|
Re: يصمغ ساااااي (Re: ملكة سبأ)
|
يا ولدنا ناذر يا فنان... أضحكتنا ونحن باكون...
تحياتي للشاب الظريف منعم وتلك الشلة الجميلة بقيادة الطاهر ساتي وخالد ماسا...
أشتقنا لليالي الخرطوم وتسلم ناذر
| |
|
|
|
|
|
|
Re: نكتة بالفيديو إهداء للوجيه الدكتور عبد المنعم سليمان .. (Re: عبدالأله زمراوي)
|
ناذر الظريف , إنت راجل رائع ياخ ...
ونجم البورد الأول ..
لكن النكته دى ما بتشبهك ! لأنها من نوع التنكيت الهو ذاتو مضحك ! وناسو مضحكين ! .. زى أخوتا ده العامل فيها بنكت وهو ذاتو نكته , ولسه من زمن الطابع البلزقو باللعاب !
النكته هابطه يا نادر, وتنم عن سخف كبير معشعش فى ذهنية بعض الناس اللسه عايشين بى فهم دكتور ومهندس الخرب مالطا ! وخلانا آخر الناس ! .. وأنا بنصح جماعتك ديل , المضحك والمضحوك عليو, يقومو يمشو يسجلو زياره لى أقرب مكتب بريد سريع courier,s mail زى DHL أو Aramex العالميتين ديل, عشان يتنورو ويشوفو مستوى الناس الشغاله هناك !
معليش يا ناذر النكته السخيفه الهابطه الأهلها مضحكين دى, لمستنا فى اللحم الحى ! تعرف ليه ؟! لأنى موظف بريد ! لا أكثر ولا أقل !
والمشكله يا ناذر مش فى بتاع البريد البلزق بى خشمو الرسائل ! المشكله فى الدكاتره الكتار البلزقو ليهم زمن والناس بتموت قدام عينم وما قادرين يعملو حاجه ! المشكله يا ناذر ما بتاع البريد , المشكله فى الدكاتره ذاتم والمعتقدين فى الدكاتره ! الهم ذاتم عايزين دكاتره يعالجوهم من عقدم ! ومن طريقة تفكيرم المهلكه المتهالكه , ومن الأغلال التى على أعناقهم , والتى لطالما أرهقت كاهلم , وخلتم يضحكو على أنفسم وهم لا يشعرون !
صدقنى ياناذر أنا أحبك وأحترمك من كل قلبى , ولكن هذه النكته لم تعجبنى ! لأنى زول موظف بسيط فى البوسطه ! ومش كده وبس داعك كمان مع العمال وسعاة البريد !
| |
|
|
|
|
|
|
Re: نكتة بالفيديو إهداء للوجيه الدكتور عبد المنعم سليمان .. (Re: ناذر محمد الخليفة)
|
مامون ..
Quote: صدقنى ياناذر أنا أحبك وأحترمك من كل قلبى , ولكن هذه النكته لم تعجبنى ! لأنى زول موظف بسيط فى البوسطه ! ومش كده وبس داعك كمان مع العمال وسعاة البريد ! |
كلامك في عيني وراسي ... وأسف جدا وإحترم عدم إعجابك للنكتة وأمسحا لي في وشي .. كل القصد كان مشاغلة لي الظريف عبد المنعم سليمان ..
شنكل :
Quote: لأنى زول موظف بسيط فى البوسطه |
إنشالله بس بعد دا كلو تكون وجيه وجاهة السنين زي عبد المنعم (بتاع النكتة) ؟!
| |
|
|
|
|
|
|
Re: نكتة بالفيديو إهداء للوجيه الدكتور عبد المنعم سليمان .. (Re: عبد المنعم سليمان)
|
منعم الود السكراان ده
راكب طرد بحرى واللا شنو ؟!
وحيستعجل ليه ! ماهو حيصل حيصل ..
غايتو نكتتك أخير شويه من نكتة الجماعه ديل !
ناذر : معليش جماعتك ديل مأإتوفقوا فى النكته دى , لأنها بدائيه خالص ! لكن مامشكله الجايات أكتر من الرايحات ! والبشوف فيديو وما عارف أيه يقول حيفجرو مهرجان من الحبك العبقرى , والضحك المميت !
وبعدين يا ناذر إنت لما تهدى نكته لى زول خطير زى منعم ده حقو تستعين بى خبير ! يعنى أبجقادو مثلاً , دريد لحام , ذكى جمعه ! حاكم أنو منعم ده زول ماهين , وما بتقدرو عليو بالسهوله دى !
بعدين ده يا متولى بسوقنا لى هبوط مستوى النكته ذاتا فى اليومين دي ! شنو يا جماعه ! حتى النكت ذاتا بقت كمان بدل ما تضحك تبكى !
أها فتكم بى عافيه .. أخليكم مع المضحك المبكى ..
| |
|
|
|
|
|
|
Re: نكتة بالفيديو إهداء للوجيه الدكتور عبد المنعم سليمان .. (Re: محمد البشرى الخضر)
|
الله يبارك فيك يامحمد يا بشرى ,
وسعيد والله بى معرفتك , والزول الطيب بقيت ليو فى رقبتو ده كلو عشان ألقى الناس الجميلين الزيكم ديل , المقتول فى هواهم !
وأنا كونت نفسى من زمان يا البشرى ! بى مداد حبكم الكبير
ومعزتكم الغاليه , ومشاربكم النقيه الصافيه , يا أولاد أهلى المفتون بيكم وبى حياتكم , حياًأو ميتاً.. والما ببقى بلاكم ..
البشرى العزيز : سلم لي عليك ألله على البنيه الحلوه دى وضمها لي شديد وقول ليها عمك مامون مشتاق ليك كتير , زى شوقو الكتير لى بنات أهلو وسماح أهلو وربوع أهلو وديارم العامره ..
ألف تحيه ليك ياالبشرى .. ويا لك من بشرى ! ... فتكم بى عافيه ..
| |
|
|
|
|
|
|
Re: نكتة بالفيديو إهداء للوجيه الدكتور عبد المنعم سليمان .. (Re: محمد البشرى الخضر)
|
والله فعلاً أنا بالغت يا البشرى !
وألله ضحكت على نفسى لامن داير أقع !
العتب على النظر يامحمد , لكن حتوت ما حتوت ياخى ! ألله يحفظو
ألله يحفظو .. الله يحفظو .. الظاهر أنا شفتو بى مخيلتى البتحب البنات !
إنشاله يارب ربنا يرزقك بالبنيه السكره أخت لى حتوت ..
عناق من كل قلبى لهذا الولد الحلو ..... لكن دى ما حينساها لي !
بالمناسبه يا البشرى أنا عندى تلاته بنات , كلو واحده أحلى من التانيه ,
غايتو كان جينا الإمارات يانا النازلين عندكم !
التحيات مطر ..
| |
|
|
|
|
|
|
|