|
Re: كمال كيلا يكيل للعملاق الكاشف ويقول أنه تسبب في تخلف الأغنية السودانية ..!!! (Re: ناذر محمد الخليفة)
|
جاء ذلك في صحيفة الخرطوم الصادرة صباح أمس ، ولكني إكتشفت اليوم لدي بحثي على الإنترنت أن الصحيفة ليس لها موقع إلكتروني لجلب المقال منه !!
وعلى كل حال إليكم ما خطه الأستاذ مصطفى أبو العزائم حول ذات الموضوع بصحيفة أخر لحظة :
Quote: صديقنا الفنان كمال كيلا إنتقد في حوار أجرته معه صحيفة (الخرطوم) الغراء أمس الأول، إنتقد أب الأغنية السودانية الحديثة المرحوم الفنان إبراهيم الكاشف، وقال إنه ورغم ما قدمه من إضافات للأغنية إلا أنه تسبب في تخلفها..!!!
بالله عليكم تخيلوا ما خرج به الفنان كمال كيلا من آراء حول فنان عظيم وكبير مثل إبراهيم الكاشف ظلت أغنياته وهو الأمي الذي لم يدرس الموسيقى، ظلت أغنياته تدرس في معاهد وكليات الموسيقى على اعتبار أنها نماذج غنائية وموسيقية كاملة ومكتملة..
لم يكن كمال كيلا موفقاً في ما ذهب اليه، وأحسب أنه قد فتح على نفسه أبواب الجحيم النقدي.. ونحن قطعاً لا يهمنا إن كان كيلا يميل أو لا يميل الى الإستماع الى أغنيات الفنان الكبير إبراهيم الكاشف، ولا إن كان يطرب له أو لا فهذا شأنه وحده، لكننا نرى أن من لا يطرب لمن أجمع على فنه العامة والخاصة لا يستحق أن يدلي برأيه حوله أو حول الفن عموماً.
الآن مع النزعة الإنتهازية والوصولية التي هجمت على الموسيقى والفنون والغناء بدعوى (الأفرقة) تظهر أصوات مثل أصوات صديقنا كمال كيلا الذي يزعم ويظن أن (كل) إيقاعاتنا السودانية هي (الطبول) مثلما ورد في حديثه للصحيفة المحترمة، ونحسب أنه مخطيء تماماً في هذا الذي ذهب اليه، فكثير من إيقاعاتنا هادئة، وهناك خطأ نرجو أن يتم تصحيحه وهو أن إيقاع الدلوكة الذي استشهد به السيد كيلا يختلف عن إيقاعات الطبول الصاخبة ولا ربط بينهما، لأن في أغنيات الدلوكة ما لا علاقة له بما ارتبط بالإيقاعات العالية الساخنة، ونستدل على ذلك بما تعارفنا على تسميته بـ (أغنيات البنات).
نرجو أن يتحدث صديقنا كمال كيلا كما يريد للصحف- إن طلبته لذلك- وأن يقول ما يريد قوله عن فنه أو تجربته.. لكننا نطلب منه ونرجو أن يصمت تماماً عندما يأتي الحديث عن رموز فنية أسهمت في ترقية الغناء والموسيقى بالسودان.. مثل الفنان الراحل إبراهيم الكاشف، وكل جيل الرواد وكل من سبقهم من الذين عرفوا -لاحقاً- بفناني حقيبة الفن، ونقصد الحاج محمد أحمد سرور وكرومة والأمين برهان، وفي فترة موازية لكن بأداء مختلف فناننا الكبير خليل فرح، ثم جيل رواد الفن الحديث الذي تقدمه الفنان إبراهيم الكاشف بالروائع مثل (الشاغلين فؤادي) لعلي المساح وما تلاها من أغنيات ظلت خالدة لا في مكتبة الإذاعة، بل في وجدان الشعب السوداني كله، يرددها حتى أبناء الجيل الحالي.. الجديد.
واذا طرحنا مسابقة جائزتها مليون جنيه سوداني (أي مليار بالنظام النقدي القديم) عن ذكر ثلاثين أغنية للكاشف ومثلها للفنان (المتأفرق) كمال كيلا- لن يفوز بالجائزة أحد، لأن الجميع سيذكرون أغنيات الكاشف.. ولن يتذكروا أغنية واحدة لصديقنا كيلا. |
| |
|
|
|
|
|
|
Re: كمال كيلا يكيل للعملاق الكاشف ويقول أنه تسبب في تخلف الأغنية السودانية ..!!! (Re: Ahmed Abdallah)
|
Quote: صديقنا الفنان كمال كيلا إنتقد في حوار أجرته معه صحيفة (الخرطوم) الغراء أمس الأول، إنتقد أب الأغنية السودانية الحديثة المرحوم الفنان إبراهيم الكاشف، وقال إنه ورغم ما قدمه من إضافات للأغنية إلا أنه تسبب في تخلفها..!!! |
ناذر ياريت تجيب المقال بتاع كمال كيلا كامل .. لانو النقلتو ده هو تعليق ابوالعزائم علي حوار (كيلا) بجريدة الخرطوم بأستثناء ما تحتة خط . وده شكلو زي لا تقربوا الصلاة ده ذايد انو كلام كمال كيلا اعلاه فيهو اعتراف كامل بإضافات الكاشف للاغنية السودانية و رغما عن ذاكـ كان الكاشف احد اسباب تخلفها(هذا ما فهمته من الكوت اعلاة).
