ذهلت وصُعقت وأنا أقرأ بوستاً لأخونا عمر الفاروق في المنبر بعنوان (قنبلة) ، حيث بها أغنية لا أدري كيف أصفها ، فقط أدعوكم لسماعها وللحكم عليها بأنفسكم ..
05-02-2008, 05:46 AM
ناذر محمد الخليفة
ناذر محمد الخليفة
تاريخ التسجيل: 01-28-2005
مجموع المشاركات: 29251
أنا بنزل في الاغاني الهابطة في المنبر دا عشان أنور الناس بمستوى الخطر البيحيط بي غنياتنا السمحة ، ونزلت من الأغاني الهابطة وكثرتها ما يثقل هذا الموقع ويهبط به للقاع سبعين خريفاً !! ودا كلو عشان الناس تعي خطورة الشي دا !!
لكن والله غنيتك دي ما عارف أصنفا بي وين !!
غنية هابطة !!!! أبدا والله نكون ظلمنا الهبوط !!!
غنية عسكرية !! دي والله إلا نعمل منها ساتر من كترة القذائف الفيها !!
غنية عاطفية !!! الشاعر الكتبا دا إلا يكون مولود في علبة كبريت !!
معقول يا أخوانا دا مستوى الأغاني عندنا !!
والشي البيحيرني إنو الغنية دي تسجيلا وتقنيتا وكأنها مسجلا ماستر !! يعني شريط كاسيت وإنطلق في السوق .. قنبلة تفجر كل جميل لحن ،، وتنسف كل روائع كلمات في الغناء السوداني .. تبيد كل ما قلناه عن تطور الموسيقى السودانية و مدارس الأوركسترا وأجيال الملحنين ... أغنية مليئة بمقذوفات تقذفنا وتاريخنا الغنائي إلى عصور مظلمة لا فكاك منها ... أغنية تفيض بالرصاص والحرب والدماء .. وددت لو كنت أحد عازفيها لأطلق من مسدسي زخات من طلقات على رؤوس من أجازوها وأجازوا تسجيلها وتوزيعهاو تلغيمها بين الجمهور !!
أغنية تذكرنا بأهمية محاربة شركات الإنتاج الفني وغثها إلى النهاية ، والتي بهذه الأغنية وتسجيلها قد وضعت (حزاماً ناسفاً) على نفسها ولم يتبق إلا فقط الضغط على ذر التوقيت !!
صنفرة :
يا عمر الفاروق ..
أديني إسم مغني الاغنية وإسم الالبوم عشان بكرة أشتريهو وأضمو لقائمة أغنياتي الهابطة والتي أحاول حصرهاوكرتنتها حتى لا (تنسف) ما تبقى لنا من جميل الألحان والكلمات ..!!
حسبي الله ونعم الوكيل ..!!! حسبي الله ونعم الوكيل ..!!! حسبي الله ونعم الوكيل ..!!! حسبي الله ونعم الوكيل ..!!! حسبي الله ونعم الوكيل ..!!!
05-02-2008, 05:52 AM
ناذر محمد الخليفة
ناذر محمد الخليفة
تاريخ التسجيل: 01-28-2005
مجموع المشاركات: 29251
الفنان الذي يغنيها ؟! لا ملحن الاغنية ؟ لا شاعرها ؟ لا عازفوها ؟ لا
طيب منو ؟!!
المجرم هنا هو شركة الإنتاج الفني والمسئولين عن المصنفات الذين أجازوا هذه الجوقة ، إذ أنهم بالسماح بطبع الألبوم وتوزيعه ، كمن سمح بزراعة (الالغام) وسط المجتمع لتنسف الجميع دون تمييز ..
فقط قنابل تنفجر !!!
يا أخوانا الغنا السوداني دا ما عندو وجيع ولا شنو ؟!!
05-02-2008, 05:55 AM
ناذر محمد الخليفة
ناذر محمد الخليفة
تاريخ التسجيل: 01-28-2005
مجموع المشاركات: 29251
والبيدعو للحيرة والشفقة إنو قبل فترة في واحدة من اللجان البتجيز الكلمات وأشعار الأغاني رفضت إجازة قصيدة ساجور التي تغنيها عقد الجلاد وشاعرها جمال حسن سعيد بحجة إنو كلمات القصيدة لا تستحق أن يطلق عليها (قصيدة) !!
طيب و(القنبلة) الاجزتوها دي بتستحق ؟!!
حسبي الله ونعم الوكيل !!
05-02-2008, 06:04 AM
ناذر محمد الخليفة
ناذر محمد الخليفة
تاريخ التسجيل: 01-28-2005
مجموع المشاركات: 29251
Quote: قنبلة دي قنبلة سماحة الزول في الطول والعلا !
والله شر البلية ما يضحك
يا حليل (ضامر قوامك لان) و (آه الأهيف) و (الزمان زمانك) !!
صنفرة :
بالجد نحن ماشين لي ورا ، وتطور المفردات بيسير بي صورة عكسية تماماً عندنا ، بدل نرتقي بي مستوى الكلمة ونديها قوة في المعنى والسمع قاعدين (نغطس في حجرا) !!
سماحة الزول في الطول والعلا !!
نسأل الله السلامة !!
