|
|
|
 Re: صراع عنصري داخل المؤتمر الوطني بالرياض ..يسيل دماءً في حفل السفارة (Re: ahmed haneen)
|
نواصل
وفي حفل الخميس ..
بدأ الحفل كالعادة .. بتلك الكلمات المكرورة التي حفظها الجميع .. واصابهم الملل..
كلمات عن استقلال .. ما زال ... في شك وظن ... خاصة بعد دخول القوات الأممية ..
المهم ..
فقرة غنايئة .. من جمعية المحبة والسلام - نساء جنوب السودان
ثم فقرة راقصة .. من جبال النوبة ( رقصة الكمبلا )
ثم .. رقصة المسرية .. ..
فصاح احد ابناء الجلابة ..( اسمه لدينا)
( ياناس السفارة السنة دي حفلتكم كلها عبيد)
| |
 
|
|
|
|
|
|
|
 Re: صراع عنصري داخل المؤتمر الوطني بالرياض ..يسيل دماءً في حفل السفارة (Re: ahmed haneen)
|
Quote: نواصل
وفي حفل الخميس ..
بدأ الحفل كالعادة .. بتلك الكلمات المكرورة التي حفظها الجميع .. واصابهم الملل..
كلمات عن استقلال .. ما زال ... في شك وظن ... خاصة بعد دخول القوات الأممية ..
المهم ..
فقرة غنايئة .. من جمعية المحبة والسلام - نساء جنوب السودان
ثم فقرة راقصة .. من جبال النوبة ( رقصة الكمبلا )
ثم .. رقصة المسرية .. ..
فصاح احد ابناء الجلابة ..( اسمه لدينا)
( ياناس السفارة السنة دي حفلتكم كلها عبيد)
|
احمد حنين
كيفك
فقرة ناس فرقة أبناء حلفا كيف ! !
يعني ما جاك اخبار ناس حلفا ولا شنو ؟
الخال حمزاوي تعال شوف احمد حنين
مهمشن وبرضو مهمشنا
لينا الله ونظرة يا با هاشم مدد ! ! !
| |
|
|
|
|
|
|
|
|
|
Re: صراع عنصري داخل المؤتمر الوطني بالرياض ..يسيل دماءً في حفل السفارة (Re: ahmed haneen)
|
العزيز أحمد حنين تحياتي
بالله عليك الله ما تقول لينا إسم سيدنا دا وخلينا نقوم معاة بواجب الولاء والطاعة
عشان نحن زمان أهلنا قالوا لينا عبداً بي سيدا ولا حراً مجهجه
بس نحن سيدنا دا ما ورانا هو منو ومن وين . يعني الحمد لله طلّعنا من مثلث حمدي
عشان كردفان دي في الغرب وناس الكمبلا والمردوم والجراري والتويا والحسيس ديل عبيد ساكت
ومن هنا نطالب بكري بوضع هذا البوست في المقدمة حتي يعلم الجميع من هم دعاة الجهوية والعنصرية في هذاالوطن ، وأحسن الطيب مصطفي كسر جرو وقابل شرو .
والمؤتمر الوطني مطالب بإخراج حديث الغرف المقلقة حول هذا الأمر عشان أي قرد يطلع جبله
بحيراوي
| |
|
|
|
|
|
|
|
|
|
Re: صراع عنصري داخل المؤتمر الوطني بالرياض ..يسيل دماءً في حفل السفارة (Re: ahmed haneen)
|
شكرا حنين ...
بالطبع غير مستغرب الذي ذهبت اليه !!! لن نجني من وراء هذه المنابر غير مزيدا من التشظي والتجزئي
الانقاذ تتحمل كل تلك الاوزار , وفي دار السفارة .
نتمنى ان ترصد كل التفاصيل عسى ان يكون فيها عظى للكيانات الموجودة بجدة لتعمل في اطار ما يخدم قواعدها دون تعلية للحس العنصري
وسأضع هنا متى تيسر رسالة عنصرية كتبها احد الاخوان في رسالة غاية في العنصرية يحرض فيها على التكتل والاستقطاب الجهوي.
............................................................................................حجر
| |
|
|
|
|
|
|
|
|
|
Re: صراع عنصري داخل المؤتمر الوطني بالرياض ..يسيل دماءً في حفل السفارة (Re: ahmed haneen)
|
Quote: كيفك يا حنين
ياخى الموضوع دا ما تحملوه اكثر مما يجب
اطراف المشكلة مواطنين عاديين جدا ليس لديهم اى نشاط سياسي
وهم الان لدى الجهات المختصة ولكن المساعى جارية لحل الموضوع
حل ودى فالموضوع مشكلة عادية فما تكبروا الموضوع ساكت
( هذا الكلام لمعرفتى التامة باطراف المشكلة ) |
الاخ أحمد العمار.
زمن الغطغطة وزمن باركوها يا جماعة أنتهى.
يجب فتح هذا الموضع ومناقشته بهذا البورد لأن موضوع العنصرية يهم الجميع.
وإذا أنت ملم بأطراف القضية أو كنت شاهدا فمن حقكك أن تدلو بدلوك ولكن ليس من حق أحد أن يكتم الموضوع.
دينق.
| |
|
|
|
|
|
|
|
|
|
Re: صراع عنصري داخل المؤتمر الوطني بالرياض ..يسيل دماءً في حفل السفارة (Re: ahmed haneen)
|
Quote: الاخ أحمد العمار.
زمن الغطغطة وزمن باركوها يا جماعة أنتهى.
يجب فتح هذا الموضع ومناقشته بهذا البورد لأن موضوع العنصرية يهم الجميع.
وإذا أنت ملم بأطراف القضية أو كنت شاهدا فمن حقكك أن تدلو بدلوك ولكن ليس من حق أحد أن يكتم الموضوع.
دينق.
|
ياجماعة عشان ما تمشوا بعيد فى الموضوع الحصل كالاتى :
وهذا الكلام حسب شهود عيان من اقربائى ومن ضمنهم رئيس فرقة المسيرية
وابنى الاكبر وضاح احمد العمار ، طبعا انا لم اذهب للحفل اصلا
الحصل واثناء تقديم فقرة الكمبلا مع مشاركة اعضاء فقرة المسيرية
فى هذه الاثناء صاح احد الحضور وكان مخمورا ( ما تنزلوا الغرابة ديل )
رد عليه احد الحضور ( احترم نفسك ) رد المخمور ( بالفاظ بذيئة )
وحدثت المشكلة وكان مع الشخص المخمور اخر ايضا مخمور وتدخل اخرون
فاصبحت المشكلة بين اربعة فى طرف وثلاثة فى طرف ونتجة لاستخدام الكراسى
اصيب واحد فى رأسه بجرح وتم علاجه وكاى مشكلة تدخل الحضور لفض المشكلة
حضرت الشرطة بعد ابلاغ موظف الامن بالسفارة لهم واحتجزت 5 اشخاص من ضمنهم
المصاب بعد علاجه عن طريق الاسعاف .
اطراف المشكلة المحتجزين لدى الشرطة الان 3 من المسيرية و اثنان من المحس
اقارب المحتجزين من الطرفين باذلين اقصى مجهود ليتم علاج المشكلة وديا
وما زالت المساعى جاريه نسبة لعطلة يومى الجمعة والسبت فى السفارة
هذا كل مافى الامر باختصار يعنى الموضوع فردى جدا وبسبب السكر
(وهذا الكلام اشرت اليه فى مداخلة لدينق فى بوست غريبة )
لكن ما عارفين الناس مصرة فى تسيس المشكلة ليه.
ارجو ان اكون وضحت الصورة
أحمد العمار
| |
|
|
|
|
|
|
|
|
|
Re: صراع عنصري داخل المؤتمر الوطني بالرياض ..يسيل دماءً في حفل السفارة (Re: صديق الموج)
|
الحصل واثناء تقديم فقرة الكمبلا مع مشاركة اعضاء فقرة المسيرية
فى هذه الاثناء صاح احد الحضور وكان مخمورا ( ما تنزلوا الغرابة ديل )
رد عليه احد الحضور ( احترم نفسك ) رد المخمور ( بالفاظ بذيئة )
وحدثت المشكلة وكان مع الشخص المخمور اخر ايضا مخمور وتدخل اخرون
فاصبحت المشكلة بين اربعة فى طرف وثلاثة فى طرف ونتجة لاستخدام الكراسى
اصيب واحد فى رأسه بجرح وتم علاجه وكاى مشكلة تدخل الحضور لفض المشكلة
يعني شكلة عادية يا احمد يا اخوي ...
