عوض دكام يوم جاتو واحدة من بنات اهله زعلانة وبتحكي ليه: قالت ليه كنت راكبة عربيه مع واحد شغال فى الحكومة نظام فضل ظهر وكدا اسموا يونس النباح الذى اشتهر بتقديم التعليق السياسى بعد نشرة ثلاثة فى الاذاعة المهم الراجل دا سالنى رايك شنو فى حكومتنا قلتو ليها سجم ورماد نبزنى ونزلنى من عربيتو،
فرد عليها عوض دكام ليطيب خاطرها هو نبز خادم الحرمين الشريفين خلي انتي يا خادم العباسية ..!!
11-09-2009, 11:06 PM
ناذر محمد الخليفة ناذر محمد الخليفة
تاريخ التسجيل: 01-28-2005
مجموع المشاركات: 29251
قالو ابو داؤود مشى بيت فرح على اساس احياء حفل ، لاكنه وجد الفنان القدير المرحوم / خضر بشير واقف على المسرح ويغنى ومعروف المطرب خضر بشير انه ينفعل مع الغناء عندما وصل ابو داؤود ووجد هذا المنظر سحب ليهو كرسى وقعد يتفرج وهو زعلان جدا ، وكان امامه طفل واقف يشاهد فى المطرب خضر بشير قام ابو داؤود قاليهو ابعد كدة ولا كدة يا ولد ، اوعى تطير فيك شلوفة ولا اصبع يفلقك !
11-09-2009, 11:08 PM
ناذر محمد الخليفة ناذر محمد الخليفة
تاريخ التسجيل: 01-28-2005
مجموع المشاركات: 29251
دكام كان مدير مستشفى الاسنان وشالوه من المنصب .. وجابو مدير جديد واحد من اصحابو لقاهو بيتحاوم بى بره .. قال ليهو مالك يادكام حايم بى بره ...رد دكام .. ياخوى ماضرتى جوه مابقدر ادخل ( بيقصد المدير الجديد) ..
11-09-2009, 11:09 PM
ناذر محمد الخليفة ناذر محمد الخليفة
تاريخ التسجيل: 01-28-2005
مجموع المشاركات: 29251
قالوا يوم ابو داؤود كان شغال حفلة وانتهت متأخرة ناس العرس اصروا عليهم يبيتوا في بيت العرس وفي الصباح ابو داؤود بتسوك في الماسورة جات ماشة بي جنبه مرة كبيرة في السن قالت ليهو إمبارح العب ساهر بيكم يا ولدى.. قال ليها والله ياحاجة العتب على النظر !!
11-09-2009, 11:10 PM
ناذر محمد الخليفة ناذر محمد الخليفة
تاريخ التسجيل: 01-28-2005
مجموع المشاركات: 29251
ابوداؤد كان بغنى فى حفلة والصف الاول كان كلو جكس حجم عائلي كلو واحدة اسمن من التانية وبعد الاغنية الاولى قام الجماعة كوركو ليهو بالله يا استاذ فريع البان ...قام عاين ليهم وعاين للصف الاول...وقال ليهم فريع البان كيف مع شجر التبلدى بتاعكم دة !
11-09-2009, 11:12 PM
Kostawi Kostawi
تاريخ التسجيل: 02-04-2002
مجموع المشاركات: 39980
قالوا ابوداؤود كان شغال حفلة وبعد ما غني الفاصل الاول الجماعة نادوه للعشا فعلي حسب عادته قال عاوز يتعشي مع الجمهور قام قعد في طربيزة ومعاه مجموعة جات الصينية الاولي عاين فيها لقاها فقهة (رقبة)..عاين للصينية التانية برضو لقي الضلع فقهة (الجماعة كانوا ضابحين خرفان كمية)التلتة برضو كدا قام نادي العريس وقال ليهو اسمع يا خوي انتو ضابحين زرافة ولا شنو؟؟
11-09-2009, 11:18 PM
Kostawi Kostawi
تاريخ التسجيل: 02-04-2002
مجموع المشاركات: 39980
مره عوض دكام كان واقف في محطه البنزين ومعهو زوجتو في العربيه الكل كان يعاين ومزهول بالجمال واللون الابيض اللامع دا عوض دكام نزل من عربيتو وقال ليهم ياانتو ماشفتو ليكم سندوتش جبنة بالزيتون قبل كدا!!
11-09-2009, 11:27 PM
ناذر محمد الخليفة ناذر محمد الخليفة
تاريخ التسجيل: 01-28-2005
مجموع المشاركات: 29251
إنت قايل البشير دا بابو فاتح علي بابنا ولا شنو ؟!!
أخوك ليهو الله وعيشة السوق .. بقوم دغش بكابس السوق وبرجع مع فرة الوطاويط ،، باخد نومتي وبجي بترزع قدام الكمبيوتر دا ..!!
عندي أولاد بربي فيهم يا كوستاوي ولو قعدت إتجغمس جاي ولا جاي بجي أخر اليوم بلاقيهم ميتين عطاشى وناشفين على ضفاف النيل الما بيبعد ميتين متر عن محل سكني دا ..!!
صنفرة :
إنت عندك مشكلة مع أبو داوود وعوض دكام ديل ولا شنو ؟!!
11-09-2009, 11:28 PM
ناذر محمد الخليفة ناذر محمد الخليفة
تاريخ التسجيل: 01-28-2005
مجموع المشاركات: 29251
قال ليك ابو داود كان بغنى فى عرس والحفلة اشتغلت لحدى الصباح، ولغاية الوقت ده العروس والعريس ما جو، ولا شاف ليهو عروس ولا عريس لحدى ما الحفلة انتهت، بعد ما الحفلة انتهت قام قال للجماعة فى الميكرفون
انتى يا اخوانا عرسكم ده خبر ولا شنو ?
11-09-2009, 11:31 PM
ناذر محمد الخليفة ناذر محمد الخليفة
تاريخ التسجيل: 01-28-2005
مجموع المشاركات: 29251
ابوداود كان فى رحلة مره فى بورتسودان، بعدين الجماعة طبعا ضابحين ومهيصين وبعد الضبيحة قاموا جابو المرارة والشيه وبدو ياكلو، بعدين من ضمن الأكل كانوا عاملين ليهم خروف كامل معلق فى شواية والنار مولعه تحته والدخان ضارب
قالو ليهو تعال يا عبد العزيز شوف المراره دى
قال لا ما عايز، انا مستنى الكمينة ديك تطلع!