05-02-2008, 06:37 AM
bushra suleiman
bushra suleiman
تاريخ التسجيل: 05-27-2003
مجموع المشاركات: 2627
الاخ عمر الفاروق يرمى إلى ما ترمى إليه انت تماما ، فهو عادة يسخر بطريقته الخاصة دائما وربما انت تعرف انه متذوق جيد ، ولم يقصد إلا السخرية وبطريقته المعهودة ، بعدين يا ناذر نحن ما مرات بنقول والله البنت دى بس نار منقد ، وسماحة تبزخ الكديسة ، بس قصة قنبلة فى الظروف الحالية ما جاية
ولك ودى
05-02-2008, 07:14 AM
osman righeem
osman righeem
تاريخ التسجيل: 06-21-2007
مجموع المشاركات: 10872
الفنان الذي يغنيها ؟! لا ملحن الاغنية ؟ لا شاعرها ؟ لا عازفوها ؟ لا
طيب منو ؟!!
الاخ ناذر
الحال من بعضه وحراك المجتمع بوجيهه الاقتصادي و الاجتماعي دولابين في محور ملتحم واضف الي سؤالك من المسؤل عن : -الفساد المالي - الفساد الاداري - الفسادالاخلاقي و و و و و و وطن تموت فيه الناس جوعا وظلما وتقام حفلات عيد ميلاد تكلفتها تعادل رواتب العاملين في مدرسة لعام
وتأخذهم العزة بالاثم
05-02-2008, 07:41 AM
ناذر محمد الخليفة
ناذر محمد الخليفة
تاريخ التسجيل: 01-28-2005
مجموع المشاركات: 29251
الاخ عمر الفاروق يرمى إلى ما ترمى إليه انت تماما ، فهو عادة يسخر بطريقته الخاصة دائما وربما انت تعرف انه متذوق جيد ، ولم يقصد إلا السخرية وبطريقته المعهودة ،
أعلم أن عمر لم يقصد إلا السخرية بتلك الاغنية ولكني هنا أتساءل في خط مغاير عن صاحب المسئولية في هذا الإضمحلال الغنائي !!
صنفرة :
يا تهراقا يا خي ما تناضلو مع بقية العازفين عشان تختو كرعيكم في شركات الإنتاج الفني وتوقفو المهازل الحاصلة دي !!
05-02-2008, 07:49 AM
ناذر محمد الخليفة
ناذر محمد الخليفة
تاريخ التسجيل: 01-28-2005
مجموع المشاركات: 29251
Quote: الحال من بعضه وحراك المجتمع بوجيهه الاقتصادي و الاجتماعي دولابين في محور ملتحم واضف الي سؤالك من المسؤل عن : -الفساد المالي - الفساد الاداري - الفسادالاخلاقي
بالتأكيد كل العوامل مرتبطة ببعضها ، والحالة الإقتصادية السيئة للمواطن السوداني هي أساس وإنعكاس لي كل النشاطات السالبة من فن وإجتماع ورياضة وغيره ..
ولكن بالتأكيد علينا فعل شئ ما !
05-02-2008, 08:07 AM
اسيا ربيع
اسيا ربيع
تاريخ التسجيل: 01-20-2008
مجموع المشاركات: 1551
Quote: يا ناذر شعراءك بتاعين الحقيبة ديل كانوا حناكيش ساكت! قوام شنو وأهيف شنو؟ نحنا جيل مارينز وخدمة إلزامية ودي رومانسيتنا كان عجبك عجبك وكان ما عجبك ارفع يديك فوق واستسلم!!
كتلتني بالضحك لا لا ... كان كدي أخير نستسلم .. شيلو فندقكم أدونا فندقنا .. ندق وما نديكم ..
05-02-2008, 02:23 PM
Osman Musa
Osman Musa
تاريخ التسجيل: 11-28-2006
مجموع المشاركات: 23082
هلا يا ابو النيز وشوق السحابة الراحلة والله... والاغنية هابطة هبوط اخير منو اغاني حواء عفش وكلثوم كركار(بتاعة التش تش ديك) ولكن دقيقة فانه هبوط له تفسير وتنظير في زمن الهبوطات الحايمة في البلد.. لاحظ معاي الوصف للعيون والسماحة بتاع الزولة البوصفوها موشح بسيرة الاسلحة قنبلة وكاتم وصوت وكلاشنكوف وبعد شوية ممكن جيم ثلاثة ذاااتو ده يا فردة هبوط (وعي الحرب) وواسقاطات البوت الحايم كع كرع في رؤوس الناس
05-02-2008, 08:38 PM
Emad Abdulla
Emad Abdulla
تاريخ التسجيل: 09-18-2005
مجموع المشاركات: 6751
كنا متوقعين بتسمية البنات بالكاسحات ومتوقعين اغانى من النوع دة من ذمن بعيد يعنى ناس بتحارب اكتر من عشرين سنة واطفال شايلة سلاح ولابسين ثياب باسماء مجرمين واولادنا نصهم دبابين حنسمع شنو غير قنبلة ؟ الحمد لله الفن الجميل موجود وفى السودان شعراء وملحنين قادرين على محاربة هذا الهبوط , شركات الانتاج معروفة بانها بتساهم فى نشر البلاوى من ذمان وقادرة تخلق سميعة وعارفة كيف, قنبلة ؟ اجى يا ناس السودان .
