|
مجلة سودانيز أون لاين الان بالاسواق (النسخ غير محدودة) !!
|
صدر في ثوب قشيب (نفسي اعرف قشيب دي معناها شنو!!) مجلة سودانيز أون لاين الفكرية والتي تصدر عن شركة بكري أبو بكر لمالكها بكري أبو بكر ويرأس تحريرها بكري أبو بكر ومدير تحريرها بكري أبو بكر سكرتير التحرير بكري أبو بكر توزيع شركة بكري أبو بكر عضو مجلس الإدارة بكري ابو بكر !!!
تتكون المجلة من عدة أبواب وأعمدة ثابتة وغير ثابتة ، وابواب ثابتة واخرى (مخلوعة) يشرف على تحريرها عدد من أعضاء المنبر (ما بكري أبو بكر) كل حسب التخصص الذي (جبل عليه) !!
نلاحظ التصميم الجمبل لغلاف المجلة والذي أتى بريشة الفنان عصام عبد الحفيظ .. الصفحة الأولى بها كامة الناشر والمالك (بدل ما يرحب ويهنئ بصدور العدد عمل كوبي بست للوائح المنبر وختاها محال كلمتو ) !!
نلاحظ باب بعنوان صور شعبية يشرف عليه الاستاذ دينق ويتحدث فيه عن ثقافة العبار بإستفاضة مع ضرب عدد من الامثلة (والمشكلة إنو ضرب بريمة برضو في أثناء ضرب الامثلة) !! ولا زال الباب مفتوحا للنقاش والتعقيبات كي تنشر في الأعداد القادمة !!
التحليل السياسي بقلم الاستاذ عبد الله عقيد بالإشتراك مع سارة عيسى وسوركتي وشارك في تحرير عدد من الأبواب السادة المعز وهشام المجمر ..
صفحة فنية تحليلية برئاسة الموصلي وبالإشتراك مع الأساتذة ترهاقا وضياء الدين وهمزة سليمان وأنور أبو قايدة وخضر وتولوس وعثمان عجبين (عمر الفاروق لا يزال التشاور جاريا بأمر إنضمامه للصفحة ولا يزال تحت التمرين وتحت المراقبة اللصيقة) !!
صفحة بعنوان (القلب الرؤوم) تعني بمد الايادي لمساعدة الضعفاء وذوي الحاجات برئاسة سودانية 2000 ومحمد ابو القاسم وبنت الاحفاد ..
صفحة بعنوان (عدسات ) تعني بجمع الصور الفوتوغرافية وتعليم كيفية تصويرها وفن إلتقاطها برئاسة الاساتذة أحمد العربي وعمر عبد الخالق وطلال عفيفي وعباس عزت !!
صفحة متخصصة في( شؤون اليهود والدراسات الشيوعية) يحررها الزميلان عبد الرازق الطالب وكمال فرانكلي (ومعاهم ناس تحت تحت كدة لسة ما جاتنا اساميهم) !!
صفحة بعنوان (وقع هنا لــــــــ ......) بقيادة الأستاذ عادل إسحاق وتعنى بجمع التوقيعات (بمناسبة وغير مناسبة) ويشترك معه الاستاذ الصاوي في جمعها (بمناسبة) !!
صفحة بعنوان (الدوكة والمعراكة ) يحررها( ويمعركها) ثلاثة اعضاء هم : 1/ تراجي مصطفى 2/ هنادي يوسف 3/ أمنة مختار 4/ شروق علي فضل
وتعني بكل ما له علاقة بالدوكة والمعراكة في المجلة وما اظن دي دايرا شرح !!
|
|
|
|
|
|
|
|
Re: مجلة سودانيز أون لاين الان بالاسواق (النسخ غير محدودة) !! (Re: ناذر محمد الخليفة)
|
صفحة تعني بالتثقيق والتعليم الموسيقي بقيادة الأساتذة عاصم الطيب القرشي و لؤي وتمبس ومعتصم دفع الله سينضم إليهما مستقبلا الاخ عصام أحمد !!