الكاشف هو في تقديري عبقري الميلودي السوداني و كمال كيلا احد المدارس المهمة في تاريخ الاغنية السودانية ايضا
لا يجُب احدهما الاخر ولا يتعارض معه.
طارق ابوعبيدة
| |
|
|
|
|
|
|
Re: كمال كيلا يكيل للعملاق الكاشف ويقول أنه تسبب في تخلف الأغنية السودانية ..!!! (Re: خدر)
|
ياشباب بعيد جدا عن المهاترات والمجاملات فى هذا الموضوع
فلو هذا الكلام حقيقة فيجب ان يحاسب عليه كمال كيلا
فانه اجحف فى حق انسان هو الذى وضع الاساس للاغنية السودانية الحديثة من حيث اللحن والاداء والتوزيع الموسيقى
فالكل لاتخفى عليه اعمال ذلك الهرم السودانى الكاشف
فمن منكم يذكر ولو عمل واحد لهذا الكمال كيلا موجود فى الساحة الغنايئة
وحسب اعتقادى انه حاول بهذا الافتراء ان يسلط الاضواء عليه طالما عجز عن ذلك عن طريق الفن
| |
|
|
|
|
|
|
Re: كمال كيلا يكيل للعملاق الكاشف ويقول أنه تسبب في تخلف الأغنية السودانية ..!!! (Re: ناذر محمد الخليفة)
|
/
Quote: ده ذايد انو كلام كمال كيلا اعلاه فيهو اعتراف كامل بإضافات الكاشف للاغنية السودانية و رغما عن ذاكـ كان الكاشف احد اسباب تخلفها(هذا ما فهمته من الكوت اعلاة).
|
ودا الانا فهمتو برضو ..!! وكلام متناقض طبعاً
إلا لو تخلف الكاشف القاصدو كيلا عدم إدخالو للإيقاعات الأفريقية في ألحانو وأعمالو !
معقولة بس
Quote: الكاشف هو في تقديري عبقري الميلودي السوداني
|
دا مش في تقديرك يا طارق ..
دي مثبتة وما فيها نقاش وما داير أقول (جو عين أي زول) !!
أما دي ..
Quote: و كمال كيلا احد المدارس المهمة في تاريخ الاغنية السودانية ايضا |
حا نناقشا لي قدام عشان نشوف إسهاماتو ومدرستو دي قدمت شنو للأغنية السودانية مقارنة بالكاشف !!
تسلم يا طارق
| |
|
|
|
|
|
|
Re: كمال كيلا يكيل للعملاق الكاشف ويقول أنه تسبب في تخلف الأغنية السودانية ..!!! (Re: ناذر محمد الخليفة)
|
وجهة نظر برضو ...
نسمعا بالتفصيل و نناقشا ...
بعدين شوف جنس الكلام ده:
إنتقد أب الأغنية السودانية الحديثة
ممكن الكاشف يكون ابو اغنية مدينة "الوسط" السودانية الحديثة لكن ابو "كل" الأغنية السودانية الحديثة؟ و شنو هى "الأغنية السودانية الحديثة"؟
و لان الدوافع سياسة و حاجات تانية ظهرت هنا بوضوح
Quote: الآن مع النزعة الإنتهازية والوصولية التي هجمت على الموسيقى والفنون والغناء بدعوى (الأفرقة) |
ابو العزائم ده خلى يورينا و يشرح النزعة دى ظهرت و ين و كيف؟ و ليه هى انتهازية و وصولية؟ و المشكلة شنو في وجود كلام زى ده؟
الكاشف فنان ... وكمال كيلا برضو، و زى ما في ناس بتتجاهل كل غناء باقي السودان و تسمى اغنيتا الاغنية السودانية، في ناس تانية زى كيلا و لو برد فعل ربما يكون خاطئ بدافعو عن حق اغنيتهم ـ و ثقافتهم ـ في الوجود .