05-02-2008, 10:16 PM
محمد البشرى الخضر
محمد البشرى الخضر
تاريخ التسجيل: 11-14-2006
مجموع المشاركات: 28869
Quote: هلا يا ابو النيز وشوق السحابة الراحلة والله... والاغنية هابطة هبوط اخير منو اغاني حواء عفش وكلثوم كركار(بتاعة التش تش ديك) ولكن دقيقة فانه هبوط له تفسير وتنظير في زمن الهبوطات الحايمة في البلد.. لاحظ معاي الوصف للعيون والسماحة بتاع الزولة البوصفوها موشح بسيرة الاسلحة قنبلة وكاتم وصوت وكلاشنكوف وبعد شوية ممكن جيم ثلاثة ذاااتو ده يا فردة هبوط (وعي الحرب) وواسقاطات البوت الحايم كع كرع في رؤوس الناس
أنا متأكد لو جينا للمقارنة بين القنبلة دي وأغنية (راجل المرة حلو حلا) ، بكل تأكيد راجل المرة حا نلقاها متفوقة من نواحي كتيرة على القنبلة دي ..
راجل المرة لحنها راقي وكلماتا رغم الفيها برضو ممكن الواحد يطلع منها بي أهداف ومضامين بتنادي بيها الأغنية ..!
لكن القنبلة دي .. الواحد يستنبط منها شنو ولا يفهم منها شنو هسي ؟!!
لا فيها وصف لا أهداف لا مضامين لا بطيخ !!
قنبلة صوتية والسلام !!
05-02-2008, 10:49 PM
ناذر محمد الخليفة
ناذر محمد الخليفة
تاريخ التسجيل: 01-28-2005
مجموع المشاركات: 29251
البلد غناينها بقو - حمانا الله - من قوم النبي داك .. و الحبيبات مدرعات .. !!!!
قدر ما حاولت أتخيل شكل الحبيبة بالوصف البتوصفو بيها الغنية ما قدرت !! أحسن شكل طلع في مخيلتي بعد فروق التحسينات كان شكل فولترون البيشكلوهو خمسة أولاد في أفلام الكرتون ديك !!
Quote: يكونوا قلبونا يا ناذر ؟؟؟؟؟
نسأل الله السلامة من جنس دا !!
صنفرة :
أنحن عشان جنس دا خاتين سكاكينا في ضراعاتنا لليوم الاسود ماعارفو جا ولا لسع
05-02-2008, 10:55 PM
ناذر محمد الخليفة
ناذر محمد الخليفة
تاريخ التسجيل: 01-28-2005
مجموع المشاركات: 29251
Quote: كنا متوقعين بتسمية البنات بالكاسحات ومتوقعين اغانى من النوع دة من ذمن بعيد يعنى ناس بتحارب اكتر من عشرين سنة واطفال شايلة سلاح ولابسين ثياب باسماء مجرمين واولادنا نصهم دبابين حنسمع شنو غير قنبلة ؟
والله تفسيرك منطقي ..
Quote: الحمد لله الفن الجميل موجود وفى السودان شعراء وملحنين قادرين على محاربة هذا الهبوط ,
في دي ما نغش نفسنا ساي ..!! ديل لا قادرين يحاربو الهبوط لا حاجة .. بل المصيبة إنهم إتعايشوا معاهو ..
سأبدأ من الإسبوع القادم بإذن الله نشر سلسلة مقالات في المنبر بعنوان (لماذا فشلنا في محاربة الأغاني الهابطة ؟؟!) .. تابعي معاي يا هادية عشان نقدر نحدد أسباب العلة والفشل ..
Quote: شركات الانتاج معروفة بانها بتساهم فى نشر البلاوى من ذمان وقادرة تخلق سميعة وعارفة كيف,
ربنا سلط عليهم قراصنة الكاسيت .. !!
فعلا لله جنوداً لم تروها ..
05-02-2008, 10:56 PM
ناذر محمد الخليفة
ناذر محمد الخليفة
تاريخ التسجيل: 01-28-2005
مجموع المشاركات: 29251
لا عليك يا صديقى بعد ايام حينزل شريط فى السوق للمبدعة نانسى عجاج ارجو ان تستمع اليه بتمعن وان كان هنالك عدل فى تقييم العمل الفنى سنراه اشارك فيه باغنية رفقة من الحانى وشعر يحى فضل الله وتوزيع المبدع عمر القصاص الذى التقيه للمرة الاولى معزتى يا صديق لى قدام افتقتدك فى بوست العميري يجمع بين ياسر مبيوع وضياء مرغني ضياء ميرغنى
لم أطالع بوست عمر الفاروق المعـني عن الأغنية القنبلة ولكن أغلب الظن أن عمر الفاروق يسخر ويستغرب ولا يعني أن هذه الأغنية قنبلة بالفعل، لأن عمر شخص من الذين حباهم الله بذوق عالي وحس سليم وهو رجل ذواق ولا أعتقد أنه يسوّق لأغنية هابطة، وأنت تعلم كذلك أنه رجل ساخر ولاذع اللسان.. أما من ناحية كون أن هذه (الاغنية) هابطة فهي بلا شك هابطة ولا يمكن أن تصنف مع غيرها على أنها أغنية.