11-09-2009, 11:32 PM
ناذر محمد الخليفة ناذر محمد الخليفة
تاريخ التسجيل: 01-28-2005
مجموع المشاركات: 29251
في عيادته في بحري وهو يعالج احد المرضى ..وعنده تلفزيون في داخل العيادة وبدأت مباراة هلال مريخ ..ومعروف عنه انه لازم يحضرها في الاستاد ...خرج الى الصالة ووجد مجموعة كبيرة من المراجعين والمرضى ...واتلفت الى التلفزيون ورأى ان المباراة ستبدأ ...فالتفت الى المرضى قائلا
انتو عاوزين الجد ولا ابن عمو؟ انا من ما فتحت العيادة دي ما شفت واحد كتلو ضرس امشو وتعالو بكره وما في زول بيكتلو ضرس !!
11-09-2009, 11:34 PM
ناذر محمد الخليفة ناذر محمد الخليفة
تاريخ التسجيل: 01-28-2005
مجموع المشاركات: 29251
عوض دكام في مرة سايق العربية بتاعتو وقف في اشارة اتلفت يمينو لقى حامد بريمة حارس المريخ السابق سايق لفت باك حمراء جديدة ضرب ليهو العربية بيده وقال ليهو :
ياعب لو ما كورتك دي والطب بتاعي ده
كان مكاوينا تتطاقش !!
11-09-2009, 11:36 PM
ناذر محمد الخليفة ناذر محمد الخليفة
تاريخ التسجيل: 01-28-2005
مجموع المشاركات: 29251
بمناسبة حامد بريمه قالوا الزعيم فيلب عباس غبوش كان عندوا ندوه فى العشش
قام قال للجماعه ... اولاد ارب ديل هقارين شديد كل شئ يشيلوه هم ويدونا شئ تعبان حتى فى كوره دى مصطفى النقر يودو لى قدام وحامد بريمه يخلوه اخر واهد فى الفريق
شوف ليك هقاره !
11-09-2009, 11:37 PM
ناذر محمد الخليفة ناذر محمد الخليفة
تاريخ التسجيل: 01-28-2005
مجموع المشاركات: 29251
ومن الطرائف التى يحكيها عبد العزيز محمد داؤود عن زوجته الفاضلة فوزية محمد حسين انها ابان الفترة الاولى من زواجهما.. ظلت تسال عبد العزيز كحال اى عروسة جديده تود ان تعبر عن حرصها على زوجها.. تساله:عبد العزيز ماشى وين ؟؟ يقول: الاذاعة… هى: وحتجى متين انشاء الله ؟؟؟ هو :بعد ساعتين.. و فى وقت اخر:عبد العزيز ماشى وين؟.. هو عندنا حفلة عرس فى امدرمان... هى :وبتجى متين انشاء الله ؟؟؟ هو: بعد اربعة ساعات ..وهكذا من يوم لاخر..وفجاة بادرها يوما...تعالى انتى يا فوزية انا مؤجر منك عجلة!!!!!؟؟؟
11-09-2009, 11:38 PM
ناذر محمد الخليفة ناذر محمد الخليفة
تاريخ التسجيل: 01-28-2005
مجموع المشاركات: 29251
كان فى فنان اعمى وعامل عملية بواسير قام ابوداود مشى ليه زيارة فى المستشفى وبعد السلامات والتهانى بالسلامة قعد يتونس مع باقى الناس الجايين للزيارة قام فجاة كده ابو داوود سكت مسافة طويلة وباقى الناس بقوا يتونسوا قام الراجل العيان سمع صوت الناس بس وقايل ابوداوود مشى ولا طلع من الاوضة قام قال ليهم انتوا العب ده مشى ولا شنو ابو داوود رد ليه انت علشان حركاتك دى الله قاطع منك موية ونور .
11-09-2009, 11:38 PM
ناذر محمد الخليفة ناذر محمد الخليفة
تاريخ التسجيل: 01-28-2005
مجموع المشاركات: 29251
في لقاء في التلفزيون مع ابو داؤود و فى فقره الاسئله الخفيفة سأل مقدم البرنامج الفنان عبد العزيز داؤود عن اسامي بعض المشاهير يعني لو ما كانو وصلو لي الوصلو ليهوالان كان حيطلعوا شنو . قام المقدم سالوا عن محمد الامين , ابو داود قال ليهو شايل كورتو و قاعد جنب الجامع الكبير *********************
11-09-2009, 11:39 PM
ناذر محمد الخليفة ناذر محمد الخليفة
تاريخ التسجيل: 01-28-2005
مجموع المشاركات: 29251
أبو داؤود كان سايق عربيتو أشرت ليهو واحدة متحنكشة دايرة تملح وقف ليها وقام شغل شريط خاص بيهو أغنية نعيم الدنيا وهي طبعاً ما عارفة انها راكبة مع أبو داؤود في نص الأغنية سألها بتعرفي الفنان دا قالت ليهو فنان شنو دا حمار قال ليها قلت شنو قالت ليهو قلت ليك دا ما فنان دا عبارة عن حمار ياي ... أبو داؤود وقف العربية ونزل مشى على الباب الراكبة جنبو فتحو وقل ليها تنزلي والا أرفسك !!
11-10-2009, 00:16 AM
ناذر محمد الخليفة ناذر محمد الخليفة
تاريخ التسجيل: 01-28-2005
مجموع المشاركات: 29251
Quote: قالو ابو داؤود مشى بيت فرح على اساس احياء حفل ، لاكنه وجد الفنان القدير المرحوم / خضر بشير واقف على المسرح ويغنى ومعروف المطرب خضر بشير انه ينفعل مع الغناء عندما وصل ابو داؤود ووجد هذا المنظر سحب ليهو كرسى وقعد يتفرج وهو زعلان جدا ، وكان امامه طفل واقف يشاهد فى المطرب خضر بشير قام ابو داؤود قاليهو ابعد كدة ولا كدة يا ولد ، اوعى تطير فيك شلوفة ولا اصبع يفلقك
11-10-2009, 05:16 AM
ازهرى بدوى ازهرى بدوى
تاريخ التسجيل: 10-08-2009
مجموع المشاركات: 141
والله ياناذر ضحكتنا تضحك الدنيا لك .. مره أبو داؤود والفنان البعيو عندهم حفلة فى أبوهشيم ، وعندالمغارب طلعوا يتمشوا وهم ماسكين بعض فشافهم شافع من الرباطاب من بعيد ، وبعد فتره الجماعة بسألو وين أبوداؤود قام الشافع قال ليهم والله شفتو شايل ليهو ابريق ومشا هناك .