ما بتستاهل كل الهيلامانة دي ...
ود الباوقة
| |
|
|
|
|
|
|
|
|
|
Re: صراع عنصري داخل المؤتمر الوطني بالرياض ..يسيل دماءً في حفل السفارة (Re: ahmed haneen)
|
احمد الحنين
كيف حالك
ود الباوقه قال :
Quote: يعني شكلة عادية يا احمد يا اخوي ...
ما بتستاهل كل الهيلامانة دي ... |
لا بتستاهل ياود الباوقه , يعني اي واحد يسكر وكمان في السفاره ويشتم الناس
وتقولو باركوها ؟ مالكم كيف تحكمون ؟ مفروض مايكون في اي وساطات في الموضوع دا
عشان يكون عبره لمن تسول له نفسه في ان يحذو حذوه .
وبعدين متين السكر ونبيذ الناس بقى عادي عندكم يا اهل المشروع الحضاري ؟
ود الباوقه ماتكييل بمكيلين وخليك منصف ولو لمره ,
| |
|
|
|
|
|
|
|
|
|
Re: صراع عنصري داخل المؤتمر الوطني بالرياض ..يسيل دماءً في حفل السفارة (Re: احمد العمار)
|
كتب احمد حنين ما يلي:
| Quote: وفي حفل الأربعاء .. تم تكريم حسين حمدي من قبل ( منبر أبناء كردفان بالمؤتمر الوطني |
و بإيجاز شديد أقول .. إدعاء المعرفة و فبركة الأخبار تسمى لقافة.. تسمى خفة قميئة تسمى أشياء كثيرة و لكني أجدها كلها لا تكفي في وصف أحمد حنين و هو يقبرك الأخبار ليخلق بطولة أو وهم يقتات عليه!
الذي كرم الدكتور حسين حمدي هو المؤتمر الوطني بكل أماناته و قطاعاته بكل سودانه و ليس منبر كردفان كما تدعي و في كلا الأحوال لا صالح لك فيما تم و لا تتطاول إلى ما ليس لك به حول و لا طول!!!! و الذي تم تكريمه رجل في قامة جبل تتقاصر أمامه الأقزام يا أحمد حنين.
و كنت أظن أنك قد وعيت الدرس و خرست و أراك تعود لفبركة الأكاذيب مرة أخرى و أخشى أن نعود إلى سالفة (حاشاني) مرة أخرى!!!!
و غير بعيد عما سبق طفق يقول:
Quote: فصاح احد ابناء الجلابة ..( اسمه لدينا)
( ياناس السفارة السنة دي حفلتكم كلها عبيد) |
أي بشاعة تكون أبشع من هذه ؟ و ما علاقة المؤتمر الوطني بما حدث حتى تتقيأ قائلاً:
| Quote: (صراع عنصري داخل المؤتمر الوطني) |
ما علاقة المؤتمر الوطني بمشكلة تحدث الآف المرات خاصة إذا علمت أن بعض أطراف المشكلة كانوا مخمورين و كيف حكمت أنهم مؤتمر وطني ؟
يسعدني كثيراً أن تكون نموذجاً للمعارضة !
و يسعدني اللقب الذي تحمله لقب المقاتل ! فأنت فعلاً نموذج للمعارضة .. التي تقاتل بالأكاذيب ! و حتى حينما تكذب لا تعرف تكذب ..
فقط تفصح عن دواخلك التي تتمنى إسالة الدماء و لو في خيالك و لكنها ستظل أمنية إلى ما شاء الله.
ما نقله الأخ أحمد العمار هو حقيقة ما حدث ! و لقد كنت قريباً جداً من الحدث و تدخلت لفض المشكلة.
بلاش أكاذيب يا احمد حنين لأن القضية ما زالت لدى الشرطة! و فيها سين و جيم و كلامك ده احتمال يؤخذ كشهادة بعدين نرجع تاني إلى (حاشاني)!!!!!
| |
|
|
|
|
|
|
|
|
 Re: صراع عنصري داخل المؤتمر الوطني بالرياض ..يسيل دماءً في حفل السفارة (Re: hamam)
|
الأخ همام سلام ..
الموضوع دا يتناقله الجميع هنا في الرياض وتختلف فيهو الروايات ..
يعني أي واحد شايت في إتجاه ..
الحصل دا شي مشين وغير مقبول إطلاقاً ..
والعنصرية أبوابها إنفتحت بسبب هذه الإنفلاتات والكلام الغير مسؤل حتى ولو جاء من شخص مخمور ..
| Quote: وكنت أظن أنك قد وعيت الدرس و خرست و أراك تعود لفبركة الأكاذيب مرة أخرى و أخشى أن نعود إلى سالفة (حاشاني) مرة أخرى!!!! |
| Quote: بلاش أكاذيب يا احمد حنين لأن القضية ما زالت لدى الشرطة! و فيها سين و جيم و كلامك ده احتمال يؤخذ كشهادة بعدين نرجع تاني إلى (حاشاني) !!!!! |
كلامك دا غير مقبول وهو تهديد مباشر والجميع يعرف خلفيته ..
| |
|
|
|
|
|
|
|
|
|
Re: صراع عنصري داخل المؤتمر الوطني بالرياض ..يسيل دماءً في حفل السفارة (Re: معتصم دفع الله)
|
الأخ / معتصم دفع الله تحياتي:
تعقيباً على ما ذكرته
Quote: الأخ همام سلام ..
الموضوع دا يتناقله الجميع هنا في الرياض وتختلف فيهو الروايات ..
يعني أي واحد شايت في إتجاه ..
الحصل دا شي مشين وغير مقبول إطلاقاً ..
والعنصرية أبوابها إنفتحت بسبب هذه الإنفلاتات والكلام الغير مسؤل حتى ولو جاء من شخص مخمور .. |
و هل وجدتني يا معتصم أقول غير ذلك؟ نعم مشين و غير مقبول و يأتي خصماً على رصيد و سمعة و مكانة السودانيين بالمملكة.. و حسب علمي ما حدث مساء الخميس الماضي يعتبر سابقة !
و لكن أخي معتصم بعد التسليم بأن ما حدث لا يشرف أي سوداني و بتجرد كامل أسألك ..
ما علاقة المؤتمر الوطني بذلك؟
هل الآلاف التي دخلت السفارة مساء الخميس 28 فبراير 2008 كلهم مؤتمر وطني؟
هل تعتقد في قرارة نفسك أنه كان بالإمكان الكشف عن المخمورين أو المخدرين أو المسطولين و منعهم من دخول السفارة؟ و إذا كانت الاجابة نعم ! أرجو توضيح الكيفية.
قلت يا معتصم:
| Quote: كلامك دا غير مقبول وهو تهديد مباشر والجميع يعرف خلفيته .. |
لا أدري ما هو الغير مقبول؟
نعم يا معتصم .. أحمد حنين كاذب .. كاذب .. كاذب و بالأدلة و البراهين و الشهود! و كذب من قبل و اتهم مسئولا في السفارة بالتلاعب في المال العام و تهكم عليه و على رتبته العسكرية و حينما جد الجد و طلب منه إثبات ما كتبه في هذا المنبر و تحمل مسئوليته... انكسر و خنع و اعتذر في ذل مهين... هذه حقائق يا معتصم و ليس تهديد.
و الآن عاد يكذب من جديد
كذب في نقله لحقيقة ما حدث داخل السفارة و لأن القضية حقيقة كانت في يد الشرطة حذرته من التمادي في الكذب لأن أقواله قد تؤخذ في التحقيق.
و لكن المهم فيما هو آت ... لقد كتب احمد حنين ما يلي في حقي:
Quote: ولا خفت نفتح باقي الملفات .. ومن ضمنها
شركة النظافة وعقد السفارة .. بي كم
والبتدفعو للبنقالة بي كم ..
وكيف رسي عليك هذا العقد ؟؟ |
و عليه حقيقة أن يركز هذه المرة و لا يعود لسالفة (حاشاني).
مع ودي.
| |
|
|
|
|
|
|
|
|
|
Re: صراع عنصري داخل المؤتمر الوطني بالرياض ..يسيل دماءً في حفل السفارة (Re: hamam)
|
همام ... او هاشم .. ما فرقت وما تفرق ..