05-03-2008, 07:03 AM
نيازي عبدالله مرحوم احمد
نيازي عبدالله مرحوم احمد
تاريخ التسجيل: 08-25-2006
مجموع المشاركات: 1006
العزيز ناذر تحياتي واشواقي تخيل معاي انو الاغنيه فيديو كليب؟؟؟؟؟؟كوماج جد ذلك يندرج تحت بند سستمت السقوط الاخلاقي واضح انه تم تسجيل وتوثيق هذه الهرجله بتقنيات تسجيله عاليه نقاء الصوت والموسيقي هسه بكره تلقاها اغنيه الشباب الاولي ما الشباب داير كده ولا شنو؟؟؟
05-03-2008, 07:35 AM
Elsamani A.Malik
Elsamani A.Malik
تاريخ التسجيل: 05-11-2005
مجموع المشاركات: 342
يا ناذر أعمل حسابك .. زي القنابل دي تودر ذمتك .. عارف اليومين ديل قاعدين نعمل في حاجات عجيبة جداً .. تقدر تقول ورشة عمل .. جلسات إبداع .. أي حاجة من هذا القبيل .. كدي زور الزول الجميل دا في حوشه وتعال أتونس معانا بي هناك .. عــازمكم قرشي منصــور ..
سلام .. للزول الجميل ساطور .. ليك وحشة شديدة يعلم الله ..
05-03-2008, 10:42 AM
الزوول
الزوول
تاريخ التسجيل: 05-14-2003
مجموع المشاركات: 2463
السلام عليكم هوى يا ناذر ده حقد منكم ساي هسه مش عمك أبو صلاح بيقول وجوز عيونو مدافع السواحل (الغرامك لى جسمى ناخل)
وكمان شاعر الحقيبة مسعد حنفي
من حيو السباع تنتر ومن رمشو السهم طافر ريم يسحبلى سيف لحظو وآخر بالسلاح غافر وتنظر كيف صدير يقلع تفاحو وردف ناتر وبين ناعساتو يضوى الصارم الباتر كل ساعة جيش حبك يهجم في الصدر غاير (في وجه القمر سافر) وهناك العديد من القصائد التي تمتليء بسيوف اللحاظ ومدافع الصدور وقنابل النهود ومافي حد بيكلمهم اشمعنى الزول المسكين ده؟ .............................. كلام جد استغربت لعدم ملاحظتك وجملة الموسيقيين الموهوبين الذين عقبوا على هذا الموضوع (خاصة حضرتك وأخونا ترهاقا وضياء الدين ميرغني) عدم التفاتهم لتشابه اللحن المريب مع الأغنية التي تشرف ناذر بإنزالها في هذا المكان ( على ما أظن) وهي راجل المره بصوت منى something عليك الله يا ناذر نزلها هنا عشان نقارن لحنياً بين القنبلة وراجل المره انا شامي سرقة لحن هنا برضو ............................. وما الناس إلا هالك وأبن هالك *** وذو نسب في الهالكين عريق
05-03-2008, 10:55 AM
محمد سنى دفع الله
محمد سنى دفع الله
تاريخ التسجيل: 12-10-2005
مجموع المشاركات: 10986
يعني فاكر انو مدافع السواحل كانت عاجبة مثقفي ذالك الوقت الذي كتبت فيه طبعا لالالا ولف لالا ولكن التشبيه جايز لانو استعمل القتل من على بعد مدافع السواحل تقتل من مسافة بعيدة وكذالك عيونها تقتل من بعيد مقبولة ومبلوعة لكن بس اقنعني وين الجمالية في الخشم مسدس كاتم صوت و6 ملي وين الجمالية في اليدين كلاشينكوف هو الغناء الحماسي العند الجيش فاكرينو غنا ساهل يا ما في حماسات وجلالات ليها عشقها الخاص في طرحها الجمالي لكن الأغنية دي ممكن تكون منلوج كوميدي ياخسارة التوزيع الموسيفي والصوتي الفيها اللحن طبعا من الحان البنات الثغبية المليانه تتطريب ولا ننكر دور الفرقة النفذت العمل دور مقدر واحترافي ولكن في ( (.........) ) عناء
05-03-2008, 11:19 AM
محمد احمد سنهورى
محمد احمد سنهورى
تاريخ التسجيل: 07-31-2006
مجموع المشاركات: 367
Quote: بعد ايام حينزل شريط فى السوق للمبدعة نانسى عجاج ارجو ان تستمع اليه بتمعن وان كان هنالك عدل فى تقييم العمل الفنى سنراه اشارك فيه باغنية رفقة من الحانى وشعر يحى فضل الله وتوزيع المبدع عمر القصاص
أتمنى أن نرى ألبوما مميزاً للفنانة نانسي يتناسب مع إمكانياتها الصوتية المهولة وإنشاء الله سنقيم العمل بكل تأكيد ، وقد سرني أن بالألبوم توزيعاً هذه المرة ..
سأزورك في البوست المعني ..
تسلم ..
05-03-2008, 04:33 PM
ناذر محمد الخليفة
ناذر محمد الخليفة
تاريخ التسجيل: 01-28-2005
مجموع المشاركات: 29251
Quote: لم أطالع بوست عمر الفاروق المعـني عن الأغنية القنبلة ولكن أغلب الظن أن عمر الفاروق يسخر ويستغرب ولا يعني أن هذه الأغنية قنبلة بالفعل، لأن عمر شخص من الذين حباهم الله بذوق عالي وحس سليم وهو رجل ذواق ولا أعتقد أنه يسوّق لأغنية هابطة، وأنت تعلم كذلك أنه رجل ساخر ولاذع اللسان..