مره أبوداؤود فى زياره لحموده (حلاق الجامعة ) ، جات امرأة كبيرة دخلت وبتسأل فقام حمودة سلًم عليها سلام شديد كانه يعرفها ، أبوداؤود سألو أنت بتعرف المره دى ؟؟ قال ليهو أيوه دي ما حرم الجامعة .
ألا رحمهم الله رحمة واسعة فقد أضحكونا حتى الممات
11-10-2009, 05:36 AM
Mohamad Shamseldin Mohamad Shamseldin
تاريخ التسجيل: 02-17-2006
مجموع المشاركات: 3074
ابوداود مشي يشتري خروف...عجبو خروف (كموش) كل ما يجي يقبضو .. الخروف يجري .. قال ليهم الخروف .. عرف انو انا ماكل عمو لا خالو قبل كده.... ...... ...مره في السوق..جاء شافع من الشماسه جاري جنب ابوداود... ابوداود قال ده وقع مني و لا شنو ... و الكمونية اخت العذاري
11-10-2009, 06:01 AM
Hisham Ibrahim Hisham Ibrahim
تاريخ التسجيل: 02-19-2006
مجموع المشاركات: 3540
Quote: والله ياناذر ضحكتنا تضحك الدنيا لك .. مره أبو داؤود والفنان البعيو عندهم حفلة فى أبوهشيم ، وعندالمغارب طلعوا يتمشوا وهم ماسكين بعض فشافهم شافع من الرباطاب من بعيد ، وبعد فتره الجماعة بسألو وين أبوداؤود قام الشافع قال ليهم والله شفتو شايل ليهو ابريق ومشا هناك .
دي قوية والله
11-10-2009, 06:26 AM
ناذر محمد الخليفة ناذر محمد الخليفة
تاريخ التسجيل: 01-28-2005
مجموع المشاركات: 29251
Quote: ابوداود مشي يشتري خروف...عجبو خروف (كموش) كل ما يجي يقبضو .. الخروف يجري .. قال ليهم الخروف .. عرف انو انا ماكل عمو لا خالو قبل كده.... ...... ...مره في السوق..جاء شافع من الشماسه جاري جنب ابوداود... ابوداود قال ده وقع مني و لا شنو
قوية
11-10-2009, 06:27 AM
ناذر محمد الخليفة ناذر محمد الخليفة
تاريخ التسجيل: 01-28-2005
مجموع المشاركات: 29251
أبوداؤود ومعاهو الكوميدى السمميح ماشين مبسوطين ويغنوا فى شارع النيل ودا كان زمن مايو ، فقاموا ناس الامن قبضوهم وجابوهم للقاضى ، يامولانا ديل قبضناهم بنبزوا فى مايو ، فزعل السميح وقال والله نحن كنا بنغنى ، فالقاضى سألو كنت بتغنوا فى شنو سمعونى ؟ فغنوا مع بعض ( جيتنا وفيك ملامحنا ) القاضى قال وطيب !! دا مانبذ عديــــــل كدا أجلدوهم يلا .
ومن الطرائف التى يحكيها عبد العزيز محمد داؤود عن زوجته الفاضلة فوزية محمد حسين انها ابان الفترة الاولى من زواجهما.. ظلت تسال عبد العزيز كحال اى عروسة جديده تود ان تعبر عن حرصها على زوجها.. تساله:عبد العزيز ماشى وين ؟؟ يقول: الاذاعة… هى: وحتجى متين انشاء الله ؟؟؟ هو :بعد ساعتين.. و فى وقت اخر:عبد العزيز ماشى وين؟.. هو عندنا حفلة عرس فى امدرمان... هى :وبتجى متين انشاء الله ؟؟؟ هو: بعد اربعة ساعات ..وهكذا من يوم لاخر..وفجاة بادرها يوما...تعالى انتى يا فوزية انا مؤجر منك عجلة!!!!!؟؟؟
شكر ا ياناذر ياظريف علي البوست الجميل ... فرصة لكي نرفع أكف الضراعة الي الله تعالي بان يتغمد الفقيدين الجميلين بواسع رحمته بقدر ما أضحكانا وزرعا البهجة في نفوسنا
----- حكي المرحوم ابو داؤد مرة النكتة دي عن نفسه... في أواسط السبعيات تقريبا كانوا الفدائيين الفلسطينيين إحتلوا السفارة السعودية في الخرطوم وإحتجزوا مجموعة دبلوماسيين كرهائن.. عشان يفكوا ليهم الفدائي أبو داؤد أحد قيادات الفلسطينيين وقتها.. والذي كان معتقلا في الأردن بعد أحداث أيلول الأسود... فقال جي واحد مسطول ماشي جنب السفارة لقي الجيش محاصرا وزحمة ناس بتتفرج فقام سأل عن الحاصل قالوا ليه ديل الفدائيين محتجزين رهائن وما حيفكوهم إلا يدوهم أبو داؤد... قام المسطول قال ليهم .. طيب مالو مايدوهم أبو داؤد والكابلي كمان معاهو بدل الجوطة دي
11-10-2009, 08:41 AM
walid taha walid taha
تاريخ التسجيل: 01-28-2004
مجموع المشاركات: 4244
يحكى ان د. عوض دكام - وكان راجل نضيف وبحب النضافة- كان مشاى مشوار مهم وكان قاشر فل سوت قامت صبت مطرة ساعتين واول ما المطرة وقفت طلع الشارع وعربيتو كانت بعيدة شوية من الباب والراجل خايف على جزمتو من الطين قام فجأة شاف ليهم اتنين خايجين الموية وماشين فى الشارع قام ناداهم (هوى يا شباب دقيقة) قالو ليهو أيوه قال ليهم انتو جايين من وين ؟ قالو ليهو والله نحن شغالين طُلب قريب من هنا قال ليهم طيب ياخى انا بس عايزكم تشيلونى من هنا وتركبونى العربية ديك وبدى كل واحد فيكم عشرة ألف قالو ليهو جدا، المهم شالوه وختوهو فى العربية قال ليهم: قلتو لى شغالين طُلب بهنا ، وبتاخدو كم فى اليوم ؟ قالو ليهو 15000 فى اليوم قال ليهم طيب أنا حأدى كل واحد فيكم عشرين بس لو شكشكت تجو جارين. :)
ناذر قريت مرة في واحدة من الصحف عن أبوداود : قالوا أبو داود كان مشارك في حفل رسمي أيام النميري ، ومعاه عدد من الفنانين ، قام أبو داود قال لأحمد المصطفى كنقيب للفنانين ، يا أخي ما تكلم لينا الرئيس ده يطلّع لينا وردي من السجن . قام أحمد المصطفى قاليهو : أمشي انت اقعد جنبو وشوية شوية كلمو .. قام أبوداود جا قريب من النميري ، والنميري طلب منه أن يجلس علي الكرسي الجنبو وطلب منه أن يحكي له نكتة ، فحكا أبوداود وضحك النميري ، وحكى له أكثر من نكتة وأضحكه . فقال أبو داوود للنميري : ياريس ما تشوف لينا موضوع وردي ده . قام النميري رد بانفعال : وردي مالو؟ فقال أبوداوود : ما تعدموه تريحونا منّو يا ريس . فضحك النميري ، وأمر بإطلاق سراح وردي ...
