريا.. بدون اساءات ولا تجريح.. وخلي الناس تحكم.. وليكن الشعار ان اختلاف الراي لا يفسد للود قضية.
03-15-2008, 05:14 AM
Tragie Mustafa Tragie Mustafa
تاريخ التسجيل: 03-29-2005
مجموع المشاركات: 49964
الزول البكتب باسم صلاح غريبه يا اخي سويتها ظاهرة.....
Quote: يا حميدة صدقني ... انت مشكلتك اكبر منك.. انت عندك مشكلة هوية... وحاجات نفسية كتييييييييييرة... ظاهرة من شكلك في الصورة المعلقها ده... لو ابتسامتي فيها عبط... اسأل اي (زول)... حيقول ليك من الصورة ده شخص متخلف... من غير ما يحتاج يقرأ كلام الشفع بتاعك... حقيقي انا احترمتك وانت في عمر ابنائي... فعيب عليك هذه اللغة التي لا داعي لها في منبر للفكر والمنطق والحوار.. ماذا تعرف عن السودان؟ وماذا قدمت للسودان؟؟ يا ابني شغل الاساءات عمال علي بطال ليس من شيم الرجال... ولو ماعندك مادة تناقش بيها.. حقو تحاول تثقف نفسك شوية... ورغم اني ما محتاج لاثبات ... لكن لوعندك منطق.. انا بتحداك..حدد موضوعك ونتعال نتبارز فكريا.. بدون اساءات ولا تجريح.. وخلي الناس تحكم.. وليكن الشعار ان اختلاف الراي لا يفسد للود قضية.
اولا صلاح غريبه يا اهبل انت بيحب يفط سطر وانت نسيت تشف بالضبط حركاته ثاني اخطاء صلاح غريبه حافظنها وهذه مداخلة كاملة وطويلة نسبيا وبلا اخطاء؟؟؟!!!
03-15-2008, 05:25 AM
Tragie Mustafa Tragie Mustafa
تاريخ التسجيل: 03-29-2005
مجموع المشاركات: 49964
ايه بقيت تذاكر من ورانا والا ايه؟؟ قال صلاح غريبه قال!!!يا بتاع الفكر والحوار انت صلاح ده لسه حوار ... وبعدين هو زاتو ما وصل تانيه عشان يدوهو المنطق تعرف ايه عن المنطق ياود يا صلاح؟ ده لو يعرف يوول على طول.. كل البعرفو الجدع ده السيما وجنينة الحيوانات مشاكل العصر ما تهموش ماعندوش احساس بالوقت يابى... ده هو غلبااااااااااااااااااان.... ها ها ها ها ها ها ها ها.. والله زمن يا ود ابراهيم،،،
03-15-2008, 06:05 AM
عمر الفاروق عمر الفاروق
تاريخ التسجيل: 10-10-2005
مجموع المشاركات: 9669
أحمد حنين : تحياتي.. كتاباتك عن السفارة أصبحت تحمل مضامين وأجندة مختلفة تمااااااااااماً عما كنت تكتبه في السابق.. الواضح من مداخلاتك ومواضيعك عن السفارة إنك ماسك العصاية من النص .. وبي طريقة تانية رائحة الفتنة تفوح من مواضيعك .. فتارة تششكّر السفير وتارة تتهم أعضاء المؤتمر الوطني .. والواضح والمعروف والذي لا يخفى على أحد أن كل السفراء يمثلون المؤتمر الوطني .. انا غير متابع للخارطة السياسية في الرياض لكن أقولها ومن منطلق فهمي لتركيبة البلد الذي نعيش فيه فإن كل هذه التنظيمات زوبعة في فنجان مؤتمر وطني تجمع حركة شعبية جالية و و و و و .. مجرد قرار صغييييييييير من الإمارة وكل هذا الكلام(الفارغ) يذهب أدراج الريح فلا أحزاب ولا تجمعات ولا صالحية ولا خان شليلة وتاني أعراس السودانيين دي إلا تتعمل في شقة سيد العرس والدعوة تكون شاي !!! لديّ قناعاتي التاااامة أن السفارة مهما كان توجهها فهي في الأخير مراية المغترب وقبلة من لا قبلة له له إحترامها ولها قدسيتها ولها خطوطها الحمراء التي يجب أن يقف عندها كل منتمي لهذه السفارة طالما أنه مغترب .. من الواضح أن هناك محاولة (إستغلال) للأوضاع الراهنة والغرقان يتعلق بقشة .. نصيحتي لك يا احمد حنين ناس المؤتمر الوطني ديل نجيضييييين وحاجات زي البتعملوا فيها دي ما بتأثر فيهم .. فعشان كده شوفوا ليكم بلوة كبيييييرة وأمسكوا فيها : يعني مثلا شوفوا ليكم خبر سفير يدير بيت دعارة ..قنصل مخمور في إجتماع السفراء وحاجات من النوع ده .. لكن ناس شكلة في سفارة وعلوية ضربت التاية قرب مبنى السفارة وست شاي جمب باب السفارة دي مااااااا بتأكل عيش..
03-15-2008, 06:25 AM
ahmed haneen ahmed haneen
تاريخ التسجيل: 11-19-2003
مجموع المشاركات: 7982
Quote: مجرد قرار صغييييييييير من الإمارة وكل هذا الكلام(الفارغ) يذهب أدراج الريح فلا أحزاب ولا تجمعات ولا صالحية ولا خان شليلة وتاني أعراس السودانيين دي إلا تتعمل في شقة سيد العرس والدعوة تكون شاي !!!
يعني يا الفاروق .. مافي اعراف دبلوماسية ..
وكلها الشغلة .. سمك... لبن .. تمرهندي ..
يعني السفارة دي كا ن قفلوها .. صلاح غريبة دا يكتب في شنو ؟؟؟
03-15-2008, 06:49 AM
عمران حسن صالح عمران حسن صالح
تاريخ التسجيل: 11-26-2004
مجموع المشاركات: 10159
Quote: ورغم اني ما محتاج لاثبات ... لكن لوعندك منطق.. انا بتحداك..حدد موضوعك ونتعال نتبارز فكريا..
.