لأنك ببساطة مقرف ووصولي وتافه ...
| Quote: وصف أحمد حنين و هو يقبرك الأخبار ليخلق بطولة أو وهم يقتات عليه! |
اين الوهم ايها النفعي ... المقتات علي فتات الموائد .. والنطيحة والميتة وما ترك الضبع ( وليس السبع)
الم .. تحصل شكلة .. لقد توهمتها انا وخلقتها من عندي
بعدين يا هاشم طمام .. انت حرقك وين .. ولا هبشك طرف السوط ..
وزعلان رقم خدماتك الفقيرة والتافهة التي تقدمها للمؤتمر الوطني .. لم يعطوك سوي الفتات الذي يشبه
نفسك المريضة ..
وراحت الوزارة لأحد ابناء المسيرية ..
وهذا ما جعل النار تنطلق في احشاء امثالك من المرضي والعنصرين ..
كتب هاشم طمام
Quote: كنت أظن أنك قد وعيت الدرس و خرست و أراك تعود لفبركة الأكاذيب مرة أخرى و أخشى أن نعود إلى سالفة (حاشاني) مرة أخرى!!!!
|
بلاش اسلوب تهديد .. وكمان معاهو قلة ادب .. صدقني .. كل اعضاء مؤتمرك الوطني بالرياض ..لا يسوون عندي
سوي مرتزقة .. وتافهون .. وعنصريون ...
اما باقي كلامك ايها الطمام .. المريض ..
لا يعكس سوي زعلك من ان احد ابناء المسرية اصبح وزيرا
وانت هنا تجري فقط .. خلف تخفيضات سودانير ..
وحملك لأوراق . التصديقات والأعفاءات .. والقبول للجامعات ..
فأخرس ايها العنصري التافهة
| |
|
|
|
|
|
|
|
|
|
Re: صراع عنصري داخل المؤتمر الوطني بالرياض ..يسيل دماءً في حفل السفارة (Re: Deng)
|
احمد حنين ..
المشكلة التي حدثت بالسفارة سمع عنها كل من بالرياض ..
وهي تعد وصمة عار في جبين السفارة وطاقمها ..
وكيف سمحوا يا ( احمد العمار ) بدخول شخص ( مخمور ) الي مباني السفارة .. مش دي السفارة بتاعت ( الله اكبر ) ..
ولو دا حدث بالفعل انشاء الله الحكومة السعودية ترحلهم بكرة دي .. ( كفاية كرور ) ..
و لا دايرين تعلموا بمقولة نائب الرئيس لمن قال ( البلد طلعت وساختها انتو دايرين ترجعوها ليه ) ..
وحتي ( السلطات السعودية ) لو ما اتخذت معاهم اجراء .. مفروض الزول الاسمه ( السفير ) دا .. يتخذ اجراء ضدهم ..
هو مش بياخد قروش عشان يحافظ علي ( هيبة ) البلد .. ولا الحكاية ( جلاليب بيضا وعصايات ) ..
..
..
نعلم جميعا ان السفارة تقع في ( الحي الدبلوماسي ) .. ومحاطة بسفارات دول آخرى ..
اتخيل لي ( السفير الكويتي ) جاهم من الصباح قال ليهم ( خير يا جماعة امبارح سامع عندكم كواريك ) ..
..
..
بعدين انا داير اسأل سؤال ..
استقلال السودان مش شهر يناير .. ليه دايما بنحتفل بيهو في مارس او آخر يناير ..
وليه بنحتفل بيهو زاتو .. التضحيات القدمناها شنو عشان نبقى مستقلين ..
ما الانغليز ( الحر كتلهم ) وشالوا عفشهم واتخارجوا ..
زول اتفلق في مظاهرة ما في .. يجي واحد يتفلق في شكلة ..
..
..
والسفارة عموما قدمت للناس شنو عشان ( تحتفل ) ..
ووين الجالية البحتفلوا عشانها ..
..
..
بالجد ( مجتمع الرياض شئ من العفن ) ..
| |
|
|
|
|
|
|
|
|
|
Re: صراع عنصري داخل المؤتمر الوطني بالرياض ..يسيل دماءً في حفل السفارة (Re: humida)
|
ياحميده
ياخى السكر حرام لكن ماعيب..
زى الهمبتة حرام لكن لحدى يوم الليلة الناس مبسوطين من الطيب ود ضحوية وطه الضرير..
المشكلة مافى العيش المشكلة فى القصبة البكسرا القندول وتنفنس..
بعدين الناس القالوا الكلام الكعب دا سكرانين..
الآتشاكلوا معاهم برضهم سكرانين؟
إنتو ماعندكم ذمة واعى بتتحمل ليها سكران؟
حضرت قصة ظريفة فى فرجينيا فى لقاء عملو جون قرنق..
كان فى شاب جلابى النوع اللابس الكاب بالقلبة..
وكل ما قرنق يتكلم صاحبنا بصوت عالى يقول ليه كضاااااااااااااااب..
لما الحكاية إتكررت جاهو هاشم بدر الدين طلع بيهو برا..
المهم الندوة إنتهت وجن البلابل يغنن ..
بس فى أغنية شعبية كان أشوف ليك صاحبنا وقرنق يعرضوا مع بعض..
فانتو فى السفارة لازم يكون عندكم تلاتة حاجات:
واعى ذمتو تشيل رذالة سكران..
أو واحد زى هاشم بدر الدين السكران مايقدر يتلاوى معاهو..
أو زول زى قرنق يعرض مع الزول السكران الحاول يحرجو..
| |
|
|
|
|
|
|
|
|
|
Re: صراع عنصري داخل المؤتمر الوطني بالرياض ..يسيل دماءً في حفل السفارة (Re: humida)
|
حميدة
انت عارف نوع احمد حنين واكتويت باكاذيبه قبل كده
لو مسكو اسهال بقول ده المؤتمر الوطني
السفارة ياحميدة لاتملك جهاز الكشف عن السكر
عشان توقف اى واحد في الباب وتقل ليه (انفخ )
العالم كلها حايمة سكرانه والله قوات الهجين ماتقدر توقفهم ،،
خليك زى ماكنت رجل مستقل ماتجامل
العنصرية كانت من العبارات التي اصدرها الشخص المعتدي
ولم تكن له اي خلفية سياسية
لذلك تساءلت عن هل الصراع عنصري ؟؟
فما دخل المؤتمر الوطني بذلك
المؤتمر فيه كل القبائل
الاخ احمد العمار
لقد كنت شاهد عيان لتعرف كيف يكذبون كل يوم
ويخلقون من الحبة قبة
هذه هي اخلاق المعارضةالتي يمثلها هولاء
والقصة كلها عاوزين يغطوا على المجازر
التي تقوم بها جيوش الحركة ضد ابناء المسيرية
وصوروا الصراع كان الجلابة ضد المسيرية
ه
وهم الذين يتهمون المسيرية بانهم اصل الجلابة
الحكاية كلها عمالة رخيصةوفاشلة
| |
|
|
|
|
|
|
|
|
|
Re: صراع عنصري داخل المؤتمر الوطني بالرياض ..يسيل دماءً في حفل السفارة (Re: ahmed haneen)
|
Quote: حميدة
انت عارف نوع احمد حنين واكتويت باكاذيبه قبل كده
لو مسكو اسهال بقول ده المؤتمر الوطني
السفارة ياحميدة لاتملك جهاز الكشف عن السكر
عشان توقف اى واحد في الباب وتقل ليه (انفخ )
العالم كلها حايمة سكرانه والله قوات الهجين ماتقدر توقفهم ،، |
المتسلق صلاح غريبة.
يعني الحفلة كانت كلها سكرانة ولا كيف؟
الوهابي حميدة.
المشكلة شنوا لو الناس جات ضاربة عبابير؟
مش القصة حفلة ولا حاجة تانية؟
دينق.
| |
|
|
|
|
|
|
|
|
|
Re: صراع عنصري داخل المؤتمر الوطني بالرياض ..يسيل دماءً في حفل السفارة (Re: Deng)
|
Quote: احمد حنين ..
المشكلة التي حدثت بالسفارة سمع عنها كل من بالرياض ..
وهي تعد وصمة عار في جبين السفارة وطاقمها ..
وكيف سمحوا يا ( احمد العمار ) بدخول شخص ( مخمور ) الي مباني السفارة .. مش دي السفارة بتاعت ( الله اكبر ) ..
ولو دا حدث بالفعل انشاء الله الحكومة السعودية ترحلهم بكرة دي .. ( كفاية كرور ) ..