11-10-2009, 09:59 AM
محمد أبشر محمد أبشر
تاريخ التسجيل: 10-15-2009
مجموع المشاركات: 113
ابو داؤد كان فى حفلة مع الفنان احمد المصطفى وكان جعفر نميرى حضوراً للحفلة وحينها كان الفرعون محمد وردى قيد الاعتقال نظر ابو داؤد الى نميرى وهو فى غاية الطرب فتذكر محمد وردى وقال يغتنم الفرصة ويطالب بإطلاق سراح وردى مع فورة الطرب التى كانت تتملك نميرى حينها ،،، فاقترب منه وقال لنميري يا ريس محمد وردى ؟؟ فجاءة تغيرت ملامح نميرى وسأل ابو داؤد فى حرقة مالووووو وردى !!! ابو داؤد قاليهو أعدمو يا ريس !!!! بوست جميل بجمال ابو عزة ودهشة دكام لهما الرحمة والمغفرة هؤلائى الرائعيين
يحكى يا ازرق ان ابو داؤود طيب الله ثراه مشى الابيض عروس الرمال اها عمل حفلة هناك وسالوهو عن مدينة الابيض قال ليهو والله جميلة بس شارع الزلط معمول بالقلبة ( نسبة للطبقات الرملية التي تغطي الشارع )
ويحكى ان ابو داؤود ذهب لحفلة بها جميع الفنانين اها في فترة عشاء الفنانين مشى الحمام ولاقى ليهو فنان مزنوق قال لي ابو داؤود خلينا نخش قدامك اها صاحبك دخل الحمام وعلى حظو السئ الموية كانت قاطعة
أبو داؤد، والكاشف، والفلاتية. عليهم رحمة الله. حكى أبو داؤد لأبو العزائم الله يرحمو، إنهم ذهبوا لإحيا حفلة في نيجيريا. قام قال كتبوا ليهم أغنية نيجيرية بالحروف العربية وغنوها مع بعض، والنيجيرين إتبسطو شديد جداً. قام أبوالعزائم سأل أبو داؤد: الأغنية كلماتها كانت بتتحدث عن شنو؟ أبو داؤد قال ليهو: أظن عن الحصاد. أبو العزائم قال ليهو: يعني إنتو كُنتو عارفين معنى كلماتها؟. أبو داؤد قال ليهو: غايتو أنا والكاشف ما عارفين، لكن عاشة الفلاتية بتكون كانت عارفة...
11-10-2009, 12:04 PM
Magdi Ahmed Elsheikh Magdi Ahmed Elsheikh
تاريخ التسجيل: 03-11-2008
مجموع المشاركات: 7720
أبوداؤود مسافر قطر - قابله صاحبه في المطار- قال ليه والله صدفة عجيبة- الحاجة ماشا تولد بتها ولا يهمك ساعدها لداخل الطائرةوأبو النسب بيستقبلك في المطار- دخل معاها والشنط ثقيلة هدت حيله وفي التفتيش طلعت مليئة حطب شي"شاف" وشي ما "شاف" وطلح وصندل وغيرها...وزهج من الحاجة والتعتيل ... وصل المطار خرج المصيبة أبو النسب تأخر عليه ... أصحاب أبو داؤود جو يأخذوه ... سلموا عليه ... وواحد عاين كده لقى الحاجة بجواره ...قال ليه: ده شنو يا أبو داؤود ... رد عليه ... دي .. دي ... دي ما حمالة الحطب !
11-10-2009, 12:39 PM
ناذر محمد الخليفة ناذر محمد الخليفة
تاريخ التسجيل: 01-28-2005
مجموع المشاركات: 29251
ابو داؤؤد شغال عن واحد مديح تقيل والزول متلحهو زلابية وشاي سادة الليل كلو . المهم في الاخر قام طلب منو مدحة اسد الله البضرع ..وطبعا هو زعلان شديد منو . قام رد عليهو يا زول انت ماك نصيح ولا شنو كمان الليلة اسد الله يضرع ليهو فوق زلابية ّ! ....
11-10-2009, 12:40 PM
ناذر محمد الخليفة ناذر محمد الخليفة
تاريخ التسجيل: 01-28-2005
مجموع المشاركات: 29251
قالوا يوم كدة جاء واحد صاحب المرحوم أبوداؤؤد لي أبو داؤود في البيت .. قال ليهو في فنان شاب بيقلدك في الحفلات والليلة هو عندو حفلة وأنا دايرك تمشي معاي وتديني رايك في الولد دا ..
أبو داؤود وافق ومشى لي بيت الحفلة وقعد ورا عشان ما في زول يعرفو وفي الوكت داك كان الفنان بيغني كيف الحياة غير ليمك لكن بالطريقة دي ..
كيف الحياة غير نيمك أبو دا ؤود قدر مايرخي أضانو يسمع الولد بغني غير نيمك (ما ليمك) ..!! لمن الفاصل إنتهى أبو داؤؤد حاول يتأكد نادا الولد وسألوا الغنية بتقول شنو ؟؟!!