حميدة راحت عليك وانكشف مستورك وطلعت (فاضي) ...!!! الكلام ده واااااااضح ... ما تقعد تلف وتدور وتقول صاحبي قال وهاك الكف ده لمصلحتك .!!!!!!! أنا غايتو عندي رؤؤس مواضيع كده برسله ليك في الماسنجر عشان تجي هنا تثبت لينا (أدواتك السياسية والثقافية والذي منو !!!) وتقارع الحُجة بالحجة ..... سؤال الى الوجيه أحمد حنين عمر الفاروق جاب سيرة العصاية من النص وحقيقي عندي (سُعال) بايخ كدي ماذا يعني لك أدب فلان أو علان وهو يمثل نظام لا يعني لك شيئاً ... نظام على رأس أجندته إلغاء وجودك الإنتخابي .. وستدفع متأخراتك رغم أنفك !!!!!!!!ومتى ما رجعت إلى الديار فلن تشكل هماً ولا هاجساً للنظام ..رغم أن ما دفعته كان يمكن أن يكون نواة لراس مال جيد ( إنشاء الله قفص دجاج فيه 30 دجاجة بيَاضة ) ...
03-15-2008, 06:43 AM
عمر الفاروق عمر الفاروق
تاريخ التسجيل: 10-10-2005
مجموع المشاركات: 9669
بالعكس تماااااااماً يا حنين .. هنا ظهرت الدبلوماسية .. وهنا ظهر دور السفارة الذي يجب على الجميع أن يشكرها عليه .. إختلاف الناس حول الحكومة والإنقاذ ووطني وحركة شعبية و و و و لا يجب أن ينسينا ما تقوم به السفارة .. بل لا يجب أن يجعلنا الفجور في الخصومة أن نخفي دور السفارة .. انا قصدت بذلك أنه ومن الظاهر ولا يخفى على أحد أن للسفارة دور كبير وكبير جداً في جعل حكومة المملكة العربية السعودية بجعل المواطن السوداني يمارس الكثير والكثيييير من الأشياء التي ربما يمنع منها الكثيرون من أبناء الجاليات الأخرى .. تجمع مثل تجمع الصالحية وتعيين ملاعب خاصة وممارسة حياة سياسية بصورة ديموقراطية أكثر من تلك التي في السودان حتى لولا السفارة لما تمّ .. طيب أقولها ليك بي طريقة تانية ومباشرة : لو السفير ده قام تنقش تنقش تنقش مشى الأمارة وقال ليهم انا ما عايز أييييي تجمع للسودانيين هنا لأنو بيأثر على أمن الدولة في السودان !! اها شنو قولكم بعد ده ؟؟؟؟
والله تاني الواحد إلا يتلمّ مع الناس في مطعم ريم ولا فوال بورتسودان ..
03-15-2008, 10:19 AM
ahmed haneen ahmed haneen
تاريخ التسجيل: 11-19-2003
مجموع المشاركات: 7982
Quote: وهنا ظهر دور السفارة الذي يجب على الجميع أن يشكرها عليه .. إختلاف الناس حول الحكومة والإنقاذ ووطني وحركة شعبية و و و و لا يجب أن ينسينا ما تقوم به السفارة ..
دور السفارة .. ماهو ؟؟؟ الجباية وبث ؟؟ ولا في حاجة تانية
انت يا الفاروق ما سمعت باستدعاء طال اكثر من عشرين شخصا من الناشطين في الرياض .. ومنهم اكثر من 10 اشخاص اعضاء بهذا المنبر تم استدعائهم بواسطة جهات امنية وتوقيعهم علي تعهدات بعدم ممارسة اي نشاط ..
فهل هذا ضمن دور السفارة .. ولا ياربي يكون دور .. غريبة..
03-15-2008, 06:46 AM
Mannan Mannan
تاريخ التسجيل: 05-29-2002
مجموع المشاركات: 6702
والله اول مرة اسمع ب(كف لمصلحتك) دى حلوة جد وتنفع بعد الجماعة يقعوا.. اما التبرع بالكف فدة عاوز قعدة وبرضو اخير من كف الاسد الاطرش!!!!!! بالمناسبة فى كشف تنقلات السفراء ما عرفت غير الكارب وهو الدفعة الورانا... سبحان الله الوزارة كلها تقريبا بقت رسالية وعاوزة (تبرعات)..
منان
03-15-2008, 08:45 AM
humida humida
تاريخ التسجيل: 11-06-2003
مجموع المشاركات: 9806
Quote: تجمع مثل تجمع الصالحية وتعيين ملاعب خاصة وممارسة حياة سياسية بصورة ديموقراطية أكثر من تلك التي في السودان حتى لولا السفارة لما تمّ
بدون تعليق .. عمر دا صاحبي ما برد عليهو .. اساسا نحن هنا شغالين بالمحسوبية .. كيتا فيكم كدا ..!!
.. ..
صلاح غريبة .. قلت لي تعال نتبارز فكريا .. والمبارزة دي بتكون معاك انت ولا مع الزول المأجر ليهو الحساب بتاعك .. ياخي قوم لف كدا .. انت يا صلاح اكثر شخص مهزء في الرياض وبشهادة الجميع كان مؤتمر وطني ولا معارضة .. واكثر ناس متضايقيين منك هم طاقم السفارة .. وخلينا ساكتين بس .. قال نتبارز فكريا ..
.. ..
من المفارقات الجميلة ( نكتة الامس في الرياض ) .. طوال يوم أمس اسم غريبة لم يغيب من المنبر ولا دقيقة .. اتصل به معتصم دفع الله وصديق الموج ( لأمر خاص ) .. ما ردا عليهم .. لمن رجع ليهم مرة تانية قال ليهم ( والله جيت من السفارة متاخر ونايم اليوم كله صحيت هسع ) .. يا ربي يكون غريبة دا ( بكتب وهو نايم ) .. بعدها قمت بالاتصال به .. قلت ليهو يا غريبة انت قدام الجهاز وخاشي النت .. قال لي لا لا .. قلت ليهو طيب ياخي ( بتنبذ في ناس حزب الامة مالك .. ) .. الزول اتخلع .. وقال لي اضرب لي بعد عشرة دقايق ( داخل الحمام ) ..!! طبعا لا في نبذ لحزب الامة ولا يحزنون .. بس كان داير يتصل بالزول البكتب باسمه للاستفسار .. وبعد عشرة دقايق .. رسل لي رسالة ( انت قايلني عبيط ولا شنو ) ..!!