و لا دايرين تعلموا بمقولة نائب الرئيس لمن قال ( البلد طلعت وساختها انتو دايرين ترجعوها ليه ) ..
وحتي ( السلطات السعودية ) لو ما اتخذت معاهم اجراء .. مفروض الزول الاسمه ( السفير ) دا .. يتخذ اجراء ضدهم ..
هو مش بياخد قروش عشان يحافظ علي ( هيبة ) البلد .. ولا الحكاية ( جلاليب بيضا وعصايات ) ..
..
..
نعلم جميعا ان السفارة تقع في ( الحي الدبلوماسي ) .. ومحاطة بسفارات دول آخرى ..
اتخيل لي ( السفير الكويتي ) جاهم من الصباح قال ليهم ( خير يا جماعة امبارح سامع عندكم كواريك ) ..
..
..
بعدين انا داير اسأل سؤال ..
استقلال السودان مش شهر يناير .. ليه دايما بنحتفل بيهو في مارس او آخر يناير ..
وليه بنحتفل بيهو زاتو .. التضحيات القدمناها شنو عشان نبقى مستقلين ..
ما الانغليز ( الحر كتلهم ) وشالوا عفشهم واتخارجوا ..
زول اتفلق في مظاهرة ما في .. يجي واحد يتفلق في شكلة ..
..
..
والسفارة عموما قدمت للناس شنو عشان ( تحتفل ) ..
ووين الجالية البحتفلوا عشانها ..
..
..
بالجد ( مجتمع الرياض شئ من العفن ) .. |
| |
|
|
|
|
|
|
|
|
|
Re: صراع عنصري داخل المؤتمر الوطني بالرياض ..يسيل دماءً في حفل السفارة (Re: Al-Sadig Yahya Abdall)
|
شكرا احمد حنين على النقل .. كنت بعيدا عن النت لظروف صحية والحمد لله
| Quote: ( ياناس السفارة السنة دي حفلتكم كلها عبيد) |
لا يمكن ان نعتبر هذه الحادثة معزولة .. ولأن المتلفظ بها سكران
القضية كبيرة وسنعود الي نفنيدها عاجلا .. مش هي السفارة نفسها التي باركت مسودة دستور اجازوه اربعين شخص فقط 32 منهم من أقليم واحد .. عاوزين شنو أكثر من هذا .. وواحد من الشرق وواحد من الجنوب ولا احد من كردفان
اما ابن عمنا المسيري (اتقدم له بالعزاء ) في أهلنا الذين راحوا ضحية الصراع السياسي في ابيي واقول له .. أضان الحامل طرشة..لو ما قادر تفهما فعليك ان تجري عملية في البصر والبصيرة
سنعود
| |
|
|
|
|
|
|
|
|
|
Re: صراع عنصري داخل المؤتمر الوطني بالرياض ..يسيل دماءً في حفل السفارة (Re: ahmed haneen)
|
يا أخوانا باركوها عشان العرجاء لي مراحها
مش ناس الكمبلا ديل والمردوم والجراري ديل غرابة
خلاص يشوفوا ليهم محلات غير السفارة دي ويقدموا فيها تراثهم دا
إذا كانت هذه السفارة لا تمثل السودانيين ولا يحتمل منسوبيها من بقية أبناء السودان الآخرين
وشايف واحد قارن بين الهبماتة والسكرانيين
يعلم الله يوم واحد ما لقينا زول قارن بين السكر والهمبتة ذات الأصول والقواعد المرعية
عشان الهمبتة عينك عينك وحمرة عين بتنط حقك وربما يذهب للمساكين والفقراء
إلا في الزمن دا الهمبتة أخذت طابق تاني علي قول حمودة
يا زول السكران في زمة الواعي . بس هنا الواعي منو بالطبع السفارة وطاقمها وكل الناس الذين حضروا الواقعة عليهم تسجيل إدانة واضحة لا لبس فيها بل ومتابعة الأمر حتي يأخذ كل صاحب حق حقه مش نجي نتبتب وندفن رؤسنا في الرمال زي النعام.
بحيراوي - تحياتي للصديق الصادق يحي عبد الله - ما هذا العنف يا الصادق
| |
|
|
|
|
|
|
|
|
|
Re: صراع عنصري داخل المؤتمر الوطني بالرياض ..يسيل دماءً في حفل السفارة (Re: البحيراوي)
|
| Quote: يا زول السكران في زمة الواعي . بس هنا الواعي منو بالطبع السفارة وطاقمها |
يا البحيراوى
يازول السفارة لو واعية بتصلى بيكم الجمعة يوم الأربعاء؟
بعدين لو منتظر وعى السفارة فوعيها لسان حالا بقول (البوم البعجبو الخراب) يعنى ممكن تطقش ببعضكم بعضا. وما بعيد فى هذه الحالة يكونوا دافعين حق العرقى من مال النثريات عشان يحبكوا اللعبة كويس.
سياسة البوم البعجبو الخراب شغالة فى أبيى وكانت شغالة فى جبال النوبة كما أدت مفعولها فى دارفور.
يعنى يولعوا ليكم النار والقطية منكم والبتاكلو النار منكم.
يعنى بالواضح حددوا عدوكم وبعدهاHIT THE NAIL RIGHT ON THE HED
| |
|
|
|
|
|
|
|
|
|
Re: صراع عنصري داخل المؤتمر الوطني بالرياض ..يسيل دماءً في حفل السفارة (Re: Balla Musa)
|
الاخ / حميدة:
Quote: يا همام ..
تبقى دي الكارثة زاتها ..
دي ( سفارة ) ولا انداية .. الحفلها ( سكارى ) وبتشاكلوا ويجيبوا البوليس .. |
كأننا اليوم نتحدث عن مجتمع من الملائكة .. نتحدث عن مجتمع آخر غير المجتمع السوداني .. نفترض فيه الكمال و كل الفضائل .. لماذا؟
هل القصد إلصاق التهمة على السفارة و من ثم الحكومة و من ثم المؤتمر؟
و الله دي تذكرني بنكته سمعتها (عن المنطق و الكلب و ود الحلال) لف و دوران و تكيل عشان نفبرك قضية!
ليست لدي إحصائية لكني متأكد أن أي (خميس) يشهد توقيف عشرات السودانيين المخمورين في استراحات الرياض و أغلبها متبوع بجناية !
هي سفارة يا حميدة! و لكنها لا تملك الوحي و علم الغيب لكي تدقق في الآف ممن ارتادوا حفل السفارة!
حاشية:
أتخيل.. لو حدث أن منعت السفارة دخول أحد السودانيين السفارة بحجة أن به رائحة خمر ماذا كان سيحدث في هذا المنبر؟:
سفارة الهوس الديني تمنع مواطناً من دخول سفارة بلاده!
سفارة المشروع الحضاري تتدخل في الحرية الشخصية للمواطنين
أمن سفارة المؤتمر الوطني يمارس الإرهاب ....
ما دخل السفارة سكران و لا مسطول دا ما شغلهم
إلى آخر المصفوفة المحفوظة عن ظهر قلب....
هي عنزة و لو طارت!!!!!
كتب هشام مدني:
Quote: كلام الاخ حميدة صحيح
بوليس يدخل السفارة السودان ويقبض سودانيين .....
مين السمح للبوليس بالدخول ؟
حرس السفارة ما عندو الحق !!!! |
و من الذي قال لك أن البوليس دخل السفارة؟؟؟؟؟؟؟؟
يا أخي تريث و اتقي الله فيما تقول !
أم المسألة فقط تجريم و السلام؟
ببساطة يا هشام مدني ... البوليس ما دخل السفارة .. و انتظر حتى قام أمن السفارة بإخراج المعنيين و تسليمهم لهم خارج السفارة .. هذا حدث أمامي !
هل يكفي ذلك
| |
|
|
|
|
|
|
|
|
|
Re: صراع عنصري داخل المؤتمر الوطني بالرياض ..يسيل دماءً في حفل السفارة (Re: hamam)
|
ما تزعل يا أخى الكريم hamam
حتى لو حدث ما اوردته ::::
Quote: ببساطة يا هشام مدني ... البوليس ما دخل السفارة .. و انتظر حتى قام أمن السفارة بإخراج المعنيين و تسليمهم لهم خارج السفارة .. هذا حدث أمامي !
هل يكفي ذلك |
تبقا كارثة .....!!!!!!