الولد أصر قال ليهو كيف الحياة غير نيمك .. أبو داؤود زعل وقام تمى البيت للولد : ومن بعدك أصبح حظي زي لون برسيمك
11-10-2009, 01:38 PM
ناظم ابراهيم ناظم ابراهيم
تاريخ التسجيل: 04-18-2008
مجموع المشاركات: 3734
الله يديك العافية ... بوست رائع وجميل ... وفعلا يفك الهم... وهو اجمل ما تابعت فى هذا المنبر خلال الفترة الماضية... لدكتور عوض دكام مواقف كومدية مع خالنا عبد الرحمن والسيدة الوالدة فقد كان صديقاعزيزا عليهم... رحمه لله رحمة اسعة وطيب ثراه بقدر ما كان فيه من روح طيبة ودعابة لا تفارقه . واريحيته التى لا حدود لها....
مشكور اخى ناذر ان فرضت علينا الابتسامة فى هذا الجو المفعم بالسياسة الغزرة كما يصفها من يتاعطونها... ولك فائق الود ،،،
11-10-2009, 06:08 PM
جمال السنوسي جمال السنوسي
تاريخ التسجيل: 09-14-2002
مجموع المشاركات: 6372
ابوداود استلف قرض من البنك وبعدي شوية خش في تلتلة مع ناس البنك لقاية ما باع بعض حاجاته للسداد قال: استلفت قرض من البنك عشان ابقي زي عزيز كافوري بقيت عزيز قوم ذل
حكى مرة مجذوب أُنسى في احد البرامج انه كان مسافراً بالقطار مع أبو داؤود وفي احد المحطات قال لابو داؤود انت مانازل نتمشى شوية ؟؟ أبو داؤود قال ليو والله أنا خايف أنزل تقوم شعبيتي تنزل .. تحياتي,,,
11-10-2009, 04:55 PM
خالد كدودي خالد كدودي
تاريخ التسجيل: 10-15-2009
مجموع المشاركات: 284
متعو يا ناذر متعة والله يرحمهما الاثنين فقد كانو ظرفاء ومبدعين لايشق لهم غبار.. مرة ابوداود ماشي في السوق العربي .. المرة اتخلعت لمن شافتو وقال لصحبتها سجمي ده مش ابو داوود..؟؟؟ قام ابوداوود سريع قال ليهم لا ده عشة الفلاتية
11-10-2009, 06:15 PM
الشامي الحبر عبدالوهاب الشامي الحبر عبدالوهاب
تاريخ التسجيل: 09-24-2008
مجموع المشاركات: 17541
ابوداود كان مدعو لاجتماع فني قال الاجتماع وين قالو ليهو في بيت محمد نجيب(محمد نجيب محمد علي الشاعر العروف ) قال ليهم محمد نجيب دا زول مفلس وما بغدينا كويس احسن الاجتماع اكون عند فلان(زول ميسور الحال) المهم الاجتماع انعقد في بيت محمد نجيب وفوجئ ابوداود بان الغداء في قمة الروعة والجداد ما ادي الدرب ولمن قعدو للغداء دورت شكلة في الشارع جوار المنزل والصوت ارتفع الجماعة الفي الغداء قالو الحاصل شنو ابوداود قال ليهم: ديل اهل الجداد جو
الرحمة والمغفرة لابو داود والتحية لزميل الدراسة الشاعر المرهف الاحساس والوطني الغيور محمد نجيب محمد علي
هذا الثنائى هو فلته زمانه ناس جميلى الروح واللسان رحمهما الله رحمة واسعة وزادهم بالحسنات احسانا وبالسيئات عفوا وغفرانا يستحقوا ان توثق طرائفهم فى شكل كتيب لانهم ارتبطو فى اذهان كل اهل السودان بروح الفكاهة والمرح ابو داوود لما يطلع المسرح اول شى الناس بطالبوهو يقول نكته قبل ما يغنى وعوض دكام اى زول يشوفوا بكون منتظر يديهم واحدة من قفشاتو وهذا ابسط ما يمكن لتخليد اسماءهم شكرا ناذر على احياء ذكراهم العطرة وياريت لو يجد اقتراحى النور
11-10-2009, 07:18 PM
النذير حجازي النذير حجازي
تاريخ التسجيل: 05-10-2006
مجموع المشاركات: 7170
قالوا أبو داؤود والبلابل مشوا مصر يشاركوا فى حفلة المهم، بعد الحفلة مشوا الفندق، وما لقوا فيهو إلا غرفة واحدة فاضية وفيها سريرين صُغار. أها البلابل التلاتة رقدوا فى سرير، وعمك أبو داؤود رقد فى سرير، فقام قاليهم: يا بناتي حقو واحدة منكم تجي ترقد معاي عشان ما تتضايقوا وأنا زي عمكم مافيها حاجة قاموا قالوا ليهو: لا شكراً يا عمو نحن كدا مرتاحين قام أصر تاني إنو لازم واحدة تجي ترقد معاهو عشان الضيق ما كويس أها لمن لقوهو مُصر على كدا حاولوا يمشوهو وقالوا ليهو: خلاص يا عمو لو حسينا إنو فى واحدة متضايقة ح نخليها ترقد معاك قام سكت كدا، وعرفهم عايزين يمشوهو، قام قاليهم: خلاص ما مشكلة، إنا برضو لو حسيت إني متضايق ح أجيء أرقد معاكم
11-10-2009, 07:44 PM
الشامي الحبر عبدالوهاب الشامي الحبر عبدالوهاب
تاريخ التسجيل: 09-24-2008
مجموع المشاركات: 17541
عوض دكام مرة جوهو ناس الزكاة في مكتبو قل ليهم اها ان شا الله خير قالو والله نحن العاملين علي جمع الزكاة ودايرين نحصل ما عليك من زكاة قال ليهم كدي اقروا كتب الفقه العندكم شوفو العب عليهو زكاة
11-10-2009, 07:47 PM
النذير حجازي النذير حجازي
تاريخ التسجيل: 05-10-2006
مجموع المشاركات: 7170
الدكتور عوض دكام بحكي وقال: ناس الحكومة طلبوا من كل الدكاترة يعملوا دفاع شعبي المهم قاموا ودوهم معسكر جبل أولياء وطلبوا منهم يجكوا داخل الحلة، قام هو ومعاهو بروفيسر زاغوا فى نص الجكة ودخلوا الحلة وهم لابسين الميري بتاع الدمورية، وكانوا عطشانيين شديد، فدقوا باب فى الحلة، وطلع ليهم شافع قاموا قالوا ليهو: عليك الله أدينا موية الشافع جاب ليهم الموية وشافهم شينين كدا ولابسين الميري إفتكرهم مساجين، فقام قال لي د. عوض دكام: ياعمو إنتو عملتوا شنو عشان ودوكم السجن؟ قام د. عوض دكام ضحك وقال ليهو: سجن؟! حرام عليك يا ولدي ياخي أنا راجل دكتور، وعمك اللي جمبي دا بروفيسور كبير فى جامعة الخرطوم قام الشافع فكاها فيهم ضحكة قوية وقال ليهو: والله ياعمو إنت بتقنبلا جنس قنبيلة!