هذا البوست يسير في ذات نهج بوست عمر الفاروق والفرق يكمن أن عمر وضع الاغنية دون تعليق على العمل وترك ذلك للقراء بينما شخصي قام بكتابة أبيات الأغنية وتكوين رأي عام حولها ..
05-03-2008, 04:36 PM
ناذر محمد الخليفة
ناذر محمد الخليفة
تاريخ التسجيل: 01-28-2005
مجموع المشاركات: 29251
يعدين الفيديو كليب دا لو ما طلع منو المغني والموديل معاقين ومصابين بالشظايا وبتر الأطراف ، يكون أكيد ما ناجح ،، والكتب السيناريو ما إستنبط حاجة من كلمات الاغنية عشان يدخلا في المشاهد ..
Quote: يا ناذر أعمل حسابك .. زي القنابل دي تودر ذمتك .. عارف اليومين ديل قاعدين نعمل في حاجات عجيبة جداً .. تقدر تقول ورشة عمل .. جلسات إبداع .. أي حاجة من هذا القبيل .. كدي زور الزول الجميل دا في حوشه وتعال أتونس معانا بي هناك ..
جاييكم بي هناك إنشاء الله ..
05-03-2008, 04:46 PM
ناذر محمد الخليفة
ناذر محمد الخليفة
تاريخ التسجيل: 01-28-2005
مجموع المشاركات: 29251
Quote: السلام عليكم هوى يا ناذر ده حقد منكم ساي هسه مش عمك أبو صلاح بيقول وجوز عيونو مدافع السواحل (الغرامك لى جسمى ناخل)
وكمان شاعر الحقيبة مسعد حنفي
من حيو السباع تنتر ومن رمشو السهم طافر ريم يسحبلى سيف لحظو وآخر بالسلاح غافر وتنظر كيف صدير يقلع تفاحو وردف ناتر وبين ناعساتو يضوى الصارم الباتر كل ساعة جيش حبك يهجم في الصدر غاير (في وجه القمر سافر) وهناك العديد من القصائد التي تمتليء بسيوف اللحاظ ومدافع الصدور وقنابل النهود ومافي حد بيكلمهم اشمعنى الزول المسكين ده؟
عمنا أبو صلاح ومسعد حنفي إستخدموا سلاح أو سلاحين للتشبيه والإستعارة جوة مفردات القصيدة .. لكن زولنا المسكين دا إستخدم مفردة أو مفردتين جوة سلاح الأسلحة المسميهو قصيدة دا !!
والفرق واضح ..
Quote: كلام جد استغربت لعدم ملاحظتك وجملة الموسيقيين الموهوبين الذين عقبوا على هذا الموضوع (خاصة حضرتك وأخونا ترهاقا وضياء الدين ميرغني) عدم التفاتهم لتشابه اللحن المريب مع الأغنية التي تشرف ناذر بإنزالها في هذا المكان ( على ما أظن) وهي راجل المره بصوت منى something
لو لاحظت في واحدة من مداخلاتي فوق إني عملت شبه مقارنة بين راجل المرة والقنبلة دي وما وضحت مباشرة تشابه اللحن ..
إختلاف الإيقاع هنا بيذكرني بي منلوج قديم أمكن أخونا السني بيتذكرو وبيشبه لي حد بعيد لحن وإيقاع الاغنية الصاروخية دي .. كلماتو بتقول (عندنا عندنا يا ..... سندوتش مدة .. مكرونة دود .. طراش بي طوة .. شوربة كدايس ) ، وما في داعي نحكي عن بقية الكلمات وطريقة إداء المنلوج عشان بطنكم (المطمومة أصلاً) ما تطم زيادة ..!!
