|
|
 مشاطيب التنظيمات السياسية .. هل يحق لهم الدفاع عن أفعال وسياسات تنظيماتهم التي لفظتهم ؟!
|
لأن تنظيماتنا وأحزابنا دون إستثناء لم تصل بعد لمرحلة الوعي الكامل ولا زال ينقصها الكثير كي تعلم نفسها وكوادرها معنى الإلتزام الحزبي والإنضباط الداخلي ..
ولأن الجهل لا يزال متفشياً في أغلبية الشعب السوداني والذي لم يخرج بعد من دائرة التبعية للأسياد أو الأفكار بالوراثة القبلية والعائلية ..
نجد الكثير من الكوادر الحزبية والطلابية التي تم فصلها من أحزابها بقرارات داخلية تنظيمية لا تزال تتحدث بإسم تنظيماتهاوتعتقد في قرارة نفسها وتدعي على الجهر بإنتمائها للحزب الذي فصلت منه وكأنما لا يعنيها في شئ قرارات الحزب وقياداته الداخلية ..
أما والأسواء من ذلك ..
أن تعاطف بعض أصدقاء المنبوذين من الحزب يدفعهم للتجاوز عن الكثير من ممارسات صديقهم المفصول حينما يتحدث أمامهم وأخرين وكأنه لا يزال عضواً بالحزب وفاعلاً فيه ..
السؤال :
هل فصل عضو من أيا من الأحزاب لأسباب لا علاقة لها بمبادئ وسياسات الحزب العامة تعني إنتهاء صلته بالأفكار والمبادئ التي يحملها التنظيم ؟!!
هل يحق له الإدعاء بإنتمائه للحزب العلاني أو الفرتكاتي رغم فصله منه ؟!!
صنفرة :
التغاضي عن ممارسات العضو المفصول من أبرز سمات الأحزاب العقائدية التي يفترض فيها الإلنزام الحزبي والتنظيمي أكثر من غيرها من التنظيمات .!!
|
|
 
|
|
|
|
|
|
|
 Re: مشاطيب التنظيمات السياسية .. هل يحق لهم الدفاع عن أفعال وسياسات تنظيماتهم التي لفظتهم ؟! (Re: ناذر محمد الخليفة)
|
| Quote: هل يحق له الإدعاء بإنتمائه للحزب العلاني أو الفرتكاتي رغم فصله منه ؟!! |
أخي الحبيب ناذر
الانتماء ليس العضوية
الانتماء فكر و إيمان بماديء و أهداف جماعة سياسية، يعني المفصول يفقد عضويته ولا يفقد انتمائه للجهة التي فصلته..
ولكن: لا يحق له الحديث باسم حزبه القديم.
Quote: صنفرة :
التغاضي عن ممارسات العضو المفصول من أبرز سمات الأحزاب العقائدية التي يفترض فيها الإلنزام الحزبي والتنظيمي أكثر من غيرها من التنظيمات .!! |
وبعد أن يفصله الحزب..كيف يمكن أن يتحكم في ممارساته بحيث يتغاضى عنها الحزب أو لا يتغاضى؟ فهو حال فصله يفقد عضويته و يفقد شروطها و يفقد حقوقه كعضو كما واجباته.
الفصل إخلاء مسئولية كامل عن المفصول.
| |
|
|
|
|
|
|
|
|
|
Re: مشاطيب التنظيمات السياسية .. هل يحق لهم الدفاع عن أفعال وسياسات تنظيماتهم التي لفظتهم ؟! (Re: ناذر محمد الخليفة)
|
سلامات يا لنا ..
Quote: أخي الحبيب ناذر
الانتماء ليس العضوية
الانتماء فكر و إيمان بماديء و أهداف جماعة سياسية، يعني المفصول يفقد عضويته ولا يفقد انتمائه للجهة التي فصلته..
|
دي قد يكون ما في إعتراض عليها لاني بعرف ناس كتار معرفة شخصية كانوا أعضاء في تنظيمات سياسية وتم فصلهم أو براهم قدمو إستقالاتهم وبالرغم من دا لسع بيجاهرو بي إنتمائم للأحزاب دي رغم فصلهم أو تخليهم عن الحزب ..
لكن المشكلة في دي :
Quote: وبعد أن يفصله الحزب..كيف يمكن أن يتحكم في ممارساته بحيث يتغاضى عنها الحزب أو لا يتغاضى؟ فهو حال فصله يفقد عضويته و يفقد شروطها و يفقد حقوقه كعضو كما واجباته.
