|
|
|
 Re: جمعية الصداقة السودانية الإسرائيلية فرع الخرطوم !!! (Re: ناذر محمد الخليفة)
|
عبد المحسن سلامات ...
| Quote: ودالخليفه سلام ده شنو البتعمل فيه ده ياناذر والله الكلام ده مابشبهك |
يا زول قول بسم الله وما تتشنج !!
إنت قريت العنوان بس ورديت ولا شنو ؟!! كدي أقرا تاني بتمعن ..
كلنا أخوان في الإنسانية يا زول ..
صنفرة :
ما عندك أغنية للفنان الإسرائيلي إفرايم شاتيلا عشات تنزلا لي خلفية في البوست دا !!
| |
 
|
|
|
|
|
|
|
|
Re: جمعية الصداقة السودانية الإسرائيلية فرع الخرطوم !!! (Re: ناذر محمد الخليفة)
|
ود الفكي :
Quote: بغض النظر فرابطة العالم الاسلامي ومنظمة الدول الاسلامية تعتبرها ارض اسلامية محتلة ينطبق علي محتلها ما ينطبق علي اسرائيل.
|
خليني من رابطة العالم الإسلامي ومنظمة الدول الإسلامية ديل !!
ما برضو في رابطة العالم الهندوسي ومنظمة الدول البوذية بيعتبروها أرض هندية ؟!!
انا كنت داير إتكلم من ناحية تاريخية بحتة بحكم دراستي للتاريخ الهندي والاديان الهندية .. وعلى كل حال دا ما موضوعنا عشان ما نطلع من الخط !!
تسلم وتابع معاي .
| |
|
|
|
|
|
|
|
|
|
Re: جمعية الصداقة السودانية الإسرائيلية فرع الخرطوم !!! (Re: ناذر محمد الخليفة)
|
الأخ العزيز الأستاذ ناذر الخليفة:
لك التحية و التقدير و المودة و الإحترام في الحقيقة أود أن أقول بأن مثل هذا الطرح لايشبهك يا أستاذ ناذر وأنت رجل وقور وذو خلق عالي ودين ومبادئ سامية و أردت أن أقول ذلك لأنني أحترمك كثيرآ و أقدرك وأنا لا أتداخل مع أي شخص فأنت ودبلد أصيل ومثل هذه الأطروحات بالذات في شهر ذي الحجة المحرم عمل لايشبهك.
ولك مودتي
| |
|
|
|
|
|
|
|
|
|
Re: جمعية الصداقة السودانية الإسرائيلية فرع الخرطوم !!! (Re: ناذر محمد الخليفة)
|
شاهين مشتاقين !!
Quote: انا ضد اى تطبيع مع العدو الصهيونى .
من اجل حل شامل وعادل للقضية الفلسطينية .
من اجل الدم الفلسطينى الذى تدفق فى الشوارع وفنادق المهجر .
لنرفع الصوت عاليا ضد محاولة تسلل الصهاينة الى العقل السودانى .
ليسقط المشروع الصهيونى النازى والفاشى معا .
ولترتفع راية الدولة الفلسطينية عالية وخفاقة .
لا للتطبيع .. لا للسلامالعاجز والناقص مع العدو الصهيونى .
نعم للحق العربى وللحل العادل والانسانى .
ولتمضى مسيرة النضال والمقاومة حتى اخر فرد فى الشعب الفلسطينى .
شاهين محمد سليمان شاهين .
عضو/ حركة القوى الجديدة الديمقراطية (حق) . |
والله لو ما بعرفك كنت حا أقول إنت وحسين يوسف أحمد شخصية واحدة !!
هسي نقوم نركز في دي لأنها جديدة :
Quote: لنرفع الصوت عاليا ضد محاولة تسلل الصهاينة الى العقل السودانى .
|
نحن هسي يا شاهين بصدد محاولة (تقريبا نجحت لي حد ما) تسلل بموجبها الصهاينة أو نقول الفكر الصهيوني أو حتى نستعمل تعبير (التطبيع المتبادل) بين شرائح معينة فيي السودان وإسرائيل ..
الفكرة كانت بوست إنكتب هنا في المنبر .. من البوست كبر الموضوع وجاء في الصحف السودانية وتطور لحدي بقى مقابلة في قناة واسعة الإنتشار زي قناة العربية وغتحول للنقاش في عدد من الصحف العربية والإسرائيلية ووجد قبول هنا في الخرطوم من قبل فئة متعلمة آمنت بي فكرة التطبيع مع الإسرائيلين بحجة (أخوان الإنسانية) ..
فكرة الجمعية دي عبارة عن كورة ثلج بدت صغيرة وإتدحرجت لحدي ما كبرت ولسه متدحرجة وممكن تاخد زمن طويل في الدحرجة يمتد لي سنوات وسنوات محطمة ومجتاحة كل القداما وحا ترسخ لي مفاهيم جديدة من ضمنها زي ما قلت يا شاهين (تسلل الصهاينة الى العقل السودانى ) !!