05-03-2008, 04:47 PM
ناذر محمد الخليفة
ناذر محمد الخليفة
تاريخ التسجيل: 01-28-2005
مجموع المشاركات: 29251
أخ ناذر السودان ناقص مشاكل ؟ .. الأغنية دى سلاح دمار شامل وكامل .. حرام . وانا خايف عمك البرادعى يجى ومعاو الشغلات ديك ويكون الفاس وقع فى الراس . وانت عارف البرادعى وكت يدخل البلد ما بتخارج ساكت ونكون رحنا بسبب الأغنية الباتريوت .. تحياتى لمحجوب كبوشية وهو يشعل الأرض حماس وسلام وفرح والتحية للفنان البعيو العملاق . وربنا يديك الصحة يا نجم النجوم وردى .. ولك الرحمه يا بادى يا عظيم وربنا يستر على كنوز الغناء من الحروب والجهجهات _ وربك يبعد البلاء سلامات
05-03-2008, 05:35 PM
صديق الموج
صديق الموج
تاريخ التسجيل: 03-17-2004
مجموع المشاركات: 19433
الخدود رشاشات قنبله والجضوم مدرعات قنبله والكتوف مجروسات قنبله وبى لبعه واحده العدو مات قنبله ________ هسع يا ناذر دى فرقها من جوهر صدر المحافل شنو؟ وبعدين على فكرة دى من كلمات والحان واداء صلاح غريبه كلم ناس المصنفات ان شاء الله يرصصوه فيهاعلى مسئوليتى،،،
و
05-03-2008, 06:33 PM
ابو جهينة
ابو جهينة
تاريخ التسجيل: 05-20-2003
مجموع المشاركات: 22495
هي في الحقيقة جرية .. و مع سبق الإصرار و الترصد. في مصر ... تغنت أم كلثوم من شعر الفطاحل .. و عندما إكْتحل الزمان برداياه و أصبح اللصوص سادة ... طغتْ إغنيات مثل ( الطشت قاللي يا حلوة ياللي ) و ( يا رجة من باب الحمام و كل خد عليه خوخة ) ... الذوق العام مرآة تعكسها إعتلاجات الناس اليومية ( من معاناة في رغيف الخبز و التعليم و الصحة و السكن و الماء و إلخ ) ... الحالة العامة للناس تتقبل مثل هذه الأغاني لأنها تطفو فوق خلجاتهم المترعة بالشقاء ... بعكس أيام الروقة و الهدوء .. ممكن تسمع غنانا السمح و شعر شعراءنا الأنيق.. أنظر لأغنية ( راجل المرة ) .. إكتسحت بيوت الأفراح و الكاسيتات و الجوالات .. ليست لأن كلماتها شاعرية أو لحنها خرافي .. و لكنها دغدغتْ حالة يمكن أن تحدث لشريحة من النساء دون أخريات .. فجعلتْ الكثيرات يقوم ليهن ( قرون إستشعار عن بُعْد ) .. لذا لا تستغرب أن تنطلق هذه الأغنية مثل الصاروخ ... فالمزاج مؤهل تماماً .. و كما قال وانجا : جنا تعرفو و جنا ما تعرفو .. القنبلة صارت تشكل ثقافة في كل بيت سوداني .. من الجنوب و الشرق و الغرب و الشمال .. فمن لم يستعملها .. تجده قد مات بهاو من لم يمت بها .. رأى آثارها رجلا مبتورة أو ذراعاً مفقودة ...
إنتهى عصر الدهشة يا صديقي .. و لا تستغرب إن حدث ما قاله عماد عبد الله .. فقد يقول الكلب يوماً ( وه ) دون أن يقلبوه زي الفنلة
دمتم
05-03-2008, 06:59 PM
عمر الفاروق
عمر الفاروق
تاريخ التسجيل: 10-10-2005
مجموع المشاركات: 9669
تعرف يا ناذر انا حا أشوت ضد التيار في الحتة دي .. ما حا أركز ليك على طه سليمان وهبوطه فهذا هو ديدن اغاني الجيل ده .. لكن يا ناذر ما شايف إنو انت بتقيس بي معيارين ؟ مشكلتنا نحن عملنا لي ناس زمان ديل خط أحمر كده ما نقطعوا وما نهبشو ومش كده وبس بنحاول نجد المسببات الممكن نشوف بيها عذر ليهو ونغلف الحكاية بي الوطنية وما أدراك ما إنو دي كانت تجربة من أجل الوطن ولها مناسبتها ... المرحومة عشة الفلاتية عندها أغنية أكعب من دي بي مراااااااااحل وبعيداً عن سبب الأغنية إلا إنو الكلمات هااااااااابطة .. ويكفي إنو قالت فيها : الله ليييي طيارة جات بي فوق .. وجات تضرب الخرطوم ..ضربت حمار كلتوم ست اللبن أو شئ من هذا القبيل .. والله ليّ الليمون سقايتو علي يا حاجة .. والله لي في البر دبابات ..والله لي في الجو طيارات ..والله في البحر غواصات ... اها يا ناذر يعني بقت على القنبلة والأربجي والكلاشنكوف ؟؟؟ محمود عبد العزيز لمن تغنّى بي أغنية : خدّو صفقة جوة قلبي ليهو شفقة .. والحبييب مالو ما جا وييييين مالو ما جا .. هاج الناس وقالوا ده فنان هابط وأغنية هابطة وشاعر هابط ولمن عرفوا إنو الأغنية تغنّى بيها الراحل أحمد المصطفى قالوا ده عميد الفن وهو كان بيرمي لي نوع معين من الاغاني واللحن ووووووو.. محمود نفسه عندما تغنى : غنت كان زعلان انا ما بزعل ..وانت كان مبسوط يا حبيبنا نحن بي الاكتر... وكان عسل ضاقوك وكان جبل طلعوك .. قالوا ده فنان صعلوق ساي ودي كلمات رزيلة وهابطة هبوط صاحبها لكن لمن سمعو كابلي بيغنيها قالوا يا سلااااااااااااام ده تراث وكابلي عايز يورينا اغاني زمان ووووووو الهبوط زمان في زي ما الغنا السمح أسة في ..وزمان الغنا الكعب برضو كتيير زي ما اسة الغنا السمح بررررضو كتير .. الحلنقي اللي كتب بتتعلم وحبيت عشانك كسلا بكل أسف قال إنو اغنية (ما مشكلة ) هي أفضل وأجمل ما كتب .. تخريمة : يا ناذر إنت سيد (الشي زااااااااتا)
05-04-2008, 05:32 AM
ناذر محمد الخليفة
ناذر محمد الخليفة
تاريخ التسجيل: 01-28-2005
مجموع المشاركات: 29251
إيماناً منّا بالسلاح الأبيض والذي إستخدمه الإمام المهدي فقد قررنا كتابة أغنية أقل هبوطاً في مطارات الفن السوداني : الكراع تقول عكاز .. والشعر ممسوح بي الجاز.. والعيون مسيل الغاز ..