03-15-2008, 08:59 AM
ابو جهينة ابو جهينة
تاريخ التسجيل: 05-20-2003
مجموع المشاركات: 22758
Quote: من المفارقات الجميلة ( نكتة الامس في الرياض ) .. طوال يوم أمس اسم غريبة لم يغيب من المنبر ولا دقيقة .. اتصل به معتصم دفع الله وصديق الموج ( لأمر خاص ) .. ما ردا عليهم .. لمن رجع ليهم مرة تانية قال ليهم ( والله جيت من السفارة متاخر ونايم اليوم كله صحيت هسع ) .. يا ربي يكون غريبة دا ( بكتب وهو نايم ) .. بعدها قمت بالاتصال به .. قلت ليهو يا غريبة انت قدام الجهاز وخاشي النت .. قال لي لا لا .. قلت ليهو طيب ياخي ( بتنبذ في ناس حزب الامة مالك .. ) .. الزول اتخلع .. وقال لي اضرب لي بعد عشرة دقايق ( داخل الحمام ) ..!! طبعا لا في نبذ لحزب الامة ولا يحزنون .. بس كان داير يتصل بالزول البكتب باسمه للاستفسار .. وبعد عشرة دقايق .. رسل لي رسالة ( انت قايلني عبيط ولا شنو ) ..!!
في لعبة هنا في منطقة نجد إسمها ( لعبة السَبْلة ) و بالمصري إسمها ( حاوريني يا كيكا ) ..و بالسوداني ( ياهو متل الحاصل دة ) ...
03-15-2008, 09:07 AM
عمر الفاروق عمر الفاروق
تاريخ التسجيل: 10-10-2005
مجموع المشاركات: 9669
Quote: بدون تعليق .. عمر دا صاحبي ما برد عليهو .. اساسا نحن هنا شغالين بالمحسوبية .. كيتا فيكم كدا ..!!
يا قريبك أسة عليك الله ترد تقول شنو ..؟ الشغلانة واضحة وبعيداً عن حسابات ده تبع منو وده واقف مع منو دور السفارة لا ينكره إلا جاحد .. الناس بتمسك في سفاسف الأمور وتغفل عمداً أدوار تقوم بها السفارة وهي غير مطالبة بسرد القصص التي تقوم بحلّها لمواطنيها تماشياً مع مقولة السترة والفضيحة متباريات !!! هل يعقل مثلاً أن يقول القنصل في تجمع للسودانيين : والله نحن سفّرنا فلان وفلانة لأنو قبضوهم في دعارة وكانوا مسجونين وتدخلنا نحن وحلينا المشكلة .. أو يقول إنو السودانيين هنا بقوا ملوك التزوير والسجون مليئة بالمزوّرين ناس فلان وفرتكان والحمد لله قدرنا نحلّهم ونسفرهم !!!
السفراة ربما تقضي حوائجنا بالكتمان دون أن ندري .. نعاني من الضرائب والزكاة والجباية وده موضوع منفصل لا يخص سفارة بعينها بل هي سياسة دولة وهي في طريقها للحل النهائي بعد بدأنا نعفى تدريجيا .. يا حميدة ياخ السودانيين هنا عاملين دوري بتاع كورة والله تحلف تقول إنت قاعد دار الرياضة أمدرمان ومباريات تنتهي الفجر .. وادي ام سدر ضد العشكول .. الدخينات في مواجهة ابناء ريفي العيكو.. اولاد أم صفقاً عراض لاعبين ضد اولاد أم صفقاً نحاف .. الكورة بتبدا الساعة 10 مساء وبتنتهي الساعة 3 صباحاً .. أسة عليك الله كان ما سفارتنا في زول بيخلّيهم يلعبوا لي وقت زي ده ؟ ياخ في السودان الحفلة بتنتهي الساعة 11 مسا خليك من الكورة ..
03-15-2008, 09:14 AM
humida humida
تاريخ التسجيل: 11-06-2003
مجموع المشاركات: 9806
نعرف ان السفير الكارب قامة مهنية ودبلوماسية عالية الاحترافية يعني بالواضح كدا زول مفتح جدا وبعرف هو بعمل في شنو وبعرف كيف ينسق ويظبط الامور مابين الوظيفه الخاصة والعامة الشي الذي سمعت به من مصدر موثوق ان هذه النقلة عادية جدا ولظروف ترتيبات خاصة اهمها نهاية فترة السفير السوداني في ليبيا وحوجة الحكومة لسفير بمواصفات السيد الكارب لاعادة صياغة الامور مع ليبا وحلحلة اشكالات السودانيين هناك واعتقد انها ثقة كبيرة منحت للسيد الكارب علي اعتبار ان محطة لييا حساسة وتحتاج الي شخص بمواصفات الكارب الشي الاخر ان تنقلات السفراء تخضع علي ما اعلم لموجهات خاصة مهنية وسياسية وشخصية تضع المناسب في المكان المناسب لا اعتقد ايضا ان عدم رضا بعض منسوبي المؤتمر الوطني عن السفير الكارب قد يكون ذي اثر في ابعاده لانهم باختصار ليسو علي اظن في حاجة لتمرير شي من تحت السيد السفير وايضا لان سياسة الدولة لاتبني علي قضايا صغيرة كاشكالات التنسيق بين سفير واجهزة حزب
بالنسبة لغريبة اختلف معه تماما ان السفير ينفذ فقط سياسة الحزب الحاكم ..السفير ياعزيزي الكريم ينفذ سياسة دولة حتي لو كان هذا السفير حزبيا معروفا واعرف سفراء مؤتمر وطني يفصلون تماما مابين الخاص الحزبي والعام الذي يلي امة السودانيين في البقعه المعينة الاخ احمدالذين رفعت اليهم الشكاوي المذكورة هم الذين رشحوا الكارب وغيره لانه ببساطةمن حقهم باعتبارهم شركاء في الحكم كما من حق الحركة الشعبية ان ترشح من تراه مناسبا لحقائبها ويبقي الفصل والقرار ببساطة في يد جهتين الخارجية باعتبارها جهة فنية والسيد رئيس الجمهورية باعتباره جهة سيادية فلكي تاخذ الشكاوي دورتها تبقي موافقة الرئيس ومدي اقتناعه بها طبعا بعد تشاوره مع وزارة الخارجية
لكم جميعا... يبقي اختلاف الراي دائما بين الناس سنة الله في الارض لكن يبقي بين الجميع ايضا الاحترام... المودة... الحب..