11-10-2009, 08:12 PM
محمد أبشر محمد أبشر
تاريخ التسجيل: 10-15-2009
مجموع المشاركات: 113
عوض دكام الله يرحمو جاء الحج وبعدين فى الصفاء والمروة عمل ليهو خمسة اشواط وتعب خالص ونفس وقف من الطواف اتلفت يمين وشمال الناس جارية مافى زول اشتغل بيهو قاليها ما بالغتى يا هاجر ؟؟؟؟ نتمنى من كل بوردابى ان يكتب مالدية دعونا ولو للحظات أن نوثق للإبتسامة ...
11-11-2009, 02:18 AM
Mohamad Shamseldin Mohamad Shamseldin
تاريخ التسجيل: 02-17-2006
مجموع المشاركات: 3074
ابوداود أيام قوانيين سبتمبر... النيل أبوقرون كان طالع في الكفر... نميري اتلفت لوراء فجاءة لمح ابوداود... قال ليهو ..أبوداود !!رد ليهو أبوداود "لا أبوقرون يا ريس" ................................. .ايام الاوسمة بتاعت نميري يوزع فيها شمال... لا قي ابوداود .. نميري : كيفك يا ابوداود... ابوداود : زعلان منك يا ريس نميري : ليه... ابوداود : شغال توزع في الأوسمة يمين و شمال و نسيتنا.. نميري : لكن انت يدوك شنو يا ابوداود... ابوداود : اي حاجة ان شاء الله عب السودان البار
11-11-2009, 03:18 AM
خالد العبيد خالد العبيد
تاريخ التسجيل: 05-07-2003
مجموع المشاركات: 21983
ابو داؤود وخالد ابو الروس اتلاقو في المجلس القومي للآداب والفنون ابو الروس صاحب فلجة واسعة ابوداؤود قال ليه نكتة ابو الروس يضحك ويضحك ابوداؤود قال ليه : عليك الله يا ابو الروس دي فلجة ولا زقاق !
11-11-2009, 03:22 AM
خالد العبيد خالد العبيد
تاريخ التسجيل: 05-07-2003
مجموع المشاركات: 21983
واحد منجض ابو داؤود نجاض اداه قصيدة قال ليه : بالله ادي القصيدة لي حسن عطية كل ما يلاقيه في حفلة يسألوا اديتو القصيدة ؟ اديتو القصيدة يوم ابو داؤد لاقى حسن عطية قال ليه يا بوعلي بالله امسك دي نخنخه لي الزول ده
سلامات يا ناذر بعض النكات هنا مضحكة و بعضها غير جميل اطلاقا.تحمل الذاكرة الافريقية ذكرى كوميديا الوجه الاسود التي كان يقوم بها ممثلين بيض يقدمون الاسود كشخصية نمطية مثيرة للسخرية ثم اقتحم السود انفسهم هذا المجال فيما بعد و سخروا من انفسهم لاضحاك البيض و تسليتهم. انا حقا لا ادري إن كانت هذه القصص التي تروى عن دكام و ابوداؤود قد حدثت بالفعل ام انها اساطير الاولين و لكنها تحتوي على قدر كبير من العنصرية و بعضها يحتوي على نقد مبطن لاحوال المجتمع السوداني الشمالي.
11-11-2009, 05:49 AM
غباشي غباشي
تاريخ التسجيل: 01-19-2007
مجموع المشاركات: 1729
Quote: سلامات يا ناذر بعض النكات هنا مضحكة و بعضها غير جميل اطلاقا.تحمل الذاكرة الافريقية ذكرى كوميديا الوجه الاسود التي كان يقوم بها ممثلين بيض يقدمون الاسود كشخصية نمطية مثيرة للسخرية ثم اقتحم السود انفسهم هذا المجال فيما بعد و سخروا من انفسهم لاضحاك البيض و تسليتهم. انا حقا لا ادري إن كانت هذه القصص التي تروى عن دكام و ابوداؤود قد حدثت بالفعل ام انها اساطير الاولين و لكنها تحتوي على قدر كبير من العنصرية و بعضها يحتوي على نقد مبطن لاحوال المجتمع السوداني الشمالي.
عندما أنزلت هذا البوست راسلني صديق عزيز في الماسنجر عن بعض الألفاظ الواردة في النكات ..
ما اريد قوله أن كل من عاصر هذين النجمين يعلم تماما أنهما درجا على إستخدام تلكم الألفاظ والنعوت على شخصيهما وإن كان دافعهما هو المرح والسعادة فقط .. أنظر مثلا للموقف الذي خدث مع عوض دكام حين جاءه موظفو الزكاة .. هل كانت ستكتمل النكتة أو الطرفة لو كان دكام إستخدم مفردة غير تلك التي إستخدمها ؟!!
أتفق معك على النقد المبطن لأحوال المجتمع السوداني الشمالي ...
تسلم ..
11-11-2009, 07:46 AM
ناذر محمد الخليفة ناذر محمد الخليفة
تاريخ التسجيل: 01-28-2005
مجموع المشاركات: 29251
مما وردني في أمر أبو داوود أنو كان متعوّد كلو عصرية يطلع كرسيهو بره في الرملة الفارشا قدام بيتو في الدناقلة.. يرش بالخرطوش ليك رشة معتبرة ويطلق البخور وبعد شوية بجيبو ليهو القهوة والشاي.. لكن كان في واحد من البسوقوا عربات الصحة متلحو ليك.. بس ما يقعد كدا إلا يجي يوقف عربيتو بي (خراها) وعفنا ويلم ليك في أبو داوود سلام بالأحضان.. وشي لتيخ وسؤال عن ألأحوال والجديد.. وكدي بالله يا أبو داوود كب لي شاي وناولني البسكويت داك يا لذيذ.. يقفلا ليك معاو.. المهم.. الزول فجأة انقطع.. سنه كدا أبو داوود مرتاح منو.. في المدة جاتو رحلة فنية لي أبو ظبي.. أها بعد ما انتهى من حفلاتو قام نزل السوق يهتش للوليدات ويتبضع لي أم العيال.. كان يلق ليك صاحبو الما بغباو.. حق الله بق الله.. وسلام بالأحضان.. فجأة قام زولك سأل أب داوود قاليهو: ما قلت يا أبو داوود الجابك البلد دي شنو؟ قام أبو داوود بي زعل قاليهو: جيت أخرا هنا!