حفل داخل حرم السفارة والمشكلة بين سودانيين كان يفترض يترك القرار للسيد السفير هو وحده يحديد يسلمهم للبوليس ام لا ....
وتانى ما تزعل كده ولا تحريم ولا غيره
مع تحياتى لك
| |
|
|
|
|
|
|
|
|
|
Re: صراع عنصري داخل المؤتمر الوطني بالرياض ..يسيل دماءً في حفل السفارة (Re: هشام مدنى)
|
الأخ / هشام مدني
Quote: تبقا كارثة .....!!!!!!
حفل داخل حرم السفارة والمشكلة بين سودانيين كان يفترض يترك القرار للسيد السفير هو وحده يحديد يسلمهم للبوليس ام لا |
حيرتنا! في الأول قلت كيف البوليس يدخل السفارة؟ و أوضحت لك أنه لم يدخل السفارة و تم تسليم المطلوبين إليهم خارج السفارة من قبل أمن السفارة.
الآن تقول (| Quote: يفترض يترك القرار للسيد السفير هو وحده يحديد يسلمهم للبوليس ام لا |
)
لا أدري ما المطلوب !!
يسلموا و لا ما يسلموا؟
و من الذي له الحق في تحديد الصح من الخطأ؟ من الذي يحدد اسلوب العمل في السفارة نحن (انا و أنت) أم السفارة؟ و هل التسليم من مهام السفير أم أمن السفارة؟
و هل المشكلة الآن أصبحت في من سلم لمن؟
| |
|
|
|
|
|
|
|
|
|
Re: صراع عنصري داخل المؤتمر الوطني بالرياض ..يسيل دماءً في حفل السفارة (Re: البحيراوي)
|
كتب اخونا حميدة
| Quote: وكيف سمحوا يا ( احمد العمار ) بدخول شخص ( مخمور ) الي مباني السفارة .. |
دا موضوع اخر لا دخل لى به يا حميدة
كتب حميدة ايضا :
Quote:
Quote: ما نقله الأخ أحمد العمار هو حقيقة ما حدث
يا همام ..
تبقى دي الكارثة زاتها ..
دي ( سفارة ) ولا انداية .. الحفلها ( سكارى ) وبتشاكلوا ويجيبوا البوليس ..
|
عشان ما نشوه سمعة السودان والسفارة والسودانيين من البداية كنت بقول المشكلة
مشكلة عادية ( حتى السبب ليست الالفاظ العنصرية ) السبب كان الالفاظ البذيئة الاخرى
وياما حصلت مشاكل كثيرة جدا وفى مناسبات مختلفة فى الرياض وكان سببها السكر لماذا لم يكتب عنها احد .
وانا هنا لا ادافع عن السفارة ولا مؤتمر وطنى ولا خلافه وبالمناسبة انا لا انتمى الى
اى تنظيم سياسى ( لانى على قناعة بان كل بلاوى السودان سببها السياسة والسياسيين )
ولكن اقول :
بأن السفارة ليست لها علاقة بالمشكلة بدليل انها هى الان الشاكية فى الشرطة
وكذلك تعيين د/ حسين حمدى لا علاقة له بالمشكلة
والمؤتمر الوطنى لا علاقة له ايضا بالمشكلة
هذا هى الحقيقة اذا رضيتم ام لم ترضوا
أحمد العمار
| |
|
|
|
|
|
|
|
|
|
Re: صراع عنصري داخل المؤتمر الوطني بالرياض ..يسيل دماءً في حفل السفارة (Re: ahmed haneen)
|
الحبيب دينق
Quote: خضر الطيب.
العبابير دي بتوزع في السفارة ولا شنوا؟
كيزان أخر زمن.
طبعا الكيزان ديل أكتر ناس بحبوا العبابير
وشغلهم كلوا تحت تحت.
دينق. |
شفت العربات البتبيع الايس كريم في السعوديه عندهم خدمة توصيل العرقي
مش كلهم بس في واحدين معروفين للجماعه وبالذات في مناسبات السودانيين
طبعا صعب جدا تجي داخل حي السفارات وانت شارب لانو التفتيش في مدخل السفارات
وريحة العرقى بتكون شديده يعني لابتقدر تجي شايلو في راسك ولافي عربيتك
لكن ذي ماقلت ليك عربية الايسكريم دي مسموح ليها تدخل وتوزع بارتياح
وقع ليك كلامي يادينق ؟
| |
|
|
|
|
|
|
|
|
|
Re: صراع عنصري داخل المؤتمر الوطني بالرياض ..يسيل دماءً في حفل السفارة (Re: ahmed haneen)
|
Quote: شفت العربات البتبيع الايس كريم في السعوديه عندهم خدمة توصيل العرقي
مش كلهم بس في واحدين معروفين للجماعه وبالذات في مناسبات السودانيين
طبعا صعب جدا تجي داخل حي السفارات وانت شارب لانو التفتيش في مدخل السفارات
وريحة العرقى بتكون شديده يعني لابتقدر تجي شايلو في راسك ولافي عربيتك
لكن ذي ماقلت ليك عربية الايسكريم دي مسموح ليها تدخل وتوزع بارتياح
وقع ليك كلامي يادينق ؟ |
خضر الطيب.
والله شغلكم نضيف يا ناس الرياض.
أها عربات الايسكريم دي السايقها منو؟
أوع يكون دابي التكل أبو رزقة.
دينق.
| |
|
|
|
|
|
|
|
|
|
Re: صراع عنصري داخل المؤتمر الوطني بالرياض ..يسيل دماءً في حفل السفارة (Re: humida)
|
الاخوة والاخوات القراء
Quote:
قريت اغلب المداخلات .. وما طلعت منكم بحاجة ..
الحاجة الوحيدة البتمثل لي حقيقة مؤلمة ..
ان السفارة السودانية في الرياض كان فيها شكلة بتاعت ناس سكرانيين .. وجابت البوليس ..
وبغض النظر عن وجهة نظر احمد حنين او تبرير احمد العمار لما حدث .. او دفاع همام المستميت عن المؤتمر الوطني ..
الحقيقة البنعيشها في البلد دي .. انه نحن ناس سمعتنا اصبحت ذي الزفت ..
..
..
ليه يا جماعة نحن طوالي في حالة احتفال وحفلات ومناسبات ومفرفشين ومبسوطين آخر انبساط ..
نحن قاعدين في البلد دي ونعلم جيدا اننا فاشلين في سوق العمل وفاشلين في التقيد بانظمة الدولة المستضيفة ..
بنعمل مشاكل واكتر ناس بتاعين لف ودوران .. وكمية من الشفع ضايعين وحايمين في شوارع الرياض
دا علي المستوى الشعبي ..
علي المستوى الرسمي .. الحكومة كل شوية شايلة القرعة بتاعتها ولله يا محسنين ..
عندنا فيضانات .. بنجي جارين للسعودية .. حمى شوكية بنجي جارين برضو .. مليون وزير دايرين يجو الحج ..
عالجوا لينا فلان .. اعملوا لينا ما عارف شنو ..
وبعد كلو .. نجي نعمل ليهم مشكلة في وسط الحي الدبلوماسي الصرفو عليهو مليارات عشان صورة بلدهم تكون نضيفة قدام سفراء البلدان الاخرى
وبكل بساطة يجي واحد سوداني يبوظ ليهم الشكل الجميل دا ..
والعذر انه كان سكران ..
..
..
انعل ابو الاستقلال البخليكم تقعدوا تنططوا السنة كلها .. ! |
بعد اضاعت كثير من الوقت وجدت جزء من ضالتى عند الاخ حميده فى المداخله اعلاه
لانه التمس جزء مما يجب ان يلتفت اليه السودانيون عموما
اولا يجب ان نعرى حقائق الكثييرين المستهترين باسم السودان والسكارى فى كثير
من المناسبات خارج السفارة وفى الحفلات الخاصة .
ثانيا العاطفة قتلتنا وقتلت سمعة الاولين بالتصرفات الطائشة من سرقه ومخدرات
وانحرافات سلوكيه لدى الجنسين والاسوء التربية للجيل الجديد ومظهرهم وسلوكياتهم
حتى مع السودانيات من اعمارهم فى مناسبات الافراح والعيب الاكبر ان زويهم يشاهدون ويغفلون
ثالثا ركوب مطية السياسة التى افسدت كل شىء من اجل مكتسبات خاصة هى التى تطبل لكل حدث
والمؤسف حقا اعرف كثييرون يكتبون هنا لكن خميسهم كله ضحك داخل السفارة التى ينعتوها باقبح
القول ويبحثون عن ارزاقهم .