الضهر بس أب فرار .. والمسوح بي زيت كركار .. الردف ده بي القنطار .. والنهيد فكّوهو وطار ..
شوف لحاظا موس وخنجر.. والشلاليف عاملة بنجر.. بي الصدير تقوم تتفنجر ..
Quote: المرحومة عشة الفلاتية عندها أغنية أكعب من دي بي مراااااااااحل وبعيداً عن سبب الأغنية إلا إنو الكلمات هااااااااابطة .. ويكفي إنو قالت فيها : الله ليييي طيارة جات بي فوق .. وجات تضرب الخرطوم ..ضربت حمار كلتوم ست اللبن أو شئ من هذا القبيل .. والله ليّ الليمون سقايتو علي يا حاجة .. والله لي في البر دبابات ..والله لي في الجو طيارات ..والله في البحر غواصات ... اها يا ناذر يعني بقت على القنبلة والأربجي والكلاشنكوف ؟؟؟
انا مندهش (رغم إنتهاء عصر الدهشة) عن الكيفية الإنتشرت بيها الاغاني دي عندكم بي هناك !!
عندنا في السودان الاغاني الهابطة بتنتشر في مناسبات الأعراس وحنن العرسان وطهور الولدان ، لكن في الغربة بتجيكم شرائط كاسيت ماسطرات عديييل كدة !!
المهم ...
Quote: المرحومة عشة الفلاتية عندها أغنية أكعب من دي بي مراااااااااحل وبعيداً عن سبب الأغنية إلا إنو الكلمات هااااااااابطة .. ويكفي إنو قالت فيها : الله ليييي طيارة جات بي فوق .. وجات تضرب الخرطوم ..ضربت حمار كلتوم ست اللبن أو شئ من هذا القبيل .. والله ليّ الليمون سقايتو علي يا حاجة .. والله لي في البر دبابات ..والله لي في الجو طيارات ..والله في البحر غواصات ... اها يا ناذر يعني بقت على القنبلة والأربجي والكلاشنكوف ؟؟؟
الغنا الكعب موجود من زمان وبيغنوهو حتى كبار المطربين والمطربات في الحفلات العامة والخاصة والقعدات ، ودا زي ما ذكر اخونا أبو جهينة إنو المزاج العام كان بيتقبل الاغاني الزي دي لانو معروف إنها أغاني شاذة وسط غناء الزمن الجميل داك !!
هسي حالياً ما عندنا في الساحة لا زمن جميل لا بطيخ .. كمية من الهبوط الحاصل ما طبيعي والناس دايرة تحاربو مش تزيد الطين بلة بي القنابل دي ...!!
Quote: خدّو صفقة جوة قلبي ليهو شفقة .. والحبييب مالو ما جا وييييين مالو ما جا .. هاج الناس وقالوا ده فنان هابط وأغنية هابطة وشاعر هابط ولمن عرفوا إنو الأغنية تغنّى بيها الراحل أحمد المصطفى قالوا ده عميد الفن وهو كان بيرمي لي نوع معين من الاغاني واللحن ووووووو.. محمود نفسه عندما تغنى : غنت كان زعلان انا ما بزعل ..وانت كان مبسوط يا حبيبنا نحن بي الاكتر... وكان عسل ضاقوك وكان جبل طلعوك .. قالوا ده فنان صعلوق ساي ودي كلمات رزيلة وهابطة هبوط صاحبها لكن لمن سمعو كابلي بيغنيها قالوا يا سلااااااااااااام ده تراث وكابلي عايز يورينا اغاني زمان ووووووو الهبوط زمان في زي ما الغنا السمح أسة في ..وزمان الغنا الكعب برضو كتيير زي ما اسة الغنا السمح بررررضو كتير .. الحلنقي اللي كتب بتتعلم وحبيت عشانك كسلا بكل أسف قال إنو اغنية (ما مشكلة ) هي أفضل وأجمل ما كتب ..
انا ضد ربط مفردات الالحان والكلمات بإسم المغني .. يعني هسي القنبلة دي هابطة وسخيفة مش لو غناها طه سليمان !! لو غناها سيف الجامعة زاتو حا تكون هابطة ومنحطة ولا حا يشفع ليو إسمو الفني وكتها ..
في بوست قديم كاتبو عمك تنقو عن اغنية أبو عركي البخيت البتقول (دق الباب وجانا) ولا شنو كدة ما عارف !! طوالي قلت لي تنقو دي أغنية هابطة وكبوة حصان وغلطة إرتكبا أبو عركي ..!!
شفت كيف !!
Quote: يا ناذر إنت سيد (الشي زااااااااتا
أيوة يا عمر انا سيد الشي زاتا .. لكن في حدودوشرائط بيضاء مش في ماسترات
05-04-2008, 05:12 PM
ناذر محمد الخليفة
ناذر محمد الخليفة
تاريخ التسجيل: 01-28-2005
مجموع المشاركات: 29251
يا مان القنبلة دي حا تبقى زي المعلقة الشهيرة (حنانا النسى اهلو ما نسانا) لاني متأكد بعد شوية اي مغنواتي حا يغني حقلة في الديوم ولا اللاماب حا يزيد عليها بيت بيتين لحدي ما تعمل سبعين بيت زي ديك ..!!