قد اختلف معكم جميعا الي اقصي درجات الاختلاف لكنني احترمكم كاخوه واعزاء يجمع بيننا الوطن وترابه واهله ونيله ونخيله ونيله والصحراء فارجو ان تتسع الصدور للراي والراي الاخر
مودتي
محمود عوض ماليزيا
03-15-2008, 12:11 PM
ghariba ghariba
تاريخ التسجيل: 03-09-2002
مجموع المشاركات: 13231
Quote: انت يايوسف السماني اكثر من يتعامل مع السفارة
طالع ونازل عزة السودان ودعوات للسفارة
وتوصية من السفارة عشان الدعم واخر علاقات وابتسامات
وماخفى اعظم
المعارضة بس في المنبر !!!!!!!!
غريبة النسخة المضروبة
ان لن اذهب للسفارة يوما الا لعمل او معاملة ولم احضر اي نشاط او دعوة للسفارة لانها اصلا لا تعترف بنا كجمعية وتقول عنها جمعية معارضة .
اتحدي اي واحد في السفارة من السفير للغفير ان اكون قد طلبت يوما منهم دعم وان كانت اموال السفارة هي اموالنا التي تاخذها منا جبايات . اماالابتسامات فليس لي عداء شخصي مع اي شخص ولذا تقوم علافة احترام بين وبين من اختلف مهم فكرا ونهحا والسفارة شخصية اعتبارية من المفترض ان تمثل السودانيين بمختلف انتمائتهم وهي ليس ملك للموظفين بها الذين تدفع رواتبهم من اموالنا .
03-16-2008, 05:01 AM
ahmed haneen ahmed haneen
تاريخ التسجيل: 11-19-2003
مجموع المشاركات: 7982
Quote: السفراة ربما تقضي حوائجنا بالكتمان دون أن ندري .. نعاني من الضرائب والزكاة والجباية وده موضوع منفصل لا يخص سفارة بعينها بل هي سياسة دولة وهي في طريقها للحل النهائي بعد بدأنا نعفى تدريجيا .. يا حميدة ياخ السودانيين هنا عاملين دوري بتاع كورة والله تحلف تقول إنت قاعد دار الرياضة أمدرمان ومباريات تنتهي الفجر .. وادي ام سدر ضد العشكول ..
السفارة بتقضي حوائج اهل المؤتمر الوطني وليس اهل السودان . السفارة تقسم السودانيين لمعارضة وحكومة فكيف تقضي حوائج الناس اجمعين ؟؟؟؟ سفارة تطلب عن طريق جهاز امنها من السلطات السعودية بالترحيل الفوري لعشرينمن قيادات الملتقي الثقافي السوداني كيف يمكن ان تكون سفارة لكل المغتربين ؟؟
سفارة سفارة تمنح اراضي لجمعيات بالكوتات باسم رئيس جمعيات تابعة للمؤتمر الوطني كيف تكون سفارة لكل السودانيين . سفارة كل كوادرها رجال امن ولا يوجد بها دبلوماسي غير السفير كيف تتعامل دبلوماسيا مع اي قضية ؟؟؟؟؟
اما قولك ان السلطات السعودية يمكن ان توقف اي نشاط للسودانيين هذا حقها ولكن الحكومة السعودية تحترم السودانيين وتحترم وقفتهم معها في حرب الخليج حينما كان نظام الانقاذ الذي تمثلة السفارة التي تدافع عنهاتسب وتشتم السلطات السعودية التي تتحدث عنها .
03-15-2008, 12:20 PM
ghariba ghariba
تاريخ التسجيل: 03-09-2002
مجموع المشاركات: 13231
تهديد مبطن يدل علي ان من يكتب باسم صلاح غريبة هم امن السفارة او امنجي لان لغة الوعيد التي تحدث بها اعلاة لا يمكن ان تصدر من صلاح ولوسقوة عرقي .
Quote: خلي السعودية والسلطات السعودية في حالها.. ولا تتحدث باسمها فانت لا تفقه في هذا الحديث
لم اتحدث يوما عن السلطات السعودية ولكن التهديد الذي اثارة عمر الفاروق واعطي الفضل فية للسفارة اعطاني الحق ان اوضح الحقيقة اما السلطات السعودية فلها من ينحدث ويدافع عنها .\
Quote: بعدين منو الرحلوهو من الملتقي؟؟؟؟؟؟
بتقرا وبتفهم بالمغلوب لان قلت طلب من السلطات السعودية ترحيلهم والسلطات السعودية لم ترحلهم ولكن حكومة الانقاذ كانت تريد ترحيلهم .[/B
Quote: وليه ما ذكرتنا في تجمع الكيانات وانا عضو لجنة تنفيذية؟؟؟؟
لعلمك ان من قدم القائمة التي رفعت عن طريق الامن السودان للسلطات السعوديةهو احدالقادة النافذين في تجمع الكيانات (مؤتمر وطني مغلف )
Quote: وتوصية من السفارة عشان الدعم واخر علاقات وابتسامات وماخفى اعظم
دعم شنو .. وما خفي دا شنو .. يعني يوسف السماني بشيل قروش من السفارة .. ولا يعني عنده اجندة آخرى غير الظاهرة للناس .. دا اتهام كبير جدا .. ويوسف السماني رئيس جمعية متضررة من السفارة كما يقول للجميع .. اثباتك شنو للكلام دا .. تعال ورينا عشان لو مغشوشين في الزول دا تبقى مصيبة .. !!