رابعا ضاع السودان واصبح مهزله من افواه السودانيين فى تبجحهم ناسين ان السودان وطن باق
ما دام الكون وتعاقبت الحكومات ولابد ان لا نجعله لقمه فى افواه الغير وما شتائم اخواننا
فى الدورة الافريقية على صفحات المنابر ببعيد.
راجعوا انفسكم فى القول والافعال وكل يبتدىء بنفسه اولا قبل ان يتطاول على الاخرين
الشتائم التى تذكم الانفس خلال مداولات البوست تدل على نفوس اصحابها نأمل من الله شفائهم
تحياتـــــــى
ســــــــــيد
| |
|
|
|
|
|
|
|
|
|
Re: صراع عنصري داخل المؤتمر الوطني بالرياض ..يسيل دماءً في حفل السفارة (Re: ahmed haneen)
|
Quote: قريت اغلب المداخلات .. وما طلعت منكم بحاجة ..
الحاجة الوحيدة البتمثل لي حقيقة مؤلمة ..
ان السفارة السودانية في الرياض كان فيها شكلة بتاعت ناس سكرانيين .. وجابت البوليس ..
وبغض النظر عن وجهة نظر احمد حنين او تبرير احمد العمار لما حدث .. او دفاع همام المستميت عن المؤتمر الوطني ..
الحقيقة البنعيشها في البلد دي .. انه نحن ناس سمعتنا اصبحت ذي الزفت ..
يعني البوليس في السعودية يسك السودانيين في غبيرة ومنفوحة ولا في الاستراحات .. ولا في السفارة ..
..
..
ليه يا جماعة نحن طوالي في حالة احتفال وحفلات ومناسبات ومفرفشين ومبسوطين آخر انبساط ..
نحن قاعدين في البلد دي ونعلم جيدا اننا فاشلين في سوق العمل وفاشلين في التقيد بانظمة الدولة المستضيفة ..
وبنعمل مشاكل واكتر ناس بتاعين لف ودوران .. واكبر نسبة دعارة موجودة وسط الجالية السودانية .. وكمية من الشفع ضايعين وحايمين في شوارع الرياض
دا علي المستوى الشعبي ..
علي المستوى الرسمي .. الحكومة كل شوية شايلة القرعة بتاعتها ولله يا محسنين ..
عندنا فيضانات .. بنجي جارين للسعودية .. حمى شوكية بنجي جارين برضو .. مليون وزير دايرين يجو الحج ..
عالجوا لينا فلان .. اعملوا لينا ما عارف شنو ..
وبعد كلو .. نجي نعمل ليهم مشكلة في وسط الحي الدبلوماسي الصرفو عليهو مليارات عشان صورة بلدهم تكون نضيفة قدام سفراء البلدان الاخرى
وبكل بساطة يجي واحد سوداني يبوظ ليهم الشكل الجميل دا ..
والعذر انه كان سكران ..
..
..
انعل ابو الاستقلال البخليكم تقعدوا تنططوا السنة كلها .. ! |
الاخ سعودي ولا لبناني؟
أيش فيك يا رجال؟
شو حالك؟ منييح؟
دينق.
| |
|
|
|
|
|
|
|
|
|
Re: صراع عنصري داخل المؤتمر الوطني بالرياض ..يسيل دماءً في حفل السفارة (Re: humida)
|
بالمناسبة يا دينق .. وبما انه اليوم انا عندي مزاج ( سهرة ) ..
اتذكرت فيما اتذكر ..
انه كان عندي ( صبي ) زيك كدا .. ( مجتهد ونشيط وبنطط اليوم كله ) ..
كان بجيب لينا ( البليلة ) .. لمن الدنيا كان صباحها بجي بعد بالليل طوالي ..
تصدق يا دينق .. الزول دا بعد ( الانفتاح ) والعولمة قال شنو داير يبقى ( تفتيحة ) ..
ما طالبني حليفة يا دينق يا اخوي .. لكن صاحبك دا في النهاية ( انشرط ) ..!! 
..
..
سبحان الله ياخي ..
| |
|
|
|
|
|
|
|
|
 Re: صراع عنصري داخل المؤتمر الوطني بالرياض ..يسيل دماءً في حفل السفارة (Re: ahmed haneen)
|
يا حميدة
سلامات ..
شكرا يا صديقي .. ولكن
حكاية انو الجماعة كانو سكرانين
دي مكنة مبوشة ...
سكر شنو البدخلوه حي السفارات .. ونقاط التفتيش الدائمة والصارمة ..
علي مدار الساعة ... افتح سيارتك يا زول .. ويشوفو الشنطة .. والكراسي ..
بالليل يكون التفتيش اكثر صرامة ...
عشان كدا قصة السكر دي مكنة مقدودة ..
الموضوع عبارة عن عنصرية حاقدة وغبية تسود اعضاء المؤتمر الوطني بالرياض ...
واولهم مرمطون المؤتمر .. وماسح الجوخ ... همام طمام
وياهمام .. بل رأسك لسع العندنا كتير .. عن منافعك الخاصة ... من السفارة ..
ومعلوماتنا كلها من داخل الحوش ... يلا اركز ..
| |
|
|
|
|
|
|
|
|
|
Re: صراع عنصري داخل المؤتمر الوطني بالرياض ..يسيل دماءً في حفل السفارة (Re: امير عوض الجمري)
|
الاخ اسماعيل عباس ..
الاخ امير الجمري ..
لو اخدنا الامور كحالات فردية .. حنلقى ناس ناجحين جدا ..
بس يا سادة يا كرام المجتمعات ما بتقاس بفلان وعلان ..
بتقاس بالاغلبية ..
وقريبا عندي ليكم بوست طويل عن مجتمع الرياض ..
ولحدي الوكت داك .. وعشان تعرفي انه في عفن ..
ختوا في بالكم انه في سفارة بلدكم كان في شكلة بتاعت ناس ( سكرانيين ) ..
اتخيل لي دا عفن يكفيكم لحدي ( الحول ) ..
| |
|
|
|
|
|
|
|
|
|
Re: صراع عنصري داخل المؤتمر الوطني بالرياض .. يسيل دماءً في حفل السفارة .. (Re: humida)
|
Quote: سكر شنو البدخلوه حي السفارات .. ونقاط التفتيش الدائمة والصارمة ..
علي مدار الساعة ... افتح سيارتك يا زول .. ويشوفو الشنطة .. والكراسي ..
|
الحجة دي واهية جدا .. ( بتاعت السكر ) ..
الحي الدبلوماسي فيهو ( خمسة بوابات ) .. والعربية بتاعتك بتتفتش وبسألوك من الجهة الماشي ليها ..
وفي بعض الاحيان بطلبوا منك اثبات شخصية ..
ما من الساهل زول سكران انه يسوق ليهو عربية في الشارع ناهيك عن انه يدخل بيها الحي الدبلوماسي ..
عشان كدا فكونا من حتة انه كان سكران دي .. واقعدوا حلوا مشاكلكم ..
| |
|
|
|
|
|
|
|
|
 Re: صراع عنصري داخل المؤتمر الوطني بالرياض ..يسيل دماءً في حفل السفارة (Re: ahmed haneen)
|
يا حميدة
قلنا ليك حكاية سكرانين دي مكنة .. ساكت
الجماعة لا سكرانين ولا حاجة ..
بس الشينة منكورة
وناس المؤتمر الوطني دايرين يرموا عنصريتهم علي السكاري..
الأخوان اسماعيل عباس والجمري..
لك حق الرد اي مداخلة .. وكلو زول هنا يقول رائه
ويتحمل نتيجة ذلك .. فالمجال لكم
تخريمة
ياحميدة والله السكاري في الرياض بنعرفهم.. اظرف ناس
ناس نكتة وبهجة وضفقة ورقصة ..
لكن ابدا ما شفت لي سكران نبذ واحد قال ليهو يا عب
| |
|
|
|
|
|
|
|
|
|
Re: صراع عنصري داخل المؤتمر الوطني بالرياض ..يسيل دماءً في حفل السفارة (Re: ahmed haneen)
|
Quote: الاخ اسماعيل عباس ..
الاخ امير الجمري ..
لو اخدنا الامور كحالات فردية .. حنلقى ناس ناجحين جدا ..