الفصل إخلاء مسئولية كامل عن المفصول. |
المشكلة الأنا بتكلم عنها إنو الزول دا يكون مفصول من الحزب وفي أعضاء من الحزب عارفنو مفصول منو لكن بحكم إنهم أصحابو بيتغاضو عن ممارساتو وما بيوقفوهو أو يمنعوهو من الحديث بي إسم الحزب !! .. لا ، وكمان بيشجعوهو علي كدة !!
صنفرة :
بالمناسبة يا لنا مهدي .. البورد دا فيهو أعضاء تم فصلهم من أحزابم العقائدية وبالرغم من دا بيدبجو المداخلات والبوستات في الكتابة عن أحزابم وبيجاهرو بالإنتماء ليها وكأنهم لسع أعضاء فيها ، والمشكلة إنو في ناس لسع منظمين في الحزب في البورد دا وعارفين زولم مفصول لكن ما بيسألوهو ولا بيقولو ليهو (يا زول ما تتكلم عن الحزب بعد ما فصلناك) !! ..
تفتكري يا لنا دي حاجة صحيحة ؟؟!!
| |
|
|
|
|
|
|
|
|
|
Re: مشاطيب التنظيمات السياسية .. هل يحق لهم الدفاع عن أفعال وسياسات تنظيماتهم التي لفظتهم ؟! (Re: ناذر محمد الخليفة)
|
كيفك يا عادل عبد العاطي ..
والله ما تتصور أنا متكيف منك كيف !
مجرد ما أقابل بورداب أو متابعين للبورد طوالي بجيب سيرتك وبشكرك عارف لييه ؟!!
لانو بي صراحة رجوعك للبورد دا عدل لينا الطربيزة .. قبل رجوعك والله البورد دا كان فيهو همباتة عدييل كدة .. بس مجرد ما الواحد يكتب ليهو بوست ولا مداخلة يتلمو فيهو جلد وهبر ونبذ وإساءات ما ليها أول ولا أخر زي (عبيد ، مستلب ، جلابي ، متجولب) ولا لوب وبطيخ !!
والكتابة في المنبر دا طبعاً دول .. مرة خابت ومرة مخبوت ، مرة خاتيها ليهم ومرة خاتينها ليك ! والقصة كانت مدورة كدي لحدي ما جيت إنت ..
كدي النخش في موضوعنا :
Quote:
يا زول الحندكة في شنو جيب الاسماء عديل
خلي اللعب يسخن شوية .. |
طبعا أنا عندي عادة ..
بمسك الأسماء لحدي ما يجي وكتها أو لحدي ما يجو أسيادا براهم ويورونا الريش الفي روسينهم حتين بعد داك اللعب بيسخن .. وأنا زاااااتي والله بوست ما مسخن بيبقى لي مسيخ وروتيني وما بيخارج معاي ولا بي راس مالو .. إطمن من الناحية دي .. اللعب حا يسخن في الوكت المناسب ..
إنت بس خليك قريب ..
| |
|
|
|
|
|
|
|
|
|
Re: مشاطيب التنظيمات السياسية .. هل يحق لهم الدفاع عن أفعال وسياسات تنظيماتهم التي لفظتهم ؟! (Re: ناذر محمد الخليفة)
|
كيفك يا السموءل ..
Quote: ناذر
هو الحاصل في البلد اسمو سياسية يا اخوي عليك الامان في ناس كدة حسب الموجة
محل مخدرة بس يبقو شايتين
نحنا صغار ايام نميري واحد في الشماليةكان كنج كبير في الاتحاد الاشتراكي
بعد نميري فات بقي مع اتحادي بعدالانقاذ طلع من اصحاب الشأن
صنفرة علي قولك
عشان كدة طلعنا ناس كورة سااااااكت |
والله يا سيدي ممكن تسميهو فك تسجيلات وكدة ..