باب بعنوان (شد واركب ) يحرره دكين وكوستاوي والامين صديق وجني تتعلق وتعني بردع كل من يحيد عن الطريق (أي واحد طبعا بيردع حسب طريقتو) !!
صفحة تعنى بالعناية بالحدائق وتنسيق أشجار الفواكه وكيفية قطف الثمار مع الشرح يحررها دكين (الله ورقبتو) !!
صفحة ثابتة تعنى بكشف زيف بعض المتسلقين يحررها محمد ادم ومحمد الامين محمد والأستاذ كبر ..
صفحة رياضية كاملة يحررها عمر الفاروق وود المايقوما والقرضابي وناس تمبس ومعتصم وحمزاوي ..
صفحة تعني يشئون إنتخابات الجاليات يحررها صلاح غريبة و(مداقرو) فيها صديق الموج !!
صفحة تعني بجمع التبرعات لأجل مساعدة بعض ضحايا النزاعات في السودان (والصفحة دي البيحرروها قالوا ما يكتبوا اساميهم فيها لأسباب كتيرة) !!
صفحة بعنوان (كيف تصبح جلابيا تائبا ؟) يحررها كمال بشاشا ... ( بعد ما يحررا بيمشي يحرر العبيد السود من متابعة أسيادم المصريين والكارهين نفسهم) !!
صفحة بعنوان (كيف تجرد عدوك وتعريه زي ما ربنا خلقو) يحررها ويعريها لنا البروف خالد دافنشي !!
صفحة بعنوان ( الخمرة والدخان وتاثيرها على جودة مكيف الديوان) يحررها ويجلس فيها الاستاذ ناصر محمد خليل !!
صفحة بعنوان (نسأل الله السلامة) يحررها الاساتذة إبراهيم بقال وعبد الفتاح وتعني( أو لا تعني) بشئون دارفور وقضاياه المرحلية (للأسف تجلطت فور خروجها من المطبعة) .. نسأل الله السلامة !!
دوحة الشعر صفحة يحررها معز عمر بخيت ومعتصم الطاهر وعبد الله إبراهيم الطاهر ونادية عثمان وإيزابيلا ..
(ترجمات ).. صفحة يكتبها ويترجمها عثمان محمد صالح تعني يشئون ترجمة الاعمال الغربية والأوروبوشرقية ..
صفحة بعنوان (أحفظ أشعار نزار قباني غصبا عنك) يحررها ويقرأها ويحفظها (جو عينا) الدكتور مصطفى محمود ..(اللهم احفظنا) !!
صفحة بعنوان (كيف تتصدى للمغارس؟) تحررها وتكتبها وتتصدى لها الدكتورة بيان ..
صفحة بعنوان (ما قلتو نوبة) يحررها ويكتبها الناس القالوا نوبة ..
صفحة بعنوان (كيف تمتلك اكثر من إسم دخول للمنبر العام ؟) حررها وفصل بسببها علي عبد الرحمن الزين ورودا مردا و رندا منصور ولا زال البحث جاريا عن من يخلف هؤلاء لتحرير الصفحة ..
صفحة بعنوان (يساريون اخر زمن) حررها ويحررها معتز تروتسكي !!
(كاريكاتبرات) يحررها ويرسمها مصدق وصلاح شكوكو ...
شنكل :
صفحة بعنوان (شناكل وصنافر) يحررها شخصي الضعيف !!
| |
|
|
|
|
|
|
Re: مجلة سودانيز أون لاين الان بالاسواق (النسخ غير محدودة) !! (Re: ناذر محمد الخليفة)
|
ناذر الله يديك العافية ..الليلة ضحكت لما اكتفيت وحا اضحك لفترة طويلة قادمة .. وعلي ذكر التلاتة اشخاص ..اتذكرت حكمة جميلة قالها لينا التعلمجي في الخدمة الوطنية في الادارة الليلة ... الرجل بعد ما ضرب العبابير جا وشدانا شدة عدوك .. وافتتح المحاضرة بالتالي
.. نابليون لما استشهد ورث العسكرية للمدفعية ...(اصلو كان من سلاح المدفعية) وفي المدفعية المدفعية عطبرة ... ونحن طبعا في سرنا يامهون القواسي .. خلي الليلة دي تعدي علي خير
واردفها بالحكمة المعهودة اهم خمسة حاجات في العسكرية
تلاتة
الضبط والربط
| |
|
|
|
|
|
|
Re: مجلة سودانيز أون لاين الان بالاسواق (النسخ غير محدودة) !! (Re: Firdouse)
|
فردوس سلامات ..