بس يا سادة يا كرام المجتمعات ما بتقاس بفلان وعلان ..
بتقاس بالاغلبية ..
وقريبا عندي ليكم بوست طويل عن مجتمع الرياض ..
ولحدي الوكت داك .. وعشان تعرفي انه في عفن ..
ختوا في بالكم انه في سفارة بلدكم كان في شكلة بتاعت ناس ( سكرانيين ) ..
اتخيل لي دا عفن يكفيكم لحدي ( الحول ) .. |
الاخ حميدة
نحن لا نتحدث عن نجاح حالات فردية بل بالعكس ان (العفن) الذي تتحدث عنه هو المحصور في شخصيات محدودة
وهي التي تثير كل هذا الشغب والتفاهات التي تحدث في اي فعالية سودانية في الرياض ولو رجعت لأغلب تلك
الحالات لوجدت ان مثيرها عم نفس الشخصيات .. اذا العفن محدود الشخصيات لكن دائماً الرائحة النتنه تطغي على الرائحة الحلوة
وياخي والله اذا انتشرت في الرياض لوجدت ما يسرك وما يشرح صدرك وتعال لينا يا حميدة في حي السفارات دي وانت تطلع رافع راسك فوووووووووووووق ناهيك عن المستشفيات والوزارات والبنوك الخ الخ الخ ..
وراجعليك
| |
|
|
|
|
|
|
|
|
|
Re: صراع عنصري داخل المؤتمر الوطني بالرياض ..يسيل دماءً في حفل السفارة (Re: ahmed haneen)
|
يا أخ/حميدة..
................
ويعني يا اخ اسماعيل هي لو ما بتحمل علمنا ..
انا يا ربي اكون حارق دمي ليه .. !!
..............................................
إنت حرقت دمك وحرقت دمنا معاك بتعميمك لمجتمع الرياض العفن..
..........................................................
راجع نفسك
لاتنجرف وراء أشياء من خلالها تسىء للآخرين وأنت فى غمرة غضبك.
لاتنسى أن هناك قراء محترمين وأعضاء محترمين لايشملهم عفنك الذى وصفت به مجتمع الرياض.
الحكمة دائمآ هى التى تقود للحلول السليمة..
فكر قبل أن تكتب يا اخى نحن نشاركك هذا المنبر.
نصيحة من أخ لآخيه..ولا خير فينا إن لم نقلها..
مودتى.....................................
إسماعيل محمد احمد عباس......................
| |
|
|
|
|
|
|
|
|
|
Re: صراع عنصري داخل المؤتمر الوطني بالرياض ..يسيل دماءً في حفل السفارة (Re: ismeil abbas)
|
يا سيد اسماعيل ..
الكتابة في الشأن العام لا تعني شخص بعينه ..
لا يمكن اتهام شخص بعينه ولا يمكن لشخص وحده ان يدافع عن امر وكأنه يعنيه شخصيا ..
و من زمان في مقولة بتقول ( الخير يخص والشر يعم ) ..
ما ممكن اجي اقول ليك انا بتكلم عن فلان وفلان واسميهم ليك بالاسم ..
هناك سلبيات كبيرة جدا وسط الجالية السودانية وكلنا نعلمها ..
انا قاعد في البلد دي لي تلاتين سنة .. يعني اتولدت هنا ..
وما في حاجة ضيعتنا غير انه بندفن راسنا وكل مرة بجينا زول بيقول لينا السودانيين احسن ناس ..
حقه نطلع من عقلية ( لا يأتينا الباطل ) .. ونبتعد عن شخصنة الامور ..
| |
|
|
|
|
|
|
|
|
|
Re: صراع عنصري داخل المؤتمر الوطني بالرياض ..يسيل دماءً في حفل السفارة (Re: ismeil abbas)
|
ياجماعة فهمونا الحكاية
الكلام دا كان فى سفارة وين..والمناسبة شنو والناس بتجى السفارة ليه بدون شغل مهم
انت لو عاوز تحضر حفلة وترقص فيها كمان تعال وادى لبن كل خميس,,تعال متعشى وسكران زول بسالك مافى...
عارفين انا بجى السفارة كل سنتين,,ياربى بجى لى شنو ما بعرف
لكن لازم كل سنتين,,,
المحيرنى فى ناس بمشو كل خميس ,,وكل اخر شهر,,,
بقترح للسفارة ان تعمل لنا مكتب فى منفوحة او غبيرا او اماكن تجمع السودنة فى اى دولة
حتى لا نزعج قومها الاطهار,,,
يادينق انا فى الرياض ما بعرف شىء اسمه جالية,,ولا سفير ولا قنصل
مع انو الاخير من ابقوتة ولا بعرف شىء,,يا امة الاخير لو الحكومة انقلبت
ما تضيعونا امسكو لى حقى معاكم
| |
|
|
|
|
|
|
|
|
|
Re: صراع عنصري داخل المؤتمر الوطني بالرياض ..يسيل دماءً في حفل السفارة (Re: A.Razek Althalib)
|
| Quote: مني أنا ولا أحمد حنين الجمعكم صُرة في خيط |
والله يا اب رزقة وبما انك طارح نفسك علي اساس انك زول ( مفتح ) .. ونظام بترمي الكلام بتحت تحت ..
ودايما انا بتخيل صورتك علي اساس انك خاتي ليك ( كدوس ) ومركب نضارة ( 2 إنش ) ..
وطبعا بيكون عندك ( موتر ) دبل ( عادم ) ..
..
..
المهم .. كلامك ( الفارغ ) كتير .. وما عندي اعتراض عليهو ..
بس انا بالتحديد .. شيلني من راسك ..
وامشي مارس ( الهرطقة ) الفكرية بتاعتك دي بعيد عني ..
سمح يا ( شاطر ) ..
| |
|
|
|
|
|
|
|
|
|
Re: صراع عنصري داخل المؤتمر الوطني بالرياض ..يسيل دماءً في حفل السفارة (Re: ahmed haneen)
|
Quote: يا شباب يا رائعين ..
قضية البوست دا .. العنصرية داخل المؤتمر الوطني
وكلمات العبيد والأسياد .. بين ارزقية المؤتمر الوطني
اما السكر في الرياض ..
دا موضوع تاني .. |
الاخ أحمد حنين.
موضوع العنصرية موضوع خطير ويجب أن لا يكون هنالك تهاون حوله، وحتى لو كان الشخص مخمورا فهذا لا يعفيه من المسئولية.
أنا متابع هذا البوست جيدا. وأرجوا من جميع الاخوة أن يكون لهم راي واضح حول موضوع العنصرية.
دينق.
| |
|
|
|
|
|
|
|
|
 Re: صراع عنصري داخل المؤتمر الوطني بالرياض ..يسيل دماءً في حفل السفارة (Re: ahmed haneen)
|
الأخوان دينق والبحيراوي
جميعنا ضد العنصرية ولن نتهاون ضد من يهمز او يغمز بها من جميع الأطراف ...
ولشد ما يحزنني .. ممارستها .. حتي داخل اجهزة الدولة الرسمية ..
واحزابها الحاكمة .. والمؤتمر الوطني خير دليل علي ذلك ...
ياهمام طمام .. زي ماقلت ليك .. اركز ...
وبطل تهديد .. واعلي ما في خيلك اركبو..
وامثالك هم من ابلغوا السلطات السعودية ضد ابناء الوطن الصامدون بالرياض
وومثل خساستك هذة .. لن يرمش لها جفني ,,,
ومثل وضاعتك لم اراها في بشر
وبرضو بقول ليك
جاوب علي الأسئلة اعلاها ...
Quote: ولا خفت نفتح باقي الملفات .. ومن ضمنها
شركة النظافة وعقد السفارة .. بي كم
والبتدفعو للبنقالة بي كم ..
وكيف رسي عليك هذا العقد ؟؟ |
واكرر.. وازيد .. من هو متعهد اقامة حفلات السفارة ...
من الذي يدفع ومن اي اموال ؟؟
ومن الذي يقبض ..؟؟؟
| |
|
|
|
|
|
|
|
|
|
Re: صراع عنصري داخل المؤتمر الوطني بالرياض ..يسيل دماءً في حفل السفارة (Re: وليد محمد المبارك)
|
الاخ بكري ابو بكر
مدير موقع سودانبز اونلاين المحترم
صوت من لا صوت له .... وطن من لا وطن له
تحية طيبة .