فهل الناس أو الشعب السوداني ممكن يتهيأ نفسيا أو هو الأن في مرحلة غسيل مخ بواسطة الجمعية (كرة الثلج) دي . عشان في المدى الطويل يقبل بالتطبيع والتعامل مع الدولة الإسرائيلية ؟؟
دا السؤال !!!
| |
|
|
|
|
|
|
|
|
|
Re: جمعية الصداقة السودانية الإسرائيلية فرع الخرطوم !!! (Re: ناذر محمد الخليفة)
|
الأخ كامل محمد ..
Quote: الأخ العزيز الأستاذ ناذر الخليفة:
لك التحية و التقدير و المودة و الإحترام في الحقيقة أود أن أقول بأن مثل هذا الطرح لايشبهك يا أستاذ ناذر وأنت رجل وقور وذو خلق عالي ودين ومبادئ سامية و أردت أن أقول ذلك لأنني أحترمك كثيرآ و أقدرك وأنا لا أتداخل مع أي شخص فأنت ودبلد أصيل ومثل هذه الأطروحات بالذات في شهر ذي الحجة المحرم عمل لايشبهك.
|
وين الطرح دا يا كامل ؟
أنا ما طرحت حاجة أنا بناقش بي أسلوبي الخاص قضية مطروحة في الساحة وأثارت جدل شديد وهسي هي موضوع النقاش .. يعني الطرح ما بتاعي أنا لكن داير أناقشو مع الجماعة المعنيين يا أقنعونا يا أقنعناهم يابقينا معاهم يا بقو لينا معينا ، يا عملنا كلنا كدة سوا وصلينا !!
كدي أقرا البوست تاني يا كامل وما تتسرع !!
| |
|
|
|
|
|
|
|
|
|
Re: جمعية الصداقة السودانية الإسرائيلية فرع الخرطوم !!! (Re: ناذر محمد الخليفة)
|
خالد خليل ..
الرد بتاعك دا ما شفتو والله إلا هسي :
Quote: الصديق الجميل/ناذر
تشكر على هذا الاطراء والذى أعتز به كثير عزيزى ناذر.
اما عن سؤالك,فدعنى اوضح لك ان الجمعيه هى الى الان فى طور البناء والتشيد ومعادلات المخاض الاولى,وهى للامانه تبحث لها عن تربه فى المناخ الاجتماعى السودانى غير المتساهل مع الفكره كما اسلفت ,وذاك لعده اسباب ذكرت بعضها فى مداخلتى.والتمترس من قبل المجتمع السودانى ضد اى فكره للتطبيع الاجتماعى مع اسرائيل مرده للتجيش الاعلامى ضد اسرائيل وهو مفهوم عندك طبعا,وكما اسلفت ايضا كل المبررات التى يستند عليها المتمترسين ضد الفكره هى اوهن من خيط العنكبوت,,وبقليل من المساجلات الموضوعيه البعيده عن الغلو ستستبن.
اما بخصوص قبول الفكره للامانه ومن خلال محاورات مع مجموعه من الطلاب وجدت قبول إدهشنى ياناذر.ولكن السؤال الموضوعى هو عن امكانيه الخروج بالفكره من جغرافيا الصفوه الطلابيه وإنزالها الى تربه المجتمع يبقى هذا هو التحدى الكبير جدا للجمعيه ان ارادت التمدد وتشيكل لوبى مجتمعى.
اما بخصوص انتشار الفكره وقبولها خارج ابناء دارفور,دعنى اوضح لك أن الجمعيه لا تراهن على مجاميع عرقيه معينه.تستهدف كل السودانيين بدون سقف عرقى معين.والمفارقه أن كل الذين تجاوبوا مع فكره الجمعيه من الطلاب لا ينتمون الى دارفور,ومعظمهم من الشمال والوسط.
اخيرا اتمنى ان يتواصل الحوار الموضوعى لنستفيد من كل الارء سوى كانت مؤيده للفكره أو على الضد منها.............ولك كل الود |
ركزوا يا أخوانا في كلام أخونا خالد دا كويس وأعملو (فوكص) لي الجملة دي :
| Quote: اما بخصوص قبول الفكره للامانه ومن خلال محاورات مع مجموعه من الطلاب وجدت قبول إدهشنى ياناذر |
وصحبي خالد دا أنا بعرفو كويس وزول ما بيندهش بالساهل كدة !! وبما إنو قال الجمعية وجدت قبول أدهشو .. فإندهاشو ليو ما يبررو والمفروض كل الناس تندهش معاو بغض النظر عن نظرة البعض للإندهاش دا وتعاملو مع الموضوع !! فطالما الدهشة الجات لي خالد من منطلق إنو الفكرة وجدت قبول وحتى من غير أبناء دارفور فالأحرى إنو الإندهاش يعم عند المعارضين لي فكرة الجمعية ودرجة قبول الطرح وسط المثقفين في جامعة النيلين الأنا زاتي مندهش إنهم ما إندهشو للطرح بمعنى أنو جذء كبير منهم كان مهيأ نفسياً أو محبط فما إندهش لمن لقى طرح الجمعية دي وطوالي أيد الفكرة وتفاعل معاها ودا من وجهة نظري الخاصة ما مدهش ولا شيتين !!
يا جماعة ما تندهشو وتطيرو عيونكم وإنتو بتقرو في تعليقي الفوق دا .. فقد مضى زمن الدهشة والكان أول في زمنو بقى التاني في زمن غيرو ..
انا شخصياً ليس هنالك ما يدهشني على الإطلاق من قبول بعضا من طلاب الجامعات للطرح دا !
(نواصل بعد أن نفيق وإياكم من الدهشة) !!
| |
|
|
|
|
|
|
|
|
|
Re: جمعية الصداقة السودانية الإسرائيلية فرع الخرطوم !!! (Re: ناذر محمد الخليفة)
|
Quote: صنفرة :
بس أنا لحدي هسي ما عارف هل ناس عقد الجلاد هم الـ لطشوا الغنية دي وترجموها للعربية بحزافيرا ولا سونيا جراهام إيلات هي اللطشت الغنية وترجمتا للعبرية بدون حزافير !! وشاعر الغنية مجهول ودا كلو لعدم إلمام الشعب السوداني بالمشهد الثقافي الإسرائيلي !! |
ناذر..صباحاتك خير أو مساءاتك حسب الوكت عندك
أضحكتني الصنفرة الساخرة ..
| |
|
|
|
|
|
|
|
|
|
Re: جمعية الصداقة السودانية الإسرائيلية فرع الخرطوم !!! (Re: Ahmed Abdallah)
|
السفير الإسرائيلي الجديد في أثينا عربي مسلم
اثينا ـ «الشرق الاوسط»: سلم السفير الاسرائيلي الجديد في اثينا علي يحيى اوراق اعتماده الى الرئيس اليوناني كارلوس بابولياس، وهو اول سفير عربي ومسلم لدولة اسرائيل لدى اثينا. وبحسب بيان صادر عن السفارة الاسرائيلية في اثينا، فان يحيى مولود عام 1947 وهو مسلم ينتمي الى الاقلية العربية في اسرائيل، ويعتبر من ابرز الشخصيات ذات الوزن السياسي من اصل عربي في اسرائيل، اذ عمل سفيرا لها لدى فنلندا بين عامي 1995 و1999، كما عمل في بعثة اسرائيل لدى الامم المتحدة. وعمل يحيى في السابق مدرسا للغة العربية والحضارة في جامعة تل ابيب والجامعة العربية بالقدس، وهو معروف بجهوده من اجل دفع عملية السلام بين اسرائيل والعرب
 ???????????????????
| |
|
|
|
|
|
|
|
|
|
Re: جمعية الصداقة السودانية الإسرائيلية فرع الخرطوم !!! (Re: ناذر محمد الخليفة)
|
أخي العزيز ناذر :
Quote: هاني كيفك ..
Quote: ما المشكلة في أن تكون هناك علاقات بين السودان و إسرائيل؟
رسول الله صلى الله عليه و سلم تحالف مع اليهود و عاش معهم داخل مدينة واحدة
قبل ما نمشي لي قدام :
كلامك دا نعتبرو راي شخصي ولا فتوى شرعية !؟
شنكل :
أوعى كمان تكون (بتفتي ساي) !! |
هنا اتكلم عن رأي شخصي , و شخصي جدا ,,,و لا اتدخل في آراء أهل الإفتاء
فأنا لا أدعى حدا أدنى من المعرفة التي تؤهلني للفتوى.
عندما اتى النبي محمد صلى الله عليه و سلم إلى المدينة و وجد اليهود ...
هل قال أن اليهود هم قتلة الأنبياء ووووو و أمر بطردهم ؟؟؟؟؟
لقد تعايش معهم كأمر واقع موجود.
و نحن اليوم نتعايش مع أسرائيل كأمر واقع موجود.
نعم ليس من حق اسرائيل ان تبهدل و تعذب الشعب الفلسطيني.
لكن ايضا من الطبيعي ان تكون هناك علاقات سياسية بين اسرائيل و اي دولة في العالم
بما فيها السودان .
اعود اليك اخي
| |
|
|
|
|
|
|
|
|
|
Re: جمعية الصداقة السودانية الإسرائيلية فرع الخرطوم !!! (Re: ناذر محمد الخليفة)
|
تسلم يا عبد الباقي ..
Quote: سلم السفير الاسرائيلي الجديد في اثينا علي يحيى اوراق اعتماده الى الرئيس اليوناني كارلوس بابولياس، وهو اول سفير عربي ومسلم لدولة اسرائيل لدى اثينا. وبحسب بيان صادر عن السفارة الاسرائيلية في اثينا، فان يحيى مولود عام 1947 وهو مسلم ينتمي الى الاقلية العربية في اسرائيل، ويعتبر من ابرز الشخصيات ذات الوزن السياسي من اصل عربي في اسرائيل، اذ عمل سفيرا لها لدى فنلندا بين عامي 1995 و1999، كما عمل في بعثة اسرائيل لدى الامم المتحدة. وعمل يحيى في السابق مدرسا للغة العربية والحضارة في جامعة تل ابيب والجامعة العربية بالقدس، وهو معروف بجهوده من اجل دفع عملية السلام بين اسرائيل والعرب
|
أها يا جماعة شوفو الحاصل .. دل للجماعة القالو إسرائيل عنصرية وكدة!!
هسي لكن زي السفير دا لو جابوهو في دولة إسلامية (ما عربية) وناسو أمروهو بي مهام إستخباراتية تضر بالدولة دي وتشوه صورة الإسلام .. حا يعمل شنو ؟!!
| |
|
|
|
|
|
|
|
|
|
Re: جمعية الصداقة السودانية الإسرائيلية فرع الخرطوم !!! (Re: ناذر محمد الخليفة)
|
محمد أبو الريش ..
| Quote: حتى تكتمل الصورة .. والأمانة تقضي أن تشير إلى أن الكم نفر هم أجداد الفلاشا!! |
حريف والله أهنيك على المتابعة ..
القصة الأنا سردتها فوق دي فيها تاريخ الجماعة ديل كلهم وحتى محاولاتم لتكوين ما نسميهو( جمعيات صداقة) من اقدم العصور لحدي هسي وحتى محاولات التطبيع الثقافي الفني بينم وبين العرب وإنتهاء بالمطربة الصاعدة (سونيا جراهام إيلات) وضربهم على مسمار المحرقة وأفران الغاز (التركية) !!
صنفرة :
تعبنا من الكتابة المباشرة ناس (سلمى يا ظالمة) وقلنا أحسن نكتب زي ناس (مريم المجدلية) !!
تسلم كتير يا أبو الريش ..
| |
|
|
|
|
|
|
|
|
|
Re: جمعية الصداقة السودانية الإسرائيلية فرع الخرطوم !!! (Re: ناذر محمد الخليفة)
|
هاني عربي ..
Quote: نعم ليس من حق اسرائيل ان تبهدل و تعذب الشعب الفلسطيني.
لكن ايضا من الطبيعي ان تكون هناك علاقات سياسية بين اسرائيل و اي دولة في العالم
بما فيها السودان .
|
أنا إتخايل لي الجمعية دي زي المختلفة مع حكومة إسرائيل وبتؤمن بي بشاعتا وظلمها للفلسطينيين لكن هي دايرة بس تعمل علاقة مع الشعب الإسرائيلي مش حكومتو !!
غايتو المعادلة صعبة جدا لو إعتقادي دا صحيح !! يا ريت لو يجينا خالد بحر يحل لينا الغلوتية دي !!
| |
|
|
|
|
|
|
|
|
|
Re: جمعية الصداقة السودانية الإسرائيلية فرع الخرطوم !!! (Re: ناذر محمد الخليفة)
|
راشد الحاج ..
Quote: أم أنكم تريدون أن تكونوا فلسطينيون أكثر من الفلسطينيين أنفسهم !!!....سبحان الله ...
|
يا أخهوي اللخبتة لزوما شنو !!
ديلك عندهم مشاكل في بلدم الفلسطينيين والإسرائيليين سوا ومضطرين يقعدو مع بعض ويسالمو بعض وينافقو بعض عشان يلقو ليهم حل !!
يعني دا كلام سياسة والشعوب ما عندها علاقة بيو !!
أنحنا اللسودانيين ديل ذنبنا شنو ؟
بعدين قضية جمعية الصداقة دي زي ما إنت عارف بتدعو للصداقة بين الشعبين بغض النظر عن الحكومات .. ونظريتا ما اظن عندها علاقة بالسياسة زاتو !!
شالوم !!!
| |
|
|
|
|
|
|
|
|
|
Re: جمعية الصداقة السودانية الإسرائيلية فرع الخرطوم !!! (Re: ناذر محمد الخليفة)
|
هل الشعب السوداني (الفضل) في ظل وضعو الحالي وظروف عدم الإستقرار السياسي والإجتماعي وفي ظل حكومة لا زالت شمولية ولا زالت بي نفس حطابا الراديكالي القديم الإتشبع بيهو الشعب من اخمص قدميهو لحدي جو مناخيرو ممكن يتعايش نفسيا مع الشعب اليهودي ولا أحسن المنظرين بتاعين الجمعية دي ينتظروا لما بعد الإنتخابات لحدي ما تتحسن الأوضاع (والنفسيات) ودرجة القبول إحتمال تكون أكبر ؟
| |
|
|
|
|
|
|
|
|
|
Re: جمعية الصداقة السودانية الإسرائيلية فرع الخرطوم !!! (Re: خالد خليل محمد بحر)
|
عزيزى/ناذر
ما المانع الموضوعى من إنشاء جمعيه تهدف لمد جسور الاخاء والصداقه مع شريحه من الشعب الاسرائيلى يؤمن بقيم الانسانيه والصداقه,,ويدين مثلنا الجرائم التى ترتكبها الحكومه الاسرائيليه ضد العزل والابرياء من ابناء الشعب الفلسطينى...ما المانع من السعى لمحاوله انسنه الصراع العربى الاسرائيلي من خلال الضغط على الحكومه الاسرائيليه بنبذ العنف..والضغط على الحركات المسلحه فى فلسطيين بعدم التعرض للمدنين..(ناذر الاستماع لاغانى إسرائيليه هو تطبيع ثقافى).....ولى عوده
| |
|
|
|
|
|
|
|
|
|
Re: جمعية الصداقة السودانية الإسرائيلية فرع الخرطوم !!! (Re: ناذر محمد الخليفة)
|
ود بحر ..
| Quote: اتمنى ان تقدم نقد موضوعى لفكره الجمعيه لنستفيد منه..لاننا نرى ان الحقيقه بنت المناقشه.بدلا من اخذ التعاطى مع الموضع بالتهكم الذى لا يشبه كتاباتك ... |
لا تهكم لا بطيخ .. كل القصة إنو أسلوبي دا مباشر جدا وبيوصل الفكرة بصورة أسرع وزي ما شايف النقاش وصل مرحلة متقدمة جدا ..
إنت كدي واصل في طرح فكرتك ومفهوميتك .. أهو الناس بتقرا ومتابعة معاك ومعاي ..
شنكل :
| Quote: الحقيقه بنت المناقشه |
بنتها الشرعية ولا بالتبني !!
| |
|
|
|
|
|
|
|
|
|
Re: جمعية الصداقة السودانية الإسرائيلية فرع الخرطوم !!! (Re: ناذر محمد الخليفة)
|
خالد ..
| Quote: ما المانع الموضوعى من إنشاء جمعيه تهدف لمد جسور الاخاء والصداقه مع شريحه من الشعب الاسرائيلى يؤمن بقيم الانسانيه والصداقه,,ويدين مثلنا الجرائم التى ترتكبها الحكومه الاسرائيليه ضد العزل والابرياء من ابناء الشعب الفلسطينى...ما المانع من السعى لمحاوله انسنه الصراع العربى الاسرائيلي من خلال الضغط على الحكومه الاسرائيليه بنبذ العنف..والضغط على الحركات المسلحه فى فلسطيين بعدم التعرض للمدنين..( |
أنا ما قلت حاجة .. البوست دا اساسا عشان نحدد ونشوف لو في مانع ولا مافي ..
| Quote: ناذر الاستماع لاغانى إسرائيليه هو تطبيع ثقافى |
تطبيع من طرف واحد لاني ما أظن الإسرائيليين سمعو بي فنانة إسمها مريم عضلات او فنان إسمو حمادة بت !!
| |
|
|
|
|
|
|
|
|
|
Re: جمعية الصداقة السودانية الإسرائيلية فرع الخرطوم !!! (Re: ناذر محمد الخليفة)
|
سلام ياود الخليفه
وكل سنه وانت طيب
والقابله معاك العروس
| Quote: ما المانع الموضوعى من إنشاء جمعيه تهدف لمد جسور الاخاء والصداقه مع شريحه من الشعب الاسرائيلى يؤمن بقيم الانسانيه والصداقه,, |
( الشعب الاسرائيلي ) العايزين تعملوا معاهو صداقه دا لازم نعرفوا اولا:
( الشعب الاسرائيلي ) = ( اليهود اللي جمعوهم من كل انحاء الدنيا واحتلوا
ارض بشر تانين وسحقوا شعب واقاموا دوله على انقاضه )..
( البشر التانين) ديل اسمهم الفلسطينين .. وهم برضو ( اخوانكم في الانسانيه) ولا ما كدا؟؟!!
يعني لو جا اليهود واحتلوا السودان وشردوا اهله ..
هل بترضى انو المصريين يجو ويعملوا صداقه مع اليهود الطالعين
في رقبة الشعب السوداني ؟؟ ..( لا قدر الله )..
وهل صداقه زي دي ما بكون فيها دعم للمحتَل على المحتلين؟؟؟
| |
|
|
|
|
|
|
|
|
|
Re: جمعية الصداقة السودانية الإسرائيلية فرع الخرطوم !!! (Re: ناذر محمد الخليفة)
|
عبد المطلب ..
والله بقيت كل ما أشوف إسمك في حتة طوالي بتذكر عبد المطلب الفحل بتاع الإذاعة السلاق ديك !!
Quote: الشعب الاسرائيلي ) العايزين تعملوا معاهو صداقه دا لازم نعرفوا اولا:
( الشعب الاسرائيلي ) = ( اليهود اللي جمعوهم من كل انحاء الدنيا واحتلوا
ارض بشر تانين وسحقوا شعب واقاموا دوله على انقاضه )..
( البشر التانين) ديل اسمهم الفلسطينين .. وهم برضو ( اخوانكم في الانسانيه) ولا ما كدا؟؟!!
|
إنت من زمن أخوان الإنسانية والفلسطينيين ؟! الشغلة بقت مصالح يا أخوي يعني هسي لو ناس الجمعية ديل عملوا جمعية صداقة سودانية فلسطينية حا يستفيدوا شنو ؟ والفلسطينيين حا يفيدو الجمعية بي شنو ؟
الشغلة سياسة ومصالح متبادلة بالإضافة لي فش غبينة ومكاواة للعرب عشان تجاهلو أزمة دارفور في الإعلام الرسمي بينما اليهود إتفاعلوا معاها في الإعلام والمسيرات والذي منو !!
Quote: يعني لو جا اليهود واحتلوا السودان وشردوا اهله ..
هل بترضى انو المصريين يجو ويعملوا صداقه مع اليهود الطالعين
في رقبة الشعب السوداني ؟؟ ..( لا قدر الله )..
وهل صداقه زي دي ما بكون فيها دعم للمحتَل على المحتلين؟؟؟
|
الأسئلة دي يا عبد المطلب يا اخوي بتصنف من ضمن الأسئلة التعسفية لأنها كلها مبنية على إفتراضات ما ممكن تحصل (في نظر الجمعية مش نظري أنا) ..
يهود شنو اليحتلو السودان وأنحنا بينا وبينم جمعيات صداقة ومصالح متبادلة وقاعدين نسمع هسي في أغنية شالوم للمطربة سونيا جراهام إيلات !!
ومصريين شنو البيعملو صداقة مع اليهود !! إنت ما جاك خبر إنو السادات كتلوهو وكامب ديفيد راحت شمار في مرقة ولا شنو ؟!!
شنكل:
بس أنا لحدي هسي ما عارف هل ناس عقد الجلاد هم الـ لطشوا الغنية دي وترجموها للعربية بحزافيرا ولا سونيا جراهام إيلات هي اللطشت الغنية وترجمتا للعبرية بدون حزافير !! وشاعر الغنية مجهول ودا كلو لعدم إلمام الشعب السوداني بالمشهد الثقافي الإسرائيلي !!
| |
|
|
|
|
|
|
|
|
|
Re: جمعية الصداقة السودانية الإسرائيلية فرع الخرطوم !!! (Re: ناذر محمد الخليفة)
|
ناصر خليل ..
شرفت البوست والله !! وينك يا راجل ؟
انا جد سعيد يكون معاي هنا الشباب ناصر خليل وخالد خليل .. بتفاءل جدا بالأسماء المشتركة الذي دي خاصة والإتنين مفهوميتم واحدة وفكرتم واحدة تجاه الجمعية دي ،، دا غير إشتراكم في حاجات كتيرة تانية!!!
المهم ... نخش في الموضوع ..
Quote: أرجو أن تجاوب صراحة بعيدا عن الغضب أو التهكم أو السخرية
|
لا لا ياخي !! تهكم شنو وبطيخ شنو وسخرية شنو البتقول عليها !!
الله لا جابا بيناتنا يا زول يا طيب .. إنت زول عريس وما دايرك تزعل مني تقوم تزعل العروس برضو 
شنكل :
بس أنا هسي مستعجل حبتين وطالع مشوار .. بجيك بعدين اجاوبك .. سمح !!
| |
|
|
|
|
|
|
|
|
|
Re: جمعية الصداقة السودانية الإسرائيلية فرع الخرطوم !!! (Re: ناذر محمد الخليفة)
|
الاخ ناذر
قد تضيف هذه المداخلة شيئا لحواركم
Quote: لعدد رقم: 408 2006-12-26
بالمنطق
ولكني أحب إسرائيل في الجانب هذا..!!!
صلاح الدين عووضه
كُتب في: 2006-12-26
[email protected]
عنوان مثير ذلك الذي اختاره الأستاذ محجوب عروة لكلمته يوم الأول من أمس.. (أنا أعترف بإسرائيل).. ولكنه تحت العنوان ذاك ركب الموجة نفسها التي يركبها الآخرون من لدن (احنا حنرمي إسرائيل في البحر) وحتى (تعالوا نتفاكر سوا في كيف نحلي مياه البحر).. فإسرائيل وُجهت لها دعوة (عربية!!) قبل أيام للمشاركة في مؤتمر ينظر في أمر تحويل مياه البحر من مالحة إلى عذبة سائغة للشاربين..
وعروة لم يخطئ بالطبع.. ولا الآخرون.. فاليهود ما (بتحبوا) ولكن نظامهم السياسي (يتحب).. ثم هو جدير بأن (يُعترف به) بمثلما نعترف بنبي الله إسرائيل على النحو الذي أشار إليه الأستاذ عروة في كلمته تلك...
فالنظام السياسي السائد في دولة إسرائيل هو نظام ديمقراطي؛ لا شمولي.. ولا دكتاتوري.. ولا آحادي.. ولا (اقصائي!!).. ماذا يريد أي إنسان حر أكثر من ذلك؟!.. صحيح أن إسرائيل هي بخلاف ذلك حين يتعلق الأمر بغير مواطنيها.. بالآخرين.. بالعرب.. هي في اللحظات هذه دولة منزوعة منها الرحمة.. ولكن العرب هؤلاء منزوع من أغلب ساستهم الرحمة حين يكون تعاملهم نحو الداخل.. نحو مواطنيهم.. أما تجاه إسرائيل – أو أي متحدٍ خارجي - فهم (رحيمون) إلى حد الـ(مسكنة).. أي أنهم اسود على شعوبهم وفي الحروب نعام...
القرآن الكريم حين يصف المسلمين – في سورة الفتح - فيما يلي قضيتي الـ(رحمة) والـ(شدة) يقول: (محمد رسول الله والذين معه أشداء على الكفار رحماء بينهم تراهم ركعاً سجداً يبتغون فضلاً من الله ورضوانا).. أي أن ذلك ما يجب أن يكون عليه حال المسلمين.. رحمة فيما بينهم .. غلظة وشدة على الآخرين.. ولكن ساستنا العرب – والذين هم (مسلمون).. أو يفترض- عكسوا الـ(آية).. تراهم عنيفين، قاسين، شرسين؛ سواء فيما بينهم كحكام.. أم تجاه شعوبهم.. ثم تراهم رحماء، ضعفاء، (عقلاء!!) تجاه إسرائيل..
واحدة من الدول العربية هذه – والتي تدعي الـ(عنترية!!)- فضحتها بعض أجهزة الإعلام الإسرائيلية حين كشفت عن فحوى رسالة سرية بعث بها قادتها إلى ايهود أولمرت قالت له فيها (كفاية لحد كدا.. تعالوا نتفاوض (سراً) حول أراضينا التي تحتلونها حتى إذا اتفقنا كان هذا عربوناً للـ(سلام!!) بيننا).. دولة عربية أخرى أرسلت (بطاقة دعوة) رقيقة إلى إسرائيل تدعوها إلى المشاركة في مؤتمر خاص بتحلية مياه البحر.. دولة عربية ثالثة سربت أمنيتها إلى قادة إسرائيل بأن تكون دولتهم عضواً في سوق شرق أوسطية مشتركة.. دولة عربية رابعة.. وخامسة.. وسادسة.. كلهم – إلا قلة - يخطبون ود إسرائيل سراً – أو حتى علناً - ويخفضون لها جناح الذل من الـ(رحمة!!)..
ليتنا – إذاً- كنا مثل إسرائيل.. وليتنا لم نكن مثلما عليه العرب الآن.. فإسرائيل دولة ديمقراطية تكفل التداول السلمي للسلطة.. وتحترم حقوق (إنسانها).. وتحاسب رئيسها على تحرش جنسي من جانبه بسكرتيرته.. وتواجه ابن رئيس وزرائها بسؤال (من أين لك هذا؟!).. وأنظمتنا العربية أغلبها أنظمة شمولية دكتاتورية (بوليسية).. تبطش بمعارضيها.. ولا تحترم حقوق (إنسانها).. ولا ترضى بصحافة حرة تقول لها اخطأت.. ولا تعترف بفساد أي من مسؤوليها.. وتقول لكل من يطمع في تداول سلمي للسلطة: (نجوم السما اقرب لك).. أو (لما تشوف حلمة اذنك).. أو (استلمناها بالقوة والعايزها فليستلمها بالقوة).. أو (شو يعني؟!، مو عاجبك (هكذا) حال؟!)..
لكل الأسباب أعلاه.. أنا أحب (نظام) إسرائيل الـ(سياسي)..
وأكره (أنظمة) العرب. |
| |
|
|
|
|
|
|
|
|
|
Re: جمعية الصداقة السودانية الإسرائيلية فرع الخرطوم !!! (Re: ناذر محمد الخليفة)
|
عصام الدين ..
تسلم على المقال الممتع
وأقتبس الفقرات دي من مقال الأستاذ عووضة Quote: ..واحدة من الدول العربية هذه – والتي تدعي الـ(عنترية!!)- فضحتها بعض أجهزة الإعلام الإسرائيلية حين كشفت عن فحوى رسالة سرية بعث بها قادتها إلى ايهود أولمرت قالت له فيها (كفاية لحد كدا.. تعالوا نتفاوض (سراً) حول أراضينا التي تحتلونها حتى إذا اتفقنا كان هذا عربوناً للـ(سلام!!) بيننا).. دولة عربية أخرى أرسلت (بطاقة دعوة) رقيقة إلى إسرائيل تدعوها إلى المشاركة في مؤتمر خاص بتحلية مياه البحر.. دولة عربية ثالثة سربت أمنيتها إلى قادة إسرائيل بأن تكون دولتهم عضواً في سوق شرق أوسطية مشتركة.. دولة عربية رابعة.. وخامسة.. وسادسة.. كلهم – إلا قلة - يخطبون ود إسرائيل سراً – أو حتى علناً - ويخفضون لها جناح الذل من الـ(رحمة!!)..
ليتنا – إذاً- كنا مثل إسرائيل.. وليتنا لم نكن مثلما عليه العرب الآن.. فإسرائيل دولة ديمقراطية تكفل التداول السلمي للسلطة.. وتحترم حقوق (إنسانها).. وتحاسب رئيسها على تحرش جنسي من جانبه بسكرتيرته.. وتواجه ابن رئيس وزرائها بسؤال (من أين لك هذا؟!).. وأنظمتنا العربية أغلبها أنظمة شمولية دكتاتورية (بوليسية).. تبطش بمعارضيها.. ولا تحترم حقوق (إنسانها).. ولا ترضى بصحافة حرة تقول لها اخطأت.. ولا تعترف بفساد أي من مسؤوليها.. وتقول لكل من يطمع في تداول سلمي للسلطة: (نجوم السما اقرب لك).. أو (لما تشوف حلمة اذنك).. أو (استلمناها بالقوة والعايزها فليستلمها بالقوة).. أو (شو يعني؟!، مو عاجبك (هكذا) حال؟!)..
لكل الأسباب أعلاه.. أنا أحب (نظام) إسرائيل الـ(سياسي)..
وأكره (أنظمة) العرب. |
| |
|
|
|
|
|
|
|
|
|
Re: جمعية الصداقة السودانية الإسرائيلية فرع الخرطوم !!! (Re: ناذر محمد الخليفة)
|
عزان سعيد ..
تعرف يا حبيب ..
الصور دي رغم بشاعتا بقت ما بتلقى رواج كبير في المنبر ولا هي وسيلة بتاعت إقناع أي طرف من الأطراف عشان يقبل او يرفض فكرة من خلال الصور .. دا بالتجارب المنبرية الحصلت هنا ..
يعني عاادي يجيج بعد شوية واحد من الجماعو ويرزع البوست بي صور من دارفور أفظع من دي ويقول ليك (ناس دارفور ديل ما مالين عينك ولا شنو ؟ ولا عشان ما عرب) !!!
عشان كدة خلينا في الكتابة والمجادلة أحسن ..
تشكر يا عزان ..
| |
|
|
|
|
|
|
|
|
 Re: جمعية الصداقة السودانية الإسرائيلية فرع الخرطوم !!! (Re: ناذر محمد الخليفة)
|
| Quote: صاحبنا المنافق قنع من خيراً فيها وفك اليهودي وأداهو شلوتين وكف وبنيتين في نخرتو وقال ليهو شتت من قدامي !! |
دقيقة.. دقيقة
الإجابة الصحيحة هى =إسم المنافق الشيخ أسد..الأختو الآنسة غزال
ولا هو السؤال شنو؟
ولا أنا جيت متأخر
.......................................................................................
تحياتي أخي ناذر وكل عام وإنت بخير ومتابعين بوستاتك من تييييييت لي شالوم
| |
|
|
|
|
|
|
|
|
|
Re: جمعية الصداقة السودانية الإسرائيلية فرع الخرطوم !!! (Re: Eng. Mohammed al sayed)
|
باش مهندس ..
Quote: دقيقة.. دقيقة
الإجابة الصحيحة هى =إسم المنافق الشيخ أسد..الأختو الآنسة غزال
ولا هو السؤال شنو؟
ولا أنا جيت متأخر
|
ايوة جيت متأخر .. البتاعات ديك في الأرشيف والغزالة عرسوها والأسد بقى رباطي حايم في الحلة وإيدو ماكلاهو ما عارف يسوي شنو 
شنكل:
| Quote: تحياتي أخي ناذر وكل عام وإنت بخير ومتابعين بوستاتك من تييييييت لي شالوم |
وإنت بخير يا محمد السيد والقابلة نشوفك عريس وشهر عسلك في تل ابيب !!
| |
|
|
|
|
|
|
|
|
 Re: جمعية الصداقة السودانية الإسرائيلية فرع الخرطوم !!! (Re: ناذر محمد الخليفة)
|
| Quote: وإنت بخير يا محمد السيد والقابلة نشوفك عريس |
آآآآآآمييييييييييييييييييين
بس أغسل ايدي من المشروع الحالي (كان مفترض يفتتح في هذا العيد ولكن تأخر إلي نهاية السنة الهجرية)
وإنشاء الله نتلاقي في الخرطوم بعد شهر
وأبدا رحلة البحث عن الغزال بس ماتجي معاي
نرجع لي موضوع البوست////
| Quote: وشهر عسلك في تل ابيب !! |
بتخت لي السم في الدسم!!!!
| |
|
|
|
|
|
|
| |
ناذر محمد الخليفة
Abdelmuhsin Said
Kamel mohamad
Yassir Tayfour
.gif)
خالد
Hani Arabi Mohamed
حيدر حسن ميرغني
Ahmed Abdallah
Abdulbagi Mohammed
محمد أبوالعزائم أبوالريش
.gif)
Rashid Elhag
خالد خليل محمد بحر
عبد المطلب خضر عبد المطلب
ناصر محمد خليل
عزان سعيد
bob
Bakhaf
ناصر البطل
فيس بوك
تويتر
انستقرام
يوتيوب
بنتيريست