بس الفرق في الكورة ، إنو اللاعب لمن يشطبوهو بيفارق الفريق بي الله واحد .. وفي السياسة الكادر لمن يشطبوهو بيدق جرس ويتصلبط في الحزب ويحلف بالطلاق ما يختاهو ويعمل فيها قدام التانيين ولا سعد زغلول !! ، والمشكلة التانيين مصدقنو ومدنو فرقة وما دايرين يحسموهو ويقولو ليهو (عليك الله ما تفكها في روحك ساكت) !!
| |
|
|
|
|
|
|
|
|
|
Re: مشاطيب التنظيمات السياسية .. هل يحق لهم الدفاع عن أفعال وسياسات تنظيماتهم التي لفظتهم ؟! (Re: بكري الصايغ)
|
Quote: ]نجد الكثير من الكوادر الحزبية والطلابية التي تم فصلها من أحزابها بقرارات داخلية تنظيمية لا تزال تتحدث بإسم تنظيماتهاوتعتقد في قرارة نفسها وتدعي على الجهر بإنتمائها للحزب الذي فصلت منه وكأنما لا يعنيها في شئ قرارات الحزب وقياداته الداخلية ..
|
اخى العريس البوست شدانى
نعم هناك كتير من الناس ينتمى الى حزب ولكن لم يجد نفسه فيه والعكس صحيح لان غالبية الاحزاب لاتبلى الانتماء وده المشكله فى القيادة العلياء العندها الحل والربط لهولاء من اعنيهم بالقول اما ان يكونوا تبعاوهم ساكتين على قناعاتهم ..... او يفصلوا عندما يخافلوا اتجاه التيار وحتما من يعوم اتجاه التيار يجد نفسه قد فارق ......اما يكون كسب رضاء كتير من العباد . او الى اخرة كسب فيها رضى رب العباد....
| |
|
|
|
|
|
|
|
|
|
Re: مشاطيب التنظيمات السياسية .. هل يحق لهم الدفاع عن أفعال وسياسات تنظيماتهم التي لفظتهم ؟! (Re: ناذر محمد الخليفة)
|
أوووووووووووووووووووووووووووووووووووووو !!
محمد الحاج شخصياً !!
والله انا من أمبارح منتظرك وكايس ليك 
قالو لي بوستي بتاع حسن موسى داك تعبك شديد وجهجهك جهجهة شديدة خلاص !! إسبوع كامل قعدت تذاكر فيهو عشان تفهمو وأبيت تسمع كلامي لمن قلت ليك البوست داك بيفهموهو الدكاترة !
Quote: Quote: "Great minds discuss ideas. Average minds discuss events. Small minds discuss people
|
ما شاء الله عليك لصقت ليك دمغة ساااااااااي في البوست ومشيت ؟!
وهسي نعلك برضو ما فاهم ؟!!
يا زول والله حاول وما تيأس .. الشغلة ما صعبة زي ما إنت متخيلا إنت بس إتوكل وقدم عشان تحضر الدكتوراة عشان تفهم وبعد الدراسة بي كم سنة إنشاء الله تتخرج وتبقى :
ديكـ تور كبيييييييير وتوعى للحاصل قدامك !!
شنكل :
تدمغ في البوستات ساااااااااااااي ولا جايب خبر
| |
|
|
|
|
|
|
|
|
|
Re: مشاطيب التنظيمات السياسية .. هل يحق لهم الدفاع عن أفعال وسياسات تنظيماتهم التي لفظتهم ؟! (Re: kamalabas)
|
Quote: العريس ناذر سلامات وتبريكات
يا زول الحندكة في شنو جيب الاسماء عديل
خلي اللعب يسخن شوية .. |
يا عبدالطيف ،،، قول يا لطيف وروق المنقه ،،، العريس عارف نفسو بسوى فى
شنو ،، وخلى عندك صبر يبل الابرى ،،
يا عريس ،، حافظ ع الملائكه الحارساك ،، وما تستعجل ،، لكن ممكن تفك ليك
أسم اسمين للناس الماعندها صبر ،، نظام تحليه وكدة ،،
صنفرة
انت مشيت القاهرة ،، شهر عسل ،،،، ولا ،،،،، الاسماء جابتها لك الملائكه
بيت مال وعيال يا حبيب ،، وحياة سعيدة
| |
|
|
|
|
|
|
|
|
|
Re: مشاطيب التنظيمات السياسية .. هل يحق لهم الدفاع عن أفعال وسياسات تنظيماتهم التي لفظتهم ؟! (Re: ناذر محمد الخليفة)
|
سلامات يا زعيم كمال عباس ...