03-15-2008, 12:25 PM
humida humida
تاريخ التسجيل: 11-06-2003
مجموع المشاركات: 9806
Quote: بالنسبة لغريبة اختلف معه تماما ان السفير ينفذ فقط سياسة الحزب الحاكم ..السفير ياعزيزي الكريم ينفذ سياسة دولة حتي لو كان هذا السفير حزبيا معروفا واعرف سفراء مؤتمر وطني يفصلون تماما مابين الخاص الحزبي والعام الذي يلي امة السودانيين في البقعه المعينة الاخ احمدالذين رفعت اليهم الشكاوي المذكورة هم الذين رشحوا الكارب وغيره لانه ببساطةمن حقهم باعتبارهم شركاء في الحكم كما من حق الحركة الشعبية ان ترشح من تراه مناسبا لحقائبها ويبقي الفصل والقرار ببساطة في يد جهتين الخارجية باعتبارها جهة فنية والسيد رئيس الجمهورية باعتباره جهة سيادية فلكي تاخذ الشكاوي دورتها تبقي موافقة الرئيس ومدي اقتناعه بها طبعا بعد تشاوره مع وزارة الخارجية
الاخ محمود
اشكرك على هذا الكلام العلمي المؤدب
لكن انت عارف بضاعة المنبر لاينفع مثل هذا الكلام مع الكثيرين والحمد لله لايشكلون اي شي،،، السفير ينفذ سياسة الدولة والدولة تنفذ سياسة الحزب
ودي مابدعةدبلوماسية
هذا هو الرابط والذين يمدحون السفير يمدحون النظام السياسي
يوسف السماني لانو جا الرياض متأخر عشان كده لسع بتكلم
عن علاقة السودان بالسعودية بالحاجات القديمة
03-15-2008, 12:35 PM
ghariba ghariba
تاريخ التسجيل: 03-09-2002
مجموع المشاركات: 13231
Quote: الناس بتمسك في سفاسف الأمور وتغفل عمداً أدوار تقوم بها السفارة وهي غير مطالبة بسرد القصص التي تقوم بحلّها لمواطنيها تماشياً مع مقولة السترة والفضيحة متباريات
عمر الفاروق
لو قلت الكلام ده تاني حيستبيحوا دمك
تطلع امنجي تطلع جبهجي تطلع سفارجي
ياخي درب السلامة للحول قريب
خليك زى ناس حميدة ديل
شوف الهواء ماش على وين وامشي
عشان مايلم فيك واحد زي احمد حنين يطلعك ...
والله ياعمر لوشفتهم قدام المسئولين مؤدبين كيف وطيبن كيف
وكل واحد عايز يكرم ليهو مسئول
!!ودعواتم تطاقش !!!!!!!!!!!!!
بس مجرد مايقعدوا قدام الكبميوتر كل واحد يبقى مرعفين
03-15-2008, 12:28 PM
ghariba ghariba
تاريخ التسجيل: 03-09-2002
مجموع المشاركات: 13231
غريبه المطور انت عندك اسهال كلام وما بتعرف غريبة كويس.. الزول ده السنه كاملة بنقل ليه حته من جريده والا حتتين وخبرين من السفارة.. وعمره ما جاء راجع رد على زول... كده بتكشف روحك براك.. وحاتك غريبه يكتب قدر كده راسو يطرشق الزول ده يادوب السلام وكلمتين،وشوية خارم بارم.. وحات الله بطريقتك دى بكرى يفصلنا مع غريبه زاتو.. ما بتعرف تسرق.. خليك حريف مرة اكتب كلام دراويش تعال بعد يومين اسحبه اكتب كلام غيرو ،وكده تقنعنا انك غريبه لا حولا... بعدين زيل المقال ب..مهندس صلاح غريبه او الناطق الاعلامى وكده،،،
03-15-2008, 12:44 PM
humida humida
تاريخ التسجيل: 11-06-2003
مجموع المشاركات: 9806
الزول دا بقوم جاري .. قبل كدا زنقو ليك اخونا ( خالد سعيد ) .. قال ليهو بس خلي الناس ديل يطلعوا ونقفل علينا باب الاستراحة دي ونحل امورنا مع بعض .. وحاتك ما لقى ليهو اثر بعد خمسة دقايق ..
.. ..
غريبة دا بالتحديد بأكد ليك المثل البيقول ( الرجال ماتوا في كرري ) .. !!
03-15-2008, 04:56 PM
عمر الفاروق عمر الفاروق
تاريخ التسجيل: 10-10-2005
مجموع المشاركات: 9669
يوسف السماني: تحياتي.. وحا أبدأ معاك من محل إنتهيت معاي :
Quote: لم اتحدث يوما عن السلطات السعودية ولكن التهديد الذي اثارة عمر الفاروق واعطي الفضل فية للسفارة اعطاني الحق ان اوضح الحقيقة
لم أستخدم التهديد يا يوسف السماني وما ذكرته انا متأكد من أنك توافقني فيه الرأي شئت أم أبيت وبي الدارجي كده نقولها : راسك فوق كرعيك السفارة السودانية هي المسؤول المباشر عن رعاياها داخل البلد المعني وله كامل الحرية في تحديد تصرفات مواطنيها داخل البلد المعني وبمساعدة من سلطات البلد المعني إضافة لبعض الأشياء التي يحق للبلد المعني التصرف فيها دون الرجوع للسفارة .. طيب أقولها ليك بي لغة ممكن تفهمها وبي صورة أكتر مباشرة وتجاوبني بي كل صراحة وشجاعة وده الممكن تعتبره تهديد لو عايز : السفارة ممكن توقف ليكم نشاط عزة السودان ده ولا ما بتقدر ؟؟؟ بي طريقة تاااااانية نقولوا ليك : تنقش تنقش تنقش السفارة تقدم خطاب للسعودية وتقول التجمع ده تجمع بيضر بي مصلحة البلد وإستقرارها ونحن ما عايزنوا!!! بتقدر ولا ما بتقدر ؟؟؟ والله يرضى عليك عايز إجابة مباااشرة ووااااضحة وبدون مقدمات وتبريرات يا بتقدر يا ما بتقدر !!