11-11-2009, 07:46 AM
ناذر محمد الخليفة ناذر محمد الخليفة
تاريخ التسجيل: 01-28-2005
مجموع المشاركات: 29251
عوض دكام الله يرحمه متزوج مصرية المهم ولده كان لاعب كورة مع فريق الحلة وغلبوا فريق الحلة الجمبهم وديل من الزعل دايرين يدقوا ولده وجارين وراه وبكوركوا دقو الحلبي ولد الكلب ولده جرا وادسا في البيت قام عوض دكام طلع ليهم وقال ليهم :
حرام عليكم ياخي دا ولدي انا قام واحد فيهم من الفريق المغلوب قال دقوا الحلبي ولد العب.
11-11-2009, 07:47 AM
ناذر محمد الخليفة ناذر محمد الخليفة
تاريخ التسجيل: 01-28-2005
مجموع المشاركات: 29251
ناذر تحية طيبة ... نكتتك بتاعت - الدجاجة "في الليلة ديك" - ذكرتني واحد عايز يحير أبو داؤود - قال ليه - ما هو اليوم المفضل للغنماية .... بكل سرعة بديهة قال ليهو "TUESDAY"
11-11-2009, 08:28 AM
مهند عبدالسلام مهند عبدالسلام
تاريخ التسجيل: 01-24-2009
مجموع المشاركات: 166
المرحوم أبو داؤود.. جاي هو والعازفين من حفلة بالليل وراكبين حافلة وصلوا جنب نفق بري والوقت داك كانت في حالة طوارئ في البلد ونظام حظر تجول ، في الحافلة العازفين بي كمنجاتم وعدتهم كلها فوق في الحافلة وقفم ليك العسكري.. وعرف ليك أبوداؤود.. يا ابوداؤود كيف الحال واخبارك وماعارف ايه.. وابوداوود سلم عليهو .. بعد السلام العسكري سأل أبوداؤود.. قال ليهو .. اها يا أبو داؤود جايين من وين بالليل ده... قام أبو داؤود قبل وعاين للعازفين وقبل عليهو تاني قال ليهو ..... جايين من فاتـحة!!!!
كالعادة طلب من أبوداؤود أن يحكي نكتة قبل بدء الغناء ..
قال ليهم .. في واحد متعود كل آخر شهر عند استلام الماهية ، متعود على تقسيم الماهية على الدائنين مثل صاحب الدكان ، الجزار ، بتاع الخضار ... الخ ، فلا يتبقى منها شئ ليعاود مسيرة الدين للشهر القادم وهكذا دواليك ...
في شهر ما بعينه وزع صاحبنا الماهية على جميع الدائنين ، ولدهشته الشدييييدة تبقى له-على غير العادة-مبلغ 15 جنيها بالتمام و الكمال ..
لم يصدق نفسه وظل يراجع دفتر الدائنين في ذهنه مرات ومرات عديدة وفي كل مرة تتبقى هذه الخمستاشر العجيبة ... ويبدو أنه اطمئن إلى أن هذا المبلغ لا دائن له ، ففرح فرحا عظيما و تووووش الى أقرب بار (طبعا ده كان في زمن الجاهلية !!!))..
قام صاحبنا طلب قزازة بيرة طووووويلة ، لتجلب له بعد لحظات ومعها كباية الشب الفارغة ... أها قام صاحبنا فتح القزازة وبدأ صب البيرة بحرفنة محترفين قطرات تلو قطرات ، لتشكل معها زبدا أبيضا كثيفا يسر الناظرين ...
نظر صاحبنا للزبد المتعالي القوام ، وقام فجأة من كرسيه صارخا :
الليييييلة ... أنا ما نسيت سيد اللبن !!!!!!!!!!!!!!!!!!!!!!!!!!
سلامات ناذر وشكرا على البوست الجميل( رغم مصطلحات العبيد والخدم البقت مدسوسة ) ... ما عارفين نشتغل ولا نضحك
قالوا ابو داؤد له الرحمة عندو جار ملحاح كل ما يسمع ابوداؤد مسافر يجيهو يقول ليهو البلد الفلتكانية الانت ماشيها دى فيها عطور خطيرة بس عليك معاك ريحة .. ولو سمع ماشى السعودية يقول ليهو موية زمزم وطواالى فى الحالة .. مرة سمع ابو داؤد ماشى نيجيريا جاهو قال ليهو عليك بس اخر طلب ... جيب لى معاك جلد نمر على شرط ما يكون مقدود .. ابو داؤد ضحك وقال ليهو النمر انا الا اديهو طلقة فى .......
قالو ابو داؤد سايق عربيتو فى شارع النيل اشرن ليهو تلاتة نسوان وقف وركبن فى نص المشوار ابوداؤد بدأ فى الونسةو قال ليهن معليش ما عرفنا بعض .. الاولى قالت : اسمى دار السلام .. التانية قالت دار النعيم وقبل التالتة ما تقول قال ليها عرفتك.. قالت سجمى عرفتنى كبف قال ليها اكيد دار الرياضة ...