Quote: فلنفترض أن أحمد كان عضو التنظيم الناصري بالسودان وتم فصله لقضية تنظيمية
بحتة غياب عن الاجتماعات مثلا...فهل يعني هذا نبذه للفكرة الناصرية
ومبادئها? هل يعني الفصل قطيعة كاملة تمنع العضو السابق من التثمين والدفاع عن خط وممارسات ومواقف حزبه السابق ? بالتأكيد لا
ليس في ذلك عيبا وأنما هو أمر طبيعي......الغير طبيعي أن ينقلب هذا العضو
ويتنكر لمبادي وأفكار وخط حزبه لمجرد فصله في قضية تنظيمية!!!!!!!
|
لا خلاف في هذه النقطة بتاتاً ولكن ليس له حق الإدعاء بإنتماءه (التنظيمي) للحزب كما أعتقد وإلا فقد يسئ بتصرفاته أو سلوكه للحزب والذي كما هو واضح ليس له إمكانية السيطرة عليه ..
ولكن المصيبة تكمن في تستر أصدقاءه من زملاء الحزب عليه حينما يتحدث بإسم الحزب وينطق بإسمه وكأنه لا زال مرتبطاً (تنظيمياً) به ..
| |
|
|
|
|
|
|
|
|
|
Re: مشاطيب التنظيمات السياسية .. هل يحق لهم الدفاع عن أفعال وسياسات تنظيماتهم التي لفظتهم ؟! (Re: ناذر محمد الخليفة)
|
جدا يا كمال مبارك
Quote: يا عريس ،، حافظ ع الملائكه الحارساك ،، وما تستعجل ،، لكن ممكن تفك ليك
أسم اسمين للناس الماعندها صبر ،، نظام تحليه وكدة ،،
|
نديك تلاتة أسامي أقل شوية من مستوى الأحزاب والتنظيمات لزوم فتح الشهية وتسخين اللعب زي ما قال عادل عبد العاطي ..
تراجي مصطفى الله يطراها بالخير كانت في فترة من الفترات بتكتب في المنبر دا بي صفتا عضو في رابطة أبناء دارفور بي كندا .. وبي إسلوبا الغير مقبول إستعدت ناس كتار ضدها وضد الرابطة لحدي ما جا واحد من أعضاء المنبر ونشر بيان من رابطة أبناء دارفور يفيد بفصل أو تبرؤ الرابطة من تراجي بسبب صراعاتا بي إسم الرابطة ..
طيب ...
نقيس دا علي التنظيمات ..
تفتكرو لو الرابطة إتغاضت عن أفعال تراجي ودقت طناش .. هل دا حا يكون في صالحا ؟!!
هل من المنطقي يا أحباب الله إنك تلفظ زول من صفوفك تحت أي دعوى وبعد داك تسمح ليهو يتكلم بي إسمك في تجمعات إنت عندك وزنك فيها وسمعتك بالدنيا ؟؟!!
| |
|
|
|
|
|
|
|
|
|
Re: مشاطيب التنظيمات السياسية .. هل يحق لهم الدفاع عن أفعال وسياسات تنظيماتهم التي لفظتهم ؟! (Re: ناذر محمد الخليفة)
|
يا عريس ،، حرام عليك والله ،،،، حرام ،، دى اسم ،،، دى طوبه ،، دى جبل
تراجى مرة واحدة أسم حاف كدة ،،،، دى منااااااااااااااااضله اد الدنيا
دى صاحبه جمعيه الصداقه الاسرائليه ،،، لو عرفوك الموساد ح يقتالوك اعمل
حسابك وربى عيالك ولا تعدى الخطوط الحمراء ،، تراجى حاف كدة ،، حرام يا عريس
صنفـــــرة
اى مكان وضعت كراعها فيه ،،، اتفرتق ،،ابتداءت بالشرق ،، وجعلت منهم مليون
مؤتمر والف فصيل ،،،، ذهبت الى دارفور وعينك ما تشوف الى النور ،،، حتى
اسرائيل دخلت فى جحر ضيق وبقت تقدم فى بعض التنازلات للفلسطنيين .
ولو قلبت الصفحه تجدها عامله هليله بقول اللاجئين الفلسطنيين هى وحامل الدلوكه
كل واحد فاتح بوست ،، ويشجب ويدين ،، وفى انتظار النتيجه .
| |
|
|
|
|
|
|
| |
ناذر محمد الخليفة
حيدر حسن ميرغني
lana mahdi
Abdel Aati
السمؤال بدرالدين
Deng
خالد المحرب
Abdelmuhsin Said
معتصم مصطفي الجبلابي
Mohammed Elhaj
هجو الأقرع
Ahmed Abdallah
kamalabas
Kostawi
abcde
فيس بوك
تويتر
انستقرام
يوتيوب
بنتيريست