Quote: السفارة بتقضي حوائج اهل المؤتمر الوطني وليس اهل السودان . السفارة تقسم السودانيين لمعارضة وحكومة فكيف تقضي حوائج الناس اجمعين ؟؟؟؟
لو قاصد المواطن العادي تكون غلطان ونقول ليك كضباً كاضب .. يعني أسة انا عمر الفاروق المواطن المسكين الما عندو علاقة لا بي وطني ولا بي شعبي ولا معارضة اقوم امشي عايز حاجة في السفارة يقوموا يقولوا لي إنت معانا ولا معاهم عشان نقدر نقضي ليك امورك !!! خلّيني انا لو جاهم راعي مسيكين قاعد اليوم كلو في الخلا ما فاهم Is من Dose وجاهم في شغلة يقوموا يقولوا ليهو لالالالا ماف طريقة إنت معارضة !!!! وبعدين الطلبات خشم بيوت يا يوسف السماني ونحن ما قاعدين في المدينة الفاضلة وفي حاجات من الطبيعي ناس النظام يرفضوها للمعارضة ويعملوها لي روحهم ودي ما دايرة درس عصر وأي زول عارفها وتدخل في باب سميهو زي ما تسميهو ظلم - رفض الاخر - المحافظة على النظام و و و
Quote: سفارة تطلب عن طريق جهاز امنها من السلطات السعودية بالترحيل الفوري لعشرينمن قيادات الملتقي الثقافي السوداني كيف يمكن ان تكون سفارة لكل المغتربين ؟؟
بعد كلامك ده أعتقد إنو سؤالي عن إمكانية السفارة في (فرتقة) عزة السودان اصبح منتهي الصلاحية والإجابة عليهو بقت وااااضحة وهي بدون شك (نعم) كبييييييييييييرة..
Quote: سفارة كل كوادرها رجال امن ولا يوجد بها دبلوماسي غير السفير كيف تتعامل دبلوماسيا مع اي قضية ؟؟؟؟؟
في دي ممكن أكول ليك كضاب وما تزعل منّي .. ولشبب بسيييط جداً إنو انا عندي تلاتة من أصحابي المساكين شغّالين في السفارة وما عندهم أي علاقة بي ناس الأمن .. عايز أسماء ولا نخلّيهم كده ؟
تحياتي..
03-15-2008, 06:02 PM
معتصم دفع الله معتصم دفع الله
تاريخ التسجيل: 12-18-2003
مجموع المشاركات: 12684
Quote: من المفارقات الجميلة ( نكتة الامس في الرياض ) .. طوال يوم أمس اسم غريبة لم يغيب من المنبر ولا دقيقة .. اتصل به معتصم دفع الله وصديق الموج ( لأمر خاص ) .. ما ردا عليهم .. لمن رجع ليهم مرة تانية قال ليهم ( والله جيت من السفارة متاخر ونايم اليوم كله صحيت هسع ) .. يا ربي يكون غريبة دا ( بكتب وهو نايم ) .. بعدها قمت بالاتصال به .. قلت ليهو يا غريبة انت قدام الجهاز وخاشي النت .. قال لي لا لا .. قلت ليهو طيب ياخي ( بتنبذ في ناس حزب الامة مالك .. ) .. الزول اتخلع .. وقال لي اضرب لي بعد عشرة دقايق ( داخل الحمام ) ..!! طبعا لا في نبذ لحزب الامة ولا يحزنون .. بس كان داير يتصل بالزول البكتب باسمه للاستفسار .. وبعد عشرة دقايق .. رسل لي رسالة ( انت قايلني عبيط ولا شنو ) ..!!
يا حميدة الزول دا اتصلت عليهو من تلفوني لمن فترت .. قلت اتصل عليهو من تليفون تاني وقد كان .. أنا عارفو ما برد عليّ ليه بعد داك جاتني منه رسالة في الجوالين مكتوب فيها .. عذراً فأنا في إجتماع بالدمام وبعدو سأتصل .. أها بعد داك قلت يا ربي غريبة دا في إجتماع بالدمام وقاعد يرد في نفس الوقت .. غريبة دي والله .. حلوها براكم .. ولا أقول ليكم أعملوها ( كرتلة ) ..
بس يا حميدة عجبتني ليك حكاية تعال نتحاور فكرياً دي .. أنا لي هسي قاعد اضحك فيها .. فكرياً فكرياً غرامة غرامة ..
03-15-2008, 09:24 PM
ghariba ghariba
تاريخ التسجيل: 03-09-2002
مجموع المشاركات: 13231
Quote: يا حميدة الزول دا اتصلت عليهو من تلفوني لمن فترت .. قلت اتصل عليهو من تليفون تاني وقد كان .. أنا عارفو ما برد عليّ ليه بعد داك جاتني منه رسالة في الجوالين مكتوب فيها ..
والله يامعتصم خسارة
كنت راجل بتاع كورة وزول طيب لكن من جاور قوما
شغال يومك كلو وراء عمك صلاح غريبة
صربت التلفون ،،،اتصلت،،،كلمت
لقيتو في الحمام لقيتو في البقالة وبعدين اسمي يغيب لماذا الكمبيوتر مفتوح
24 ساعة ممكن تكون نايم وتظهر مع المتواجدين
ياخي ارتفع بمستواك شوية
خلاس عايز تكتشف الذرة !!!!!!!
افرض ياخى بكتب الجن الاحمر الفرق شنو
ياخي خليك في الشعر وفي الادب
وماتتورط في السياسة والجري وراء الناس مابتشبهك الحاجات دي
03-15-2008, 10:01 PM
ghariba ghariba
تاريخ التسجيل: 03-09-2002
مجموع المشاركات: 13231
Quote: لو قاصد المواطن العادي تكون غلطان ونقول ليك كضباً كاضب .. يعني أسة انا عمر الفاروق المواطن المسكين الما عندو علاقة لا بي وطني ولا بي شعبي ولا معارضة اقوم امشي عايز حاجة في السفارة يقوموا يقولوا لي إنت معانا ولا معاهم عشان نقدر نقضي ليك امورك
عمر الفاروق
لاتجهد نفسك خليك مع الجو
اشتم السفارة اشتم الحكومة اشتم اشتم اشتم......
حتى يرضى عنك ناس دينق وحنين وبقية الابطال
قول ليهم الحاجة العايزنها وكمان زيد شوية كذب
المنطق ده مابسير هنا انت ماعايز تبقى بطل والله شنو
فرصة وين تلقاها تاني؟؟؟؟؟؟؟؟؟؟؟ الشارع صعب الناس ديل مابقدروا عليه
الناس ديل على الطبيعة مساكين ومسالمين لكن بمجرد ما يهبشوا الكي بورد ده بتجيهم الحالة
03-16-2008, 05:41 AM
ahmed haneen ahmed haneen
تاريخ التسجيل: 11-19-2003
مجموع المشاركات: 7982
نعود لي .. موضوعنا .. وحكاية غريبة دي تم تحويلها للأخ بكري ابوبكر..
