رايك شنو أنزل ليك فيديو او فيديوهات من مجموعة (ناذرleaks) الفنية لي فنان أول مرة حا تسمعوا وتشوفوا في حياتك ؟! فنان غير معروف إلا على نطاق ضيق جدا وزيو وزي عادل النوش فنان كسلا المقبور هناك بعيد عن أجهزة الأعلام !! فنان لي هسي طالب في الجامعة بيعزف عود بي طريقة إحترافية وبيغني بي حنجرة زُمردية ما حا تصدق لو سمعتها .!! وهو بالسن الصغير دا بيقلد تلاتة فنانين من عمالقة الفن السوداني هم أحمد المصطفى والجابري وعثمان حسين ..! زول مبدع لدرجة المرحوم عثمان حسين شخصيا كان بيرتاح يسمع أغانيهو من حنجرتو وبيبكي ويتأثر لي طريقة الأداء !!
فنان قبل حوالي ستة أو سبعة سنوات كنت بجيبوا يغني في تجمعات بورداب الخرطوم لأني كنت براهن بيهو ورهاني ما راح ساي !!
عندك 12 ساعة بس للإجابة ويا ناس الدوحة حد يصحي كيكي لأني عارفو بيكون هسي معيد في حتة بعيدة من النيت وبعيدة من أي حاجة علمية تانية لكن قريب من حاجات تانية وبعيد من حاجات غيرا ..!!
في الوكت دا بنزل صور للفنان من جلسات سابقة ولمات قديمة لي بورداب الخرطوم ..!!
08-24-2012, 08:56 PM
معاوية عبيد الصائم معاوية عبيد الصائم
تاريخ التسجيل: 06-09-2010
مجموع المشاركات: 22458
هسي الدنيا فللت وأنا لسع باقي الليلة دا عندي حوامة ...
هاك دي صورتو إتصبر بيها :
شوف مسكة العود بالشمال والثقة دي ..!!
والصورة دي هسي لقيتا وسط صور فولدر كامل ..!!
كانت رحلة في جزيرة توتي معانا الريس بكري أبو بكر شخصيا وكمية من البورداب زي أحمد الشايقي ومعتصم دفع الله والسفير جمال وزوجتو وعبير خيري وناجي الملك وعصام عبد الحفيظ وإيييييييييييييك !!!
08-24-2012, 09:52 PM
عبدالكريم الامين احمد عبدالكريم الامين احمد
تاريخ التسجيل: 10-06-2005
مجموع المشاركات: 32523
ياهلا يا ابو النيز وقبل العيد مبارك والذي منه خليني اخشششششش توشششششش في الموضوع الاساسي لانو خوفي ال12 ساعة ونيف تكون انتهت وخشمي يبقي ملح ملح وانا عندي شوق شديد للفنانين الاسطورين البولعو جمر الحي بتاع اخوك كما ولعه المدهش (ود النوش) حياه الغمام...
واخوك يا ناذر ومنذ خروجه البعيد من فريق زنقو فقد ظله الفني وتباعدت الخطاوي والسنين عن تلك الحفلات الرهيبة والمزازيك الجاية من جوف النيل وموشحة بقليلا من الخندريس فعشان كده بنجي الاسافير دي بنلبد ونطقس خبورات البلد والمزيكة بتاعة هنووووووووووووووك حيث الجروف والليالي والحسان والفنانين النار منقد
فاردم يا زول ومتعني بالدهشة بالله وخليني اعيد ياااااااااااااخ وخلي امة سودانيز دي تلقط لقطهم شيخي الجيلي
08-24-2012, 10:05 PM
عبدالكريم الامين احمد عبدالكريم الامين احمد
تاريخ التسجيل: 10-06-2005
مجموع المشاركات: 32523
Quote: وهو بالسن الصغير دا بيقلد تلاتة فنانين من عمالقة الفن السوداني هم أحمد المصطفى والجابري وعثمان حسين ..!