Quote: Don’t you think you are being misogynist!!! Or you can't bear getting into fights with males. Your mentality is picking the weakest link, silencing females is easier. I think there are more males trouble makers than females in this board and you are smart enough to be clued-up |
بشاشا مسميني (كاره نفسو) إنتي كمان هسي سميتيني (كاره النساء) والله دي مصيبة دي
القصة ما فايتنق ولا بطيخ .. بس كل الشغلة عندها علاقة بالدوكة والمعراكة وإتخايلي دي شغلة نسوان ما رجال .. بعدين التلاتة الكتبتهم ديل علاقتي بيهم كويسة يعني القصة بس دعابة أو مشاغلة من جانبي تجاهم ..
وهسي لو قريتي باقي الابواب حا تلقي أنا كتبت اسماء لرجال هم برضو بتاعين مشاكل في البورد لكن زي ما قلت (أي زول حسب تخصصو في الشكل) ..
REGARDS
| |
|
|
|
|
|
|
Re: مجلة سودانيز أون لاين الان بالاسواق (النسخ غير محدودة) !! (Re: ناذر محمد الخليفة)
|
Quote: صفحة بعنوان (الدوكة والمعراكة ) يحررها( ويمعركها) ثلاثة اعضاء هم : 1/ تراجي مصطفى 2/ هنادي يوسف 3/ أمنة مختار 4/ شروق علي فضل
وتعني بكل ما له علاقة بالدوكة والمعراكة في المجلة وما اظن دي دايرا شرح !! |
يا ناذر ممكن الواحد يكتب باسم تنكري.. ويقبض راتبين.. بدون محاسبة لإنتحال الشخصية..
في حالة الأنموذج بتاع الدوكة والمعراكة والمشروح بعاليه واضحة المسألة.. وما بتحتاج لشرح..
أرجو التوضيح..
| |
|
|
|
|
|
|
Re: مجلة سودانيز أون لاين الان بالاسواق (النسخ غير محدودة) !! (Re: ناذر محمد الخليفة)
|
الشايقي إنت شغال في البترول ولا شنو !!!!!
شابكنا مكرر مكرر مكرر ... كررت لينا الصفحة لمن طلعت نيكوتين
Quote: صفحة خدمات الماتشـن وعقود (التزويج)
الفنان أحمد العربي, يعاونه
صادق البوصيري , انعام عبد الحفيظ , منى خوجلي , عمر عبد الخالق وآخرين....
|
اي والله دي نسيتا ..
بعدين بسأل من الزولة الإسمها إيمان صالح .. ما قابلتك كدي ولا كدي !!
| |
|
|
|
|
|
|
Re: مجلة سودانيز أون لاين الان بالاسواق (النسخ غير محدودة) !! (Re: ناذر محمد الخليفة)
|
محمد علي سلامات ..
Quote: سلامات الكاشف اخوي المجلة دي حتوزعوها وين باقى اليومين ديل في مشاريع تشغيل الخريجين بدعمو الخريج شان يفتح ليه مكتبة
|
لا لا ما تلخبط .. مجلتنا دي بنوزع نفسها بي نفسها !!
يعني أي واحد كتب ليهو مقال فيها او حلرر ليهو باب فيها حا نديهو 20 عدد يمشي يوزعم ويبيعم بي طريقتو
أما الخريجين ديل خليهم يرجو الدولة
شنكل :
إنت نسيت انو المجلة (شراكة خاصة) ولا شنو
| |
|
|
|
|
|
|
|