اخر خبر
افادنا مصدر موثوق بالخارجية . بأنه لم يصدر امرا رسميا بهذة التنقلات للسفراء وكلها عبارة عن تسريبات لترشيحات في طور المناقشة .. ولم يوقع عليها وزير الخارجية وبعدها سوف ترفع للرئيس البشير من اجل التوقيع النهائي..ولم تتم حتي الأن هذة الأجراءات .. ثم اخطار الدول وإخطار السفراء المعنيين.. انتهي ..
....
نعود لنري من هو صاحب المصلحة في مثل هذة التسريبات؟؟
03-17-2008, 11:25 PM
mahmed alhassan mahmed alhassan
تاريخ التسجيل: 02-10-2004
مجموع المشاركات: 1793
Quote: السفارة بتقضي حوائج اهل المؤتمر الوطني وليس اهل السودان
.
الصورة أدناه للقنصل العام الوزير المفوض /أحمد يوسف وهو يقرأ خطاب الموافقة للقيام بحملةوليد دارفور أمام اللجنةالعشرينة لبورداب الرياض بمنزل الاخ/ ادريس خليفة بالملز السؤال موجه لللاخ/ يوسف السماني ؟ اختار واحد من الاتي 1- هل هذه اللجنة العشرينية من بورداب الرياض مؤتمر وطني ؟ 2- هل أهل دارفور مؤتمر وطني ؟ 3- أم هؤلاء هم أهل السودان ؟ 4- أم تلك ليس بالخدمات التي تقصدها وفي هذه الحالة وضح نوع الخدمات المقدمة لاعضاء المؤتمر الوطني دون غيره ؟
ويبقي الود
03-18-2008, 11:30 AM
mahmed alhassan mahmed alhassan
تاريخ التسجيل: 02-10-2004
مجموع المشاركات: 1793
Quote: الصورة أدناه للقنصل العام الوزير المفوض /أحمد يوسف وهو يقرأ خطاب الموافقة للقيام بحملةوليد دارفور أمام اللجنةالعشرينة لبورداب الرياض بمنزل الاخ/ ادريس خليفة بالملز
الاخ / محمد الحسن سلام كنت اتمني لا تقحم نفسك وتصبح احد محامي السفارة وهم كثر من همام لغريبة .ولكن احتراما لطرحك سارد علي تساؤلاتك .
Quote: - هل هذه اللجنة العشرينية من بورداب الرياض مؤتمر وطني ؟
اللجنة العشرينية لحملة وليد دارفور وليس بورداب الرياض بها كل الوان الطيف السياسي بما فيهم المؤتمر الوطني . واقولها صرحة ومسجلة بمخاضر جميع الاحتماعات كنت ضد الاستعانة بالسفارة لانها سفارة النظام الحاكم الذي قتل وشرد اهل دارفور ولا يمكن ان يساعدهم . ولكن استجبت لقرار الاغلبية الذي راي الاستعانة بالسفارة وماتبرعت بهة السفارة السودانية اقل مما تبرع بة افراد لحملة وليد دارفور وهو مبلغ 5000 ريال ومثل هذا المبلغ صرفتة السفارة مقابل بروفة لاحدي الجمعيات ياودالحسن . وتعاون القنصل مع بورداب الرياض ليس من اجل وليد دارفور ولكن لاجندة سياسية يفهما كل من علم اب ت السياسة فهل يعقل لقنصل يخالق سياسة دولتة التي طرف في الحرب من اجل عيون اهل دارفور الذين تقتلهم دبابات الدولة التي يمثلها القنصل الذي زينت بصورتة البوست . القنصل الذي تحدثت عنة قال لنا ومع الباشمهندس عبدالقادر عيسي عبدالقادر داخل مكتبة انا غير مسئول منكم ولا جمعيتكم ولابعرفكم فقلت لا تنسي انك مسئول عن كل السودانيين بالرياض وبقية مادار يمكن ان تسأل الباشمهتدس .
وادخل اي مكتب في السفارة تجد ان الصفحة الرئيسية علي الشاشة سودانيزاونلاين .
-
Quote: أم تلك ليس بالخدمات التي تقصدها وفي هذه الحالة وضح نوع الخدمات المقدمة لاعضاء المؤتمر الوطني دون غيره ؟
كل الخدمات يامحمد اراضي لمن لايستحق اعانات اموال بلا رقيب تصرف وفق موسودة الولاء ولائم تقام من اموالنا التي تسستقطع منا في المعاملات وغيرها .
اخي محمد الحسن ان كان دفاعك عن حزب المؤتمر الوطني هذا حقك . ام ان كان دفاعك عن السفارة السودانية في ملك لك سوداني ومن حق اي مغترب بالرياض ان يتساوي مع غيرة من اهل الولاء في المواطنة ومن حق اي مواطن ان يقول راية فيهابحرية ولايتصدي لة اعضاء المؤتمر الوطني . الم يكن للسفارة اعلام ؟؟؟؟؟
من هم الذين يدافعون عن السفارة يامحمد داخل المنبرواظنك تعرفهم هل تحدث احدهم يوما عن السودان كل حديثهم عن المؤتمر الوطني فكيف تكون سفارة جمهورية السودان من يتحدث ياسمها صلاح غريبة عضو شوري المؤتمر الوطني ؟؟؟؟ ارجو الاجابة .
Quote: من هم الذين يدافعون عن السفارة يامحمد داخل المنبرواظنك تعرفهم هل تحدث احدهم يوما عن السودان كل حديثهم عن المؤتمر الوطني فكيف تكون سفارة جمهورية السودان من يتحدث ياسمها صلاح غريبة عضو شوري المؤتمر الوطني ؟؟؟؟
الاخ ابورامي ..
قبل ان يأتيك اخونا محمد الحسن بالخبر اليقين ارجــو ان تسمح لي بــان اوضح لك بان الاخ غريبة ليس متحدثا او ناطقا باسم السفارة . فاللسفـــارة مكتب اعلامي وملحق ثقافي مناط بـــه توضيح الحقائق وبما انه ليس عضوا معنا بسودانيزاونلاين فاعتقـــد بان الاخ محمد الحسن جزء من السفارة ولديه من المعلومات ما تكفي للتوضيح الحقائق ..