05-04-2008, 05:18 PM
ناذر محمد الخليفة
ناذر محمد الخليفة
تاريخ التسجيل: 01-28-2005
مجموع المشاركات: 29251
Quote: العيون سلاح الموت والخشيم دا كاتم صوت في الجو بالبرشوت يوشك علي أنبلا !!
السنون زي (شنو كدة ما عارف) !! والخد مسدس ستة ملي يا عيوني ما تملي شوف الحب والسنبلة
يا الله على الملحمة.. القصيدة رصينة ومتماسكة افتكر من بحر الموت على وزن قنبلة ..مقنبلة .. قنابل وفي رأي ضعفها الوحيد في استخدام مفردة هشة كالمسدس دون مراعاة الظرف الزماني ،لواستخدم المرادفات القوية كالدوشكااو البازوكة لزادها روعة وصورة جمالية،افتكر الكاتب ينتمي الى المدرسة الواقعية لانه بعد عشرين عام من تكرار اسطوانات مثل طلقة..طلقة..دانة ..دانة لابد ان تخرج روائع هكذا والا مشروع العنكبوت اصبح في خبر كان.
التماس: نأمل من اجهزة الإعلام ان تلاد الاعتبار لصاحب اغنية(حم..يا حمام شتت ليك سكر) سبق ان هاجمته الصحف عام 87/88 ولكن اثبتت الايام انه سبق عصر وغنى لغير جيله يا ناذر بالله انتو بنتجيبو الروائع دي من وين!
تحياتي يا حبيب
05-04-2008, 10:18 PM
عماد شمت
عماد شمت
تاريخ التسجيل: 12-02-2004
مجموع المشاركات: 3857
والله يا ناذر قالوا شر البلية ما يضحك ... أنا ما عارف ليه الأغنية دي أصابتني بنوع من الضحك غريب .. ضخك معاه عبرة خانقاني كدة وما عارف نفسي بضحك ولا ببكي .....
لكن الإيقاع ظريف وبدون ما أشعر ضبطت نفسي بنقز معاه ...!!!!
ناززززززززررررر شنو انبوله ؟؟ اقوم انبوله ..؟؟ مبالغة مافي حاجة اقوله غير كلمة الأحمر .........إنشاءالله القنبلة ال ....ام اهلهم دي غنية ولا تسديرة ولا تسديرة في اغنية ولا اغنية تسديرتا منها وفيها... إنشاء الله القنبلة ال...ام اهلهم قال شنو ؟ انبوله !!!!
سؤال بريء امبولة ) دي ليها علاقة ( بأم بوالة) ؟!! .. والله حرام عليهم " أم بوالة " دي برضو المفروض يغنوا ليها لأنها مهمة ومن لوازم " أم فتفت " !!!!
بعين يا اخوانا ، كيف المسئولة شركة الإنتاج ؟ .. لا يا ناذر الشركات دي شعارها " الجمهور عاوز كده" )!! وهي تسعى للربحية بغض النظر عن القيم ورسالة الفن إنتو فاكرين ديل زي ناس البازار ، والله كان كده بتحلمو .. المشكلة كمان تكمن في البشتري بقروشو الكلام الهابط (ولا تثريب عليه ) لو سمعو براهو ، لكن المشلكة كمان بينشر التلوث السمعي والمعرفي ليهبط بالذوق الفني العام وبدل من يهبط بيهو للحضيض فقط .. لا كمان لآزم يوصلو لأسفل سافلين !!.. عزائي لكم وللفن الأصيل!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!
05-05-2008, 04:36 PM
ناذر محمد الخليفة
ناذر محمد الخليفة
تاريخ التسجيل: 01-28-2005
مجموع المشاركات: 29251
عشان كدة أنا بقول دايرين جهة فنية مسئولة يكون عندها راي ولا صوت في لجنة المصنفات دي القاعدة تحابي في الشركات الفنية وتجيز في أعمالم الغنائية بما يغطس حجر الأغنية السودانية ..
وأنا بقول إتحاد الفنانين يكون عندو تمثيل في اللجنة دي وجوة إتحاد شركات الغنتاج الفني ..!! ولا حياة لمن تنادي ..
Quote: واجهت ما يضحك وانا
في السودان العام الماضي عدم اجازه اللحن والشعر
هما الاسباب القويه جدا في عدم نشر الشريط او الماده
ولكن المخجل انو الي تاريخ اليوم لاازم تمشي حالك بي (الضحاكات)
وطبعا فهمت ما اقصد.
والله يا ميسرة ما براك بالحالة دي ..
كتااااااار بيمشو حالم بالضحاكات و (ما يطلبه المستمعون) ، والناس كل يوم يتمنو الحال يتغير للأحسن وبرضو ما فيش أمل والخوف نمشي حالنا بالضحاكات دي إلى يوم يبعثون !!
05-05-2008, 04:45 PM
ناذر محمد الخليفة
ناذر محمد الخليفة
تاريخ التسجيل: 01-28-2005
مجموع المشاركات: 29251
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة