حقيقة من يكتب بإسم بورداب الخرطوم !!

Quote: كل القصة يا صديق إني أنا المضبلن القدامك دا الرسلت لي بكري عشان يعمل لينا الإسم بتاع بورداب الخرطوم .. قول لي لييه ؟!! اوريك .. كل الشغلة إنو أنا لا حظت إنو بورداب الخرطوم في الفترة الفاتت نشاطم قل شديد وما في أي حركة .. كل الحركة كانت بتتم من قبل أفراد معينين من البورداب متحركين لي أغراض إنسانية زي موضوع غادة نوري وموضوع البت الجريدة عواطف وموضوع المرحوم مجدي النور .. ففكرت أطرح الموضوع دا للنقاش عشان أعرف لو الناس بتوافق ولا ما بتوافق إنها تكتب المشاريع الكبيرة بي إسم واحد يخلي الناس كلها تعرف الحاصل لينا شنو والعلينا شنو ، وطبعا كان الغرض بعد ما النقاش يتم تسليم الباصويرد لي اللجنة التمهيدية بتاعت بورداب الخرطوم تتصرف فيهو بحكم إنها المفروض تجهز لي جمعية عمومية او حاجة زي دي عشان كدة أنا سألت منها في كم بوست خلال الأزمة دي .. طبعا حا تقول لي يا أي بي سي دي لييه الموضوع دا ما كنت طرحتو بي إسمك براك ؟ صاح ؟ فأنا أقول ليك إنو انا إستعجلت ورسلت لي بكري عشان يرسل الباصويرد لأني كنت متاكد إنو بوست بي إسم (بورداب الخرطوم) حا يخلي كل البورداب يدخلو فيهو ، .. لكن بي إسمي ما ظنيت .. لأنو في ناس مكجنني لله في لله كدي لا دايرين يقرو بوستاتي لا يشوفو خلقتي وإذا الموضوع مشى لي قدام كان حا يقولو أنحنا إتجاوزناهم .. وبكري مشكور رسل الباصويرد لأنو إفتكرني شاورتكم أو متفق معاكم أو حاجة زي دي .. دي كل القصة يعني الحكاية لا فيها سوء نية لا سوء غرض لا بطيخ .. وبعد داك لمن لقيت الموضوع ما ماشي لي قدام طوالي رسلت لي بكري يحزف الموضوع والنيك نيم .. غلطان أنا يا أي بي سي دي ؟!!