انا عمار نجم الدين حسين جلك الناطق الرسمي باسم الحركة الشعبية لتحرير السودان بالعاصمة القومية
انا اشكرك شكرا جزيل على وقفتكم المشرفة والقوية معي والتي ساهمت في اطلاق سراحي من معتقلات النظام الحاكم .
انا واسرتي ما زلت معرضا للخطر لانني بعد انا خرجت من السجن ادليت بعدة تصريحات في الصحف السودانية وسودانيزاون لاين وراديو مرايا التابع لبعثة الامم المتحده في السودان وتحدثت فيه عن المعتقل عن تعذيب المعتقلين ووجود معتقلين اجانب في المعتقلات ومعتقلين اخرين بلغوا من فترة الاعتقال 48 شهر واخرين 36 شهر ولكني لم استطع في السابق ان افصل بصورة دقيقة وذلك لوجودي في قبضة النظام وقد تم اغرائي في البداية بعد خروجي لكي لا ادلي بتصريحات لكنني لم ارفضت فقام جهاز الامن الوطني بمحاولة اغتيالي بواسطة بعض افراده يوم 6
/فبراير/2008 م اي بعد13 يوم من اطلاق سراحي مما جعلني اختفي عن الانظار لفترة الشهر الماضي وقيادة الحركة الشعبية على علم بالتفاصيل وكذلك المحامي الخاص بي الدكتور / نبيل اديب عبدالله الذي سمع في مكتبه احدى حوارت ضابط جهاز الامن النقيب معاوية الكامل وهو يقوم بالاعتراف بالتعذيب الذي تم لي بعد ان استدرجته وكنت فاتح مكبر الصوت الخاص بالموبايل .
المهم الاخ بكري اريد ان اقوم بنشر ما يدور في المعتقلات عبرموقعكم وما حدث لي من تعذيب وخاصة وانا موجود الان في مأمن تام من قبضة جهاز الامن الوطني والمخابرات لعل ذلك يساهم في اغلاق هذه المعتقلات واخراج اكثر من 200 معتقل موجودين في سجون جهاز الامن فالجهاز مازال يمتلك بيوت اشباح واماكن تعذيب ويوجد معتقلين اصيبوا بالجنون جراء التعذيب وهم كانوا موجودون معي في المعتقل واخرين اصبحوا عاجزين ( اصيبوا بالشلل ) من التعذيب وعندي ايضا ادلة قوية على دعم النظام للمعارضة التشادية ومع النظام طرف دولي اخر ( دولة حليفة للمؤتمر الوطني ) انا متأكد تماما لا احد يعرف ذلك والا انا والنظام والمعارضة التشادية وقيادة الحركة الشعبية )
*** الاخ بكري ابو بكر لقد طلب مني ان اقوم باغتصاب ياسر عرمان والرفيق مالك عقار بعد ان يسكروا تماما ( مثلما طلب مني ) وهذه النقطه هامة للغاية واقوم بتصوير الاغتصاب واسلم التصوير للجهاز الامن الوطني والمخابرات. .
كل ذلك قليل من كثير .
اخي بكري ابو بكر انا امتلك كثير من الادلة والغرائن والاسماء والاماكن على ما سأدلي به من حديث لايمكن ان ينشرالا في سودانيز اون لاين وسودانايل فارجو ان تقوم بمساعدتي للنشر ما اعرفه وما حدث لي في الموقع بصورة اعلامية ودعائية جيدة بحيث يصل ما سوف اكتبه لاكبر عدد من السودانيين والمنظمات الدولية والمهتمين بحقوق الانسان .
الاخ بكري انا الان رافع قضية في المحكمة الدستورية لالغاء المواد الخاصة بالاعتقال من قبل جهاز الامن وقمت بتوكيل احد القيادات في الحركة الشعبية للمتابعة القضية لانني الان انا مختفي بعد محاولة اغتيالي في اخر بداية شهر فبراير .
اذا وافقت على طلبي ذلك انا سوف ابداء بالكتابة منذ اليوم ونبدأ مباشرة في التوثيق والنشر
وارجو ايضا بعد ان ترد على خطابي هذا اذا كان بالايجاب ان تنشر في الصفحة الرئيسية انه سوف نبدأ بنشر حقائق مهمة حوال الاعتقال والتعذيب والمعتقلين والى اخره .
الاخ بكري لقد تم اطلاق سراحي في اجتماع كان بحضور بعض قيادة الحركة الشعبية والمؤتمر الوطني وهذا يحدث لاول مره مع معتقل في الفترة الماضية وما دار في الاجتماع هو مهم للغاية .
الاخ بكري ايضا ارجو ان تساعدني في اتصل بالبي بي سي واذاعة راديو فرنسا الدولية ااذاعة صوت واشنطون يوجد اخوة اخرون لهم مساعي لا خراج تلك المعلومات للعالم وخاصة انا جزء من النظام للاسف يعني ما سوف ادلي به سوف يكون له اثر جيد اعلاميا .
عمار نجم الدين حسين
السكرتير الاعلامي والناطق الرسمي باسم الحركة الشعبية لتحرير السودان
العاصمة القومية
| |
|
|
|
|
|
|
|
|
|
Re: صراع عنصري داخل المؤتمر الوطني بالرياض ..يسيل دماءً في حفل السفارة (Re: هشام هباني)
|
قاموس أحمد حنين
| Quote: مقرف ووصولي وتافه ... |
| Quote: هاشم طمام .. انت حرقك وين .. |
| Quote: وزعلان رقم خدماتك الفقيرة والتافهة |
| Quote: امثالك من المرضي والعنصرين .. |
| Quote: مرتزقة .. وتافهون .. وعنصريون ... |
| Quote: ايها الطمام .. المريض .. |
| Quote: مرمطون المؤتمر .. وماسح الجوخ ... همام طمام |
و لا جملة مفيدة...
هذا هو قاموس أحمد حنين و بالتأكيد ليس لديه أفضل من ذلك بل هنالك ما هو أحط من ذلك و مثال: العينة التي تقيأ بها من قبل في حق عضو المنبر (حميدة) و هي موجودة في الأرشيف.
و بجانب وضاعة أسلوبه و مفرداته التي تربى عليها و ألفها ما زال الكاذب أحمد حنين يكذب و يكذب و هو يؤكد:
Quote: قلنا ليك حكاية سكرانين دي مكنة .. ساكت
الجماعة لا سكرانين ولا حاجة .. |
هذا البائس يكذب في أمر ضبط في محاضر رسمية و بموجب كشف طبي و لكن ..هذا البائس يهذي بما لا يفقه و يتحرى الكذب فقط ليخلق لنفسه قيمة..و هو الذي لا يدري .. و لا يدري أنه لا يدري ... فما حكمه؟
كتب البائس اليائس أحمد هذه العبارات:
Quote: هاشم طمام .. رحت وين
ولا خفت نفتح باقي الملفات .. ومن ضمنها
شركة النظافة وعقد السفارة .. بي كم
والبتدفعو للبنقالة بي كم ..
وكيف رسي عليك هذا العقد ؟؟
وياهمام .. بل رأسك لسع العندنا كتير .. عن منافعك الخاصة ... من السفارة ..
ومعلوماتنا كلها من داخل الحوش ... يلا اركز .. |
أيها البائس اليائس .. أمثالك لا يستحقوا المجاراة و للأسف ليس بإمكاني الرد عليك بما تستحقه احتراما للمنبر الذي تتقيأ فيه بهذه المفردات التي تشبه طينتك!
و لكن إن كنت حقاً تعي ما تقول و لديك ملفات فدونك المنبر و هات ما عندك أيها البائس اليائس
أيها البائس .. لا تحاول عبثاً أن تعطي لنفسك قيمة و أنت دون ذلك بكثير و غاية ما لديك هذه المفردات التي تربيت عليها و كفى !
| |
|
|
|
|
|
|
| |
ahmed haneen
JOK BIONG
حيدر حسن ميرغني
Deng
shahto
البحيراوي
محمد البشرى الخضر
الرفاعي عبدالعاطي حجر
طارق عبد اللطيف نقد
amir jabir
صديق الموج
خضر الطيب
معتصم دفع الله
humida
Balla Musa
ghariba
Al-Sadig Yahya Abdall
A.Razek Althalib
ismeil abbas
حمد فتح الرحمن
سيد محمد احمد سيدنا
امير عوض الجمري
مجاهد عبد الرحمن
abuguta
هشام هباني
فيس بوك
تويتر
انستقرام
يوتيوب
بنتيريست