ود الباوقة
03-18-2008, 05:14 PM
mahmed alhassan mahmed alhassan
تاريخ التسجيل: 02-10-2004
مجموع المشاركات: 1793
Quote: كنت اتمني لا تقحم نفسك وتصبح احد محامي السفارة
لم أتعود ذلك 0 ولكن بحكم عملي بالسفارة أعلم أنها تقدم خدمات عامة لكل أهل السودان دون فرز0 وسوف أثبت لك ذلك بالدليل والوثائق 0 فقط رابط علي هذا البوست 0
Quote: وهم كثر من همام لغريبة
ليس لي علاقة بطرحهم (وكل شاة معلقة من رقبتهاأوكمايقولون )
Quote: ولكن استجبت لقرار الاغلبية الذي راي الاستعانة بالسفارة
اما الاغلبية قرارها صحيح وانها تؤمن بدور السفارة 0 واما الاغلبية علي خطأ وأنت الصاح 0
Quote: يعقل لقنصل يخالق سياسة دولتة التي طرف في الحرب من اجل عيون اهل دارفور الذين تقتلهم دبابات الدولة التي يمثلها القنصل الذي زينت بصورتة البوست . القنصل الذي تحدثت عنة قال لنا ومع الباشمهندس عبدالقادر عيسي عبدالقادر داخل مكتبة انا غير مسئول منكم ولا جمعيتكم ولابعرفكم فقلت لا تنسي انك مسئول عن كل السودانيين بالرياض وبقية مادار يمكن ان تسأل الباشمهتدس .
اخ/ يوسف أنت هنــا خلطت الكيمان موضوع دارفور بموضوع جمعية أسر عزةالسودان التي أقدر تماما الدوروالرسالة التي تقوم بها0 وكنت من أكثر الناس حرصا علي وجودها بفعاليات السفارة 0
Quote: وتعاون القنصل مع بورداب الرياض ليس من اجل وليد دارفور ولكن لاجندة سياسية يفهما كل من علم اب ت السياسة
وبذات المنطق ممكن أقول وجود السماني ممثلا في عزة السودان لاجندة سياسية 0 علما بأن وجود القنصل في أروقة العام هو الشئ الطبيعي ومعظم أهل الرياض يعرفون ذلك0
Quote: وادخل اي مكتب في السفارة تجد ان الصفحة الرئيسية علي الشاشة سودانيزاونلاين
. والله العظيم أغلبهم لم يسمع بهـــا 0
Quote: كل الخدمات يامحمد اراضي لمن لايستحق اعانات اموال بلا رقيب تصرف وفق موسودة الولاء ولائم تقام من اموالنا التي تسستقطع منا في المعاملات وغيرها .
هــات الدليــل علي ذلك 0
Quote: ام ان كان دفاعك عن السفارة السودانية في ملك لك سوداني ومن حق اي مغترب بالرياض ان يتساوي مع غيرة من اهل الولاء في المواطنة ومن حق اي مواطن ان يقول راية فيهابحرية ولايتصدي لة اعضاء المؤتمر الوطني . الم يكن للسفارة اعلام ؟؟؟؟؟
اتفق معك 0
Quote: من هم الذين يدافعون عن السفارة يامحمد داخل المنبرواظنك تعرفهم هل تحدث احدهم يوما عن السودان كل حديثهم عن المؤتمر الوطني فكيف تكون سفارة جمهورية السودان من يتحدث ياسمها صلاح غريبة عضو شوري المؤتمر الوطني ؟؟؟؟ ارجو الاجابة .
مـا ينبغي لــــــه 0 وفي الختــام اخي يوسف دائما ما تتسم كتاباتك بحـــدة لاتنسجــم مع المرحلة التي يتجه فيها الجميع للتقارب علي الاقل في الحد الادنــي 0 ويبقي الوداخي يوسف
03-18-2008, 05:30 PM
عمر الفاروق عمر الفاروق
تاريخ التسجيل: 10-10-2005
مجموع المشاركات: 9669
يوسف السماني: ياخ والله العظيم إنت زول عجييييييب (مرة) على قول اخوانا السعوديين ..
Quote: واقولها صرحة ومسجلة بمخاضر جميع الاحتماعات كنت ضد الاستعانة بالسفارة لانها سفارة النظام الحاكم الذي قتل وشرد اهل دارفور ولا يمكن ان يساعدهم .
تكون ضد السفارة في وليد دارفور وتجري وتركض خلف السفارة عشان عزة السوادن؟ غايتو جنس غايتو ...
تخريمة : على حد علمي سودانيز أون لاين في السفارة بيعرفوها تلاتة واحد منهم اخونا محمد الحسن والتاني صديقنا محمد محمود وهو حاليا في السودان والتالت إحتمال يكون بتاع المطعم
03-18-2008, 08:21 PM
ghariba ghariba
تاريخ التسجيل: 03-09-2002
مجموع المشاركات: 13231
Quote: من هم الذين يدافعون عن السفارة يامحمد داخل المنبرواظنك تعرفهم هل تحدث احدهم يوما عن السودان كل حديثهم عن المؤتمر الوطني فكيف تكون سفارة جمهورية السودان من يتحدث ياسمها صلاح غريبة عضو شوري المؤتمر الوطني ؟؟؟؟ ارجو الاجابة
يوسف اتقي الله
هل تتحدث انت عن السودان؟؟؟؟؟؟؟؟؟؟؟
كل حديثك هجوم على سفارة بلدك وتاليف الاكاذيب
وبعدين زي ماانت عندك اجندة حزبية الناس عندها احزابها
ومافي حد احسن من حد
بس حكاية السفارة دي كترتها شوية
كل السفارات في الرياض تجد الاحترام من جالياتها
بغض النظر عن انتماءاتها
ماعدا سفارة السودان الشقيةالتي يعتبر الدفاع عنها عيب
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
ahmed haneen
حليمة محمد عبد الرحمن
نصار
ghariba
Tragie Mustafa
صالح عبده
انتصار محمد صالخ بشير
mahmed alhassan
صديق الموج
علاء الدين صلاح محمد
humida
kamalabas
عمر الفاروق
عمران حسن صالح
Mannan
ابو جهينة
محمود عوض احمد
يوسف السماني يوسف
الزبير صالح الزبير
معتصم دفع الله
فيس بوك
تويتر
انستقرام
يوتيوب
بنتيريست