يا سسسسسلام يا ناذر ياااخ الجواب يكفيك عنوانو والثالوث العظيم الراحل ده ثالوث عجيب مرة واااحدة ومعلمين كبار اي واااحد فيهم جضم لينا كشعب فضل مزازيك تكفينا لحدي عيال عيالنا وكون ابو الشباب صاحب الانامل اللفت ده يقرف من هيك بستان فده كلام كثيرررررر خلاص وعجيب (وكلام دي جي بونسو بعدين ) علي قولة القوم في نواحي ملكية جوبا
---- وبعدين ياااخ انت مااااشي ووووووين بالليل ده يا زول مولع فينا جمري الحي ومفرتق اجمع يا زول اجمع ونحن قرفصاء في الانتظار
08-25-2012, 06:19 AM
nazar hussien nazar hussien
تاريخ التسجيل: 09-04-2002
مجموع المشاركات: 10466
دي شحتفة مدانة باشد لهجات الادانات واتصلح معانا ياعمك ياااخ وغير شبكات (كنار-زين - سوداتيل) المهم شوف لينا انا واخوي نزار ده حلل والا تا الله انها الحرب الكيكية الكونية الثالثة
وزي ما قالوا كل تأخيرة فيها خيرة يا كيكي وأنت راجل محظوظ وزولا مبروك ..
جاني تلفون قبل شوية من مبدعنا بيوريني بي جلسة كاربة أو قعدة مجيهة على شارع النيل .. فدي فرصة كويسة أزيد الذخيرة العندي وهسي ضربت لي صحبي حسن كدايس سواق الحافلة الهايس يجينا بي هناك ويجيب معاهو عازف الأيقاع الماهر عمر جرجيرة عشان الشغلة تزبط ..!!
بكرة أنزل الشغل وإنشاء الله ترجع تلقى الأمور مجيهة ..
08-25-2012, 06:28 PM
عبدالكريم الامين احمد عبدالكريم الامين احمد
تاريخ التسجيل: 10-06-2005
مجموع المشاركات: 32523
يا كيكي كان عندي مشكلة في التحميل بالإضافة لي مشكلة في صوت التسجيلات الفاتت ما قدرت اعالجا .. لكن فرجت والحمد لله ..
جبيل العصر كنت في مشوار وضرب لي صحبي علي كدايس سواق الهايس قال لي الشباب متلمين في شارع النيل وكمان في اصوات وألات جديدة ..!! قلت ليهو حسن محمود معاهم ؟! لأني شاري ناس كيكي ودكتور احمد أمين وشباب تانين .. قال لي أيوة معاهم بس الشغلة جايطة شوية وحا يكون عندك مشكلة في الصوت والجوطة والحاجات دي .. قلت ليهو القحة ولا صمة الخشم .. هسي أنا بجي بسجل لي حسن ولي قدام نشوف وضع مريح ونضيف نسجل تاني ..
المهم جيت ولقيت في زي إطناشر فنان واربعة أعواد وستة أيقاعات وكمان طرمبة نفخ !!وجمهور جايي ضهب ..! جوطة وما منظمة لكن أهو طلعنا بي التسجيلين ديل ..
ويا شباب تاني بقول الحا تسمعوهو دا ما مقياس لأنو أتصور في ظروف ما مقياسية .. أعتبروهو معاينة أولية ..
أها :
09-07-2012, 07:24 PM
ناذر محمد الخليفة ناذر محمد الخليفة
تاريخ التسجيل: 01-28-2005
مجموع المشاركات: 29251
Quote: جبيل العصر كنت في مشوار وضرب لي صحبي علي كدايس سواق الهايس قال لي الشباب متلمين في شارع النيل وكمان في اصوات وألات جديدة ..!! قلت ليهو حسن محمود معاهم ؟! لأني شاري ناس كيكي ودكتور احمد أمين وشباب تانين .. قال لي أيوة معاهم بس الشغلة جايطة شوية وحا يكون عندك مشكلة في الصوت والجوطة والحاجات دي .. قلت ليهو القحة ولا صمة الخشم .. هسي أنا بجي بسجل لي حسن ولي قدام نشوف وضع مريح ونضيف نسجل تاني .. المهم جيت ولقيت في زي إطناشر فنان واربعة أعواد وستة أيقاعات وكمان طرمبة نفخ !!وجمهور جايي ضهب ..! جوطة وما منظمة لكن أهو طلعنا بي التسجيلين ديل ..
يأتي للحفلة بدعوة من سائق الهايس ويتهم الجمهور بالضهب
النجيضة زولك غنّاي
09-07-2012, 08:14 PM
الصادق اسماعيل الصادق اسماعيل
تاريخ التسجيل: 01-14-2005
مجموع المشاركات: 8620
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
ناذر محمد الخليفة
معاوية عبيد الصائم
ALGARADABI
عبدالكريم الامين احمد
nazar hussien
haroon diyab
الصادق اسماعيل
طارق جبريل
فيس بوك
تويتر
انستقرام
يوتيوب
بنتيريست