11-11-2009, 10:16 AM
Nazik Eltayeb Nazik Eltayeb
تاريخ التسجيل: 11-27-2007
مجموع المشاركات: 2357
Quote: ان فى فنان اعمى وعامل عملية بواسير قام ابوداود مشى ليه زيارة فى المستشفى وبعد السلامات والتهانى بالسلامة قعد يتونس مع باقى الناس الجايين للزيارة قام فجاة كده ابو داوود سكت مسافة طويلة وباقى الناس بقوا يتونسوا قام الراجل العيان سمع صوت الناس بس وقايل ابوداوود مشى ولا طلع من الاوضة قام قال ليهم انتوا العب ده مشى ولا شنو ابو داوود رد ليه انت علشان حركاتك دى الله قاطع منك موية ونور
يا ناذر سمعتها انو عما وجاو حبس بول ما بواسير
11-11-2009, 01:39 PM
Bushra Elfadil Bushra Elfadil
تاريخ التسجيل: 06-05-2002
مجموع المشاركات: 5252
هذا البوست ينضح بالعنصرية وبعض النكات هنا فياه عنصرية بغيضة لا تضحك إلا من لم يتخلص من النزعة العنصرية بعد وهي نكات أعتقد أنها أضيفت إلى رصيد النكات التي اشتهر بها كل من الفنان أبي داود ود. عوض دكام إذ لا يعقل أن يكون هذان الشخصان الرائعان بمثل هذا الشعور بالدونية.عاصرت اصدقاء لابي داود مثل الراحل البروفيسور على المك ولم يسرد لنا قط نكتة من نكات أبي داود يرد فيها مثل هذا الحس العنصري المدسوس.من السهل إضافة نكات للظرفاء ، انظر حكايات أشعب العربي وودنفاش الأم درماني. لابد من غربلة نكات أبي داود الحقيقية ونكات عوض دكام وإبعاد سوء الطوية العنصري هذا عنها حتى لو صدر الامر منهما حقاً وذلك تخليداً لذكراهما العطرة..
11-11-2009, 01:57 PM
الشامي الحبر عبدالوهاب الشامي الحبر عبدالوهاب
تاريخ التسجيل: 09-24-2008
مجموع المشاركات: 17541
Quote: إذ لا يعقل أن يكون هذان الشخصان الرائعان بمثل هذا الشعور بالدونية
لا اعتقد انهما كانا يشعران بالدونية ولا اظن ان المجتمع عاملهما بهذا الشعور ولكن هناك واقع اجتماعي مؤلم في السودان هذان الشخصان الفريدان حملا علي عاتقيهما مسئولية هذا التغيير من القمة وليس من القاع فليس هناك مطرب يتمتع بحنجرة ابو داود وليس هناك طبيب اسنان يستطيع ان يبذ عوض دكام ولكن لكل شيخ طريقة فاختارا هذه الطريقة للايحاء بان القمة لا يقيدها لون او جنس وقد نجحا في احداث تغيير كبير يجب ان يتواصل وكسبا الاحترام من كافة اطياف المجتمع
11-11-2009, 02:21 PM
الفاتح الصادق حامد الفاتح الصادق حامد
تاريخ التسجيل: 05-06-2009
مجموع المشاركات: 341
ابو داؤود مشى صنعاء وسألوه بعدما رجع ... يا ابو داؤود بيوت صنعاء كيف ؟ قال ليهم ضيقة شديد لو نايم فى السرير وعاوز تتقلب على الصفحة التانية الا تطلع برة وتجى .
ناس البيت ولدهم عريس واتغالطو فى الفنان .. البنات عايزات فنانين محددين والاولاد والام .. فى النهاية زهج مشى جاب ليهم ابو داؤود .. امو جاتو قالت ليو اها يا ولدى جبت لينا منو .. قام اشّر ليها على الفنان وقال ليها جبت ليكم الزول داك .. امو التفتت كدة وشافتو قاعد قالت سجمييي ابو داؤووود !! .. فى اللحظة دى سمعها والتفت عليها وقال ( معليش يا حاجة دى قسمتكم )
11-11-2009, 02:27 PM
جمال الباقر جمال الباقر
تاريخ التسجيل: 12-14-2008
مجموع المشاركات: 2237
Quote: هذا البوست ينضح بالعنصرية وبعض النكات هنا فياه عنصرية بغيضة لا تضحك إلا من لم يتخلص من النزعة العنصرية بعد وهي نكات أعتقد أنها أضيفت إلى رصيد النكات التي اشتهر بها كل من الفنان أبي داود ود. عوض دكام
اتفق معك تماما استاذ بشرى الفاضل хорошо сказано ارجو ان تنبه اخ نادر انت والمتداخلين لهذا الشييء
Quote: قالوا أبو داؤود والبلابل مشوا مصر يشاركوا فى حفلة المهم، بعد الحفلة مشوا الفندق، وما لقوا فيهو إلا غرفة واحدة فاضية وفيها سريرين صُغار. أها البلابل التلاتة رقدوا فى سرير، وعمك أبو داؤود رقد فى سرير، فقام قاليهم: يا بناتي حقو واحدة منكم تجي ترقد معاي عشان ما تتضايقوا وأنا زي عمكم مافيها حاجة قاموا قالوا ليهو: لا شكراً يا عمو نحن كدا مرتاحين قام أصر تاني إنو لازم واحدة تجي ترقد معاهو عشان الضيق ما كويس أها لمن لقوهو مُصر على كدا حاولوا يمشوهو وقالوا ليهو: خلاص يا عمو لو حسينا إنو فى واحدة متضايقة ح نخليها ترقد معاك قام سكت كدا، وعرفهم عايزين يمشوهو، قام قاليهم: خلاص ما مشكلة، إنا برضو لو حسيت إني متضايق ح أجيء أرقد معاكم
طبعا يستحيل ان يكون ابوداؤود رحمة الله عليه هو القائل فقد سمعنا هذه النكتة زمااااان برواية اخرى
الدكتور الفاضل بشرى الفاضل والدكتور جمال الباقر تحية طيبة،
الدكتور عوض دكام، قد سمعته بنفسي فى تلفزيون السودان يحكي هذه النكات، وأحفظ له الكثير منها، وقد اخترت منها ماهو غير عنصري، ولكن يا د. بشرى يقوم يجيك واحد زي د. جمال دا، ويقول ليك دي برضو مستحيل يكون قالها أبو داؤود! أها نطير يعني وللا شنو؟!
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
ناذر محمد الخليفة
Kostawi
elnawrani margan
سيف اليزل برعي البدوي
ازهرى بدوى
Mohamad Shamseldin
Hisham Ibrahim
نيازي مصطفى
walid taha
ودقاسم
محمد أبشر
ALZOLZATOO
معاوية المدير
Magdi Ahmed Elsheikh
ناظم ابراهيم
جمال السنوسي
عبدالوهاب علي الحاج
الشامي الحبر عبدالوهاب
omar altom
علاء الدين محمد بابكر
عبدالكريم الامين احمد
ismeil abbas
الفاتح الجنيد
النذير حجازي
خالد العبيد
غباشي
مهند عبدالسلام
Nazik Eltayeb
Bushra Elfadil
الفاتح الصادق حامد
جمال الباقر
فيس بوك
تويتر
انستقرام
يوتيوب
بنتيريست