مرة تانية جيبو كلام كيللا و نتفاهم
| |
|
|
|
|
|
|
Re: كمال كيلا يكيل للعملاق الكاشف ويقول أنه تسبب في تخلف الأغنية السودانية ..!!! (Re: ناذر محمد الخليفة)
|
العزيز ناذر تحياتي
مدخل اول: تصادف ان جاد التلفزيون السوداني بسهرة للفنان كمال كيلا من مدينة جوبا وكنا وقتها منهمكين للجلوس لامتحانات المرحلة الثانوية إلا اننا أجلنا المذاكرة يومها لحين انتهاء السهرة الغنائية.. في اليوم التالي إلتقيت صديقي وزميلي في الفصل استيفن وهو من الاستوائية وما ان راني حتي صاح "والله يا شمس امبارح انا حضرت في التلفزبون أجمل سهرة من الله خلقني ما شفت زيها.. ياخي كمال كيلا دا فنان عالمي عديل بس الاعلام ظالمو" واخبرني استيفن انه سجل كل السهرة من التلفزيون علي شريط كاسيت, وصار يوصف لي كيف ارهق نفسه وهو يحمل جهاز الاستريو بيديه ليقربه من التلفزيون لقصر الوصلة الكهربائية .. تركت استيفن منتشيا يبحث عن اخر لبثه ذلك الفرح الطفولي بسهرة كمال كيلا ودخلت الفصل حيث يجاورني صديقي عاطف محمد خير (من كريمة) وهو من المعجبين جدا بالفنان أحمد المصطفي وقبل ان أستوي علي مقعدي صرخ عاطف في وجهي "ياخي امبارح التلفزيون قدانا ليك بسهرة بايخة بشكل والله من الزعل ما قدرت أذاكر .. ياخ التلفزيون دا بجيب الناس دي من وين؟" بين نشوة استيفن وحنق عاطف يتولد السؤال المحوري: شنو يعني المعيار انو الفنان الفلاني يكون عملاق الاغنية السودانية؟ لان كمال كيلا عملاق استيفن قد صار قزما في نظر عاطف. وبالمقابل احمد المصطفي عملاق عاطف قد يصير قزما في نظر استيفن. ولو قلنا لاستيفن كمال كيلا دا واحد سمبلا ساكت حيقول عليك متخلف لانك فاكر الفن ببتدي بكرومة وبنتهي بعاصم البنأ ولو قلنا لعاطف انو احمد المصطفى دا من الأصوات الضعيفة حييقول والله عشنا وشفنا العشر قام ليهو شوك وبي كدا دخلنا تووووش لسؤال الهوية .......
مدخل للخروج سئل الفنان وردي في ندوة بمنزل الاستاذ زين العابدين صالح بمدينة نصر بالقاهرة لماذا الفن السوداني لا يستطيع المنافسة علي مستوي الوطن العربي؟ فأجاب بان المشكلة تكمن في السؤال "توجهنا الثقافي الي اين" لاننا في الوقت الذي نبذل الغالي والرخيص لاسماع "الاشقاء العرب" الذين هم في شغل عنا إلا انك لن تجد موطئ لقدمك حيث تتمتلئ ملاعب كرة القدم بافريقيا ان زارها فنان سوداني
كل ذلك مع احتفاظي للكاشف بعبقريته وريادته الفنية
مع تقديري
شمس الدين السنوسي
| |
|
|
|
|
|
|
Re: كمال كيلا يكيل للعملاق الكاشف ويقول أنه تسبب في تخلف الأغنية السودانية ..!!! (Re: ناذر محمد الخليفة)
|
مداخلتك جميلة يا شمس الدين ..
وقصتنا مش تصنيفت عمالقة الأغنية بقدر ما محاربة من يبخسون حق الأخرين .
كمال يقول أن الكاشف هو سبب تخلف الأغنية السودانية ؟؟؟!
هل يجوز هذا الحديث ..؟؟
وبمناسبة إستيفن وحنق عاطف ..
في بوست مشهور جدا في المنبر واحد من الاعضاء أهدى واحد تاني أغنية لي كمال كيلا ، صاحبنا داك طوالي جا وقعد يسرد في ذكرياتو مع كمال كيلا وإنو كان جارم في الدناقلة ،،
يقوم بعد شوية صاحبنا بتاع الاغنية يقلب مية وتمنين درجة ويخاطب المتداخلين : (عليكم الله إنتو ما ناس جنريترات) ؟؟!! هسي دي غنية دي ؟!! ويقول إنو مساهر وبيضحك في الغنية وطريقة كمال كيلا في الغناء (يعني إتخذ الاغنية كمين عشان يقتص من زولو داك) .
يعني إختلاف الرأي لا يفسد للود قضية يا شمس الدين ، بس في ثوابت مهمة وما بنرضى فيها ولا الحط من قدرا ..
تسلم
| |
|
|
|
|
|
|
|